1 Йохан 2
2
Исус Христос мана Харсач
1Үрдүд мини! Тадниг килнц бичә кетхә гиҗ энүг бичҗәнәв. Зуг тадн дундас күн килнц кехлә, чик седклтә Исус Христос бәәдгинь медтн. Тер Эцкиннь өмн мана Харсач болҗ йовна. 2Исус Христосин үкләс көлтә мана килнц тәвгдв, һанцхн мана килнц биш, цуг орчлңгин килнц тәвгдв. 3Кемр бидн Бурхна зааврмуд күцәхлә, бидн Бурхиг меднәвидн гиҗ лавлҗанавидн. 4Кемр күн «би Бурхиг меднәв» гиһәд, зуг Терүнә зааврмудыг эс күцәхлә, тер үнн уга, худлч күн. 5-6Кен чигн күн Бурхна үг соңсхла, тер Бурхнд күццднь дурлдг күн. Бидн Бурхнла ни-негн бәәдгиг иигҗ меднәвидн. Бурхнла ни-негн бәәнәв гидг күн Исус Христосла әдл бәәх зөвтә.
Шин заавр
7Хәәртә үүрмүд мини! Би таднд шин биш, кезәңк заавр бичҗәнәв. Эн кезәңк заавриг тадн эклцәс авн меднәт, эн мана соңссн үгмүд болҗана. 8Эн саамд шин заавр бас бичҗәнәв. Эн заавр чик болдгинь Христосин болн тана җирһл үзүлҗәнә. Яһад гихлә, харңһу тархаһад, йосн герл ирнә. 9Ахдан дурго болдг, зуг би герлд бәәнәв гидг күн харңһуд бәәнә. 10Ахдан дурта күн герлд бәәнә. Тер эврәннь бәәдләрн килнцд орх учр хаҗудк күүнд өгхш. 11Ахдан дурго күн харңһуд бәәһәд төөрч йовна, альдаран йовҗ йовхан тер медхш, яһад гихлә, терүг харңһу сохлҗ. 12Бичкдүд! Би таднд бичҗәнәв. Яһад гихлә, тана килнц Христосин төлә тәвгдв. Эцкнр! Таднд бичҗәнәв. Яһад гихлә, орчлң үүдснәс авн Бәәдгиг тадн меднәт. 13Эцкнр! Таднд бичҗәнәв. Яһад гихлә, тадн эрлгиг диилвт. Уйн наста көвүд! Таднд бичв. Яһад гихлә, тадн Эцкиг медвт. 14Бичкдүд! Таднд бичв. Яһад гихлә, тадн орчлң үүдснәс авн Бәәдгиг меднәт. Уйн наста көвүд! Таднд бичв. Яһад гихлә, тадн чидлтәт. Бурхна үг таднта, тадн эрлгиг диилвт. 15Эн орчлңд болн орчлңд бәәсн юмнд бичә дурлтн. Кемр тадн орчлңд дурта болхла, Эцкд дургот. 16Яһад гихлә, орчлңд бәәсн юмн: күүнә тачал, нүднә тачал болн эн җирһлин омг Эцкәс биш, орчлңгас һарчана. 17Орчлң уга болҗ одх, терүнә тачал уга болҗ одх, зуг Бурхна таалыг күцәдг күн мөңкиндән бәәх.
Христосин өшәтн
18Үрдүд мини! Цагин чилгч өөрдҗ йовна. Эн цагт Христосин өшәтн ирхиг тадн соңслат. Өдгә цагт Христосин кесг өшәтнр һарч ирв. Эн учрар цагин чилгч өөрдҗ йовхинь бидн меднәвидн. 19Эн улс маднас салад йовҗ одла, яһад гихлә, эдн манахна биш билә. Кемр эдн манахна бәәсн болхла, маднла хамдан үлдх билә. Эдн маднас салад, манахна бишән медүлв. 20Зуг Әрүн Сәкүсиг Бурхнас авсн учрас тадн цугтан үнниг меднәт. 21Таниг үнниг эс медсн болхла, би энүг бичшго биләв. Зуг тадн үнниг болн ямаранчн худл үннәс эс һарчахиг меднәт. Эн учрар би бичҗәнәв. 22Худлч гиснь кемб? Исусиг Христос биш гиҗ тоолдг күн худлч. Эцк Көвүн хойрт иткдго күн Христосин өшәтн. 23Көвүнд иткдго күн Эцк уга бәәнә. Көвүнд иткдгнь Эцклә хамдан бәәнә. 24Тегәд эклцәс авн соңссн юмнд цааранднь чигн итктн. Кемр тадн энүнд цааранднь чигн иткәд бәәхлә, Көвүн Эцк хойрла ни-негн бәәхит. 25Христосин өгхәр бәәсн юмн – мөңк җирһл. 26Тадниг меклхәр седсн улсин тускар би энүг бичв. 27Бурхнас авсн Әрүн Сәкүсн тана седклд бәәнә. Тегәдчн тадн күүһәр дасхулх керг угат. Яһад гихлә, Әрүн Сәкүсн тадниг цуг юмна тускар дасхна, тер үн келнә, худл төрүц келхш. Иим учрар Әрүн Сәкүснә дасхсар Исус Христосла ни-негн бәәтн.
Бурхна үрдүд
28Тегәд, үрдүд мини, Деед Эзнә ирх өдрт тадн ичҗ бултлго, әәмшг угаһар бәәхин төлә Терүнлә ниилҗ бәәтн. 29Христос чик седклтә болдгинь медхлә, чик седкләрн бәәдг улс Бурхнас төрсинь бас медтн.
Currently Selected:
1 Йохан 2: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
1 Йохан 2
2
Исус Христос мана Харсач
1Үрдүд мини! Тадниг килнц бичә кетхә гиҗ энүг бичҗәнәв. Зуг тадн дундас күн килнц кехлә, чик седклтә Исус Христос бәәдгинь медтн. Тер Эцкиннь өмн мана Харсач болҗ йовна. 2Исус Христосин үкләс көлтә мана килнц тәвгдв, һанцхн мана килнц биш, цуг орчлңгин килнц тәвгдв. 3Кемр бидн Бурхна зааврмуд күцәхлә, бидн Бурхиг меднәвидн гиҗ лавлҗанавидн. 4Кемр күн «би Бурхиг меднәв» гиһәд, зуг Терүнә зааврмудыг эс күцәхлә, тер үнн уга, худлч күн. 5-6Кен чигн күн Бурхна үг соңсхла, тер Бурхнд күццднь дурлдг күн. Бидн Бурхнла ни-негн бәәдгиг иигҗ меднәвидн. Бурхнла ни-негн бәәнәв гидг күн Исус Христосла әдл бәәх зөвтә.
Шин заавр
7Хәәртә үүрмүд мини! Би таднд шин биш, кезәңк заавр бичҗәнәв. Эн кезәңк заавриг тадн эклцәс авн меднәт, эн мана соңссн үгмүд болҗана. 8Эн саамд шин заавр бас бичҗәнәв. Эн заавр чик болдгинь Христосин болн тана җирһл үзүлҗәнә. Яһад гихлә, харңһу тархаһад, йосн герл ирнә. 9Ахдан дурго болдг, зуг би герлд бәәнәв гидг күн харңһуд бәәнә. 10Ахдан дурта күн герлд бәәнә. Тер эврәннь бәәдләрн килнцд орх учр хаҗудк күүнд өгхш. 11Ахдан дурго күн харңһуд бәәһәд төөрч йовна, альдаран йовҗ йовхан тер медхш, яһад гихлә, терүг харңһу сохлҗ. 12Бичкдүд! Би таднд бичҗәнәв. Яһад гихлә, тана килнц Христосин төлә тәвгдв. Эцкнр! Таднд бичҗәнәв. Яһад гихлә, орчлң үүдснәс авн Бәәдгиг тадн меднәт. 13Эцкнр! Таднд бичҗәнәв. Яһад гихлә, тадн эрлгиг диилвт. Уйн наста көвүд! Таднд бичв. Яһад гихлә, тадн Эцкиг медвт. 14Бичкдүд! Таднд бичв. Яһад гихлә, тадн орчлң үүдснәс авн Бәәдгиг меднәт. Уйн наста көвүд! Таднд бичв. Яһад гихлә, тадн чидлтәт. Бурхна үг таднта, тадн эрлгиг диилвт. 15Эн орчлңд болн орчлңд бәәсн юмнд бичә дурлтн. Кемр тадн орчлңд дурта болхла, Эцкд дургот. 16Яһад гихлә, орчлңд бәәсн юмн: күүнә тачал, нүднә тачал болн эн җирһлин омг Эцкәс биш, орчлңгас һарчана. 17Орчлң уга болҗ одх, терүнә тачал уга болҗ одх, зуг Бурхна таалыг күцәдг күн мөңкиндән бәәх.
Христосин өшәтн
18Үрдүд мини! Цагин чилгч өөрдҗ йовна. Эн цагт Христосин өшәтн ирхиг тадн соңслат. Өдгә цагт Христосин кесг өшәтнр һарч ирв. Эн учрар цагин чилгч өөрдҗ йовхинь бидн меднәвидн. 19Эн улс маднас салад йовҗ одла, яһад гихлә, эдн манахна биш билә. Кемр эдн манахна бәәсн болхла, маднла хамдан үлдх билә. Эдн маднас салад, манахна бишән медүлв. 20Зуг Әрүн Сәкүсиг Бурхнас авсн учрас тадн цугтан үнниг меднәт. 21Таниг үнниг эс медсн болхла, би энүг бичшго биләв. Зуг тадн үнниг болн ямаранчн худл үннәс эс һарчахиг меднәт. Эн учрар би бичҗәнәв. 22Худлч гиснь кемб? Исусиг Христос биш гиҗ тоолдг күн худлч. Эцк Көвүн хойрт иткдго күн Христосин өшәтн. 23Көвүнд иткдго күн Эцк уга бәәнә. Көвүнд иткдгнь Эцклә хамдан бәәнә. 24Тегәд эклцәс авн соңссн юмнд цааранднь чигн итктн. Кемр тадн энүнд цааранднь чигн иткәд бәәхлә, Көвүн Эцк хойрла ни-негн бәәхит. 25Христосин өгхәр бәәсн юмн – мөңк җирһл. 26Тадниг меклхәр седсн улсин тускар би энүг бичв. 27Бурхнас авсн Әрүн Сәкүсн тана седклд бәәнә. Тегәдчн тадн күүһәр дасхулх керг угат. Яһад гихлә, Әрүн Сәкүсн тадниг цуг юмна тускар дасхна, тер үн келнә, худл төрүц келхш. Иим учрар Әрүн Сәкүснә дасхсар Исус Христосла ни-негн бәәтн.
Бурхна үрдүд
28Тегәд, үрдүд мини, Деед Эзнә ирх өдрт тадн ичҗ бултлго, әәмшг угаһар бәәхин төлә Терүнлә ниилҗ бәәтн. 29Христос чик седклтә болдгинь медхлә, чик седкләрн бәәдг улс Бурхнас төрсинь бас медтн.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023