Лукаца бицараб Рохалил хабар 2
2
2 бетӏер
Марямие Вас гьавула
1Гьеб букӏана кинабго халкъалъул хъвай-хъвагӏай гьабейилан Август къайсарил амру бачӏараб заман. 2Сириялда сардарлъун Квириний таралдаса хадуб халкъалъул тӏоцебесеб хъвай-хъвагӏай букӏана гьеб. 3Жиде-жидер шагьаралде хъвай-хъвагӏаялъе унел рукӏана гӏадамал. 4Галилеялъул Назарет шагьаралдаса вахъун Юсупги ана Ягьудиялда бугеб Бетлегьем абулеб Давудил шагьаралде#2:4 Бетлегьем (Вифлеем) – Давуд авараг гьавураб шагьар. хъвай-хъвагӏаялъе, гьев вукӏиндал Давудил наслу-зурияталъул чи. 5Цадахъ ячун йикӏана гьесие магьари лъурай, лъимер гьабизе мех щварай Марямги. 6Гьале гьадаб шагьаралде щвараб мехалъ, лъимер гьабизе хӏара чӏвана гьелда. 7Марямица гьавуна жиндирго тӏоцевесев вас. Петералда гьезие рещтӏине бакӏ щун букӏинчӏелъул, кьуща-рущан цо руссниб лъуна гьелъ лъимер.
Гӏухьбузухъе вачӏун малаикас рохел бицуна
8Сардилъ жидерго рехъен цӏунун рорчӏуда чӏарал гӏухьби рукӏана гьенир цо гӏалахалда. 9Гьезухъе рещтӏана Бичасул малаик. Бетӏергьанасдасан бачӏараб гвангъараб нуралъ къалъ-къалъизаруна гьел гӏухьби, гӏасияб хӏинкъиялъ къахӏан ккуна гьел.
10– Хӏинкъуге, – ян абуна гьезда малаикас. – Тӏолабго гӏаламалъего гӏахьалаб кӏудияб рохел бицине вачӏун вуго дун нужехъе. 11Давудил шагьаралда жакъа гьавуна жинца нуж хвасар гьаризе вугев Тӏадегӏанав Масихӏ. 12Гьелъие гӏаламатги буго нужее: руссниб лъун батила нужеда кьущараб лъимер.
13Цойидасанго зобалаздасан малаикзабазул бо рещтӏана гьев малаикасда аскӏоб. Аллагьасе рецц гьабулаго гьез ахӏулеб букӏана:
14– Тӏадегӏанал зобалазда – Аллагьасе рецц!
Гӏодоб ракьалда – разилъаразе рекъел!
15Малаикзаби зодире тӏадруссун роржун индал, гьал гӏухьбуз цоцазда абуна:
– Бетӏергьанасдасан нилъехъе бачӏараб гьаб хабаралъул хӏакъикъат лъазе, Бетлегьемалде рилълъине рачӏа, – ян.
16Гӏедегӏун доре щведал, гьазда Марямги ятана, Юсупги ватана, руссниб лъун Лъимерги батана. 17Лъимер бихьарабго, гӏухьбуз бицана малаикасдасан гьеб Лъимадул хӏакъалъулъ жидеда рагӏарабщинаб. 18Гьеб рагӏанщинав чи хӏикмалъизавуна гӏухьбузул хабаралъ. 19Марямицани гьел киналго рагӏаби хазина гӏадин рекӏелъ цӏунана, ва гьелъул пикрабазда йикӏунаан гьей. 20Малаикас жидеда бицухъе иш ккун батидал, бихьаралъухъги рагӏаралъухъги Аллагьасе тасбихӏги реццги гьабулаго нахъруссун ана гӏухьби.
Иерусалималъул Мукъадасаб Рокъове восун вачӏуна Гӏиса
21Микьго къо байдал, Васасе сунат гьабураб мехалъ, гьесие кьуна эбелалъул ургьив гьев хулилалдего малаикас абун букӏараб Гӏиса абураб цӏар. 22Мусал къануналда рекъон, лъимер гьабун хадуб гьел рацӏцӏад гьаризе кколел къоял тӏаде щведал, гьез Вас Иерусалималде вачана Бетӏергьанасе назру гьавун кьезе. 23(Бетӏергьанасдасан бугеб къануналда рекъон тӏоцебе гьабураб бихьинаб рижи Бетӏергьанасул назрулъун рикӏкӏунаан.) 24Гьебго къануналда рекъон, къурбаналъе хъвезе кколаан кӏиго рохьил микки яги кӏиго миккидул тӏинчӏ.
25Доб заманаялда Иерусалималда вукӏана Симеон абурав цо чи. Гьев вукӏана жиндилъ иманги варагӏги бугев, Исраилил халкъ хвасарлъиялъухъ урхъарав чи. Илагьияб Рухӏ жинде гӏагарлъарав чиги вукӏана Симеон. 26Илагьияб Рухӏалъ гьесие илгьам гьабун букӏана Бичасул Масихӏ вихьичӏого гьев хвезе гьечӏилан. 27Илагьияб Рухӏалъин гьев доб къоялъ Мукъадасаб Рокъовеги вачун вачӏарав. Эбелалъги инсуцаги гьитӏинав вас Гӏисаги вачун вачӏана гьениве, къануналъул гӏадат тӏубазабизе. 28Симеоница, гьевги кодове вачун, Аллагьасе реццги гьабун, гьадин абуна:
29-32– Я, дир Бетӏергьан, дун дур лагъ, дур къотӏи тӏубан, гьанже парахатго къадаралде щолев вуго, дирго беразда бихьидал дуца хӏадурун букӏараб хвасарлъи. Гьаб буго киналго халкъал кантӏизарилеб Нур ва дурго Исраилил халкъалъул къадру-рецц!
33Симеоница васасул хӏакъалъулъ абурал гьел рагӏабаз гӏажаиблъизаруна Юсупги Марямги. 34Симеоница гьезие дугӏа гьабуна ва гьесул эбел Марямида абуна:
– Гьале гьаб Лъимер сабаблъун Исраилил халкъалъул гӏемерисел гӏодор ккела ва гӏемерисел тӏаде рахъина. 35Дурги рекӏелъ ханжар къазе буго. Гьаб Лъимер лъугьина Аллагьасул гӏаламатлъун, амма гӏемерисез гьелда дагӏба базе буго, гьелдалъун гӏемерисезул рекӏелъ ругел къасдал загьирлъила.
36Гьений йикӏана Ашерил наслуялъул Пенуэлил яс Хӏаннат, жиндилъ кашпу-карамалъи бугей, цӏакъго херай гӏадан. Анкьго соналъ гурони росасда цадахъ гӏумру тӏамичӏо гьелъ. 37Гьелдаса хадуб ункъоялда ункъо сон къороллъуда арай гьей, къасиги къадги кӏал ккун, какал ран, кидаго Мукъадасаб Рокъоса къватӏие яхъинчӏого, Бетӏергьанасе тӏагӏат-гӏибадаталда чӏун йикӏана. 38Гьебмехалъ, аскӏоеги ячӏун, Аллагьасе реццги гьабун, гьеб Лъимадул хӏакъалъулъ бицана гьелъ Иерусалим хвасарлъиялъухъ урхъун рукӏаралщиназда.
39Бетӏергьанасдасан бугеб къануналда рекъон кинабго ишги тӏубазабун, гьел Галилеялде, жидерго Назарет шагьаралде, тӏадруссана. 40Вас кӏудияв гӏолев вукӏана, гӏолохъанлъиялде вахунев вукӏана, гӏакълу цӏубалеб букӏана. Аллагьасул баркат бессун букӏана гьесулъ.
Гьитӏинав Гӏиса Иерусалималъул Мукъадасаб Рокъове вачӏуна
41Щибаб соналъ гьесул эбелги эменги унаан Иерусалималде Пасхаялъул байрамалде. 42Анцӏила кӏиго соналде Гӏиса вахиндалги, гӏадаталда рекъон, Иерусалималде байрамалде ана гьал, гьевги вачун. 43Байрамалъул къоял индал, ал тӏадруссана, гьитӏинав Гӏиса Иерусалималдаго чӏана. Юсупидаги васасул эбелалдаги лъачӏо гьев гьенив чӏаравлъи. 44Цогидазда цадахъ ун ватилин гьевилан тана гьаз. Цо къойил нух тедал, гӏага-божаразда гьоркьов гьев валагьизе лъугьана гьал. 45Гьевги ватичӏого, тӏадруссун гьев валагьизе Иерусалималде ине ккана. 46Гьале лъабабилеб къоялъ гьазда гьев Мукъадасаб Рокъов ватана мугӏалимзабазда гьоркьов, гьезухъ гӏенеккун ва гьезда цӏехолдулев. 47Гӏенеккаралщинал хӏикмалъизарун рукӏана гьесул гӏакъиллъиялъ ва жавабазул камиллъиялъ. 48Гьев вихьидал, гӏажаиблъун хутӏана Юсупги Марямги. Эбелалъ гьесда абуна:
– Я, дир лъимер, дуца нижее гьабураб щиб? Гьав дур эменги дунги чӏезе къадар тӏагӏун рукӏана мун валагьулел.
49Гьес гьазда абуна:
– Дун валагьиго щай нужее букӏараб? Нужеда лъачӏебищ дун дирго Инсул рокъов вукӏине кколевлъи?
50Амма гьазда бичӏчӏичӏо гьел рагӏабазул магӏна. 51Вахъун гьазда цадахъ Назареталде вилълъана гьев ва гьазие мутӏигӏлъун чӏана. Амма гьесул эбелалъ рекӏелъ цӏунун рукӏана гьел рагӏаби. 52Сонал анагӏан, Гӏисал черх цӏубалеб букӏана, гӏакълу камиллъулеб букӏана, Аллагьасулги гӏадамазулги рокьи цӏикӏкӏунеб букӏана гьесдехун.
Currently Selected:
Лукаца бицараб Рохалил хабар 2: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Лукаца бицараб Рохалил хабар 2
2
2 бетӏер
Марямие Вас гьавула
1Гьеб букӏана кинабго халкъалъул хъвай-хъвагӏай гьабейилан Август къайсарил амру бачӏараб заман. 2Сириялда сардарлъун Квириний таралдаса хадуб халкъалъул тӏоцебесеб хъвай-хъвагӏай букӏана гьеб. 3Жиде-жидер шагьаралде хъвай-хъвагӏаялъе унел рукӏана гӏадамал. 4Галилеялъул Назарет шагьаралдаса вахъун Юсупги ана Ягьудиялда бугеб Бетлегьем абулеб Давудил шагьаралде#2:4 Бетлегьем (Вифлеем) – Давуд авараг гьавураб шагьар. хъвай-хъвагӏаялъе, гьев вукӏиндал Давудил наслу-зурияталъул чи. 5Цадахъ ячун йикӏана гьесие магьари лъурай, лъимер гьабизе мех щварай Марямги. 6Гьале гьадаб шагьаралде щвараб мехалъ, лъимер гьабизе хӏара чӏвана гьелда. 7Марямица гьавуна жиндирго тӏоцевесев вас. Петералда гьезие рещтӏине бакӏ щун букӏинчӏелъул, кьуща-рущан цо руссниб лъуна гьелъ лъимер.
Гӏухьбузухъе вачӏун малаикас рохел бицуна
8Сардилъ жидерго рехъен цӏунун рорчӏуда чӏарал гӏухьби рукӏана гьенир цо гӏалахалда. 9Гьезухъе рещтӏана Бичасул малаик. Бетӏергьанасдасан бачӏараб гвангъараб нуралъ къалъ-къалъизаруна гьел гӏухьби, гӏасияб хӏинкъиялъ къахӏан ккуна гьел.
10– Хӏинкъуге, – ян абуна гьезда малаикас. – Тӏолабго гӏаламалъего гӏахьалаб кӏудияб рохел бицине вачӏун вуго дун нужехъе. 11Давудил шагьаралда жакъа гьавуна жинца нуж хвасар гьаризе вугев Тӏадегӏанав Масихӏ. 12Гьелъие гӏаламатги буго нужее: руссниб лъун батила нужеда кьущараб лъимер.
13Цойидасанго зобалаздасан малаикзабазул бо рещтӏана гьев малаикасда аскӏоб. Аллагьасе рецц гьабулаго гьез ахӏулеб букӏана:
14– Тӏадегӏанал зобалазда – Аллагьасе рецц!
Гӏодоб ракьалда – разилъаразе рекъел!
15Малаикзаби зодире тӏадруссун роржун индал, гьал гӏухьбуз цоцазда абуна:
– Бетӏергьанасдасан нилъехъе бачӏараб гьаб хабаралъул хӏакъикъат лъазе, Бетлегьемалде рилълъине рачӏа, – ян.
16Гӏедегӏун доре щведал, гьазда Марямги ятана, Юсупги ватана, руссниб лъун Лъимерги батана. 17Лъимер бихьарабго, гӏухьбуз бицана малаикасдасан гьеб Лъимадул хӏакъалъулъ жидеда рагӏарабщинаб. 18Гьеб рагӏанщинав чи хӏикмалъизавуна гӏухьбузул хабаралъ. 19Марямицани гьел киналго рагӏаби хазина гӏадин рекӏелъ цӏунана, ва гьелъул пикрабазда йикӏунаан гьей. 20Малаикас жидеда бицухъе иш ккун батидал, бихьаралъухъги рагӏаралъухъги Аллагьасе тасбихӏги реццги гьабулаго нахъруссун ана гӏухьби.
Иерусалималъул Мукъадасаб Рокъове восун вачӏуна Гӏиса
21Микьго къо байдал, Васасе сунат гьабураб мехалъ, гьесие кьуна эбелалъул ургьив гьев хулилалдего малаикас абун букӏараб Гӏиса абураб цӏар. 22Мусал къануналда рекъон, лъимер гьабун хадуб гьел рацӏцӏад гьаризе кколел къоял тӏаде щведал, гьез Вас Иерусалималде вачана Бетӏергьанасе назру гьавун кьезе. 23(Бетӏергьанасдасан бугеб къануналда рекъон тӏоцебе гьабураб бихьинаб рижи Бетӏергьанасул назрулъун рикӏкӏунаан.) 24Гьебго къануналда рекъон, къурбаналъе хъвезе кколаан кӏиго рохьил микки яги кӏиго миккидул тӏинчӏ.
25Доб заманаялда Иерусалималда вукӏана Симеон абурав цо чи. Гьев вукӏана жиндилъ иманги варагӏги бугев, Исраилил халкъ хвасарлъиялъухъ урхъарав чи. Илагьияб Рухӏ жинде гӏагарлъарав чиги вукӏана Симеон. 26Илагьияб Рухӏалъ гьесие илгьам гьабун букӏана Бичасул Масихӏ вихьичӏого гьев хвезе гьечӏилан. 27Илагьияб Рухӏалъин гьев доб къоялъ Мукъадасаб Рокъовеги вачун вачӏарав. Эбелалъги инсуцаги гьитӏинав вас Гӏисаги вачун вачӏана гьениве, къануналъул гӏадат тӏубазабизе. 28Симеоница, гьевги кодове вачун, Аллагьасе реццги гьабун, гьадин абуна:
29-32– Я, дир Бетӏергьан, дун дур лагъ, дур къотӏи тӏубан, гьанже парахатго къадаралде щолев вуго, дирго беразда бихьидал дуца хӏадурун букӏараб хвасарлъи. Гьаб буго киналго халкъал кантӏизарилеб Нур ва дурго Исраилил халкъалъул къадру-рецц!
33Симеоница васасул хӏакъалъулъ абурал гьел рагӏабаз гӏажаиблъизаруна Юсупги Марямги. 34Симеоница гьезие дугӏа гьабуна ва гьесул эбел Марямида абуна:
– Гьале гьаб Лъимер сабаблъун Исраилил халкъалъул гӏемерисел гӏодор ккела ва гӏемерисел тӏаде рахъина. 35Дурги рекӏелъ ханжар къазе буго. Гьаб Лъимер лъугьина Аллагьасул гӏаламатлъун, амма гӏемерисез гьелда дагӏба базе буго, гьелдалъун гӏемерисезул рекӏелъ ругел къасдал загьирлъила.
36Гьений йикӏана Ашерил наслуялъул Пенуэлил яс Хӏаннат, жиндилъ кашпу-карамалъи бугей, цӏакъго херай гӏадан. Анкьго соналъ гурони росасда цадахъ гӏумру тӏамичӏо гьелъ. 37Гьелдаса хадуб ункъоялда ункъо сон къороллъуда арай гьей, къасиги къадги кӏал ккун, какал ран, кидаго Мукъадасаб Рокъоса къватӏие яхъинчӏого, Бетӏергьанасе тӏагӏат-гӏибадаталда чӏун йикӏана. 38Гьебмехалъ, аскӏоеги ячӏун, Аллагьасе реццги гьабун, гьеб Лъимадул хӏакъалъулъ бицана гьелъ Иерусалим хвасарлъиялъухъ урхъун рукӏаралщиназда.
39Бетӏергьанасдасан бугеб къануналда рекъон кинабго ишги тӏубазабун, гьел Галилеялде, жидерго Назарет шагьаралде, тӏадруссана. 40Вас кӏудияв гӏолев вукӏана, гӏолохъанлъиялде вахунев вукӏана, гӏакълу цӏубалеб букӏана. Аллагьасул баркат бессун букӏана гьесулъ.
Гьитӏинав Гӏиса Иерусалималъул Мукъадасаб Рокъове вачӏуна
41Щибаб соналъ гьесул эбелги эменги унаан Иерусалималде Пасхаялъул байрамалде. 42Анцӏила кӏиго соналде Гӏиса вахиндалги, гӏадаталда рекъон, Иерусалималде байрамалде ана гьал, гьевги вачун. 43Байрамалъул къоял индал, ал тӏадруссана, гьитӏинав Гӏиса Иерусалималдаго чӏана. Юсупидаги васасул эбелалдаги лъачӏо гьев гьенив чӏаравлъи. 44Цогидазда цадахъ ун ватилин гьевилан тана гьаз. Цо къойил нух тедал, гӏага-божаразда гьоркьов гьев валагьизе лъугьана гьал. 45Гьевги ватичӏого, тӏадруссун гьев валагьизе Иерусалималде ине ккана. 46Гьале лъабабилеб къоялъ гьазда гьев Мукъадасаб Рокъов ватана мугӏалимзабазда гьоркьов, гьезухъ гӏенеккун ва гьезда цӏехолдулев. 47Гӏенеккаралщинал хӏикмалъизарун рукӏана гьесул гӏакъиллъиялъ ва жавабазул камиллъиялъ. 48Гьев вихьидал, гӏажаиблъун хутӏана Юсупги Марямги. Эбелалъ гьесда абуна:
– Я, дир лъимер, дуца нижее гьабураб щиб? Гьав дур эменги дунги чӏезе къадар тӏагӏун рукӏана мун валагьулел.
49Гьес гьазда абуна:
– Дун валагьиго щай нужее букӏараб? Нужеда лъачӏебищ дун дирго Инсул рокъов вукӏине кколевлъи?
50Амма гьазда бичӏчӏичӏо гьел рагӏабазул магӏна. 51Вахъун гьазда цадахъ Назареталде вилълъана гьев ва гьазие мутӏигӏлъун чӏана. Амма гьесул эбелалъ рекӏелъ цӏунун рукӏана гьел рагӏаби. 52Сонал анагӏан, Гӏисал черх цӏубалеб букӏана, гӏакълу камиллъулеб букӏана, Аллагьасулги гӏадамазулги рокьи цӏикӏкӏунеб букӏана гьесдехун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008