1 Timoteo 3
3
Jeme icuida̱tcʉs̈pay cupʉcpajyat
1Iyacs̈ta'cway ayʉ̱́j inʉmgapay, te tu'c jayau iwamp iguicuida̱tcʉs̈wa'n cupʉcpajyat, oyway yos̈ iwamp. 2Po tu'c jeme icuida̱tpay cupʉcpajyat itp ti itsʉ̱nawa'n sin culpa, ma ijtʉ tu'gujyu ito's̈ay, siempre ma pensa̱t oy, magatʉ'tswatu neti, ma niporta̱jtʉ oy, ma pʉctsou oymanac tʉcyo'ypajyat, ma jat may pa i-aque's̈wa'n. 3Caje' mu'gajayau, caje' tsuguinjayau, magawanwit jaytumi̱n, po ma jayawa'n, ma che'n paz, magawanwit tumi̱n demás, 4ma manda̱t oy itʉcm tsʉ̱ngapay, ma iguijayaumaygac iwajyat mit ma iguirespeta̱tcac. 5Ni'c jeme igajatpay iguimanda̱tcʉs̈ itʉcm tsʉ̱ngapay, ¿natpaj iguicuida̱tcʉs̈wa'n Dios ijayajwat? 6Mit tu'c namcupʉcpay ca-oyap itan pa cuida̱tpay ni'c oyap inimʉjninʉ́jmʉ, mit oyap iguicastiga̱tp Dios as̈am iguicastiga̱jt Awayagatsna'. 7We'ney jeme cacupʉjcapay itp ti igui-oyninʉmgawa'n ayé jayau tanámpay encarga̱tic. Te caje' we'n ayé mismu jayajwat iguimalninʉmgáj je', mit oyap igui-actamp Awayagatsna'.
Jeme majyigapay templuni'c
8We'ney diáconojat jeme majyigapay templuni'c ma niporta̱tcʉjʉ oy, magatigatsí̱jca lo que inʉmgapay, caje' mu'gajayajwat, magawangawit jaytumi̱n. 9Ma is̈capca oy lo que Dios nas̈actujawigapay pa nas̈cupʉjcawa'n, ma tsʉ̱nga limpiu ijo̱tni'jcat. 10Mit ayʉ̱́jat ma proba̱jtʉ'jca te pichingáj oy, mit te nepʉn iguigamalninʉmgap ma tanga as̈am diáconojat. 11We'ney to's̈ajyat jeme majyigapay templuni'c ma niporta̱tcʉjʉ oy, magawe̱twatcaja nepʉn, ma pensa̱tca oy, ma cumplia̱tca nu'pʉjʉn. 12Tu'c diácono ma ijtʉ tu'gujyu ito's̈ay, ma manda̱t oy iwajyat mit itʉcm tsʉ̱ngapay. 13Ni'c ayé diáconojat jeme majyigapay oy, tsʉ̱ngáj bien oyninʉ́mijcat, mit más capʉ̱tcáj iguinʉmgawa'n ni'c icupʉjcap Cristu Jesús.
Lo que Dios nas̈actujawigapay
14Ayʉ̱́j noc tʉja'jyap po tʉnatsʉ̱nap tʉnʉs̈wa'n pe'jyu mam intsʉ̱na. 15Mit te tʉganʉs̈p pe'jyu, injawinup nat inyiporta̱jtʉwa'n mam igui-e'pca Dios ijayajwat ni'c mijchat is̈templujat ayé Dios jeme tsʉ̱napay pa siempre, mit inmoygap maj jayajwat pa ma siguia̱tca lo que iyacs̈ta'cway. 16Mit iyacs̈ta'cway oymanac lo que nacupʉjcapay ni'c ayé Dios nas̈actujawigau.
Dios min yam as̈am jayau,
Espíritu Santu iguiyacs̈icninʉm,
igui-is̈cau ángejlat.
Inʉmdacyo'ygajau i-oyway noticia pa jeme caje'jatway judíujat,
jayajwat ayʉ̱́j mundujway icupʉjcau je',
mit je' cu'tnuw pa tsajpni'c mam i-oymanagui.
Currently Selected:
1 Timoteo 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Timoteo 3
3
Jeme icuida̱tcʉs̈pay cupʉcpajyat
1Iyacs̈ta'cway ayʉ̱́j inʉmgapay, te tu'c jayau iwamp iguicuida̱tcʉs̈wa'n cupʉcpajyat, oyway yos̈ iwamp. 2Po tu'c jeme icuida̱tpay cupʉcpajyat itp ti itsʉ̱nawa'n sin culpa, ma ijtʉ tu'gujyu ito's̈ay, siempre ma pensa̱t oy, magatʉ'tswatu neti, ma niporta̱jtʉ oy, ma pʉctsou oymanac tʉcyo'ypajyat, ma jat may pa i-aque's̈wa'n. 3Caje' mu'gajayau, caje' tsuguinjayau, magawanwit jaytumi̱n, po ma jayawa'n, ma che'n paz, magawanwit tumi̱n demás, 4ma manda̱t oy itʉcm tsʉ̱ngapay, ma iguijayaumaygac iwajyat mit ma iguirespeta̱tcac. 5Ni'c jeme igajatpay iguimanda̱tcʉs̈ itʉcm tsʉ̱ngapay, ¿natpaj iguicuida̱tcʉs̈wa'n Dios ijayajwat? 6Mit tu'c namcupʉcpay ca-oyap itan pa cuida̱tpay ni'c oyap inimʉjninʉ́jmʉ, mit oyap iguicastiga̱tp Dios as̈am iguicastiga̱jt Awayagatsna'. 7We'ney jeme cacupʉjcapay itp ti igui-oyninʉmgawa'n ayé jayau tanámpay encarga̱tic. Te caje' we'n ayé mismu jayajwat iguimalninʉmgáj je', mit oyap igui-actamp Awayagatsna'.
Jeme majyigapay templuni'c
8We'ney diáconojat jeme majyigapay templuni'c ma niporta̱tcʉjʉ oy, magatigatsí̱jca lo que inʉmgapay, caje' mu'gajayajwat, magawangawit jaytumi̱n. 9Ma is̈capca oy lo que Dios nas̈actujawigapay pa nas̈cupʉjcawa'n, ma tsʉ̱nga limpiu ijo̱tni'jcat. 10Mit ayʉ̱́jat ma proba̱jtʉ'jca te pichingáj oy, mit te nepʉn iguigamalninʉmgap ma tanga as̈am diáconojat. 11We'ney to's̈ajyat jeme majyigapay templuni'c ma niporta̱tcʉjʉ oy, magawe̱twatcaja nepʉn, ma pensa̱tca oy, ma cumplia̱tca nu'pʉjʉn. 12Tu'c diácono ma ijtʉ tu'gujyu ito's̈ay, ma manda̱t oy iwajyat mit itʉcm tsʉ̱ngapay. 13Ni'c ayé diáconojat jeme majyigapay oy, tsʉ̱ngáj bien oyninʉ́mijcat, mit más capʉ̱tcáj iguinʉmgawa'n ni'c icupʉjcap Cristu Jesús.
Lo que Dios nas̈actujawigapay
14Ayʉ̱́j noc tʉja'jyap po tʉnatsʉ̱nap tʉnʉs̈wa'n pe'jyu mam intsʉ̱na. 15Mit te tʉganʉs̈p pe'jyu, injawinup nat inyiporta̱jtʉwa'n mam igui-e'pca Dios ijayajwat ni'c mijchat is̈templujat ayé Dios jeme tsʉ̱napay pa siempre, mit inmoygap maj jayajwat pa ma siguia̱tca lo que iyacs̈ta'cway. 16Mit iyacs̈ta'cway oymanac lo que nacupʉjcapay ni'c ayé Dios nas̈actujawigau.
Dios min yam as̈am jayau,
Espíritu Santu iguiyacs̈icninʉm,
igui-is̈cau ángejlat.
Inʉmdacyo'ygajau i-oyway noticia pa jeme caje'jatway judíujat,
jayajwat ayʉ̱́j mundujway icupʉjcau je',
mit je' cu'tnuw pa tsajpni'c mam i-oymanagui.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].