Әмтнә то авлһн 1
1
Израилин улсиг тоолҗ бичлһн
1Хойрдгч сарин түрүн өдр, Израилин улс Египетәс һарад йовсна хойрдгч җилднь, Синайин көдәд Харһлтын Шатрт Деед Эзн Мошед келнә:
2– Израилин цуг хамцана улсиг уңг-тохмарнь, өрк-бүл болһинь тоолҗ бичҗ автн. Залусиг нерәрнь тоолад цугтаһинь бичтн, 3Израилин улсиг цугтаһинь 20 настаһаснь деегшән бу-селм дааҗ чадхинь. Ахарон тадн хойр тедниг баг-багарнь бүрткҗ бичҗ авх зөвтәт. 4Отг болһнас таднд нег күн дөң болх. Тедн уңг-тохмин һардачнр болх. 5Таднд дөң болх улсин нерднь эн:
Рубена отгас – Шедеурин көвүн Элицур;
6Шимона отгас – Цуришадаян көвүн Шелумиэл;
7Йудан отгас – Аминадавин көвүн Нахшон;
8Исахарин отгас – Цуарин көвүн Натаналь;
9Завулуна отгас – Хелона көвүн Элиав;
10Йосипин хөөт үйнрәс:
Эпримин отгас – Амихудын көвүн Элишама;
Манашен отгас – Педацурин көвүн Гамалиль;
11Беняминә отгас – Гидеонин көвүн Авидан;
12Дана отгас – Амишадаян көвүн Ахиэзер;
13Ашерин отгас – Охрана көвүн Пагиэл;
14Гәдин отгас – Деуэлин көвүн Эльясаф;
15Напталин отгас – Энана көвүн Ахира.
16Эдн хамцана хамгин күндтә әмтн, отгудын һардачнр, Израилин миңһәд багмудын толһачнр.
17Моше Ахарон хойр нерәрнь заасн әмтнлә хамдан 18хойрдгч сарин түрүн өдр хамцана әмтиг цугтаһинь хураһад, 20 настаһас деегшән наста залусиг уңг-тохмарнь болн өрк-бүләрнь тоолад, 19Деед Эзн Мошед заксар бичҗ авна. Тиигҗ Синайин көдәд Моше Израилин улсиг тоолад бичҗ авв.
20Израилин түрүн үрн Рубена хөөт үйнр, бу-селм дааҗ чадх хөрнәс деегшән наста залус, цугтан уңг-тохмин болн өрк-бүлин тооһин бичгт орулгдв. 21Рубена отгт 46 500 күн бичҗ авгдв.
22Шимона хөөт үйнр, хөрнәс деегшән наста залус цугтан, бу-селм дааҗ чадхнь уңг-тохмин болн өрк-бүлин тооһин бичгт нерәрн тоолҗ бичгдв. 23Шимона отгт 59 300 күн бичҗ авгдв.
24Гәдин хөөт үйнр хөрнәс деегшән наста бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 25Гәдин отгт 45 650 күн бичгдв.
26Йудан хөөт үйнр хөрнәс деегшән настань бу-селм дааҗ чадхнь, нерәрн тоолгдҗ уңг-тохмин болн өрк-бүлин тооһин бичгт орулгдв. 27Йудан отгт 74 600 күн бичгдҗ авгдв.
28Исахарин хөөт үйнр хөрнәс деегшән настань бу-селм дааҗ чадхнь, нерәрн тоолгдҗ уңг-тохмин болн өрк-бүлин бичврт орулгдв. 29Исахарин отгт 54 400 күн бичгдв.
30Завулуна хөөт үйнр хөрнәс деегшән настань бу-селм дааҗ чадхнь, нерәрн тоолгдҗ уңг-тохмин болн өрк-бүлин тооһин бичгт орулгдв. 31Завулуна отгт 57 400 күн бичҗ авгдв.
32Йосипин хөөт үйнр бичҗ авгдв: Эпримин#1:32 Эприм болн Манаше Йосипин көвүд. хөөт үйнр хөрнәс деегшән настань бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 33Эпримин отгт 40 500 күн бичҗ авгдв. 34Манашен хөөт үйнр хөрнәс деегшән настань бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 35Манашен отгт 32 200 күн бичгдв.
36Беняминә хөөт үйнр хөрнәс деегшән настань бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 37Беняминә отгт 35 400 күн бичгдв.
38Дана хөөт үйнр хөрнәс деегшән настань бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 39Дана отгт 62 700 күн бичҗ авгдв.
40Ашерин хөөт үйнр хөрнәс деегшән настань бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 41Ашерин отгт 41 500 күн бичҗ авгдв.
42Напталин хөөт үйнр хөрнәс деегшән настань бу-селм дааҗ чадхнь нерәрн тоолгдҗ, уңг-тохмин болн өрк-бүлин тооһин бичгт орулгдв. 43Напталин отгт 53 400 күн бичҗ авгдв.
44Мошен, Ахарона болн Израилин 12 һардачин күүнә әмнь то бүрткҗ бичлһнә ашнь тиим болв. Толһач болһнь бийиннь отгин уңг-тохмас хамгин даавртань болв. 45Израилин улс цугтан хөрнәс деегшән настань бу-селм дааҗ чадхнь тохм болһнарн бичгдснь 46603 550 күн бәәҗ.
47Левин отг болхла күүнә әмнь то авлһнд орулгдсн уга бәәҗ. 48Яһад гихлә Деед Эзн Мошед келлә: 49«Эн әмтнә то авлһнд Левин отгиг бичә орул, Израилин улсла хамднь бичә тоол. 50Левитмүдт Бооцана өргә гер хәләтхә гиҗ даалһ, терүнд бәәх кергтә тоотынь болн эдл-ахуһинь хәләтхә. Тедн өргә гериг болн дотрнь бәәх терүнд кергтә тоотынь авч йовтха, өргә гериг хәләтхә. Левитмүд терүнә хаҗуд бәәрлҗ бәәтхә. 51Өргә гериг хурах кергтә болхла, левитмүд терүг цуцад хуратха. Өргә гериг босхх кергтә болхла, терүг тедн босхтха. Кемр тер өргә гер тал күүнә күн өөрдхлә, терүг алтха. 52Израилин улс бәәрндән баг-багар бәәтхә. Дәәч болһн эврәннь тугтаһан, эврәннь багд бәәтхә. 53Бооцана өргә герин эргнд левитмүд бәәх зөвтә. Деед Эзнә уур Израилин улст бичә күртхә гисн темдг. Левитмүд Бооцана өргә гериг хәләх дааврта».
54Израилин улс Деед Эзнә Мошед заасар цугтаһинь күцәв.
Currently Selected:
Әмтнә то авлһн 1: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
