Colosenses 1
1
Pablo ija'ygʉs̈ap cupʉcpajyat
1Ʉ̱ Pablo. Jesucristu tʉs̈ajyu't pa apóstol ni'c we'n iguiwajn Dios. 2Ʉ̱ mit hermanu Timoteo tʉja'ygajap mijchat mitsʉ̱ngapay nʉ'jcopac Colosas ni'c mijchat Dios is̈jayajwat mit incupʉjcap Cristu. Dios Nate̱jat mit el Señor Jesucristu pi is̈moygac favor mit paz.
Pablo i-ora̱tcʉs̈ap cupʉcpajyat
3Cada tʉ-ora̱tcajawa'n mijchat, tʉnyʉmgajap Dios ni'ctiyu̱s̈, el Señor Jesucristu ite̱t. 4Tʉnmaraugau ni'c incupʉjcap Cristu Jesús mit inwangajap nu'pʉjʉn Dios ijayajwat. 5Mit inatsʉ̱ngap cosa oyway tsajpni'cway jeme Dios i-aparta̱tway pa mijchat, mit inatsʉ̱ngap ayé ni'c inmaraugau ayé oyway noticia jeme iyacs̈ta'cway. 6Mit ayé oyway noticia coy mam mijchat, mit we'ney pa nu'pʉjʉn jayajwat tsʉ̱ngapay en ayʉ̱́j mundu. Mit ayé oyway noticia pichin oy mit jʉmba'tu iguicupʉ́jca, mit mijchat is̈pichingajau oy desde is̈máraugaj ni'c Dios is̈wangap iyacs̈ta'cway. 7Mit ayé oyway noticia is̈ajque's̈cajau Epafras jeme yos̈watpay mit ʉjtsat, mit je' nawangap. Je' icumplia̱tp pa iguiservia̱jtawa'n Cristu pa mijchat pi tsʉ̱nga oy mit Dios. 8Mit je' tʉs̈nʉmgajau ni'c Espíritu Santu is̈acniwangʉjʉp.
9Desde tʉs̈máraugaj we'n, tʉgatentangap tʉ-orá̱tcaja, mit tʉnyo'tcajap Dios ma is̈actujawigac más lo que je' iwampay, mit ma is̈actujawigaguey nu'pʉjʉn lo que je' i-aguepay. 10Mit tʉnyo'tcajapey Dios pi yo'yga as̈am je' iguiwa'n. Mit we'n inacji'jcajáj ijo̱jt mit nu'pʉjʉn lo que inwatcapay, mit misiguia̱tcáj is̈watcawa'n oy nu'pʉjʉn cosajat, mit inis̈capcáj más Dios. 11Dios pi is̈majyigac mit nu'pʉjʉn ipoder, ni'c je' ito'jcʉp poder mam itsʉ̱na mʉjninʉmic, pa we'n inmajmoygáj nu'pʉjʉn is̈jatcámpay mit inaguepcáj calma. 12Mit ji'gáj injo̱jtat mit inyʉmgajáj Dios Nate̱jat ni'ctiyu̱s̈ ni'c je' nas̈moygau derechu pa nas̈aguepcawa'n parte mit Dios ijayajwat, mit natsʉ̱ngáj oy mit Dios mam i-it puru luz. 13Mit Dios nas̈chi'tcau ma̱lwayna' icʉ'jugum mit nas̈yajcau Cristu icʉ'jugum pa je' nas̈manda̱tcáj, ni'c Cristu ayé Dios iway jeme iwampay. 14Mit Cristu nas̈salva̱tcau ni'c iyac inipin pa ʉjtsat, mit jinap perdona̱tic itsʉ̱na nu'pʉjʉn mal nawatcaway.
Cristu nas̈cowangap
15Ʉjtsat ca-oyapate nas̈-is̈cápca Dios, po je' i-acmin iway pa i-oyawa'n nas̈-is̈cápca Dios, mit Cristu tsʉ̱nau antes iguiwajt Dios nu'pʉjʉn. 16Mit Dios iwat nu'pʉjʉn cosajat mit Cristu. Iwatcau nu'pʉjʉn itpay tsajpni'c mit na̱s̈ni'c, nu'pʉjʉn na-e'pay mit naga-e'pay. Mit iyajcawey nu'pʉjʉn ángejlat jeme manda̱tcapay, mit jeme más itcʉjʉpay poder. Mit Dios itumuwat nu'pʉjʉn Cristu, mit Cristu ipʉctsowáj nu'pʉjʉn cosajat. 17Mit Cristu ijtʉ'c que nu'pʉjʉn cosajat, mit je' i-actambʉ'mp nu'pʉjʉn cosajat. 18Mit je' i-actamp nu'pʉjʉn cupʉcpajyat mit imoygʉs̈p vida. Mit je' jutucta̱c pa siempre mam itsʉ̱nga á̱nimajat, jemni'c jinap je' más manda̱tp mit tan más mʉjninʉmic. 19Ni'c Dios iwan Cristu ma ijtʉ nu'pʉjʉn poder as̈amu je'. 20Mit Dios i-ajyu't Cristu pa ma tan oy nu'pʉjʉn cosajat itpay na̱s̈ni'c mit tsajpni'c, mit je' icowangʉs̈ jayajwat mit Dios cuandu iguiyajc inipin cunu̱s̈ni'c.
21Mijchat ámbanu inga-aguepcapate parte mit Dios, ne ca-oyapate is̈-e'pca je' ni'c impensa̱tcau is̈watcawa'n puru mal. 22Po jinap Cristu is̈acnicowángʉjʉu mit Dios ni'c je' itunas̈ pa ʉjtsat cuandu i-o'jc cunu̱s̈ni'c. Iwat we'n pa nas̈ajcoygáj mam Dios itsʉ̱na, mit nas̈presenta̱tcáj mam je' limpiu, camancha̱tic ne caculpa̱tic. 23Nacoygáj jem te natangap mʉgʉc, mit te siguia̱tp nacupʉ́jca. Mit nagacuyáguiga ayé na-atsʉ̱ngapay ni'c na-atsʉ̱ngap vida cacʉs̈ámpay, ni'c we'n iguinʉjm ayé oyway noticia. Mit ayé jʉmba'tu iguinʉmdacyo'yga, mit ʉ̱ Pablo Dios tʉs̈yac pa tʉs̈nʉmdacyo'ywa'néy.
Pablo imajyigʉs̈p cupʉcpajyat
24Jinap ji'cp tʉnjo̱jt ni'c tʉntunas̈p pa mijchat pi tsʉ̱nga oy, mit itp ti tʉs̈tunas̈wa'n más as̈am Cristu iguitunas̈. Tʉntunas̈p we'n ni'c tʉnwangʉs̈ap Cristu icupʉcpajyat. 25Dios tʉs̈yac pa tʉservia̱tcʉs̈a nu'pʉjʉn cupʉcpajyat, mit je' tʉs̈yac pa tʉmajyigʉs̈wa'ney mijchat, mit tʉs̈yaguey pa tʉ-ajque's̈cʉs̈a nu'tsic Dios ipalabra. 26Tʉ-actujawigʉs̈p jeme Dios i-actsʉ̱naway cuyu'tsic desde ámbanu, ni'c nepʉnate ca-oyap iguijawi po jinap je' i-actujawigʉs̈p ijayajwat. 27Mit je'jat Dios iwan igui-actujawigáj lo que i-actsʉ̱naway cuyu'tsic, mit ayé tu'c cosa mʉjo'cway mit oymanacway, mit mijchat migaje'jatway judíujat injawigámpey. Mit ayʉ̱́j ayé Dios is̈actujawigapay, ni'c Cristu tsʉ̱nap injo̱tni'jcat, jemni'c natsʉ̱ngap seguru ni'c natsʉ̱ngáj mit Cristu tsajpni'c mam itsʉ̱na oymanac.
28Tʉnyʉmdacyo'ygap ni'c jayajwat ma cupʉjca Cristu, mit tʉntsawigap nu'pʉjʉn jayajwat, mit tʉnajque's̈cajap pa ma entendia̱tca oy, pa we'n icoygawa'n mam Dios, iguigatogoygáj neti ni'c imutʉgʉygau Cristu. 29Mit jemni'c tʉyos̈wat mʉgʉc pa mijchat pi tsʉ̱nga oy, mit tʉlucha̱tp mʉgʉc ni'c Cristu tʉs̈moyp maj.
Currently Selected:
Colosenses 1: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Colosenses 1
1
Pablo ija'ygʉs̈ap cupʉcpajyat
1Ʉ̱ Pablo. Jesucristu tʉs̈ajyu't pa apóstol ni'c we'n iguiwajn Dios. 2Ʉ̱ mit hermanu Timoteo tʉja'ygajap mijchat mitsʉ̱ngapay nʉ'jcopac Colosas ni'c mijchat Dios is̈jayajwat mit incupʉjcap Cristu. Dios Nate̱jat mit el Señor Jesucristu pi is̈moygac favor mit paz.
Pablo i-ora̱tcʉs̈ap cupʉcpajyat
3Cada tʉ-ora̱tcajawa'n mijchat, tʉnyʉmgajap Dios ni'ctiyu̱s̈, el Señor Jesucristu ite̱t. 4Tʉnmaraugau ni'c incupʉjcap Cristu Jesús mit inwangajap nu'pʉjʉn Dios ijayajwat. 5Mit inatsʉ̱ngap cosa oyway tsajpni'cway jeme Dios i-aparta̱tway pa mijchat, mit inatsʉ̱ngap ayé ni'c inmaraugau ayé oyway noticia jeme iyacs̈ta'cway. 6Mit ayé oyway noticia coy mam mijchat, mit we'ney pa nu'pʉjʉn jayajwat tsʉ̱ngapay en ayʉ̱́j mundu. Mit ayé oyway noticia pichin oy mit jʉmba'tu iguicupʉ́jca, mit mijchat is̈pichingajau oy desde is̈máraugaj ni'c Dios is̈wangap iyacs̈ta'cway. 7Mit ayé oyway noticia is̈ajque's̈cajau Epafras jeme yos̈watpay mit ʉjtsat, mit je' nawangap. Je' icumplia̱tp pa iguiservia̱jtawa'n Cristu pa mijchat pi tsʉ̱nga oy mit Dios. 8Mit je' tʉs̈nʉmgajau ni'c Espíritu Santu is̈acniwangʉjʉp.
9Desde tʉs̈máraugaj we'n, tʉgatentangap tʉ-orá̱tcaja, mit tʉnyo'tcajap Dios ma is̈actujawigac más lo que je' iwampay, mit ma is̈actujawigaguey nu'pʉjʉn lo que je' i-aguepay. 10Mit tʉnyo'tcajapey Dios pi yo'yga as̈am je' iguiwa'n. Mit we'n inacji'jcajáj ijo̱jt mit nu'pʉjʉn lo que inwatcapay, mit misiguia̱tcáj is̈watcawa'n oy nu'pʉjʉn cosajat, mit inis̈capcáj más Dios. 11Dios pi is̈majyigac mit nu'pʉjʉn ipoder, ni'c je' ito'jcʉp poder mam itsʉ̱na mʉjninʉmic, pa we'n inmajmoygáj nu'pʉjʉn is̈jatcámpay mit inaguepcáj calma. 12Mit ji'gáj injo̱jtat mit inyʉmgajáj Dios Nate̱jat ni'ctiyu̱s̈ ni'c je' nas̈moygau derechu pa nas̈aguepcawa'n parte mit Dios ijayajwat, mit natsʉ̱ngáj oy mit Dios mam i-it puru luz. 13Mit Dios nas̈chi'tcau ma̱lwayna' icʉ'jugum mit nas̈yajcau Cristu icʉ'jugum pa je' nas̈manda̱tcáj, ni'c Cristu ayé Dios iway jeme iwampay. 14Mit Cristu nas̈salva̱tcau ni'c iyac inipin pa ʉjtsat, mit jinap perdona̱tic itsʉ̱na nu'pʉjʉn mal nawatcaway.
Cristu nas̈cowangap
15Ʉjtsat ca-oyapate nas̈-is̈cápca Dios, po je' i-acmin iway pa i-oyawa'n nas̈-is̈cápca Dios, mit Cristu tsʉ̱nau antes iguiwajt Dios nu'pʉjʉn. 16Mit Dios iwat nu'pʉjʉn cosajat mit Cristu. Iwatcau nu'pʉjʉn itpay tsajpni'c mit na̱s̈ni'c, nu'pʉjʉn na-e'pay mit naga-e'pay. Mit iyajcawey nu'pʉjʉn ángejlat jeme manda̱tcapay, mit jeme más itcʉjʉpay poder. Mit Dios itumuwat nu'pʉjʉn Cristu, mit Cristu ipʉctsowáj nu'pʉjʉn cosajat. 17Mit Cristu ijtʉ'c que nu'pʉjʉn cosajat, mit je' i-actambʉ'mp nu'pʉjʉn cosajat. 18Mit je' i-actamp nu'pʉjʉn cupʉcpajyat mit imoygʉs̈p vida. Mit je' jutucta̱c pa siempre mam itsʉ̱nga á̱nimajat, jemni'c jinap je' más manda̱tp mit tan más mʉjninʉmic. 19Ni'c Dios iwan Cristu ma ijtʉ nu'pʉjʉn poder as̈amu je'. 20Mit Dios i-ajyu't Cristu pa ma tan oy nu'pʉjʉn cosajat itpay na̱s̈ni'c mit tsajpni'c, mit je' icowangʉs̈ jayajwat mit Dios cuandu iguiyajc inipin cunu̱s̈ni'c.
21Mijchat ámbanu inga-aguepcapate parte mit Dios, ne ca-oyapate is̈-e'pca je' ni'c impensa̱tcau is̈watcawa'n puru mal. 22Po jinap Cristu is̈acnicowángʉjʉu mit Dios ni'c je' itunas̈ pa ʉjtsat cuandu i-o'jc cunu̱s̈ni'c. Iwat we'n pa nas̈ajcoygáj mam Dios itsʉ̱na, mit nas̈presenta̱tcáj mam je' limpiu, camancha̱tic ne caculpa̱tic. 23Nacoygáj jem te natangap mʉgʉc, mit te siguia̱tp nacupʉ́jca. Mit nagacuyáguiga ayé na-atsʉ̱ngapay ni'c na-atsʉ̱ngap vida cacʉs̈ámpay, ni'c we'n iguinʉjm ayé oyway noticia. Mit ayé jʉmba'tu iguinʉmdacyo'yga, mit ʉ̱ Pablo Dios tʉs̈yac pa tʉs̈nʉmdacyo'ywa'néy.
Pablo imajyigʉs̈p cupʉcpajyat
24Jinap ji'cp tʉnjo̱jt ni'c tʉntunas̈p pa mijchat pi tsʉ̱nga oy, mit itp ti tʉs̈tunas̈wa'n más as̈am Cristu iguitunas̈. Tʉntunas̈p we'n ni'c tʉnwangʉs̈ap Cristu icupʉcpajyat. 25Dios tʉs̈yac pa tʉservia̱tcʉs̈a nu'pʉjʉn cupʉcpajyat, mit je' tʉs̈yac pa tʉmajyigʉs̈wa'ney mijchat, mit tʉs̈yaguey pa tʉ-ajque's̈cʉs̈a nu'tsic Dios ipalabra. 26Tʉ-actujawigʉs̈p jeme Dios i-actsʉ̱naway cuyu'tsic desde ámbanu, ni'c nepʉnate ca-oyap iguijawi po jinap je' i-actujawigʉs̈p ijayajwat. 27Mit je'jat Dios iwan igui-actujawigáj lo que i-actsʉ̱naway cuyu'tsic, mit ayé tu'c cosa mʉjo'cway mit oymanacway, mit mijchat migaje'jatway judíujat injawigámpey. Mit ayʉ̱́j ayé Dios is̈actujawigapay, ni'c Cristu tsʉ̱nap injo̱tni'jcat, jemni'c natsʉ̱ngap seguru ni'c natsʉ̱ngáj mit Cristu tsajpni'c mam itsʉ̱na oymanac.
28Tʉnyʉmdacyo'ygap ni'c jayajwat ma cupʉjca Cristu, mit tʉntsawigap nu'pʉjʉn jayajwat, mit tʉnajque's̈cajap pa ma entendia̱tca oy, pa we'n icoygawa'n mam Dios, iguigatogoygáj neti ni'c imutʉgʉygau Cristu. 29Mit jemni'c tʉyos̈wat mʉgʉc pa mijchat pi tsʉ̱nga oy, mit tʉlucha̱tp mʉgʉc ni'c Cristu tʉs̈moyp maj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].