ᓇᒼᐸᕒᐢ 24
24
1ᐃᐢᐱ ᒫᑲ ᐯᓬᐋᒼ ᐃᐧᔮᐸᐦᑕᕽ ᐁ ᒥᔦᐧᔨᑕᒥᔨᐟ ᑳ ᑎᐯᔨᐦᒋᑫᔨᐟ ᑭᑕ ᓴᐁᐧᔨᒫᔨᐟ ᐃᐢᕒᐁᐃᓬ, ᓇᒪᐃᐧᔭ ᐁᑲᐧ ᑭ ᐃᑐᐦᑌᐤ ᑭᑕ ᓇᓈᑕᐃᐧ ᒥᑌᑲᑕᐋᐧᐟ, ᒫᑲ ᐱᑲᐧᑕᐢᑭᕽ ᑭ ᐃᑎᐢᑫᐧᔨᐤ. 2ᐯᓬᐋᒼ ᒫᑲ ᑭ ᐃᑖᐱᐤ ᐁᑯᓯ ᑭ ᐋᐧᐸᒣᐤ ᐃᐢᕒᐁᐃᓬᐊ ᐁ ᐊᔭᔮᔨᐟ ᐃᐧᑭᔨᕽ ᐁ ᐊᔨᑕᐦᑐᑌᐃᐧᓯᔨᐟ; ᑭᓭᒪᓂᑐᐊᐧ ᒫᑲ ᐅᐟ ᐊᐦᒑᐦᑯᔨᐊᐧ ᑭ ᐅᑎᐦᑎᐠ, 3ᑭ ᐅᑎᓇᒼ ᒫᑲ ᐅᐟ ᐋᐁᐧᒋᑲᐣ ᐁᑯᓯ ᐁ ᑭ ᐃᑌᐧᐟ,
ᐯᓬᐋᒼ ᐅᑯᓯᓴ ᐱᐋᕒ ᐃᑌᐧᐤ, ᒥᓇ ᐊᓇ ᐊᔨᓯᔨᓂᐤ ᑳ ᑭ ᑭᐹᐧᐱᓂᐦᐟ ᐃᑌᐧᐤ, ᐃᑌᐧᐤ ᑳ ᐯᐦᑕᕽ ᐅᐟ ᐃᑌᐧᐃᐧᓂᔨᐤ ᑭᓭᒪᓂᑐᐊᐧ,
4ᑳ ᐋᐧᐸᐦᑕᕽ ᐁ ᐃᓯᓇᐋᐧᐟ ᒫᒪᐁᐧᔭᐢ ᑳ ᑭᐦᒑᔨᐃᐧᔨᐟ; ᐁ ᔨᐢᑭᑳᐧᒥᐟ ᒫᑲ ᐁ ᑐᑳᐱᐟ,
5ᑖᐯᐧ ᒥᔮᐧᓯᓇᐧ ᑭ ᒫᓄᑳᓇ ᒉᑲᑊ, ᒥᓇ ᑭ ᒥᑭᐋᐧᐸ ᐃᐢᕒᐁᐃᓬ,
6ᑖᐱᐢᑯᐨ ᐋᐧᔭᑎᓈᐊᐧ ᐃᓯ ᑕᓭᐧᑭᑎᓇᐧ, ᑖᐱᐢᑯᐨ ᑭᐢᑎᑳᓇ ᓯᓱᓀ ᓯᐱᕽ, ᒥᓇ ᑖᐱᐢᑯᐨ ᐋᓬᐅᐢ ᑐᐋᐧᑎᐠ ᑳ ᑎᐯᔨᐦᒋᑫᐟ ᑳ ᑭ ᑭᐢᑎᑳᑖᐟ, ᑖᐱᐢᑯᐨ ᒫᓯᑭᐢᑳᐧᑭᑎᑲᐧᐠ ᒋᑭ ᓂᐱᕽ.
7ᓂᐱ ᑭᑕ ᐅᐦᒋᒋᐊᐧᓂᔨᐤ ᐅ ᑳᐧᐱᑳᑲᓂᕽ; ᒥᓇ ᐅ ᓂᐦᑖᐃᐧᑭᐦᐋᑲᓇ ᒥᐦᒉᑕᐧᔭᐠ ᓂᐱᕽ ᑭᑕ ᐊᔮᔨᐊᐧ, ᒥᓇ ᐅ ᑭᐦᒋ ᐅᑭᒫᒪ ᐊᔨᐋᐧᐠ ᑭᑕ ᑭᒑᔨᐃᐧᔨᐊᐧ ᐃᔨᑯᕽ ᐁᑳᐠ, ᒥᓇ ᓂᐟ ᐅᑌᓇᐃᐧᐃᐧᐣ ᑭᑕ ᑭᐢᑌᔨᑖᑯᑖᐋᐧᐣ.
8ᑭᓭᒪᓂᑐ ᐯ ᐊᐧᔭᐃᐧᑕᐁᐤ ᐃᒋᑊᑎᕽ ᐅᐦᒋ; ᐊᔮᐤ ᐅ ᒪᐢᑲᐃᐧᓯᐃᐧᓂᔨᐤ ᐱᑲᐧᒋ ᒧᐢᑐᓴᐧ; ᑭᑕ ᑭᑕᒣᐧᐤ ᐊᔨᓯᔨᓂᐊᐧ ᑳ ᐅ ᓄᑎᓈᑲᓂᐟ ᒥᓇ ᑭᑕ ᐱᑲᐧᑕᐊᒣᐧᐤ ᐅᐢᑲᓂᔨᐊᐧ, ᒥᓇ ᑭᑕ ᓴᓵᐳᐢᑕᐁᐧᐤ ᐊᐧᑐᓴ ᐅᐦᒋ.
9 #
ᒉᓂᓯᐢ 49:9;
ᒉᓂᓯᐢ 12:3
ᑭ ᐸᑕᐱᐤ, ᑭ ᐱᒥᓯᐣ ᑖᐱᐢᑯᐨ ᒥᐢᑕᐦᑫᓯᐤ, ᒥᓇ ᑖᐱᐢᑯᐨ ᓄᓭᒥᐢᑕᑫᓯᐤ; ᐊᐁᐧᓂᐦᐃ ᑫ ᑯᐢᑯᐃᐧᔨᑯᐟ? ᓴᐁᐧᔨᑖᑯᓯᐤ ᑲᐦᑭᔭᐤ ᐊᐃᐧᔭᐠ ᑳ ᓴᐁᐧᔨᒥᐢᐠ, ᒥᓇ ᓈᓂᐳᒋᑳᓱ ᑲᐦᑭᔭᐤ ᐊᐃᐧᔭᐠ ᑳ ᓈᓂᐳᒥᐢᐠ.
10ᐯᓬᐋᐠ ᒫᑲ ᑭ ᑭᓯᐢᑕᐁᐧᐤ ᐯᓬᐋᒪ, ᑭ ᐸᑲᒥᒋᐦᒉᐊᒪᐤ ᒫᑲ; ᐁᑯᓯ ᐯᓬᐋᐠ ᑭ ᐃᑌᐤ ᐯᓬᐋᒪ, ᑭ ᑭ ᓇᑐᒥᑎᐣ ᑭᑕ ᓈᓂᐳᒪᒋᐠ ᓂ ᓄᑎᓈᑲᓇᐠ, ᐁᑯᓯ, ᒫᑎᑲ, ᑭ ᑭ ᓴᐁᐧᔨᒫᐊᐧᐠ ᐁᑲᐧ ᐅᒪ ᓂᐢᑖᐧᐤ. 11ᐁᑲᐧ ᒫᑲ ᐃᑖᒧ ᑭᐟ ᐋᐢᑭᕽ; ᓂ ᑭ ᐃᑌᔨᑌᐣ ᒥᐢᑖᐦᐃ ᑭᑕ ᑭᐢᑌᔨᑖᑯᐃᑖᐣ; ᒫᑲ, ᒋᐢᐟ, ᑳ ᑎᐯᔨᐦᒋᑫᐟ ᑭ ᑭ ᑭᐱᑎᓂᐠ ᐁᑳ ᑭᑕ ᑭᐢᑌᔨᑖᑯᓯᔭᐣ. 12ᐯᓬᐋᒼ ᒫᑲ ᑭ ᐃᑌᐤ ᐯᓬᐋᐠ, ᓇᒪ ᒋ ᒫᑲ ᓂ ᑭ ᐃᑖᐊᐧᐠ ᑭᐟ ᐋᒋᒧᒪᐠ ᑳ ᑭ ᐃᓯᑎᓴᐦᐊᒪᐃᐧᔭᐣ, ᐁ ᐃᑌᐧᔮᐣ, 13ᑭᐢᐱᐣ ᐯᓬᐋᐠ ᒥᔨᐟ ᐅ ᐋᐧᐢᑳᐦᐃᑲᐣ ᐁ ᒧᐢᑭᓀᔨᐠ ᐋᐧᐱᐢᑭᓱᓂᔭᐊᐧ ᒥᓇ ᐅᓵᐃᐧᓱᓂᔮᐊᐧ, ᓇᒪᐃᐧᔭ ᓂ ᑲ ᑭ ᐊᔨᐁᐧᐢᑲᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᓂᑯᑖᐧ ᑭᑕ ᒥᔪᑐᑕᒫᐣ ᐊᐦᐳ ᑭᑕ ᒪᒋᑐᑕᒫᐣ ᑎᐱᔭᐤ ᓂ ᒫᒥᑐᓀᔨᒋᑲᓂᕽ, ᒫᑲ ᐊᓂᒪ ᑳ ᑎᐯᔨᐦᒋᑫᐟ ᑳ ᐃᑌᐧᐟ, ᐁᐊᐧᑯ ᑫ ᐃᑌᐧᔮᐣ? 14ᐁᑲᐧ ᒫᑲ ᒫᑎᑲ, ᓂ ᑲ ᓇᑕᐋᐧᐸᒫᐊᐧᐠ ᓂᐟ ᐊᔨᓯᔨᓂᒪᐠ; ᐦᐊᐤ ᒫᑲ ᑭ ᑲ ᐋᒋᒧᐢᑖᑎᐣ ᑖᓂᓯ ᐅᑭ ᐊᔨᓯᔨᓂᐊᐧᐠ ᑫ ᑐᑕᐋᐧᒋᐠ ᑭᐟ ᐊᔨᓯᔨᓂᒪ ᒣᐧᐢᑕᐢ ᐃᔨᑯᕽ ᐊᑎ ᑲᑭᓯᑳᑭ. 15ᑭ ᐅᑎᓇᒼ ᒫᑲ ᐅᐟ ᐋᐁᐧᒋᑲᐣ, ᐁᑯᓯ ᑭ ᐃᑌᐧᐤ,
ᐯᓬᐋᒼ ᐅᑯᓯᓴ ᐱᐋᕒ ᐃᑌᐧᐤ, ᒥᓇ ᐊᓇ ᐊᔨᓯᔨᓂᐤ ᑳ ᑭ ᑭᐹᐧᐱᓂᐦᐟ ᐃᑌᐧᐤ;
16ᐃᑌᐤ ᑳ ᐯᑕᒫᐧᐟ ᐅᐟ ᐃᑌᐧᐃᐧᓂᔨᐊᐧ ᑭᓭᒪᓂᑐᐊᐧ, ᒥᓇ ᑳ ᑭᐢᑫᔨᑕᒫᐧᐟ ᐅ ᑭᐢᑫᔨᑕᒧᐃᐧᓂᔨᐤ ᒫᒪᐁᐧᔭᐢ ᑳ ᐃᐢᐯᔨᑖᑯᓯᔦᔨᐟ, ᑳ ᐋᐧᐸᐦᑕᕽ ᐁ ᐃᓯᓇᐋᐧᐟ ᒫᒪᐁᐧᔭᐢ ᑳ ᑭᐦᒑᔨᐃᐧᔨᐟ, ᐁ ᔨᐢᑭᑳᐧᒥᐟ ᒫᑲ ᐁ ᑐᑳᐱᐟ;
17ᓂ ᐋᐧᐸᒫᐤ ᒫᑲ ᓇᒪᐃᐧᔭ ᐁᑲᐧ; ᓂ ᑲᓇᐋᐧᐸᒫᐤ ᒫᑲ ᓇᒪᐃᐧᔭ ᑭᓯᐋᐧᐠ; ᐊᒐᐦᑯᐢ ᑭᑕ ᐯ ᐅᐦᒋᐸᔨᐤ ᒉᑲᑊ, ᒥᓇ ᑎᐯᔨᒋᑳᑲᐣ ᐃᐢᕒᐁᐃᓬ ᑭᑕ ᐅᐦᒋ ᐸᓯᑯᒪᑲᐣ, ᐁᑯᓯ ᑭᑕ ᐸᑲᒪᐅᐠ ᐅ ᑭᑫᔮᕽ ᒧᐋᑊ, ᒥᓇ ᑭᑕ ᓂᓯᐊᐧᓈᒋᐦᐋᐟ ᑲᐦᑭᔭᐤ ᐅᐟ ᐊᐋᐧᓯᒥᓴ ᓭᐦᐟ.
18ᐃᑕᒼ ᒫᑲ ᑭᑕ ᑎᐯᔨᒋᑲᑌᐤ, ᓯᔭᕒ ᒥᓇ ᑭᑕ ᑎᐯᔨᐦᒋᑳᑌᐤ ᐁᐊᐧᑯᓂ ᑳ ᑭ ᐅ ᓄᑎᓈᑲᓂᐟ; ᐁᑯᓯ ᐃᐧᔭ ᐃᐢᕒᐁᐃᓬ ᑭᑕ ᓱᑭᓈᑯᒋᑫᐤ.
19ᒉᑲᑊ ᒫᑲ ᑭᑕ ᐅᐦᒋᐤ ᐊᓇ ᑫ ᐅᑭᒫᐃᐧᐟ, ᐁᑯᓯ ᑭᑕ ᓂᓯᐊᐧᓈᒋᐁᐤ ᑳ ᐃᐢᑯᔨᐟ ᐅᑌᓈᕽ ᐅᐦᒋ.
20ᑭ ᑲᓇᐋᐧᐸᒣᐤ ᒫᑲ ᐋᒪᓬᐃᐠ, ᐁᑯᓯ ᑭ ᐅᑎᓇᒼ ᐅᐟ ᐋᐁᐧᒋᑲᐣ ᒥᓇ ᑭ ᐃᑌᐤ,
ᐋᒪᓬᐃᐠ ᑭ ᓂᑳᓀᔨᑖᑯᓯᐤ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧ; ᒫᑲ ᐃᐢᑳᐧᔮᐨ ᑭᑕ ᐅᑎᑕᒼ ᓂᓯᐊᐧᓈᑎᓯᐃᐧᐣ. 21ᑭ ᑲᓇᐋᐧᐸᒣᐤ ᒫᑲ ᑭᓇᐃᑕ, ᐁᑯᓯ ᑭ ᐅᑎᓇᒼ ᐅᐟ ᐋᐁᐧᒋᑲᐣ, ᒥᓇ ᑭ ᐃᑌᐧᐤ,
ᓱᐦᑲᐣ ᑭᐟ ᐃᐦᑖᐃᐧᐣ, ᒥᓇ ᑭ ᐊᐧᒋᐢᑐᐣ ᑭᐢᑖᐱᐢᑳᕽ ᐊᔮᐤ.
22ᐁᔨᐁᐧᕽ ᒫᑲ ᑫᐣ ᑭᑕ ᑭᐋᑕᐣ, ᐱᔨᐢ ᐋᓴᕒ ᑭᑕ ᓯᐯᐧᑕᐦᐃᐢᐠ ᐊᐊᐧᑳᑎᑯᐃᐧᓂᕽ. 23ᑭ ᐅᑎᓇᒼ ᒫᑲ ᐅᐟ ᐋᐁᐧᒋᑲᐣ ᒥᓇ ᑭ ᐃᑌᐧᐤ,
ᐦᐋᐩ, ᐦᐋᐩ, ᐊᐁᐧᓇ ᑫ ᐱᒫᑎᓯᐟ ᐃᐢᐱ ᑭᓭᒪᓂᑐ ᐅᒪ ᐃᑐᑕᐦᑭ?
24ᒫᑲ ᓈᐱᑳᐧᓇ ᑭᑎᒼ ᐊᐢᑭᕽ ᑭᑕ ᐯ ᐅᐦᒋᐸᔨᐊᐧ, ᐁᑯᓯ ᑭᑕ ᑯᑕᑭᐁᐊᐧᐠ ᐋᓴᕒ, ᒥᓇ ᑭᑕ ᑯᑕᑭᐁᐊᐧᐠ ᐃᐸᕒ, ᐃᐧᐢᑕ ᒫᑲ ᑭᑕ ᐅᑎᑕᒼ ᓂᓯᐊᐧᓈᑎᓯᐃᐧᐣ.
25ᐯᓬᐋᒼ ᒫᑲ ᑭ ᐸᓯᑯ, ᐁ ᑭ ᓯᐯᐧᑌᐟ ᐁ ᑭ ᑭᐁᐧᐟ ᐅᐟ ᐊᐢᑭᕽ ᐃᓯ; ᐯᓬᐋᐠ ᒫᑲ ᐃᐧᐢᑕ ᑭ ᐊᑎ ᑭᐁᐧᐤ.
Currently Selected:
ᓇᒼᐸᕒᐢ 24: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
