ᕒᐅᒪᓇ 16

1ᓂ ᐱᑭᐢᑫᐧᐢᑕᒪᐋᐧᐤ ᐱᐱ ᑭᑕᐁᐧᒫᓈᐤ, ᑳ ᐸᒥᐋᐟ ᐅᑕᔭᒥᐦᐋᐊᐧ ᓭᐣᑲᕒᐃᔭᐃᕽ ᑳ ᐊᔮᔨᐟ: 2ᑭᑕ ᐱᑐᑲᐋᔦᐠ ᑳ ᑎᐯᔨᐦᒋᑫᐟ ᐃᓯ, ᐁ ᑲᐢᑭᑕᒫᓱᐟ ᐅᑲᓈᑎᓯᐊᐧ ᐅᐦᒋ, ᒥᓇ ᑭᑕ ᐃᐧᒋᐋᔦᐠ ᐱᑯ ᑫᑲᐧᐩ ᐃᓯ ᑭᐧᑕᒫᒋ: ᒋᑫᒫ ᒥᐦᒉᐟ ᐊᐃᐧᔭ ᑭ ᓇᓂᓱᑲᒪᐁᐧᐤ, ᓂᔭ ᒥᓇ ᐊᐦᐳ.

3 # ᐃᓯᐦᒋᑫᐃᐧᓂᐋᐧᐊᐧ 18:2 ᐊᑕᒥᐢᑳᑯᐠ ᐸᕒᐃᐢᑲ ᒥᓇ ᐊᑭᐧᓬᐊ ᓂ ᐃᐧᒋ ᐊᑐᐢᑫᒫᑲᓇᐠ ᙭ ᒋᓴᐢ ᐁ ᐊᑐᐢᑲᐋᐧᔮᕽ, 4ᐁᐊᐧᑯᓂᐠ ᓂᔭ ᓂ ᐱᒫᑎᓯᐃᐧᐣ ᐅᐦᒋ ᑳ ᑭ ᐸᑭᑎᓇᑭᐠ ᐃᐧᔭᐋᐧᐤ ᐅᑲᐧᔮᐋᐧᐊᐧ; ᐁᐊᐧᑯᓂᐠ ᓇᒪᐃᐧᔭ ᓂᔭ ᐱᑯ ᑳ ᓇᓈᐢᑯᒪᑭᐠ, ᒫᑲ ᑲᐦᑭᔭᐤ ᒥᓇ ᐅᑕᔭᒥᐦᐋᐊᐧ ᑳ ᒉᐣᑕᐃᓬᐃᐃᐧᔨᐟ: 5ᒥᓇ ᐊᑕᒥᐢᑳᑯᐠ ᐅᑕᔭᒥᐦᐋᐊᐧᐠ ᐅ ᐋᐧᐢᑳᐦᐃᑲᓂᐋᐧᕽ ᑳ ᐊᔮᔨᐟ. ᐊᑕᒥᐢᑳᕽ ᐁᐱᓂᑕᐢ ᑳ ᓵᑭᐦᐊᐠ, ᐁᐊᐧᑯ ᓂᐢᑕᒼ ᐁᓯᔭᐃᕽ ᑳ ᑭ ᑖᐯᐧᑕᐋᐧᐟ ᙭ᐊ. 6ᐊᑕᒥᐢᑳᕽ ᒣᕒᐃ, ᒥᐢᑕᐦᐃ ᑳ ᑭ ᐊᑐᐢᑳᑯᔦᐠ. 7ᐊᑕᒥᐢᑳᕽ ᐋᐣᑕᕒᐋᓇᐧᑲᐢ ᒥᓇ ᒍᓂᔭᐢ, ᓂ ᐊᐧᑯᒫᑲᓇᐠ, ᒥᓇ ᑳ ᑭ ᑭᑭ ᑭᐸᐦᐅᑲᐃᐧᔮᐣ, ᑳ ᐊᑭᒋᑳᓱᒋᐠ ᒣᑳᐧ ᐊᐸᐢᑎᓬᐃᓈᕽ, ᐃᐧᔭᐋᐧᐤ ᒥᓇ ᓂᑳᐣ ᑳ ᑭ ᐃᐧᒉᐋᐧᒋ, ᙭ᐊ. 8ᐊᑕᒥᐢᑳᕽ ᐋᒼᐱᓬᐃᔦᑕᐢ ᑳ ᓵᑭᐦᐊᐠ ᑳ ᑎᐯᔨᐦᒋᑫᐟ ᐃᓯ. 9ᐊᑕᒥᐢᑳᕽ ᐊᕒᐯᓇᐢ ᓂ ᐃᐧᒋ ᐊᑐᐢᑫᒫᑲᓂᓈᐣ ᙭ ᐃᓯ, ᐢᑌᑭᐢ ᑳ ᓵᑭᐦᐊᐠ. 10ᐊᑕᒥᐢᑳᕽ ᐋᐯᓬᐃᐢ ᑳ ᓇᐁᔨᑖᑯᓯᐟ ᙭ ᐃᓯ. ᐊᑕᒥᐢᑳᑯᐠ ᐊᓂᑭ ᐋᕒᐃᐢᑖᐳᓬᐊᐢ ᐃᐧᑭᕽ ᑳ ᐊᔮᔨᐟ. 11ᐊᑕᒥᐢᑳᕽ ᐁᕒᐋᑎᐊᐣ ᓂ ᐋᐧᑯᒫᑲᐣ. ᐊᑕᒥᐢᑳᑯᐠ ᐊᓂᑭ ᓈᕒᓯᓴᐢ ᐃᐧᑭᕽ ᑳ ᐊᔮᔨᐟ, ᑳ ᑎᐯᔨᐦᒋᑫᔨᐟ ᑳ ᐃᐧᒉᐋᐧᒋᐠ. 12ᐊᑕᒥᐢᑳᑯᐠ ᑕᕒᐊᐃᐱᓇ ᒥᓇ ᑕᕒᐊᐃᐳᓴ, ᑳ ᐊᑐᐢᑲᐋᐧᒋᐠ ᑳ ᑎᐯᔨᐦᒋᑫᔨᐟ. ᐊᑕᒥᐢᑳᕽ ᐸᕒᓯᐢ ᑳ ᓵᑭᐦᐃᐦᐟ, ᒥᐢᑕᐦᐃ ᑳ ᑭ ᐊᑐᐢᑲᐋᐧᐟ ᑳ ᑎᐯᔨᐦᒋᑫᔨᐟ. 13#ᒫᕒᐠ 15:21ᐊᑕᒥᐢᑳᕽ ᕒᐅᐸᐢ ᑳ ᑭ ᓇᐊᐧᓱᓂᐦᐟ ᑳ ᑎᐯᔨᐦᒋᑫᐟ ᐃᓯ, ᐊᓯᒋ ᐅᑳᐃᐧᔭ ᓂᐢᑕ ᑳ ᐅᑳᐃᐧᔮᐣ. 14ᐊᑕᒥᐢᑳᕽ ᐊᓯᐣᑲᕒᐃᑕᐢ, ᐸᓬᐃᑲᐣ, ᐦᐊᕒᒥᐢ, ᐹᐟᐊᕒᐅᐸᐢ, ᐦᐊᕒᒫᐢ, ᒥᓇ ᐅᒋᐋᐧᒥᒫᐊᐧ ᑳ ᐃᐧᒋ ᐊᔮᒥᑯᒋᐠ. 15ᐊᑕᒥᐢᑳᑯᐠ ᐸᓬᐊᓬᐊᑲᐢ ᒥᓇ ᒍᓬᐃᔭ, ᓂᕒᐃᔭᐢ ᒥᓇ ᐅᑕᐁᐧᒫᐊᐧ, ᒥᓇ ᐊᓬᐃᒼᐸᐢ, ᒥᓇ ᑲᐦᑭᔭᐤ ᐅᑲᓈᑎᓯᐊᐧ ᑳ ᐃᐧᒋ ᐊᔮᒥᑯᒋᐠ. 16ᐊᔭᑕᒥᐢᑯᑖᑐᐠ ᐁ ᑲᓈᒋ ᐊᐧᔪᒉᑕᔨᐠ. ᑲᐦᑭᔭᐤ ᐸᐱᑐᐢ ᐃᑕ ᑳ ᐊᔭᒥᐦᐁᐢᑕᐋᐧᒋᐠ ᙭ᐊ ᑭᐟ ᐊᑕᒥᐢᑳᑯᐋᐧᐊᐧᐠ.

17ᐁᑲᐧ ᒫᑲ ᑭ ᐸᑯᓭᔨᒥᑎᓈᐋᐧᐤ, ᓂᒋᐋᐧᒥᑎᐠ, ᑭᐢᑭᓇᐋᐧᑌᔨᒥᑯᐠ ᐊᓂᑭ ᐁ ᓂᑳᓂᐃᐧᑖᒋᐠ ᓇᓈᓂᐢᒋᐃᑐᐃᐧᓇ ᒥᓇ ᐊᓂᐦᐃ ᑳ ᐱᓱᑫᓯᓄᐃᐁᐧᑭ, ᐁᑳ ᐁ ᐃᑕᐢᑌᐠ ᑲᑫᐢᑫᐧᐃᐧᐣ ᑳ ᑭ ᑭᐢᑭᓄᐦᐊᒫᑲᐃᐧᔦᐠ: ᒥᓇ ᐁᑳᐃᐧᔭ ᐃᐧᒉᐃᐧᑯᐠ, 18ᒋᑫᒫ ᐁᑯᑐᐊᐧ ᓇᒪᐃᐧᔭ ᐊᑐᐢᑲᐁᐧᐊᐧᐠ ᑳ ᑎᐯᔨᒥᑯᔭᕽ ᒋᓴᐢ ᙭ ᒫᑲ ᐃᐧᔭᐋᐧᐤ ᐊᐧᑖᐋᐧᐤ; ᐁᑯᓯ ᐁ ᔪᐢᑳᔨᐠ ᒥᓇ ᐁ ᒪᒥᔪᑎᑖᒋᐠ ᐅ ᐱᑭᐢᑫᐧᐃᐧᓂᐋᐧᐤ ᑳᓯᐢᐳᐃᐧᑖᐁᐧᐊᐧᐠ ᐅ ᑌᐃᔨᐊᐧ ᐁᑳ ᑳ ᑭᐢᑫᔨᑕᒥᔨᐟ. 19ᒋᑫᒫ ᑭ ᓇᓇᐃᑕᒧᐃᐧᓂᐋᐧᐤ ᒥᓯᐁᐧ ᐃᑌ ᐅᑎᐦᑎᐠ ᑲᐦᑭᔭᐤ ᐊᔨᓯᔨᓂᐤ. ᑭ ᒪᒪᐦᑖᑯᐃᓈᐋᐧᐤ ᒫᑲ: ᑭ ᓇᑕᐁᐧᔨᒥᑎᓈᐋᐧᐤ ᒫᑲ ᑭᑕ ᐃᔨᓂᓯᑲᑕᒣᐠ ᐊᓂᒪ ᑳ ᒥᔮᐧᓯᐠ, ᐁᑯᓯ ᐁᑳ ᑭᑕ ᑭᐢᑫᔨᑕᒣᐠ ᐊᓂᒪ ᑳ ᒫᔮᑕᕽ. 20ᐊᓇ ᒫᑲ ᑭᓭᒪᓂᑐ ᑳ ᐅᐦᒋᐢᑕᒫᑫᐟ ᐯᔭᑕᑫᔨᒧᐃᐧᐣ ᑭᑕ ᐸᑲᒥᐁᐧᐱᓀᐤ ᓭᑕᓇ ᓯᐹ ᑭᓯᑎᐋᐧᕽ.

ᐅ ᑭᓭᐋᐧᑐᑖᑫᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭ ᑭ ᑲ ᐃᐧ ᐃᐧᒉᐃᐧᑯᓈᐋᐧᐤ.

21 # ᐃᓯᐦᒋᑫᐃᐧᓂᐋᐧᐊᐧ 16:1 ᑎᒪᑏ ᓂ ᐃᐧᒋ ᐊᑐᐢᑫᒫᑲᐣ ᑭᐟ ᐊᑖᒥᐢᑳᑯᐋᐧᐤ; ᒥᓇ ᓬᐅᓯᔭᐢ ᒥᓇ ᒉᓴᐣ ᒥᓇ ᓵᓯᐯᑕᕒ, ᓂ ᐋᐧᑯᒫᑲᓇᐠ. 22ᓂᔭ ᑕᕒᓯᔭᐢ, ᑳ ᒪᓯᓇᐦᐊᒫᐣ ᐅᒪ ᒪᓯᓇᐦᐊᒫᑫᐃᐧᐣ, ᑭᐟ ᐊᑕᒥᐢᑳᑎᓈᐋᐧᐤ ᑳ ᑎᐯᔨᐦᒋᑫᐟ ᐃᓯ. 23#ᐃᓯᐦᒋᑫᐃᐧᓂᐋᐧᐊᐧ 19:29; 1 ᑲᕒᐃᐣᑎᔭᓇ 1:14; 2 ᑎᒪᑏ 4:20ᑫᔭᐢ ᑳ ᐱᑐᑲᐃᐟ, ᒥᓇ ᑲᐦᑭᔭᐤ ᐅᑕᔭᒥᐦᐋᐊᐧ, ᑭᐟ ᐊᑕᒥᐢᑳᑯᐋᐧᐤ. ᐃᕒᐋᐢᑕᐢ ᐅᑲᓇᐃᐧᓱᓂᔮᐁᐧᐤ ᐅᑌᓈᕽ ᑭᐟ ᐊᑕᒥᐢᑳᑯᐋᐧᐤ, ᒥᓇ ᑲᐧᕒᑕᐢ ᐅᒋᐋᐧᒥᒫᐤ.

25ᐁᑲᐧ ᒫᑲ ᐊᓇ ᑳ ᑲᐢᑭᑖᐟ ᑭᑕ ᓱᑭᑳᐸᐃᐧᐃᑯᔦᐠ ᐁ ᐃᑕᐢᑌᐠ ᓂ ᒥᔮᐧᒋᒧᐃᐧᐣ ᒥᓇ ᐅ ᑲᑫᐢᑭᒥᐁᐧᐃᐧᐣ ᒋᓴᐢ ᙭, ᐁ ᐃᓯ ᑭᐢᑫᔨᑖᑯᑖᕽ ᐊᓂᒪ ᐁ ᒪᒫᑕᐊᐧᕽ ᑳ ᑭ ᐯ ᑲᓇᐁᐧᔨᑕᒥᕽ ᐁᑳ ᐁ ᐯᑖᑲᐧᕽ ᑳᑭᑫ ᐯᒋ, 26ᒫᑲ ᐁᑲᐧ ᑳ ᓄᑲᐧᕽ, ᒥᓇ ᐅ ᒪᓯᓇᐦᐃᑫᐃᐧᓂᐋᐧᐊᐧ ᐅᑭᐢᑭᐁᐧᐦᐃᑫᐊᐧᐠ, ᐁ ᐃᑕᐢᑌᔨᐠ ᐅᔭᓱᐁᐧᐃᐧᐣ ᑳᑭᑫ ᐁᔮᐟ ᑭᓭᒪᓂᑐ, ᑳ ᑭᐢᑫᔨᑕᒧᐃᐦᒋᐠ ᑲᐦᑭᔭᐤ ᐁ ᐃᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᓇᓇᐃᑕᒥᕽ ᑖᐯᐧᔦᔨᑕᒧᐃᐧᐣ; 27ᐊᓇ ᐱᑯ ᑳ ᐃᔨᓂᓯᐟ ᑭᓭᒪᓂᑐ, ᐃᐧᔭ ᐅᐦᒋ ᒋᓴᐢ ᙭, ᑭᑕ ᐊᔮᐤ ᑭᐢᑕᑭᒥᑯᐃᐧᐣ ᑳᑭᑫ. ᐋᒣᐣ.

Currently Selected:

ᕒᐅᒪᓇ 16: KKMs

Highlight

Copy

Compare