Efesios 5
5
Dios iluz
1Watca oy as̈am Dios iguiwat ni'c mijchat Dios is̈wajyat, mit je' is̈wangap. 2Siempre niwángʉjʉ as̈am Cristu nas̈wangau mit iyac ivida pa i-o'cwa'n pa nama̱jlat, mit i-acji'jcau Dios ijo̱jt.
3Nepʉn maganʉm ni'c michajyo'ygap, maganʉm ni'c inwatcap mal ne maganʉm ni'c inwangap jayje', po mijchat oy pi yo'yga as̈am Dios ijayajwat. 4Camtʉ'tscotscayu, camnʉmga tonteríajat, cam-i̱jcotsca mit ma̱jlat, ni'c ayé cosajat caservia̱tp. Más oy nanʉmí̱jcaja Dios ni'ctiyu̱s̈. 5Injawigap ni'c itp chajyo'ypajyat, malwatpajyat, mit jeme iwangapay jayje'. Jeme iwangapay jayje' ayé as̈am tiyu̱s̈wampajyat ni'c iyajcap menus Dios. Jayajwat as̈am aye'jatway igapʉctsougáj neti mam imanda̱tca Dios mit Cristu. 6Pi is̈cawe̱jta̱jcac nepʉn mit nejʉmay we̱t, ni'c Dios icastiga̱tcʉs̈áj jeme cajayaumaygapay ni'c iwatcap ayé mal cosajat. 7Mijchat cammutʉgʉyga ayé maljayajwat.
8Ambanu miyo'ygau mal, mit ayé mal as̈am tu'c chitimic, po jinap inmutʉgʉygau el Señor mit je' is̈moygap luz pa inyo'ygawa'n yacs̈ic, yo'yga as̈am jeme iwangapay ayé luz iyacpay Dios. 9Ni'c Espíritu Santu nas̈actuwatcap nu'pʉjʉn cosa oyway, mit nas̈acyo'ygap yacs̈ic mit nas̈actunʉmgap lo que iyacs̈ta'cway. 10Mit oy pi jawiga ti ayé iwampay el Señor. 11Mit cammunipʉjcʉjʉ jeme yo'ygapay mal ni'c caservia̱tp lo que iwatcapay, mejor actujáwiga ni'c iwatcap mal. 12Ni'c tu'c winchu̱jc nas̈nʉmwa'n lo que je'jat iwatcapay anu'mu. 13Te na-actujawigap ayé mal iwatcapay, cuque's̈áj lo que iwatcapay anu'mu, ni'c mam i-it luz, que's̈p nu'pʉjʉn cosajat itpay. 14Jemni'c iguinʉm ayé dichu:
Nigujútujcʉ te mima̱p,
jutucta'c te mitsʉ̱nap as̈am o'guic,
mit Cristu is̈mo'áj luz.
15E'pca nat inyo'yga. Camyo'yga as̈am jayajwat iga-is̈capcapay neti, po yo'yga as̈am jeme i-is̈capcapay. 16Aprovechá̱tca cada s̈ʉjw pa is̈watcawa'n oy, ni'c jinapay s̈ʉjwat malo'c imi'n. 17Jemni'c camyo'yga as̈am igajawigapay neti, más oy pi jawiga ti ayé iwampay el Señor. 18Cam-u̱ctupʉjca ni'c oyap is̈watca nu'pʉjʉn mal, más oy Espíritu Santu ma tsʉ̱na mʉgʉc injo̱tni'jcat. 19Cuandu intsʉ̱ngawa'n apʉcmuguic, cótsca salmujat, ʉ́uga himnujat mit ʉ́uga jeme Espíritu Santu is̈moygámpay injo̱tni'jcat. Ʉugaja mit oyninʉ́mga el Señor mit nu'pʉjʉn injo̱jtat. 20Nʉmí̱jcaja Dios Nate̱jat ni'ctiyu̱s̈ pa nu'pʉjʉn cosajat ni'c incupʉjcap el Señor Jesucristu.
Nijayaumáygʉjʉ
21Nijayaumáygʉjʉ minu'pʉjʉjnat ni'c impʉ̱tcap Dios.
22To's̈ajyat ma jayaumayga ina'jwat as̈am iguijayaumáyga el Señor. 23Ni'c as̈am nacopac iguimanda̱t nu'pʉjʉn nacuerpu, we'ney tu'c jayau iguimanda̱twa'n ito's̈ay, mit we'ney Cristu iguimanda̱t icupʉcpajyat ni'c je'jat as̈am Cristu icuerpu, mit Cristu ayé iguisalva̱tcaway. 24Mit as̈am cupʉcpajyat iguijayaumáyga Cristu, we'ney to's̈ajyat ma jayaumayga nu'pʉjʉn inʉmgámpay ina'jwat.
25Jayajwat, wanga into's̈ajyat as̈am Cristu iguiwa'n icupʉcpajyat, mit iyac ivida pa je'jat. 26Ni'c Cristu iwan nas̈je'jatcáj, mit nas̈chi'tcajau nama̱jlat as̈am nas̈limpia̱tcapay mit nʉ' ni'c nacupʉjcajau ipalabra. 27Mit Cristu iwamp ʉjtsat nacupʉcpajyat naque's̈ta̱jcawa'n oymanac mam je'. Jinap naganimanchá̱tcʉjʉ mit ma̱jlat, natsʉ̱́nga as̈am tu'c jamuc cajo'ptucta'guicway, ne naganijíngʉjʉ mit nejʉmay cosa, nayo'yga limpiu. 28Mit jayajwat ma cuida̱tca ito's̈ajyat as̈am iguicuidá̱tca je'jatu icuerpujat. Jeme iwampay ito's̈ay, ayé as̈am je'yu niwajnʉpay. 29Ni'c nepʉn iga-amp je'yu icuerpu, siempre tu'c jayau icuida̱tp icuerpu mit cayan mit jamuc. Wename-ey Cristu iguicuida̱t icupʉcpajyat. 30Ni'c ʉjtsat nacupʉjcapay natsʉ̱ngap as̈am Jesús icuerpu, as̈am is̈is̈ mit ipajcat, ni'c namutʉgʉygau je'. 31“Jemni'c tu'c jayau iyagáj ite̱t mit ima̱m pa iguipʉcwa'n ito's̈ay, mit ayé inimechcatij jatcáj as̈am tu'gu.” 32Mʉjo'c lo que Dios nas̈actujawigapay, mit tʉs̈jawi ayé inʉmo'jcʉp ni'c Cristu tsʉ̱nap as̈am tu'gu mit icupʉcpajyat. 33Mit inʉmo'jcʉpey ni'c cada jayau mam mijchat ma wa'n ito's̈ay as̈am je'yu iniwajnʉ, mit tu'c to's̈ay ma jayaumay ina'u.
Currently Selected:
Efesios 5: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Efesios 5
5
Dios iluz
1Watca oy as̈am Dios iguiwat ni'c mijchat Dios is̈wajyat, mit je' is̈wangap. 2Siempre niwángʉjʉ as̈am Cristu nas̈wangau mit iyac ivida pa i-o'cwa'n pa nama̱jlat, mit i-acji'jcau Dios ijo̱jt.
3Nepʉn maganʉm ni'c michajyo'ygap, maganʉm ni'c inwatcap mal ne maganʉm ni'c inwangap jayje', po mijchat oy pi yo'yga as̈am Dios ijayajwat. 4Camtʉ'tscotscayu, camnʉmga tonteríajat, cam-i̱jcotsca mit ma̱jlat, ni'c ayé cosajat caservia̱tp. Más oy nanʉmí̱jcaja Dios ni'ctiyu̱s̈. 5Injawigap ni'c itp chajyo'ypajyat, malwatpajyat, mit jeme iwangapay jayje'. Jeme iwangapay jayje' ayé as̈am tiyu̱s̈wampajyat ni'c iyajcap menus Dios. Jayajwat as̈am aye'jatway igapʉctsougáj neti mam imanda̱tca Dios mit Cristu. 6Pi is̈cawe̱jta̱jcac nepʉn mit nejʉmay we̱t, ni'c Dios icastiga̱tcʉs̈áj jeme cajayaumaygapay ni'c iwatcap ayé mal cosajat. 7Mijchat cammutʉgʉyga ayé maljayajwat.
8Ambanu miyo'ygau mal, mit ayé mal as̈am tu'c chitimic, po jinap inmutʉgʉygau el Señor mit je' is̈moygap luz pa inyo'ygawa'n yacs̈ic, yo'yga as̈am jeme iwangapay ayé luz iyacpay Dios. 9Ni'c Espíritu Santu nas̈actuwatcap nu'pʉjʉn cosa oyway, mit nas̈acyo'ygap yacs̈ic mit nas̈actunʉmgap lo que iyacs̈ta'cway. 10Mit oy pi jawiga ti ayé iwampay el Señor. 11Mit cammunipʉjcʉjʉ jeme yo'ygapay mal ni'c caservia̱tp lo que iwatcapay, mejor actujáwiga ni'c iwatcap mal. 12Ni'c tu'c winchu̱jc nas̈nʉmwa'n lo que je'jat iwatcapay anu'mu. 13Te na-actujawigap ayé mal iwatcapay, cuque's̈áj lo que iwatcapay anu'mu, ni'c mam i-it luz, que's̈p nu'pʉjʉn cosajat itpay. 14Jemni'c iguinʉm ayé dichu:
Nigujútujcʉ te mima̱p,
jutucta'c te mitsʉ̱nap as̈am o'guic,
mit Cristu is̈mo'áj luz.
15E'pca nat inyo'yga. Camyo'yga as̈am jayajwat iga-is̈capcapay neti, po yo'yga as̈am jeme i-is̈capcapay. 16Aprovechá̱tca cada s̈ʉjw pa is̈watcawa'n oy, ni'c jinapay s̈ʉjwat malo'c imi'n. 17Jemni'c camyo'yga as̈am igajawigapay neti, más oy pi jawiga ti ayé iwampay el Señor. 18Cam-u̱ctupʉjca ni'c oyap is̈watca nu'pʉjʉn mal, más oy Espíritu Santu ma tsʉ̱na mʉgʉc injo̱tni'jcat. 19Cuandu intsʉ̱ngawa'n apʉcmuguic, cótsca salmujat, ʉ́uga himnujat mit ʉ́uga jeme Espíritu Santu is̈moygámpay injo̱tni'jcat. Ʉugaja mit oyninʉ́mga el Señor mit nu'pʉjʉn injo̱jtat. 20Nʉmí̱jcaja Dios Nate̱jat ni'ctiyu̱s̈ pa nu'pʉjʉn cosajat ni'c incupʉjcap el Señor Jesucristu.
Nijayaumáygʉjʉ
21Nijayaumáygʉjʉ minu'pʉjʉjnat ni'c impʉ̱tcap Dios.
22To's̈ajyat ma jayaumayga ina'jwat as̈am iguijayaumáyga el Señor. 23Ni'c as̈am nacopac iguimanda̱t nu'pʉjʉn nacuerpu, we'ney tu'c jayau iguimanda̱twa'n ito's̈ay, mit we'ney Cristu iguimanda̱t icupʉcpajyat ni'c je'jat as̈am Cristu icuerpu, mit Cristu ayé iguisalva̱tcaway. 24Mit as̈am cupʉcpajyat iguijayaumáyga Cristu, we'ney to's̈ajyat ma jayaumayga nu'pʉjʉn inʉmgámpay ina'jwat.
25Jayajwat, wanga into's̈ajyat as̈am Cristu iguiwa'n icupʉcpajyat, mit iyac ivida pa je'jat. 26Ni'c Cristu iwan nas̈je'jatcáj, mit nas̈chi'tcajau nama̱jlat as̈am nas̈limpia̱tcapay mit nʉ' ni'c nacupʉjcajau ipalabra. 27Mit Cristu iwamp ʉjtsat nacupʉcpajyat naque's̈ta̱jcawa'n oymanac mam je'. Jinap naganimanchá̱tcʉjʉ mit ma̱jlat, natsʉ̱́nga as̈am tu'c jamuc cajo'ptucta'guicway, ne naganijíngʉjʉ mit nejʉmay cosa, nayo'yga limpiu. 28Mit jayajwat ma cuida̱tca ito's̈ajyat as̈am iguicuidá̱tca je'jatu icuerpujat. Jeme iwampay ito's̈ay, ayé as̈am je'yu niwajnʉpay. 29Ni'c nepʉn iga-amp je'yu icuerpu, siempre tu'c jayau icuida̱tp icuerpu mit cayan mit jamuc. Wename-ey Cristu iguicuida̱t icupʉcpajyat. 30Ni'c ʉjtsat nacupʉjcapay natsʉ̱ngap as̈am Jesús icuerpu, as̈am is̈is̈ mit ipajcat, ni'c namutʉgʉygau je'. 31“Jemni'c tu'c jayau iyagáj ite̱t mit ima̱m pa iguipʉcwa'n ito's̈ay, mit ayé inimechcatij jatcáj as̈am tu'gu.” 32Mʉjo'c lo que Dios nas̈actujawigapay, mit tʉs̈jawi ayé inʉmo'jcʉp ni'c Cristu tsʉ̱nap as̈am tu'gu mit icupʉcpajyat. 33Mit inʉmo'jcʉpey ni'c cada jayau mam mijchat ma wa'n ito's̈ay as̈am je'yu iniwajnʉ, mit tu'c to's̈ay ma jayaumay ina'u.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].