ᓇᒼᐸᕒᐢ 15
15
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᒫᑲ ᐃᓯᐠ, ᐃᐢᐱ ᐅᑎᑕᒣᑯ ᐊᓂᒪ ᐊᐢᑭ ᑫ ᐅᐟ ᐃᐦᑖᐃᐧᓂᔦᐠ, ᑳ ᒥᔨᑕᑯᐠ, 3ᒥᓇ ᐸᑭᑎᓈᓱᐃᐧᐣ ᐃᐧ ᐸᑭᑎᓇᒪᐋᐧᔦᑯ ᑳ ᑎᐯᔨᐦᒋᑫᐟ ᐃᐢᑯᑌᐤ ᐅᐦᒋ, ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᑭᑎᓂᑫᐃᐧᐣ ᑭᑕ ᑎᐱᑐᑕᒣᐠ ᑭᐦᒋᐃᑌᐧᐃᐧᐣ, ᐊᐦᐳ ᑌᐯᔨᒧᐃᐧ ᐸᑭᑎᓈᓱᐃᐧᐣ, ᐊᐦᐳ ᑳ ᐅᔭᑭᑌᑭ ᑭ ᐃᐧᐦᑯᐦᑐᐃᐧᓂᐋᐧᐊᐧ, ᑭᑕ ᐃᐧᑭᒫᓴᒪᐋᐧᔦᐠ ᑳ ᑎᐯᔨᐦᒋᑫᐟ, ᒧᐢᑐᓴᐧᐠ ᐅᐦᒋ ᐊᐦᐳ ᒫᔭᑎᐦᑲᐧᐠ ᐅᐦᒋ; 4ᐁᑲᐧ ᐊᓇ ᑳ ᐸᑭᑎᓇᕽ ᐅ ᐸᑭᑎᓂᑫᐃᐧᐣ ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᓂᐢᑐ ᑭᐦᒋᒥᓂᑳᐧᑲᐣ ᒥᓇ ᐋᐱᑕᐤ ᐁ ᒥᔪᓯᔨᐟ ᐸᐦᑫᐧᓯᑲᓇ ᐁ ᐊᓯᑎᓂᑳᑌᐠ ᓂᓱ ᒥᓂᑳᐧᑲᐣ ᒥᓇ ᐋᐱᑕᐤ ᐱᒥ; 5ᒥᓇ ᓱᒥᓈᐳ ᐁᐊᐧᑯ, ᒥᓂᐦᑫᐧᐃᐧ ᐸᑭᑎᓈᓱᐃᐧᐣ, ᓂᓱ ᒥᓂᑳᐧᑲᐣ ᒥᓇ ᐋᐱᑕᐤ, ᐁᐊᐧᑯᓂ ᑭ ᑲ ᑲᐧᔮᒋᐦᑖᐣ ᑭᑭ ᐊᓂᒪ ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᑭᑎᓂᑫᐃᐧᐣ ᐯᔭᐠ ᒫᔭᑎᐦᑯᓯᐢ ᐅᐦᒋ. 6ᐊᐦᐳ ᔮᐯᒫᔭᑎᕽ ᐅᐦᒋ ᑭ ᑲ ᑲᐧᔮᒋᑕᐣ ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᓂᑯᑖᐧᓯᐠ ᑭᐦᒋᒥᓂᑳᐧᑲᐣ ᐁ ᒥᔪᓯᐟ ᐸᐦᑫᐧᓯᑲᐣ ᐁ ᐊᓯᑎᓂᑳᑌᐠ ᓂᐢᑐ ᒥᓂᑳᐧᑲᐣ ᐱᒥ. 7ᐁᑯᓯ ᐃᐧᔭ ᒥᓂᐦᑫᐧᐃᐧ ᐸᑭᑎᓇᓱᐃᐧᐣ ᑭ ᑲ ᐸᑭᑎᓀᐣ ᓂᐢᑐ ᒥᓂᑳᐧᑲᐣ ᓱᒥᓈᐳ ᑭᑕ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ. 8ᑭᐢᐱᐣ ᒫᑲ ᐁ ᑲᐧᔮᒋᐊᐟ ᔮᐯᒧᐢᑐᐢ ᒪᒍᐢᑌᐊᒪᑫᐃᐧᐣ ᐅᐦᒋ, ᐊᐦᐳ ᐸᑭᑎᓈᓱᐃᐧᐣ ᑭᑕ ᑎᐱᑐᑕᒪᐣ ᑭᐦᒋ ᐃᑌᐧᐃᐧᐣ, ᐊᐦᐳ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐁ ᐸᑭᑎᓇᒪᐊᐧᐠ ᑳ ᑎᐯᔨᐦᒋᑫᐟ. 9ᐁᑲᐧ ᑭᑕ ᐸᑭᑎᓇᒼ ᑭᑭ ᐊᓂᐦᐃ ᔮᐯᒧᐢᑐᓴᐧ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᒥᑖᑕᐦᐟ ᑭᐦᒋᒥᓂᑲᐧᑲᐣ ᐁ ᒥᔪᓯᐟ ᐸᐦᑫᐧᓯᑲᐣ ᐁ ᐊᓯᑎᓂᑳᑌᐠ ᓂᔮᓇᐣ ᒥᓂᑳᐧᑲᐣ ᐱᒥ. 10ᐁᑯᓯ ᒫᑲ ᑭ ᑲ ᐸᑭᑎᓀᐣ ᒥᓂᐦᑫᐧᐃᐧ ᐸᑭᑎᓇᓱᐃᐧᐣ ᓂᔮᓇᐣ ᒥᓂᑳᐧᑲᐣ ᓱᒥᓈᐳ, ᐁᐊᐧᑯ ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓇᒪᐣ, ᐁ ᐃᐧᑭᒫᓴᒪᐦᐟ ᑳ ᑎᐯᔨᐦᒋᑫᐟ. 11ᐁᑯᓯ ᒫᑲ ᑫ ᑐᑖᐦᐟ ᐯᔭᐠ ᔭᐯᒧᐢᑐᐢ, ᐊᐦᐳ ᐯᔭᐠ ᔮᐯᒫᔭᑎᕽ, ᐊᐦᐳ ᐯᔭᐠ ᔮᐯᒫᔭᑎᑯᓯᐢ, ᐊᐦᐳ ᐯᔭᐠ ᐋᐧᐸᑎᑯᓯᐢ. 12ᐱᑯ ᑫ ᐃᐦᑕᓯᒋᐠ ᑫ ᑲᐧᔮᒋᐋᔦᑯᐠ, ᐁᑯᓯ ᑫ ᐃᑐᑕᐋᔦᑯᐠ ᑲᐦᑭᔭᐤ ᐱᑯ ᑫ ᐃᐦᑕᓯᒋᐠ. 13ᑲᐦᑭᔭᐤ ᑭᐟ ᐊᐢᑭᐋᐧᕽ ᑳ ᓂᐦᑖᐃᐧᑭᒋᐠ ᐅᐦᐃ ᑭᑕ ᐃᑐᑕᒪᐧᐠ ᐅᒪ ᑳ ᐃᓯ ᐃᐧᐦᑕᒥᕽ, ᐸᑭᑎᓈᓱᐃᐧᐣ ᐁ ᐸᑭᑎᓂᑳᑌᐠ ᐃᐢᑯᑌᐤ ᐅᐦᒋ, ᐁ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ. 14ᑭᐢᐱᐣ ᒫᑲ ᒪᓂᑌᐤ ᐃᐧᒋᐊᔮᒥᑯᔦᑯ, ᐊᐦᐳ ᐱᑯ ᐊᐃᐧᔭᐠ ᐃᐧᒋᐊᔮᒥᑯᔦᑯ ᐁ ᐊᑎ ᐊᔮᓂᐢᑫᐱᒪᑎᓯᔦᐠ, ᐃᐧ ᐸᑭᑎᓇᑭ ᒫᑲ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ, ᑭᑕ ᐃᐧᑭᒫᓴᒪᐋᐧᐟ ᑳ ᑎᐯᔨᐦᒋᑫᔨᐟ; ᑭᔭᐋᐧᐤ ᑳ ᐃᑐᑕᒣᐠ ᐁᑯᓯ ᐃᐧᐢᑕ ᑫ ᐃᑐᑕᕽ. 15ᒫᐊᐧᒋᐦᐃᑐᐃᐧᐣ ᐅᐦᒋ ᑭᑕ ᐯᔭᑲᐧᐣ ᐃᓯᐦᒋᑫᐃᐧᐣ ᑭᔭᐋᐧᐤ ᑭᑕ ᐱᒥᑎᓴᐦᐊᒣᐠ ᒥᓇ ᒫᓂᑌᐤ ᑳ ᐃᐧᒋᐊᔮᒥᑯᔦᐠ, ᑳᑭᑫ ᑲᑫᐢᑫᐧᐃᐧᐣ ᐃᔨᑯᕽ ᐁ ᐊᑎ ᐋᔮᓂᐢᑫ ᐱᒫᑎᓯᔦᐠ; ᑳ ᐃᓯ ᐊᔮᔦᐠ ᐁᑯᓯ ᒥᓇ ᒫᓂᑌᐤ ᑫ ᐃᓯ ᐊᔮᐟ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 16#ᓬᐃᐱᑎᑲᐢ 24:22ᐯᔭᐠ ᐅᔭᓱᐁᐧᐃᐧᐣ ᒥᓇ ᐯᔭᐠ ᐃᓯᑖᐃᐧᐣ ᑭ ᑲ ᐊᔮᓇᐋᐤ ᑭᔭᐋᐧᐤ ᒥᓇ ᐊᓇ ᒫᓂᑌᐤ ᑳ ᐃᐧᒋᐊᔮᒥᑯᔦᐠ.
17ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑖᐟ, 18ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᒥᓯ ᒫᑲ ᐃᓯᐠ, ᐃᐢᐱ ᐅᑎᑕᒣᑯ ᐊᓂᒪ ᐊᐢᑭ ᐃᑌ ᑳ ᐃᑐᑕᐃᑕᑯᐠ, 19ᐁᑲᐧ ᑭᑕ ᐃᐦᑭᐣ ᐃᐢᐱ ᒧᐋᐧᔦᐠ ᐸᐦᑫᐧᓯᑲᐣ ᐁᑯᑕ ᐊᐢᑭᕽ, ᐅᐦᐱᓈᓱᐃᐧᐣ ᑭ ᑲ ᐸᑭᑎᓇᒪᐋᐧᐊᐧᐤ ᑳ ᑎᐯᔨᐦᒋᑫᐟ. 20ᓂᐢᑕᒼ ᑭ ᐸᐦᑫᐧᓯᑲᓂᒥᐋᐧᐤ ᐅᐦᒋ ᑭ ᑲ ᐸᑭᑎᓂᑳᓈᐋᐧᐤ ᓇᐸᑭᑲᓯᑲᐣ ᐁᐊᐧᑯ ᐅᐦᐱᓈᓱᐃᐧ ᐸᑭᑎᓈᓱᐃᐧᐣ; ᑖᐱᐢᑯᐨ ᑳ ᐃᑐᑕᒣᐠ ᐅᐦᐱᓈᓱᐃᐧᐣ ᐸᐊᐧᐃᑫᐃᐧᑲᒥᑯᕽ ᐅᐦᒋ ᐁᑯᓯ ᑫ ᐃᓯ ᐅᐦᐱᓈᓱᔦᐠ. 21ᓂᐢᑕᒼ ᐊᓇ ᑭ ᐸᑫᐧᓯᑲᓂᒥᐋᐧᐤ ᑭ ᑲ ᒥᔮᐋᐧᐤ ᑳ ᑎᐯᔨᐦᒋᑫᐟ ᐅᐦᐱᓈᓱᐃᐧᐣ ᐁ ᐊᑎ ᐋᔭᓂᐢᑫᐱᒫᑎᓯᔦᐠ.
22ᑭᐢᐱᐣ ᒫᑲ ᐊᐧᓂᑐᑕᒣᑯ, ᐁᑳ ᒫᑲ ᓈᑲᑌᔨᑕᒣᑯ ᑲᐦᑭᔭᐤ ᐅᐦᐃ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᐧᐦᑕᒪᐋᐧᐟ ᒧᓯᓴ, 23ᑲᐦᑭᔭᐤ ᐅᑎ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ ᒧᓯᐢ ᐅᐦᒋ, ᐊᓂᒪ ᐁ ᑭᓯᑳᐠ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ, ᒥᓇ ᓂᑳᐣ ᐊᑎ ᐋᔮᓂᐢᑫᐱᒫᑎᓯᔦᑯ. 24ᐁᑲᐧ ᑭᑕ ᐃᐦᑭᐣ, ᑭᐢᐱᐣ ᓈᐣᑕᐤ ᐃᑐᑕᒣᑯ ᐊᐧᓀᔨᑕᒧᐃᐧᓂᕽ, ᐁᑳ ᐁ ᑭᐢᑫᔨᑕᐦᑭᐠ ᑳ ᒫᒪᐁᐧᔭᑎᒋᐠ, ᐁᑲᐧ ᑳ ᒫᒪᐁᐧᔭᑎᒋᐠ ᑭᑕ ᐸᑭᑎᓂᑫᐊᐧᐠ ᐯᔭᐠ ᐊᐢᑭ ᔮᐯᒧᐢᑐᓴᐧ ᐁᐊᐧᑯ ᒪᒍᐢᑌᐦᐊᒫᑫᐃᐧᐣ, ᑭᑕ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ, ᐊᓯᒋ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᐁ ᐃᓯ ᐅᔭᑭᑌᐠ, ᐁᑯᓯ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 25ᐁᑯᓯ ᐊᔭᒥᐦᐁᐃᐧᔨᓂᐤ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐳᓀᔨᑕᒪᐋᐧᐊᐧᐠ ᒫᑲ; ᒋᑫᒫ ᐁ ᐸᑯᓇᐋᐧᓯᕽ, ᐁᑯᓯ ᑭ ᐯᑖᐊᐧᐠ ᐅ ᐸᑭᑎᓂᑫᐃᐧᓂᐋᐧᐤ, ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓇᒫᐦ ᑳ ᑎᐯᔨᐦᒋᑫᐟ, ᒥᓇ ᐅ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᓂᐋᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐅ ᐊᐧᓂᑐᑕᒧᐃᐧᓂᐋᐧᐤ ᐅᐦᒋ. 26ᐁᑯᓯ ᑲᐦᑭᔭᐤ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐳᓀᔨᑕᒪᐋᐧᐊᐧᐠ, ᒥᓇ ᐊᓂᐦᐃ ᒫᓂᑌᐊᐧ ᑳ ᐃᐧᒋᐊᔮᒥᑯᒋᐠ; ᒋᑫᒫ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᑐᑕᒪᐧᐠ ᐁ ᐸᑲᐧᓇᐋᓯᒋᐠ.
27 #
ᓬᐃᐱᑎᑲᐢ 4:27-31
ᑭᐢᐱᐣ ᒫᑲ ᐯᔭᐠ ᐊᔨᓯᔨᓂᐤ ᒪᒋᑐᑕᑭ ᐁ ᐸᑲᐧᓇᐋᐧᓯᐟ, ᑭᑕ ᐸᑭᑎᓀᐤ ᓄᓭᐋᐧᐸᑎᑲᐧ ᐁ ᐊᑎ ᐯᔭᑯᐱᐳᓀᐧᔨᐟ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 28ᐊᔭᒥᐦᐁᐃᐧᔨᓂᐤ ᒫᑲ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᐊᓂᐦᐃ ᐊᐦᒑᐦᑲᐧ ᑳ ᐊᐧᓂᑐᑕᒥᔨᐟ, ᐊᐧᓀᔨᑕᒧᐃᐧᐣ ᐅᐦᒋ ᐁ ᒪᒋᑐᑕᕽ, ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐊᐧᐟ; ᐁᑯᓯ ᑭᑕ ᐳᓀᔨᑕᒪᐋᐤ. 29ᑭᑕ ᐯᔭᑲᐧᐣ ᑫ ᐃᑕᓱᐋᑖᔦᐠ ᐊᓇ ᑳ ᒪᒋᑐᑕᕽ ᐊᐧᓀᔨᑕᒧᐃᐧᓂᕽ, ᐊᓇ ᑳ ᐃᐧᒋᓂᑖᐃᐧᑭᒫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐊᓂᐦᐃ ᒫᓂᑌᐊᐧ ᑳ ᐃᐧᒋᐊᔮᒥᑯᒋᐠ.
30ᒫᑲ ᐊᓇ ᐊᐦᒑᕽ ᐅᐦᒋᑕᐤ ᑳ ᐊᐧᓂᑐᑕᕽ ᑭᐢᐱᐣ ᑭᐟ ᐊᐢᑭᐋᐧᕽ ᑳ ᓂᐦᑖᐃᐧᑭᑫᐧ ᐊᐦᐳ ᒫᓂᑌᐤ, ᐁᐊᐧᑯ ᐱᐃᐧᑭᓵᐧᑌᐤ ᑳ ᑎᐯᔨᐦᒋᑫᔨᐟ; ᐁᑯᓯ ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ. 31ᒋᑫᒫ ᐁ ᑭ ᐋᑕᐁᐧᔨᑕᒫᐧᐟ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᐁ ᑭ ᐱᑯᓇᒫᐧᐟ ᐅᐟ ᐃᑕᓱᐁᐧᐃᐧᓂᔨᐤ; ᐁᐊᐧᑯ ᐊᐦᒑᕽ ᒥᑐᓂ ᑭᑕ ᑭᐢᑭᐁᐧᐸᐊᐤ ᐅ ᐊᐧᓂᑐᑕᒧᐃᐧᐣ ᑭᑕ ᑭᑭᐢᑳᐠ.
32ᒣᑳᐧᐨ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐱᑲᐧᑕᐢᑭᕽ ᐁ ᐊᔮᒋᐠ, ᑭ ᒣᑲᐧᐢᑲᐁᐧᐊᐧᐠ ᓈᐯᐊᐧ ᐁ ᒧᓴᑭᓇᒥᔨᐟ ᒥᐢᑎᑲᐧ ᐁ ᐊᔦᐧᐱᐃᐧᑭᓯᑳᐠ. 33ᐊᓂᑭ ᒫᑲ ᑳ ᒣᑳᐧᐢᑲᐋᐧᒋᐠ ᐁ ᒧᓴᑭᓇᒥᔨᐟ ᒥᐢᑎᑲᐧ ᑭ ᐯ ᐃᑐᐦᑕᐦᐁᐊᐧᐠ ᐃᑕ ᐁ ᐊᔮᔨᐟ ᒧᓯᓴ ᒥᓇ ᐁᕒᐊᓇ ᒥᓇ ᑲᐦᑭᔭᐤ ᑳ ᒫᒪᐁᐧᔭᑎᔨᐟ. 34ᑭ ᑭᐸᐁᐧᐊᐧᐠ ᒫᑲ, ᒋᑫᒫ ᓇᒣᐢᑲᐧ ᐃᐧᒋᑳᑌᐤ ᑖᓂᓯ ᑭᑕ ᐃᑐᑖᐦᐟ. 35ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐊᓇ ᐊᔨᓯᔨᓂᐤ ᑫᐦᒋᓈ ᑭᑕ ᓂᐸᐦᐋᐤ; ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᑭᑕ ᐱᒫᐧᐱᐢᑲᐁᐧᐊᐧᐠ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ. 36ᐁᑯᓯ ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᐊᐧᔭᐃᐧᑎᒥᕽ ᑲᐯᓯᐃᐧᓂᕽ ᑭ ᐃᑐᐦᑕᐦᐁᐊᐧᐠ, ᒥᓇ ᑭ ᐱᒫᐧᐱᐢᑲᐁᐧᐊᐧᐠ ᐊᓯᓂᔭ ᐅᐦᒋ, ᐁᑯᓯ ᑭ ᓂᐱᐤ; ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ.
37ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐠ, 38#ᑎᔪᑕᕒᐊᓇᒥ 22:12ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐃᐧᐦᑕᒪᐃᐧᐠ ᑭᑕ ᐃᓯᑖᒋᐠ ᐅᐢᑯᑖᑳᐋᐧᐊᐧ ᑭᑕ ᔨᐁᐧᔮᔨᐠ ᐋᐧᐢᑳ ᑲᑭᑫ ᐊᑎ ᐋᔮᓂᐢᑫ ᐱᒫᑎᓯᑖᐧᐃᐧ ᐁᑯᓯ ᔨᐁᐧᐅᒋᑲᓂᕽ ᑭᑕ ᐊᐢᑖᒋᐠ ᒋᐯᑕᑫᐧᔮᐱᐢ. 39ᐁᑯᓯ ᑭ ᑲ ᐅ ᔨᐁᐧᐅᒋᑲᓂᓈᐋᐧᐤ, ᑭᑕ ᑲᓇᐋᐧᐸᐦᑕᒣᐠ, ᒥᓇ ᑭᑕ ᑲᓄᑭᐢᑭᓯᔦᐠ ᑲᐦᑭᔭᐤ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ, ᒥᓇ ᑭᑕ ᐃᑐᑕᒣᐠ; ᐁᑯᓯ ᐁᑳ ᑭᑕ ᐱᒥᑎᓴᐦᐊᒣᐠ ᑭᔭᐋᐧᐤ ᑭᑌᐦᐃᐋᐧᐊᐧ ᒥᓇ ᑭᔭᐋᐧᐤ ᑭᐢᑭᓯᑯᐋᐧᐊᐧ, ᐊᓂᐦᐃ ᑳ ᑭ ᐱᓯᑳᐧᑎᓯᐢᑕᒣᐠ; 40ᑭᑕ ᑲᓄᑭᐢᑭᓯᔦᐠ ᒥᓇ ᑭᑕ ᐃᑐᑕᒣᐠ ᑲᐦᑭᔭᐤ ᓂᐟ ᐃᑕᓱᐁᐧᐃᐧᓇ, ᒥᓇ ᑭᑕ ᑲᓈᑎᓯᐢᑕᐋᐧᔦᐠ ᑭ ᑭᓭᒪᓂᑐᒥᐋᐧᐤ. 41ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐤ, ᑳ ᑭ ᐯ ᐊᐧᔭᐃᐧᑕᐦᐃᑕᑯᐠ ᐃᒋᑊᐟ ᐊᐢᑭᕽ ᐅᐦᒋ, ᓂᔭ ᑭᑕ ᐅ ᑭᓭᒪᓂᑐᒥᔦᐠ; ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ.
Currently Selected:
ᓇᒼᐸᕒᐢ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᓇᒼᐸᕒᐢ 15
15
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᒫᑲ ᐃᓯᐠ, ᐃᐢᐱ ᐅᑎᑕᒣᑯ ᐊᓂᒪ ᐊᐢᑭ ᑫ ᐅᐟ ᐃᐦᑖᐃᐧᓂᔦᐠ, ᑳ ᒥᔨᑕᑯᐠ, 3ᒥᓇ ᐸᑭᑎᓈᓱᐃᐧᐣ ᐃᐧ ᐸᑭᑎᓇᒪᐋᐧᔦᑯ ᑳ ᑎᐯᔨᐦᒋᑫᐟ ᐃᐢᑯᑌᐤ ᐅᐦᒋ, ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᑭᑎᓂᑫᐃᐧᐣ ᑭᑕ ᑎᐱᑐᑕᒣᐠ ᑭᐦᒋᐃᑌᐧᐃᐧᐣ, ᐊᐦᐳ ᑌᐯᔨᒧᐃᐧ ᐸᑭᑎᓈᓱᐃᐧᐣ, ᐊᐦᐳ ᑳ ᐅᔭᑭᑌᑭ ᑭ ᐃᐧᐦᑯᐦᑐᐃᐧᓂᐋᐧᐊᐧ, ᑭᑕ ᐃᐧᑭᒫᓴᒪᐋᐧᔦᐠ ᑳ ᑎᐯᔨᐦᒋᑫᐟ, ᒧᐢᑐᓴᐧᐠ ᐅᐦᒋ ᐊᐦᐳ ᒫᔭᑎᐦᑲᐧᐠ ᐅᐦᒋ; 4ᐁᑲᐧ ᐊᓇ ᑳ ᐸᑭᑎᓇᕽ ᐅ ᐸᑭᑎᓂᑫᐃᐧᐣ ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᓂᐢᑐ ᑭᐦᒋᒥᓂᑳᐧᑲᐣ ᒥᓇ ᐋᐱᑕᐤ ᐁ ᒥᔪᓯᔨᐟ ᐸᐦᑫᐧᓯᑲᓇ ᐁ ᐊᓯᑎᓂᑳᑌᐠ ᓂᓱ ᒥᓂᑳᐧᑲᐣ ᒥᓇ ᐋᐱᑕᐤ ᐱᒥ; 5ᒥᓇ ᓱᒥᓈᐳ ᐁᐊᐧᑯ, ᒥᓂᐦᑫᐧᐃᐧ ᐸᑭᑎᓈᓱᐃᐧᐣ, ᓂᓱ ᒥᓂᑳᐧᑲᐣ ᒥᓇ ᐋᐱᑕᐤ, ᐁᐊᐧᑯᓂ ᑭ ᑲ ᑲᐧᔮᒋᐦᑖᐣ ᑭᑭ ᐊᓂᒪ ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᑭᑎᓂᑫᐃᐧᐣ ᐯᔭᐠ ᒫᔭᑎᐦᑯᓯᐢ ᐅᐦᒋ. 6ᐊᐦᐳ ᔮᐯᒫᔭᑎᕽ ᐅᐦᒋ ᑭ ᑲ ᑲᐧᔮᒋᑕᐣ ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᓂᑯᑖᐧᓯᐠ ᑭᐦᒋᒥᓂᑳᐧᑲᐣ ᐁ ᒥᔪᓯᐟ ᐸᐦᑫᐧᓯᑲᐣ ᐁ ᐊᓯᑎᓂᑳᑌᐠ ᓂᐢᑐ ᒥᓂᑳᐧᑲᐣ ᐱᒥ. 7ᐁᑯᓯ ᐃᐧᔭ ᒥᓂᐦᑫᐧᐃᐧ ᐸᑭᑎᓇᓱᐃᐧᐣ ᑭ ᑲ ᐸᑭᑎᓀᐣ ᓂᐢᑐ ᒥᓂᑳᐧᑲᐣ ᓱᒥᓈᐳ ᑭᑕ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ. 8ᑭᐢᐱᐣ ᒫᑲ ᐁ ᑲᐧᔮᒋᐊᐟ ᔮᐯᒧᐢᑐᐢ ᒪᒍᐢᑌᐊᒪᑫᐃᐧᐣ ᐅᐦᒋ, ᐊᐦᐳ ᐸᑭᑎᓈᓱᐃᐧᐣ ᑭᑕ ᑎᐱᑐᑕᒪᐣ ᑭᐦᒋ ᐃᑌᐧᐃᐧᐣ, ᐊᐦᐳ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐁ ᐸᑭᑎᓇᒪᐊᐧᐠ ᑳ ᑎᐯᔨᐦᒋᑫᐟ. 9ᐁᑲᐧ ᑭᑕ ᐸᑭᑎᓇᒼ ᑭᑭ ᐊᓂᐦᐃ ᔮᐯᒧᐢᑐᓴᐧ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᒥᑖᑕᐦᐟ ᑭᐦᒋᒥᓂᑲᐧᑲᐣ ᐁ ᒥᔪᓯᐟ ᐸᐦᑫᐧᓯᑲᐣ ᐁ ᐊᓯᑎᓂᑳᑌᐠ ᓂᔮᓇᐣ ᒥᓂᑳᐧᑲᐣ ᐱᒥ. 10ᐁᑯᓯ ᒫᑲ ᑭ ᑲ ᐸᑭᑎᓀᐣ ᒥᓂᐦᑫᐧᐃᐧ ᐸᑭᑎᓇᓱᐃᐧᐣ ᓂᔮᓇᐣ ᒥᓂᑳᐧᑲᐣ ᓱᒥᓈᐳ, ᐁᐊᐧᑯ ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓇᒪᐣ, ᐁ ᐃᐧᑭᒫᓴᒪᐦᐟ ᑳ ᑎᐯᔨᐦᒋᑫᐟ. 11ᐁᑯᓯ ᒫᑲ ᑫ ᑐᑖᐦᐟ ᐯᔭᐠ ᔭᐯᒧᐢᑐᐢ, ᐊᐦᐳ ᐯᔭᐠ ᔮᐯᒫᔭᑎᕽ, ᐊᐦᐳ ᐯᔭᐠ ᔮᐯᒫᔭᑎᑯᓯᐢ, ᐊᐦᐳ ᐯᔭᐠ ᐋᐧᐸᑎᑯᓯᐢ. 12ᐱᑯ ᑫ ᐃᐦᑕᓯᒋᐠ ᑫ ᑲᐧᔮᒋᐋᔦᑯᐠ, ᐁᑯᓯ ᑫ ᐃᑐᑕᐋᔦᑯᐠ ᑲᐦᑭᔭᐤ ᐱᑯ ᑫ ᐃᐦᑕᓯᒋᐠ. 13ᑲᐦᑭᔭᐤ ᑭᐟ ᐊᐢᑭᐋᐧᕽ ᑳ ᓂᐦᑖᐃᐧᑭᒋᐠ ᐅᐦᐃ ᑭᑕ ᐃᑐᑕᒪᐧᐠ ᐅᒪ ᑳ ᐃᓯ ᐃᐧᐦᑕᒥᕽ, ᐸᑭᑎᓈᓱᐃᐧᐣ ᐁ ᐸᑭᑎᓂᑳᑌᐠ ᐃᐢᑯᑌᐤ ᐅᐦᒋ, ᐁ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ. 14ᑭᐢᐱᐣ ᒫᑲ ᒪᓂᑌᐤ ᐃᐧᒋᐊᔮᒥᑯᔦᑯ, ᐊᐦᐳ ᐱᑯ ᐊᐃᐧᔭᐠ ᐃᐧᒋᐊᔮᒥᑯᔦᑯ ᐁ ᐊᑎ ᐊᔮᓂᐢᑫᐱᒪᑎᓯᔦᐠ, ᐃᐧ ᐸᑭᑎᓇᑭ ᒫᑲ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ, ᑭᑕ ᐃᐧᑭᒫᓴᒪᐋᐧᐟ ᑳ ᑎᐯᔨᐦᒋᑫᔨᐟ; ᑭᔭᐋᐧᐤ ᑳ ᐃᑐᑕᒣᐠ ᐁᑯᓯ ᐃᐧᐢᑕ ᑫ ᐃᑐᑕᕽ. 15ᒫᐊᐧᒋᐦᐃᑐᐃᐧᐣ ᐅᐦᒋ ᑭᑕ ᐯᔭᑲᐧᐣ ᐃᓯᐦᒋᑫᐃᐧᐣ ᑭᔭᐋᐧᐤ ᑭᑕ ᐱᒥᑎᓴᐦᐊᒣᐠ ᒥᓇ ᒫᓂᑌᐤ ᑳ ᐃᐧᒋᐊᔮᒥᑯᔦᐠ, ᑳᑭᑫ ᑲᑫᐢᑫᐧᐃᐧᐣ ᐃᔨᑯᕽ ᐁ ᐊᑎ ᐋᔮᓂᐢᑫ ᐱᒫᑎᓯᔦᐠ; ᑳ ᐃᓯ ᐊᔮᔦᐠ ᐁᑯᓯ ᒥᓇ ᒫᓂᑌᐤ ᑫ ᐃᓯ ᐊᔮᐟ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 16#ᓬᐃᐱᑎᑲᐢ 24:22ᐯᔭᐠ ᐅᔭᓱᐁᐧᐃᐧᐣ ᒥᓇ ᐯᔭᐠ ᐃᓯᑖᐃᐧᐣ ᑭ ᑲ ᐊᔮᓇᐋᐤ ᑭᔭᐋᐧᐤ ᒥᓇ ᐊᓇ ᒫᓂᑌᐤ ᑳ ᐃᐧᒋᐊᔮᒥᑯᔦᐠ.
17ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑖᐟ, 18ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᒥᓯ ᒫᑲ ᐃᓯᐠ, ᐃᐢᐱ ᐅᑎᑕᒣᑯ ᐊᓂᒪ ᐊᐢᑭ ᐃᑌ ᑳ ᐃᑐᑕᐃᑕᑯᐠ, 19ᐁᑲᐧ ᑭᑕ ᐃᐦᑭᐣ ᐃᐢᐱ ᒧᐋᐧᔦᐠ ᐸᐦᑫᐧᓯᑲᐣ ᐁᑯᑕ ᐊᐢᑭᕽ, ᐅᐦᐱᓈᓱᐃᐧᐣ ᑭ ᑲ ᐸᑭᑎᓇᒪᐋᐧᐊᐧᐤ ᑳ ᑎᐯᔨᐦᒋᑫᐟ. 20ᓂᐢᑕᒼ ᑭ ᐸᐦᑫᐧᓯᑲᓂᒥᐋᐧᐤ ᐅᐦᒋ ᑭ ᑲ ᐸᑭᑎᓂᑳᓈᐋᐧᐤ ᓇᐸᑭᑲᓯᑲᐣ ᐁᐊᐧᑯ ᐅᐦᐱᓈᓱᐃᐧ ᐸᑭᑎᓈᓱᐃᐧᐣ; ᑖᐱᐢᑯᐨ ᑳ ᐃᑐᑕᒣᐠ ᐅᐦᐱᓈᓱᐃᐧᐣ ᐸᐊᐧᐃᑫᐃᐧᑲᒥᑯᕽ ᐅᐦᒋ ᐁᑯᓯ ᑫ ᐃᓯ ᐅᐦᐱᓈᓱᔦᐠ. 21ᓂᐢᑕᒼ ᐊᓇ ᑭ ᐸᑫᐧᓯᑲᓂᒥᐋᐧᐤ ᑭ ᑲ ᒥᔮᐋᐧᐤ ᑳ ᑎᐯᔨᐦᒋᑫᐟ ᐅᐦᐱᓈᓱᐃᐧᐣ ᐁ ᐊᑎ ᐋᔭᓂᐢᑫᐱᒫᑎᓯᔦᐠ.
22ᑭᐢᐱᐣ ᒫᑲ ᐊᐧᓂᑐᑕᒣᑯ, ᐁᑳ ᒫᑲ ᓈᑲᑌᔨᑕᒣᑯ ᑲᐦᑭᔭᐤ ᐅᐦᐃ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᐧᐦᑕᒪᐋᐧᐟ ᒧᓯᓴ, 23ᑲᐦᑭᔭᐤ ᐅᑎ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ ᒧᓯᐢ ᐅᐦᒋ, ᐊᓂᒪ ᐁ ᑭᓯᑳᐠ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ, ᒥᓇ ᓂᑳᐣ ᐊᑎ ᐋᔮᓂᐢᑫᐱᒫᑎᓯᔦᑯ. 24ᐁᑲᐧ ᑭᑕ ᐃᐦᑭᐣ, ᑭᐢᐱᐣ ᓈᐣᑕᐤ ᐃᑐᑕᒣᑯ ᐊᐧᓀᔨᑕᒧᐃᐧᓂᕽ, ᐁᑳ ᐁ ᑭᐢᑫᔨᑕᐦᑭᐠ ᑳ ᒫᒪᐁᐧᔭᑎᒋᐠ, ᐁᑲᐧ ᑳ ᒫᒪᐁᐧᔭᑎᒋᐠ ᑭᑕ ᐸᑭᑎᓂᑫᐊᐧᐠ ᐯᔭᐠ ᐊᐢᑭ ᔮᐯᒧᐢᑐᓴᐧ ᐁᐊᐧᑯ ᒪᒍᐢᑌᐦᐊᒫᑫᐃᐧᐣ, ᑭᑕ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ, ᐊᓯᒋ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ ᑳ ᑭᑭᐸᔨᐠ, ᐁ ᐃᓯ ᐅᔭᑭᑌᐠ, ᐁᑯᓯ ᐯᔭᐠ ᔮᐯᐋᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 25ᐁᑯᓯ ᐊᔭᒥᐦᐁᐃᐧᔨᓂᐤ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐳᓀᔨᑕᒪᐋᐧᐊᐧᐠ ᒫᑲ; ᒋᑫᒫ ᐁ ᐸᑯᓇᐋᐧᓯᕽ, ᐁᑯᓯ ᑭ ᐯᑖᐊᐧᐠ ᐅ ᐸᑭᑎᓂᑫᐃᐧᓂᐋᐧᐤ, ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓇᒫᐦ ᑳ ᑎᐯᔨᐦᒋᑫᐟ, ᒥᓇ ᐅ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᓂᐋᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐅ ᐊᐧᓂᑐᑕᒧᐃᐧᓂᐋᐧᐤ ᐅᐦᒋ. 26ᐁᑯᓯ ᑲᐦᑭᔭᐤ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐳᓀᔨᑕᒪᐋᐧᐊᐧᐠ, ᒥᓇ ᐊᓂᐦᐃ ᒫᓂᑌᐊᐧ ᑳ ᐃᐧᒋᐊᔮᒥᑯᒋᐠ; ᒋᑫᒫ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᑐᑕᒪᐧᐠ ᐁ ᐸᑲᐧᓇᐋᓯᒋᐠ.
27 #
ᓬᐃᐱᑎᑲᐢ 4:27-31
ᑭᐢᐱᐣ ᒫᑲ ᐯᔭᐠ ᐊᔨᓯᔨᓂᐤ ᒪᒋᑐᑕᑭ ᐁ ᐸᑲᐧᓇᐋᐧᓯᐟ, ᑭᑕ ᐸᑭᑎᓀᐤ ᓄᓭᐋᐧᐸᑎᑲᐧ ᐁ ᐊᑎ ᐯᔭᑯᐱᐳᓀᐧᔨᐟ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 28ᐊᔭᒥᐦᐁᐃᐧᔨᓂᐤ ᒫᑲ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᐊᓂᐦᐃ ᐊᐦᒑᐦᑲᐧ ᑳ ᐊᐧᓂᑐᑕᒥᔨᐟ, ᐊᐧᓀᔨᑕᒧᐃᐧᐣ ᐅᐦᒋ ᐁ ᒪᒋᑐᑕᕽ, ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐊᐧᐟ; ᐁᑯᓯ ᑭᑕ ᐳᓀᔨᑕᒪᐋᐤ. 29ᑭᑕ ᐯᔭᑲᐧᐣ ᑫ ᐃᑕᓱᐋᑖᔦᐠ ᐊᓇ ᑳ ᒪᒋᑐᑕᕽ ᐊᐧᓀᔨᑕᒧᐃᐧᓂᕽ, ᐊᓇ ᑳ ᐃᐧᒋᓂᑖᐃᐧᑭᒫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐊᓂᐦᐃ ᒫᓂᑌᐊᐧ ᑳ ᐃᐧᒋᐊᔮᒥᑯᒋᐠ.
30ᒫᑲ ᐊᓇ ᐊᐦᒑᕽ ᐅᐦᒋᑕᐤ ᑳ ᐊᐧᓂᑐᑕᕽ ᑭᐢᐱᐣ ᑭᐟ ᐊᐢᑭᐋᐧᕽ ᑳ ᓂᐦᑖᐃᐧᑭᑫᐧ ᐊᐦᐳ ᒫᓂᑌᐤ, ᐁᐊᐧᑯ ᐱᐃᐧᑭᓵᐧᑌᐤ ᑳ ᑎᐯᔨᐦᒋᑫᔨᐟ; ᐁᑯᓯ ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ. 31ᒋᑫᒫ ᐁ ᑭ ᐋᑕᐁᐧᔨᑕᒫᐧᐟ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᐁ ᑭ ᐱᑯᓇᒫᐧᐟ ᐅᐟ ᐃᑕᓱᐁᐧᐃᐧᓂᔨᐤ; ᐁᐊᐧᑯ ᐊᐦᒑᕽ ᒥᑐᓂ ᑭᑕ ᑭᐢᑭᐁᐧᐸᐊᐤ ᐅ ᐊᐧᓂᑐᑕᒧᐃᐧᐣ ᑭᑕ ᑭᑭᐢᑳᐠ.
32ᒣᑳᐧᐨ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐱᑲᐧᑕᐢᑭᕽ ᐁ ᐊᔮᒋᐠ, ᑭ ᒣᑲᐧᐢᑲᐁᐧᐊᐧᐠ ᓈᐯᐊᐧ ᐁ ᒧᓴᑭᓇᒥᔨᐟ ᒥᐢᑎᑲᐧ ᐁ ᐊᔦᐧᐱᐃᐧᑭᓯᑳᐠ. 33ᐊᓂᑭ ᒫᑲ ᑳ ᒣᑳᐧᐢᑲᐋᐧᒋᐠ ᐁ ᒧᓴᑭᓇᒥᔨᐟ ᒥᐢᑎᑲᐧ ᑭ ᐯ ᐃᑐᐦᑕᐦᐁᐊᐧᐠ ᐃᑕ ᐁ ᐊᔮᔨᐟ ᒧᓯᓴ ᒥᓇ ᐁᕒᐊᓇ ᒥᓇ ᑲᐦᑭᔭᐤ ᑳ ᒫᒪᐁᐧᔭᑎᔨᐟ. 34ᑭ ᑭᐸᐁᐧᐊᐧᐠ ᒫᑲ, ᒋᑫᒫ ᓇᒣᐢᑲᐧ ᐃᐧᒋᑳᑌᐤ ᑖᓂᓯ ᑭᑕ ᐃᑐᑖᐦᐟ. 35ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐊᓇ ᐊᔨᓯᔨᓂᐤ ᑫᐦᒋᓈ ᑭᑕ ᓂᐸᐦᐋᐤ; ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᑭᑕ ᐱᒫᐧᐱᐢᑲᐁᐧᐊᐧᐠ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ. 36ᐁᑯᓯ ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᐊᐧᔭᐃᐧᑎᒥᕽ ᑲᐯᓯᐃᐧᓂᕽ ᑭ ᐃᑐᐦᑕᐦᐁᐊᐧᐠ, ᒥᓇ ᑭ ᐱᒫᐧᐱᐢᑲᐁᐧᐊᐧᐠ ᐊᓯᓂᔭ ᐅᐦᒋ, ᐁᑯᓯ ᑭ ᓂᐱᐤ; ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ.
37ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐠ, 38#ᑎᔪᑕᕒᐊᓇᒥ 22:12ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐃᐧᐦᑕᒪᐃᐧᐠ ᑭᑕ ᐃᓯᑖᒋᐠ ᐅᐢᑯᑖᑳᐋᐧᐊᐧ ᑭᑕ ᔨᐁᐧᔮᔨᐠ ᐋᐧᐢᑳ ᑲᑭᑫ ᐊᑎ ᐋᔮᓂᐢᑫ ᐱᒫᑎᓯᑖᐧᐃᐧ ᐁᑯᓯ ᔨᐁᐧᐅᒋᑲᓂᕽ ᑭᑕ ᐊᐢᑖᒋᐠ ᒋᐯᑕᑫᐧᔮᐱᐢ. 39ᐁᑯᓯ ᑭ ᑲ ᐅ ᔨᐁᐧᐅᒋᑲᓂᓈᐋᐧᐤ, ᑭᑕ ᑲᓇᐋᐧᐸᐦᑕᒣᐠ, ᒥᓇ ᑭᑕ ᑲᓄᑭᐢᑭᓯᔦᐠ ᑲᐦᑭᔭᐤ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ, ᒥᓇ ᑭᑕ ᐃᑐᑕᒣᐠ; ᐁᑯᓯ ᐁᑳ ᑭᑕ ᐱᒥᑎᓴᐦᐊᒣᐠ ᑭᔭᐋᐧᐤ ᑭᑌᐦᐃᐋᐧᐊᐧ ᒥᓇ ᑭᔭᐋᐧᐤ ᑭᐢᑭᓯᑯᐋᐧᐊᐧ, ᐊᓂᐦᐃ ᑳ ᑭ ᐱᓯᑳᐧᑎᓯᐢᑕᒣᐠ; 40ᑭᑕ ᑲᓄᑭᐢᑭᓯᔦᐠ ᒥᓇ ᑭᑕ ᐃᑐᑕᒣᐠ ᑲᐦᑭᔭᐤ ᓂᐟ ᐃᑕᓱᐁᐧᐃᐧᓇ, ᒥᓇ ᑭᑕ ᑲᓈᑎᓯᐢᑕᐋᐧᔦᐠ ᑭ ᑭᓭᒪᓂᑐᒥᐋᐧᐤ. 41ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐤ, ᑳ ᑭ ᐯ ᐊᐧᔭᐃᐧᑕᐦᐃᑕᑯᐠ ᐃᒋᑊᐟ ᐊᐢᑭᕽ ᐅᐦᒋ, ᓂᔭ ᑭᑕ ᐅ ᑭᓭᒪᓂᑐᒥᔦᐠ; ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.