Һалатьянхн 2
2
Павел болн оңдан апостолмуд
1Арвн дөрвн җил болад Бар-Набала хоюрн Титиг дахулад, дәкн Ерусалим тал одвидн. 2Би Бурхна заасар йовв. Би сүзгтни багин ахлачнрта нүүрлцәд харһад, теднд буру номта улст цәәлһҗ өгсн Сән Зәңгин тускар эврән келҗ өгв. Мини эндрк болн урдк кесн көдлмш йирдән бичә давтха гиләв. 3Тедн Титиг грек болсар керчүлтхә гиҗ нексн уга. 4Болв зәрмснь тиим йовдл һарһхар седв. Тедн худлар ахнр-дүүнр болад туршулчнр мет мадн дунд орцхаҗ. Тиигхләрн тедн Исус Христосла бәәсн ниицәһәр дамҗад мана сулдхврин тускар медхәр седв. Тедн маднар мухлаһан кехәр седҗәҗ. 5Болв бидн агчмин зуур чигн теднд тәвҗ өгсн угавидн. Яһад гихлә, бидн тана төлә Сән Зәңгин үнниг хадһлхар седләвидн.
6Әмтн һардачнр гиҗ тоолҗасн улс (нанд болхла, кен болсинь мел йилһл уга. Бурхн һазак бәәдләр күүнә зарһ кешго) нанд шин юм мел келсн уга. 7Терүнә ормд Бурхн нанд буру номта улст Сән Зәңг цәәлһтхә гисн даалһвр өгсиг тедн үзлә. Бурхн Пётриг Сән Зәңг евреймүдт бас тиигҗ цәәлһтхә гилә. 8Бурхна күчәр Пётр евреймүдин төлә апостол болла. Би бас Бурхна күчәр буру номта улсин төлә апостол болв. 9Һардач гиҗ тоолгдҗасн Яков, Пётр болн Йохан нанд Бурхна өгсн эн шишлң даалһвр медв. Бар-Набаг болн терүнлә хамдан көдлҗәх улст тоолв. Аштнь бидн һаран атхлдад зөвшәрвидн. Би Бар-Набата буру номта улс дунд көдлх, тедн евреймүд дунд көдлх болҗ һарв. 10Зуг тедн мадниг түрү-зүдү улсин тускар бичә марттн гиҗ сурцхав. Тер сурвриг би эврән күцәхәр седдг биләв.
Павел Пётриг бурушаҗана
11Пётр Антиохд ирхлә, би терүнә өмнәс иләр келләв. Яһад гихлә, тер хаҗһр йовдл һарһҗасмн. 12Яковин илгәсн улс иртл Пётр буру номта ахнр-дүүнрлә хамдан хот уудг бәәҗ. Зуг тедниг ирхлә, буру номта күүг керчүлтхә гиҗ некҗәсн әмтнәс әәһәд Пётр теднлә хамдан хот уудган уурв. 13Еврей ах-дүүнр Пётрлә хамдан хойр чирәтә йовдл һарһад бәәв. Тернь нам Бар-Набаг бас чик хаалһаснь хаҗилһв. 14Теднә һарһҗах йовдл Сән Зәңгин үннлә эс ирлцҗәхиг үзхләрн би теднә цугтаннь өмн Пётрт иигҗ келүв: «Чи, еврей болв чигн, буру номта күүнлә әдл бәәнәч. Тиигхлә буру номта улсиг евреймүдлә әдләр бәәтхә гиҗ яһад закҗахмбч? 15Бидн төрхәрә евреймүдвидн. Бидн килнцтә буру номта улс бишвидн. 16Исус Христост итксәр күн болһн чик седклтә болҗ тоолгдна. Эннь зака күцәсәр чигн биш. Тиигәд бидн зака күцәсәр биш, Христост итксәр, чик седклтә улс болҗ тоолгдхин төлә Исус Христост итквидн. Яһад гихлә, нег чигн күн зака күцәсәр чик седклтә күүнд тоолгдшго. 17Бидн Христосла ниилснд чик седклтәд тоолгдхар седләвидн. Болв килнцтә улс бәәсән бидн үзввидн. Тиигхлә Христос килнцин цергч болхий? Уга. Төрүц уга. 18Кемр би ода урднь хамхлсан босхҗахла, зака эвдсн күн болҗ һарчанав. 19Би Бурхна төлә бәәхәр зака күцәсәрн Бурхна өмн бийән чик седклтәд тоолдган уурв. Зака күцәҗәсндән би үкснә тоод йовлав. Намаг Христосла хамдан кирст хадла. 20Иим учрас иштә би ода урдк күн бишв. Христос мини дотр бәәнә. Өдгә цагт мини бәәҗәх җирһл иим темдгтә: би Бурхна Көвүнд итксндән җирһҗәнәв. Тер нанд дурлад, мини төлә эврәннь әмән өгв. 21Би Бурхна хәәрлтиг мел хайҗахшв. Кемр күн закаг күцәсәр чик седклтә гиҗ тоолхла, Христос киидән үксн болҗана».
Currently Selected:
Һалатьянхн 2: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Һалатьянхн 2
2
Павел болн оңдан апостолмуд
1Арвн дөрвн җил болад Бар-Набала хоюрн Титиг дахулад, дәкн Ерусалим тал одвидн. 2Би Бурхна заасар йовв. Би сүзгтни багин ахлачнрта нүүрлцәд харһад, теднд буру номта улст цәәлһҗ өгсн Сән Зәңгин тускар эврән келҗ өгв. Мини эндрк болн урдк кесн көдлмш йирдән бичә давтха гиләв. 3Тедн Титиг грек болсар керчүлтхә гиҗ нексн уга. 4Болв зәрмснь тиим йовдл һарһхар седв. Тедн худлар ахнр-дүүнр болад туршулчнр мет мадн дунд орцхаҗ. Тиигхләрн тедн Исус Христосла бәәсн ниицәһәр дамҗад мана сулдхврин тускар медхәр седв. Тедн маднар мухлаһан кехәр седҗәҗ. 5Болв бидн агчмин зуур чигн теднд тәвҗ өгсн угавидн. Яһад гихлә, бидн тана төлә Сән Зәңгин үнниг хадһлхар седләвидн.
6Әмтн һардачнр гиҗ тоолҗасн улс (нанд болхла, кен болсинь мел йилһл уга. Бурхн һазак бәәдләр күүнә зарһ кешго) нанд шин юм мел келсн уга. 7Терүнә ормд Бурхн нанд буру номта улст Сән Зәңг цәәлһтхә гисн даалһвр өгсиг тедн үзлә. Бурхн Пётриг Сән Зәңг евреймүдт бас тиигҗ цәәлһтхә гилә. 8Бурхна күчәр Пётр евреймүдин төлә апостол болла. Би бас Бурхна күчәр буру номта улсин төлә апостол болв. 9Һардач гиҗ тоолгдҗасн Яков, Пётр болн Йохан нанд Бурхна өгсн эн шишлң даалһвр медв. Бар-Набаг болн терүнлә хамдан көдлҗәх улст тоолв. Аштнь бидн һаран атхлдад зөвшәрвидн. Би Бар-Набата буру номта улс дунд көдлх, тедн евреймүд дунд көдлх болҗ һарв. 10Зуг тедн мадниг түрү-зүдү улсин тускар бичә марттн гиҗ сурцхав. Тер сурвриг би эврән күцәхәр седдг биләв.
Павел Пётриг бурушаҗана
11Пётр Антиохд ирхлә, би терүнә өмнәс иләр келләв. Яһад гихлә, тер хаҗһр йовдл һарһҗасмн. 12Яковин илгәсн улс иртл Пётр буру номта ахнр-дүүнрлә хамдан хот уудг бәәҗ. Зуг тедниг ирхлә, буру номта күүг керчүлтхә гиҗ некҗәсн әмтнәс әәһәд Пётр теднлә хамдан хот уудган уурв. 13Еврей ах-дүүнр Пётрлә хамдан хойр чирәтә йовдл һарһад бәәв. Тернь нам Бар-Набаг бас чик хаалһаснь хаҗилһв. 14Теднә һарһҗах йовдл Сән Зәңгин үннлә эс ирлцҗәхиг үзхләрн би теднә цугтаннь өмн Пётрт иигҗ келүв: «Чи, еврей болв чигн, буру номта күүнлә әдл бәәнәч. Тиигхлә буру номта улсиг евреймүдлә әдләр бәәтхә гиҗ яһад закҗахмбч? 15Бидн төрхәрә евреймүдвидн. Бидн килнцтә буру номта улс бишвидн. 16Исус Христост итксәр күн болһн чик седклтә болҗ тоолгдна. Эннь зака күцәсәр чигн биш. Тиигәд бидн зака күцәсәр биш, Христост итксәр, чик седклтә улс болҗ тоолгдхин төлә Исус Христост итквидн. Яһад гихлә, нег чигн күн зака күцәсәр чик седклтә күүнд тоолгдшго. 17Бидн Христосла ниилснд чик седклтәд тоолгдхар седләвидн. Болв килнцтә улс бәәсән бидн үзввидн. Тиигхлә Христос килнцин цергч болхий? Уга. Төрүц уга. 18Кемр би ода урднь хамхлсан босхҗахла, зака эвдсн күн болҗ һарчанав. 19Би Бурхна төлә бәәхәр зака күцәсәрн Бурхна өмн бийән чик седклтәд тоолдган уурв. Зака күцәҗәсндән би үкснә тоод йовлав. Намаг Христосла хамдан кирст хадла. 20Иим учрас иштә би ода урдк күн бишв. Христос мини дотр бәәнә. Өдгә цагт мини бәәҗәх җирһл иим темдгтә: би Бурхна Көвүнд итксндән җирһҗәнәв. Тер нанд дурлад, мини төлә эврәннь әмән өгв. 21Би Бурхна хәәрлтиг мел хайҗахшв. Кемр күн закаг күцәсәр чик седклтә гиҗ тоолхла, Христос киидән үксн болҗана».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023