Цецн Ухана Багш 1
1
1Ерусалим балһсна хан Давидин көвүнә – Цецн Ухана Багшин – келсн үг.
Цугтан – тус уга
2Тус уга, – гиҗ Багш келнә, – цугтан – тус уга#1:2 «Тус уга» – еврей келәр бичгдсн Библьд «үләлһн» эс гиҗ «гиигн» гидг чинртә..
3Шар нарн дор, кедү көдлв чигн цуг күчкөлснәс тегәд күүнд юн олз болҗана?
4Күүнә отг ирдг, күүнә отг давдг, һазр болхла мөңк үлддг.
5Нарн һардг, нарн суудг, эргәд һарсн орм талан адһдг.
6Салькн өмн үзг тал үләнә, ар үзг тал эргнә – эргҗэргҗ эврәннь ормдан ирҗ, хәрү эргнә.
7Усна цуг урсхл теңгс тал гүүнә, болв теңгс дүүрч деврхш. Гүүсн ормарн шинәс тедн гүүх.
8Цуг көдлмш цуцрана – цугтаһинь келҗ болшго,
Кедү хәләв чигн – нүдн ханшго,
кедү соңсв чигн – чикн дүүршго.
9Бәәсн юмн – бәәһәд бәәх,
учрсн юмн – учрад бәәх.
Нарн дор шин юмн төрүц уга.
10Зәрмдән келцхәнә: «Эн шин юмн, хәлә!»
Болв эннь давсн зун җилмүдт болсн юмн.
11Өңгрсн юман тодлхш,
хөөннь болх юмиг теднә дару бәәх улс медшго.
Цецн Ухана Багшин дамшлт
12Би, Цецн Ухана Багшв, Ерусалимд Израилин хан биләв.
13Теңгр дор бәәх кергүдиг цугтаһинь зүркән тәвҗ, цецнәр дасад медхәр седләв. Тернь әмтн чидлән агсад көдлтхә гиһәд, Бурхна өгсн күнд даалһвр.
14Теңгр дор бәәх цуг керг би үзләв, цугтан – тус уга, цугтан – сальк көөлдән#1:14 Эс гиҗ: «цугтан сальк көөлдән» – еврей келәр «седклин зовлң» гидг чинр бас зүүнә..
15Матьхр юмиг чиклҗ болдго,
Уга юмиг – тоолҗ болдго.
16Би бийдән келүв: «Би алдр кергәрн болн цецн ухаһарн
урднь Ерусалимиг һардҗасн әмтнәс давв.
Мини зүркн ик цецн ухаһар болн номар дүүрв».
17Тегәд би цецн ухан юунд бәәдгинь, адрлһн болн һәргллһн юунд бәәдгинь зүркәрн медхәр седләв. Тернь чигн сальк көөлдлһн болҗахнь медүв.
18Алдр цецн уханд алдр зовлң бәәдг,
Медрл өсксн күн – зовлң өскдг.
Currently Selected:
Цецн Ухана Багш 1: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Цецн Ухана Багш 1
1
1Ерусалим балһсна хан Давидин көвүнә – Цецн Ухана Багшин – келсн үг.
Цугтан – тус уга
2Тус уга, – гиҗ Багш келнә, – цугтан – тус уга#1:2 «Тус уга» – еврей келәр бичгдсн Библьд «үләлһн» эс гиҗ «гиигн» гидг чинртә..
3Шар нарн дор, кедү көдлв чигн цуг күчкөлснәс тегәд күүнд юн олз болҗана?
4Күүнә отг ирдг, күүнә отг давдг, һазр болхла мөңк үлддг.
5Нарн һардг, нарн суудг, эргәд һарсн орм талан адһдг.
6Салькн өмн үзг тал үләнә, ар үзг тал эргнә – эргҗэргҗ эврәннь ормдан ирҗ, хәрү эргнә.
7Усна цуг урсхл теңгс тал гүүнә, болв теңгс дүүрч деврхш. Гүүсн ормарн шинәс тедн гүүх.
8Цуг көдлмш цуцрана – цугтаһинь келҗ болшго,
Кедү хәләв чигн – нүдн ханшго,
кедү соңсв чигн – чикн дүүршго.
9Бәәсн юмн – бәәһәд бәәх,
учрсн юмн – учрад бәәх.
Нарн дор шин юмн төрүц уга.
10Зәрмдән келцхәнә: «Эн шин юмн, хәлә!»
Болв эннь давсн зун җилмүдт болсн юмн.
11Өңгрсн юман тодлхш,
хөөннь болх юмиг теднә дару бәәх улс медшго.
Цецн Ухана Багшин дамшлт
12Би, Цецн Ухана Багшв, Ерусалимд Израилин хан биләв.
13Теңгр дор бәәх кергүдиг цугтаһинь зүркән тәвҗ, цецнәр дасад медхәр седләв. Тернь әмтн чидлән агсад көдлтхә гиһәд, Бурхна өгсн күнд даалһвр.
14Теңгр дор бәәх цуг керг би үзләв, цугтан – тус уга, цугтан – сальк көөлдән#1:14 Эс гиҗ: «цугтан сальк көөлдән» – еврей келәр «седклин зовлң» гидг чинр бас зүүнә..
15Матьхр юмиг чиклҗ болдго,
Уга юмиг – тоолҗ болдго.
16Би бийдән келүв: «Би алдр кергәрн болн цецн ухаһарн
урднь Ерусалимиг һардҗасн әмтнәс давв.
Мини зүркн ик цецн ухаһар болн номар дүүрв».
17Тегәд би цецн ухан юунд бәәдгинь, адрлһн болн һәргллһн юунд бәәдгинь зүркәрн медхәр седләв. Тернь чигн сальк көөлдлһн болҗахнь медүв.
18Алдр цецн уханд алдр зовлң бәәдг,
Медрл өсксн күн – зовлң өскдг.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023