2 Timoteo 3
3
Nat itsʉ̱ngawa'n jayajwat últimu s̈ʉjwat
1Oy pi jawi ni'c icojawa'n últimu s̈ʉjwat itáj pʉ̱tna̱s̈. 2Ni'c itáj jayajwat iwangáj nu'pʉjʉn pa je'jatu, más iwangáj itumi̱jnat, nimʉjninʉmgʉjʉp, ni-oyninʉmgʉjʉp, imalninʉmgap Dios, igajayaumaygap ite̱jtat, iga-agradecia̱tcap neti, iwatcap mal, 3iga-e'po'jcʉjʉp nepʉn ne igaperdona̱tcap nepʉn, iwe̱twatcajap japu̱jtat, iwatcada̱jcap tigapa'tu, iga-ayo̱wis̈cap nepʉn mit i-angap nu'pʉjʉn cosa oyway, 4traicionerujat, capensa̱tcap pa japu̱jtat ma tsʉ̱nga oy, nimʉjnijawigʉjʉp, iwangap más jeme iyo'tpay ijo̱jtat que iguiwangawa'n Dios. 5Je'jat niwatcʉjʉ̱́j ni'c iwangap Dios po igajayaumaygap ne igapʉctsougajap ipoder.
Cammunipʉjcʉs̈ʉ jayajwat as̈am aye'jat. 6Ni'c as̈amay ayé jayajwat tʉgʉygap jʉmgapa'tu mit i-awe̱tigap to's̈ajyat tontajatway jeme iwatcapay mal. Mit ayé to's̈ajyat más iguijo̱tju'pcap ma̱jlat, 7ni'c ja-iwangap iguipʉctangawa'n tigapa'tu, po nunca igacoygajap pa igui-is̈capcawa'n lo que iyacs̈ta'cway. 8Mit as̈am Janes mit Jambres iguija-atújcaj Moisés, wename-ey ayʉ̱́jat iwangap igui-atujcawa'n lo que iyacs̈ta'cway. Ayé jayajwat ca-oyap ipensá̱tca oy, cacupʉjcap iyacs̈ta'cway. 9Po ayʉ̱́jat cajasiguia̱tcáj we'n ni'c nu'pʉjʉn ijawigáj ni'c je'jat tontojat, ni'c we'ney iguijatcau ayé jayajwat jeme i-atujcaway Moisés.
Pablo itsawip Timoteo
10Po mi̱ insiguia̱jtap lo que tʉ-ajque's̈apay. Insiguia̱jtap lo que tʉnwatpay, lo que tʉnaguepay pa tʉs̈watwa'n, mit we'ney lo que tʉncupʉcpay. In-e'p nat tʉs̈aguepcʉ́s̈a calma jayajwat, nat tʉs̈muniwangʉ́s̈ʉ jayajwat, nat tʉnimajmójyʉ cuandu tʉs̈tunas̈. 11Injawipey nat tʉs̈po'ctangau, mit nat tʉs̈actunas̈cau ayé jayajwat tsʉ̱ngapay ayé nʉ'jcopajcat Antioquía, Iconio mit Listra. Injawip nat tʉs̈majmojy cuandu tʉs̈po'ctangau, po el Señor tʉs̈libra̱t de nu'pʉjʉn ayʉ̱́j cosajat. 12Mit we'ney nu'pʉjʉn jeme iwangapay iyo'ygawa'n limpiu mit Cristu Jesús, igui-actunas̈cáj jayajwat. 13Po maljayajwat mit we̱tpayna'jat siguia̱tcáj iguiwatca más mal. Je'jat iwe̱tcáj jayajwat mit cʉs̈wa'n je'jatu niwe̱tcʉjʉ̱́j.
14Po mi̱ siguiá̱jta lo que impʉctanway mit mutan mʉgʉc lo que incupʉcway, mit injawip pʉn is̈ajque's̈cajaway, 15ni'c mi̱ desde inyauya̱waymijn inis̈cajpau Dios ilibru, mit ayé oyap is̈actujawip nat nanisalva̱tcʉjʉwa'n ni'c nacupʉjcap Cristu Jesús. 16Dios i-actuja'ygʉs̈ ijayajwat nu'pʉjʉn tsʉ̱napay ja'yic ilibruni'c, mit ayé oy pa nas̈tu-ajque's̈wa'n mit pa nas̈actujawigʉs̈wa'n jayajwat magawatca mal, mit pa nas̈tutsawigʉs̈wa'n ma yo'yga yacs̈ic. 17Pa we'n Dios ijayajwat neti iguigatogoygáj, mit ipʉctangáj iguiwatcawa'n nu'pʉjʉn cosa oyway.
Currently Selected:
2 Timoteo 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
2 Timoteo 3
3
Nat itsʉ̱ngawa'n jayajwat últimu s̈ʉjwat
1Oy pi jawi ni'c icojawa'n últimu s̈ʉjwat itáj pʉ̱tna̱s̈. 2Ni'c itáj jayajwat iwangáj nu'pʉjʉn pa je'jatu, más iwangáj itumi̱jnat, nimʉjninʉmgʉjʉp, ni-oyninʉmgʉjʉp, imalninʉmgap Dios, igajayaumaygap ite̱jtat, iga-agradecia̱tcap neti, iwatcap mal, 3iga-e'po'jcʉjʉp nepʉn ne igaperdona̱tcap nepʉn, iwe̱twatcajap japu̱jtat, iwatcada̱jcap tigapa'tu, iga-ayo̱wis̈cap nepʉn mit i-angap nu'pʉjʉn cosa oyway, 4traicionerujat, capensa̱tcap pa japu̱jtat ma tsʉ̱nga oy, nimʉjnijawigʉjʉp, iwangap más jeme iyo'tpay ijo̱jtat que iguiwangawa'n Dios. 5Je'jat niwatcʉjʉ̱́j ni'c iwangap Dios po igajayaumaygap ne igapʉctsougajap ipoder.
Cammunipʉjcʉs̈ʉ jayajwat as̈am aye'jat. 6Ni'c as̈amay ayé jayajwat tʉgʉygap jʉmgapa'tu mit i-awe̱tigap to's̈ajyat tontajatway jeme iwatcapay mal. Mit ayé to's̈ajyat más iguijo̱tju'pcap ma̱jlat, 7ni'c ja-iwangap iguipʉctangawa'n tigapa'tu, po nunca igacoygajap pa igui-is̈capcawa'n lo que iyacs̈ta'cway. 8Mit as̈am Janes mit Jambres iguija-atújcaj Moisés, wename-ey ayʉ̱́jat iwangap igui-atujcawa'n lo que iyacs̈ta'cway. Ayé jayajwat ca-oyap ipensá̱tca oy, cacupʉjcap iyacs̈ta'cway. 9Po ayʉ̱́jat cajasiguia̱tcáj we'n ni'c nu'pʉjʉn ijawigáj ni'c je'jat tontojat, ni'c we'ney iguijatcau ayé jayajwat jeme i-atujcaway Moisés.
Pablo itsawip Timoteo
10Po mi̱ insiguia̱jtap lo que tʉ-ajque's̈apay. Insiguia̱jtap lo que tʉnwatpay, lo que tʉnaguepay pa tʉs̈watwa'n, mit we'ney lo que tʉncupʉcpay. In-e'p nat tʉs̈aguepcʉ́s̈a calma jayajwat, nat tʉs̈muniwangʉ́s̈ʉ jayajwat, nat tʉnimajmójyʉ cuandu tʉs̈tunas̈. 11Injawipey nat tʉs̈po'ctangau, mit nat tʉs̈actunas̈cau ayé jayajwat tsʉ̱ngapay ayé nʉ'jcopajcat Antioquía, Iconio mit Listra. Injawip nat tʉs̈majmojy cuandu tʉs̈po'ctangau, po el Señor tʉs̈libra̱t de nu'pʉjʉn ayʉ̱́j cosajat. 12Mit we'ney nu'pʉjʉn jeme iwangapay iyo'ygawa'n limpiu mit Cristu Jesús, igui-actunas̈cáj jayajwat. 13Po maljayajwat mit we̱tpayna'jat siguia̱tcáj iguiwatca más mal. Je'jat iwe̱tcáj jayajwat mit cʉs̈wa'n je'jatu niwe̱tcʉjʉ̱́j.
14Po mi̱ siguiá̱jta lo que impʉctanway mit mutan mʉgʉc lo que incupʉcway, mit injawip pʉn is̈ajque's̈cajaway, 15ni'c mi̱ desde inyauya̱waymijn inis̈cajpau Dios ilibru, mit ayé oyap is̈actujawip nat nanisalva̱tcʉjʉwa'n ni'c nacupʉjcap Cristu Jesús. 16Dios i-actuja'ygʉs̈ ijayajwat nu'pʉjʉn tsʉ̱napay ja'yic ilibruni'c, mit ayé oy pa nas̈tu-ajque's̈wa'n mit pa nas̈actujawigʉs̈wa'n jayajwat magawatca mal, mit pa nas̈tutsawigʉs̈wa'n ma yo'yga yacs̈ic. 17Pa we'n Dios ijayajwat neti iguigatogoygáj, mit ipʉctangáj iguiwatcawa'n nu'pʉjʉn cosa oyway.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].