1 Timoteo 5
5
Nat iyo'ygawa'n cupʉcpajyat
1Ingache'gáj tu'c na'way po intsawiyáj as̈am tu'c inte̱t, mit we'ney intsawigʉs̈áj ya̱wayna'jat as̈am tu'c inje̱way. 2Tsawigʉs̈ ajchwaywájat as̈am tu'c inma̱m. Tsawigʉs̈ey quis̈aywájat as̈am tu'c inje̱way, ma e'pca ni'c miyo'yp limpiu.
3Majyigʉs̈ cu-o'cwájat jeme ca-itcʉjʉpay nepʉn. 4Po te tu'c cu-o'cwáy ijtʉp iwajyat mit i-ocwájat, ma pʉctajnʉ'jca je'jat iguimajyigawa'n itʉcm tsʉ̱ngapay mit ma acpítujcaja favor ima̱m mit ite̱t, ni'c Dios i-e'p ni'c oy nawátca we'n mit ayé igui-acji'jcap ijo̱jt. 5Po tu'c cu-o'cwáy ca-ijtʉpay nepʉn tsʉ̱nap itu'gumu, solo je' i-atsʉ̱nap Dios mit ji'cs̈ pa iguiyo'jtawa'n mit igui-ora̱jtawa'n Dios tsu'm mit s̈ʉ̱m. 6Po te tu'c cu-o'c iwatp solo lo que iyo'tpay ijo̱jt, Dios i-aguepáj ayé as̈am o'guic ni'c ca-ijtʉp parte mit je'. 7Manda̱tcʉs̈ ma watca as̈am tʉnʉ́jmaj pa magatsʉ̱nga malninʉmijcat. 8Mit tu'c jayau más ma cuida̱t itʉcm tsʉ̱ngapay mit we'ney ifamilia catsʉ̱ngapay mit je'. Mit te igawatp we'n, jalmanu icupʉc, mit jatáj más mal que tu'c jayau canicupʉcpay.
9Ja'ygu't listani'c cu-o'cwájat jeme itcʉjʉnupay sesenta s̈iwit, mit itcʉjʉway tu'gu ina'u. 10Ayé cu-o'cwájat ma tsʉ̱nga oyninʉ́mijcat ni'c iwatcau oy, i-acye'jcau iwajyat, i-atendia̱tcau oy iguitʉcyo'ygaway, iservia̱tcajau Dios ijayajwat, imajyigau jeme itunas̈caway, iwatí̱jcau nu'pʉjʉn cosa oyway. 11Po camja'ygu't listani'c yaucu-o'cwájat ni'c je'jat oyáj iguiwatca solo iyo'tpay ijo̱jtat mit icuyaguigáj Cristu ni'c más iwangap inicʉ'pa̱tcʉjʉwa'natu. 12Mit tangáj culpa̱tic ni'c icuyaguigau ayé primerway compromisu ni'c solo iservia̱tcajáj Cristu. 13Mit we'ney candʉ'nyujcáj mit tsʉ̱ngáj solo pa itʉcyo'ygawa'nu. Mit caje'yu ni'c candʉ'nyujcáj po we̱jtacyo'ygámpey mit itunitʉgʉygʉjʉ̱́j jayje', mit inʉmgáj jeme ca-oyway nas̈nʉm. 14Jemni'c tʉnwamp ma nicʉ'pa̱tcʉjʉ ayé yaucu-o'cwájat, ma acye'jca iwajyat, ma cuida̱tca itʉjcat, magamoyga laj tu'c mutsuguin iguimalninʉmgáj. 15Ni'c cʉjtu'c yaucu-o'cwájat icuyaguigau oyway to̱u pa iguijayaumaygawa'n Awayagatsna'.
16Te tu'c hermanu o tu'c hermana itcʉjʉp itʉcmat tu'c cu-o'cwáy ma cuida̱tca je'jat, mit we'n igatunas̈cáj cupʉcpajyat iguimantenia̱tcawa'n. Ayé cupʉcpajyat imantenia̱tcáj cu-o'cwájat, po jeme ca-itcʉjʉpay nepʉn.
17Ayé na'waywájat jeme manda̱tcapay oy templuni'c merecia̱tp nas̈respeta̱tcawa'n may, mit más narespeta̱tcáj jeme yos̈watcapay mʉgʉc pa ipredica̱tcawa'n mit pa i-ajque's̈cawa'n. 18Ni'c as̈am itsʉ̱na ja'yic Dios ilibruni'c: Ingacojmáj pusa̱t ayé buey na-actute'ní̱jcapay trigu po moyga laj ma cay s̈ʉ̱n. Mit we'ney tu'c yos̈watpay merecia̱tp iguitso̱jcawa'n.
19Ingawatáj cuenta jeme i-acusa̱tcapay tu'c na'way te ca-itp mechc o tu̱gup testigu contra je'. 20Jeme siguia̱tcapay iguiwatca mal che'cta̱jcʉs̈ mam nu'pʉjʉn hermanujat iguimárauga pa japu̱jtat ma pʉ̱tca-ey. 21Tʉmanda̱tp mi̱ mam igui-e'pca Dios mit el Señor Jesucristu mit mam igui-e'pca-ey i-ángejlat cupíwijcatway. Tʉmanda̱tp pi wat ayʉ̱́j tʉnʉjmaway. Camcupiugʉs̈ jayajwat po ajque's̈cʉ́s̈a pareju. 22Camtʉ'tscupiu jaran tu'c jayau pa is̈mo'wa'n mʉjway yos̈ templuni'c. Te inwatp we'n, oyap is̈jimp ayé jayau te iwatp mal. Nicuidá̱jtʉ mit ma̱jlat.
23Cam-u̱cwit puru nʉ', po u'guey s̈ʉ̱n vinu pa ma oytan injo̱jt mit pa pigatu'ní̱jcʉ.
24Cʉjtu'c jayajwat najawigʉs̈ap ima̱jlat antes icoygawa'n mam ijuzga̱twa'n Dios, po jacʉjtu'c jayajwat ima̱jlat cuque's̈cáj hasta mam ijuzga̱twa'n Dios. 25Wename-ey najawigap jeme iwatcapay oy, mit te nagajawigap jinap te iwatcap oy, po ayé itp ti icuque's̈cawa'n.
Currently Selected:
1 Timoteo 5: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Timoteo 5
5
Nat iyo'ygawa'n cupʉcpajyat
1Ingache'gáj tu'c na'way po intsawiyáj as̈am tu'c inte̱t, mit we'ney intsawigʉs̈áj ya̱wayna'jat as̈am tu'c inje̱way. 2Tsawigʉs̈ ajchwaywájat as̈am tu'c inma̱m. Tsawigʉs̈ey quis̈aywájat as̈am tu'c inje̱way, ma e'pca ni'c miyo'yp limpiu.
3Majyigʉs̈ cu-o'cwájat jeme ca-itcʉjʉpay nepʉn. 4Po te tu'c cu-o'cwáy ijtʉp iwajyat mit i-ocwájat, ma pʉctajnʉ'jca je'jat iguimajyigawa'n itʉcm tsʉ̱ngapay mit ma acpítujcaja favor ima̱m mit ite̱t, ni'c Dios i-e'p ni'c oy nawátca we'n mit ayé igui-acji'jcap ijo̱jt. 5Po tu'c cu-o'cwáy ca-ijtʉpay nepʉn tsʉ̱nap itu'gumu, solo je' i-atsʉ̱nap Dios mit ji'cs̈ pa iguiyo'jtawa'n mit igui-ora̱jtawa'n Dios tsu'm mit s̈ʉ̱m. 6Po te tu'c cu-o'c iwatp solo lo que iyo'tpay ijo̱jt, Dios i-aguepáj ayé as̈am o'guic ni'c ca-ijtʉp parte mit je'. 7Manda̱tcʉs̈ ma watca as̈am tʉnʉ́jmaj pa magatsʉ̱nga malninʉmijcat. 8Mit tu'c jayau más ma cuida̱t itʉcm tsʉ̱ngapay mit we'ney ifamilia catsʉ̱ngapay mit je'. Mit te igawatp we'n, jalmanu icupʉc, mit jatáj más mal que tu'c jayau canicupʉcpay.
9Ja'ygu't listani'c cu-o'cwájat jeme itcʉjʉnupay sesenta s̈iwit, mit itcʉjʉway tu'gu ina'u. 10Ayé cu-o'cwájat ma tsʉ̱nga oyninʉ́mijcat ni'c iwatcau oy, i-acye'jcau iwajyat, i-atendia̱tcau oy iguitʉcyo'ygaway, iservia̱tcajau Dios ijayajwat, imajyigau jeme itunas̈caway, iwatí̱jcau nu'pʉjʉn cosa oyway. 11Po camja'ygu't listani'c yaucu-o'cwájat ni'c je'jat oyáj iguiwatca solo iyo'tpay ijo̱jtat mit icuyaguigáj Cristu ni'c más iwangap inicʉ'pa̱tcʉjʉwa'natu. 12Mit tangáj culpa̱tic ni'c icuyaguigau ayé primerway compromisu ni'c solo iservia̱tcajáj Cristu. 13Mit we'ney candʉ'nyujcáj mit tsʉ̱ngáj solo pa itʉcyo'ygawa'nu. Mit caje'yu ni'c candʉ'nyujcáj po we̱jtacyo'ygámpey mit itunitʉgʉygʉjʉ̱́j jayje', mit inʉmgáj jeme ca-oyway nas̈nʉm. 14Jemni'c tʉnwamp ma nicʉ'pa̱tcʉjʉ ayé yaucu-o'cwájat, ma acye'jca iwajyat, ma cuida̱tca itʉjcat, magamoyga laj tu'c mutsuguin iguimalninʉmgáj. 15Ni'c cʉjtu'c yaucu-o'cwájat icuyaguigau oyway to̱u pa iguijayaumaygawa'n Awayagatsna'.
16Te tu'c hermanu o tu'c hermana itcʉjʉp itʉcmat tu'c cu-o'cwáy ma cuida̱tca je'jat, mit we'n igatunas̈cáj cupʉcpajyat iguimantenia̱tcawa'n. Ayé cupʉcpajyat imantenia̱tcáj cu-o'cwájat, po jeme ca-itcʉjʉpay nepʉn.
17Ayé na'waywájat jeme manda̱tcapay oy templuni'c merecia̱tp nas̈respeta̱tcawa'n may, mit más narespeta̱tcáj jeme yos̈watcapay mʉgʉc pa ipredica̱tcawa'n mit pa i-ajque's̈cawa'n. 18Ni'c as̈am itsʉ̱na ja'yic Dios ilibruni'c: Ingacojmáj pusa̱t ayé buey na-actute'ní̱jcapay trigu po moyga laj ma cay s̈ʉ̱n. Mit we'ney tu'c yos̈watpay merecia̱tp iguitso̱jcawa'n.
19Ingawatáj cuenta jeme i-acusa̱tcapay tu'c na'way te ca-itp mechc o tu̱gup testigu contra je'. 20Jeme siguia̱tcapay iguiwatca mal che'cta̱jcʉs̈ mam nu'pʉjʉn hermanujat iguimárauga pa japu̱jtat ma pʉ̱tca-ey. 21Tʉmanda̱tp mi̱ mam igui-e'pca Dios mit el Señor Jesucristu mit mam igui-e'pca-ey i-ángejlat cupíwijcatway. Tʉmanda̱tp pi wat ayʉ̱́j tʉnʉjmaway. Camcupiugʉs̈ jayajwat po ajque's̈cʉ́s̈a pareju. 22Camtʉ'tscupiu jaran tu'c jayau pa is̈mo'wa'n mʉjway yos̈ templuni'c. Te inwatp we'n, oyap is̈jimp ayé jayau te iwatp mal. Nicuidá̱jtʉ mit ma̱jlat.
23Cam-u̱cwit puru nʉ', po u'guey s̈ʉ̱n vinu pa ma oytan injo̱jt mit pa pigatu'ní̱jcʉ.
24Cʉjtu'c jayajwat najawigʉs̈ap ima̱jlat antes icoygawa'n mam ijuzga̱twa'n Dios, po jacʉjtu'c jayajwat ima̱jlat cuque's̈cáj hasta mam ijuzga̱twa'n Dios. 25Wename-ey najawigap jeme iwatcapay oy, mit te nagajawigap jinap te iwatcap oy, po ayé itp ti icuque's̈cawa'n.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].