ᐦᐋᓯᔭ 3
3
1ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᒥᓇ ᒫᐦᑎ, ᓵᑭᐦ ᐃᐢᑫᐧᐤ ᐁ ᓵᑭᐦᐃᑯᐟ ᐅᑐᑌᒪ ᒥᓇ ᐁ ᐱᓯᑳᐧᑎᓯᐟ, ᑖᐱᐢᑯᐨ ᑳ ᑎᐯᔨᐦᒋᑫᐟ ᑳ ᐃᓯ ᓵᑭᐦᐋᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐊᑕ ᑯᑕᑲ ᒪᓂᑐᐊᐧ ᐁ ᑫᐧᐢᑭᐢᑕᐋᐧᔨᐟ, ᒥᓇ ᐁ ᓵᑭᐦᑖᒋᐠ ᓱᒥᓂᐹᓯᒥᓈᓇ. 2ᐁᑯᓯ ᓂ ᑎᐸᐦᐊᒪᐋᐧᐤ ᒥᑖᑕᐦᐟ ᓂᔮᓇᓄᓵᑊ ᑕᑖᐧᐱᐢᐠ ᐋᐧᐱᐢᑭᓱᓂᔮᐊᐧ, ᒥᓇ ᐯᔭᐠ ᒥᓯᒪᑲᕽ ᒥᓇ ᐋᐱᑕᐤ ᐃᐢᑫᐧᓯᓯᑳᓇ. 3ᓂ ᑭ ᐃᑖᐤ ᒫᑲ, ᒥᐦᒉᑐᑭᓯᑲᐤ ᑭ ᑲ ᐯᐦᐃᐣ, ᓇᒪᐃᐧᔭ ᐱᓯᑳᐧᑎᓯᐃᐧᐣ ᑭ ᑲ ᓄᒋᐦᑖᐣ, ᒥᓇ ᓇᒪᐃᐧᔭ ᐊᐃᐧᔭᐠ ᓈᐯᐤ ᑭ ᑲ ᐃᐧᑭᒫᐤ; ᐁᑯᓯ ᓂᐢᑕ ᑫ ᐃᑐᑖᑖᐣ.
4ᒋᑫᒫ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᐦᒉᑐᑭᓯᑳᐤ ᑭᑕ ᐯᐦᐅᐊᐧᐠ ᐁᑳ ᐁ ᐊᔮᐋᐧᒋᐠ ᑭᐦᒋ ᐅᑭᒫᐊᐧ, ᐊᐦᐳ ᐅᑭᒫᐊᐧ, ᐊᐦᐳ ᒪᒍᐢᑌᐦᐊᒫᑫᐃᐧᐣ, ᐊᐦᐳ ᒋᒪᒋᑲᐣ, ᐊᐦᐳ ᐁᐦᐸᐟ ᐊᐦᐳ ᑌᕒᐊᐱᒼ. 5ᒣᐧᐢᑕᐢ ᐃᔨᑯᕽ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᑫᐧᐢᑭᐊᐧᐠ, ᐁᑯᓯ ᑭᑕ ᓇᑐᓇᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ, ᒥᓇ ᑌᐱᑕ ᐅ ᑭᐦᒋ ᐅᑭᒫᒥᐋᐧᐊᐧ; ᐁᑯᓯ ᑭᑕ ᐯ ᓈᑌᐊᐧᐠ ᑳ ᑎᐯᔨᐦᒋᑫᔨᐟ ᐁ ᑯᓯᑫᐧᔨᒫᒋᐠ ᒥᓇ ᐅ ᒥᔮᐧᑎᓯᐃᐧᓂᔨᐤ ᐃᐢᑳᐧᔮᐨ ᑲᑭᓯᑳᔨᑭ.
Currently Selected:
ᐦᐋᓯᔭ 3: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
