ᒎᓇ 2
2
1ᐁᑲᐧ ᒎᓇ ᑭ ᐊᔭᒥᐦᐁᐢᑕᐁᐧᐤ ᑳ ᑎᐯᔨᐦᒋᑫᔨᐟ ᑭᓄᓭᐊᐧ ᐊᐧᑖᔨᕽ ᐅᐦᒋ. 2ᑭ ᐃᑌᐧᐤ ᒫᑲ, ᓂ ᑭ ᒪᐃᐧᒧᐢᑕᐋᐧᐤ ᑳ ᑎᐯᔨᐦᒋᑫᐟ ᓂ ᑯᑕᑭᑖᐃᐧᐣ ᐅᐦᒋ, ᐁᑯᓯ ᓂ ᑭ ᓇᐢᑫᐧᐊᐧᓯᒥᐠ; ᐁ ᐊᐧᑖᐊᐧᕽ ᒋᐸᔭᐢᑭ ᐅᐦᒋ ᓂ ᑭ ᒪᐃᐧᒧᑳᐣ, ᐁᑯᓯ ᑭ ᑭ ᐯᑕᐃᐧᐣ.
3ᒋᑫᒫ ᑎᒥᕽ ᑭ ᑭ ᐃᓯᐁᐧᐱᓂᐣ, ᑖᐋᐧᔨᕽ ᑭᐦᒋᑲᒥᕽ, ᐁᑯᓯ ᔨᐢᑭᐯᐤ ᓂ ᑭ ᐋᐧᐢᑳᐢᑳᑯᐣ; ᑲᐦᑭᔭᐤ ᑭ ᐱᒫᐢᑳᒪ ᒥᓇ ᑭ ᒫᒪᑳᐊᓄᒪ ᓂ ᑭ ᐱᒥ ᔨᐢᑭᐸᑎᑯᐣ.
4ᓂ ᑭ ᐃᑖᐧᐣ ᒫᑲ, ᓂ ᐊᐧᔭᐃᐧᐁᐧᐱᓂᑲᐃᐧᐣ ᐁᑳ ᑭᑕ ᐋᐧᐸᒥᔭᐣ; ᐁᔨᐁᐧᕽ ᒫᑲ ᑫᔮᐱᐨ ᓂ ᑲ ᐃᑖᐱᐣ ᑭ ᑭᐦᒋᐊᔭᒥᐦᐁᐃᐧᑲᒥᑯᕽ ᐃᑌᐦᑫ.
5ᓂᐱᔭ ᓂ ᑭ ᐋᐧᐢᑳᐢᑳᑯᐣ, ᐊᐦᐳ ᓂᐟ ᐊᒑᑯᕽ; ᑎᒥᐤ ᓂ ᑭ ᐋᐧᐢᑳᐢᑳᑯᐣ; ᐊᓯᓯᔭ ᓂ ᑭ ᐁ ᐁᐧᑭᐢᑎᑳᐧᓀᐢᑳᑯᐣ.
6ᓂ ᑭ ᐃᐢᐸᔨᐣ ᐁ ᐁᓇᐢᑲᒥᑲᐢᑌᑭ ᐊᐧᒋᔭ; ᐊᐢᑭ ᑭᑭ ᐅ ᑭᐹᐢᑯᐃᑲᓇ ᓂ ᑭ ᓈᐢᐱᒋ ᑭᐸᐅᑯᐣ; ᐁᔨᐁᐧᕽ ᒫᑲ ᑭ ᑭ ᐯ ᐊᐧᔭᐃᐧᑕᑖᐣ ᓂ ᐱᒫᑎᓯᐃᐧᐣ ᔨᑲᐧᐦᐊᐢᑳᓂᕽ ᐅᐦᒋ, ᑳ ᑎᐯᔨᐦᒋᑫᔭᐣ ᓂ ᑭᓭᒪᓂᑐᒼ.
7ᐃᐢᐱ ᓂᐟ ᐊᐦᒑᕽ ᐁ ᓀᓱᐃᐧᐸᔨᐟ ᐱᒑᔨᕽ, ᓂ ᑭ ᑭᐢᑭᓯᑐᑕᐋᐧᐤ ᑳ ᑎᐯᔨᐦᒋᑫᐟ; ᐁᑯᓯ ᓂᐟ ᐊᔭᒥᐦᐋᐃᐧᐣ ᑭ ᑭ ᐅᑎᐦᑎᑯᐣ, ᐱᐦᒋ ᑳ ᑲᓈᑕᕽ ᑭ ᑭᐦᒋᐊᔭᒥᐦᐁᐃᐧᑲᒥᐠ.
8ᐊᓂᑭ ᑳ ᐸᐱᓯᐢᑫᔨᑕᐦᑭᐠ ᐱᑯᓇᑕ ᑭᔮᐢᑭᐃᐧᓇ ᐁᐧᐱᓇᒪᐧᐠ ᑎᐱᔭᐤ ᐅ ᓴᐁᐧᔨᑖᑯᓯᐃᐧᓂᐋᐧᐤ.
9ᒫᑲ ᓂᔭ ᑭ ᑲ ᐸᑭᑎᓇᒫᑎᐣ ᐸᑭᑎᓈᓱᐃᐧᐣ ᑭᑭ ᐁ ᐯᑖᑲᐧᕽ ᓇᓈᐢᑯᒧᐃᐧᐣ; ᓂ ᑲ ᑎᐸᐁᐣ ᐊᓂᒪ ᑳ ᑭ ᑭᐦᒋᐃᑌᐧᔮᐣ, ᐱᒫᒋᐦᐃᐁᐧᐃᐧᐣ ᑳ ᑎᐯᔨᐦᒋᑫᐟ ᐅᐦᒋᐸᔨᐤ.
10ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᐊᓂᐦᐃ ᑭᓄᓭᐊᐧ, ᐁᑯᓯ ᑭ ᐸᑭᑕᑌᒣᐤ ᒎᓇᐊᐧ ᐹᑲᐧᒑᕽ.
Currently Selected:
ᒎᓇ 2: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
