ᓇᒼᐸᕒᐢ 12
12
1ᒥᕒᐃᔭᒼ ᒫᑲ ᒥᓇ ᐁᕒᐊᐣ ᑭ ᒪᒋ ᐋᔨᒧᒣᐊᐧᐠ ᒧᓯᓴ ᐊᓂᐦᐃ ᐅᐦᒋ ᑲᓴᐃᐟ ᐃᐢᑫᐧᐊᐧ ᑳ ᑭ ᐃᐧᑭᒫᔨᐟ; ᒋᑫᒫ ᑭ ᐃᐧᑭᒣᐤ ᑲᐢᐊᐃᐟ ᐃᐢᑫᐧᐊᐧ. 2ᐁᑯᓯ ᑭ ᐃᑌᐧᐊᐧᐠ, ᐱᑯ ᒋ ᒧᓯᓴ ᑳ ᑎᐯᔨᐦᒋᑫᐟ ᑳ ᑭ ᐃᐧᒋᐊᔭᒥᒫᐟ? ᓇᒪ ᒋ ᒥᓇ ᑭᔮᓇᐤ ᑭ ᑭ ᐃᐧᒋᐊᔭᒥᒥᑯᓇᐤ? ᑳ ᑎᐯᔨᐦᒋᑫᐟ ᒫᑲ ᑭ ᐯᐦᑕᒼ. 3ᐊᐊᐧ ᒫᑲ ᓈᐯᐤ ᒧᓯᐢ ᐊᔨᐋᐧᐠ ᒥᐢᑕᐦᐃ ᑭ ᒥᔮᐧᑎᓯᐤ, ᐊᔨᐋᐧᐠ ᐃᔨᑯᕽ ᑲᐦᑭᔭᐤ ᐊᔨᓯᔨᓂᐊᐧᐠ ᐊᐧᐢᑭᑕᐢᑲᒥᐠ ᑳ ᐊᔮᒋᐠ.
4ᑳ ᑎᐯᔨᐦᒋᑫᐟ ᒫᑲ ᓯᓯᑯᐨ ᑭ ᐃᑌᐤ ᒧᓯᓴ, ᒥᓇ ᐁᕒᐊᐣ, ᒥᓇ ᒥᕒᐃᔭᒼ, ᐯ ᐃᑐᐦᑌᐠ ᐁ ᐃᓯ ᓂᐢᑎᔦᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. ᐁᑯᓯ ᐁ ᐃᓯ ᓂᐢᑎᒋᐠ ᑭ ᐯ ᐊᐧᔭᐃᐧᐊᐧᐠ. 5ᑳ ᑎᐯᔨᐦᒋᑫᐟ ᒫᑲ ᑭ ᐯ ᔮᓯᐤ ᐊᓂᒪ ᑳ ᓴᒪᑕᐢᑯᐊᐧᕽ ᒥᓇ ᑭ ᓂᐸᐃᐧᐤ ᐊᓂᑕ ᐁ ᐃᐢᑳᐧᑌᒥᐊᐧᕽ ᒥᑭᐋᐧᑊ, ᐁᑯᓯ ᑭ ᓇᑐᒣᐤ ᐁᕒᐊᐣ ᒥᓇ ᒥᕒᐃᔭᒼ, ᐁᑯᓯ ᑎᐱᐢᑯᐨ ᑭ ᐯ ᐃᑐᐦᑌᐊᐧᐠ. 6ᑭ ᐃᑌᐧᐤ ᒫᑲ, ᓇᑐᐦᑕᒧᐠ ᓂᐟ ᐃᑌᐧᐃᐧᓇ, ᑭᐢᐱᐣ ᐅᑭᐢᑭᐁᐧᐦᐃᑫᐤ ᐊᔮᐤ ᐃᑕ ᑳ ᐊᔮᔦᐠ, ᓂᔭ ᑳ ᑎᐯᔨᐦᒋᑫᔮᐣ ᓂ ᑲ ᑭᐢᑫᔨᑖᑯᐃᓱᐢᑕᐋᐧᐤ ᐃᓯᓇᒧᐃᐧᓂᕽ ᐊᐦᐳ ᓂ ᑲ ᐊᔭᒥᐦᐋᐤ ᐸᐋᐧᒥᐃᐧᓂᕽ. 7#ᐦᐃᐸᕒᐅᐊᐧ 3:2ᓂᐟ ᐊᑐᐢᑫᔮᑲᐣ ᒧᓯᐢ ᓇᒪᐃᐧᔭ ᐁᑯᓯ; ᐊᔮᑳᐧᒥᓯᐤ ᒥᓯᐁᐧ ᓂᑭᕽ. 8ᐁᐊᐧᑯ ᐃᐧᔭ ᒥᑐᓇᓂᕽ ᓂ ᑲ ᐊᔭᒥᐦᐋᐤ, ᓇᒪᐃᐧᔭ ᐊᐧᓂᒧᒋ ᐱᑭᐢᑫᐧᐃᐧᓂᕽ; ᒥᓇ ᐁ ᐃᓯᓈᑯᓯᔨᐟ ᑳ ᑎᐯᔨᐦᒋᑫᔨᐟ ᑭᑕ ᐋᐧᐸᐦᑕᒼ; ᑖᓀᐦᑭ ᒫᑲ ᐁᑳ ᑳ ᑭ ᓴᑫᐧᔨᒧᔦᐠ ᓇᐢᐸᐨ ᑭᑕ ᐃᑖᔦᐠ ᓂᐟ ᐊᑐᐢᑫᔮᑲᐣ, ᒧᓯᐢ ᐅᑎ?
9ᑭ ᑭᓯᐋᐧᐃᐠ ᒫᑲ ᑳ ᑎᐯᔨᐦᒋᑫᐟ; ᐁᑯᓯ ᑭ ᓭᐯᐧᑌᐤ. 10ᐊᐧᐢᑯ ᒫᑲ ᑭ ᓯᐯᐧᐸᔨᐤ ᒥᑭᐋᐧᐱᕽ ᐅᐦᒋ; ᐁᑯᓯ ᐳᑎ, ᒥᕒᐃᔭᒼ ᑭ ᒪᒑᐢᐱᓀᐤ ᐁ ᐋᐧᐱᐢᑭᓯᐟ ᑖᐱᐢᑯᐨ ᑯᓇ; ᐁᕒᐊᐣ ᒫᑲ ᑭ ᑲᓇᐋᐧᐸᒣᐤ ᒥᕒᐃᔭᒪ ᐁᑯᓯ ᐳᑎ ᑭ ᒪᒑᐢᐱᓀᔨᐊᐧ. 11ᐁᕒᐊᐣ ᒫᑲ ᑭ ᐃᑌᐤ ᒧᓯᓴ, ᐊᔨᐋᐧᑭᐦᑭᐣ ᓂᐟ ᐅᑭᒫᒼ, ᑭ ᐸᑯᓭᔨᒥᑎᐣ ᐁᑳᐃᐧᔭ ᓇᔭᑕᐃᓈᐣ ᐅᒪ ᒪᒋᑐᑕᒧᐃᐧᐣ, ᐃᑕ ᑳ ᑭ ᑲᑫᐸᒋ ᐊᔨᑐᑕᒫᕽ, ᒥᓇ ᐃᑕ ᑳ ᑭ ᒪᒋᑐᑕᒫᕽ. 12ᑭᔮᒼ ᐁᑳᐃᐧᔭ ᑖᐱᐢᑯᐨ ᐊᐃᐧᔭᐠ ᐁ ᓂᐱᐟ ᑭᑕ ᐃᓯ ᐊᔮᐤ, ᐊᐃᐧᔭᐠ ᐅ ᐃᐧᔮᐢ ᐋᐱᑕᐤ ᑳ ᓂᓯᐊᐧᓈᑕᓂᔨᐠ ᐅᑳᐃᐧᔭ ᐁ ᓂᐦᑖᐃᐧᑭᐦᐃᑯᐟ. 13ᒧᓯᐢ ᒫᑲ ᑭ ᒪᐃᐧᒧᐢᑕᐁᐧᐤ ᑳ ᑎᐯᔨᐦᒋᑫᔨᐟ, ᐁ ᐃᑌᐧᐟ, ᑭ ᐸᑯᓭᔨᒥᑎᐣ ᑭᓭᒪᓂᑐ ᑭᑕ ᒥᓈᐧᒋᐋᐟ.
14 #
ᓇᒼᐸᕒᐢ 5:2,3 ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᑭᐢᐱᐣ ᐅᑖᐃᐧᔭ ᑭ ᓯᑳᐧᑎᑯᐟ ᐅᑳᐧᑲᓂᕽ ᓇᒪ ᒋ ᑭᑕ ᓇᓀᐯᐃᐧᓯᐤ ᑌᐸᑯᑊ ᑭᓯᑳᐤ? ᑭᔮᒼ ᑭᑕ ᑭᐸᐋᐧᐤ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᑌᐸᑯᑊ ᑭᓯᑳᐤ, ᐁᑯᓯ ᒫᑲ ᒣᐧᐢᑕᐢ ᐃᔨᑯᕽ ᒥᓇ ᑭᑕ ᐱᑐᑲᐋᐤ. 15ᒥᕒᐃᔭᒼ ᒫᑲ ᑭ ᑭᐹᐋᐧᐤ ᐊᐧᔭᐃᐧᑎᒥᕽ ᑲᐯᓯᐃᐧᓂᕽ ᑌᐸᑯᑊ ᑭᓯᑳᐤ; ᓇᒪᐃᐧᔭ ᒫᑲ ᓯᐯᐧᐱᒋᐊᐧᐠ ᐊᔨᓯᔨᓂᐊᐧᐠ ᐸᑎᒫ ᐃᔨᑯᕽ ᒥᕒᐃᔭᒼ ᒥᓇ ᐁ ᐱᑐᑲᐦᐃᐦᐟ.
16ᒣᐧᐢᑕᐢ ᐃᔨᑯᕽ ᒫᑲ ᐊᔨᓯᔨᓂᐊᐧᐠ ᑭ ᓯᐯᐧᐱᒋᐊᐧᐠ ᐦᐋᓴᕒᐋᐦᐟ ᐅᐦᒋ ᒥᓇ ᑭ ᑲᐯᓯᐊᐧᐠ ᐯᕒᐋᐣ ᐱᑲᐧᑕᐢᑭᕽ.
Currently Selected:
ᓇᒼᐸᕒᐢ 12: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
