Нүүдл 18
18
Итро Моше хойрин харһлт
1Мошен хадм Итро, Мидьяна гелң, Мошен болн Эврә улсин, Израилин төлә Бурхн ю кесинь, – Деед Эзн Израилин әмтиг Египетәс көтлҗ һарһсинь соңсв. 2Тиигхлә Итро (Мошен хадм эцк) бийләһән Мошен гергн Ципораг авна (энүнә өмн Моше энүг эцк талнь хәрү йовулсмн) 3болн энүнә хойр көвүн (негинь Гершом гиҗ дууддмн, эннь: «Би күүнә һазрт цаг зуурт бәәнәв» гисн темдг мөн; 4наадкнь Элиезер, эннь: «Мини эцкин Бурхн нанд нөкд болад, Египетин хаана селмәс аврв» гисн темдг мөн болв). 5Итро эдниг Моше тал – көдә һазрур, Мошен бәәрнүр, Бурхна уул тал көтлҗ ирәд:
6– Би чини хадм эцк Итро, чини гергнлә болн чини хойр көвүнлә ирүв, – гиҗ энүнд медүлҗ келхинь закв.
7Моше һарад, хадм эцкдән мендләд, энүг үмсв. Эдн нег-негнәннь бәәдлин тускар сурад, сег дотр орв. 8Моше хадм эцкдән Израилин улсиг харсад, Деед Эзн хаанла болн Египетин әмтнлә ю кеснә, көдә һазр давҗ һарлһна күнд-күчр хаалһин болн Деед Эзн яһҗ эдниг аврсна тускар келҗ өгв. 9Египетәс аврҗ һарад Израилин улсин төлә Деед Эзн цаһан седклтә кесг керг күцәснд Итро байрлв. 10Итро келҗәнә:
– Египетәс болн хаанас тадниг аврсн, тана улсиг теднәс сулдхсн Деед Эзиг йөрәх кергтә! 11Цуг бурхд бийән деегшән өргсн бийнь Деед Эзн эднәс деер болҗахинь ода медҗәнәв!
12Итро, Мошен хадм эцк, шатасн тәклиг болн талдан бәрциг Бурхнд өгв. Ахарон ирв, Израилин көгшд цугтан ирв. Эдн Бурхна нүүрт Мошен хадм эцклә хамдан хотан эдлв.
13Дарук өдртнь Моше Израилин улсин хоорндк цүүгәтә йовдлмудыг йилһҗ хәләв. Өрүнәс авн асхн күртл энүг әмтн төгәләд зогсцхав. 14Энүг үзәд хадм эцкнь Мошеһәс сурв:
– Эн әмтнлә чи энд ю кеҗәхмбч? Юңгад чи һанцарн эднә өмн суунач, эдн болхла өрүнәс авн асхн күртл чамаг төгәләд зогсҗахмб?
15– Эдн Бурхиг дуудхар нан тал ирнә, – гиҗ Моше хәрү өгнә. – 16Ямр чигн керг күцәхин төлә эдн нан тал ирнә, би эднә цүүгәтә йовдлыг шинҗләд, эднд Бурхна зокалмудыг болн закадыг дасхнав.
17– Хаҗһрар кеҗәнәч, – гиҗ хадм эцкнь энүнд келв. – 18Эврән муурхич, эн әмтн бас муурх. Чамд эн керг күнд болҗана, һанцарн чи энүг күцәҗ чадшгоч. 19Намаг соңс, би чамд селвг өгнәв, тегәд Бурхн чамта бәәх. Эн улсин болн Бурхна хоорнд орлцач болад, эднә кергүдиг Бурхна хәләврт өгүләд, 20эднд зокалмуд болн закад цәәлһәд, ямр хаалһар, ямр кевәр эднд йовхинь сурһ. 21Болв әмтн дундас болхла Бурхиг икәр күндлдгинь, үннч, нег мөслсн седклтәһинь, – ачта улсинь шүүҗ авад, һардачнрт батл: негнь миңһн күүг, наадкнь зун, дәкәд негнь – тәвн болн кен-негнь арвн күүг һардхин төлә. 22Эдн даңгин әмтнлә бәәһәд, эднә хоорндк цүүгә хаһлад, чинртә кергүдиг чамд өгүләд, үүрмгинь – эврән хаһлхмн. Чини ацан гиигрх: эдн энүг чамла хувалцхмн. 23Иигәд кехләчн, Бурхн чамд заавр өгәд бәәх, чи болхла эврән дааҗ һархич, әмтн төвкнүн бий талан хәрәд бәәхмн.
24Моше хадм эцкән соңсад, энүнә келсәр кев: 25Израилин улсас ачта улсиг шүүҗ авад, эдниг һардачнрт шиидв – негнь миңһн күүг, наадкнь – зун, дәкәд негнь – тәвн, кен-негнь арвн күүг һардх болв. 26Эдн даңгин әмтнлә бәәһәд, эднә хоорндк цүүгәтә йовдлмудыг хаһлад, күнд-күчр кергүдиг Мошед даалһад, үүрмгинь эврән хаһлад бәәв.
27Моше хадм эцкән йовулна, тернь герүрн, эврә һазрурн хәрв.
Currently Selected:
Нүүдл 18: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 18
18
Итро Моше хойрин харһлт
1Мошен хадм Итро, Мидьяна гелң, Мошен болн Эврә улсин, Израилин төлә Бурхн ю кесинь, – Деед Эзн Израилин әмтиг Египетәс көтлҗ һарһсинь соңсв. 2Тиигхлә Итро (Мошен хадм эцк) бийләһән Мошен гергн Ципораг авна (энүнә өмн Моше энүг эцк талнь хәрү йовулсмн) 3болн энүнә хойр көвүн (негинь Гершом гиҗ дууддмн, эннь: «Би күүнә һазрт цаг зуурт бәәнәв» гисн темдг мөн; 4наадкнь Элиезер, эннь: «Мини эцкин Бурхн нанд нөкд болад, Египетин хаана селмәс аврв» гисн темдг мөн болв). 5Итро эдниг Моше тал – көдә һазрур, Мошен бәәрнүр, Бурхна уул тал көтлҗ ирәд:
6– Би чини хадм эцк Итро, чини гергнлә болн чини хойр көвүнлә ирүв, – гиҗ энүнд медүлҗ келхинь закв.
7Моше һарад, хадм эцкдән мендләд, энүг үмсв. Эдн нег-негнәннь бәәдлин тускар сурад, сег дотр орв. 8Моше хадм эцкдән Израилин улсиг харсад, Деед Эзн хаанла болн Египетин әмтнлә ю кеснә, көдә һазр давҗ һарлһна күнд-күчр хаалһин болн Деед Эзн яһҗ эдниг аврсна тускар келҗ өгв. 9Египетәс аврҗ һарад Израилин улсин төлә Деед Эзн цаһан седклтә кесг керг күцәснд Итро байрлв. 10Итро келҗәнә:
– Египетәс болн хаанас тадниг аврсн, тана улсиг теднәс сулдхсн Деед Эзиг йөрәх кергтә! 11Цуг бурхд бийән деегшән өргсн бийнь Деед Эзн эднәс деер болҗахинь ода медҗәнәв!
12Итро, Мошен хадм эцк, шатасн тәклиг болн талдан бәрциг Бурхнд өгв. Ахарон ирв, Израилин көгшд цугтан ирв. Эдн Бурхна нүүрт Мошен хадм эцклә хамдан хотан эдлв.
13Дарук өдртнь Моше Израилин улсин хоорндк цүүгәтә йовдлмудыг йилһҗ хәләв. Өрүнәс авн асхн күртл энүг әмтн төгәләд зогсцхав. 14Энүг үзәд хадм эцкнь Мошеһәс сурв:
– Эн әмтнлә чи энд ю кеҗәхмбч? Юңгад чи һанцарн эднә өмн суунач, эдн болхла өрүнәс авн асхн күртл чамаг төгәләд зогсҗахмб?
15– Эдн Бурхиг дуудхар нан тал ирнә, – гиҗ Моше хәрү өгнә. – 16Ямр чигн керг күцәхин төлә эдн нан тал ирнә, би эднә цүүгәтә йовдлыг шинҗләд, эднд Бурхна зокалмудыг болн закадыг дасхнав.
17– Хаҗһрар кеҗәнәч, – гиҗ хадм эцкнь энүнд келв. – 18Эврән муурхич, эн әмтн бас муурх. Чамд эн керг күнд болҗана, һанцарн чи энүг күцәҗ чадшгоч. 19Намаг соңс, би чамд селвг өгнәв, тегәд Бурхн чамта бәәх. Эн улсин болн Бурхна хоорнд орлцач болад, эднә кергүдиг Бурхна хәләврт өгүләд, 20эднд зокалмуд болн закад цәәлһәд, ямр хаалһар, ямр кевәр эднд йовхинь сурһ. 21Болв әмтн дундас болхла Бурхиг икәр күндлдгинь, үннч, нег мөслсн седклтәһинь, – ачта улсинь шүүҗ авад, һардачнрт батл: негнь миңһн күүг, наадкнь зун, дәкәд негнь – тәвн болн кен-негнь арвн күүг һардхин төлә. 22Эдн даңгин әмтнлә бәәһәд, эднә хоорндк цүүгә хаһлад, чинртә кергүдиг чамд өгүләд, үүрмгинь – эврән хаһлхмн. Чини ацан гиигрх: эдн энүг чамла хувалцхмн. 23Иигәд кехләчн, Бурхн чамд заавр өгәд бәәх, чи болхла эврән дааҗ һархич, әмтн төвкнүн бий талан хәрәд бәәхмн.
24Моше хадм эцкән соңсад, энүнә келсәр кев: 25Израилин улсас ачта улсиг шүүҗ авад, эдниг һардачнрт шиидв – негнь миңһн күүг, наадкнь – зун, дәкәд негнь – тәвн, кен-негнь арвн күүг һардх болв. 26Эдн даңгин әмтнлә бәәһәд, эднә хоорндк цүүгәтә йовдлмудыг хаһлад, күнд-күчр кергүдиг Мошед даалһад, үүрмгинь эврән хаһлад бәәв.
27Моше хадм эцкән йовулна, тернь герүрн, эврә һазрурн хәрв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023