Левит 9
9
Ахарон бийиннь төлә болн олн-әмтнә төлә бәрц бәрнә
1Нер зүүлһнә долан хонгин хөөн нәәмдгч өдртнь Моше Ахарониг көвүдтәһинь болн Израилин медәтнриг дуудад, 2Ахаронд келнә:
– Килнцәс цеврллһнә бәрц бәрхин төлә туһл авч ир. Шаталһна авъяс күцәхин төлә хуц авч ир. Хоюрн эрмдг уга болх йоста. Тедниг Деед Эзнә өмн зогса.
3Израилин улс килнцәс цеврллһнә бәрц бәрхин төлә тек, шатахин төлә эрмдг уга нег җилә туһл болн хурһ авч иртхә гиҗ кел. 4Деед Эзнә өмн эвцлһнә бәрц бәрхин төлә бух болн хуц авч иртхә. Бас олив тоснд элдсн өдмгин бәрц авч иртхә. Яһад гихлә эндр Деед Эзн таднд үзгдәд ирх!
5Израилин улс Мошен келсиг цугтаһинь Харһлтын Шатрт авч ирәд Деед Эзнә өмн хамцан кевтән зогсцхав. 6Моше келв:
– Таднд Деед Эзнә туурмҗ буухин төлә Деед Эзн эн юм тадн кетхә гив.
7Моше Ахаронд келв:
– Тәкл тәкдг орм тал өөрд, эврәннь цеврллһнә болн шатах бәрцән авч ир. Теднәр бийиннь болн олн-әмтнә төлә гемән хәрүллһнә авъяс күцә. Дәкәд Деед Эзнә заасар олн-әмтнәс гемән хәрүллһнә бәрц өг.
8Ахарон тәкл тәкдг орм тал өөрдәд, бийиннь төлә цеврллһнә авъяс күцәҗ туһл малыг алв. 9Көвүднь терүнд туһлын цус авч өгв. Ахарон тер цуснд хурһан норһад, тәклин ормин өврмүдтнь түркв. Үлдсн цусиг тәклин ормин улд асхв. 10Цеврллһнә бәрцин өөкинь, бөөринь болн элкнә семҗинь Деед Эзн Мошед заасар тиигҗ Ахарон тәклин ормд шатав. 11Туһлын махнь болн арснь бәәрнәс һазаран һарһгдад шатагдв.
12Дәкәд Ахарон шатагдх бәрциг алв. Көвүднь терүнд бәрцин цусинь авч өгв. Ахарон тәклин ормиг дөрвн үзгәснь цус цацад әрүслв. 13Көвүднь чавчсн махиг болн толһаһинь авад Ахаронд өгв. Тедниг цугтаһинь тер тәклин ормд шатав. 14Бәрцин дотринь болн көлмүдинь уснд уһаһад, тәклин ормд шатагдх бәрцлә хамднь шатав.
15Дарунь тер олн-әмтнә авч ирсн малмудыг бәрцд орулв. Теднә цеврллһнә төлә авч ирсн текиг алад, өмнкләрн әдл цеврллһнә авъяс күцәв.
16Дәкәд шатагдх малыг һарһад, кех диг-дараһар тәкл тәкв. 17Дарунь тер өдмгин бәрцәс нег атхм авад тәклин ормд шатав. Тернь өрүн шатасн бәрцст немр болв.
18Олн-әмтнә эвцлһнә бәрц гиһәд Ахарон бухиг болн хуциг алв. Көвүднь терүнд бәрцин цусиг авч өгв. Ахарон тәклин ормин эргнднь цацл цацв. 19Тедн Ахаронд бухин болн хуцин өөкинь авч өгв. Эннь өөктә сүл, дотр өөкн, бөөр, элкнә семҗн. 20Өөктә тоотынь малын өрч деернь тәвв. Өөкинь Ахарон тәклин ормд шатав. 21Малын өрчинь болн барун ташаһинь Мошен келсәр Деед Эзнә өмн өргв.
22Ахарон олн-әмтн тал һаран өргәд тедниг әдслв. Цеврллһнә, шаталһна болн эвцлһнә бәрцсәр тәкл тәкәд, тер ормасн хооран һарв.
23Моше Ахарон хойр Харһлтын Шатрт орв. Тендәс һарад олн-әмтиг тедн әдслв. Олн-әмтнд Деед Эзнә туурмҗ буув. 24Деед Эзнәс ирсн һал шаталһна бәрциг болн тәклин ормд бәәсн өөкиг сорад зальгчкв. Терүг үзсн әмтн байрлҗ хәәкрәд, һазр элкдәд унцхав.
Currently Selected:
Левит 9: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
