2 Corintios 6
6
1Ʉjtsat namuyos̈watcap Dios mit tʉyo'tcajap campʉctsouga jalmanu ayé favor is̈moygapay Dios. 2Ni'c Dios inʉm ilibruni'c:
Tʉmaraugʉs̈ en tu'c tiempu oyway,
mit tʉmajyigʉs̈ en ayé s̈ʉjw intunisalva̱tcʉjʉway.
Marauga, jinap tu'c tiempu oyway, mit jinap ayé s̈ʉjw intunisalva̱tcʉjʉ̱́mpay.
3Tʉnga-ofendia̱tcap nepʉn pa nepʉn magamalninʉm ayé yos̈ tʉnwatcapay pa Dios. 4Mit tʉniporta̱tcʉjʉp oy en nu'pʉjʉn cosajat as̈am jeme imuyos̈watcapay Dios ni'c tʉnmajmoygap tʉs̈tunas̈ca. Tʉnaguepí̱jcap necesidad mit tu'no'cp tʉnjo̱jtat. 5Tʉs̈moyta̱jcap mit tʉs̈comgap cuytujugum, mit mam tʉcóyga jayaujuc tʉs̈pʉctʉgʉygau pa tʉs̈moyta̱jcáj. S̈ʉ̱m tʉyos̈watcap mʉgʉc, mit tsu'm ca-oyap tʉs̈acma̱gap, mit tʉyo'ygau sin cay. 6Tʉyo'ygap limpiu, tʉnis̈capcap Dios ipalabra, tʉnmajmoygap mit calma, tʉjayawangap, tʉnmuyo'ygap Espíritu Santu, tʉnwangap iyacs̈ta'cway nu'pʉjʉn jayajwat. 7Tʉnajque's̈cap lo que iyacs̈ta'cway, Dios tʉs̈moygap maj. Tʉyo'ygap yacs̈ic, jemni'c oyo'gu tʉluchá̱tca mit oyo'gu-ey tʉnidefendiá̱tcʉjʉ. 8Cʉjtu'c tʉs̈-oyninʉmgap mit cʉjtu'c tʉs̈malninʉmgap. Cʉjtu'c tʉs̈tucotscap mit cʉjtu'c tʉs̈mʉjninʉmgap. Tʉs̈pʉjcap as̈am we̱tpajyat po tʉnwatcap iyacs̈ta'cway. 9Inʉmgap ni'c tʉs̈ca-is̈capcap po je'jat mismu tʉs̈-is̈capcap. Tʉtsʉ̱ngap en peligru pa tʉ-o'jcawa'n po hasta jinap Jesús tʉs̈moygap vida. Siempre Dios tʉs̈moygap mʉgʉc prueba pa tʉtsʉ̱́nga oy, po tʉs̈ca-ago'jcap. 10Tʉntunas̈cap po siempre ji'cp tʉnjo̱jtat, tʉpro̱wijat po tʉnmajyigap may jayajwat pa ma tsʉ̱nga oy mit Dios, as̈am tʉnga-aguépcapay neti po Dios tʉs̈moygap nu'pʉjʉn.
11¡Jayajwat Corintojatway! Tʉmucotscau oymanac, tʉnʉmgajau nu'pʉjʉn tʉmpensa̱tcaway. 12Mijchat tʉwangap mit nu'pʉjʉn tʉnjo̱jtat, po mijchat ca-oyawu is̈pʉctsougap mit nu'pʉjʉn injo̱jtat. 13Tʉmucotscʉs̈p as̈am tʉ̱wajyat. As̈am tʉwangʉs̈, jinap pʉctsougaguey mit nu'pʉjʉn injo̱jtat.
Ʉjtsat nas̈templujat Dios
14Camniyájcʉjʉ is̈-obliga̱tcáj jayajwat cacupʉjcapay, ni'c mijchat migaje' nije'yu mit je'jat. Ni'c ¿nat inipʉjcʉjʉwa'n jeme iwatpay oy mit jeme iwatpay mal? ¿Mit nat ijatcawa'n tu'gu luz mit chítimic? 15¿Mit nat itsʉ̱nawa'n en acuerdu Cristu mit Awayagatsna'? ¿O ti parte ijtʉp tu'c cupʉcpay mit tu'c cacupʉcpay? 16¿Mit nat itsʉ̱ngawa'n tu'gu Dios itemplu mit tiyu̱s̈at? Ni'c mijchat ayé is̈templujat ayé Dios jeme tsʉ̱napay pa siempre. As̈am Dios iguinʉjm ilibruni'c:
Tʉtsʉ̱náj ijo̱tni'jcat,
mit tʉyo'yáj mit je'jat,
mit ʉ̱ tʉtanáj Dios pa je'jat,
mit je'jat jatcáj tʉnjayajwat.
17Mit inʉmey:
Jemni'c píchinga mam itsʉ̱nga cacupʉjcapay,
mit camniyájcʉjʉ is̈-obliga̱tcáj,
mit camnijíngʉjʉ mit ma̱jlat,
mit ʉ̱ tʉpʉctsougʉs̈áj.
We'n iguinʉm el Señor.
18Mit ʉ̱ is̈te̱tjatcáj mit tʉwayjatcʉs̈áj.
We'n iguinʉm el Señor jeme imanda̱tpay nu'pʉjʉn.
Currently Selected:
2 Corintios 6: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
2 Corintios 6
6
1Ʉjtsat namuyos̈watcap Dios mit tʉyo'tcajap campʉctsouga jalmanu ayé favor is̈moygapay Dios. 2Ni'c Dios inʉm ilibruni'c:
Tʉmaraugʉs̈ en tu'c tiempu oyway,
mit tʉmajyigʉs̈ en ayé s̈ʉjw intunisalva̱tcʉjʉway.
Marauga, jinap tu'c tiempu oyway, mit jinap ayé s̈ʉjw intunisalva̱tcʉjʉ̱́mpay.
3Tʉnga-ofendia̱tcap nepʉn pa nepʉn magamalninʉm ayé yos̈ tʉnwatcapay pa Dios. 4Mit tʉniporta̱tcʉjʉp oy en nu'pʉjʉn cosajat as̈am jeme imuyos̈watcapay Dios ni'c tʉnmajmoygap tʉs̈tunas̈ca. Tʉnaguepí̱jcap necesidad mit tu'no'cp tʉnjo̱jtat. 5Tʉs̈moyta̱jcap mit tʉs̈comgap cuytujugum, mit mam tʉcóyga jayaujuc tʉs̈pʉctʉgʉygau pa tʉs̈moyta̱jcáj. S̈ʉ̱m tʉyos̈watcap mʉgʉc, mit tsu'm ca-oyap tʉs̈acma̱gap, mit tʉyo'ygau sin cay. 6Tʉyo'ygap limpiu, tʉnis̈capcap Dios ipalabra, tʉnmajmoygap mit calma, tʉjayawangap, tʉnmuyo'ygap Espíritu Santu, tʉnwangap iyacs̈ta'cway nu'pʉjʉn jayajwat. 7Tʉnajque's̈cap lo que iyacs̈ta'cway, Dios tʉs̈moygap maj. Tʉyo'ygap yacs̈ic, jemni'c oyo'gu tʉluchá̱tca mit oyo'gu-ey tʉnidefendiá̱tcʉjʉ. 8Cʉjtu'c tʉs̈-oyninʉmgap mit cʉjtu'c tʉs̈malninʉmgap. Cʉjtu'c tʉs̈tucotscap mit cʉjtu'c tʉs̈mʉjninʉmgap. Tʉs̈pʉjcap as̈am we̱tpajyat po tʉnwatcap iyacs̈ta'cway. 9Inʉmgap ni'c tʉs̈ca-is̈capcap po je'jat mismu tʉs̈-is̈capcap. Tʉtsʉ̱ngap en peligru pa tʉ-o'jcawa'n po hasta jinap Jesús tʉs̈moygap vida. Siempre Dios tʉs̈moygap mʉgʉc prueba pa tʉtsʉ̱́nga oy, po tʉs̈ca-ago'jcap. 10Tʉntunas̈cap po siempre ji'cp tʉnjo̱jtat, tʉpro̱wijat po tʉnmajyigap may jayajwat pa ma tsʉ̱nga oy mit Dios, as̈am tʉnga-aguépcapay neti po Dios tʉs̈moygap nu'pʉjʉn.
11¡Jayajwat Corintojatway! Tʉmucotscau oymanac, tʉnʉmgajau nu'pʉjʉn tʉmpensa̱tcaway. 12Mijchat tʉwangap mit nu'pʉjʉn tʉnjo̱jtat, po mijchat ca-oyawu is̈pʉctsougap mit nu'pʉjʉn injo̱jtat. 13Tʉmucotscʉs̈p as̈am tʉ̱wajyat. As̈am tʉwangʉs̈, jinap pʉctsougaguey mit nu'pʉjʉn injo̱jtat.
Ʉjtsat nas̈templujat Dios
14Camniyájcʉjʉ is̈-obliga̱tcáj jayajwat cacupʉjcapay, ni'c mijchat migaje' nije'yu mit je'jat. Ni'c ¿nat inipʉjcʉjʉwa'n jeme iwatpay oy mit jeme iwatpay mal? ¿Mit nat ijatcawa'n tu'gu luz mit chítimic? 15¿Mit nat itsʉ̱nawa'n en acuerdu Cristu mit Awayagatsna'? ¿O ti parte ijtʉp tu'c cupʉcpay mit tu'c cacupʉcpay? 16¿Mit nat itsʉ̱ngawa'n tu'gu Dios itemplu mit tiyu̱s̈at? Ni'c mijchat ayé is̈templujat ayé Dios jeme tsʉ̱napay pa siempre. As̈am Dios iguinʉjm ilibruni'c:
Tʉtsʉ̱náj ijo̱tni'jcat,
mit tʉyo'yáj mit je'jat,
mit ʉ̱ tʉtanáj Dios pa je'jat,
mit je'jat jatcáj tʉnjayajwat.
17Mit inʉmey:
Jemni'c píchinga mam itsʉ̱nga cacupʉjcapay,
mit camniyájcʉjʉ is̈-obliga̱tcáj,
mit camnijíngʉjʉ mit ma̱jlat,
mit ʉ̱ tʉpʉctsougʉs̈áj.
We'n iguinʉm el Señor.
18Mit ʉ̱ is̈te̱tjatcáj mit tʉwayjatcʉs̈áj.
We'n iguinʉm el Señor jeme imanda̱tpay nu'pʉjʉn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].