Цецн Ухана Багш 7
7
Цецн ухан болн һәргллһн
1Сән нерн каңкнсн үнртә тоснас деер,
өңгрсн өдр һарсн өдрәс деер.
2Әмтн нәәрлҗәх герт орхин ормд
күн уульҗах герт орсн деер,
яһад гихлә цугтаһинь нег чилгч күләҗәнә.
Тегәд әмд бәәснь терүг тодлад автха.
3Һашудсн бәәдл инәснәс деер,
чирәд бәәх һундл зүркнд туста.
4Цецн күүнә зүркн уульҗах улст тусна,
һәргтә күүнә зүркн нәәрлҗәх улст тусна.
5Һәргтә күүнә ду соңсхар,
цецн күүнә шоодвр соңссн деер.
6Хәәснә дор бәәх һалд модн тачкнҗ шатна – тиигҗ һәрг инәнә.
Эн бас тус уга.
7Һундл һарһҗах
цецн күн ухаһан геех;
авлһ күүг үрәнә.
8Чилгч эклцәс деер,
тесвр карагллһнас деер.
9Уурлхар бичә адһ
яһад гихлә ур һәргтә күүнә чееҗд бәәдмн.
10«Урдк өдрмүд сән билә», – гиҗ бичә сур.
Иим сурвр цецн уханас биш.
11Цецн ухан зөөрәс дор биш, нарн дор бәәх әмтнд тер туста болна.
12Цецн ухан цаһан мөңгнәс дор бишәр харсна.
Медрлин туснь эн: цецн ухан җирһл хадһлна.
13Бурхна керг хәлә: Терүнә матилһсиг кен чиклх?
14Кишгтә өдрт кишгән эдл, зовлңгта өдрт тодлад авчк: энүгинь чигн, терүгинь чигн Бурхн үүдәсмн, яһад гихлә иргчдән терүнә хөөн юн болхинь күн медҗ чадшгоһар.
15Эврәннь тус уга җирһлд би ю болв чигн үзләв: үннч күн чик бәәдләрн бәәсн бийнь үкнә. Хар саната күн болхла, хорта йовдл һарһад йовсн бийнь ут нас наслна.
16Бийән баршгон төлә дегд үннч, дегд цецн бичә бол.
17Цагасн урд үкдгоһар хорта йовдл һарһдг күн бичә бол, дәкәд һәргтә бичә бол.
18Негинь дах, болв талданинь бичә хай: Бурхнас әәснь, цуг зовлңгас һарх.
19Балһсна арвн һардачнрас цецн күн күчтә.
20Һазр деер зуг буйнч керг күцәһәд, зуг килнц төрүц һарһдго үннч күн уга.
21Келсн үг болһиг бичә соңс, эс гиҗ чини мухла чамаг му келҗәсиг соңсад чигн бәәхич.
22Эврән кесг дәкҗ талдан әмтиг му келсиг чини зүркн меднәлм.
23Цецн ухаһар би цугтаһинь сөрләв. «Цецн уха зүүнәв», – гиҗ би бийдән келдг биләв. Болв тернь нанас ямаран хол!
24Давсн юмн холд болн гүүнд бәәнә, күцгдшго, кен терүг олхмб?
25Би зүркәрн цецн уха болн цәәлһлһ медхәр, хәәхәр олҗ авхар седләв. Хорта йовдл һарһдг әмтнә һәргнь болн ухань тату әмтнә адрлһн юунд бәәдв.
26Би медүв: минь тиим гергн үкләс һашун,
тер хавхла әдл,
терүнә зүркнь – гөлм,
терүнә һарнь – төмр чөдр.
Бурхна хәләсн күн терүнәс мөлтрх,
килнцтә күн терүнд бәргдх.
27Мини олҗ авсн юмн эн, – гиҗ Цецн Ухана Багш келв. –
Негинь негн деер немәд би тәәлвринь олҗ авдг болв.
28Зуг мини седкл хәәсән олҗ чадсн уга:
миңһн әмтн дундас би
негхн чик седклтә залу олҗ авув,
зуг нег чигн күүкд күн олдсн уга.
29Шиңкн би медүв:
Бурхн күүг чик седклтәһәр үүдәҗ,
зуг әмтн дегд олн юм хәәҗәнә.
Currently Selected:
Цецн Ухана Багш 7: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
