ᐱᓬᐃᐱᔭᓇ 1

1 # ᐃᓯᐦᒋᑫᐃᐧᓂᐋᐧᐊᐧ 16:12 ᐹᓬ ᒥᓇ ᑎᒪᑏ, ᐅᐟ ᐊᑐᐢᑫᔮᑲᓇ ᙭ ᒋᓴᐢ, ᐁ ᒪᓯᓇᐦᐊᒪᐋᐧᒋᐠ ᑲᐦᑭᔭᐤ ᐅᑲᓈᑎᓯᐊᐧ ᙭ ᒋᓴᐢ ᑳ ᐊᔮᐋᐧᐟ ᐊᓂᑕ ᐱᓬᐃᐸᐩ, ᐊᓯᒋ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᐅᐸᒥᐢᑖᑫᐊᐧᐠ: 2ᑭᓭᐋᐧᑐᑕᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᒋᐢᑕᒫᑯᐋᐧᐤ ᑭᓭᒪᓂᑐ ᑯᑖᐃᐧᓇᐤ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭.

3ᓂ ᓇᓈᐢᑯᒫᐤ ᓂ ᑭᓭᒪᓂᑐᒼ ᑕᐦᑖᐧᐤ ᑫᐢᑭᓯᑐᑖᑕᑳᐧᐃᐧ, 4ᑳᑭᑫ ᑕᐦᑖᐧᐤ ᐁ ᒪᐃᐧᒧᐢᒋᑫᐢᑕᒫᑕᑯᐠ ᑲᐦᑭᔭᐤ ᒪᒪᐦᑖᑯᓯᐃᐧᓂᕽ ᐁ ᒪᐃᐧᒧᐢᒋᑫᔮᐣ, 5ᑭ ᐃᐧᒋᐃᐁᐧᐃᐧᓂᐋᐧᐤ ᐅᐦᒋ ᐁ ᔭᑯᑎᑖᕽ ᒥᔮᐧᒋᒧᐃᐧᐣ ᓂᐢᑕᒼ ᐁ ᑭᓯᑳᐠ ᐅᐦᒋ ᐱᔨᐢ ᐊᓄᐦᐨ; 6ᐅᒪ ᒥᑐᓂ ᐁ ᐃᑕᑌᔨᑕᒫᐣ, ᐊᓇ ᑳ ᑭ ᒫᒋ ᐊᑐᐢᑳᑎᑯᔦᐠ ᒥᔪ ᐊᑐᐢᑫᐃᐧᐣ ᑭᑕ ᒥᑐᓂᑖᐤ ᐃᐢᑯ ᑭᑕ ᐅ ᑭᓯᑳᒥᐟ ᒋᓴᐢ ᙭: 7ᑳ ᐃᓯ ᑲᐧᔭᐢᑲᐧᕽ ᓂᔭ ᐅᒪ ᑭᑕ ᐃᓯ ᒥᑐᓀᔨᒥᑕᑯᐠ ᑲᐦᑭᔭᐤ, ᐃᐧᔭ ᓂᑌᐃᕽ ᐁ ᐊᔮᐃᐧᑕᑯᐠ, ᒋᑫᒫ ᑖᐱᐢᑯᐨ ᓂ ᒪᒫᒋᑲᐧᐱᑎᑯᐃᐧᓂᕽ ᒥᓇ ᐁ ᓈᑕᒪᐋᐧᑕᒥᕽ ᒥᓇ ᐁ ᐋᔮᑕᐢᑖᕽ ᒥᔮᐧᒋᒧᐃᐧᐣ, ᑲᐦᑭᔭᐤ ᑭ ᑭ ᐃᐧᒋᐃᐋᐧᓈᐋᐧᐤ ᐊᓯᒋ ᓂᔭ ᓂᓱᑲᒫᑯᐃᐧᐣ. 8ᒋᑫᒫ ᑭᓭᒪᓂᑐ ᓂ ᐋᐧᐸᒥᐠ, ᐃᔨᑯᕽ ᑲᐦᑭᔭᐤ ᐁ ᐱᑭᐢᑳᑎᑕᑯᐠ ᐅ ᑭᓭᐋᐧᑎᓯᐃᐧᓂᕽ ᙭ ᒋᓴᐢ. 9ᐅᒪ ᒫᑲ ᓂᐟ ᐃᓯ ᐊᔭᒥᐦᐋᐣ, ᑭ ᓵᑭᐦᐃᐁᐧᐃᐧᓂᐋᐧᐤ ᑭᑕ ᐁᐧᔪᒋ ᐊᔮᐠ ᐊᐊᐧᓯᒣ ᒥᓇ ᐊᐊᐧᓯᒣ ᑭᐢᑫᔨᑕᒧᐃᐧᓂᕽ ᒥᓇ ᑲᐦᑭᔭᐤ ᓂᓯᑕᐃᐧᓇᒧᐃᐧᓂᕽ; 10ᐁᑯᓯ ᑭᑕ ᑯᑌᔨᑕᒣᐠ ᐊᓂᐦᐃ ᑳ ᒥᔮᐧᓯᑭ; ᑭᑕ ᑖᐯᐧᔦᐠ ᒥᓇ ᐁᑳ ᑭᑕ ᓇᔦᑖᐁᐧᔨᑖᑯᓯᔦᐠ ᐱᔨᐢ ᐅ ᑭᓯᑳᒥᕽ ᙭; 11ᐁ ᒧᐢᑭᓀᐢᑳᑯᔦᐠ ᐁ ᐃᓯ ᒥᓂᓯᐊᐧᕽ ᑲᐧᔭᐢᑭᑖᑎᓯᐃᐧᐣ, ᒋᓴᐢ ᙭ ᐅᐦᒋ ᑳ ᐊᔮᑭ, ᑭᑕ ᑭᐢᑕᑭᒥᐦᐟ ᒥᓇ ᑭᑕ ᒪᒥᒋᒥᐦᐟ ᑭᓭᒪᓂᑐ.

12ᐁᑲᐧ ᒫᑲ ᑭ ᓇᑕᐁᐧᔨᒥᑎᓈᐋᐧᐤ ᑭᑕ ᑭᐢᑫᔨᑕᒣᐠ, ᓂᒋᐋᐧᒥᑎᐠ, ᐊᓂᐦᐃ ᑳ ᑭ ᐃᐢᐸᔨᐃᑯᔮᐣ ᑭ ᐃᐧᒋᑖᒪᑲᓇᐧ ᑭᑕ ᔭᑯᑌᒪᑲᕽ ᒥᔮᐧᒋᒧᐃᐧᐣ; 13#ᐃᓯᐦᒋᑫᐃᐧᓂᐋᐧᐊᐧ 28:30ᐁᑯᓯ ᐅᐦᐃ ᓂ ᒪᒫᒋᑲᐧᐱᓱᐃᐧᓇ ᙭ ᐃᓯ ᐋᐧᐸᐦᑕᒪᐧᐠ ᑲᐦᑭᔭᐤ ᑭᐦᒋ ᓯᒫᑲᓂᓴᐠ ᒥᓇ ᑲᐦᑭᔭᐤ ᑯᑕᑲᐠ; 14ᐁᑯᓯ ᒫᑲ ᐅᓵᒼ ᐱᑯ ᑲᐦᑭᔭᐤ ᐅᒋᐋᐧᒥᒫᐊᐧᐠ ᑳ ᑎᐯᔨᐦᒋᑫᐟ ᐃᓯ, ᐊᑐᐢᑲᒼ ᐁ ᐊᑎ ᒪᐢᑲᐁᐧᔨᑕᐦᑭᐠ ᓂ ᒪᒫᒋᑳᐧᐱᓱᐃᐧᓇ ᐅᐦᒋ, ᐊᔨᐋᐧᐠ ᓱᑫᔨᒧᐊᐧᐠ ᑭᑕ ᐃᐧᐦᑕᐦᑭᐠ ᑭᓭᒪᓂᑐ ᐅᐟ ᐃᑌᐧᐃᐧᐣ ᐁᑳ ᑮᑲᐧᐩ ᐁ ᑯᐢᑕᑭᐠ.

15ᐋᑎᐦᐟ ᑖᐯᐧ ᐃᐧᐦᑕᒫᑫᐊᐧᐠ ᙭ᐊ ᐃᓴᐋᐧᓇᑫᔨᒧᐃᐧᐣ ᒥᓇ ᑲᑫᐧ ᐸᐢᑭᔮᑫᐃᐧᐣ ᐅᐦᒋ; ᐋᑎᐦᐟ ᒥᓇ ᐁ ᒥᔦᐧᔨᑕᐦᑭᐠ: 16ᐯᔭᑲᐧᔭᐠ ᐃᑐᑕᒪᐧᐠ ᓵᑭᐦᐃᐁᐧᐃᐧᐣ ᐅᐦᒋ, ᐁ ᑭᐢᑫᔨᑕᐦᑭᐠ ᐁ ᐃᑕᔨᑲᐃᐧᔮᐣ ᑭᑕ ᐱᑭᐢᑫᐧᐢᑕᒪᐋᐧᑕᒫᐣ ᒥᔮᐧᒋᒧᐃᐧᐣ: 17ᒫᑲ ᐃᐧᔭ ᑯᑕᑲᐠ ᐋᒋᒣᐊᐧᐠ ᙭ᐊ ᐁ ᐃᐧ ᐱᑯᓂᑫᒋᐠ, ᓇᒪᐃᐧᔭ ᑖᐯᐧ ᐁ ᐃᑌᔨᑕᐦᑭᐠ, ᐁ ᐃᐧ ᐸᓯᑯᓇᒪᐃᐧᒋᐠ ᐋᔨᒥᓯᐃᐧᐣ ᐁ ᒣᑳᐧ ᒪᒫᒋᑲᐧᐱᓱᔮᐣ.

18ᑖᓂᓯ ᒫᑲ? ᐱᑯ ᐅᒪ ᒥᓯᐁᐧ ᐃᓯ, ᑭᐢᐱᐣ ᐁ ᐃᑖᐧᓱᕽ ᐊᐦᐳ ᐁ ᑖᐯᐧᕽ, ᙭ ᐋᒋᒫᐤ; ᐁᐊᐧᑯ ᐅᐦᒋ ᒫᑲ ᓂ ᒪᒪᐦᑖᑯᓯᐣ, ᐁᐦᐁ, ᒥᓇ ᓂ ᑲ ᒪᒪᐦᑖᑯᓯᐣ. 19ᒋᑫᒫ ᓂ ᑭᐢᑫᔨᑌᐣ ᐅᒪ ᓂ ᐱᒫᒋᐃᑯᐃᐧᓂᕽ ᑭᑕ ᐃᐢᐸᔨᐠ, ᑭᐟ ᐊᔭᒥᐦᐋᐃᐧᓂᐋᐧᐤ ᐅᐦᒋ ᒥᓇ ᐁ ᐅᐦᒋᐢᑕᒫᑲᐃᐧᔮᐣ ᐅᐟ ᐊᐦᒑᐦᑲᐧ ᒋᓴᐢ ᙭, 20ᐁ ᐃᓯ ᓱᑭ ᐃᑕᑌᔨᑕᒫᐣ ᒥᓇ ᐸᑯᓭᔨᒧᔮᐣ, ᐁᑳ ᑫᑲᐧᐩ ᑭᑕ ᓇᓀᐯᐃᐧᐃᑯᔮᐣ, ᒫᑲ ᒥᓯᐁᐧ ᓱᑫᔨᒧᐃᐧᓂᕽ, ᑖᐱᐢᑯᐨ ᑳᑭᑫ, ᐁᑯᓯ ᐁᑲᐧ ᒥᓇ ᐊᓄᐦᐨ ᙭ ᑭᑕ ᑭᐢᑌᔨᑖᑯᐦᐃᐦᐟ ᓂᔭᐃᐧᕽ, ᑭᐢᐱᐣ ᐱᒫᑎᓯᐃᐧᐣ ᐅᐦᒋ, ᐊᐦᐳ ᓂᐳᐃᐧᐣ ᐅᐦᒋ.

21ᒋᑫᒫ ᓂᔭ ᐃᐧᔭ ᑭᑕ ᐱᒫᑎᓯᔮᐣ ᐁᐊᐧᑯ ᙭, ᐁᑯᓯ ᑭᑕ ᓂᐱᔮᐣ ᐁᐊᐧᑯ ᐅᑎᓯᐃᐧᐣ. 22ᒫᑲ ᑭᑕ ᐱᒫᑎᓯᔮᐣ ᓂ ᐃᐧᔮᓯᕽ, ᑭᐢᐱᐣ ᐁᐊᐧᑯ ᐅᑎᓯᔮᐣ ᓂᐟ ᐊᑐᐢᑫᐃᐧᐣ, ᐁᑲᐧ ᑫᑲᐧᐩ ᑫ ᓇᐊᐧᓱᓇᒫᐣ ᓇᒪᐃᐧᔭ ᓂ ᑭᐢᑫᔨᑌᐣ. 23ᒫᑲ ᓂ ᐊᐧᐋᐧᓀᔨᑌᐣ ᓂᓴᐧᔭᐠ ᐃᓯ, ᐁ ᓄᑌ ᓯᐯᐧᑌᔮᐣ ᑭᑕ ᐃᐧᒋ ᐊᔮᒪᐠ ᙭; ᒋᑫᒫ ᐁᐊᐧᑯ ᐊᔨᐋᐧᐠ ᒥᔮᐧᓯᐣ; 24ᒫᑲ ᐁᔨᐁᐧᕽ ᑭᑕ ᐊᔮᔮᐣ ᓂ ᐃᐧᔮᓯᕽ ᓇᐊᐧᐨ ᓇᑕᐁᐧᔨᑖᑲᐧᐣ ᑭᔭᐋᐧᐤ ᐅᐦᒋ. 25ᐁ ᐊᔮᔮᐣ ᒫᑲ ᐅᒪ ᒪᐢᑲᐁᐧᔨᑕᒧᐃᐧᐣ, ᓂ ᑭᐢᑫᔨᑌᐣ ᑭᑕ ᐊᔮᔮᐣ, ᐁᐦᐁ, ᑭᑕ ᐃᐧᒋ ᐊᔮᒥᑕᑯᐠ ᑲᐦᑭᔭᐤ, ᑭᑕ ᔭᑯᑌᔦᐠ ᒥᓇ ᑭᑕ ᒪᒪᐦᑖᑯᓯᔦᐠ ᑖᐯᐧᔦᔨᑕᒧᐃᐧᓂᕽ; 26ᐁᑯᓯ ᑭ ᒪᒪᐦᑖᑯᓯᐃᐧᓂᐋᐧᐤ ᑭᑕ ᐁᐧᔪᒋ ᐊᔮᐠ ᙭ ᒋᓴᐢ ᐃᓯ ᓂᔭ ᑭᑖᐧᒼ ᒥᓇ ᐋᐧᐸᒥᔦᑯ.

27ᑭᔮᒼ ᒫᑲ ᐱᑯ ᑭᐟ ᐃᓯ ᐱᒫᑎᓯᐃᐧᓂᐋᐧᐤ ᑭᑕ ᐃᐧ ᓇᐃᐢᑲᒧᒪᑲᐣ ᐅ ᒥᔮᐧᒋᒧᐃᐧᐣ ᙭: ᐁᑯᓯ, ᑭᐢᐱᐣ ᑫ ᑕᑯᓯᓄᐋᐧᓀ ᑭᑕ ᐋᐧᐸᒥᑕᑯᐠ, ᐊᐦᐳ ᑭᐢᐱᐣ ᑫ ᐅᑕᒫᐱᒋᐋᐧᓀ, ᑭᑕ ᐯᑕᒫᐣ ᐁ ᐃᓯ ᐊᔮᔦᐠ, ᐁ ᒪᐢᑲᐃᐧᑳᐸᐃᐧᔦᐠ ᐯᔭᐠ ᒥᑐᓀᔨᒋᑲᓂᕽ, ᐯᔭᐠ, ᐊᐦᒑᕽ ᐅᐦᒋ ᐁ ᒫᒪᐃᐧ ᐃᐧᑯᐢᑕᒣᐠ ᑖᐯᐧᔦᔨᑕᒧᐃᐧᐣ ᒥᔮᐧᒋᒧᐃᐧᓂᕽ; 28ᐁᑳ ᒫᑲ ᑫᑲᐧᐩ ᑭᑕ ᐅᐦᒋ ᓭᑭᐃᑯᔦᑯᐠ ᑳ ᓇᑳᐢᑲᑭᐠ: ᐁᐊᐧᑳᐧᓂᒪ ᐁ ᐸᔭᑌ ᑭᐢᑭᓇᐋᐧᒋᑕᒫᐦᒋᐠ ᓂᓯᐊᐧᓈᑎᓯᐃᐧᐣ, ᒫᑲ ᑭᔭᐋᐧᐤ ᐱᒫᒋᐦᐅᐃᐧᐣ, ᑭᓭᒪᓂᑐ ᒫᑲ ᐅᐦᒋ; 29ᒋᑫᒫ ᑭᔭᐋᐧᐤ ᑭ ᑭ ᐸᑭᑎᓇᒫᑲᐃᐧᓈᐋᐧᐤ ᙭ ᐅᐦᒋ, ᓇᒪᐃᐧᔭ ᐱᑯ ᑭᑕ ᑖᐯᐧᑕᐋᐧᔦᐠ, ᒫᑲ ᒥᓇ ᑭᑕ ᑯᑕᑭᑖᔦᐠ ᐃᐧᔭ ᐅᐦᒋ; 30#ᐃᓯᐦᒋᑫᐃᐧᓂᐋᐧᐊᐧ 16:19-40ᐁ ᐊᔮᔦᐠ ᐁᐊᐧᑯ ᑯᑕᑭᑖᐃᐧᐣ ᑳ ᑭ ᐃᓯ ᐋᐧᐸᒥᔦᐠ, ᐁᑲᐧ ᒫᑲ ᑳ ᐯᐦᑕᒣᐠ ᐁ ᐃᓯ ᐊᔮᔮᐣ.

Currently Selected:

ᐱᓬᐃᐱᔭᓇ 1: KKMs

Highlight

Copy

Compare