Нүүдл 24
24
Бурхн олн-әмтнлә бооца келһн
1Деед Эзн Мошед келнә:
– Деед Эзн тал һар, бийләһән Ахарониг, Надавиг, Авиудыг болн Израилин 70 медәтиг ав. Деед Эзнд холас мөргтн. 2Болв Деед Эзн тал Моше һанцарн өөрдтхә! Тедн Деед Эзн тал өөрдшго юмн. Олн-әмтн уул деер һаршго юмн.
3Моше олн-әмтн тал ирәд Деед Эзнә келсиг кевтнь келнә. Дәкәд закадыг кевтнь үгәрн келҗ өгнә. Олн-әмтн цугтан нег дууһар хәрү өгнә:
– Бидн Деед Эзнә келсиг күцәхвидн.
4Моше Деед Эзнә келсиг цугтаһинь бичәд авна. Өрүнднь уулын дор тәкл тәкдг орм босхад Израилин отгудын тооһар арвн хойр чолун бахн тәвнә. 5Израилин баһ наста көвүдиг тер илгәнә. Тедн бүрүс авч ирәд Деед Эзнд шаталһна бәрц болн эвцлһнә бәрцәр тәкл тәкнә. 6Моше алгдсн малын цусна өрәлинь савд хураҗ авна, цусна наадк өрәлинь тәклин ормд цацна, 7олн-әмтнд Бооцана әрүн бичг умшҗ өгнә. Олн-әмтн келнә:
– Бидн Деед Эзнә келсиг цугтаһинь күцәхвидн, соңсхврта болхвидн.
8Тиигхлә Моше олн-әмтнд тәклин цус цацад келнә:
– Деед Эзн таднла бооца кесн цусн эн. Терүнә келсн үг – бооцана үгцән болҗана.
9Терүнә дару Моше, Ахарон, Надав, Авиуд болн Израилин 70 медәт уул деер һарцхав. 10Тенд тедн Израилин Бурхиг үзцхәв. Терүнә көл дор сапфирар кесн дендр теңгр мет цевр бәәдлтә болҗ медгднә. 11Бурхн Израилин һардачнриг көндәсн уга: тедн Бурхиг үзв, тегәд хот идв, уув.
Моше Синай уул деер һарна
12Деед Эзн Мошед келнә:
– Нан тал уул деер һар, тенд үлд. Би чамд Закан болн зааврмуд бичгдсн хавтха чолуд өгнәв. Терүг Би эн олн-әмт сурһхар бичләв.
13Моше бийиннь дөң болдг Ешуата хамдан Бурхна уул деер һарв.
14– Мадниг хәрү иртл энд бәәҗәтн, – гиҗ Моше медәтнрт келв. – Таднла Ахарон болн Ор үлдх. Кемр кергтә болхла теднд келтн.
15Моше уул деер һарна. Үүлн уулыг бүркнә. 16Тегәд Деед Эзнә туурмҗ Синай уулыг бүркнә. Зурһан хонгтан уулыг үүлн бүркҗәв, болв доладгч өдртнь үүлнәс Деед Эзн Мошег дуудв. 17Уулын орад шатчах герлтә заль мет Деед Эзнә туурмҗ Израилин улсин нүднд үзгдв. 18Моше үүлнд орад, уул деер һарад, тенд 40 өдр, 40 сө бәәв.
Currently Selected:
Нүүдл 24: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 24
24
Бурхн олн-әмтнлә бооца келһн
1Деед Эзн Мошед келнә:
– Деед Эзн тал һар, бийләһән Ахарониг, Надавиг, Авиудыг болн Израилин 70 медәтиг ав. Деед Эзнд холас мөргтн. 2Болв Деед Эзн тал Моше һанцарн өөрдтхә! Тедн Деед Эзн тал өөрдшго юмн. Олн-әмтн уул деер һаршго юмн.
3Моше олн-әмтн тал ирәд Деед Эзнә келсиг кевтнь келнә. Дәкәд закадыг кевтнь үгәрн келҗ өгнә. Олн-әмтн цугтан нег дууһар хәрү өгнә:
– Бидн Деед Эзнә келсиг күцәхвидн.
4Моше Деед Эзнә келсиг цугтаһинь бичәд авна. Өрүнднь уулын дор тәкл тәкдг орм босхад Израилин отгудын тооһар арвн хойр чолун бахн тәвнә. 5Израилин баһ наста көвүдиг тер илгәнә. Тедн бүрүс авч ирәд Деед Эзнд шаталһна бәрц болн эвцлһнә бәрцәр тәкл тәкнә. 6Моше алгдсн малын цусна өрәлинь савд хураҗ авна, цусна наадк өрәлинь тәклин ормд цацна, 7олн-әмтнд Бооцана әрүн бичг умшҗ өгнә. Олн-әмтн келнә:
– Бидн Деед Эзнә келсиг цугтаһинь күцәхвидн, соңсхврта болхвидн.
8Тиигхлә Моше олн-әмтнд тәклин цус цацад келнә:
– Деед Эзн таднла бооца кесн цусн эн. Терүнә келсн үг – бооцана үгцән болҗана.
9Терүнә дару Моше, Ахарон, Надав, Авиуд болн Израилин 70 медәт уул деер һарцхав. 10Тенд тедн Израилин Бурхиг үзцхәв. Терүнә көл дор сапфирар кесн дендр теңгр мет цевр бәәдлтә болҗ медгднә. 11Бурхн Израилин һардачнриг көндәсн уга: тедн Бурхиг үзв, тегәд хот идв, уув.
Моше Синай уул деер һарна
12Деед Эзн Мошед келнә:
– Нан тал уул деер һар, тенд үлд. Би чамд Закан болн зааврмуд бичгдсн хавтха чолуд өгнәв. Терүг Би эн олн-әмт сурһхар бичләв.
13Моше бийиннь дөң болдг Ешуата хамдан Бурхна уул деер һарв.
14– Мадниг хәрү иртл энд бәәҗәтн, – гиҗ Моше медәтнрт келв. – Таднла Ахарон болн Ор үлдх. Кемр кергтә болхла теднд келтн.
15Моше уул деер һарна. Үүлн уулыг бүркнә. 16Тегәд Деед Эзнә туурмҗ Синай уулыг бүркнә. Зурһан хонгтан уулыг үүлн бүркҗәв, болв доладгч өдртнь үүлнәс Деед Эзн Мошег дуудв. 17Уулын орад шатчах герлтә заль мет Деед Эзнә туурмҗ Израилин улсин нүднд үзгдв. 18Моше үүлнд орад, уул деер һарад, тенд 40 өдр, 40 сө бәәв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023