ᓇᒼᐸᕒᐢ 14
14
1ᑲᐦᑭᔭᐤ ᒫᑲ ᑳ ᒫᒪᐁᐧᔭᑎᒋᐠ ᑭ ᔭᑲᑖᒧᐊᐧᐠ ᐁ ᒪᐃᐧᒧᑫᒋᐠ; ᒥᓇ ᐊᔨᓯᔨᓂᐊᐧᐠ ᑭ ᒫᑐᐊᐧᐠ ᐁᐊᐧᑯ ᐁ ᑎᐱᐢᑳᐠ. 2ᑲᐦᑭᔭᐤ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒫᔨᐃᑌᐊᐧᐠ ᒧᓯᓴ ᒥᓇ ᐁᕒᐊᓇ ᑲᐦᑭᔭᐤ ᒫᑲ ᑳ ᒫᒪᐁᐧᔭᑎᒋᐠ ᑭ ᐃᑌᐊᐧᐠ, ᐱᑕᓀ ᑭᓭᒪᓂᑐ ᑭ ᐃᑌᔨᑕᒧᑯᐸᓀ ᑭᑕ ᓂᐱᐋᐧᔮᕽ ᐃᒋᑊᐟ ᐊᐢᑭᕽ! ᐊᐦᐳ ᐱᑕᓀ ᑭ ᐃᑌᔨᑕᕽ ᑭᓭᒪᓂᑐ ᑭᑕ ᓂᐱᔮᕽ ᐅᑕ ᐱᑲᐧᑕᐢᑭᕽ! 3ᑫᑲᐧᐩ ᐅᐦᒋ ᑳ ᑎᐯᔨᐦᒋᑫᐟ ᑳ ᐃᑐᑕᐃᑯᔮᕽ ᐅᑕ ᐊᐢᑭᕽ, ᐃᓴᐁᐧᐢᐠ ᑭᑕ ᐅᐦᒋ ᐸᐦᑭᓯᓂᔮᕽ, ᓂᐃᐧᐃᐧᓈᓇᐠ ᒥᓇ ᓂᐟ ᐊᐋᐧᓯᒥᓯᓈᓇᐠ ᑭᑕ ᒪᓇᐊᐧᑳᑎᒋᐠ; ᓇᒪ ᒋ ᓇᐊᐧᐨ ᑭᑕ ᒥᔮᐧᓯᐣ ᑭᑕ ᑭᐁᐧᔭᕽ ᐃᒋᑊᐟ ᐊᐢᑭᕽ? 4ᑭ ᐊᔨᑎᑐᐊᐧᐠ ᒫᑲ, ᑭᔮᒼ ᐅᓯᐦᐋᑖᐠ ᑭᑕ ᐅᑭᒫᒥᔭᕽ ᐁᑯᓯ ᑭᐁᐧᑖᐠ ᐃᒋᑊᑎᕽ. 5ᐁᑲᐧ ᒧᓯᐢ ᒥᓇ ᐁᕒᐊᐣ ᑭ ᐸᑕᐱᐸᔨᐦᐅᐊᐧᐠ ᐁ ᑲᓇᐋᐧᐸᒥᑯᒋᐠ ᐁ ᒫᐊᐧᒋᐦᐃᑐᔨᐟ ᑳ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
6ᒑᐢᔪᐊ ᒫᑲ ᐅᑯᓯᓴ ᓇᐣ ᒥᓇ ᑫᓬᐃᑊ ᐅᑯᓯᓴ ᒉᐸᓂ, ᑳ ᑭ ᐃᐧᒉᐋᐧᒋᐠ ᐊᓂᐦᐃ ᑳ ᑭ ᓇᑕᐋᐧᑖᔨᐟ ᐊᐢᑭ, ᑭ ᔮᔨᑭᐱᑕᒪᐧᐠ ᐅ ᑭᑭᐢᑳᒋᑲᓂᐋᐧᐊᐧ. 7ᑭ ᑭᑐᑌᐊᐧᐠ ᒫᑲ ᑲᐦᑭᔭᐤ ᑳ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁ ᐃᑌᐧᒋᐠ, ᐊᓂᒪ ᐊᐢᑭ ᑳ ᑭ ᓵᐳᐢᑲᒫᕽ ᐁ ᓇᑕᐋᐧᑖᔮᕽ, ᒥᐢᑕᐦᐃ ᒥᔮᐧᓯᐣ ᐊᐢᑭ. 8ᑭᐢᐱᐣ ᑳ ᑎᐯᔨᐦᒋᑫᐟ ᑭ ᒥᔦᐧᔨᒥᑯᓇᐤ, ᑭ ᑲ ᑭ ᐃᑐᑕᐃᑯᓇᐤ ᐁᑯᑕ ᐊᐢᑭᕽ, ᒥᓇ ᑭ ᑲ ᒥᔨᑯᓇᐤ ᐊᐢᑭ ᑳ ᐱᒥᒋᐊᐧᕽ ᑐᑐᓴᐳ ᒥᓇ ᐋᒧᓯᓯᐸᐢᑲᐧᐟ. 9#ᐦᐃᐸᕒᐅᐊᐧ 3:16ᐱᑯ ᐁᑳᐃᐧᔭ ᐋᑕᐁᐧᔨᒥᕽ ᑳ ᑎᐯᔨᐦᒋᑫᐟ, ᒥᓇ ᐁᑳᐃᐧᔭ ᑯᐢᑎᑯᐠ ᐊᔨᓯᔨᓂᐊᐧᐠ ᐁᑯᑕ ᑳ ᐅᐟ ᐊᐢᑭᒋᐠ; ᒋᑫᒫ ᐁᐊᐧᑯᓂᐠ ᑭ ᒧᐋᐧᑲᓂᓇᐊᐧᐠ; ᐅ ᓇᐢᑲᐧᐢᑕᒫᓱᐃᐧᓂᐋᐧᐤ ᓇᑲᑎᑲᐧᐠ, ᒥᓇ ᑳ ᑎᐯᔨᐦᒋᑫᐟ ᑭ ᐃᐧᒉᐃᐧᑯᓇᐤ; ᐁᑳᐃᐧᔭ ᑯᐢᑎᑯᐠ. 10ᒫᑲ ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᑭ ᓯᑭᑫᒧᐊᐧᐠ ᑭᑕ ᐱᒫᐧᐱᐢᑲᐅᒥᐦᐟ. ᐁᑲᐧ ᒫᑲ ᐅ ᒪᓂᑐ ᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᑲᐧᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
11ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᑖᓂᔨᑯᕽ ᐅᑭ ᐊᔨᓯᔨᓂᐊᐧᐠ ᑫ ᐋᑕᐁᐧᔨᒥᒋᐠ? ᒥᓇ ᑖᓂᔨᑯᕽ ᐁᑳ ᑫ ᑖᐯᐧᑕᐃᐧᒋᐠ, ᐋᑕ ᑕᐦᑐ ᐋᐧᐸᐦᑕᐦᐃᐁᐧᐃᐧᓇ ᑳ ᑭ ᐃᓯ ᐋᐧᐸᐦᑕᐊᑭᐠ? 12ᓂ ᑲ ᐸᑲᒪᐋᐧᐊᐧᐠ ᐋᔨᒫᐢᐱᓀᐃᐧᐣ ᐅᐦᒋ, ᒥᓇ ᓂ ᑲ ᐁᐧᐱᓈᐊᐧᐠ, ᐁᑯᓯ ᑭᔭ ᐅᐦᒋ ᓂ ᑲ ᐅᓯᐦᐋᐊᐧᐠ ᐁ ᐱᐢᑭᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᐊᔨᐋᐧᐠ ᐁ ᑭᐦᒑᔨᐃᐧᒋᐠ ᒥᓇ ᐁ ᒪᐢᑲᐃᐧᓯᒋᐠ ᐃᔨᑯᕽ ᐃᐧᔭᐋᐧᐤ.
13 #
ᐁᐠᓴᑕᐢ 32:11-14
ᒧᓯᐢ ᒫᑲ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᐁᑲᐧ ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᐯᐦᑕᒪᐧᐠ; ᒋᑫᒫ ᑭ ᑭ ᐯ ᐊᐧᔭᐃᐧᑕᐦᐋᐊᐧᐠ ᐅᑭ ᐊᔨᓯᔨᓂᐊᐧᐠ ᑭ ᓱᑳᔭᐃᐧᓯᐃᐧᓂᕽ ᐃᑕ ᐁ ᐊᔮᒋᐠ ᐅᐦᒋ. 14ᐁᑯᓯ ᑭᑕ ᐋᒋᒧᐢᑕᐁᐧᐊᐧᐠ ᑳ ᐅᐟ ᐃᐦᑖᐃᐧᓂᔨᐟ ᐅᑕ ᐊᐢᑭᕽ; ᒋᑫᒫ ᑭ ᐯᐦᑕᒪᐧᐠ ᑭᔭ ᑳ ᑎᐯᔨᐦᒋᑫᔭᐣ ᐁ ᐃᐧᒉᐊᐧᒋᐠ ᐅᑭ ᐊᔨᓯᔨᓂᐊᐧᐠ ᒥᓇ ᑭᔭ ᑌᐯᔨᐦᒋᑫᔭᐣ ᒧᓯᐢ ᐁ ᐋᐧᐸᒥᑲᐃᐧᔭᐣ, ᒥᓇ ᑭᔭ ᑭ ᐊᐧᐢᑯᒼ ᐁ ᐊᑲᐧᓇᐅᑯᒋᐠ, ᒥᓇ ᐁ ᓂᑳᓄᑕᐊᐧᒋᐠ ᐁ ᒣᑳᐧ ᑭᓯᑳᐠ ᐁ ᓴᒪᑕᐢᑯᐊᐧᕽ ᐅᐦᒋ, ᒥᓇ ᐁ ᓴᒪᑕᑯᔦᐠ ᐃᐢᑯᑌᐤ ᐁ ᒣᑳᐧ ᑎᐱᐢᑳᐠ.
15ᐁᑲᐧ ᒫᑲ ᑭᐢᐱᐣ ᓂᐸᐊᑖᐧᐃᐧ ᐅᑭ ᐊᔨᓯᔨᓂᐊᐧᐠ ᑖᐱᐢᑯᐨ ᐯᔭᐠ ᐊᔨᓯᔨᓂᐤ, ᐊᓂᑭ ᐊᔨᓯᔨᓂᐊᐧᐠ ᑳ ᑭ ᐯᐦᑕᐦᑭᐠ ᐁ ᐋᒋᒥᑲᐃᐧᔭᐣ ᑭᑕ ᐃᑌᐧᐊᐧᐠ, 16ᒋᑫᒫ ᑳ ᑎᐯᔨᐦᒋᑫᐟ ᐁᑳ ᐁ ᑲᐢᑭᑖᐟ ᑭᑖ ᐃᑐᐦᑕᐦᐋᐟ ᐅᐦᐃ ᐊᔨᓯᔨᓂᐊᐧ ᐊᐢᑭᕽ ᑳ ᑭ ᑭᐦᒋᐃᑌᐧᐟ ᑭᑕ ᒥᔮᐟ, ᐁᐊᐧᑯ ᐅᐦᒋ ᑳ ᑭ ᓂᐸᐦᐋᐟ ᐱᑲᐧᑕᐢᑭᕽ. 17ᐁᑲᐧ ᒫᑲ ᑭᐟ ᐃᓯ ᑳᑭᓯᒧᑐᑖᑎᐣ, ᑭᔮᒼ ᐅ ᑲᐢᑭᐦᐁᐃᐧᓯᐃᐧᐣ ᑳ ᑎᐯᔨᐦᒋᑫᐟ ᑭᑕ ᒥᓵᔨᐤ, ᒣᐧᐦᒋ ᑳ ᑭ ᐃᓯ ᐱᑭᐢᑫᐧᔭᐣ, ᐁ ᐃᑌᐧᔭᐣ, 18#ᐁᐠᓴᑕᐢ 20:5,6; 34:6,7; ᑎᔪᑕᕒᐊᓇᒥ 5:9,10; 7:9,10ᑳ ᑎᐯᔨᐦᒋᑫᐟ ᓴᓯᐯᔨᐦᒋᑫᐤ, ᒥᓇ ᐁᐧᔪᑎᓯᐤ ᑭᓭᐋᐧᑎᓯᐃᐧᐣ, ᐁ ᐳᓀᔨᑕᒫᑫᐟ ᒪᒋᐃᑎᐃᐧᐣ ᒥᓇ ᐊᐧᓂᑐᑕᒧᐃᐧᐣ, ᒫᑲ ᐁᑳ ᓈᐣᑕᐤ ᐃᓯ ᑫ ᐁᐧᐯᔨᑕᒪᐋᐧᐟ ᑳ ᒪᒋᑐᑕᒥᔨᐟ; ᐁ ᐅᑎᐦᑎᑯᔨᐟ ᐊᐋᐧᓯᓴ ᐅᑖᐃᐧᐋᐧᐊᐧ ᐅ ᒪᒋᑐᑕᒧᐃᐧᓂᔨᐊᐧ, ᐱᔨᐢ ᓂᐢᑐ ᒥᓇ ᐱᔨᐢ ᓀᐤ ᐁ ᐋᔮᓂᐢᑫ ᐱᒫᑎᓯᔨᐟ. 19ᐳᓀᔨᑕ, ᑭ ᐸᑯᓭᔨᒥᑎᐣ, ᐅ ᐊᐧᓂᑐᑕᒧᐃᐧᓂᐋᐧᐤ ᐅᑭ ᐊᔨᓯᔨᓂᐊᐧᐠ ᑳ ᐃᓯ ᒥᓵᐠ ᑭ ᑭᓭᐋᐧᑎᓯᐃᐧᐣ, ᒥᓇ ᑳ ᑭ ᐃᓯ ᐳᓀᔨᑕᒪᐊᐧᒋᐠ ᐅᑭ ᐊᔨᓯᔨᓂᐊᐧᐠ, ᐃᒋᑊᑎᕽ ᐅᐦᒋ ᐱᔨᐢ ᐊᓄᐦᐨ.
20ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᓂ ᑭ ᐳᓀᔨᑕᒪᐋᐧᐊᐧᐠ ᒣᐧᐦᒋ ᑳ ᐃᑌᐧᔭᐣ. 21#ᐦᐃᐸᕒᐅᐊᐧ 3:18ᒫᑲ ᑫᐦᒋᓈ ᐁ ᐃᓯ ᐱᒫᑎᓯᔮᐣ ᒥᓇ ᑫ ᐃᓯ ᒧᐢᑭᓀᐠ ᒥᓯᐁᐧ ᐊᐢᑭ ᐅ ᑭᐢᑌᔨᑖᑯᓯᐃᐧᐣ ᑳ ᑎᐯᔨᐦᒋᑫᐟ; 22ᒋᑫᒫ ᑲᐦᑭᔭᐤ ᐅᑭ ᐊᔨᓯᔨᓂᐊᐧᐠ ᑳ ᑭ ᐋᐧᐸᐦᑕᐦᑭᐠ ᓂ ᑭᐢᑌᔨᑖᑯᓯᐃᐧᐣ, ᒥᓇ ᓂ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ, ᑳ ᑭ ᐊᔨᑐᑕᒫᐣ ᐃᒋᑊᑎᕽ ᒥᓇ ᐱᑲᐧᑕᐢᑭᕽ, ᐁᔨᐁᐧᕽ ᒫᑲ ᑳ ᑯᑌᔨᒥᒋᐠ ᐁᑲᐧ ᒥᑖᑕᐦᑖᐧᐤ, ᒥᓇ ᐁᑳ ᐁ ᓇᑐᐦᑕᐦᑭᐠ ᓂᐟ ᐃᑌᐧᐃᐧᐣ; 23ᑫᐦᒋᓈ ᓇᒪᐃᐧᔭ ᑭᑕ ᐋᐧᐸᐦᑕᒪᐧᐠ ᐊᓂᒪ ᐊᐢᑭ ᑳ ᑭ ᑭᐦᒋ ᐊᓱᑕᒫᒪᐠ ᐅᑖᐃᐧᐋᐧᐊᐧ, ᒥᓇ ᑕᐦᑐ ᐊᓂᑭ ᑳ ᑭ ᐋᑕᐁᐧᔨᒥᒋᐠ ᓇᒪᐃᐧᔭ ᑭᑕ ᐋᐧᐸᐦᑕᒪᐧᐠ. 24#ᒑᐢᔪᐊ 14:9-12ᐱᑯ ᓂᐟ ᐊᑐᐢᑫᔮᑲᐣ ᑫᓬᐃᑊ, ᒋᑫᒫ ᑯᑕᑲ ᐊᐦᒑᐦᑲᐧ ᐁ ᑭᑭᐢᑳᑯᐟ, ᒥᓇ ᒥᑐᓂ ᐁ ᑭ ᐱᒥᑎᓴᐅᐟ, ᐁᐊᐧᑯ ᓂ ᑲ ᐯᓯᐋᐧᐤ ᐊᓂᑕ ᐊᐢᑭᕽ ᑳ ᑭ ᐃᑐᐦᑌᐟ; ᐅᐟ ᐊᐊᐧᓯᒥᓴ ᒫᑲ ᑭᑕ ᐊᔮᔨᐊᐧ. 25ᐊᓂᑭ ᒫᑲ ᐊᒫᓬᐃᑲᐃᑕᐠ ᒥᓇ ᑫᓇᓇᐃᑕᐠ ᑭ ᐅᐟ ᐃᐦᑖᐃᐧᓂᐊᐧᐠ ᐋᐧᔮᒪᑎᓈᕽ; ᐋᐧᐸᐦᑭ ᑫᐧᐢᑭᐠ, ᐱᑲᐧᑕᐢᑭᕽ ᐃᑐᐦᑌᐠ ᒋᑭ ᒥᐦᑳᐧᑲᒥᐃᐧ ᐃᐧᓂᐯᑯᕽ.
26ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐁ ᐃᑌᐧᐟ, 27ᑖᓂᔨᑯᕽ ᑫ ᓯᑐᐃᐧᔭᑭᐠ ᐅᑭ ᑳ ᒪᒑᔨᐃᐧᒋᐠ ᐊᔨᓯᔨᓂᐊᐧᐠ, ᑳ ᓇᔦᐦᑖᐃᐧ ᐃᓯᒋᐠ? ᓂ ᑭ ᐯᑕᒫᐧᐣ ᐅ ᓇᔦᐦᑖᐃᐧ ᐃᑌᐧᐃᐧᓂᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑳ ᓇᔦᐦᑖᐃᐧ ᐃᓯᒋᐠ. 28ᐅᒥᓯ ᐃᑎᑯᐠ, ᑫᐦᒋᓈ ᑳ ᐃᓯ ᐱᒫᑎᓯᔮᐣ ᐃᑌᐧᐤ ᑳ ᑎᐯᔨᐦᒋᑫᐟ, ᑳ ᑭ ᐃᓯ ᐱᑭᐢᑫᐧᔦᐠ ᐁ ᐯᑖᑕᑯᐠ ᐁᑯᓯ ᑫ ᐃᑐᑖᑕᑯᐠ. 29#ᐦᐃᐸᕒᐅᐊᐧ 3:17ᐁ ᓂᐳᒪᑲᐦᑭ ᑭᔭᐃᐧᐋᐧᐊᐧ ᑭᑕ ᐸᑭᑎᓇᐧ ᐅᑕ ᐱᑲᐧᑕᐢᑭᕽ; ᐁᑯᓯ ᑲᐦᑭᔭᐤ ᑳ ᑭ ᐊᑭᒥᑲᐃᐧᔦᐠ, ᑲᐦᑭᔭᐤ ᒫᒪᐃᐧ ᑳ ᑭ ᐃᑕᓯᔦᐠ, ᓂᓯᑕᓇᐤ ᐁ ᐃᑕᐦᑐᐱᐳᓀᐧᔦᐠ ᒥᓇ ᐊᔨᐋᐧᐠ, ᑳ ᑭ ᓇᔦᐦᑖᐃᐧ ᐱᑭᐢᑳᐧᓯᔦᐠ, 30ᑫᐦᒋᓈ ᓇᒪᐃᐧᔭ ᑭ ᑲ ᐅᑎᑌᓈᐋᐧᐤ ᐁᐊᐧᑳᐧᓂᒪ ᐊᐢᑭ, ᐊᓂᒪ ᑳ ᑭ ᑭᐦᒋ ᐃᑎᑕᑯᐠ ᑭᑕ ᑭᐢᑕᐱᐃᑕᑯᐠ, ᐱᑯ ᑫᓬᐃᑊ ᐅᑯᓯᓴ ᒉᐸᓂ ᒥᓇ ᒑᐢᔪᐊ ᐅᑯᓯᓴ ᓇᐣ. 31ᒫᑲ ᐃᐧᔭ ᑭᐟ ᐊᐋᐧᓯᒥᓯᐋᐧᐊᐧᐠ ᑭᑕ ᒪᓇᐊᐧᑖᐊᐧᐠ ᑳ ᑭ ᐃᑌᐧᔦᐠ, ᐁᐊᐧᑯᓂᐠ ᐃᐧᔭ ᓂ ᑲ ᐱᑐᑲᐋᐊᐧᐠ, ᐁᑯᓯ ᑭᑕ ᑭᐢᑫᔨᑕᒪᐧᐠ ᐊᓂᒪ ᐊᐢᑭ ᑳ ᑭ ᐋᑕᐁᐧᔨᑕᒣᐠ. 32ᒫᑲ ᐃᐧᔭ ᑭᔭᐋᐧᐤ ᑭᔭᐃᐧᐋᐧᐊᐧ ᐁ ᓂᐳᒪᑲᐦᑭ ᑭᑕ ᐸᐦᑭᑎᓇᐧ ᐅᑕ ᐱᑲᐧᑕᐢᑭᕽ. 33#ᐃᓯᐦᒋᑫᐃᐧᓂᐋᐧᐊᐧ 7:36ᑭᐟ ᐊᐋᐧᓯᒥᓯᐋᐧᐊᐧᐠ ᒫᑲ ᑭᑕ ᐸᐹᒫᒋᐦᐅᐊᐧᐠ ᐱᑲᐧᑕᐢᑭᕽ ᓀᒥᑕᓇᐤ ᑕᐦᑐ ᐱᐳᓇᐧ, ᑭᑕ ᐸᐹᒥᐃᐧᑖᒋᐠ ᑭ ᐱᓯᑳᐧᑎᓯᐃᐧᓂᐋᐧᐊᐧ, ᐱᔨᐢ ᑭᔭᐃᐧᐋᐧᐊᐧ ᑭᑕ ᒣᐦᒋ ᓂᓯᐊᐧᓈᑕᑭ ᐱᑲᐧᑕᐢᑭᕽ. 34ᒣᐧᐦᒋ ᑕᐦᑐ ᑭᓯᑳᐊᐧ ᑳ ᑭ ᓇᑕᐋᐧᑖᔦᐠ ᐊᓂᒪ ᐊᐢᑭ, ᓀᒥᑕᓇᐤ ᑭᓯᑳᐤ ᐅᑎ, ᑕᐦᑐ ᑭᓯᑳᐤ ᐯᔭᐠ ᐊᐢᑭ, ᑭ ᑲ ᓇᔭᑌᓈᐋᐧᐤ ᑭ ᐊᐧᓂᑐᑕᒧᐃᐧᓂᐋᐧᐊᐧ, ᓀᒥᑕᓇᐤ ᐊᐢᑭ ᐅᑎ, ᐁᑯᓯ ᑭ ᑲ ᑭᐢᑫᔨᑌᓈᐋᐧᐤ ᑳ ᐳᒣᐃᔦᐠ. 35ᓂᔭ ᑳ ᑎᐯᔨᐦᒋᑫᔮᐣ ᓂ ᑭ ᐱᑭᐢᑳᐧᐣ, ᑫᐦᒋᓈ ᐁᑯᓯ ᐅᒪ ᑫ ᐃᑐᑕᐊᐧᑭᐠ ᑲᐦᑭᔭᐤ ᐅᑭ ᑳ ᒪᒑᔨᐃᐧᒋᐠ ᑳ ᒫᒪᐁᐧᔭᑎᒋᐠ, ᑳ ᒫᒪᐃᐧ ᒪᐃᐧᓀᐅᒋᐠ; ᐁᑯᑕ ᐅᒪ ᐱᑲᐧᑕᐢᑭᕽ ᑫ ᓂᓯᐊᐧᓈᑎᓯᒋᐠ ᐁᑯᑕ ᒫᑲ ᑫ ᓂᐱᒋᐠ. 36ᐁᑯᓯ ᒫᑲ ᐊᓂᑭ ᓈᐯᐊᐧᐠ ᒧᓯᐢ ᑳ ᑭ ᐃᓯᑎᓴᐦᐅᑯᒋᐠ ᑭᑕ ᓇᑕᐋᐧᑖᒋᐠ ᐊᐢᑭ, ᑳ ᑭ ᐯ ᑭᐁᐧᒋᐠ, ᐁᑯᓯ ᐁ ᒫᔮᑐᑕᑭᐠ ᐊᓂᒪ ᐊᐢᑭ ᑳ ᑭ ᑐᑕᐦᑭᐠ ᑳ ᐅᐦᒋ ᓇᔦᐦᑖᐃᐧ ᐃᑖᔨᐟ ᑲᐦᑭᔭᐤ ᑳ ᒫᒪᐁᐧᔭᑎᒋᐠ, 37ᐊᓂᑭ ᐅᑎ ᐊᔨᓯᔨᓂᐊᐧᐠ ᑳ ᑭ ᐯ ᒫᔮᑐᑕᑭᐠ ᐊᓂᒪ ᐊᐢᑭ, ᑭ ᓂᐱᐊᐧᐠ ᐋᔨᒫᐢᐱᓀᐃᐧᐣ ᐅᐦᒋ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 38ᒫᑲ ᒑᐢᔪᐊ ᐅᑯᓯᓴ ᓇᐣ ᒥᓇ ᑫᓬᐃᑊ ᐅᑯᓯᓴ ᒉᐸᓂ, ᑭ ᐃᐢᑯᐊᐧᐠ ᐁ ᐱᒫᑎᓯᒋᐠ ᐊᓂᑭ ᐊᔨᓯᔨᓂᐊᐧᐠ ᑳ ᑭ ᓇᑕᐋᐧᑖᒋᐠ ᐊᐢᑭ. 39ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐅᐦᐃ ᐃᑌᐧᐃᐧᓇ ᑲᐦᑭᔭᐤ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐁᑯᓯ ᐊᔨᓯᔨᓂᐊᐧᐠ ᒥᐢᑕᐦᐃ ᑭ ᒫᑐᐊᐧᐠ.
40ᑭ ᐊᐧᓂᐢᑳᐊᐧᐠ ᒫᑲ ᐃᐧᐸᐨ ᐁ ᑫᑭᓭᐸᔮᐠ, ᐁᑯᓯ ᑕᐦᑯᑕᑎᐣ ᐊᐧᒋᕽ ᐁ ᑭ ᐃᑐᐦᑌᒋᐠ, ᐅᒥᓯ ᐁ ᐃᑌᐧᒋᐠ, ᒫᑎᑲ, ᐅᑕ ᓂᐟ ᐊᔮᓈᐣ, ᐁᑯᓯ ᓂ ᑲ ᐃᑐᑖᓈᐣ ᐃᑕ ᑳ ᑎᐯᔨᐦᒋᑫᐟ ᑳ ᑭ ᐊᓱᑕᒫᑯᔮᕽ; ᒋᑫᒫ ᓂ ᑭ ᐊᐧᓂᑐᑌᓈᐣ. 41ᒧᓯᐢ ᒫᑲ ᑭ ᐃᑌᐧᐤ, ᑖᓀᐦᑭ ᑳ ᐊᐧᓂᑐᑕᒣᐠ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ, ᐃᐧᔭ ᐁ ᓄᑲᐧᕽ ᐁᑳ ᑭᑕ ᑭ ᓇᐃᐸᔨᐠ? 42ᐁᑳᐃᐧᔭ ᐋᒪᒋᐁᐧᐠ ᒋᑫᒫ ᑳ ᑎᐯᔨᐦᒋᑫᐟ ᓇᒪᐃᐧᔭ ᑭ ᐃᐧᒉᐃᐧᑯᐋᐧᐤ; ᐁᑳ ᑭᑕ ᓂᐸᐦᐃᑯᔦᑯᐠ ᑭ ᓄᑎᓈᑲᓂᐋᐧᐊᐧᐠ. 43ᒋᑫᒫ ᐊᒫᓬᐃᑲᐃᑕᐠ ᒥᓇ ᑫᓇᓇᐃᑕᐠ ᑯᑎᐢᑲᐃᐧᐢᑳᑯᐋᐧᐊᐧᐠ, ᐁᑯᓯ ᐃᓴᐁᐧᐢᐠ ᑭ ᑲ ᐅᐦᒋ ᐸᐦᑭᓯᓂᓈᐋᐧᐤ; ᒋᑫᒫ ᑭᐟ ᐊᑎᒥᑳᐸᐃᐧᐢᑕᐋᐧᐋᐧᐤ ᑳ ᑎᐯᔨᐦᒋᑫᐟ, ᐁᐊᐧᑯ ᐅᐦᒋ ᓇᒪᐃᐧᔭ ᑭ ᑲ ᐃᐧᒉᐃᐧᑯᐋᐤ ᑳ ᑎᐯᔨᐦᒋᑫᐟ. 44ᒫᑲ ᑭ ᒋᐦᑫᔨᒧᐊᐧᐠ ᑭᑕ ᐋᒪᒋᐁᐧᒋᐠ; ᒫᑲ ᐃᐧᔭ ᐅ ᑭᐢᑭᓇᐋᐧᒋᐅᐃᐧᓂᐋᐧᐟ ᑳ ᑎᐯᔨᐦᒋᑫᐟ ᒥᓇ ᒧᓯᐢ ᓇᒪᐃᐧᔭ ᓯᐯᐧᑌᐊᐧᐠ ᑲᐯᓯᐃᐧᓂᕽ ᐅᐦᒋ. 45ᐊᓂᑭ ᒫᑲ ᐊᒫᓬᐃᑲᐃᑕᐠ ᑭ ᐯ ᐃᑐᐦᑌᐊᐧᐠ ᒥᓇ ᑫᓇᓇᐃᑕᐠ ᐁᑯᑕ ᐊᐧᒋᕽ ᑳ ᐅᐟ ᐃᐦᑖᐃᐧᓂᒋᐠ ᐁᑯᓯ ᐁ ᑭ ᐸᑲᒪᐅᑯᒋᐠ ᒥᓇ ᐁ ᑭ ᑳᑲᐃᐧᐁᐧᐸᐅᑯᒋᐠ ᐱᔨᐢ ᐃᐢᑯ ᐦᐋᕒᒪ.
Currently Selected:
ᓇᒼᐸᕒᐢ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
