1 Көринтинхн 12
12
Әрүн Сәкүснә билгүд
1Тадна бичсн Әрүн Сәкүснә билгүдин тускар. Тадниг теднә тускар медтхә гиләв. 2Бурхн уга бәәдләр бәәхдән, тадниг күн түлкҗәх мет, келн уга худл шүтәдт мөргдгән тадн меднәлмт. 3Тиигәд кемр Бурхна Сәкүсн күүһәр дамҗад келҗәхлә, күн Исусиг хараҗ чадшгог тадн медтхә гиҗәнәв. Зуг күүһәр дамҗад Әрүн Сәкүсн эс келхлә, нег чигн күн: «Исус – Деед Эзн» гиҗ келшго. 4Зүсн-зүүл билгүд бәәнә, болв Сәкүсн нег кевтән. 5Зүсн-зүүл церглтс бәәнә, болв Деед Эзн нег кевтән. 6Бурхна зүсн-зүүл йовдлмуд бәәнә, болв Бурхн нег кевтән. Цугтаднь эн юмиг Бурхн өгнә. 7Олна сән бәәдлин төлә күн болһнд билг өгчәхдән Сәкүсн Бийән үзүлҗәнә. 8Негнднь Әрүн Сәкүсн цецнә үг өгнә, талдан күүнд медрлин үг өгнә. 9Талдан күүнд Әрүн Сәкүсн иткл өгнә, зәрмсднь Әрүн Сәкүсн эдгәдг билг өгнә. 10Зәрм күүнд Әрүн Сәкүсн өвәрц юм һарһх билг, зәрмднь – әәлдх билг, зәрмсднь – сәкүсд йилһҗ чадх билг, талдан күүнд – олн келәр келдг билг, зәрмсднь – олн улсин кел цәәлһҗ өгх билг өгнә. 11Болв эннь цугтан ор һанцхн Әрүн Сәкүснә йовдлмуд болҗана. Тиигәд Әрүн Сәкүсн Эврәннь таалар күн болһнд билг өгнә.
Олн мөчмүдтә цогц-махмуд
12Күүнә цогц-махмуд негн болв олн мөчмүдтә. Олн мөчмүдтә болв чигн, болв тедн нег цогц-махмуд бүрдәҗәнә. Тиигҗ Христосин тускар келҗ болҗана. 13Яһад гихлә, нег Сәкүсн мадниг, евреймүдиг болн буру номта улсиг, ялчнриг болн сул бәәх улсиг нег цогц-махмудын мөчмүд кев. Бидн цугтан Бурхнас нег Сәкүс аввидн. 14Цогц-махмуд нег әңгәс биш, олн әңгәс бүрднә. 15Кемр көл иигҗ келсн болхла: «Би һар эс болсндан, цогц-махмудын мөч бишв». Энүнәс көлтә цогц-махмудын мөч биш болхви тер? 16Кемр чикн иигҗ келсмн болхла: «Би нүдн эс болсндан цогц-махмудын мөч бишв». Энүнәс көлтә цогц-махмудын мөч биш болхв тер? 17Кемр цогц-махмуд бүклдән нүдн болсн болхла, тиигхлә яһҗ тер соңсх бәәсмб? Кемр цогц-махмуд бүклдән чикнәс бүрдсмн болхла, яһҗ тер үнрчлх бәәсмб? 18Болв Бурхн зүсн-зүүл мөчмүдиг Эврәннь седвәрәр цогц-махмудт тәвв. 19Кемр цугтан нег мөч болсн болхла, тиигхлә цогц-махмуд уга болх билә. 20Болв олн мөчмүд бәәнә, зуг цогц негн болдг. 21Нүдн һарт иигҗ келҗ чадшго: «Чи нанд керг угач». Толһа көлд бас иигҗ келшго: «Тадн нанд керг угат». 22Түүнәс үлү чинән уга мөчмүд улм кергтә болҗана. 23Цогц-махмудын баһ чинртәд тоолгдҗах мөчмүдт бидн ик оньгтаһар килмҗән өгнәвидн. Күн үзшго мөчмүдиг бидн талдан нүднәс эвтәһәр далдлнавидн. 24Болв сәәхн мөчмүдт тиим килмҗ керг уга. Бурхн цогц-махмуд бүрдәхләрн, килмҗ керглгдҗәх мөчмүдт икәр килмҗ тусдгар бүрдәҗ. 25Тиигәд цогцд хувалһн уга, мөчмүд цугтан нег-негндән әдл килмҗ өгчәнә. 26Кемр цогцин нег мөч зовҗахла, терүнлә хамдан мөчмүд цугтан зовҗана. Кемр нег мөчиг туурулҗахла, терүнлә хамдан мөчмүд цугтан байрлна. 27Тадн Христосин цогц-махмуд болҗанат, таднас күн болһн Терүнә мөч болҗана. 28Христост иткдг улс дунд Бурхн түрүләд зәрмснь – апостол болтха, хойрдгчнь – әәлдәчнр, һурвдгчнь – багшнр болтха гиҗ шиидҗ. Зәрмстнь Бурхн өвәрц юм кех, зәрмстнь – эдгәх арһ, зәрмстнь – дөң болх, зәрмстнь – һардх, зәрмстнь – олн келәр келдг арһ өгч. 29Цугтан апостолмудый? Цугтан әәлдәчнрий? Цугтан багшнрий? Цугтан өвәрц юм һарһх арһтай? 30Цугтан әмдрүлдг билгтә болхий? Әмтн цугтан зүсн-зүүл келәр келҗ чаддви? Цугтан кел цәәлһҗ чадх арһтай? 31аТүүнәс чинртә билгтә болхар седтн.
Дурна тускар
31бБи таднд терүнәс үлү сән хаалһ үзүлсүв.
Currently Selected:
1 Көринтинхн 12: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
1 Көринтинхн 12
12
Әрүн Сәкүснә билгүд
1Тадна бичсн Әрүн Сәкүснә билгүдин тускар. Тадниг теднә тускар медтхә гиләв. 2Бурхн уга бәәдләр бәәхдән, тадниг күн түлкҗәх мет, келн уга худл шүтәдт мөргдгән тадн меднәлмт. 3Тиигәд кемр Бурхна Сәкүсн күүһәр дамҗад келҗәхлә, күн Исусиг хараҗ чадшгог тадн медтхә гиҗәнәв. Зуг күүһәр дамҗад Әрүн Сәкүсн эс келхлә, нег чигн күн: «Исус – Деед Эзн» гиҗ келшго. 4Зүсн-зүүл билгүд бәәнә, болв Сәкүсн нег кевтән. 5Зүсн-зүүл церглтс бәәнә, болв Деед Эзн нег кевтән. 6Бурхна зүсн-зүүл йовдлмуд бәәнә, болв Бурхн нег кевтән. Цугтаднь эн юмиг Бурхн өгнә. 7Олна сән бәәдлин төлә күн болһнд билг өгчәхдән Сәкүсн Бийән үзүлҗәнә. 8Негнднь Әрүн Сәкүсн цецнә үг өгнә, талдан күүнд медрлин үг өгнә. 9Талдан күүнд Әрүн Сәкүсн иткл өгнә, зәрмсднь Әрүн Сәкүсн эдгәдг билг өгнә. 10Зәрм күүнд Әрүн Сәкүсн өвәрц юм һарһх билг, зәрмднь – әәлдх билг, зәрмсднь – сәкүсд йилһҗ чадх билг, талдан күүнд – олн келәр келдг билг, зәрмсднь – олн улсин кел цәәлһҗ өгх билг өгнә. 11Болв эннь цугтан ор һанцхн Әрүн Сәкүснә йовдлмуд болҗана. Тиигәд Әрүн Сәкүсн Эврәннь таалар күн болһнд билг өгнә.
Олн мөчмүдтә цогц-махмуд
12Күүнә цогц-махмуд негн болв олн мөчмүдтә. Олн мөчмүдтә болв чигн, болв тедн нег цогц-махмуд бүрдәҗәнә. Тиигҗ Христосин тускар келҗ болҗана. 13Яһад гихлә, нег Сәкүсн мадниг, евреймүдиг болн буру номта улсиг, ялчнриг болн сул бәәх улсиг нег цогц-махмудын мөчмүд кев. Бидн цугтан Бурхнас нег Сәкүс аввидн. 14Цогц-махмуд нег әңгәс биш, олн әңгәс бүрднә. 15Кемр көл иигҗ келсн болхла: «Би һар эс болсндан, цогц-махмудын мөч бишв». Энүнәс көлтә цогц-махмудын мөч биш болхви тер? 16Кемр чикн иигҗ келсмн болхла: «Би нүдн эс болсндан цогц-махмудын мөч бишв». Энүнәс көлтә цогц-махмудын мөч биш болхв тер? 17Кемр цогц-махмуд бүклдән нүдн болсн болхла, тиигхлә яһҗ тер соңсх бәәсмб? Кемр цогц-махмуд бүклдән чикнәс бүрдсмн болхла, яһҗ тер үнрчлх бәәсмб? 18Болв Бурхн зүсн-зүүл мөчмүдиг Эврәннь седвәрәр цогц-махмудт тәвв. 19Кемр цугтан нег мөч болсн болхла, тиигхлә цогц-махмуд уга болх билә. 20Болв олн мөчмүд бәәнә, зуг цогц негн болдг. 21Нүдн һарт иигҗ келҗ чадшго: «Чи нанд керг угач». Толһа көлд бас иигҗ келшго: «Тадн нанд керг угат». 22Түүнәс үлү чинән уга мөчмүд улм кергтә болҗана. 23Цогц-махмудын баһ чинртәд тоолгдҗах мөчмүдт бидн ик оньгтаһар килмҗән өгнәвидн. Күн үзшго мөчмүдиг бидн талдан нүднәс эвтәһәр далдлнавидн. 24Болв сәәхн мөчмүдт тиим килмҗ керг уга. Бурхн цогц-махмуд бүрдәхләрн, килмҗ керглгдҗәх мөчмүдт икәр килмҗ тусдгар бүрдәҗ. 25Тиигәд цогцд хувалһн уга, мөчмүд цугтан нег-негндән әдл килмҗ өгчәнә. 26Кемр цогцин нег мөч зовҗахла, терүнлә хамдан мөчмүд цугтан зовҗана. Кемр нег мөчиг туурулҗахла, терүнлә хамдан мөчмүд цугтан байрлна. 27Тадн Христосин цогц-махмуд болҗанат, таднас күн болһн Терүнә мөч болҗана. 28Христост иткдг улс дунд Бурхн түрүләд зәрмснь – апостол болтха, хойрдгчнь – әәлдәчнр, һурвдгчнь – багшнр болтха гиҗ шиидҗ. Зәрмстнь Бурхн өвәрц юм кех, зәрмстнь – эдгәх арһ, зәрмстнь – дөң болх, зәрмстнь – һардх, зәрмстнь – олн келәр келдг арһ өгч. 29Цугтан апостолмудый? Цугтан әәлдәчнрий? Цугтан багшнрий? Цугтан өвәрц юм һарһх арһтай? 30Цугтан әмдрүлдг билгтә болхий? Әмтн цугтан зүсн-зүүл келәр келҗ чаддви? Цугтан кел цәәлһҗ чадх арһтай? 31аТүүнәс чинртә билгтә болхар седтн.
Дурна тускар
31бБи таднд терүнәс үлү сән хаалһ үзүлсүв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023