Әмтнә то авлһн 7
7
Өргә герин төлә һардачнрин өгчәх бәрц
1Моше өргә гер бәрхләрн, дотрнь тәвх тоотыг әрүсләд тос түркв. Тер мет тәклин ормиг болн терүнә юмсиг әрүслв. Эн тоотсиг цугтаһинь тос түркәд әрүслв. 2Дарунь Израилин һардачнр, уңг-тохмин толһачнр – әмнә то бүрткҗ бичсн отгудын һардачнр эврәннь бәрцән авч ирцхәв. 3Тедн Деед Эзнә өмн бүркәтә зурһан тергн аца болн 12 бух бәрц бәрҗ зогсав. Терүнд хойр толһачас неҗәһәд тергн аца болн неҗәһәд бух толһач болһнас орулв. Бухмудыг болн ацадыг өргә герин өмн зогсав.
4Деед Эзн Мошед келв:
5– Энүг Харһлтын Шатрт көдлмш кехин төлә авад левитмүдт кергтә тоотынь хуваһад өг.
6Моше тергтә ацаг болн бух малмудыг авад левитмүдт өгв. 7Хойр тергтә ацаг болн дөрвн бухиг Гершона хөөт үрдт көдлмш кетхә гиҗ өгв. 8Ахарон гелңгин Итамар гидг көвүнә һардврт көдлҗәх Мерарин хөөт үйнрт дөрвн тергн аца болн нәәмн бух өгв. 9Кахатын хөөт үйнрт юм өгсн уга. Яһад гихлә теднә көдлмш әрүн юмс ээм деерән үүрәд кедг көдлмш.
10Тәклин ормиг тосар түркснә хөөн, терүг байрин бәәдлд секхин төлә һардачнр белгән авч ирцхәв. Тедн эврәннь белгән тәклин ормд күргәд оркв. 11Деед Эзн Мошед келв:
– Тедн селгәһәр, һардач болһн эврә өдртән байрин бәәдлд тәклин ормиг секхин төлә, белгән авч ирҗәтхә.
12Түрүн өдр эврәннь белгән Йудан отгас Аминадавин көвүн Нахшон авч ирв. 13Терүнә белг эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн), 14күҗәр дүүрң алтн шанһ чиңнүрәрн 10 шекель, 15шаталһнд орулгдх эр бүрү, хуц болн нег җил күрсн хурһн; 16килнцәс цеврллһнә бәрцд орулхин төлә 1 тек; 172 бух, 5 хуц, 5 тек болн нег җил күрсн 5 хурһ эвцлһнә бәрцд орулхин төлә. Аминадавин көвүн Нахшона бәрцнь иим бәәҗ.
18Хойрдгч өдртнь эврәннь белгән Исахарин отгин һардач Цуарин көвүн Натаналь авч ирв. 19Терүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 20күҗәр дүүрң алтн шанһ чиңнүрәрн 10 шекель; 21шаталһнд орулгдх эр бүрү, хуц болн нег җил күрсн хурһн, 22килнцәс цеврллһнә бәрцд орулгдх 1 тек; 23эвцлһнә бәрцд орулгдх 2 бух, 5 хуц, 5 тек болн нег җил күрсн 5 хурһн. Цуарин көвүнә Натаналин тәвцнь иим болв.
24Һурвдгч өдртнь эврәннь белгән Завулуна хөөт үйнрин һардач Хелона көвүн Элиав авч ирв. 25Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 26күҗәр дүүрң алтн шанһ чиңнүрәрн 10 шекель; 27шаталһна бәрцд орулх эр бүрү, хуц болн нег җил күрсн хурһн, 28килнцәс цеврллһнә бәрцд орулх 1 тек, 29эвцлһнә бәрцд орулх 2 бух, 5 хуц, 5 тек болн нег җил күрсн 5 хурһн. Хелона көвүнә Элиавин тәвцнь иим болв.
30Дөрвдгч өдртнь Рубена хөөт үйнрин һардач Шедеурин көвүн Элицур эврәннь белгән авч ирв. 31Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн), 32күҗәр дүүрң нег алтн шанһ чиңнүрәрн 10 шекель, 33шаталһна бәрцд орулх эр бүрү, хуц болн нег җил күрсн хурһн, 34килнцәс цеврллһнә бәрцд орулх 1 тек, 35эвцлһнә бәрцд орулх 2 бух, 5 хуц, 5 тек болн нег җил күрсн 5 хурһн. Шедеурин көвүнә Элицурин тәвц иим билә.
36Тавдгч өдр Шимона хөөт үйнрин һардач Цуришадаян көвүн Шелумиэл эврәннь белгән авч ирв. 37Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн), 38күҗәр дүүрң алтн шанһ чиңнүрәрн 10 шекель, 39шаталһна бәрцд орх эр бүрү, нег хуц болн нег җил күрсн хурһн, 40килнцәс цеврллһнә бәрцд орулх нег тек, 41хойр бух, тавн хуц, тавн тек болн нег җил күрсн тавн хурһ эвцлһнә бәрцд орулгдх. Цуришадаян көвүнә Шелумиэлин тәвц иим болв.
42Зурһадгч өдртнь Гәдин хөөт үйнрин һардач Деуэлин көвүн Эльясаф эврәннь белгән авч ирнә. 43Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 44күҗәр дүүрң алтн шанһ чиңнүрәрн 10 шекель, 45шаталһна бәрцд орулх эр бүрү, хуц, нег җил күрсн хурһн, 46килнцәс цеврллһнә бәрцд орх 1 тек; 47эвцлһнә бәрцд орулх 2 бух, 5 хуц, 5 тек болн нег җил күрсн 5 хурһн. Деуэлин көвүнә Эльясафин тәвц иим болв.
48Доладгч өдр Эпримин хөөт үйнрин һардач Амихудын көвүн Элишама авч ирв. 49Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 50күҗәр дүүрң алтн шанһ чиңнүрәрн 10 шекель; 51шаталһна бәрцд орулх эр бүрү, хуц, нег җил күрсн хурһн; 52килнцәс цеврллһнә бәрцд орх 1 тек; 53эвцлһнә бәрцд орулх 2 бух, 5 хуц, 5 тек, нег җил күрсн 5 хурһ авч ирв. Амихудын көвүнә Элишаман тәвц иим.
54Нәәмдгч өдр Манашен хөөт үйнрин һардач Педацурин көвүн Гамалиль белгән авч ирв. 55Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 56күҗәр дүүрң алтн шанһ чиңнүрәрн 10 шекель; 57шаталһна бәрцд орулх эр бүрү, хуц, нег җил күрсн хурһн; 58килнцәс цеврллһнә бәрцд орх 1 тек; 59эвцлһнә бәрцд орх 2 бух, 5 хуц, 5 тек болн нег җил күрсн 5 хурһн. Педацурин көвүнә Гамалилин тәвцнь иим.
60Йисдгч өдрт Беняминә хөөт үйнрин һардач Гидеонин көвүн Авидан эврәннь белгән авч ирв. 61Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 62күҗәр дүүрң алтн шанһ чиңнүрәрн 10 шекель; 63шаталһна бәрцд орулх эр бүрү, хуц болн нег җил күрсн хурһн; 64килнцәс цеврллһнә бәрцд орх 1 тек; 65эвцлһнә бәрцд орулх 2 бух, 5 хуц, 5 тек болн нег җил күрсн 5 хурһн. Гидеонин көвүнә Авидана тәвцнь иим.
66Арвдгч өдртнь эврәннь белгән Дана хөөт үйнрин һардач Амишадайин көвүн Ахиэзер авч ирв. 67Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 68күҗәр дүүрң алтн шанһ чиңнүрәрн 10 шекель; 69шаталһна бәрцд орулх эр бүрү, хуц, нег җил күрсн хурһн; 70килнцәс цеврллһнә бәрцд орулх 1 тек; 71эвцлһнә бәрцд орулх 2 бух, 5 хуц, 5 тек болн нег җил күрсн 5 хурһн. Амишадайин көвүнә Ахиэзерин тәвц иим болв.
72Арвн негдгч өдртнь Ашерин хөөт үйнрин һардач Охрана көвүн Пагиэл эврәннь белгән авч ирв. 73Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 74күҗәр дүүрң алтн шанһ чиңнүрәрн 10 шекель; 75шаталһна бәрцд орулх эр бүрү, хуц болн нег җил күрсн хурһн; 76килнцәс цеврллһнә бәрцд орх 1 тек; 77эвцлһнә бәрцд орх 2 бух, 5 хуц, 5 тек болн нег җил күрсн 5 хурһн. Охрана көвүнә Пагиэлин тәвц иим болв.
78Арвн хойрдгч өдрт Напталин хөөт үйнрин һардач Энана көвүн Ахира эврәннь белгән авч ирв. 79Энүнә белгнь эн: цаһан мөңгн тәрлк чиңнүрәрн 130 шекель болн цаһан мөңгн ааһ чиңнүрәрн 70 шекель, әрүн бәәрнә шекеләр (тәрлк болн ааһ буудян һуйрар дүүрң, олив тосар элдсн, өдмгин бәрцд бел кегдсмн); 80күҗәр дүүргсн алтн шанһ чиңнүрәрн 10 шекель; 81шаталһна бәрцд орх эр бүрү, хуц болн нег җил күрсн хурһн; 82килнцәс цеврллһнә бәрцд орх 1 тек; 83эвцлһнә бәрцд орх 2 бух, 5 хуц, 5 тек болн нег җил күцсн 5 хурһн. Энана көвүнә Ахиран тәвцнь иим болв.
84Байрин бәәдлд секгдсн тәклин ормиг тослсна хөөн Израилин һардачнрин авч ирсн белгүд иим болв: 12 цаһан мөңгн тәрлк, 12 цаһан мөңгн ааһ болн 12 алтн шанһ; 85(тәрлк болһн чиңнүрәрн 130 шекель, ааһ болһн 70 шекель, тәрлкст болн ааһст цугтаднь 2 400 шекель цаһан мөңгн бәәҗ, әрүн бәәрнә шекеләр, 86күҗәр дүүргсн 12 алтн шанһд чиңнүрәрн шанһ болһн 10 шекель, әрүн бәәрнә шекеләр 120 алтн шекель бәәҗ); 87шаталһна мал – 12 бүрү, 12 хуц болн 12 нег җил күрсн хурһн, дәкәд кергтә өдмгин бәрц; килнцәс цеврллһнә бәрцд орулх 12 тек; 88эвцлһнә бәрцд орулх 24 бүрү, 60 хуц, 60 тек болн нег җил күцсн 60 хурһн. Байрин бәәдлд секгдсн тәклин ормиг тослад түркснә хөөн белглсн белгүд тиим болв.
89Харһлтын Шатрт Моше Деед Эзнлә күүндхәр орҗ йовхларн хойр керүбмүдин хоорнд Бооцана хәәрцгин бүркә деерәс һарчах ду соңсв. Тиигҗ Деед Эзн Мошелә күүндв.
Currently Selected:
Әмтнә то авлһн 7: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
