ᓭᐣᐟ ᒫᕒᐠ 14

1 # ᐁᐠᓴᑕᐢ 12:1-27 ᐁᑲᐧ ᓂᓱ ᑭᓯᑳᐤ ᐁ ᐊᐢᑌᐠ ᑭᑕ ᐅᑎᐦᒋᐸᔨᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᒥᓇ ᐁᑳ ᐁ ᐱᓭᐧᑲᓱᐟ ᐸᑫᐧᓯᑲᐣ: ᐁᑯᓯ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᒪᓯᓇᐦᐃᑫᐃᐧᔨᓂᐊᐧᐠ ᑭ ᓇᑐᓇᒪᐧᐠ ᑭᑕ ᐃᓯ ᑲᔦᓯ ᐅᑎᓈᒋᐠ, ᐁᑯᓯ ᑭᑕ ᓂᐸᐦᐋᒋᐠ. 2ᒫᑲ ᑭ ᐃᑌᐧᐊᐧᐠ, ᓇᒪᐃᐧᔭ ᐁ ᐃᐧᐦᑯᐦᑐᐃᐧᑭᓯᑳᐠ ᐁᑳ ᑭᑕ ᐅᐯᐧᐃᐧᒋᐠ ᐊᔨᓯᔨᓂᐊᐧᐠ.

3 # ᓬᐅᐠ 7:37,38 ᒣᑳᐧᐨ ᒫᑲ ᐯᐦᑕᓂᐃᕽ ᐁ ᐊᔮᐟ ᐅ ᐋᐧᐢᑳᐦᐃᑲᓂᔨᕽ ᓴᐃᒪᓇ ᐅᒪᒑᐢᐱᓀᐊᐧ, ᐁ ᐊᐱᐟ ᐁ ᒥᒋᓱᐟ, ᐁᑯᑕ ᑭ ᐯ ᐃᑐᐦᑌᐤ ᐃᐢᑫᐧᐤ ᐁ ᑕᑯᓇᕽ ᐋᓬᐊᐹᐢᑕᕒ ᐊᓯᐊᐧᒋᑲᓂᓯᕽ, ᐢᐸᐃᐠᓈᕒᐟ ᑕᒪᐢᑯᐃᐧᐣ, ᓈᐢᐱᐨ ᐁ ᐋᑲᐧᑭᑌᐠ: ᑭ ᐱᑯᓇᒼ ᒫᑲ ᐊᓯᐊᐧᒋᑲᓂᐢ ᐁᑯᓯ ᐁ ᓯᑭᓇᒫᐧᐟ ᐅᐢᑎᑳᐧᓂᔨᕽ. 4ᒫᑲ ᑭ ᐃᐦᑖᐊᐧᐠ ᐋᑎᐦᐟ ᐁ ᑭᓯᐁᐧᔨᑕᐦᑭᐠ ᐃᐧᔭᐋᐧᐤ ᑫᐦᒋᐋᐧᐠ, ᐁ ᐃᑌᐧᒋᐠ, ᑖᓂᓯ ᐁᑖᐸᑕᕽ ᐅᒪ ᑕᒪᐢᑯᐃᐧᐣ ᑳ ᐃᓯ ᐸᑲᐧᓇᑕ ᒣᐢᑎᓂᑳᑌᐠ? 5ᒋᑫᒫ ᐅᒪ ᑕᒪᐢᑯᐃᐧᐣ ᑭᑕ ᑭ ᐅᑎᓯᓈᓂᐊᐧᓄᐸᐣ, ᐊᑖᐋᐧᑫᕽ, ᐊᐊᐧᓯᒣ ᓂᐢᑖᐧᐤ ᒥᑖᑕᐦᑐᒥᑕᓇᐤ ᓱᓂᔮᐢ, ᐁᑯᓯ ᑭᑕ ᑭ ᒥᔨᐦᒋᐠ ᐅᑭᑎᒫᑭᓯᐊᐧᐠ. ᐁᑯᓯ ᒫᑲ ᑭ ᐋᓀᐧᔨᒣᐊᐧᐠ. 6ᒫᑲ ᒋᓴᐢ ᑭ ᐃᑌᐧᐤ, ᐁᑳ ᑐᑖᕽ; ᑖᓀᑭ ᑳ ᒥᑯᐢᑳᒋᐋᔦᐠ? ᒥᔪ ᐊᑐᐢᑫᐃᐧᐣ ᑳ ᑭ ᐃᓯ ᐊᑐᐢᑳᓯᐟ. 7#ᑎᔪᑕᕒᐊᓇᒥ 15:11ᒋᑫᒫ ᐅᑭᑎᒫᑭᓯᐊᐧᐠ ᑳᑭᑫ ᑭ ᐃᐧᒋ ᐊᔮᒥᑯᐋᐧᐊᐧᐠ, ᒥᓇ ᐱᑯ ᐃᔨᑯᕽ ᐁᑌᔨᑕᒣᑯ ᑭ ᑲ ᑭ ᒥᔪ ᑐᑕᐋᐧᐋᐧᐊᐧᐠ: ᒫᑲ ᓂᔭ ᐃᐧᔭ ᓇᒪᐃᐧᔭ ᒧᓴᐠ ᑭᐟ ᐊᔮᐃᐧᓈᐋᐧᐤ. 8ᐁ ᐃᓯ ᑲᐢᑭᑖᐟ ᑭ ᐃᑐᑕᒼ: ᓂᔮᐠ ᑭ ᑐᒥᓇᒼ ᓂᔭᐤ ᑭᑕ ᓇᐃᓂᑲᐃᐧᔮᐣ. 9ᒥᓇ ᑖᐯᐧ ᑭᐟ ᐃᑎᓈᐋᐧᐤ, ᐱᑯ ᐃᑕ ᒥᔮᐧᒋᒧᐃᐧᐣ ᑫ ᐊᐧᐃᐧᒋᑳᑌᑫᐧ ᒥᓯᐁᐧᐢᑲᒥᐠ, ᐅᒪ ᒥᓇ ᐊᐊᐧ ᐃᐢᑫᐧᐤ ᑳ ᑭ ᐃᑐᑕᕽ ᑭᑕ ᐋᑐᒋᑳᑌᐤ ᑭᑕ ᑭᐢᑭᓯᑐᑖᐦᐟ.

10ᒍᑕᐢ ᐃᐢᑳᕒᐃᔭᐟ ᒫᑲ, ᐁᐊᐧᑯ ᐯᔭᐠ ᐊᓂᑭ ᒥᑖᑕᐟ ᓂᓱᓵᑊ, ᑭ ᓯᐯᐧᑌᐤ ᐁ ᓈᑖᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ, ᑭᑕ ᑭ ᐸᑭᑎᓇᒪᐋᐧᐟ. 11ᐃᐧᔭᐋᐧᐤ ᒫᑲ, ᐃᐢᐱ ᐱᔦᐦᑕᐦᑭᐠ, ᑭ ᒪᒪᐦᑖᑯᓯᐊᐧᐠ, ᐁᑯᓯ ᐊᓱᑕᒪᐁᐧᐊᐧᐠ ᑭᑕ ᒥᔮᒋᐠ ᓱᓂᔮᐊᐧ. ᐁᑯᓯ ᑭ ᓇᑐᓇᒼ ᑭᑕ ᐃᓯ ᓇᐃᐸᔨᐃᑯᐟ ᑭᑕ ᐸᑭᑎᓇᒪᐋᐧᐟ.

12ᓂᐢᑕᒼ ᑭᓯᑳᐤ ᒫᑲ ᐁᐧᑎᒋᐸᔨᐠ ᐁᑳ ᐁ ᐱᓭᐧᑲᓱᐟ ᐸᑫᐧᓯᑲᐣ, ᐃᑕ ᒫᓇ ᑳ ᑎᐱᑐᑕᑭᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ, ᐅ ᑭᐢᑭᓄᐦᐊᒪᐋᐧᑲᓇ ᐅᒥᓯ ᐃᑎᐠ, ᑖᓂᑕ ᓀᑕᐁᐧᔨᑕᒪᐣ ᑭᑕ ᓇᑕᐃᐧ ᑲᐧᔮᒋᑖᔮᕽ ᑭᑕ ᒥᒋᔭᐣ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ? 13ᐁᑯᓯ ᐃᑎᓴᐁᐧᐤ ᓂᓱ ᐅ ᑭᐢᑭᓄᐦᐊᒪᐋᐧᑲᓇ, ᒥᓇ ᐃᑌᐤ, ᐃᑐᐦᑌᐠ ᐅᑌᓈᕽ ᐁᑯᑕ ᒫᑲ ᑭ ᑲ ᓇᑭᐢᑳᑯᐋᐧᐤ ᓈᐯᐤ ᐁ ᐱᒥᐃᐧᑖᐟ ᑳᐧᐱᑳᑲᐣ ᐁ ᒧᐢᑭᓀᐠ ᓂᐱ: ᐱᒥᑎᓴᐅᕽ; 14ᐱᑯ ᐃᑕ ᒫᑲ ᐱᐦᑐᑫᐧᒋ, ᐅᒥᓯ ᐃᑎᕽ ᑳ ᑎᐯᔨᑕᕽ ᐋᐧᐢᑳᐦᐃᑲᐣ, ᐅᑭᐢᑭᓄᐦᐊᒫᑫᐤ ᐃᑌᐧᐤ, ᑖᓂᑕ ᐁᔮᐠ ᓂ ᑭᐅᑫᐃᑲᒥᐠ, ᐃᑕ ᑫ ᐃᐧᒋ ᒥᒋᓱᒪᑭᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᓂ ᑭᐢᑭᓄᐦᐊᒪᐋᐧᑲᓇᐠ? 15ᐁᑯᓯ ᐃᐧᔭ ᑭ ᑲ ᐋᐧᐸᑎᔨᑯᐋᐧᐤ ᑕᐦᑯᒑᔨᕽ ᐁ ᒥᓵᐠ ᐁ ᐱᐢᑭᒋ ᑭᐸᐦᐃᑳᑌᐠ ᒥᑐᓂ ᐁ ᐊᐧᐁᐧᔨᑖᕽ; ᐁᑯᑕ ᑲᐧᔮᒋᑖᐠ ᑭᔮᓇᐤ ᐅᐦᒋ. 16ᐁᑯᓯ ᑭᐢᑭᓄᐦᐊᒪᐋᐧᑲᓇᐠ ᑭ ᓯᐯᐧᑌᐊᐧᐠ, ᑭ ᐱᐦᑐᑫᐊᐧᐠ ᐅᑌᓈᕽ, ᒥᓇ ᑭ ᒥᐢᑲᒪᐧᐠ ᒣᐧᐦᒋ ᑳ ᑭ ᐃᓯ ᐃᐧᐦᑕᒫᑯᒋᐠ: ᑭ ᑲᐧᔮᒋᑖᐊᐧᐠ ᒫᑲ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ.

17ᐃᐢᐱ ᒫᑲ ᐁᐧᑖᑯᓯᐠ ᑭ ᐯ ᐃᑐᐦᑌᐤ ᐊᓯᒋ ᐊᓂᐦᐃ ᒥᑖᑕᐟ ᓂᓱᓵᑊ. 18#ᓂᑲᒧᓇ 41:9ᒣᑳᐧᐨ ᒫᑲ ᐁ ᐊᐱᒋᐠ ᐁ ᒥᒋᓱᒋᐠ, ᒋᓴᐢ ᑭ ᐃᑌᐧᐤ, ᑖᐯᐧ ᑭᐟ ᐃᑎᓈᐋᐧᐤ, ᐯᔭᐠ ᑭᔭᐋᐧᐤ ᓂ ᑲ ᐊᐧᔦᓯ ᐸᑭᑎᓂᐠ, ᐊᓇ ᐃᓴ ᐱᑯ ᑳ ᐃᐧᒋᒥᒋᓱᒥᐟ. 19ᒥᐢᑕᐦᐃ ᒫᑲ ᓇᒪ ᓇᐁᔨᑕᒪᐧᐠ, ᐁᑯᓯ ᐊᑎ ᐋᐢᑲᐃᐧ ᑲᑫᐧᒋᒣᐊᐧᐠ ᐊᑭᓀ, ᓂᔭ ᒋ? 20ᑭ ᐃᑌᐤ ᒫᑲ, ᐯᔭᐠ ᒥᑖᑕᐟ ᓂᓱᓵᑊ ᑳ ᐃᑕᓯᔦᐠ, ᐊᓇ ᑳ ᐃᐧᑐᐢᐳᒥᐟ. 21ᒋᑫᒫ ᐃᐢᐸᔨᐤ ᐃᔨᓂᐃᐧᑯᓯᓵᐣ ᑳ ᐃᑕᓯᓇᐦᐃᑳᑌᐠ ᐃᐧᔭ ᐅᐦᒋ: ᒫᑲ ᑲᑲᐧᐃᔭᑫᔨᑖᑲᐧᓄᑫᐤ ᐊᓇ ᐊᔨᓯᔨᓂᐤ ᑳ ᐊᐧᔦᓯ ᐸᑭᑎᓈᐟ! ᓇᐊᐧᐨ ᐅ ᑲ ᑭ ᒥᐋᐧᐸᒋᐦᐃᑯ ᐁᐊᐧᑯ ᐊᔨᓯᔨᓂᐤ ᐁᑳ ᐃᐧᑲᐨ ᑭ ᓂᐦᑖᐃᐧᑭᑯᐸᓀ.

22ᐁᑯᓯ ᒣᑳᐧᐨ ᐁ ᒥᒋᓱᒋᐠ, ᑭ ᐅᑎᓀᐤ ᐸᑫᐧᓯᑲᓇ, ᐃᐢᐱ ᒫᑲ ᑳ ᓇᓈᐢᑯᒧᐟ ᑭ ᐹᐸᑫᐧᓀᐤ, ᒥᓇ ᑭ ᒥᔦᐤ ᐁ ᐃᑌᐧᐟ, ᐅᑎᓂᕽ: ᐁᐊᐧᑯ ᐅᒪ ᓂᔭᐤ. 23ᑭ ᐅᑎᓇᒼ ᒫᑲ ᒥᓂᑳᐧᑲᐣ, ᐃᐢᐱ ᒫᑲ ᑳ ᓇᓈᐢᑯᒧᐟ, ᑭ ᒥᔦᐤ: ᐁᑯᓯ ᑲᐦᑭᔭᐤ ᑭ ᒥᓂᑫᐧᐊᐧᐠ 24#ᐁᐠᓴᑕᐢ 24:8; ᒉᕒᐃᒫᔭ 31:31-34ᑭ ᐃᑌᐤ ᒫᑲ, ᐁᐊᐧᑯᒪ ᓂ ᒥᐦᑯ ᐊᓱᑕᒫᑫᐃᐧᓂᕽ, ᒥᐦᒉᐟ ᐅᐦᒋ ᑳ ᓯᑭᓂᑳᑌᐠ. 25ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᒥᓇ ᓂ ᑲ ᒥᓂᑳᐧᐣ ᐁ ᒥᓂᓯᐃᐧᐟ ᓱᒥᓈᑎᐠ, ᐹᑎᒫ ᐊᓂᒪ ᑭᓯᑳᐤ ᐁ ᐅᐢᑳᔨᐊᐧᕽ ᒥᓂᑫᐧᔮᓂ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ.

26ᐃᐢᐱ ᒫᑲ ᑳ ᓂᑲᒧᒋᐠ ᓂᑲᒧᐣ, ᑭ ᐊᐧᔭᐃᐧᐊᐧᐠ ᐊᓬᐃᑊᐢ ᐊᐧᒋᕽ ᐁ ᐃᑐᐦᑌᒋᐠ. 27#ᓭᑲᕒᐋᔭ 13:7ᒋᓴᐢ ᒫᑲ ᐃᑌᐤ, ᑲᐦᑭᔭᐤ ᑭ ᑲ ᓇᔦᑖᐁᐧᔨᑌᓈᐋᐧᐤ; ᒋᑫᒫ ᐃᑕᓯᓇᐦᐃᑳᑌᐤ, ᓂ ᑲ ᐸᑲᒪᐋᐧᐤ ᐅᑲᓇᐃᐧᒫᔭᑎᐦᑫᐧᐤ, ᐁᑯᓯ ᒫᔭᑎᐦᑲᐧᐠ ᑭᑕ ᓯᓭᐧᔮᒧᑳᑖᐊᐧᐠ. 28#ᒫᐟᔪ 28:16ᒫᑲ ᐃᐧᔭ, ᐃᐢᐱ ᑭ ᐊᐧᓂᐢᑳᓂᑲᐃᐧᔮᓂ, ᑭ ᑲ ᓂᑳᓄᑖᑎᓈᐋᐧᐤ ᑳᓬᐊᓬᐃᕽ. 29ᒫᑲ ᐱᑕᕒ ᑭ ᐃᑌᐤ, ᐋᑕ ᑲᐦᑭᔭᐤ ᓇᔦᑖᐁᐧᔨᑕᑳᐧᐃᐧ, ᓂᔭ ᐃᐧᔭ ᓇᒪᐃᐧᔭ. 30ᒋᓴᐢ ᒫᑲ ᐃᑌᐤ, ᑖᐯᐧ ᑭᐟ ᐃᑎᐣ, ᑭᔭ ᒥᓇ ᐊᓄᐦᐨ ᑳ ᑭᓯᑳᐠ, ᐊᐦᐳ ᐊᓄᐦᐨ ᑳ ᑎᐱᐢᑳᐠ, ᒪᐧᔦᐢ ᓂᓵᐧᐤ ᑭᑐᐟ ᐹᑲᐋᑳᐧᐣ, ᓂᐢᑖᐧᐤ ᑭ ᑲ ᐋᓀᐧᑕᐃᐧᐣ. 31ᒫᑲ ᐊᐦᒋ ᐱᑯ ᓇᒪᐃᐧᔭ ᓇᑕᑭᑖᑯᓯᐤ ᐁ ᐃᑌᐧᐟ, ᑭᐢᐱᐣ ᐋᑕ ᑭᑕ ᓂᐱᔮᐣ ᑭᑭ ᑭᔭ, ᓇᒪᐃᐧᔭ ᑭ ᑲ ᐊᓀᐧᑖᑌᐣ. ᐁᑯᓯ ᒫᑲ ᑭ ᐃᑌᐧᐊᐧᐠ ᑲᑭᔭᐤ.

32ᑭ ᐅᑎᑕᒪᐧᐠ ᒫᑲ ᐃᑕ ᑫᐦᐟᓭᒪᓂ ᐁ ᐃᓯᔨᐦᑳᑌᐠ: ᐁᑯᓯ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᐅᑕ ᐊᐱᐠ, ᐁ ᐃᐢᐱᒋ ᐊᔭᒥᐦᐋᔮᐣ. 33ᑭ ᐃᐧᒉᐁᐧᐤ ᒫᑲ ᐱᑕᕒ ᒥᓇ ᒉᒥᐢ ᒥᓇ ᒑᐣ, ᐁᑯᓯ ᑭ ᒫᒋ ᒥᐢᑕᐦᐃ ᒫᒪᐢᑳᒋ ᐊᔮᐤ, ᒥᓇ ᑭ ᐃᐧᓴᑭ ᒥᑯᐢᑳᑌᔨᑕᒼ. 34ᐁᑯᓯ ᐃᑌᐤ, ᓂᐟ ᐊᐦᒑᕽ ᒥᐢᑕᐦᐃ ᑯᑕᑫᔨᒧᐃᐧᐣ ᑭᑭᐢᑳᐠ, ᐊᐦᐳ ᓂᐸᐁᔨᑕᒧᐃᐧᐣ: ᐅᑕ ᐊᔮᐠ, ᒥᓇ ᐊᓴᐋᐧᐱᐠ. 35ᐁᑯᓯ ᑭ ᔭᑯᑌᐤ ᐊᐱᓯᐢ, ᒥᓇ ᒧᒋᕽ, ᑭ ᐃᓯ ᑲᐃᐧᓯᐣ, ᒥᓇ ᑭ ᐊᔭᒥᐦᐋᐤ, ᑭᐢᐱᐣ ᑭᑕ ᑭ ᐃᑭᕽ, ᐊᓂᒪ ᑎᐸᐃᑲᐣ ᑭᔮᒼ ᑭᑕ ᒪᔮᐢᑳᑯᐟ. 36ᑭ ᐃᑌᐧᐤ ᒫᑲ, ᐋᐹ, ᓄᑖ, ᑲᐦᑭᔭᐤ ᑫᑲᐧᐩ ᑭ ᑲᐢᑭᑖᐣ; ᑭᔮᒼ ᐅᒪ ᒥᓂᑳᐧᑲᐣ ᐅᐦᐱᒣ ᐃᑎᓯᓇᒪᐃᐧᐣ; ᐁᔨᐁᐧᕽ ᒫᑲ ᓇᒪᐃᐧᔭ ᓂᔭ ᐁ ᐃᓯ ᓇᑕᐁᐧᔨᑕᒫᐣ, ᒫᑲ ᑭᔭ ᐁ ᐃᓯ ᓇᑕᐁᐧᔨᑕᒪᐣ. 37ᐁᑯᓯ ᒥᓇ ᐯ ᐃᑐᐦᑌᐤ, ᐳᑎ ᒥᐢᑲᐁᐧᐤ ᐁ ᓂᐹᔨᐟ, ᐁᑯᓯ ᐃᑌᐤ ᐱᑕᕒᐊ, ᓴᐃᒪᐣ ᑭ ᓂᐹᐣ ᒋ? ᓇᒪ ᒋ ᑲᓇᑫ ᐯᔭᐠ ᑎᐸᐃᑲᐣ ᑭ ᑭ ᐊᓴᐋᐧᐱᐣ? 38ᐊᓴᐋᐧᐱᐠ ᒥᓇ ᐊᔭᒥᐦᐋᐠ ᐁᑳ ᑭᑕ ᐱᐦᑐᑫᔦᐠ ᑯᑌᔨᒥᑯᐃᐧᓂᕽ: ᐊᐦᒑᕽ ᐃᐧᔭ ᒥᑐᓂ ᑌᐯᔨᒧ, ᒫᑲ ᐃᐧᔮᐢ ᓀᓱᐊᐧᐣ. 39ᒥᓇ ᒫᑲ ᑭ ᓯᐯᐧᑌᐤ, ᒥᓇ ᑭ ᐊᔭᒥᐦᐋᐤ, ᑫᔮᐱᐨ ᐁᐊᐧᑲᐧᓂ ᐊᔭᒥᐃᐧᓇ ᐁ ᐃᑌᐧᐟ. 40ᒥᓇ ᒫᑲ ᐁ ᐯ ᐃᑐᐦᑌᐟ, ᒥᐢᑲᐁᐧᐤ ᐁ ᓂᐹᔨᐟ, ᒋᑫᒫ ᒥᐢᑕᐦᐃ ᓄᑌᑲᐧᓯᐊᐧᐠ; ᐁᑯᓯ ᓇᒪᐃᐧᔭ ᑭᐢᑫᔨᑕᒪᐧᐠ ᐊᐦᐳ ᑭᑕ ᐃᓯ ᓇᐢᑫᐧᐊᐧᓯᒫᒋᐠ. 41ᑭ ᐯ ᐃᑐᐦᑌᐤ ᒫᑲ ᒥᓇ, ᐁᑲᐧ ᓂᐢᑖᐧᐤ, ᐅᒥᓯ ᒫᑲ ᑭ ᐃᑌᐤ, ᓂᐹᐠ ᐁᑲᐧ, ᒥᓇ ᐋᐢᑌ ᐊᔦᐢᑯᓯᐠ: ᐁᑯᔨᑯᕽ ᐊᓂ; ᐅᑎᐦᒋᐸᔨᐤ ᑎᐸᐃᐱᓯᒫᐧᐣ; ᒫᑎᑲ, ᐃᔨᓂᐃᐧᑯᓯᓵᐣ ᐊᐧᔦᓯ ᐸᑭᑎᓈᐤ ᐅ ᒋᐦᒋᔨᕽ ᐅᒪᒑᑎᓯᐊᐧ. 42ᐊᐧᓂᐢᑳᐠ ᐁᑲᐧ ᓯᐯᐧᑌᑖᐠ: ᒋᐢᐟ, ᐊᓇ ᑳ ᐊᐧᔦᓯ ᐸᑭᑎᓂᐟ ᑭᓯᐋᐧᐠ ᐊᔮᐤ.

43ᓭᒫᐠ ᒫᑲ, ᒣᑳᐧᐨ ᑫᔮᐱᐨ ᐁ ᐱᑭᐢᑫᐧᐟ, ᐯ ᐃᑐᐦᑌᐤ ᒍᑕᐢ, ᐯᔭᐠ ᐊᓂᑭ ᒥᑖᑕᐟ ᓂᓱᓵᑊ, ᐁ ᐃᐧᒉᐃᐧᑯᐟ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐁ ᑭᑭᔨᐟ ᐃᓴᐁᐧᐢᑲ ᒥᓇ ᒥᐢᑎᑯ ᐸᑲᒫᑲᓇ, ᐁ ᐃᑎᓴᐅᑯᔨᐟ ᐊᓂᐦᐃ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᒪᓯᓇᐦᐃᑫᐃᐧᔨᓂᐊᐧ ᒥᓇ ᑳ ᓂᑳᓀᔨᑖᑯᓯᔨᐟ. 44ᐊᓇ ᒫᑲ ᑳ ᐊᐧᔦᓯ ᐸᑭᑎᓈᐟ ᑭ ᒥᔦᐤ ᐅᒪ ᑭᑕ ᑭᐢᑭᓇᐋᐧᑌᔨᑕᒥᔨᐟ, ᐊᓇ ᑫ ᐅᒉᒫᐊᐧᑫ, ᐁᐊᐧᑯ ᐊᓇ; ᐅᑎᓂᕽ, ᒥᓇ ᐯᔭᑕᐠ ᓯᐯᐧᑕᐃᕽ. 45ᐃᐢᐱ ᒫᑲ ᑌᑯᓯᕽ, ᓭᒫᐠ ᑭ ᐯ ᓈᑌᐤ, ᒥᓇ ᑭ ᐃᑌᐧᐤ, ᕒᐋᐸᐩ; ᐁᑯᓯ ᑭ ᐅᒉᒣᐤ.

46ᐁᑳᐧ ᑭ ᐅᑎᐦᑎᓀᐊᐧᐠ, ᒥᓇ ᑭ ᐅᑎᓀᐊᐧᐠ. 47ᒫᑲ ᐯᔭᐠ ᐊᓂᑭ ᐁᑯᑕ ᑳ ᓂᐸᐃᐧᒋᐠ ᑭ ᐅᑎᑎᓇᒼ ᐅᐟ ᐃᓴᐁᐧᐢᐠ, ᒥᓇ ᑭ ᐸᑲᒪᐁᐧᐤ ᐅᐟ ᐊᑐᐢᑫᔮᑲᓂᔨᐊᐧ ᑭᐦᒋ ᐊᔭᒥᐦᐁᐃᐧᔨᓂᐊᐧ, ᒥᓇ ᑭ ᒪᓂᐁᐧᐸᐊᒣᐧᐤ ᐅᑕᐊᐧᑳᔨᐤ. 48ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᐱᐢᑯᐨ ᒋ ᐅᒪᐢᑲᑌᐧᐤ, ᑭᐟ ᐃᓯ ᒪᐃᐧᓀᐢᑲᐃᐧᓈᐋᐧᐤ, ᐃᓴᐁᐧᐢᑲ ᒥᓇ ᒥᐢᑎᑯ ᐸᑲᒫᑲᓇ ᐁ ᑭᑭᔦᐠ ᑭᑕ ᐅᑎᓂᔦᐠ? 49#ᓬᐅᐠ 19:47; 21:37ᑕᐦᑐ ᑭᓯᑳᐤ ᑭ ᑭ ᐃᐧᒉᐃᐧᑎᓈᐋᐧ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐁ ᑭᐢᑭᓄᐦᐊᒫᑫᔮᐣ, ᐁᑯᓯ ᓇᒪᐃᐧᔭ ᑯᐦ ᐅᑎᓂᓈᐋᐧᐤ: ᒫᑲ ᐅᒪ ᐃᐦᑭᐣ ᑭᐦᒋ ᒪᓯᓇᐦᐃᑫᐃᐧᓇ ᑭᑕ ᑎᐱᐸᔨᑭ. 50ᐁᑲᐧ ᑲᐦᑭᔭᐤ ᑭ ᓇᑲᑎᐠ ᒥᓇ ᑭ ᑕᐸᓯᔨᐊᐧ.

51ᑭ ᐱᒥᑎᓴᐦᐅᐠ ᒫᑲ ᐯᔭᐠ ᐅᐢᑭᓂᑭᐊᐧ ᒧᐢᑖᑭᔭᐤ ᐁ ᑭ ᐁᐧᐁᐧᑭᐟ ᐸᐸᑭᐊᐧᔮᓀᑭᓄᔨᐤ: ᐁᑯᓯ ᑭ ᐅᑎᐦᑎᓀᐊᐧᐠ; 52ᒫᑲ ᐃᐧᔭ ᑭ ᐸᑭᒋᐁᐧᐱᓇᒼ ᐸᐸᑭᐊᐧᔮᓀᑭᓄᔨᐤ, ᐁᑯᓯ ᑭ ᑕᐸᓯᐤ ᐁ ᒧᓭᐢᑲᑌᐟ.

53ᑭ ᐃᑐᐦᑕᐦᐁᐊᐧᐠ ᒫᑲ ᒋᓴᓴ ᐃᑕ ᐁ ᐊᔮᔨᐟ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ: ᐁᑯᑕ ᒫᑲ ᑭ ᐊᓯᒋ ᒫᐊᐧᒋᐃᑐᐊᐧᐠ ᑲᐦᑭᔭᐤ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᑳ ᓂᑳᓀᔨᑖᑯᓯᒋᐠ ᒥᓇ ᒪᓯᓇᐦᐃᑫᐃᐧᔨᓂᐊᐧᐠ. 54ᐱᑕᕒ ᒫᑲ ᑭ ᐱᒥᑎᓴᐁᐧᐤ ᐋᐧᔭᐤ ᐅᐦᒋ, ᐱᔨᐢ ᐱᑐᑲᒥᐠ, ᐁ ᐋᐧᐢᑳ ᐊᔮᔨᐠ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐤ ᐃᐧᑭ: ᐁᑯᓯ ᐁᑯᑕ ᐃᐧᑕᐱᒣᐤ ᐅᑎᓂᐁᐧᐊᐧ, ᒥᓇ ᐊᔭᐊᐧᓱ ᐁ ᐋᐧᓴᐢᑯᑌᔨᐠ ᐃᐢᑯᑌᐤ. 55ᑲᐦᑭᔭᐤ ᒫᑲ ᐊᔭᒥᐦᐁᐃᐧᔨᓂᐊᐧᐠ ᒥᓇ ᒫᒪᐃᐧ ᑳ ᐅᔭᓱᐁᐧᒋᐠ ᑭ ᓇᑐᓇᒪᐧᐠ ᐋᒋᒧᐃᐧᐣ ᑭᑕ ᐃᓯ ᐋᒋᒥᐦᐟ ᒋᓴᐢ ᑭᑕ ᑭ ᓂᐸᐃᐦᐟ; ᒫᑲ ᓇᒪᐃᐧᔭ ᒥᐢᑲᒪᐧᐠ. 56ᒋᑫᒫ ᐋᑕ ᒥᐦᒉᐟ ᓇᐢᐹᐨ ᐃᓯ ᐋᒋᒣᐊᐧᐠ, ᒫᑲ ᓇᒪᐃᐧᔭ ᐯᔭᑯᑖᐊᐧᐠ ᐁ ᐃᓯ ᐋᒋᒫᒋᐠ. 57ᐁᑯᓯ ᐋᑎᐦᐟ ᑭ ᓂᐸᐃᐧᐊᐧᐠ, ᒥᓇ ᓇᐢᐹᐨ ᑭ ᐃᓯ ᐋᒋᒣᐊᐧᐠ ᐁ ᐃᑌᐧᒋᐠ, 58#ᒑᐣ 2:19ᓂ ᑭ ᐯᑕᐋᐧᓈᐣ ᐁ ᐃᑌᐧᐟ, ᓂ ᑲ ᓂᓯᐊᐧᓈᒋᑕᐣ ᐅᒪ ᑭᐦᒋ ᐊᔭᒥᐦᐁᐃᐧᑲᒥᐠ ᒥᒋᐦᒋᔭ ᑳ ᑭ ᐅᐦᒋ ᐅᓯᒋᑳᑌᐠ, ᐁᑯᓯ ᓂᐢᑐ ᑭᓯᑳᐤ ᐃᔨᑯᕽ ᑯᑕᐠ ᓂ ᑲ ᐅᓯᑖᐣ ᐁᑳ ᒥᒋᐦᒋᔭ ᑭᑕ ᐅᐦᒋ ᐅᓯᒋᑳᑌᐠ. 59ᒫᑲ ᐃᐧᔭᐋᐧᐤ ᐊᐦᐳ ᓇᒪᐃᐧᔭ ᑭ ᐯᔭᑲᐧᓂᔨᐤ ᐅᐟ ᐋᒋᒧᐃᐧᓂᐋᐧᐤ. 60ᐁᑲᐧ ᒫᑲ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐤ ᑭ ᓂᐸᐃᐧᐤ ᑖᐊᐧᔨᕽ, ᒥᓇ ᑭ ᑲᑫᐧᒋᒣᐤ ᒋᓴᓴ ᐁ ᐃᑌᐧᐟ, ᓇᒪ ᑫᑲᐧᐩ ᒋ ᑭ ᓇᐢᑫᐧᐊᐧᓯᑖᐣ? ᑫᑲᐧᐩ ᐅᒪ ᐅᑯ ᐅᐟ ᐋᒋᒧᐊᐧᐠ ᑳ ᐃᓯ ᒪᒥᓯᒥᐢᑭᐠ? 61ᒫᑲ ᓇᒪᐃᐧᔭ ᑭᑐ, ᒥᓇ ᓇᒪ ᑫᑲᐧᐩ ᓇᐢᑫᐧᐊᐧᓯᑖᐤ. ᐁᑲᐧ ᒥᓇ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ ᑲᑫᐧᒋᒥᐠ, ᒥᓇ ᐃᑎᐠ, ᑭᔭ ᒋ ᙭, ᐅᑯᓯᓴ ᑫᐢᑌᔨᑖᑯᓯᐟ? 62#ᑖᓂᐁᓬ 7:13ᒋᓴᐢ ᒫᑲ ᑭ ᐃᑌᐧᐤ, ᓂᔭ ᐁᐊᐧᑯ; ᒥᓇ ᑭ ᑲ ᐋᐧᐸᒫᐋᐧᐤ ᐃᔨᓂᐃᐧᑯᓯᓵᐣ ᐁ ᐊᐱᐟ ᐁ ᑭᐦᒋᓂᐢᑭᐊᐧᕽ ᓱᑳᑎᓱᐃᐧᐣ, ᒥᓇ ᐁ ᐯ ᐃᑐᐦᑌᐟ ᐊᐧᐢᑯᕽ ᑭᓯᑯᕽ. 63ᐊᓇ ᒫᑲ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐤ ᑭ ᔮᔨᑭᐱᑕᒼ ᐅ ᑭᑭᐢᑳᒋᑲᓇ, ᒥᓇ ᑭ ᐃᑌᐧᐤ, ᑫᑲᐧᐩ ᐊᐊᐧᓯᒣ ᓀᑕᐁᐧᔨᒫᔭᑯᐠ ᐅᑕᒋᒧᐊᐧᐠ? 64#ᓬᐃᐱᑎᑲᐢ 24:16ᑭ ᑭ ᐯᐦᑌᓈᐋᐧᐤ ᐹᐢᑕᒧᐃᐧᐣ: ᑖᓂᓯ ᐁᑌᔨᑕᒣᐠ? ᑲᐦᑭᔭᐤ ᒫᑲ ᑲᐢᑭᑕᒫᓱ ᓂᐱᐃᐧᐣ ᑭ ᐃᑕᓱᐋᐧᑌᐊᐧᐠ. 65ᐁᑲᐧ ᒫᑲ ᐋᑎᐦᐟ ᑭ ᓵᓯᑳᐧᑌᐊᐧᐠ, ᒥᓇ ᑭ ᐊᑲᐧᓈᑫᐧᓀᐊᐧᐠ, ᐁᑯᓯ ᑭ ᐹᐸᑲᒪᐁᐧᐊᐧᐠ, ᒥᓇ ᐁ ᐃᑖᒋᐠ ᑭᐢᑭᐁᐧᐦᐃᑫ: ᐁᑯᓯ ᐊᓂᑭ ᐅᑎᓂᐁᐧᐊᐧᐠ ᐅ ᒋᐦᒋᐋᐧᐊᐧ ᐅᐦᒋ ᑭ ᐹᐸᑲᒪᐁᐧᐊᐧᐠ ᐁ ᐅᑎᓈᒋᐠ.

66ᒣᑳᐧᐨ ᒫᑲ ᐱᑕᕒ ᓂᒑᔨᕽ ᐁ ᐊᔮᐟ ᐃᑕ ᐊᓂᒪ ᐁ ᐋᐧᐢᑳ ᐊᔮᐠ, ᑭ ᐯ ᓈᑎᐠ ᐯᔭᐠ ᐅᐟ ᐊᑐᐢᑫᔮᑲᓂᐢᑫᐧᒥᔨᐊᐧ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ; 67ᐁ ᐱᓯᐢᑳᐸᒫᐟ ᒫᑲ ᐱᑕᕒᐊ ᐁ ᐊᐊᐧᓱᔨᐟ, ᑭ ᑲᓇᐋᐧᐸᒣᐤ, ᐁᑯᓯ ᐃᑌᐧᐤ, ᑭᔭ ᒥᓇ ᑭ ᑭ ᐃᐧᒉᐋᐧᐤ ᐊᓇ ᓈᓴᕒᐃᐣ, ᒋᓴᐢ ᐅᑎ. 68ᒫᑲ ᑭ ᐊᓀᐧᑕᒼ, ᐁ ᐃᑌᐧᐟ, ᓇᒪᐃᐧᔭ ᓂ ᑭᐢᑫᔨᑌᐣ ᐊᐦᐳ ᓇᒪᐃᐧᔭ ᓂ ᓂᓯᑐᑌᐣ ᑳ ᐃᑌᐧᔭᐣ: ᑭ ᐊᐧᔭᐃᐧᐤ ᒫᑲ ᐱᑕᐃᐧᐢᑳᐧᑌᒥᕽ ᐃᓯ, ᐁᑲᐧ ᒫᑲ ᐹᑲᐋᑳᐧᐣ ᑭ ᑭᑐ. 69ᐁᑯᓯ ᐊᓂᐦᐃ ᐊᑐᐢᑫᔮᑲᓂᐢᑫᐧᐊᐧ ᒥᓇ ᑭ ᐋᐧᐸᒥᐠ, ᒥᓇ ᑭ ᒪᒋ ᐃᑌᔨᐊᐧ ᐊᓂᐦᐃ ᐁᑯᑕ ᑳ ᓂᐸᐃᐧᔨᐟ, ᐁᐊᐧᑯ ᐊᐊᐧ ᒥᓇ ᐯᔭᐠ. 70ᒫᑲ ᒥᓇ ᑭ ᐋᓀᐧᑕᒼ, ᓈᑫᐢ ᐃᔨᑯᕽ ᒫᑲ, ᐊᓂᑭ ᐁᑯᑕ ᑳ ᓂᐸᐃᐧᒋᐠ ᑭ ᐃᑌᐊᐧᐠ ᐱᑕᕒᐊ, ᑫᒋᓇ ᑭᔭ ᐯᔭᐠ ᐅ ᐃᐧᒉᐋᐧᑲᓇ; ᒋᑫᒫ ᑭ ᑳᓬᐊᓬᐃᐃᐧᔨᓂᐃᐧᐣ. 71ᒫᑲ ᑭ ᒫᒋ ᒫᒪᒋ ᐃᑌᐧᐤ ᒥᓇ ᐁ ᐋᐊᐢᐱ ᐃᑌᐧᐟ, ᓇᒪᐃᐧᔭ ᓂ ᑭᐢᑫᔨᒫᐤ ᐊᐊᐧ ᓈᐯᐤ ᑳ ᐊᔨᒧᒫᔦᐠ. 72ᓭᒫᐠ ᒫᑲ, ᐁᑲᐧ ᓂᓵᐧᐤ, ᐹᑲᐋᑳᐧᐣ ᑭ ᑭᑐ. ᐁᑲᐧ ᒫᑲ ᐱᑕᕒ ᑭ ᑭᐢᑭᓱᐸᔨᐤ ᐊᓂᒪ ᐊᔭᒥᐃᐧᐣ. ᒋᓴᓴ ᑳ ᑭ ᐃᑎᑯᐟ, ᒪᐧᔦᐢ ᓂᓵᐧᐤ ᑭᑐᐟ ᐹᑲᐋᑳᐧᐣ, ᓂᐢᑖᐧᐤ ᑭ ᑲ ᐋᓀᐧᑕᐃᐧᐣ, ᐃᐢᐱ ᒫᑲ ᒥᔮᒥᑐᓀᔨᑕᕽ ᐁᐊᐧᑫᐧᔨᐤ ᑭ ᒫᑐ.

Currently Selected:

ᓭᐣᐟ ᒫᕒᐠ 14: KKMs

Highlight

Copy