ᓬᐃᐱᑎᑲᐢ 11
11
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ ᐁ ᐃᑖᐟ, 2ᐊᔭᒥᐃᑯᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁ ᐃᑌᐧᔦᐠ, ᐁᐊᐧᑯᓂᐠ ᐅᑭ ᑳ ᐱᒫᑎᓯᒋᐠ ᑫ ᒧᐋᐧᔦᑯᐠ ᑕᐦᑐ ᐱᓯᐢᑭᐊᐧᐠ ᐊᐢᑭᕽ ᑳ ᐊᔮᒋᐠ.
3ᐱᑯ ᑐᐊᐧ ᑳ ᑖᐢᑭᑲᐢᑫᐧᐟ ᐁᑯᓯ ᐁ ᓂᓱᑲᐢᑫᐧᐟ ᒥᓇ ᑳ ᓯᑲᐧᒋᑫᐟ ᑳ ᐃᑕᓯᐟ ᐱᓯᐢᑭᐤ ᑭ ᑲ ᒧᐋᐧᐤ. 4ᐁᔨᐁᐧᕽ ᒫᑲ ᐅᑭ ᓇᒪᐃᐧᔭ ᑭ ᑲ ᒧᐋᐧᐊᐧᐠ ᐋᓂᑭ ᑳ ᓯᑲᐧᒋᑫᒋᐠ, ᐊᐦᐳ ᐊᓂᑭ ᑳ ᔨᑭᑕᐃᐧᑲᐢᑫᐧᒋᐠ; ᐱᐢᑳᐧᐃᐧᑲᓀᐃᐧ ᐱᓯᐢᑭᐤ, ᒋᑫᒫ ᓯᑲᐧᒋᑫᐤ ᒫᑲ ᓇᒪᐃᐧᔭ ᔨᑭᑕᐃᐧᑲᐢᑫᐧᐤ, ᐁᐊᐧᑯ ᓇᒪᐃᐧᔭ ᐯᑭᓯᐤ ᑭ ᑲ ᐃᑕᑭᒫᐋᐧᐤ. 5ᒥᓇ ᑯᓂ, ᒋᑫᒫ ᓯᑲᐧᒋᑫᐤ ᒫᑲ ᓇᒪᐃᐧᔭ ᔨᑭᑕᐃᐧᑲᐢᑫᐧᐤ, ᐁᐊᐧᑯ ᓇᒪᐃᐧᔭ ᐯᑭᓯᐤ ᑭ ᑲ ᐃᑕᑭᒫᐋᐧᐤ. 6ᒥᓇ ᐋᐧᐳᐢ ᒋᑫᒫ ᓯᑲᐧᒋᑫᐤ ᒫᑲ ᓇᒪᐃᐧᔭ ᔨᑭᑕᐃᐧᑲᐢᑫᐧᐤ ᓇᒪᐃᐧᔭ ᐯᑭᓯᐤ ᑭ ᑲ ᐃᑕᑭᒫᐋᐧᐤ. 7ᒥᓇ ᑯᐦᑯᐢ, ᒋᑫᒫ ᐋᑕᐃᐧᔭ ᔨᑭᑕᐃᐧᑲᐢᑫᐧᐤ ᒫᑲ ᓇᒪᐃᐧᔭ ᓯᑲᐧᒋᑫᐤ, ᓇᒪᐃᐧᔭ ᐯᑭᓯᐤ ᑭ ᑲ ᐃᑕᑭᒫᐋᐧᐤ. 8ᐅ ᐃᐧᔮᓯᐋᐧᐤ ᓇᒪᐃᐧᔭ ᑭ ᑲ ᒥᒋᐋᐧᓈᐋᐧᐤ, ᒥᓇ ᐁ ᓂᐱᒋᐠ ᓇᒪᐃᐧᔭ ᑭ ᑲ ᓵᒥᓈᐋᐧᐊᐧᐠ; ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ.
9ᐁᐊᐧᑯᓂᐠ ᐅᑭ ᑫ ᒧᐋᐧᔦᑯᐠ ᑕᐦᑐ ᓂᐱᕽ ᑳ ᐊᔮᒋᐠ; ᑕᐦᑐ ᐊᓂᑭ ᑳ ᐅᒋᐦᒋᑲᓂᒋᐠ ᒥᓇ ᑳ ᐅᐊᐧᐊᑳᒋᐠ ᓂᐱᕽ, ᑭᐦᒋᑲᒥᕽ, ᒥᓇ ᓯᐱᕽ, ᐁᐊᐧᑯᓂᐠ ᑭ ᑲ ᒧᐋᐧᐋᐧᐊᐧᐠ. 10ᑲᐦᑭᔭᐤ ᒫᑲ ᐁᑳ ᑳ ᐅᒋᐦᒋᑲᓂᒋᐠ ᒥᓇ ᐁᑳ ᑳ ᐅᐊᐧᐊᑳᒋᐠ ᑭᐦᒋᑲᒥᕽ ᒥᓇ ᓯᐱᕽ, ᑲᐦᑭᔭᐤ ᑳ ᐊᐧᐢᑲᐃᐧᑖᒋᐠ ᓂᐱᕽ, ᒥᓇ ᑲᐦᑭᔭᐤ ᑳ ᐱᒫᑎᓯᒋᐠ ᓂᐱᕽ, ᐸᑳᐧᑎᑯᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ, 11ᐁᑯᓯ ᑭ ᑲ ᐸᑳᐧᑖᐋᐧᐊᐧᐠ; ᓇᒪᐃᐧᔭ ᑭ ᑲ ᒥᒋᐋᐧᓈᐋᐧᐤ ᐁ ᐅ ᐃᐧᔮᓯᒋᐠ ᐁᑯᓯ ᐁ ᓂᐱᒋᐠ ᐸᑳᐧᑎᑲᐧᓇᐧ ᑭ ᑲ ᐃᑕᑭᑕᒫᐧᓈᐋᐧᐤ ᐃᐧᔭᐃᐧᐋᐧᐊᐧ. 12ᑕᐦᑐ ᐊᓂᑭ ᐁᑳ ᑳ ᐅᒋᐦᒋᑲᓂᒋᐠ ᒥᓇ ᐁᑳ ᑳ ᐅᐊᐧᐊᑳᒋᐠ ᓂᐱᕽ, ᐁᐊᐧᑯᓂᐠ ᐸᑳᐧᑎᑯᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ.
13ᐁᑯᓯ ᐅᑭ ᐸᑳᐧᑎᑯᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ ᑕᐦᑐ ᐊᓂᑭ ᑳ ᐸᐹᒥᔮᒋᐠ; ᓇᒪᐃᐧᔭ ᑭᑕ ᒧᐋᐧᐊᐧᐠ, ᐸᑳᐧᑎᑯᓯᐊᐧᐠ; ᒥᑭᓯᐤ, ᐳᐢᑳᐧᐸᑕᓀᐃᐧ ᒥᑭᓯᐤ, ᒥᓇ ᐱᔨᔨᑯᓀᐤ; 14ᒥᓇ ᑫᐦᑫᕽ, ᒥᓇ ᐱᐳᓇᓯᐤ ᐁ ᑐᐃᐧᑳᓂᐃᐧᐟ; 15ᑲᐦᑭᔭᐤ ᑳᐦᑳᑭᐤ ᐁ ᑐᐃᐧᑳᓂᐃᐧᐟ; 16ᒥᓇ ᐋᐢᑕᕒᐃᐨ, ᒥᓇ ᐱᐢᐠ, ᒥᓇ ᑲᐢᑭᑌᓯᑊ, ᒥᓇ ᓵᑲᐧᑕᒧ ᑐᐃᐧᑳᐣ. 17ᒥᓇ ᐊᐱᐢᒋ ᐅᐦᐅ, ᒥᓇ ᑳᐦᑳᑭᓯᑊ, ᒥᓇ ᑯᑯᑲᐦᐅ; 18ᒥᓇ ᐋᐧᐱᓯᐤ, ᒥᓇ ᒐᐦᒐᑭᐤ, ᒥᓇ ᑭᐦᐃᐧ; 19ᒥᓇ ᐅᒋᒑᕽ, ᒥᓇ ᒧᑲᐦᐅᓯᐤ ᑐᐃᐧᑳᐣ, ᒥᓇ ᐦᐅᐹ ᒥᓇ ᐅᐸᑳᐧᓈᒋᐢ.
20ᑲᐦᑭᔭᐤ ᑳ ᐸᐹᒥᔮᒋᐠ ᒫᑲ ᑳ ᓀᐅᑳᑌᑌᒋᐠ ᐸᑳᐧᑎᑯᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ. 21ᒫᑲ ᐁᔨᐁᐧᕽ ᐅᑭ ᑭ ᑲ ᑭ ᒧᐋᐧᐋᐧᐊᐧᐠ ᑲᐦᑭᔭᐤ ᑳ ᐸᐹᒥᔮᒋᐠ ᒥᓇ ᑳ ᐸᐹᒥᑖᒋᒧᒋᐠ ᑳ ᓀᐅᑳᑌᑌᒋᐠ, ᑳ ᐅᐢᑳᑎᒋᐠ ᐅᓯᑎᐊᐧᕽ ᑭᑕ ᑳᐧᐢᑫᐧᐸᔨᐅᒋᐠ ᐊᐧᐢᑭᑕᐢᑲᒥᐠ; 22ᐁᑯᑕᐊᐧ ᐁᐊᐧᑯᓂᐠ ᐅᑭ ᑭ ᑲ ᑭ ᒧᐋᐧᐋᐧᐊᐧᐠ; ᒥᓯ ᑳᐧᐢᑯᑎᓯᐤ ᐁ ᑐᐃᐧᑳᓂᐃᐧᐟ, ᒥᓇ ᑳ ᐸᐢᑳᐧᑎᐯᐟ ᑳᐧᐢᑯᑎᓯᐤ ᐁ ᑐᐃᐧᑳᓂᐃᐧᐟ, ᒥᓇ ᑳᐧᐢᑯᑎᓯᐢ ᐁ ᑐᐃᐧᑳᓂᐃᐧᐟ ᒥᓇ ᐊᐱᐢᒋ ᑳᐧᐢᑯᑎᓯᐢ ᐁ ᑐᐃᐧᑳᓂᐃᐧᐟ, 23ᒫᑲ ᑲᐦᑭᔭᐤ ᑳ ᐅᑕᑕᑲᐧᓂᒋᐠ ᑳ ᐱᒥᑖᒋᒧᒋᐠ, ᑳ ᓀᐅᐧᓯᑌᒋᐠ ᐸᑳᐧᑎᑯᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ.
24ᐁᐊᐧᑯᓂᐠ ᒫᑲ ᐅᑭ ᑫ ᐅᐦᒋ ᐁᑳ ᐯᑭᓯᔦᐠ; ᐊᐃᐧᔭᐠ ᑫ ᓵᒥᓇᒥᔨᐟ ᐃᐧᔭᐃᐧᔨᐤ ᐁ ᓂᐱᔨᐟ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 25ᒥᓇ ᐊᐃᐧᔭᐠ ᑫ ᐱᒥᐃᐧᑖᐋᐧᐟ ᓈᐣᑕᐤ ᑫᑲᐧᐩ ᐃᐧᔭᐃᐧᔨᕽ ᐅᐦᒋ ᐁ ᓂᐱᔨᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 26ᑕᐦᑐ ᐱᓯᐢᑭᐤ ᑳ ᔨᔨᑭᓯᑌᐟ ᐁᑳ ᒫᑲ ᑳ ᓂᓱᑲᐢᑫᐧᐟ, ᐊᐦᐳ ᐁᑳ ᑳ ᓯᑲᐧᒋᑫᐟ, ᓇᒪᐃᐧᔭ ᐯᑭᓯᐤ ᑭ ᑲ ᐃᑕᑭᒫᐋᐧᐤ; ᑲᐦᑭᔭᐤ ᐊᐃᐧᔭᐠ ᑳ ᓴᒥᓈᐟ ᓇᒪᐃᐧᔭ ᑭᑕ ᐯᑭᓯᐤ, 27ᐊᐃᐧᔭᐠ ᒥᓇ ᐅ ᔪᐢᑭᒋᐦᒑᓂᕽ ᑳ ᐱᒧᐦᑌᐟ ᑕᐦᑐ ᐊᓂᑭ ᐱᓯᐢᑭᐊᐧᐠ ᑳ ᓀᐅᑳᑌᑌᒋᐠ, ᐁᐊᐧᑯᓂᐠ ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ; ᐊᐃᐧᔭᐠ ᓵᒥᓇᒫᐧᔨᒋ ᐃᐧᔭᐃᐧᔨᐤ ᐁ ᓂᐱᔨᐟ ᓇᒪᐃᐧᔭ ᑭᑕ ᐯᑭᓯᒼ ᐃᐢᑯ ᐁ ᐅᑖᑯᓯᓂᔨᐠ. 28ᐊᐃᐧᔭᐠ ᒫᑲ ᐱᒥᐃᐧᑕᐋᐧᔨᒋ ᐃᐧᔭᐃᐧᔨᐤ ᐁ ᓂᐱᔨᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ; ᐁᐊᐧᑯᓂᐠ ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ.
29ᐅᑭ ᒥᓇ ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ ᑕᐦᑐ ᐊᓂᑭ ᑳ ᐸᐹᒧᑌᒋᐠ ᐊᐧᐢᑭᑕᐢᑲᒥᐠ; ᓯᐦᑯᐢ, ᒥᓇ ᐋᐸᑯᓯᐢ, ᒥᓇ ᑭᐦᒋ ᐊᓴᑭᐤ ᑐᐃᐧᑳᐣ. 30ᒥᓇ ᑫᐦᑯ, ᑲᕒᐊᑲᑕᐃᓬ, ᒥᓇ ᐊᓴᑭᐤ, ᒥᓇ ᔦᑲᐤ ᐊᓴᑭᐤ, ᒥᓇ ᑲᒣᓬᐃᔭᐣ. 31ᐁᐊᐧᑯᓂᐠ ᐅᑭ ᓇᒪᐃᐧᔭ ᐯᑭᓯᐊᐧᐠ ᑫ ᐃᑕᑭᒫᔦᑯᐠ ᑕᐦᑐ ᐊᓂᑭ ᑳ ᐸᐹᒥᑖᒋᒧᒋᐠ; ᐊᐃᐧᔭᐠ ᓵᒥᓈᒋ ᐁ ᑭ ᓂᐱᔨᐟ, ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 32ᐱᑯ ᑫᑲᐧᐩ ᒫᑲ ᓂᑯᑖᐧ ᐁᐊᐧᑯᓂᐠ ᐁ ᓂᐱᒋᐠ ᐃᑕ ᐁ ᐸᐦᑭᓯᐦᑭᐠ, ᓇᒪᐃᐧᔭ ᑭᑕ ᐯᑲᐣ; ᑭᐢᐱᐣ ᒥᐢᑎᑯᐊᓯᐊᐧᒋᑲᐣ, ᐊᐦᐳ ᑭᑭᐢᑳᒋᑲᐣ, ᐊᐦᐳ ᐸᑫᑭᐣ, ᐊᐦᐳ ᒪᐢᑭᒧᐟ, ᐱᑯ ᑐᐃᐧ ᐊᓯᐊᐧᒋᑲᐣ ᓇᐣᑕᐤ ᐁ ᐃᑖᐸᒋᐦᑖᕽ, ᐱᑯ ᑭᑕ ᐸᑲᐢᑕᐁᐧᐦᐃᑳᑌᐠ, ᐁᑯᓯ ᓇᒪᐃᐧᔭ ᑭᑕ ᐯᑲᐣ ᐃᐢᑯ ᑭᑕ ᐅᑖᑯᓯᐠ; ᐁᑲᐧ ᒫᑲ ᑭᑕ ᐯᑲᐣ. 33ᑲᐦᑭᔭᐤ ᒫᑲ ᐊᓯᐢᑭᐃᐧ ᐊᓯᐊᐧᒋᑲᐣ ᓂᑯᑖᐧ ᐁᐊᐧᑯᓂᐠ ᐁᑯᑕ ᐁ ᐸᐦᑭᓯᐦᑭᐠ, ᐱᑯ ᑫᑲᐧᐩ ᐁᑯᑕ ᐁ ᐊᓯᐊᐧᑌᐠ ᓇᒪᐃᐧᔭ ᑭᑕ ᐯᑲᐣ, ᐁᐊᐧᑯ ᒫᑲ ᐃᐧᔭ ᑭ ᑲ ᐱᑯᓀᓈᐋᐧᐤ. 34ᑲᐦᑭᔭᐤ ᒥᒋᐃᐧᐣ ᐁᑯᑕ ᐁ ᐊᓯᐊᐧᑌᐠ ᑭᑕ ᑭ ᒥᒋᓈᓂᐊᐧᕽ, ᐁᐊᐧᑯ ᒫᑲ ᐅᐦᒋ ᓂᐱᐊᐧᑭ, ᓇᒪᐃᐧᔭ ᑭᑕ ᐯᑲᐣ; ᒥᓇ ᑲᐦᑭᔭᐤ ᑫᑲᐧᐩ ᑭᑕ ᑭ ᒥᓂᐦᑫᐧᕽ ᐁᐊᐧᑯ ᐊᓯᐊᐧᒋᑲᓂᕽ ᓇᒪᐃᐧᔭ ᑭᑕ ᐯᑲᐣ. 35ᑲᐦᑭᔭᐤ ᑫᑲᐧᐩ ᒫᑲ ᐃᑕ ᓈᐣᑕᐤ ᐃᐧᔭᐤ ᐁ ᓂᐱᒋᐠ ᐁ ᓵᒥᑎᓂᔨᐠ ᓇᒪᐃᐧᔭ ᑭᑕ ᐯᑲᐣ; ᑭᐢᐱᐣ ᑲᐢᑲᒧᑎᑲᓯᑲᐣ, ᐊᐦᐳ ᑯᑐᐋᐧᓈᐱᐢᐠ ᐊᐢᑭᑲᐧᐠ ᐅᐦᒋ, ᑭᑕ ᐱᑯᓂᑳᑌᐤ; ᓇᒪᐃᐧᔭ ᐯᑲᓇᐧ ᐁᑯᓯ ᓇᒪᐃᐧᔭ ᐯᑲᐣ ᑭ ᑲ ᐃᑕᑭᑌᓈᐋᐧᐤ. 36ᐁᔨᐁᐧᕽ ᒫᑲ ᒧᑭᒋᐊᐧᓂᐯᐠ ᐊᐦᐳ ᐋᐧᔨᐯᔮᐤ ᐃᑕ ᒥᐢᑕᐦᐃ ᓂᐱ ᐁ ᐊᓯᐊᐧᑌᐠ, ᑭᑕ ᐯᑲᐣ; ᒫᑲ ᐊᓇ ᑳ ᓵᒥᓇᒫᐧᐟ ᐃᐧᔭᐃᐧᔨᐤ ᐁ ᓂᐱᔨᐟ ᓇᒪᐃᐧᔭ ᑭᑕ ᐯᑭᓯᐤ. 37ᑭᐢᐱᐣ ᒫᑲ ᓈᐣᑕᐤ ᐃᐧᔭᐃᐧᐋᐧᕽ ᐅᐦᒋ ᐁ ᓂᐱᒋᐠ ᐸᑭᑎᓂᔨᐠ ᑭᐢᑎᑳᒋᑲᓂᕽ ᐁ ᐃᐧ ᑭᐢᑎᑳᒋᑳᑌᐠ, ᑭᑕ ᐯᑲᐣ. 38ᒫᑲ ᑭᐢᐱᐣ ᓂᐱ ᐊᐢᑖᑭ ᑭᐢᑎᑳᒋᑲᓂᕽ ᓈᐣᑕᐤ ᒫᑲ ᐃᐧᔭᐃᐧᐋᐧᕽ ᐅᐦᒋ ᐁ ᓂᐳᒪᑲᓂᔨᐠ ᐁᑯᑕ ᐸᑭᑎᑭ, ᓇᒪᐃᐧᔭ ᐯᑲᐣ ᑭ ᑲ ᐃᑕᑭᑌᓈᐋᐧᐤ.
39ᑭᐢᐱᐣ ᒥᓇ ᓈᐣᑕᐤ ᐱᓯᐢᑭᐤ ᐊᓇ ᑭᑕ ᑭ ᒧᐋᐧᔦᐠ ᓂᐱᒋ; ᐊᓇ ᑳ ᓵᒥᓇᒫᐧᐟ ᐃᐧᔭᐃᐧᔨᐤ ᐁ ᓂᐱᔨᐟ ᓇᒪᐃᐧᔭ ᑭᑕ ᐯᑭᓯᐤ ᐁ ᐅᑖᑯᓯᓂᔨᐠ ᐃᐢᑯ. 40ᐊᓇ ᒫᑲ ᑳ ᒧᐋᐧᐟ ᐁ ᐅᐃᐧᔮᓯᔨᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ; ᐊᓇ ᒥᓇ ᑳ ᐱᒥᐃᐧᑖᐋᐧᐟ ᐃᐧᔭᐃᐧᔨᐤ ᐁ ᓂᐱᔨᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ.
41ᑲᐦᑭᔭᐤ ᒫᑲ ᑫᑲᐧᐩ ᑳ ᐸᐹᒥᑖᒋᒧᒪᑲᕽ ᐊᐧᐢᑭᑕᐢᑲᒥᐠ ᑳ ᐸᐹᒥᑖᒋᒧᒪᑲᕽ ᐸᑳᐧᑎᑲᐧᐣ; ᓇᒪᐃᐧᔭ ᑭᑕ ᒥᒋᓈᓂᐊᐧᐣ. 42ᐊᓇ ᐊᐧᑖᕽ ᑳ ᐱᒥᑖᒋᒧᐟ, ᒥᓇ ᐊᓇ ᑳ ᓀᐅᑳᑌᑌᐟ, ᐊᐦᐳ ᑳ ᒥᐦᒉᑐᓯᑌᐟ, ᑲᐦᑭᔭᐤ ᐅᑎ ᑳ ᐸᐹᒥᑖᒋᒧᒋᐠ, ᐊᐧᐢᑭᑕᐢᑲᒥᐠ ᑳ ᐸᐹᒥᑖᒋᒧᒋᐠ ᓇᒪᐃᐧᔭ ᑭ ᑲ ᒧᐋᐧᐋᐧᐊᐧᐠ ᒋᑫᒫ ᐸᑳᐧᑎᑯᓯᐊᐧᐠ. 43ᓇᒪᐃᐧᔭ ᑭ ᑲ ᐃᑐᑌᓈᐋᐧᐤ ᑭᑕ ᐅᐦᒋ ᐸᑳᐧᑎᑯᓯᔦᐠ ᓈᐣᑕᐤ ᑫᑲᐧᐩ ᑳ ᐸᐹᒥᑖᒋᒧᒪᑲᕽ ᓇᒪᐃᐧᔭ ᒥᓇ ᑭ ᑲ ᐃᓯᒋᑳᓈᐋᐧᐤ ᑭᑕ ᐁᑳ ᐯᑭᓯᔦᐠ ᐁᐊᐧᑯᓂᐠ ᐅᐦᒋ, ᐁᑯᑕ ᑭᑕ ᐅᐦᒋ ᐁᑳ ᐯᑭᓯᔦᐠ.
44 #
ᓬᐃᐱᑎᑲᐢ 19:2; 1 ᐱᑕᕒ 1:16 ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ; ᑲᓈᒋᐃᓱᐠ ᒫᑲ, ᒥᓇ ᑲᓈᑎᓯᐠ, ᒋᑫᒫ ᓂᔭ ᓂ ᑲᓈᑎᓯᐣ: ᓇᒪᐃᐧᔭ ᒥᓇ ᑭ ᑲ ᐃᓯᒋᑲᓈᓯᐋᐧᐤ ᑭᑕ ᐁᑳ ᐯᑭᓯᔦᐠ ᓈᐣᑕᐤ ᑫᑲᐧᐩ ᐅᐦᒋ ᑳ ᐸᐸᒥᑖᒋᒧᒪᑲᕽ ᑳ ᐊᐧᐢᑲᐃᐧᑖᒪᑲᕽ ᐊᐧᐢᑭᑕᐢᑲᒥᐠ. 45ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑳ ᑭ ᐯ ᓯᐯᐧᑕᐃᑕᑯᐠ ᐃᒋᑊᐟ ᐊᐢᑭᕽ ᐅᐦᒋ, ᓂᔭ ᑭᑕ ᐅ ᑭᓭᒪᓂᑐᒥᔦᐠ; ᑭ ᑲ ᑲᓈᑎᓯᓈᐋᐧᐤ ᒫᑲ ᒋᑫᒫ ᓂᔭ ᓂ ᑲᓈᑎᓯᐣ.
46ᐁᐊᐧᑯ ᐅᒪ ᐁᑕᓱᐋᐧᑎᐦᐟ ᐱᓯᐢᑭᐤ, ᒥᓇ ᑳ ᐸᐹᒥᔮᐟ, ᒥᓇ ᑲᐦᑭᔭᐤ ᑳ ᐱᒫᑎᓯᐟ ᐅᓯᐦᒋᑲᐣ ᑳ ᐊᐧᐢᑲᐃᐧᑖᐟ ᓂᐱᕽ, ᒥᓇ ᑲᐦᑭᔭᐤ ᐅᓯᐦᒋᑲᐣ ᑳ ᐸᐸᒥᑖᒋᒧᐟ ᐊᐧᐢᑭᑕᐢᑲᒥᐠ; 47ᐱᑐᐢ ᑭᑕ ᐃᑌᔨᑖᑲᐧᕽ ᐊᓂᒪ ᐁᑳ ᑳ ᐯᑲᕽ ᒥᓇ ᐊᓂᒪ ᑳ ᐯᑲᕽ, ᒥᓇ ᐊᓇ ᑳ ᐱᒫᑎᓯᐟ ᑭᑕ ᑭ ᒧᐃᐧᐦᐟ ᒥᓇ ᐊᓇ ᑳ ᐱᒫᑎᓯᐟ ᐁᑳ ᑭᑕ ᑭ ᒧᐃᐧᐦᐟ.
Currently Selected:
ᓬᐃᐱᑎᑲᐢ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
