Соломона хамгин сән дун 7
7
[Ерусалимин күүкд:]
1– Хәрү ир, хәрү ир, Шулама күүкн!
Хәрү ир, хәрү ир.
Хәләнәвидн чамаг!
[Күүкн:]
– Намаг ю хәәҗ хәләхмбт,
Намаг Шулама күүкиг,
Маханаимин би биилҗәнә гиһәдий?
[Көвүн:]
2– О, хәәртә күүкн,
чини буршмгта көл ямаран сәәхн!
Чини мах бәрсн таша төөлг мет,
Терүг алт цутхдг эрдмч кеснлә әдл.
3Чини киисн – төгрг ааһ мет:
Терүнәс амтта чаһр бичә чилтхә.
Чини гесн – ова буудя.
Терүг лилия цецгүд бүслҗәнә.
4Чини көкн – хойр бичкн хурһд,
Теднь гөрәснә икр хурһд мет.
5Чини күзүн – занын яснас кесн башнь мет,
Чини нүдн – алдр балһсн Хешбона
үүднд бәәсн нуурин бәәдлтә.
Чини хамр – Ливан һазра башнь мет.
Тер Дамаск тал хурцар хәләҗәнә.
6Чини толһа – Кармил уулын бәәдлтә,
Чини толһан үсн – чисм улан өңгәр гилвкнә!
Отхта үснд хан дурлва.
7Дурн ямаран әмтәхнч:
Олн таалмҗсас хамгин сәнч!
8Чини цогц – пальм моднла әдл,
Чини көкн – уста үзмин сала.
9Би пальм деер һарсув, – гиҗ санв. –
Терүнә темстә ацмудас бәрсүв…
Чини көкн уста үзмин сала болтха,
Чини әмсхл – альмна үнр болтха,
10Чини урл – сән чаһр болтха…
[Күүкн:]
– …Мини улан урлас асхрад,
Мини иньгин амнд тустан орҗана.
11Би иньгиннь күүкмб,
Тер намаг авлхар седнә.
[Күүкн:]
12– Иньг минь! Тег тал һарий,
Хна урһҗах һазрт бидн
хамдан сөөһән давулхмн.
13Өр цәәҗәх кемлә
Одхмн уста үзмин тәрәнд.
Одад бура көкрҗәхинь хәләхмн.
Тер экләд цецгәлҗәхинь хәләхмн,
Тенд гранат цецгәлҗәхинь хәләхмн.
Тенд би чамаг таалнав.
14Мандрагорс#7:14 Мандрагор – күүг диинрүлдг олн җилд урһдг иш уга өвсн. урһмл каңкнҗана,
Мана герин үүднд олн темсн бәәнә;
Шин урһмлас зүсн-зүүл, урдк тәрәнәс
чамд, иньгм, үлдәвүв.
Currently Selected:
Соломона хамгин сән дун 7: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
