Цецн Ухана Багш 3
3
Юн чигн юмн эврә цагта
1Теңгр дор юн чигн юмнд болзг бәәдг, цаг бәәдг.
2Төрх цаг
болн үкх цаг;
тәрх цаг
болн уңгинь таслх цаг;
3алх цаг
болн эмнүлх цаг;
хамхлх цаг
болн тосхх цаг;
4уульх цаг
болн инәх цаг;
орклх цаг
болн биилх цаг;
5чолу цацх
болн терүг цуглулх цаг;
теврх цаг
болн теврлһнәс зулх цаг;
6хәәх цаг
болн геех цаг;
хадһлх цаг
болн һарһад хайх цаг;
7шуулх цаг
болн уйх цаг;
тагчг бәәх цаг
болн келх цаг;
8дурлх цаг
болн һәәлх цаг;
дәәлх цаг
болн эвцх цаг.
Әмтнд өгсн Бурхна килмҗ
9Күүнә кесн көдлмшәс юн олз болҗана?
10Күн чидлән агсад көдлтхә гиһәд, Бурхна өгсн даалһвр би үзләв.
11Бурхна тогтасн тоот эврә цагтан сәәхн. Кезәңк өңгрсн цага бәәдлин болн иргчин бәәдлин тускар күүнә зүркнд Тер сана чигн орулла. Болв эклцәснь чилгч күртл Бурхна кергиг күн медҗ чадш уга.
12Әмтнд әмд деерән нәәрллһнәс болн сән керг күцәлһнәс талдан кишг угаһинь би медүв.
13Кемр күн идәд, ууһад, көдлмштән кишгән олсн болхла, терүгинь Бурхн өгчәхмн болҗана.
14Бурхна цуг кергнь цаг һатлад бәәхинь би медүв: терүн деернь немҗ болшго, терүнәс хасҗ болшго. Бурхн кеһәд күцәхләрн, Терүнәс әәтхә гиҗ кенә.
15Бәәсн юмн, урднь бәәсмн, болх юмн, урднь болла. Бурхн давсн юмиг хәрү илгәх.
Делкән чик биш бәәдл
16Шар нарн дор би зарһин орм үзләв. Терүнд бас йоснд уга
йовдл һарна. Үнн юмна ормд тенд хар саната йовдл болна.
17Бийдән би келүв: «Үннч күүнә болн хар саната күүнә зарһинь Бурхн кех.
Яһад гихлә ямаран чигн кергт болн йовдлд эврә болзг бәәдмн».
18Бийдән би келүв: «Әмтнә тускар болхла, Бурхн тедниг сөрәд хәләҗәнә: бәәсн кевәрн тедн – малмуд болҗахиг үзүлхәр седҗәнә.
19Әмтиг болн малмудыг күләҗәх хүвнь негн: теднь чигн, эднь чигн үкнә.
Теднә чигн, эднә чигн әмсхлнь әдл. Күн малас юуһарн чигн деер биш, яһад гихлә цугтан – тус уга.
20Цугтан нег ормд орх: һазрин тооснас цугтан тогтла, цугтан хәрү тоосн болх.
21Күүнә сүмсн деегшән һардгиг, аль малын сүмсн һазр дор ордгиг кен меддв?»
22Тегәд би медүв, эврәннь кергәр байрбахмҗ кеснәс күүнд сәнь уга.
Эннь терүнә хөв эс гиҗ терүнә хөөн юн болхинь кен үзүлҗ чадхмб?
Currently Selected:
Цецн Ухана Багш 3: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Цецн Ухана Багш 3
3
Юн чигн юмн эврә цагта
1Теңгр дор юн чигн юмнд болзг бәәдг, цаг бәәдг.
2Төрх цаг
болн үкх цаг;
тәрх цаг
болн уңгинь таслх цаг;
3алх цаг
болн эмнүлх цаг;
хамхлх цаг
болн тосхх цаг;
4уульх цаг
болн инәх цаг;
орклх цаг
болн биилх цаг;
5чолу цацх
болн терүг цуглулх цаг;
теврх цаг
болн теврлһнәс зулх цаг;
6хәәх цаг
болн геех цаг;
хадһлх цаг
болн һарһад хайх цаг;
7шуулх цаг
болн уйх цаг;
тагчг бәәх цаг
болн келх цаг;
8дурлх цаг
болн һәәлх цаг;
дәәлх цаг
болн эвцх цаг.
Әмтнд өгсн Бурхна килмҗ
9Күүнә кесн көдлмшәс юн олз болҗана?
10Күн чидлән агсад көдлтхә гиһәд, Бурхна өгсн даалһвр би үзләв.
11Бурхна тогтасн тоот эврә цагтан сәәхн. Кезәңк өңгрсн цага бәәдлин болн иргчин бәәдлин тускар күүнә зүркнд Тер сана чигн орулла. Болв эклцәснь чилгч күртл Бурхна кергиг күн медҗ чадш уга.
12Әмтнд әмд деерән нәәрллһнәс болн сән керг күцәлһнәс талдан кишг угаһинь би медүв.
13Кемр күн идәд, ууһад, көдлмштән кишгән олсн болхла, терүгинь Бурхн өгчәхмн болҗана.
14Бурхна цуг кергнь цаг һатлад бәәхинь би медүв: терүн деернь немҗ болшго, терүнәс хасҗ болшго. Бурхн кеһәд күцәхләрн, Терүнәс әәтхә гиҗ кенә.
15Бәәсн юмн, урднь бәәсмн, болх юмн, урднь болла. Бурхн давсн юмиг хәрү илгәх.
Делкән чик биш бәәдл
16Шар нарн дор би зарһин орм үзләв. Терүнд бас йоснд уга
йовдл һарна. Үнн юмна ормд тенд хар саната йовдл болна.
17Бийдән би келүв: «Үннч күүнә болн хар саната күүнә зарһинь Бурхн кех.
Яһад гихлә ямаран чигн кергт болн йовдлд эврә болзг бәәдмн».
18Бийдән би келүв: «Әмтнә тускар болхла, Бурхн тедниг сөрәд хәләҗәнә: бәәсн кевәрн тедн – малмуд болҗахиг үзүлхәр седҗәнә.
19Әмтиг болн малмудыг күләҗәх хүвнь негн: теднь чигн, эднь чигн үкнә.
Теднә чигн, эднә чигн әмсхлнь әдл. Күн малас юуһарн чигн деер биш, яһад гихлә цугтан – тус уга.
20Цугтан нег ормд орх: һазрин тооснас цугтан тогтла, цугтан хәрү тоосн болх.
21Күүнә сүмсн деегшән һардгиг, аль малын сүмсн һазр дор ордгиг кен меддв?»
22Тегәд би медүв, эврәннь кергәр байрбахмҗ кеснәс күүнд сәнь уга.
Эннь терүнә хөв эс гиҗ терүнә хөөн юн болхинь кен үзүлҗ чадхмб?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023