1 Pedro 2
2
1Jinap cuyáguiga nu'pʉjʉn ma̱jlat mit nu'pʉjʉn we̱jtat. Mit camniwe̱tcʉjʉ mijchatu. Cam-ánga jeme ijtʉpay más, mit camtucótsca nepʉn. 2Jinap mitsʉ̱ngap as̈am yauya̱wájat. Oy pi wanga tu'c leche camoticway mit ma̱jlat, ayé inʉmo'jcʉp ni'c pi wanga puru cosa oyway iyacpay Dios, pa we'n miye'jcáj mit mitsʉ̱ngáj salva̱tic. 3Ni'c injawigap ni'c el Señor jayawano'cp.
Ayé tsa' nas̈moygapay vida
4Nacutómiga Cristu ni'c je' as̈am tu'c tsa' itsʉmtso̱pay nu'pʉjʉn, mit je' nas̈moygap vida. Jayajwat igawangawu Cristu, po Dios icupi̱u mit iwano'cp. 5Cristu is̈moygau nam vida ni'c inmutʉgʉygau je' mit jinap Dios is̈pʉjcáj as̈am tu'c templu mam je' itsʉ̱nawa'n. Mit Dios is̈-aparta̱tcau pa intsʉ̱ngawa'n as̈am pa̱nijat pa is̈servia̱tcajawa'n je', mit oyáj is̈cótscaja Dios tu'c ofrenda jeme je' ipʉctsowámpay, ni'c Cristu is̈moygap favor. 6Jemni'c ja'yic itsʉ̱na Dios ilibruni'c:
Márauga. Tʉnyagáj nʉ'jcopac Sion tu'c tsa' meru tanámpay esquinani'c pa itsʉmwa'n más,
mit ayé Dios icupi̱u, mit iwano'cp,
mit jeme icupʉcpay je', cawinchu̱gáj.
7Jemni'c mijchat micupʉjcapay inwano'jcap je'. Po jeme cacupʉjcapay, icumplia̱tcanup jeme tsʉ̱napay ja'yic Dios ilibruni'c, inʉm:
Ayé tsa' igawangaway tʉcwatpayna'jat,
Ayé tamp pa esquinani'c pa itsʉmwa'n más.
8Mit inʉmey Dios ilibruni'c:
Je'jat cunepigap en ayé tsa'
mit igui-ajca'ugáj.
Je'jat cunepigap en ayé tsa', mit ayé tsa' inʉmo'jcʉp Cristu ipalabra, ni'c ayé jayajwat igajayaumaygap lo que inʉmpay Cristu. Mit Dios inʉm ámbanu ni'c cunepigáj, ni'c cajayaumaygap.
Dios ijayajwat
9Dios is̈cupiugau pa is̈wayjatcáj. Dios as̈am rey mit je' is̈yajcau pa pa̱nijat pa is̈servia̱tcajawa'n je'. Dios is̈-aparta̱tcau mit is̈actangap pa je'. Jat we'n pa is̈nʉmdacyo'ygawa'n nu'pʉjʉn cosa oyway iwatpay Dios, ni'c Dios is̈ya̱s̈cau pa pi cuyaguiga nu'pʉjʉn mal, pa we'n miyo'ygáj Dios iluzni'c oymanacway. 10Mijchat primeru migaje'jat Dios is̈jayajwat, po jinap mijchat Dios is̈jayajwat. Primeru Dios is̈ca-ayo̱wis̈cawu, po jinap Dios is̈-ayo̱wis̈canup.
Pensá̱tca pa is̈servia̱tcajawa'n Dios
11Mijchat tʉwangʉs̈pay, mitsʉ̱ngap as̈am pe'ta̱majyat en ayʉ̱́j mundu mit as̈am miyo'ygapay jayna̱s̈ni'c. Tʉnʉmgʉs̈ap pi niju'ptangʉjʉ de ayé ma̱jlat iyo'tpay injo̱jtat, ni'c ayé ma̱jlat oyap is̈atujcap mit is̈actogoygáj. 12Niportá̱tcʉjʉ oy mam is̈-e'pcap ayé jayajwat jeme iga-is̈capcapay Dios. Jinap is̈tucotscap ni'c mimaljayajwat, po majawe'naj i-e'pcáj ni'c inwatcap oy, mit i-oyninʉmgáj Dios en ayé s̈ʉjw cuandu i-arregla̱twa'n.
13Como injayaumaygap el Señor, jayaumáyga-ey nu'pʉjʉn jayajwat jeme manda̱tcapay. Más injayaumaygáj tu'c rey ni'c je' más manda̱tp. 14Jayaumáyga-ey gobernadojrat ni'c je'jat iyajcau pa iguicastiga̱tcawa'n maljayajwat mit pa igui-oyninʉmgawa'n jeme iwatcapay oy. 15Dios iwamp pi watca oy, pa we'n in-awatujcáj jeme iga-is̈capcapay Dios, ni'c je'jat igajawigap ti inʉmgapay.
16Jinap mitsʉ̱ngap libre po caje' pa is̈watcawa'n mal. Dios is̈libra̱tcau pa is̈servia̱tcajawa'n je'. 17Respetá̱tca nu'pʉjʉn jayajwat, wánga nu'pʉjʉn hermanujat, pʉ̱tca Dios mit respetá̱tca ayé rey jeme is̈manda̱tcapay.
Cristu itunas̈ pa ʉjtsat
18Mozojat, jayaumáyga mit respetá̱tca injaycat. Caje'yu jeme manda̱tcapay oy po we'ney jayaumáyga injaycat jeme iga-ayo̱wis̈capay nepʉn. 19Te is̈actunas̈cap ni'c inwatcap oy, Dios is̈-oyninʉmgáj, ni'c intunas̈cap ni'c inwatcap lo que je' iwampay. Solo oy pi majmoyga is̈tunas̈cawa'n. 20Ni'c te is̈actunas̈cap ni'c inwatcap mal ¿pa ti oy te inmajmoygap? Po te intunas̈cap ni'c inwatcap oy mit inmajmoygap, iyacs̈ta'cway Dios is̈-oyninʉmgáj. 21Mit Dios is̈ya̱s̈cau pa is̈tunas̈cawa'n, ni'c we'ney Cristu itunas̈ pa ʉjtsat mit nas̈yajcajau ejemplu pa nayo'yga as̈am je' iyo'jy. 22Cristu igawatu mal, ne cawe̱tu nunca. 23Cuandu iguitucótscaj je', igapo'ngʉs̈u mal. Cuandu je' iguitunas̈, iganʉmu ni'c venga̱táj, po iyajcau nu'pʉjʉn Dios icʉ'jugum pa je' ma juzga̱tcʉs̈ yacs̈ic. 24Cristu itunas̈ pa ʉjtsat mit itsʉm nu'pʉjʉn mal nawatcaway cuandu i-o'jc cunu̱s̈ni'c. Je' iwat we'n pa ʉjtsat natsʉ̱́nga libra̱tic pa nagajawátca mal, mit we'n nayo'ygáj yacs̈ic. Mit je' imoyta̱jcau pa mijchat pi oytanga. 25Ni'c mijchat mitsʉ̱ngau as̈am borregujat jeme cunʉs̈igapay, po jinap incutomigau Cristu ni'c je' as̈am tu'c borregucuida̱tpay, mit je' icuida̱tp imvidajat.
Currently Selected:
1 Pedro 2: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Pedro 2
2
1Jinap cuyáguiga nu'pʉjʉn ma̱jlat mit nu'pʉjʉn we̱jtat. Mit camniwe̱tcʉjʉ mijchatu. Cam-ánga jeme ijtʉpay más, mit camtucótsca nepʉn. 2Jinap mitsʉ̱ngap as̈am yauya̱wájat. Oy pi wanga tu'c leche camoticway mit ma̱jlat, ayé inʉmo'jcʉp ni'c pi wanga puru cosa oyway iyacpay Dios, pa we'n miye'jcáj mit mitsʉ̱ngáj salva̱tic. 3Ni'c injawigap ni'c el Señor jayawano'cp.
Ayé tsa' nas̈moygapay vida
4Nacutómiga Cristu ni'c je' as̈am tu'c tsa' itsʉmtso̱pay nu'pʉjʉn, mit je' nas̈moygap vida. Jayajwat igawangawu Cristu, po Dios icupi̱u mit iwano'cp. 5Cristu is̈moygau nam vida ni'c inmutʉgʉygau je' mit jinap Dios is̈pʉjcáj as̈am tu'c templu mam je' itsʉ̱nawa'n. Mit Dios is̈-aparta̱tcau pa intsʉ̱ngawa'n as̈am pa̱nijat pa is̈servia̱tcajawa'n je', mit oyáj is̈cótscaja Dios tu'c ofrenda jeme je' ipʉctsowámpay, ni'c Cristu is̈moygap favor. 6Jemni'c ja'yic itsʉ̱na Dios ilibruni'c:
Márauga. Tʉnyagáj nʉ'jcopac Sion tu'c tsa' meru tanámpay esquinani'c pa itsʉmwa'n más,
mit ayé Dios icupi̱u, mit iwano'cp,
mit jeme icupʉcpay je', cawinchu̱gáj.
7Jemni'c mijchat micupʉjcapay inwano'jcap je'. Po jeme cacupʉjcapay, icumplia̱tcanup jeme tsʉ̱napay ja'yic Dios ilibruni'c, inʉm:
Ayé tsa' igawangaway tʉcwatpayna'jat,
Ayé tamp pa esquinani'c pa itsʉmwa'n más.
8Mit inʉmey Dios ilibruni'c:
Je'jat cunepigap en ayé tsa'
mit igui-ajca'ugáj.
Je'jat cunepigap en ayé tsa', mit ayé tsa' inʉmo'jcʉp Cristu ipalabra, ni'c ayé jayajwat igajayaumaygap lo que inʉmpay Cristu. Mit Dios inʉm ámbanu ni'c cunepigáj, ni'c cajayaumaygap.
Dios ijayajwat
9Dios is̈cupiugau pa is̈wayjatcáj. Dios as̈am rey mit je' is̈yajcau pa pa̱nijat pa is̈servia̱tcajawa'n je'. Dios is̈-aparta̱tcau mit is̈actangap pa je'. Jat we'n pa is̈nʉmdacyo'ygawa'n nu'pʉjʉn cosa oyway iwatpay Dios, ni'c Dios is̈ya̱s̈cau pa pi cuyaguiga nu'pʉjʉn mal, pa we'n miyo'ygáj Dios iluzni'c oymanacway. 10Mijchat primeru migaje'jat Dios is̈jayajwat, po jinap mijchat Dios is̈jayajwat. Primeru Dios is̈ca-ayo̱wis̈cawu, po jinap Dios is̈-ayo̱wis̈canup.
Pensá̱tca pa is̈servia̱tcajawa'n Dios
11Mijchat tʉwangʉs̈pay, mitsʉ̱ngap as̈am pe'ta̱majyat en ayʉ̱́j mundu mit as̈am miyo'ygapay jayna̱s̈ni'c. Tʉnʉmgʉs̈ap pi niju'ptangʉjʉ de ayé ma̱jlat iyo'tpay injo̱jtat, ni'c ayé ma̱jlat oyap is̈atujcap mit is̈actogoygáj. 12Niportá̱tcʉjʉ oy mam is̈-e'pcap ayé jayajwat jeme iga-is̈capcapay Dios. Jinap is̈tucotscap ni'c mimaljayajwat, po majawe'naj i-e'pcáj ni'c inwatcap oy, mit i-oyninʉmgáj Dios en ayé s̈ʉjw cuandu i-arregla̱twa'n.
13Como injayaumaygap el Señor, jayaumáyga-ey nu'pʉjʉn jayajwat jeme manda̱tcapay. Más injayaumaygáj tu'c rey ni'c je' más manda̱tp. 14Jayaumáyga-ey gobernadojrat ni'c je'jat iyajcau pa iguicastiga̱tcawa'n maljayajwat mit pa igui-oyninʉmgawa'n jeme iwatcapay oy. 15Dios iwamp pi watca oy, pa we'n in-awatujcáj jeme iga-is̈capcapay Dios, ni'c je'jat igajawigap ti inʉmgapay.
16Jinap mitsʉ̱ngap libre po caje' pa is̈watcawa'n mal. Dios is̈libra̱tcau pa is̈servia̱tcajawa'n je'. 17Respetá̱tca nu'pʉjʉn jayajwat, wánga nu'pʉjʉn hermanujat, pʉ̱tca Dios mit respetá̱tca ayé rey jeme is̈manda̱tcapay.
Cristu itunas̈ pa ʉjtsat
18Mozojat, jayaumáyga mit respetá̱tca injaycat. Caje'yu jeme manda̱tcapay oy po we'ney jayaumáyga injaycat jeme iga-ayo̱wis̈capay nepʉn. 19Te is̈actunas̈cap ni'c inwatcap oy, Dios is̈-oyninʉmgáj, ni'c intunas̈cap ni'c inwatcap lo que je' iwampay. Solo oy pi majmoyga is̈tunas̈cawa'n. 20Ni'c te is̈actunas̈cap ni'c inwatcap mal ¿pa ti oy te inmajmoygap? Po te intunas̈cap ni'c inwatcap oy mit inmajmoygap, iyacs̈ta'cway Dios is̈-oyninʉmgáj. 21Mit Dios is̈ya̱s̈cau pa is̈tunas̈cawa'n, ni'c we'ney Cristu itunas̈ pa ʉjtsat mit nas̈yajcajau ejemplu pa nayo'yga as̈am je' iyo'jy. 22Cristu igawatu mal, ne cawe̱tu nunca. 23Cuandu iguitucótscaj je', igapo'ngʉs̈u mal. Cuandu je' iguitunas̈, iganʉmu ni'c venga̱táj, po iyajcau nu'pʉjʉn Dios icʉ'jugum pa je' ma juzga̱tcʉs̈ yacs̈ic. 24Cristu itunas̈ pa ʉjtsat mit itsʉm nu'pʉjʉn mal nawatcaway cuandu i-o'jc cunu̱s̈ni'c. Je' iwat we'n pa ʉjtsat natsʉ̱́nga libra̱tic pa nagajawátca mal, mit we'n nayo'ygáj yacs̈ic. Mit je' imoyta̱jcau pa mijchat pi oytanga. 25Ni'c mijchat mitsʉ̱ngau as̈am borregujat jeme cunʉs̈igapay, po jinap incutomigau Cristu ni'c je' as̈am tu'c borregucuida̱tpay, mit je' icuida̱tp imvidajat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].