Әмтнә то авлһн 18
18
Гелңгүдин болн левитмүдин зөв болн даалһвр
1Деед Эзн Ахаронд келнә:
– Чи болн чини хөөт үйнр, бас чини отг кевтән әрүн бәәриг килнцәс бузрдашго даалһврта болхит. Чи, чини хөөт үйнр гелңгин мөргүлд килнц һарһшго даалһврта болхит. 2Бооцана Шатрин өмн көвүдтәһән мөргүл кехләрн Левин отгас, эцкиннь отгас нерәдсн ахнр-дүүнрән дууд. Тедн чамла бәәһәд дөң болтха. 3Тедн чамд нөкд болад Шатрин көдлмш кетхә. Болв тедн әрүн юмс тал, тәкл тәкдг орм тал өөрдшго болҗана. Яһад гихлә тедн үкҗ одх, тадн теднлә хамдан үкхит. 4Тедн чамла хамдан Харһлтын Шатрин төлә дааврта болтха, ямаран чигн көдлмшән кетхә. Болв талдан күн тадн тал бичә өөрдтхә. 5Әрүн бәәрнә болн тәкл тәкдг ормин көдлмшиг тадн кетн, эс гиҗ цухл шинәс Израилин әмтнд тусх. 6Би тадна ахнр-дүүнриг, левитмүдиг Израилин әмтнәс авад таднд өгчәнәв. Эннь таднд Мини белг. Тедн Харһлтын Шатрт көдлхин төлә Деед Эзнд өггдв. 7Чи болн чини хөөт үйнр гелңгин мөргүлән тәкл тәкдг ормд болн көшгин ард кех йостат. Би таднд гелңгин мөргүлиг белг гиҗ өгчәнәв. Кемр талдан күн өөрдхлә, терүг алх кергтә.
Гелңгүдт болн левитмүдт авч ирдг бәрц
8Деед Эзн Ахаронд келнә:
– Би Нанд кесн бәрцсиг цугтаһинь, Израилин әмтнә әрүн бәрцсиг цугтаһинь чини һарт орулҗанав. Тедниг Би чамд, чини хөөт үйнрт өгчәнәв. Эннь таднд мөңкинд күртҗәх хүв болҗана. 9Нанд авч ирәд бәәсн әрүнәс әрүн бәрцсин әңгнь чини болҗана. Израилин әмтнә Нанд авч ирәд бәәсн цуг бәрцсин әңгнь, теднә цуг өдмгүдин, килнцәс цеврллһнә болн һаруһинь даалһна бәрцсин әрүнәс әрүнь чини болн чини хөөт үйнрин болҗана. 10Тедниг әрүнәс әрүн юмн гиҗ идцхәтн. Зуг залус идх зөвтә. Тернь чамд әрүн хот болтха.
11Израилин улсин белг гиһәд өгсн бәрцс цугтан чини болх. Тедниг чамд, чини көвүдт, күүкдт мөңкинд күртҗәх хүв гиһәд Би өгчәнәв. Чини өрк-бүлин кен чигн цевр күн терүг идҗ чадҗана. 12Деед Эзнд авч ирсн хамгин сән тосиг, хамгин сән чаһриг болн буудяг шин урһцин түрүңкинь Би чамд өгчәнәв. 13Деед Эзнд авч ирсн тәрәнә түрүн урһцнь чини. Чини өрк-бүлин кен чигнь цевр болхла, теднәс идҗ чадх.
14Израильд Деед Эзнд нерәдснь цугтан чини. 15Күүнә түрүн үрн болну, малын түрүн төл болну, Деед Эзнд нерәдәд авч ирснь чини болҗана. Болв күүнә түрүн үрн, цевр биш малын түрүн төл хулдҗ авгдх йоста. 16Нег сар күрсн теднә үннь цаһан мөңгәр 5 әрүн бәәрнә шекель ав (нег шекельд – 20 гера). 17Болв үкрин төл, хөөнә эс гиҗ ямана төл хулдгдшго. Эннь әрүн болҗана. Теднә цусар чи тәкл тәкдг ормд цацл цацхич, өөкинь шатахич. Эннь Деед Эзнд өргҗәх һалын бәрц, каңкнсн үнр Терүнд тааста. 18Тегәд махнь чини. Тиим кевәр белг гиһәд өрггдҗәх бәрцин өрчнь чамд тусҗана, дәкәд бәрцин барун таша чини.
19Израилин улс Деед Эзнд өргҗәх әрүн бәрцсиг цугтаһинь Би чамд, чини көвүдт, күүкдт өгчәнәв. Эннь мөңкинд өггдҗәх тадна хүв. Эннь мөңкинд кегдсн бооцан – давсар батлгдҗана#18:19 Библь дегтрт давсн чикәр бәәлһнә темдг. Давсн эдл-уушиг яһҗ үрәлһнәс урдаснь саглна, тиим кевәр Деед Эзнә андһар сольгдхш.. Деед Эзнә өмн чамла болн чини хөөт үйнрлә кегдсн бооцан.
20Деед Эзн Ахаронд келнә:
– Израилин әмтнә һазрт чи хүв һазр авшгоч, тедн дунд чамд хүв уга болх. Чини хүв болн чини хүв һазр Израилин әмтн дунд эннь Бив. 21Хүвәр һазрин ормд Би Левин хөөт үйнрт Харһлтын Шатрт көдлсн төләднь Израильд цуг арвна хүвинь өгчәнәв. 22Израилин улс Харһлтын Шатр тал өөрдшго юмн. Кемр өөрдхлә – килнц һарһцхах, үкцхәх. 23Харһлтын Шатрт зуг левитмүд көдлмш кех йоста. Терүг килнцәс харх дааврта тедн. Эннь таднд мөңкинд күцәх зокал, үйәс үйд терүг күцәтн.
Левитмүдт Израилин әмтн дунд хүв һазр уга болх. 24Деед Эзнд бәрц гиһәд авч ирҗәснә белгин арвна хүвинь Би левитмүдт өгүв. Эннь хүв һазрин ормд өггдв. Тегәд Израилин әмтн дунд теднд хүв һазр уга болх гиҗ келҗәнәв.
25Деед Эзн Мошед келнә:
26– Левитмүдт кел: Хүвәр һазрин ормд таднд Би Израилин улсас арвнаһинь авч өгүв. Терүнәсн Деед Эзнд бәрц гиһәд арвна хүвәснь арвнинь салһтн. 27Эннь тадна бәрц болҗ тоолгдх – хурасн буудян умш болн уста үзмин өткн шүүсн. 28Израилин улсас цуглулҗах цуг арвна хүвәснь иим бәрц Деед Эзнд кеҗәтн. Эн бәрциг тадн Ахарон гелңд өгх йостат. 29Авч ирсн белгәс хамгин сәәнинь салһад, әрүн әңгинь Деед Эзнд бәрц бәртн.
30Левитмүдт кел: «Арвна хүвәснь хамгин сәәнинь салһҗ авхларн, үлдснь таднд хурасн буудян умшас болн уста үзмин шүүснәс авснла әдл болх. 31Харһлтын Шатрт көдлснд таднд өгчәх ачлвр. Тедниг тадн болн тадна өрк-бүл дурта ормдан идҗ чадҗанат. 32Тегәд таднд килнц уга болх. Тадн эврәннь арвна хүвәсн хамгин сән әңгинь салһад өгчкләт. Тегәд Израилин әмтнә авч ирсн әрүн бәрциг тадн бузрдашгот, үкшгот».
Currently Selected:
Әмтнә то авлһн 18: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Әмтнә то авлһн 18
18
Гелңгүдин болн левитмүдин зөв болн даалһвр
1Деед Эзн Ахаронд келнә:
– Чи болн чини хөөт үйнр, бас чини отг кевтән әрүн бәәриг килнцәс бузрдашго даалһврта болхит. Чи, чини хөөт үйнр гелңгин мөргүлд килнц һарһшго даалһврта болхит. 2Бооцана Шатрин өмн көвүдтәһән мөргүл кехләрн Левин отгас, эцкиннь отгас нерәдсн ахнр-дүүнрән дууд. Тедн чамла бәәһәд дөң болтха. 3Тедн чамд нөкд болад Шатрин көдлмш кетхә. Болв тедн әрүн юмс тал, тәкл тәкдг орм тал өөрдшго болҗана. Яһад гихлә тедн үкҗ одх, тадн теднлә хамдан үкхит. 4Тедн чамла хамдан Харһлтын Шатрин төлә дааврта болтха, ямаран чигн көдлмшән кетхә. Болв талдан күн тадн тал бичә өөрдтхә. 5Әрүн бәәрнә болн тәкл тәкдг ормин көдлмшиг тадн кетн, эс гиҗ цухл шинәс Израилин әмтнд тусх. 6Би тадна ахнр-дүүнриг, левитмүдиг Израилин әмтнәс авад таднд өгчәнәв. Эннь таднд Мини белг. Тедн Харһлтын Шатрт көдлхин төлә Деед Эзнд өггдв. 7Чи болн чини хөөт үйнр гелңгин мөргүлән тәкл тәкдг ормд болн көшгин ард кех йостат. Би таднд гелңгин мөргүлиг белг гиҗ өгчәнәв. Кемр талдан күн өөрдхлә, терүг алх кергтә.
Гелңгүдт болн левитмүдт авч ирдг бәрц
8Деед Эзн Ахаронд келнә:
– Би Нанд кесн бәрцсиг цугтаһинь, Израилин әмтнә әрүн бәрцсиг цугтаһинь чини һарт орулҗанав. Тедниг Би чамд, чини хөөт үйнрт өгчәнәв. Эннь таднд мөңкинд күртҗәх хүв болҗана. 9Нанд авч ирәд бәәсн әрүнәс әрүн бәрцсин әңгнь чини болҗана. Израилин әмтнә Нанд авч ирәд бәәсн цуг бәрцсин әңгнь, теднә цуг өдмгүдин, килнцәс цеврллһнә болн һаруһинь даалһна бәрцсин әрүнәс әрүнь чини болн чини хөөт үйнрин болҗана. 10Тедниг әрүнәс әрүн юмн гиҗ идцхәтн. Зуг залус идх зөвтә. Тернь чамд әрүн хот болтха.
11Израилин улсин белг гиһәд өгсн бәрцс цугтан чини болх. Тедниг чамд, чини көвүдт, күүкдт мөңкинд күртҗәх хүв гиһәд Би өгчәнәв. Чини өрк-бүлин кен чигн цевр күн терүг идҗ чадҗана. 12Деед Эзнд авч ирсн хамгин сән тосиг, хамгин сән чаһриг болн буудяг шин урһцин түрүңкинь Би чамд өгчәнәв. 13Деед Эзнд авч ирсн тәрәнә түрүн урһцнь чини. Чини өрк-бүлин кен чигнь цевр болхла, теднәс идҗ чадх.
14Израильд Деед Эзнд нерәдснь цугтан чини. 15Күүнә түрүн үрн болну, малын түрүн төл болну, Деед Эзнд нерәдәд авч ирснь чини болҗана. Болв күүнә түрүн үрн, цевр биш малын түрүн төл хулдҗ авгдх йоста. 16Нег сар күрсн теднә үннь цаһан мөңгәр 5 әрүн бәәрнә шекель ав (нег шекельд – 20 гера). 17Болв үкрин төл, хөөнә эс гиҗ ямана төл хулдгдшго. Эннь әрүн болҗана. Теднә цусар чи тәкл тәкдг ормд цацл цацхич, өөкинь шатахич. Эннь Деед Эзнд өргҗәх һалын бәрц, каңкнсн үнр Терүнд тааста. 18Тегәд махнь чини. Тиим кевәр белг гиһәд өрггдҗәх бәрцин өрчнь чамд тусҗана, дәкәд бәрцин барун таша чини.
19Израилин улс Деед Эзнд өргҗәх әрүн бәрцсиг цугтаһинь Би чамд, чини көвүдт, күүкдт өгчәнәв. Эннь мөңкинд өггдҗәх тадна хүв. Эннь мөңкинд кегдсн бооцан – давсар батлгдҗана#18:19 Библь дегтрт давсн чикәр бәәлһнә темдг. Давсн эдл-уушиг яһҗ үрәлһнәс урдаснь саглна, тиим кевәр Деед Эзнә андһар сольгдхш.. Деед Эзнә өмн чамла болн чини хөөт үйнрлә кегдсн бооцан.
20Деед Эзн Ахаронд келнә:
– Израилин әмтнә һазрт чи хүв һазр авшгоч, тедн дунд чамд хүв уга болх. Чини хүв болн чини хүв һазр Израилин әмтн дунд эннь Бив. 21Хүвәр һазрин ормд Би Левин хөөт үйнрт Харһлтын Шатрт көдлсн төләднь Израильд цуг арвна хүвинь өгчәнәв. 22Израилин улс Харһлтын Шатр тал өөрдшго юмн. Кемр өөрдхлә – килнц һарһцхах, үкцхәх. 23Харһлтын Шатрт зуг левитмүд көдлмш кех йоста. Терүг килнцәс харх дааврта тедн. Эннь таднд мөңкинд күцәх зокал, үйәс үйд терүг күцәтн.
Левитмүдт Израилин әмтн дунд хүв һазр уга болх. 24Деед Эзнд бәрц гиһәд авч ирҗәснә белгин арвна хүвинь Би левитмүдт өгүв. Эннь хүв һазрин ормд өггдв. Тегәд Израилин әмтн дунд теднд хүв һазр уга болх гиҗ келҗәнәв.
25Деед Эзн Мошед келнә:
26– Левитмүдт кел: Хүвәр һазрин ормд таднд Би Израилин улсас арвнаһинь авч өгүв. Терүнәсн Деед Эзнд бәрц гиһәд арвна хүвәснь арвнинь салһтн. 27Эннь тадна бәрц болҗ тоолгдх – хурасн буудян умш болн уста үзмин өткн шүүсн. 28Израилин улсас цуглулҗах цуг арвна хүвәснь иим бәрц Деед Эзнд кеҗәтн. Эн бәрциг тадн Ахарон гелңд өгх йостат. 29Авч ирсн белгәс хамгин сәәнинь салһад, әрүн әңгинь Деед Эзнд бәрц бәртн.
30Левитмүдт кел: «Арвна хүвәснь хамгин сәәнинь салһҗ авхларн, үлдснь таднд хурасн буудян умшас болн уста үзмин шүүснәс авснла әдл болх. 31Харһлтын Шатрт көдлснд таднд өгчәх ачлвр. Тедниг тадн болн тадна өрк-бүл дурта ормдан идҗ чадҗанат. 32Тегәд таднд килнц уга болх. Тадн эврәннь арвна хүвәсн хамгин сән әңгинь салһад өгчкләт. Тегәд Израилин әмтнә авч ирсн әрүн бәрциг тадн бузрдашгот, үкшгот».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023