Нүүдл 14
14
Улан теңгс һатллһн
1Деед Эзн Мошед закчана:
2– Хәрү хәрәд Баал-Цефона өөр, Мигдолин болн теңгсин хоорнд Пи-Хахиротын өөр зогстха гиҗ Израилин улст кел. Тенд, Улан теңгсин көвәд, зогсад амртн. 3Израилин улс төөрәд, эднд көдә һазр хаалһднь харшлҗана гиҗ хан ухалтха. 4Эн һацад, тадна ардас көөлдхинь Би некнәв. Минь тер саамд Би хаанд болн энүнә цергт деерлкнәв! Деед Эзн кен болҗахинь Египетин улс медх!
Израилин улс Деед Эзнә келсәр кев. 5Израилин улс йовҗ одв гиҗ Египетин хаанд зәңглв. Тиигхлә хан болн энүнә мухлас генткн ухаһан сольна.
– Ямаран юм һарһчквидн? Израилин улсиг, мана көдлмшчнриг, тәвчквидн!
6Тергнд мөр зүүһәд хан, эврәннь әмтән бийләһән авв. 7Эн бийләһән хамгин сән гисн зурһан зун тергиг, Египетин тергн цергиг бийләһән авв. Мөрн тергн деер дамшлтта дәәчнр зогсв. 8Болв Деед Эзн Египетин хаана зүркиг һацав, тегәд тер Израилин улсин ардас әәлго көөлдв. Израилин улс юмнас әәлго йовҗ йовла. 9Египетин әмтн эднә ардас көөлдв – хаана цуг мөрн тергд, мөр унсн цуг улс, цуг цергүд, Пи-Хахиротын өөр-шидр, Баал-Цефона өмн бәәдг теңгсин өөрк зогсалд, эдниг көөҗ күцв.
10Хан өөрдҗ йовла. Израилин улс хәләһәд үзнә: Египетин әмтн теднә ардас көөлдҗ йовна! Тедн дегд әәһәд Деед Эзнәс эрәд сурв.
11– Египетд мадниг оршадг һазр угавий? – гиҗ эдн Мошед хәәкрв. – Чи мадниг нааран, көдә һазрур, үкхин төлә көтлҗ ирсмбч? Чи ю кеввч, Египетәс мадниг яһад һарһвч? 12Бидн чамд Египетд келләвидн: «Мадниг үлдә, бидн Египетин улсин мухла болнавидн!» Көдә һазрт үкхин ормд теднә мухла болнавидн!
13– Бичә әәтн! – гиҗ Моше әмтнд хәрү өгв. – Зогстн, Деед Эзн яһҗ тадниг аврхинь хәләтн. Юңгад гихлә ода тадна үзҗәх Египетиг, дәкҗ мел үзшгот! 14Тадна төлә Деед Эзн Эврән дәәлдх! Тадн болхла, төвкнтн!
15Деед Эзн Мошед келҗәнә:
– Яһад чи Нанас эрәд сурҗахмбч? Израилин улст өмәрән йовхд заквр өг! 16Эврән болхла тайган өргәд, теңгс деер дайл – тиигхлә теңгс зә һарһхла, Израилин улс теңгс дундаһар хүүрә һазрар мет йовх. 17Египетин әмтн һацад, тадна ардас йовхинь некнәв. Минь тер саамд Би хаана болн энүнә цергүд, энүнә мөрн тергд болн мөр унсн улсиг дииләд туурхув! 18Хааг терүнә мөрн тергтәһинь болн мөр унсн улстаһинь диилхлә, тегәд Би Деед Эзн болҗахинь теднә әмтн медх!
19Израилин улсин зергләнә өмн йовсн Бурхна элч зергләнә ард зогсв. Эднә өмн бәәсн үүлн бас ард зогсв. 20Эн Египетин болн Израилин улсин зергләниг хував. Эн хар үүлн кевтә бәәв, сөөднь болхла герлтәд бәәв. Тер сөөни дуусн хойр зерглән нег-негнләрн негдсн уга.
21Моше теңгс деер һаран дайлв, сөөни дуусн Деед Эзн шүрүтә дорд үзгин салькар теңгсин ус көөһәд бәәв. Теңгсиг Эн хагсав, усн ширгв. 22Тиигхлә Израилин улс хүүрә һазрар мет теңгсин дундаһар йовв. Эднә барун һар таласнь эрс мет усн, зүн һар таласнь бас эрс мет усн зогсв. 23Тиигхлә Египетин әмтн – хаана мөртә цуг цергүд, мөр унсн энүнә цуг улс, – Израилин улсин ардас теңгсин дундаһар көөлдв.
24Өр цәәхин өмн Деед Эзн һал болн үүлн һатцас Египетин цергиг хәләһәд, эднә бәәдлиг эвдв. 25Эднә тергдин төгәсинь Эн суһлхла, Египетин әмтн әрә гиҗ эдниг дааҗ йовв. «Маднд Израилин әмтнәс холд гүүх кергтә! – гиҗ тедн келв. – Эднә төлә Деед Эзн Египетин әмтнлә дәәлдҗәнә».
26Деед Эзн Мошед келв:
– Һаран теңгс деер дайл – усн хәрү ирәд, тедниг, мөртә тергдин болн мөрд унсн улсин өмнәс дәврх!
27Моше һаран теңгс деер өргхләнь – өрүнднь теңгс хәрү урдк бәәдлтә болв. Египетин әмтн усна өмнәс гүүв – Деед Эзн тедниг теңгсин тал дунд хамад күргв! 28Усн хәрү ирәд, теңгст көөлдҗ йовсн мөртә тергдиг, мөрд унсн улсиг болн хаана цуг цергүдиг кевтнь бүркчкв. Египетин әмтнәс нег чигн күн әмд үлдсн уга! 29Израилин улс болхла, теңгсин дундаһар хүүрә һазрар мет йовв: барун һар талнь эрс мет ик усн болн зүн һар талнь бас эрс мет ик усн зогсв. 30Тер өдр Деед Эзн Израилин улсиг Египетин әмтнәс аврв.
Израилин улс теңгсин көвәд Египетин чивсн әмтнә цогцинь үзв. 31Деед Эзнә күчтә һар теднлә ю кесинь медәд, Израилин улс Терүнәс әәв. Эдн Деед Эзнд болн Терүнә мухла Мошед иткв.
Currently Selected:
Нүүдл 14: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 14
14
Улан теңгс һатллһн
1Деед Эзн Мошед закчана:
2– Хәрү хәрәд Баал-Цефона өөр, Мигдолин болн теңгсин хоорнд Пи-Хахиротын өөр зогстха гиҗ Израилин улст кел. Тенд, Улан теңгсин көвәд, зогсад амртн. 3Израилин улс төөрәд, эднд көдә һазр хаалһднь харшлҗана гиҗ хан ухалтха. 4Эн һацад, тадна ардас көөлдхинь Би некнәв. Минь тер саамд Би хаанд болн энүнә цергт деерлкнәв! Деед Эзн кен болҗахинь Египетин улс медх!
Израилин улс Деед Эзнә келсәр кев. 5Израилин улс йовҗ одв гиҗ Египетин хаанд зәңглв. Тиигхлә хан болн энүнә мухлас генткн ухаһан сольна.
– Ямаран юм һарһчквидн? Израилин улсиг, мана көдлмшчнриг, тәвчквидн!
6Тергнд мөр зүүһәд хан, эврәннь әмтән бийләһән авв. 7Эн бийләһән хамгин сән гисн зурһан зун тергиг, Египетин тергн цергиг бийләһән авв. Мөрн тергн деер дамшлтта дәәчнр зогсв. 8Болв Деед Эзн Египетин хаана зүркиг һацав, тегәд тер Израилин улсин ардас әәлго көөлдв. Израилин улс юмнас әәлго йовҗ йовла. 9Египетин әмтн эднә ардас көөлдв – хаана цуг мөрн тергд, мөр унсн цуг улс, цуг цергүд, Пи-Хахиротын өөр-шидр, Баал-Цефона өмн бәәдг теңгсин өөрк зогсалд, эдниг көөҗ күцв.
10Хан өөрдҗ йовла. Израилин улс хәләһәд үзнә: Египетин әмтн теднә ардас көөлдҗ йовна! Тедн дегд әәһәд Деед Эзнәс эрәд сурв.
11– Египетд мадниг оршадг һазр угавий? – гиҗ эдн Мошед хәәкрв. – Чи мадниг нааран, көдә һазрур, үкхин төлә көтлҗ ирсмбч? Чи ю кеввч, Египетәс мадниг яһад һарһвч? 12Бидн чамд Египетд келләвидн: «Мадниг үлдә, бидн Египетин улсин мухла болнавидн!» Көдә һазрт үкхин ормд теднә мухла болнавидн!
13– Бичә әәтн! – гиҗ Моше әмтнд хәрү өгв. – Зогстн, Деед Эзн яһҗ тадниг аврхинь хәләтн. Юңгад гихлә ода тадна үзҗәх Египетиг, дәкҗ мел үзшгот! 14Тадна төлә Деед Эзн Эврән дәәлдх! Тадн болхла, төвкнтн!
15Деед Эзн Мошед келҗәнә:
– Яһад чи Нанас эрәд сурҗахмбч? Израилин улст өмәрән йовхд заквр өг! 16Эврән болхла тайган өргәд, теңгс деер дайл – тиигхлә теңгс зә һарһхла, Израилин улс теңгс дундаһар хүүрә һазрар мет йовх. 17Египетин әмтн һацад, тадна ардас йовхинь некнәв. Минь тер саамд Би хаана болн энүнә цергүд, энүнә мөрн тергд болн мөр унсн улсиг дииләд туурхув! 18Хааг терүнә мөрн тергтәһинь болн мөр унсн улстаһинь диилхлә, тегәд Би Деед Эзн болҗахинь теднә әмтн медх!
19Израилин улсин зергләнә өмн йовсн Бурхна элч зергләнә ард зогсв. Эднә өмн бәәсн үүлн бас ард зогсв. 20Эн Египетин болн Израилин улсин зергләниг хував. Эн хар үүлн кевтә бәәв, сөөднь болхла герлтәд бәәв. Тер сөөни дуусн хойр зерглән нег-негнләрн негдсн уга.
21Моше теңгс деер һаран дайлв, сөөни дуусн Деед Эзн шүрүтә дорд үзгин салькар теңгсин ус көөһәд бәәв. Теңгсиг Эн хагсав, усн ширгв. 22Тиигхлә Израилин улс хүүрә һазрар мет теңгсин дундаһар йовв. Эднә барун һар таласнь эрс мет усн, зүн һар таласнь бас эрс мет усн зогсв. 23Тиигхлә Египетин әмтн – хаана мөртә цуг цергүд, мөр унсн энүнә цуг улс, – Израилин улсин ардас теңгсин дундаһар көөлдв.
24Өр цәәхин өмн Деед Эзн һал болн үүлн һатцас Египетин цергиг хәләһәд, эднә бәәдлиг эвдв. 25Эднә тергдин төгәсинь Эн суһлхла, Египетин әмтн әрә гиҗ эдниг дааҗ йовв. «Маднд Израилин әмтнәс холд гүүх кергтә! – гиҗ тедн келв. – Эднә төлә Деед Эзн Египетин әмтнлә дәәлдҗәнә».
26Деед Эзн Мошед келв:
– Һаран теңгс деер дайл – усн хәрү ирәд, тедниг, мөртә тергдин болн мөрд унсн улсин өмнәс дәврх!
27Моше һаран теңгс деер өргхләнь – өрүнднь теңгс хәрү урдк бәәдлтә болв. Египетин әмтн усна өмнәс гүүв – Деед Эзн тедниг теңгсин тал дунд хамад күргв! 28Усн хәрү ирәд, теңгст көөлдҗ йовсн мөртә тергдиг, мөрд унсн улсиг болн хаана цуг цергүдиг кевтнь бүркчкв. Египетин әмтнәс нег чигн күн әмд үлдсн уга! 29Израилин улс болхла, теңгсин дундаһар хүүрә һазрар мет йовв: барун һар талнь эрс мет ик усн болн зүн һар талнь бас эрс мет ик усн зогсв. 30Тер өдр Деед Эзн Израилин улсиг Египетин әмтнәс аврв.
Израилин улс теңгсин көвәд Египетин чивсн әмтнә цогцинь үзв. 31Деед Эзнә күчтә һар теднлә ю кесинь медәд, Израилин улс Терүнәс әәв. Эдн Деед Эзнд болн Терүнә мухла Мошед иткв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023