ᓇᒼᐸᕒᐢ 30
30
1ᒧᓯᐢ ᒫᑲ ᑭ ᐊᔭᒥᐦᐁᐤ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᐁ ᐸᐯᐢᑭᑐᑌᐃᐧᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁ ᐃᑌᐧᐟ, ᐁᐊᐧᑫᐧᔨᐤ ᐅᒪ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ. 2#ᑎᔪᑕᕒᐊᓇᒥ 23:21-23; ᒫᐟᔪ 5:33ᑭᐢᐱᐣ ᐊᔨᓯᔨᓂᐤ ᑭᐢᑭᒧᒋ ᐁ ᐊᓱᑕᒪᐊᐧᐟ ᑳ ᑎᐯᔨᐦᒋᑫᔨᐟ ᐊᐦᐳ ᑭᐦᒋᐃᑌᐧᒋ ᑭᐦᒋᐃᑌᐧᐃᐧᓂᔨᐤ ᑭᑕ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᒥᒋᒪᐱᓱᐃᐧᐣ ᐅᐦᒋ; ᓇᒪᐃᐧᔭ ᑭᑕ ᐱᑯᓇᒼ ᐅᐟ ᐃᑌᐧᐃᐧᐣ, ᑭᑕ ᐃᑐᑕᒼ ᑲᐦᑭᔭᐤ ᐊᓂᒪ ᐅᑐᓂᕽ ᑳ ᑭ ᐅᐦᒋᐸᔨᔨᐠ. 3ᐁᑯᓯ ᒥᓇ ᑭᐢᐱᐣ ᐃᐢᑫᐧᐤ ᑭᐦᒋᐃᑌᐧᒋ ᐁ ᑭᐦᒋᐊᓱᑕᒪᐋᐧᐟ ᑳ ᑎᐯᔨᐦᒋᑫᔨᐟ, ᐁᑯᓯ ᒥᒋᒪᐱᑎᓱᒋ ᒥᒋᒪᐱᓱᐃᐧᐣ ᐅᐦᒋ, ᐅᑖᐃᐧᔭ ᐃᐧᑭᔨᕽ ᐁ ᐊᔮᐟ, ᒣᑳᐧᐨ ᐁ ᐅᐢᑳᑎᓯᐟ. 4ᐅᑖᐃᐧᔭ ᒫᑲ ᐯᐦᑕᒥᔨᒋ ᐅ ᑭᐦᒋᐃᑌᐧᐃᐧᐣ, ᒥᓇ ᐊᓂᒪ ᒥᒋᒪᐱᓱᐃᐧᐣ ᑳ ᐃᓯ ᒥᒋᒪᐱᑖᐟ ᐅᐟ ᐊᐦᒑᐦᑲᐧ, ᐁᑯᓯ ᐅᑖᐃᐧᔭ ᐁᑳ ᓈᐣᑕᐤ ᐃᑎᑯᒋ; ᐁᑲᐧ ᑲᐦᑭᔭᐤ ᐊᓂᐦᐃ ᐅ ᑭᐦᒋᐃᑌᐧᐃᐧᓇ ᑭᑕ ᐃᑕᐢᑌᔨᐊᐧ, ᒥᓇ ᐅ ᒥᒋᒪᐱᓱᐃᐧᓇ ᑳ ᑭ ᐃᓯ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᑭᑕ ᐃᑕᐢᑌᔨᐊᐧ. 5ᒫᑲ ᑭᐢᐱᐣ ᐅᑖᐃᐧᔭ ᑭᑕᐦᐊᒫᑯᒋ ᐊᓂᒪ ᐁ ᑭᓯᑳᐠ ᑳ ᐯᑕᒥᔨᐟ; ᓇᒪᐋᐧᐨ ᑫᑲᐧᐩ ᐅ ᑭᐦᒋᐃᑌᐧᐃᐧᓇ ᐊᐦᐳ ᐅ ᒥᒋᒪᐱᓱᐃᐧᓇ ᑳ ᑭ ᐃᓯ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᑭᑕ ᐃᑕᐢᑌᔨᐤ; ᑳ ᑎᐯᔨᐦᒋᑫᔨᐟ ᒫᑲ ᑭᑕ ᐳᓀᔨᑕᒫᐠ, ᒋᑫᒫ ᐅᑖᐃᐧᔭ ᐁ ᑭᑕᐦᐊᒫᑯᐟ.
6ᑭᐢᐱᐣ ᒫᑲ ᐅ ᓈᐯᒥᒋ, ᒣᑳᐧᐨ ᐊᓂᐦᐃ ᐅ ᑭᐦᒋᐃᑌᐧᐃᐧᓇ ᐁ ᑭᑭᐢᑳᑯᐟ ᐊᐦᐳ ᑳ ᑭ ᓴᐢᒋ ᐃᑌᐧᐟ ᐅᑐᓂᕽ ᐅᐦᒋ, ᐃᑕ ᑳ ᑭ ᐅᐦᒋ ᒥᒋᒪᐱᑖᐟ ᐅᐟ ᐊᐦᒑᐦᑲᐧ. 7ᐁᑯᓯ ᐅ ᓈᐯᒪ ᐯᑕᒥᔨᒋ, ᐁᑳ ᒫᑲ ᓈᐣᑕᐤ ᐃᑎᑯᒋ ᐊᓂᒪ ᐁ ᑭᓯᑳᔨᐠ ᑳ ᐯᑕᒥᔨᐟ; ᐁᑲᐧ ᑭᑕ ᐃᑕᐢᑌᔨᐊᐧ ᐅ ᑭᐦᒋᐃᑌᐧᐃᐧᓇ, ᒥᓇ ᐅ ᒥᒋᒪᐱᓱᐃᐧᓇ ᑳ ᑭ ᐃᓯ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᑭᑕ ᐃᑕᐢᑌᔨᐊᐧ. 8ᒫᑲ ᑭᐢᐱᐣ ᐅ ᓈᐯᒪ ᑭᑕᐦᐊᒫᑯᒋ ᐊᓂᒪ ᐁ ᑭᓯᑳᐠ ᑳ ᐯᑕᒥᔨᐟ; ᐁᑲᐧ ᑭᑕ ᑭᐱᐦᑎᓇᒥᔨᐊᐧ ᐅ ᑭᐦᒋᐃᑌᐧᐃᐧᐣ ᑳ ᑭᑭᐢᑳᑯᐟ, ᒥᓇ ᑳ ᑭ ᓴᐢᒋ ᐃᑌᐧᐟ ᐅᑐᓂᕽ ᐅᐦᒋ, ᐃᑕ ᑳ ᑭ ᐅᐦᒋ ᒥᒋᒪᐱᑖᐟ ᐅᐟ ᐊᐦᒑᐦᑲᐧ; ᐁᑯᓯ ᑳ ᑎᐯᔨᐦᒋᑫᔨᐟ ᑭᑕ ᐳᓀᔨᑕᒫᐠ.
9ᒫᑲ ᐃᐧᔭ ᓯᑳᐃᐧᐢᑫᐧᐤ ᐁ ᑭᐦᒋᐃᑌᐧᐟ, ᐊᐦᐳ ᐊᓇ ᑳ ᐁᐧᐱᓂᐢᑫᐧᐊᐧᑎᐦᐟ, ᑲᐦᑭᔭᐤ ᑫᑲᐧᐩ ᑳ ᐃᓯ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᑭᑕ ᑲᓇᐋᐧᐸᒥᐠ. 10ᑭᐢᐱᐣ ᒫᑲ ᐅ ᓈᐯᒪ ᐃᐧᑭᔨᕽ ᑳ ᑭ ᑭᐦᒋᐃᑌᐧᐟ, ᐊᐦᐳ ᑳ ᑭ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᒥᒋᒪᐱᓱᐃᐧᐣ ᐅᐦᒋ ᐁ ᑭᐦᒋᐃᑌᐧᐟ, 11ᐁᑯᓯ ᐅ ᓈᐯᒪ ᐁ ᑭ ᐯᑖᑯᐟ ᒥᓇ ᐁᑳ ᓈᐣᑕᐤ ᐁ ᑭ ᐃᑎᑯᐟ ᒥᓇ ᐁᑳ ᐁ ᑭ ᑭᑕᐦᐊᒫᑯᐟ; ᐁᑲᐧ ᑲᐦᑭᔭᐤ ᐅ ᑭᐦᒋᐃᑌᐧᐃᐧᓇ ᑭᑕ ᐃᑕᐢᑌᔨᐊᐧ, ᒥᓇ ᑲᐦᑭᔭᐤ ᒥᒋᒪᐱᓱᐃᐧᐣ ᑳ ᑭ ᐅᐦᒋ ᒥᒋᒪᐱᑖᐟ ᐅᐟ ᐊᐦᒑᐦᑲᐧ ᑭᑕ ᐃᑕᐢᑌᐤ. 12ᒫᑲ ᑭᐢᐱᐣ ᐅ ᓈᐯᒪ ᑭ ᐱᑯᓇᒥᔨᐊᐧ ᒥᓇ ᑭ ᑭᐱᑎᓇᒥᔨᐊᐧ ᐊᓂᒪ ᐁ ᑭᓯᑳᐠ ᑳ ᑭ ᐯᑕᒥᔨᐟ; ᐁᑲᐧ ᐱᑯ ᑫᑲᐧᐩ ᐅᑐᓂᕽ ᐁ ᑭ ᐅᐦᒋᐸᔨᔨᐠ ᐅ ᑭᐦᒋᐃᑌᐧᐃᐧᐣ ᐅᐦᒋ ᐊᐦᐳ ᐊᓂᒪ ᑳ ᑭ ᐃᓯ ᒥᒋᒪᐱᑖᐟ ᐅᐟ ᐊᐦᒑᐦᑲᐧ, ᓇᒪᐃᐧᔭ ᑭᑕ ᐃᑕᐢᑌᔨᐤ; ᐅ ᓈᐯᒪ ᑭ ᑭᐱᑎᓇᒥᔨᐊᐧ; ᐁᑯᓯ ᑳ ᑎᐯᔨᐦᒋᑫᔨᐟ ᑭᑕ ᐳᓀᔨᑕᒫᐠ.
13ᑲᐦᑭᔭᐤ ᐊᓱᑕᒫᑫᐃᐧᐣ, ᒥᓇ ᑲᐦᑭᔭᐤ ᑭᐦᒋᐃᑌᐧᐃᐧᐣ ᑳ ᐅᐦᒋ ᒥᒋᒪᐱᓱᕽ ᑭᑕ ᑯᑕᑭᐦᐃᑯᐟ ᐊᐦᒑᕽ, ᐅ ᓈᐯᒪ ᑭᑕ ᑭ ᐋᔮᑕᐢᑖᔨᐊᐧ, ᐊᐦᐳ ᐅ ᓈᐯᒪ ᑭᑕ ᑭ ᑭᐱᑎᓇᒥᔨᐊᐧ. 14ᒫᑲ ᑭᐢᐱᐣ ᐅ ᓈᐯᒪ ᒥᑐᓂ ᐁᑳ ᓈᐣᑕᐤ ᐃᑎᑯᒋ ᑕᐦᑐ ᑭᓯᑳᐤ; ᐁᑲᐧ ᐋᔮᑕᐢᑖᔨᐊᐧ ᑲᐦᑭᔭᐤ ᐅ ᑭᐦᒋᐃᑌᐧᐃᐧᓇ ᒥᓇ ᐅ ᒥᒋᒪᐱᓱᐃᐧᓇ, ᑳ ᑭᑭᐢᑳᑯᐟ; ᑭ ᐋᔮᑕᐢᑖᔨᐊᐧ ᒋᑫᒫ ᐁᑳ ᓈᐣᑕᐤ ᐁ ᑭ ᐃᑎᑯᐟ ᐊᓂᒪ ᐁ ᑭᓯᑳᐠ ᑳ ᑭ ᐯᑖᑯᐟ. 15ᒫᑲ ᑭᐢᐱᐣ ᐱᑯᓇᒥᔨᒋ ᒥᓇ ᑭᐱᑎᓇᒥᔨᒋ ᒣᐧᐢᑕᐢ ᐃᔨᑯᕽ ᐁ ᑭ ᐯᑕᒥᔨᐟ; ᐁᑲᐧ ᑭᑕ ᓇᔭᑕᒥᔨᐊᐧ ᐅ ᐊᐧᓂᑐᑕᒧᐃᐧᐣ. 16ᐁᐊᐧᑯᓂ ᐅᐦᐃ ᑲᑫᐢᑫᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐊᐧᑖᐟ ᒧᓯᓴ, ᑭᑕ ᐃᑐᑕᐦᑭᐠ ᓈᐯᐤ ᒥᓇ ᐃᐧᐊᐧ, ᐅᑖᐃᐧᒫᐤ ᒥᓇ ᐅᑖᓂᓴ ᐁ ᐅᐢᑭᓂᑭᐢᑫᐧᐃᐧᔨᐟ, ᐅᑖᐃᐧᔭ ᐃᐧᑭᔨᕽ.
Currently Selected:
ᓇᒼᐸᕒᐢ 30: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
