Левит 26
26
Зааврмуд күцәснә ачлврмуд
1«Бичә бийдән шүтә кетн, бичә бийдән көшә кетн, әрүслсн чолу. Терүнә хаҗуд ирҗ мөргдгоһар эврә һазр деер дүрс һарһсн чолуд бичә тәвтн. Яһад гихлә Би – Деед Эзн, тадна Бурхн. 2Мини бемб өдриг бәртн. Мини әрүн бәәриг күндлтн. Би – Деед Эзн.
3Кемр тадн Мини зокалмудыг күцәхлә, Мини зааврмудыг күцц бәрхлә, 4тиигхлә Би цагтнь таднд хур орулхув, һазр урһц өгх, көдәд бәәх модд темс өгх. 5Буудяһан хураһад автл, уста үзм цуглулх саам ирх. Уста үзмән цуглулҗ автл, тәрәһән тәрх цаг ирх. Тадн цадхлң бәәхит, эврә һазртан әәмшг уга җирһхит.
6Би тадна орн-нутгт төвкнүн бәәдл өгнәв. Тадн орндан орад унтхла, кен чигн тадниг көндәшго. Тадна һазрас Би зерлг аңгудыг уга кенәв, тана орн-нутгиг дәврҗ күн хоосрулшго. 7Таднас хортн зулад гүүх, тедн тана үлдәс үкх. 8Таднас тавнь 100 кү зулҗ гүүлгүлх. Тана 100 күн 10 000 күүг гүүлгүлх. Тадна хортн тана үлдәс үкх.
9Би тадниг хәләхүв. Тадниг Би өнр-өсклң кехүв. Би Эврәннь бооцаһан таднла күцәнәв. 10Тадн хуучн хот-хоолын көрңгән идҗ чиләлго бәәтл терүгән һарһҗ хаяд, шин урһцд орм һарһх кергтә болх. 11Би таднла бәәхүв. Би таднд дурго болшгов. 12Би тадн дунд бәәхүв. Би тадна Бурхн болхув, тадн Мини олн-әмтн болхит. 13Би – Деед Эзн, тадна Бурхн. Тадниг Би Египетин улст мухла бичә болтха гиһәд, тендәс дахулҗ һарһлав. Би тадниг дүңгәһәд һоодан йовтха гиһәд, күчр-күнд мухлан җирһләс һарһҗ авлав.
Зааврмуд эс күцәснә засгврмуд
14Кемр тадн намаг эс соңсхла, эн заквриг цугтаһинь эс күцәхлә, 15кемр тадн Мини зокалмудыг бурушахла, Мини закадт дурго болҗахла, Мини зааврмудыг һазалхла, кемр Нанла кесн бооцаг эвдхлә, 16тегәд таднла Би ю кехиг медхит. Би тадниг әәмшгтә бәәдлд орулхув. Тадниг ханядна болн безг гемд орулнав, нүднәнтн харан буух, тана седкл муурх. Тадн тәрәнә эк тәрхит, болв тус уга болх. Тер өдмгиг тана хортн идх. 17Би Эврәннь ууран таднд һарһнав. Хортн тадниг диилх, дурго әмтн таднд нойрхх. Тегәд тадниг күн эс көөлдв чигн ардан хәләлго зулад гүүхит.
18Кемр тадн энүнә хөөн Намаг эс соңсхла, Би тадниг килнц һарһснд дола дәкҗ засглнав. 19Тадна соңсхвр уга деерклһиг Би таранав. Тадна деерк теңгриг төмрт Би хүврәнәв. Тана дор бәәх һазр улан мөңгн болх. 20Тадн чидлән хара зөңдән чиләхит. Тадна һазр урһц өгшго, модд болхла темс өгшго.
21Тегәд энүнә дару Мини өмнәс сөрәд бәәхләг, Намаг соңсшгоһар седхлә, килнц һарһад бәәсндтн Би дола дәкҗ Эврәннь засган икдүлхүв. 22Би тадна өмнәс зерлг аңгуд илгәнәв. Тедн тадна үрдиг алх, тадна малыг алх. Тегәд тадн тооһарн мел баһрад бәәхит, тадна хаалһ эҗгәрәд одх.
23Болв кемр энүнә хөөн тадн эс чикрхлә, урдкларн әдл Мини хортн болад үлдхлә, 24Би бас тадна хортн болнав. Тадна һарһҗах килнцд Би тадниг дола дәкҗ засглнав. 25Бооца эвдснәс көлтә Би таднас өшәһән авад, үлдән өргнәв! Кемр тадн эврәннь балһсдт бултхла, Би тадниг хальдврта күнд гемд орулнав. Тегәд тадн хортна һарт орхит! 26Би тадниг өдмг уга үлдәхүв. Өдмг болһхин төлә 10 гергн негхн бештә болх. Өдмгиг чиңнүрдәд таднд өгх. Идв чигн өлсәд бәәхит.
27Болв энүнә хөөн тадн Намаг соңслго бәәхлә, урдк кевтән Мини өмнәс бурушаһад бәәхлә, 28тиигхлә Би тадна өмнәс цухлан һарһхув, дола дәкҗ тадниг килцн һарһснд засглхув! 29Тадн көвүдиннь болн күүкдиннь цогц-махмудынь идхит. 30Би тадна мөргүлин өндр ормиг хамхлхув, тадна күҗ уңһдадг ормиг уга кехүв. Тадна цогциг хамхрсн шүтәс дунд хайхув. Тадн Нанд җигшүртә болхит! 31Тадна балһсдыг Би хамхлад эҗго һазрт хүврәхүв, әрүн бәәритн хоосрулхув, тадна авч ирсн бәрцин каңкнсн үнр киилшгов. 32Тадна эн һазриг Би хоосрулхув. Тегәд энд бәәрлхәр ирсн тадна хортн үзснәсн сүрдх. 33Би тадниг олн-әмтн дунд тараһад бәәлһнәв, тадниг көөхин төлә үлдән һарһнав. Тадна орн-нутг эҗгәрх, тадна балһсд хамхрсн чолуд болх. 34Тегәд һазр эврәннь төвкнүн бәәлһнә җилмүдән хәрү тогтах. Цагин эргцд һазр эҗго болснд тадн хортна орн-нутгт бәәхит. Тана болсн һазр амрад, бийиннь төвкнүн бәәлһнә җилмүдән хәрү тогтах. 35Эн эҗго бәәдл эзлтл, давсн төвкнүн бәәлһнә җилмүдт эс амрсн һазр ода амрх. Төвкнүн бәәлһнә җилмүдин эргцд тадниг тенд бәәхд, һазр амрчасмн уга.
36Таднас зәрмнь әмд үлдхлә, тедн хортна һазрт бәәх. Теднә зүркнд Би әәмшг орулнав. Хамтхасн көндрв чигн тедн һарад гүүцхәх. Үлдәс зулад гүүҗ йовх мет гүүцхәх, тедниг күн эс көөлдв чигн унцхах. 37Тедн нег-негән дәврәд үлдәс зулҗ йовх мет гүүцхәх. Теднә ардас күн көөлдҗ йовхмн уга. Тадн хортнд сөрлт кеҗ чадшгот. 38Тегәд талын улс дунд үкхит, хортна һазр тадниг зальгх. 39Әмд үлдсн тадна нег цөөкнь хортна орнд килнцәсн көлтә әмдәр илҗрәд үкцхәх. Өвкнриннь килнцәс көлтә әмдәр илҗрәд үкцхәх.
40Болв кемр тедн бийиннь болн өвкнриннь килнц медхлә, тиигхлә тедн Нанд буру йовдл һарһҗав, Нанла өшәркҗәв. 41Би терүнәс көлтә теднд дурго болад, хортна орнд тедниг көөҗ һарһув. Кемр теднә догшн зүркн зөвшәрәд эврәннь гемән хәрүлхлә, 42тегәд Би Яковла кесн бооцаһан сергәхүв, Би Ицхакла кесн бооцаһан сергәхүв болн Абрахамла кесн бооцаһан Би сергәхүв. Эн һазрин тускар тодлхув.
43Эн һазриг теднд үлдәхлә, эҗго болв чигн төвкнүн бәәлһнә җилмүдән хәрү тогтах. Тернь килнцәсн һартл тиим болх. Тедн Мини закадыг бурушав, Мини зокалмудыг һолҗав. 44Болв тиим болв чигн тедн хортна орнд бәәхлә, Би тедниг бурушахшув, тедниг һолшгов. Би тедниг алшгов, теднлә кесн бооцаһан сольшгов. Яһад гихлә Би – Деед Эзн, теднә Бурхн. 45Би теднә өвкнрлә кесн бооцаһан тодлхув. Тедниг Би Бурхнь болхар талдан әмтнә нүүрт Египетәс дахулҗ һарһлав. Би – Деед Эзн».
46Синай уул деер Мошеһәр дамҗад Израилин улст Деед Эзнә өгсн зокалмуд, закад болн диг-даран иим болҗана.
Currently Selected:
Левит 26: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Левит 26
26
Зааврмуд күцәснә ачлврмуд
1«Бичә бийдән шүтә кетн, бичә бийдән көшә кетн, әрүслсн чолу. Терүнә хаҗуд ирҗ мөргдгоһар эврә һазр деер дүрс һарһсн чолуд бичә тәвтн. Яһад гихлә Би – Деед Эзн, тадна Бурхн. 2Мини бемб өдриг бәртн. Мини әрүн бәәриг күндлтн. Би – Деед Эзн.
3Кемр тадн Мини зокалмудыг күцәхлә, Мини зааврмудыг күцц бәрхлә, 4тиигхлә Би цагтнь таднд хур орулхув, һазр урһц өгх, көдәд бәәх модд темс өгх. 5Буудяһан хураһад автл, уста үзм цуглулх саам ирх. Уста үзмән цуглулҗ автл, тәрәһән тәрх цаг ирх. Тадн цадхлң бәәхит, эврә һазртан әәмшг уга җирһхит.
6Би тадна орн-нутгт төвкнүн бәәдл өгнәв. Тадн орндан орад унтхла, кен чигн тадниг көндәшго. Тадна һазрас Би зерлг аңгудыг уга кенәв, тана орн-нутгиг дәврҗ күн хоосрулшго. 7Таднас хортн зулад гүүх, тедн тана үлдәс үкх. 8Таднас тавнь 100 кү зулҗ гүүлгүлх. Тана 100 күн 10 000 күүг гүүлгүлх. Тадна хортн тана үлдәс үкх.
9Би тадниг хәләхүв. Тадниг Би өнр-өсклң кехүв. Би Эврәннь бооцаһан таднла күцәнәв. 10Тадн хуучн хот-хоолын көрңгән идҗ чиләлго бәәтл терүгән һарһҗ хаяд, шин урһцд орм һарһх кергтә болх. 11Би таднла бәәхүв. Би таднд дурго болшгов. 12Би тадн дунд бәәхүв. Би тадна Бурхн болхув, тадн Мини олн-әмтн болхит. 13Би – Деед Эзн, тадна Бурхн. Тадниг Би Египетин улст мухла бичә болтха гиһәд, тендәс дахулҗ һарһлав. Би тадниг дүңгәһәд һоодан йовтха гиһәд, күчр-күнд мухлан җирһләс һарһҗ авлав.
Зааврмуд эс күцәснә засгврмуд
14Кемр тадн намаг эс соңсхла, эн заквриг цугтаһинь эс күцәхлә, 15кемр тадн Мини зокалмудыг бурушахла, Мини закадт дурго болҗахла, Мини зааврмудыг һазалхла, кемр Нанла кесн бооцаг эвдхлә, 16тегәд таднла Би ю кехиг медхит. Би тадниг әәмшгтә бәәдлд орулхув. Тадниг ханядна болн безг гемд орулнав, нүднәнтн харан буух, тана седкл муурх. Тадн тәрәнә эк тәрхит, болв тус уга болх. Тер өдмгиг тана хортн идх. 17Би Эврәннь ууран таднд һарһнав. Хортн тадниг диилх, дурго әмтн таднд нойрхх. Тегәд тадниг күн эс көөлдв чигн ардан хәләлго зулад гүүхит.
18Кемр тадн энүнә хөөн Намаг эс соңсхла, Би тадниг килнц һарһснд дола дәкҗ засглнав. 19Тадна соңсхвр уга деерклһиг Би таранав. Тадна деерк теңгриг төмрт Би хүврәнәв. Тана дор бәәх һазр улан мөңгн болх. 20Тадн чидлән хара зөңдән чиләхит. Тадна һазр урһц өгшго, модд болхла темс өгшго.
21Тегәд энүнә дару Мини өмнәс сөрәд бәәхләг, Намаг соңсшгоһар седхлә, килнц һарһад бәәсндтн Би дола дәкҗ Эврәннь засган икдүлхүв. 22Би тадна өмнәс зерлг аңгуд илгәнәв. Тедн тадна үрдиг алх, тадна малыг алх. Тегәд тадн тооһарн мел баһрад бәәхит, тадна хаалһ эҗгәрәд одх.
23Болв кемр энүнә хөөн тадн эс чикрхлә, урдкларн әдл Мини хортн болад үлдхлә, 24Би бас тадна хортн болнав. Тадна һарһҗах килнцд Би тадниг дола дәкҗ засглнав. 25Бооца эвдснәс көлтә Би таднас өшәһән авад, үлдән өргнәв! Кемр тадн эврәннь балһсдт бултхла, Би тадниг хальдврта күнд гемд орулнав. Тегәд тадн хортна һарт орхит! 26Би тадниг өдмг уга үлдәхүв. Өдмг болһхин төлә 10 гергн негхн бештә болх. Өдмгиг чиңнүрдәд таднд өгх. Идв чигн өлсәд бәәхит.
27Болв энүнә хөөн тадн Намаг соңслго бәәхлә, урдк кевтән Мини өмнәс бурушаһад бәәхлә, 28тиигхлә Би тадна өмнәс цухлан һарһхув, дола дәкҗ тадниг килцн һарһснд засглхув! 29Тадн көвүдиннь болн күүкдиннь цогц-махмудынь идхит. 30Би тадна мөргүлин өндр ормиг хамхлхув, тадна күҗ уңһдадг ормиг уга кехүв. Тадна цогциг хамхрсн шүтәс дунд хайхув. Тадн Нанд җигшүртә болхит! 31Тадна балһсдыг Би хамхлад эҗго һазрт хүврәхүв, әрүн бәәритн хоосрулхув, тадна авч ирсн бәрцин каңкнсн үнр киилшгов. 32Тадна эн һазриг Би хоосрулхув. Тегәд энд бәәрлхәр ирсн тадна хортн үзснәсн сүрдх. 33Би тадниг олн-әмтн дунд тараһад бәәлһнәв, тадниг көөхин төлә үлдән һарһнав. Тадна орн-нутг эҗгәрх, тадна балһсд хамхрсн чолуд болх. 34Тегәд һазр эврәннь төвкнүн бәәлһнә җилмүдән хәрү тогтах. Цагин эргцд һазр эҗго болснд тадн хортна орн-нутгт бәәхит. Тана болсн һазр амрад, бийиннь төвкнүн бәәлһнә җилмүдән хәрү тогтах. 35Эн эҗго бәәдл эзлтл, давсн төвкнүн бәәлһнә җилмүдт эс амрсн һазр ода амрх. Төвкнүн бәәлһнә җилмүдин эргцд тадниг тенд бәәхд, һазр амрчасмн уга.
36Таднас зәрмнь әмд үлдхлә, тедн хортна һазрт бәәх. Теднә зүркнд Би әәмшг орулнав. Хамтхасн көндрв чигн тедн һарад гүүцхәх. Үлдәс зулад гүүҗ йовх мет гүүцхәх, тедниг күн эс көөлдв чигн унцхах. 37Тедн нег-негән дәврәд үлдәс зулҗ йовх мет гүүцхәх. Теднә ардас күн көөлдҗ йовхмн уга. Тадн хортнд сөрлт кеҗ чадшгот. 38Тегәд талын улс дунд үкхит, хортна һазр тадниг зальгх. 39Әмд үлдсн тадна нег цөөкнь хортна орнд килнцәсн көлтә әмдәр илҗрәд үкцхәх. Өвкнриннь килнцәс көлтә әмдәр илҗрәд үкцхәх.
40Болв кемр тедн бийиннь болн өвкнриннь килнц медхлә, тиигхлә тедн Нанд буру йовдл һарһҗав, Нанла өшәркҗәв. 41Би терүнәс көлтә теднд дурго болад, хортна орнд тедниг көөҗ һарһув. Кемр теднә догшн зүркн зөвшәрәд эврәннь гемән хәрүлхлә, 42тегәд Би Яковла кесн бооцаһан сергәхүв, Би Ицхакла кесн бооцаһан сергәхүв болн Абрахамла кесн бооцаһан Би сергәхүв. Эн һазрин тускар тодлхув.
43Эн һазриг теднд үлдәхлә, эҗго болв чигн төвкнүн бәәлһнә җилмүдән хәрү тогтах. Тернь килнцәсн һартл тиим болх. Тедн Мини закадыг бурушав, Мини зокалмудыг һолҗав. 44Болв тиим болв чигн тедн хортна орнд бәәхлә, Би тедниг бурушахшув, тедниг һолшгов. Би тедниг алшгов, теднлә кесн бооцаһан сольшгов. Яһад гихлә Би – Деед Эзн, теднә Бурхн. 45Би теднә өвкнрлә кесн бооцаһан тодлхув. Тедниг Би Бурхнь болхар талдан әмтнә нүүрт Египетәс дахулҗ һарһлав. Би – Деед Эзн».
46Синай уул деер Мошеһәр дамҗад Израилин улст Деед Эзнә өгсн зокалмуд, закад болн диг-даран иим болҗана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023