Efesios 3
3
Pablo i-ajque's̈cʉs̈ap jeme caje'jatway judíujat
1Ʉ̱ Pablo tʉnservia̱jtap Cristu Jesús, mit jinap tʉtsʉ̱nap presu ni'c tʉnʉmgʉs̈au oyway noticia mijchat migaje'jatway judíujat. 2Injawigap ni'c Dios tʉs̈moy favor mit tʉs̈-encarga̱t pa tʉ-ajque's̈cʉs̈awa'n oyway noticia pa mijchat. 3Mit Dios tʉs̈actujawiu lo que jayajwat igajawigapayate, mit ayʉ̱́j ayé lo que tʉnja'jyʉ'cway. 4Cuandu is̈cotscawa'n ayʉ̱́j noc, oyáj is̈jawiga ni'c tʉnis̈cap jeme jayajwat igajawigapayate, ni'c tʉnjawip lo que Cristu iwatway pa ʉjtsat. 5Mit ámbanu Dios iga-actujawigʉs̈u jayajwat, po jinap Espíritu Santu i-actujawigʉs̈p i-apóstojlat mit ayé profetajat jeme icupiugʉs̈way. 6I-actujawigʉs̈ ni'c jeme caje'jatway judíujat ipʉctsougámpey as̈am iguipʉctsougawa'n judíujat, ni'c je'jat tsʉ̱ngap as̈am tu'gu cuerpu mit ipʉctsougámpey ayé promesa ni'c imutʉgʉygawey Cristu Jesús, ni'c imaraugawey ayé oyway noticia. 7Mit tʉnajque's̈tacyo'yp ayé oyway noticia ni'c Dios tʉs̈moy favor, ni'c je' ito'jcʉp poder pa iguiwatwa'n nu'pʉjʉn cosajat. 8Ʉ̱ tʉtsʉ̱nap más menus de nu'pʉjʉn Dios ijayajwat, po majawe'naj Dios tʉs̈moy ayʉ̱́j favor pa tʉs̈nʉmdacyo'ywa'n ayé oyway noticia pa jeme caje'jatway judíujat. Ayé oyway noticia nas̈actujawigap nu'pʉjʉn cosa más ojyatway nas̈moygapay Cristu. 9Tʉnactu-e'pcʉs̈áj nu'pʉjʉn jayajwat lo que Dios iwanway iguiwatwa'n desde ámbanu, mit jayajwat igajawigapate ti ayé, mit je' iwat nu'pʉjʉn cosajat. 10Mit jinap Dios i-actujawigʉs̈p ángejlat mit nu'pʉjʉn manda̱tcapay tsajpni'c ni'c je' más iwangʉs̈p ijayajwat ni-apʉcmújcʉjʉpay en ayʉ̱́j mundu. Mit ayé ángejlat ijawigáj ni'c Dios ijawip nu'pʉjʉn. 11Dios ipensa̱t ámbanu ti iwatámpay Jesucristu el Señor pa ʉjtsat. 12Namutʉgʉygap Cristu ni'c nacupʉjcap je', mit oyap nas̈mucótsca Dios mit nagapʉ̱tcáj nes̈ʉ̱n nas̈cutomigawa'n je'. 13Jemni'c tʉnʉmgʉs̈a pigadesmaya̱tca is̈maraugawa'n ni'c tʉntunas̈p pa mijchat, ni'c tʉntunas̈p pa mijchat pi tsʉ̱nga oy.
Cristu nas̈wano'jcap
14Dios nas̈actujawigap mʉjway cosajat. Jemni'c tʉnicos̈atendá̱jcʉ pa tʉs̈-ora̱jtawa'n el Señor Jesucristu ite̱t. 15Mit ʉjtsat natsʉ̱ngapay na̱s̈ni'c mit nu'pʉjʉn tsʉ̱ngapay tsajpni'c, nanu'pʉjʉjnat nate̱jtat Dios. 16Dios ijtʉp nu'pʉjʉn cosa oymanacway pa nas̈moygáj. Jinap tʉnyo'jtap je' pi is̈moygac nu'pʉjʉn maj injo̱tni'jcat, mit Espíritu Santu ayé is̈moygámpay maj. 17Tʉnyo'jtap Cristu ma tsʉ̱na injo̱tni'jcat ni'c incupʉjcap je', pa we'n je' is̈acniwangʉjʉ̱́j cada s̈ʉjw. 18Tʉnyo'jtap Dios ma is̈actujawigac ni'c Cristu nas̈wano'jcap, ni'c je' iwangʉs̈p nu'pʉjʉn ijayajwat. Cristu nas̈wangap mit ayé as̈am tu'c cosa más awa'tsway, más yagatsway, más yucmay mit as̈am tu'c cosa ca-ijtʉpay fin. 19Pi jawiga ni'c Cristu nas̈wano'jcap hasta nagajawigap nat nas̈wangap, mit we'ney pi aguepca nu'tsic nu'pʉjʉn cosa oyway nas̈moygapay Dios.
20Na-oyninʉ́mga ayé Dios jeme oyapay iguiwat nu'pʉjʉn cosajat. Je' oyap iguiwat más de lo que nayo'tcajapay mit más de lo que najawigapay, ni'c je' nas̈moygap maj najo̱tni'jcat. 21Nu'pʉjʉn cupʉcpajyat jeme imutʉgʉygaway Cristu Jesús ma oyninʉmga Dios jinap mit pa nu'pʉjʉn tiempu. Amén.
Currently Selected:
Efesios 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Efesios 3
3
Pablo i-ajque's̈cʉs̈ap jeme caje'jatway judíujat
1Ʉ̱ Pablo tʉnservia̱jtap Cristu Jesús, mit jinap tʉtsʉ̱nap presu ni'c tʉnʉmgʉs̈au oyway noticia mijchat migaje'jatway judíujat. 2Injawigap ni'c Dios tʉs̈moy favor mit tʉs̈-encarga̱t pa tʉ-ajque's̈cʉs̈awa'n oyway noticia pa mijchat. 3Mit Dios tʉs̈actujawiu lo que jayajwat igajawigapayate, mit ayʉ̱́j ayé lo que tʉnja'jyʉ'cway. 4Cuandu is̈cotscawa'n ayʉ̱́j noc, oyáj is̈jawiga ni'c tʉnis̈cap jeme jayajwat igajawigapayate, ni'c tʉnjawip lo que Cristu iwatway pa ʉjtsat. 5Mit ámbanu Dios iga-actujawigʉs̈u jayajwat, po jinap Espíritu Santu i-actujawigʉs̈p i-apóstojlat mit ayé profetajat jeme icupiugʉs̈way. 6I-actujawigʉs̈ ni'c jeme caje'jatway judíujat ipʉctsougámpey as̈am iguipʉctsougawa'n judíujat, ni'c je'jat tsʉ̱ngap as̈am tu'gu cuerpu mit ipʉctsougámpey ayé promesa ni'c imutʉgʉygawey Cristu Jesús, ni'c imaraugawey ayé oyway noticia. 7Mit tʉnajque's̈tacyo'yp ayé oyway noticia ni'c Dios tʉs̈moy favor, ni'c je' ito'jcʉp poder pa iguiwatwa'n nu'pʉjʉn cosajat. 8Ʉ̱ tʉtsʉ̱nap más menus de nu'pʉjʉn Dios ijayajwat, po majawe'naj Dios tʉs̈moy ayʉ̱́j favor pa tʉs̈nʉmdacyo'ywa'n ayé oyway noticia pa jeme caje'jatway judíujat. Ayé oyway noticia nas̈actujawigap nu'pʉjʉn cosa más ojyatway nas̈moygapay Cristu. 9Tʉnactu-e'pcʉs̈áj nu'pʉjʉn jayajwat lo que Dios iwanway iguiwatwa'n desde ámbanu, mit jayajwat igajawigapate ti ayé, mit je' iwat nu'pʉjʉn cosajat. 10Mit jinap Dios i-actujawigʉs̈p ángejlat mit nu'pʉjʉn manda̱tcapay tsajpni'c ni'c je' más iwangʉs̈p ijayajwat ni-apʉcmújcʉjʉpay en ayʉ̱́j mundu. Mit ayé ángejlat ijawigáj ni'c Dios ijawip nu'pʉjʉn. 11Dios ipensa̱t ámbanu ti iwatámpay Jesucristu el Señor pa ʉjtsat. 12Namutʉgʉygap Cristu ni'c nacupʉjcap je', mit oyap nas̈mucótsca Dios mit nagapʉ̱tcáj nes̈ʉ̱n nas̈cutomigawa'n je'. 13Jemni'c tʉnʉmgʉs̈a pigadesmaya̱tca is̈maraugawa'n ni'c tʉntunas̈p pa mijchat, ni'c tʉntunas̈p pa mijchat pi tsʉ̱nga oy.
Cristu nas̈wano'jcap
14Dios nas̈actujawigap mʉjway cosajat. Jemni'c tʉnicos̈atendá̱jcʉ pa tʉs̈-ora̱jtawa'n el Señor Jesucristu ite̱t. 15Mit ʉjtsat natsʉ̱ngapay na̱s̈ni'c mit nu'pʉjʉn tsʉ̱ngapay tsajpni'c, nanu'pʉjʉjnat nate̱jtat Dios. 16Dios ijtʉp nu'pʉjʉn cosa oymanacway pa nas̈moygáj. Jinap tʉnyo'jtap je' pi is̈moygac nu'pʉjʉn maj injo̱tni'jcat, mit Espíritu Santu ayé is̈moygámpay maj. 17Tʉnyo'jtap Cristu ma tsʉ̱na injo̱tni'jcat ni'c incupʉjcap je', pa we'n je' is̈acniwangʉjʉ̱́j cada s̈ʉjw. 18Tʉnyo'jtap Dios ma is̈actujawigac ni'c Cristu nas̈wano'jcap, ni'c je' iwangʉs̈p nu'pʉjʉn ijayajwat. Cristu nas̈wangap mit ayé as̈am tu'c cosa más awa'tsway, más yagatsway, más yucmay mit as̈am tu'c cosa ca-ijtʉpay fin. 19Pi jawiga ni'c Cristu nas̈wano'jcap hasta nagajawigap nat nas̈wangap, mit we'ney pi aguepca nu'tsic nu'pʉjʉn cosa oyway nas̈moygapay Dios.
20Na-oyninʉ́mga ayé Dios jeme oyapay iguiwat nu'pʉjʉn cosajat. Je' oyap iguiwat más de lo que nayo'tcajapay mit más de lo que najawigapay, ni'c je' nas̈moygap maj najo̱tni'jcat. 21Nu'pʉjʉn cupʉcpajyat jeme imutʉgʉygaway Cristu Jesús ma oyninʉmga Dios jinap mit pa nu'pʉjʉn tiempu. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].