Әмтнә то авлһн 10
10
Цаһан мөңгн хойр бүрә
1Деед Эзн Мошед келв:
2– Хойр бүрә ке. Цаһан мөңгәр цутхад ке. Тедн чамд хамцаһан хурахла, йовлһна болзг ирхлә туста болх. 3Кемр хойр бүшкүрин ә һархла, хамцан кевтән чам тал Харһлтын Шатрин үүднд цуглрх зөвтә. 4Кемр нег бүшкүрин ә һархла, чам тал зуг һардачнр ирх – Израилин миңһәд багмудын һардачнр. 5Кемр үүмәнә ә җиңнәд һархла, зүн тал бәәсн церг хаалһд һарад йовтха. 6Кемр хойрдад чаңһар үүмәнә ә җиңнәд һархла, өмн үзгт бәәсн церг бәәрнәсн көндртхә. Бүшкүрин ә җиңнәд һархла, цергчнр ормасн көндрәд йовх зөвтә. 7Кемр хург кехәр дуудхла, җиңнүллго йирдән ә һарһтн. 8Бүшкүрәр гелңгүд ә һарһх зөвтә – Ахарона хөөт үйнр. Эннь таднд мөңк өгчәх зокал, энүг үйәс үйд бәртн.
9Эврәннь һазрт тадниг дәврсн дәәснләһән дәәлдхләрн, бүшкүрәрн ә өгтн. Эннь Деед Эзнә, тадна Бурхна өмн сана орулҗах темдг болҗана. Тадн дәәснәсн авргдхит. 10Байрин цуг өдрмүдт – нәәрин болн шин сар урһх цагла – шаталһна болн эвцлһнә бәрц авч ирҗ бүшкүрәрн ә һарһтн. Эннь тадна тускар тана Бурхна өмн сана оруллһн болх. Би Деед Эзн, тадна Бурхн.
Израилин улс хаалһдан һарчана
11Хойрдгч җилин хойрдгч сарин хөрдгч өдр үүлн Бооцана өргә гер деер өөдләд һарв. 12Израилин улс Синай көдә һазрас һарад хаалһдан орв. Паран гидг көдә һазрт үүлн зогсв. 13Мошеһәр дамҗад Деед Эзнә өгсн зааврар тедн түрүн болҗ аяндан һарч йовв.
14Түрүләд Йудан хөөт үйнрин церг баг-багар ард-ардасн йовцхав. Тедниг Аминадавин көвүн Нахшон толһалв. 15Исахарин отгин багиг Цуарин көвүн Натаналь толһалв. 16Завулуна отгин багиг Хелона көвүн Элиав толһалв. 17Дарунь өргә гер хурагдв. Гершона болн Мерарин хөөт үйнр өргә гериг авад йовцхав.
18Дарунь Рубена церг баг-багар ард-ардасн йовцхав. Тедниг Шедеурин көвүн Элицур һардв. 19Шимона отгин багиг Цуришадаян көвүн Шелумиэл һардв. 20Гәдин отгин багиг Деуэлин көвүн Эльясаф һардв. 21Дарунь Кахатын хөөт үйнр өргә герин әрүн юмс авад йовцхав. (Тедниг шин бәәрнд иртл, өргә гериг босхчкх зөвтә бәәсмн.)
22Теднә дару Эпримин хөөт үйнрин церг баг-багарн ард-ардасн йовцхав. Тедниг Амихудын көвүн Элишама һардв. 23Манашен отга багиг Педацурин көвүн Гамалиль һардв. 24Беняминә отга багиг Гидеонин көвүн Авидан һардв.
25Товчлгчднь Дана хөөт үйнрин церг баг-багарн ард-ардасн йовцхав. Тедниг Амишадайин көвүн Ахиэзер һардв. 26Ашерин отгин багиг Охрана көвүн Пагиэл һардв. 27Напталин отгин багиг Энана көвүн Ахира толһалв.
28Израилин улсин багмуд ард-ардасн аяндан йовлһн тиим болв.
29Тенд Ховав бас бәәҗ. Ховав Мошен хадм эцкин Реуэлин көвүн. (Реуэл Мидьяна келн-улсин күн бәәҗ.) Моше Ховавд келв:
– Бидн Деед Эзнә өгнәв гисн һазр тал йовҗанавидн. Маднла йов, чамд сән болдгар бидн чамд килмҗән өгнәвидн. Деед Эзн Израильд туста керг күцәх болҗ үгән өгв!
30Болв тернь иигҗ хәрү өгнә:
– Уга, би эврәннь орн-нутг тал однав, төрскн талан.
31– Мадниг бичә хай! – гиҗ Моше келнә. – Чи көдә һазрт зогсх кергтә орм олҗ чаднач, чи мадна нүдн-амн болхич. 32Кемр чи маднла йовхла, Деед Эзн маднд туста керг күцәхлә, бидн чамд сән болдгар килмҗән өгхвидн…
33Деед Эзнә Синай уулас салад һархларн тедн һурвн хонгтан йовцхав. Һурвн хонгин туршарт Деед Эзнә Бооцана хәәрцг өмн йовв. Хонх орм тер теднд үзүлҗ бәәв. 34Өдртнь тедн бәәрән хайҗ һархла, Деед Эзнә үүлн деернь бәәв. 35Хәәрцгиг хаалһд авад йовхла, Моше иигҗ келдмн:
«О, Деед Эзн, оньган өгтн!
Тана дәәсн тартха,
Танд дурго әмтн һарад зултха!»
36Бооцана хәәрцг зогсхла, Моше иигҗ келдмн:
«Израилин олн миңһн әмтнә Деед Эзн,
маднла бәәтн!»
Currently Selected:
Әмтнә то авлһн 10: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Әмтнә то авлһн 10
10
Цаһан мөңгн хойр бүрә
1Деед Эзн Мошед келв:
2– Хойр бүрә ке. Цаһан мөңгәр цутхад ке. Тедн чамд хамцаһан хурахла, йовлһна болзг ирхлә туста болх. 3Кемр хойр бүшкүрин ә һархла, хамцан кевтән чам тал Харһлтын Шатрин үүднд цуглрх зөвтә. 4Кемр нег бүшкүрин ә һархла, чам тал зуг һардачнр ирх – Израилин миңһәд багмудын һардачнр. 5Кемр үүмәнә ә җиңнәд һархла, зүн тал бәәсн церг хаалһд һарад йовтха. 6Кемр хойрдад чаңһар үүмәнә ә җиңнәд һархла, өмн үзгт бәәсн церг бәәрнәсн көндртхә. Бүшкүрин ә җиңнәд һархла, цергчнр ормасн көндрәд йовх зөвтә. 7Кемр хург кехәр дуудхла, җиңнүллго йирдән ә һарһтн. 8Бүшкүрәр гелңгүд ә һарһх зөвтә – Ахарона хөөт үйнр. Эннь таднд мөңк өгчәх зокал, энүг үйәс үйд бәртн.
9Эврәннь һазрт тадниг дәврсн дәәснләһән дәәлдхләрн, бүшкүрәрн ә өгтн. Эннь Деед Эзнә, тадна Бурхна өмн сана орулҗах темдг болҗана. Тадн дәәснәсн авргдхит. 10Байрин цуг өдрмүдт – нәәрин болн шин сар урһх цагла – шаталһна болн эвцлһнә бәрц авч ирҗ бүшкүрәрн ә һарһтн. Эннь тадна тускар тана Бурхна өмн сана оруллһн болх. Би Деед Эзн, тадна Бурхн.
Израилин улс хаалһдан һарчана
11Хойрдгч җилин хойрдгч сарин хөрдгч өдр үүлн Бооцана өргә гер деер өөдләд һарв. 12Израилин улс Синай көдә һазрас һарад хаалһдан орв. Паран гидг көдә һазрт үүлн зогсв. 13Мошеһәр дамҗад Деед Эзнә өгсн зааврар тедн түрүн болҗ аяндан һарч йовв.
14Түрүләд Йудан хөөт үйнрин церг баг-багар ард-ардасн йовцхав. Тедниг Аминадавин көвүн Нахшон толһалв. 15Исахарин отгин багиг Цуарин көвүн Натаналь толһалв. 16Завулуна отгин багиг Хелона көвүн Элиав толһалв. 17Дарунь өргә гер хурагдв. Гершона болн Мерарин хөөт үйнр өргә гериг авад йовцхав.
18Дарунь Рубена церг баг-багар ард-ардасн йовцхав. Тедниг Шедеурин көвүн Элицур һардв. 19Шимона отгин багиг Цуришадаян көвүн Шелумиэл һардв. 20Гәдин отгин багиг Деуэлин көвүн Эльясаф һардв. 21Дарунь Кахатын хөөт үйнр өргә герин әрүн юмс авад йовцхав. (Тедниг шин бәәрнд иртл, өргә гериг босхчкх зөвтә бәәсмн.)
22Теднә дару Эпримин хөөт үйнрин церг баг-багарн ард-ардасн йовцхав. Тедниг Амихудын көвүн Элишама һардв. 23Манашен отга багиг Педацурин көвүн Гамалиль һардв. 24Беняминә отга багиг Гидеонин көвүн Авидан һардв.
25Товчлгчднь Дана хөөт үйнрин церг баг-багарн ард-ардасн йовцхав. Тедниг Амишадайин көвүн Ахиэзер һардв. 26Ашерин отгин багиг Охрана көвүн Пагиэл һардв. 27Напталин отгин багиг Энана көвүн Ахира толһалв.
28Израилин улсин багмуд ард-ардасн аяндан йовлһн тиим болв.
29Тенд Ховав бас бәәҗ. Ховав Мошен хадм эцкин Реуэлин көвүн. (Реуэл Мидьяна келн-улсин күн бәәҗ.) Моше Ховавд келв:
– Бидн Деед Эзнә өгнәв гисн һазр тал йовҗанавидн. Маднла йов, чамд сән болдгар бидн чамд килмҗән өгнәвидн. Деед Эзн Израильд туста керг күцәх болҗ үгән өгв!
30Болв тернь иигҗ хәрү өгнә:
– Уга, би эврәннь орн-нутг тал однав, төрскн талан.
31– Мадниг бичә хай! – гиҗ Моше келнә. – Чи көдә һазрт зогсх кергтә орм олҗ чаднач, чи мадна нүдн-амн болхич. 32Кемр чи маднла йовхла, Деед Эзн маднд туста керг күцәхлә, бидн чамд сән болдгар килмҗән өгхвидн…
33Деед Эзнә Синай уулас салад һархларн тедн һурвн хонгтан йовцхав. Һурвн хонгин туршарт Деед Эзнә Бооцана хәәрцг өмн йовв. Хонх орм тер теднд үзүлҗ бәәв. 34Өдртнь тедн бәәрән хайҗ һархла, Деед Эзнә үүлн деернь бәәв. 35Хәәрцгиг хаалһд авад йовхла, Моше иигҗ келдмн:
«О, Деед Эзн, оньган өгтн!
Тана дәәсн тартха,
Танд дурго әмтн һарад зултха!»
36Бооцана хәәрцг зогсхла, Моше иигҗ келдмн:
«Израилин олн миңһн әмтнә Деед Эзн,
маднла бәәтн!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023