1 Juan 5
5
Cupʉcpajyat ivencia̱tcap ayʉ̱́j mundu
1Nu'pʉjʉn jeme icupʉcpay ni'c Jesús ayé Cristu i-ajyu'tway Dios, ayé jayau Dios iguiwayjátway. Pʉmba'tu jeme iwampay Dios Nate̱jat, iwa'námpey jeme je' iwayjatcʉs̈pay. 2Cuandu nas̈wánga Dios mit nas̈jayaumáyga lo que imanda̱tpay, najawigap ni'c nawangapey jeme je' iwayjatcʉs̈way. 3Najawigap ni'c nawangap Dios cuandu nas̈jayaumáyga lo que imanda̱tpay. Mit lo que je' imanda̱tpay, caje' mʉgʉc pa nas̈cumplia̱tcawa'n. 4Nu'pʉjʉn Dios iwajyat ivencia̱tcap mal itpay en ayʉ̱́j mundu, ni'c jeme cupʉjcapay, oyámpey iguivencia̱tca mal itpay en ayʉ̱́j mundu. 5Jeme icupʉcpay ni'c Jesús ayé Dios iway, ayé ivencia̱táj mal itpay en ayʉ̱́j mundu.
Lo que Espíritu Santu nas̈actujawigapay
6Ayʉ̱́j ayé Jesucristu jeme minway mit nʉ' mit nipin. Ayé nas̈actujawigap ni'c je' ninʉ'gutejmʉu mit nʉ', mit iyac inipin cunu̱s̈ni'c. Mit Espíritu Santu nas̈actujawigap ayé, mit je' inʉmp lo que iyacs̈ta'cway. 7Itp tu̱gup jeme tsʉ̱ngapay tsajpni'c jeme nas̈actujawigapay: Dios Nate̱jat, ayé Palabra nas̈actu-is̈capcapay Dios, mit Espíritu Santu. Mit ayʉ̱́j tu̱gupay, tsʉ̱ngap as̈am tu'gu. 8Mit itp tu̱gup en ayʉ̱j mundu jeme nas̈actujawigapay: Espíritu Santu, ayé nʉ' mit ayé nipin. Mit ayʉ̱́j tu̱gupay tsʉ̱ngap as̈am tu'gu. 9Te nacupʉjcap lo que jayajwat inʉmgapay, más oy nacupʉ́jca lo que Dios inʉmpay, ni'c ayé valia̱tp más. Mit Dios nas̈nʉmgajap ni'c nacupʉ́jcaja iway, ni'c je' inʉmp lo que iyacs̈ta'cway. 10Jeme icupʉjcapay Dios iway, ijawip ni'c iyacs̈ta'cway lo que inʉmpay Dios. Mit jeme igacupʉcpay Dios, inʉmp ni'c Dios we̱tp, ni'c igacupʉcp lo que Dios inʉmway pa nas̈cupʉjcajawa'n iway. 11Mit ayʉ̱́j ayé nas̈actujawigapay Dios: je' nas̈moygap vida cacʉs̈ámpay, mit imoygʉs̈p ayʉ̱́j vida jeme icupʉjcajapay iway. 12Jeme icupʉjcapay Dios iway, ijtʉp vida cacʉs̈ámpay. Mit jeme igacupʉjcapay Dios iway, ca-ijtʉp vida cacʉs̈ámpay.
Lo que Juan itsawigʉs̈pay cupʉcpajyat
13Tʉja'ygʉs̈ap mijchat incupʉjcajapay Dios iway, pa pi jawiga ni'c inaguepcap vida cacʉs̈ámpay.
14Mit nagapʉ̱tcáj nas̈cutomigawa'n Dios, ni'c te nayo'tcajap tanti lo que je' iwampay nas̈aguepcawa'n, je' nas̈maraugap. 15Mit te najawigap ni'c je' nas̈maraugap tiyu nayo'tcajámpay, najawigapey ni'c na-aguepcáj lo que nayo'tcajaway.
16Te tu'c jayau i-e'p ni'c ihermanu iwatp tu'c mal caje'way pa itogoywa'n, ayé jayau iyo'jtáj Dios pa ayé hermanu iwatway mal, mit Dios ilibra̱táj ayé hermanu magatogoy. Po jeme iwatpay mal pa itogoywa'n, tʉganʉmgʉs̈ap pi yo'tcaja Dios pa ayé jayau. 17Nu'pʉjʉn mal nawatpay, Dios i-e'p ni'c mal ayé. Po itp mal jeme nas̈ca-actogoypay.
18Najawigap ni'c pʉmba'tu jeme Dios iguiwayjátway, cajasiguia̱táj iguiwat mal. Ni'c Dios iway nas̈cuida̱tcap, mit malwayna' nas̈cawatcajap neti.
19Najawigap ni'c Dios nas̈je'játcau. Mit nu'pʉjʉn jayajwat iwangapay mal itpay en ayʉ̱́j mundu, igui-actangap malwayna'.
20Po najawigap ni'c minway Dios iway. Mit je' nas̈actu-is̈capcaway Dios jeme iyacs̈ta'cway. Mit jinap namutʉgʉygau Jesucristu, Dios iway, mit namutʉgʉygawey Dios jeme iyacs̈ta'cway. Ayʉ̱́j ayé Dios iyacs̈ta'cway jeme nas̈moygapay vida jeme cacʉs̈ámpay. 21Mijchat tʉ-e'pcʉs̈p as̈am tʉ̱wajyat. Tʉtsawigʉs̈p pi nicuida̱tcʉjʉ, camwanga nejʉmay tiyu̱s̈. Yam icʉs̈ tʉnʉmgʉs̈apay.
Currently Selected:
1 Juan 5: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Juan 5
5
Cupʉcpajyat ivencia̱tcap ayʉ̱́j mundu
1Nu'pʉjʉn jeme icupʉcpay ni'c Jesús ayé Cristu i-ajyu'tway Dios, ayé jayau Dios iguiwayjátway. Pʉmba'tu jeme iwampay Dios Nate̱jat, iwa'námpey jeme je' iwayjatcʉs̈pay. 2Cuandu nas̈wánga Dios mit nas̈jayaumáyga lo que imanda̱tpay, najawigap ni'c nawangapey jeme je' iwayjatcʉs̈way. 3Najawigap ni'c nawangap Dios cuandu nas̈jayaumáyga lo que imanda̱tpay. Mit lo que je' imanda̱tpay, caje' mʉgʉc pa nas̈cumplia̱tcawa'n. 4Nu'pʉjʉn Dios iwajyat ivencia̱tcap mal itpay en ayʉ̱́j mundu, ni'c jeme cupʉjcapay, oyámpey iguivencia̱tca mal itpay en ayʉ̱́j mundu. 5Jeme icupʉcpay ni'c Jesús ayé Dios iway, ayé ivencia̱táj mal itpay en ayʉ̱́j mundu.
Lo que Espíritu Santu nas̈actujawigapay
6Ayʉ̱́j ayé Jesucristu jeme minway mit nʉ' mit nipin. Ayé nas̈actujawigap ni'c je' ninʉ'gutejmʉu mit nʉ', mit iyac inipin cunu̱s̈ni'c. Mit Espíritu Santu nas̈actujawigap ayé, mit je' inʉmp lo que iyacs̈ta'cway. 7Itp tu̱gup jeme tsʉ̱ngapay tsajpni'c jeme nas̈actujawigapay: Dios Nate̱jat, ayé Palabra nas̈actu-is̈capcapay Dios, mit Espíritu Santu. Mit ayʉ̱́j tu̱gupay, tsʉ̱ngap as̈am tu'gu. 8Mit itp tu̱gup en ayʉ̱j mundu jeme nas̈actujawigapay: Espíritu Santu, ayé nʉ' mit ayé nipin. Mit ayʉ̱́j tu̱gupay tsʉ̱ngap as̈am tu'gu. 9Te nacupʉjcap lo que jayajwat inʉmgapay, más oy nacupʉ́jca lo que Dios inʉmpay, ni'c ayé valia̱tp más. Mit Dios nas̈nʉmgajap ni'c nacupʉ́jcaja iway, ni'c je' inʉmp lo que iyacs̈ta'cway. 10Jeme icupʉjcapay Dios iway, ijawip ni'c iyacs̈ta'cway lo que inʉmpay Dios. Mit jeme igacupʉcpay Dios, inʉmp ni'c Dios we̱tp, ni'c igacupʉcp lo que Dios inʉmway pa nas̈cupʉjcajawa'n iway. 11Mit ayʉ̱́j ayé nas̈actujawigapay Dios: je' nas̈moygap vida cacʉs̈ámpay, mit imoygʉs̈p ayʉ̱́j vida jeme icupʉjcajapay iway. 12Jeme icupʉjcapay Dios iway, ijtʉp vida cacʉs̈ámpay. Mit jeme igacupʉjcapay Dios iway, ca-ijtʉp vida cacʉs̈ámpay.
Lo que Juan itsawigʉs̈pay cupʉcpajyat
13Tʉja'ygʉs̈ap mijchat incupʉjcajapay Dios iway, pa pi jawiga ni'c inaguepcap vida cacʉs̈ámpay.
14Mit nagapʉ̱tcáj nas̈cutomigawa'n Dios, ni'c te nayo'tcajap tanti lo que je' iwampay nas̈aguepcawa'n, je' nas̈maraugap. 15Mit te najawigap ni'c je' nas̈maraugap tiyu nayo'tcajámpay, najawigapey ni'c na-aguepcáj lo que nayo'tcajaway.
16Te tu'c jayau i-e'p ni'c ihermanu iwatp tu'c mal caje'way pa itogoywa'n, ayé jayau iyo'jtáj Dios pa ayé hermanu iwatway mal, mit Dios ilibra̱táj ayé hermanu magatogoy. Po jeme iwatpay mal pa itogoywa'n, tʉganʉmgʉs̈ap pi yo'tcaja Dios pa ayé jayau. 17Nu'pʉjʉn mal nawatpay, Dios i-e'p ni'c mal ayé. Po itp mal jeme nas̈ca-actogoypay.
18Najawigap ni'c pʉmba'tu jeme Dios iguiwayjátway, cajasiguia̱táj iguiwat mal. Ni'c Dios iway nas̈cuida̱tcap, mit malwayna' nas̈cawatcajap neti.
19Najawigap ni'c Dios nas̈je'játcau. Mit nu'pʉjʉn jayajwat iwangapay mal itpay en ayʉ̱́j mundu, igui-actangap malwayna'.
20Po najawigap ni'c minway Dios iway. Mit je' nas̈actu-is̈capcaway Dios jeme iyacs̈ta'cway. Mit jinap namutʉgʉygau Jesucristu, Dios iway, mit namutʉgʉygawey Dios jeme iyacs̈ta'cway. Ayʉ̱́j ayé Dios iyacs̈ta'cway jeme nas̈moygapay vida jeme cacʉs̈ámpay. 21Mijchat tʉ-e'pcʉs̈p as̈am tʉ̱wajyat. Tʉtsawigʉs̈p pi nicuida̱tcʉjʉ, camwanga nejʉmay tiyu̱s̈. Yam icʉs̈ tʉnʉmgʉs̈apay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].