Матай 16
16
Онц темдгүдиг неклһн
1Исус тал паршмуд, цадукмуд ирцхәв. Тедн Исусиг сөрхәр Бурхна онц темдг маднд үзүл гиҗ некҗ сурцхав.
2– Өдр чилҗ йовхла, теңгр улавтрад ирхлә, тадн маңһдур сән өдр болх гинәт. 3Өрүн өрлә теңгр темәнә үүләр бүркгдхлә, эндр хурта салькта өдр болх гиҗ келнәт. Теңгр хәләһәд, тадн өдрин бәәдл тааҗ келҗ чаднат, зуг өдгә цагин темдгинь цәәлһҗ медҗ чадхшит. 4Хар саната, Бурхн уга үйнр! Онц темдгүд сурнат, зуг әәлдәч Йонин темдгәс даву талдан темдг тадн төрүц үзшгот, – гиҗ Исус хәрү өгәд, тедниг үлдәһәд цааран йовҗ одв.
Паршмудын болн цадукмудын искәдг экнә тускар
5Сурһульчнр нуурин телтр көвәд оңһцар усчад ирцхәв. Тедн хотан авхан мартчксн бәәҗ.
6– Паршмудын болн цадукмудын искәдг экнәс бийән саглҗ йовтн, – гиҗ Исус теднд келв.
7– Мадниг өдмг эс авснд эн тиигҗ келҗәнә, – гиҗ сурһульчнр хоорндан уха-санаһарн хувалцв.
8Исус түүгинь медчкәд:
– Ю ухалҗахмт? Өдмг эс авсндан зовҗахмт? Баһ итклтә улс! 9Ода күртл юм меддго юмс бәәсмтә? Тавн миңһн күүнд күрсн тавн өдмгин тускар мартчквт? Кедү сав хот цуглулвт? 10Дөрвн миңһн күүнд күрсн долан өдмгин тускар бас мартсн болхговт? Кедү сав хот тадн цуглулвт? 11Би өдмгин тускар келҗәхшв. Паршмудын болн цадукмудын искәдг экнәс бийән саглтн, – гив.
12Тиигхлә Исусиг өдмгин экнәс биш паршмудын болн цадукмудын дасхҗах номас бийән саглтн гисинь сурһульчнр лавта медҗ авцхав.
Пётр Исусиг Бурхна илгәсн Аврач гинә
13Исус Пилипин Кесәрья хотна һазрур ирәд:
– Күмни Көвүг әмтн кенд тоолҗахмб? – гиҗ эврәннь сурһульчнрас сурв.
14– Зәрмнь Таниг – уснд кирслдг Йохан гинә, зәрмнь Элья әәлдәч, наадкснь болхла, – Еремья эс гиҗ әәлдәчин негнь гинә, – гиҗ тедн хәрүднь келцхәв.
15– Тадн Намаг кен гиҗ санҗанат? – гиҗ Исус сурв.
16– Та әмд Бурхна Көвүнт. Та Бурхна илгәсн Аврач, – гиҗ Шимон Пётр хәрүднь келв.
17-19– Чи Йонин көвүн Шимон буйн-кишгтә күнч, юңгад гихлә, әмтн биш, Теңгрин Эцкм мини тускар чамд секҗ келсмн. Тер учрар Би келҗәнәв чамд. Чи – Пётр#Пётр – эн үг «чолун» гиҗ орчулгдна., эн чолун деер Би эврәннь хург тогтанав. Үклин һазрин күч чигн эн хургиг диилҗ чадшго. Би чамд Теңгрин йосна түлкүринь өгнәв. Эн һазр деер чини хөрсн юмн теңгр деер хөргдх. Эн һазр деер чини зөвшәрсн юмн теңгр деер зөвшәргдх.
20Цааранднь Исус:
– Намаг Бурхна илгәсн Аврач гиҗ бичә күүнд келтн, – гиҗ сурһульчнртан закв.
Исус эврәннь үклин тускар келҗәнә
21Тер цагас авн Исус:
– Би Ерусалимд одх зөвтәв, тенд толһачнрин, ах гелңгүдин болн ном цәәлһәчнрин һарас ик зовлң эдлхв. Намаг Ерусалимд әмнәсм хаһцулх, зуг һурвдгч өдртнь Би әмдрхв, – гиҗ сурһульчнртан ил келдг болв.
22– Деед Эзн, Бурхн Таниг гетлгтхә! Тиим юмн бичә болтха! – гиҗ Пётр Исусиг хооран дуудад, зөрц келв.
23– Әрл цааран, эрлг! Чи Мини хаалһд харш болҗанач. Чи Бурхна санаһар биш, әмтнә санаһар бәәнәч, – гиҗ Исус Пётрт хәрү өгв.
24– Намаг даххар седсн күн эврәннь хаалһан үлдәһәд, кирсән авад, Бийм дахтха! 25Юңгад гихлә, әмән хармнсн күн әмән геех. Зуг Мини төлә әмән өгсн күн әмән харсҗ аврх. 26Күн делкә эзлҗ авсн бийнь зуг әмән геехлә, ямаран олз терүнд бәәх билә? Эврәннь әмән күн юуһар хулдҗ авхмб? 27Эцкиннь туурмҗин толянд Күмни Көвүн элчнртәһән ирх. Тегәд күн болһнд кесн үүләрнь өггдх. 28Би үнәр келҗәнәв, ода энд зогсҗасн тадн дундас зәрмнь Күмни Көвүг ирәд эн орчлңгиг залҗ йовхинь эс үзтл өңгршго, – гиҗ Исус сурһульчнртан келсмн.
Currently Selected:
Матай 16: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Матай 16
16
Онц темдгүдиг неклһн
1Исус тал паршмуд, цадукмуд ирцхәв. Тедн Исусиг сөрхәр Бурхна онц темдг маднд үзүл гиҗ некҗ сурцхав.
2– Өдр чилҗ йовхла, теңгр улавтрад ирхлә, тадн маңһдур сән өдр болх гинәт. 3Өрүн өрлә теңгр темәнә үүләр бүркгдхлә, эндр хурта салькта өдр болх гиҗ келнәт. Теңгр хәләһәд, тадн өдрин бәәдл тааҗ келҗ чаднат, зуг өдгә цагин темдгинь цәәлһҗ медҗ чадхшит. 4Хар саната, Бурхн уга үйнр! Онц темдгүд сурнат, зуг әәлдәч Йонин темдгәс даву талдан темдг тадн төрүц үзшгот, – гиҗ Исус хәрү өгәд, тедниг үлдәһәд цааран йовҗ одв.
Паршмудын болн цадукмудын искәдг экнә тускар
5Сурһульчнр нуурин телтр көвәд оңһцар усчад ирцхәв. Тедн хотан авхан мартчксн бәәҗ.
6– Паршмудын болн цадукмудын искәдг экнәс бийән саглҗ йовтн, – гиҗ Исус теднд келв.
7– Мадниг өдмг эс авснд эн тиигҗ келҗәнә, – гиҗ сурһульчнр хоорндан уха-санаһарн хувалцв.
8Исус түүгинь медчкәд:
– Ю ухалҗахмт? Өдмг эс авсндан зовҗахмт? Баһ итклтә улс! 9Ода күртл юм меддго юмс бәәсмтә? Тавн миңһн күүнд күрсн тавн өдмгин тускар мартчквт? Кедү сав хот цуглулвт? 10Дөрвн миңһн күүнд күрсн долан өдмгин тускар бас мартсн болхговт? Кедү сав хот тадн цуглулвт? 11Би өдмгин тускар келҗәхшв. Паршмудын болн цадукмудын искәдг экнәс бийән саглтн, – гив.
12Тиигхлә Исусиг өдмгин экнәс биш паршмудын болн цадукмудын дасхҗах номас бийән саглтн гисинь сурһульчнр лавта медҗ авцхав.
Пётр Исусиг Бурхна илгәсн Аврач гинә
13Исус Пилипин Кесәрья хотна һазрур ирәд:
– Күмни Көвүг әмтн кенд тоолҗахмб? – гиҗ эврәннь сурһульчнрас сурв.
14– Зәрмнь Таниг – уснд кирслдг Йохан гинә, зәрмнь Элья әәлдәч, наадкснь болхла, – Еремья эс гиҗ әәлдәчин негнь гинә, – гиҗ тедн хәрүднь келцхәв.
15– Тадн Намаг кен гиҗ санҗанат? – гиҗ Исус сурв.
16– Та әмд Бурхна Көвүнт. Та Бурхна илгәсн Аврач, – гиҗ Шимон Пётр хәрүднь келв.
17-19– Чи Йонин көвүн Шимон буйн-кишгтә күнч, юңгад гихлә, әмтн биш, Теңгрин Эцкм мини тускар чамд секҗ келсмн. Тер учрар Би келҗәнәв чамд. Чи – Пётр#Пётр – эн үг «чолун» гиҗ орчулгдна., эн чолун деер Би эврәннь хург тогтанав. Үклин һазрин күч чигн эн хургиг диилҗ чадшго. Би чамд Теңгрин йосна түлкүринь өгнәв. Эн һазр деер чини хөрсн юмн теңгр деер хөргдх. Эн һазр деер чини зөвшәрсн юмн теңгр деер зөвшәргдх.
20Цааранднь Исус:
– Намаг Бурхна илгәсн Аврач гиҗ бичә күүнд келтн, – гиҗ сурһульчнртан закв.
Исус эврәннь үклин тускар келҗәнә
21Тер цагас авн Исус:
– Би Ерусалимд одх зөвтәв, тенд толһачнрин, ах гелңгүдин болн ном цәәлһәчнрин һарас ик зовлң эдлхв. Намаг Ерусалимд әмнәсм хаһцулх, зуг һурвдгч өдртнь Би әмдрхв, – гиҗ сурһульчнртан ил келдг болв.
22– Деед Эзн, Бурхн Таниг гетлгтхә! Тиим юмн бичә болтха! – гиҗ Пётр Исусиг хооран дуудад, зөрц келв.
23– Әрл цааран, эрлг! Чи Мини хаалһд харш болҗанач. Чи Бурхна санаһар биш, әмтнә санаһар бәәнәч, – гиҗ Исус Пётрт хәрү өгв.
24– Намаг даххар седсн күн эврәннь хаалһан үлдәһәд, кирсән авад, Бийм дахтха! 25Юңгад гихлә, әмән хармнсн күн әмән геех. Зуг Мини төлә әмән өгсн күн әмән харсҗ аврх. 26Күн делкә эзлҗ авсн бийнь зуг әмән геехлә, ямаран олз терүнд бәәх билә? Эврәннь әмән күн юуһар хулдҗ авхмб? 27Эцкиннь туурмҗин толянд Күмни Көвүн элчнртәһән ирх. Тегәд күн болһнд кесн үүләрнь өггдх. 28Би үнәр келҗәнәв, ода энд зогсҗасн тадн дундас зәрмнь Күмни Көвүг ирәд эн орчлңгиг залҗ йовхинь эс үзтл өңгршго, – гиҗ Исус сурһульчнртан келсмн.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023