ᒉᓂᓯᐢ 45

1 # ᐃᓯᐦᒋᑫᐃᐧᓂᐋᐧᐊᐧ 7:13 ᐁᑲᐧ ᒫᑲ ᒍᓯᑊ ᓇᒪᐃᐧᔭ ᑭ ᓇᑳᓂᓱ ᐁ ᐋᐧᐸᒥᑯᐟ ᑲᐦᑭᔭᐤ ᐊᓂᐦᐃ ᑳ ᓂᐸᐃᐧᐢᑖᑯᐟ; ᐁᑯᓯ ᑭ ᐃᓯ ᑌᐯᐧᐤ, ᑭᔮᒼ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᐊᐧᔭᐃᐧᐊᐧᐠ ᐁᑳ ᐅᑕ ᑭᑕ ᐊᔮᒋᐠ. ᓇᒪ ᐊᐃᐧᔭ ᒫᑲ ᐊᔨᓯᔨᓂᐊ ᑭ ᓂᐸᐃᐧᐢᑖᐠ ᐃᐢᐱ ᒍᓯᑊ ᐁ ᑭᐢᑫᔨᑕᒧᐋᐟ ᐅᒋᐋᐧᒪ ᐃᐧᔭ ᐁ ᐋᐃᐧᐟ. 2ᒥᐢᑕᐦᐃ ᒫᑲ ᑭ ᒫᑐ; ᐁᑯᓯ ᐃᒋᑊᓯᐊᓇᐠ ᒥᓇ ᐯᕒᐅ ᐃᐧᑭᔨᕽ ᑭ ᐯᐦᑖᐠ. 3ᒍᓯᑊ ᒫᑲ ᐅᒥᓯ ᑭ ᐃᑌᐤ ᐅᒋᐋᐧᒪ, ᓂᔭ ᒍᓯᑊ; ᑫᔮᐱᐨ ᒋ ᐱᒫᑎᓯᐤ ᓄᑖᐃᐧ? ᐅᒋᐋᐧᒪ ᒫᑲ ᓇᒪᐃᐧᔭ ᑭ ᓇᐢᑫᐧᐊᐧᓯᒥᐠ, ᒋᑫᒫ ᑭ ᓭᑳᐱᓯᓂᔨᐊᐧ. 4ᒍᓯᑊ ᒫᑲ ᐅᒥᓯ ᑭ ᐃᑌᐤ ᐅᒋᐋᐧᒪ, ᑭᓯᐋᐧ ᐯ ᓈᓯᐠ, ᑭᐸᑯᓭᔨᒥᑎᓈᐋᐧᐤ. ᑭᓯᐋᐧᐠ ᒫᑲ ᑭ ᐯ ᐃᑐᐦᑌᐊᐧᐠ. ᑭ ᐃᑌᐧᐤ ᒫᑲ, ᓂᔭ ᒍᓯᑊ ᑭᒋᐋᐧᒥᐋᐧᐤ ᑳ ᑭ ᐊᑖᐊᐧᑫᔦᐠ ᐃᒋᑊᑎᕽ. 5ᐁᑲᐧ ᒫᑲ ᐁᑳᐃᐧᔭ ᑭᓯᓈᑌᔨᑕᒧᐠ ᐊᐦᐳ ᐁᑳᐃᐧᔭ ᑭᓯᐢᑖᓱᐠ ᐁ ᑭ ᐊᑖᐋᐧᑳᓯᔦᐠ ᐅᑕ; ᒋᑫᒫ ᑭᓭᒪᓂᑐ ᓂ ᑭ ᐯ ᓂᑳᓂᑎᓴᐦᐅᐠ, ᑭᑕ ᑲᓇᐁᐧᔨᑕᒫᐣ ᐱᒫᑎᓯᐃᐧᐣ. 6ᒋᑫᒫ ᐁᐊᐧᑯ ᐅᒪ ᓵᓴᐧ ᓂᓱ ᐱᐳᐣ ᐁ ᓄᑌᑲᑌᕽ ᐊᐢᑭᕽ; ᑫᔮᐱᐨ ᒫᑲ ᓂᔮᓇᓄᐱᐳᐣ ᐁᑳ ᑲᓇᑫ ᑭᑕ ᐱᑯᐱᒋᑫᕽ ᐊᐦᐳ ᑭᑕ ᒫᐊᐧᒋᒋᑫᕽ. 7ᑭᓭᒪᓂᑐ ᒫᑲ ᓂ ᑭ ᐯ ᓂᑳᓂᑎᓴᐦᐅᐠ, ᑭᑕ ᐱᒫᒋᐦᐊᑭᐠ ᑭᐟ ᐊᐋᐧᓯᒥᓯᐋᐧᐊᐧᐠ ᐊᐢᑭᕽ, ᒥᓇ ᑭᑕ ᐱᒫᒋᐦᑖᔮᐣ ᑭ ᐱᒫᑎᓯᐃᐧᓂᐋᐧᐊᐧ ᑭᐦᒋ ᐸᐢᐱᐦᐃᐁᐧᐃᐧᐣ ᐅᐦᒋ. 8ᐁᑯᓯ ᒫᑲ ᓇᒪᐃᐧᔭ ᑭᔭᐋᐧᐤ ᑳ ᑭ ᐯ ᐃᓯᑎᓴᐦᐅᔦᐠ ᐅᑕ, ᒫᑲ ᑭᓭᒪᓂᑐ, ᓂ ᑭ ᐃᓯᐃᐠ ᒫᑲ ᑖᐱᐢᑯᐨ ᐯᕒᐅ ᐅᑖᐃᐧᔭ, ᒥᓇ ᑭᑕ ᑎᐯᔨᐦᑕᒪᐧᐠ ᒥᓯᐁᐧ ᐃᐧᑭ, ᒥᓇ ᐁ ᑭ ᑎᐯᔨᐦᑕᒧᐃᐟ ᒥᓯᐁᐧ ᐃᒋᑊᐟ ᐊᐢᑭ. 9#ᐃᓯᐦᒋᑫᐃᐧᓂᐋᐧᐊᐧ 7:14ᑭᔨᐸ ᓈᑎᕽ ᓄᑖᐃᐧ, ᐅᒥᓯ ᒫᑲ ᐃᑎᕽ, ᐅᒥᓯ ᐃᑌᐧᐤ ᑭᑯᓯᐢ ᒍᓯᑊ, ᑭᓭᒪᓂᑐ ᓂ ᑭ ᑎᐯᔨᐦᑕᒧᐃᐠ ᒥᓯᐁᐧ ᐃᒋᑊᐟ ᐊᐢᑭ; ᐯ ᓇᑕᐋᐧᐸᒥᐠ, ᐁᑳᐃᐧᔭ ᑭᓵᒋᐊᔮᐠ. 10ᑭ ᑲ ᐅᐟ ᐊᐢᑭᐣ ᒫᑲ ᑯᓯᐣ ᐊᐢᑭᕽ, ᑭᑕ ᐯᓵᐧᐸᒥᔭᐣ, ᑭᔭ ᒥᓇ ᑭᐟ ᐊᐋᐧᓯᒥᓴᐠ, ᒥᓇ ᑭᐟ ᐊᐋᐧᓯᒥᓴᐠ ᐅᐟ ᐊᐋᐧᓯᒥᓯᐋᐧᐊᐧ, ᑭ ᒫᔮᑎᑯᒪᐠ, ᑭᐟ ᐊᐊᐧᑳᓇᐠ ᒥᓇ ᑲᐦᑭᔭᐤ ᑳ ᐃᓯ ᐊᔮᔭᐣ. 11ᐁᑯᑕ ᒫᑲ ᑫ ᑲᓇᐁᐧᔨᒥᑖᐣ, ᒋᑫᒫ ᑫᔮᐱᐨ ᓂᔮᓇᓄ ᐱᐳᐣ ᑭᑕ ᓄᑌᑲᑖᓂᐊᐧᐣ, ᐁᑳ ᑭᔭ ᒥᓇ ᑳ ᑕᐦᑐᑫᔭᐣ ᒥᓇ ᑲᐦᑭᔭᐤ ᑳ ᐃᓯ ᐊᔮᔭᐣ ᑭᑕ ᐊᑎ ᑭᑎᒫᑭᓯᔦᐠ. 12ᒋᐢᐟ ᒫᑲ, ᑭᐢᑭᓯᑯᐋᐧᕽ ᑭ ᐋᐧᐸᐦᑌᓈᐋᐧᐤ, ᒥᓇ ᐅᐢᑭᓯᑯᕽ ᓂᒋᐋᐧᒼ ᐯᐣᒋᒪᐣ, ᓂᔭ ᓂᑐᐣ ᑳ ᐊᔭᒥᐃᑯᔦᐠ. 13ᑭ ᑲ ᐃᐧᐦᑕᒪᐋᐧᐋᐧᐤ ᒫᑲ ᓄᑖᐃᐧ ᑲᐦᑭᔭᐤ ᓂ ᑭᐢᑌᔨᑖᑯᓯᐃᐧᐣ ᐃᒋᑊᑎᕽ, ᒥᓇ ᑲᐦᑭᔭᐤ ᑳ ᑭ ᐃᓯ ᐋᐧᐸᐦᑕᒣᐠ, ᑭ ᑲ ᑲᑫᐧᔮᐅᓈᐋᐧᐤ ᒫᑲ ᑭᔨᐸ ᑭᑕ ᐯᓯᐋᐧᔦᐠ ᓄᑖᐃᐧ ᐅᑕ. 14ᑭ ᐃᐢᐸᔨᐦᐅ ᒫᑲ ᐅᒋᐋᐧᒪ ᐯᐣᒋᒪᓇ ᐅᑲᐧᔮᔨᕽ, ᐁ ᑭ ᒫᑐᐟ, ᐯᐣᒋᒪᐣ ᒫᑲ ᐃᐧᐢᑕ ᑭ ᒫᑐ ᐅᑲᐧᔮᔨᕽ. 15ᒥᓇ ᑭ ᐅᒉᒣᐤ ᑲᐦᑭᔭᐤ ᐅᒋᐋᐧᒪ ᒥᓇ ᐁ ᑭ ᒫᑐᐟ ᐁ ᒥᒋᒥᓈᐟ; ᒣᐧᐢᑕᐢ ᐃᔨᑯᕽ ᒫᑲ ᐅᒋᐋᐧᒪ ᑭ ᐃᐧᒋᐱᑭᐢᑫᐧᒥᐠ.

16ᑭ ᐋᒋᒧᓈᓂᐊᐧᐣ ᒫᑲ ᐯᕒᐅ ᐃᐧᑭᕽ, ᐅᒥᓯ ᐁ ᐃᑖᐧᓂᐠ, ᒍᓯᑊ ᐅᒋᐋᐧᒪ ᑕᑯᓯᓂᔨᐊᐧ; ᑭ ᒥᔦᐧᔨᑕᒼ ᒫᑲ ᐯᕒᐅ ᒥᓇ ᐅᐟ ᐊᑐᐢᑫᔮᑲᓇ. 17ᐯᕒᐅ ᒫᑲ ᐅᒥᓯ ᑭ ᐃᑌᐤ ᒍᓯᐸ, ᐅᒥᓯ ᐃᓯᐠ ᑭᒋᐋᐧᒪᐠ, ᐅᒪ ᑐᑕᒧᐠ, ᐃᐧᐊᐧᑕᐃᑯᐠ ᑭ ᐱᓯᐢᑭᒥᐋᐧᐊᐧᐠ, ᓯᐯᐧᑌᐠ ᒫᑲ, ᐃᑐᐦᑌᐠ ᑫᓇᐣ ᐊᐢᑭᕽ. 18ᐅᑎᓂᕽ ᒫᑲ ᑯᑖᐃᐧᐋᐧᐤ ᒥᓇ ᑳ ᐃᑕᐦᑐᑫᔦᐠ, ᑭᑕ ᐯ ᓈᓯᔦᐠ; ᑭ ᑲ ᒥᔨᑎᓈᐋᐧᐤ ᒫᑲ ᐁᓯ ᒥᔮᐧᓯᐠ ᐃᒋᑊᐟ ᐊᐢᑭ, ᒥᓇ ᑭ ᑲ ᒥᒋᓈᐋᐧᐤ ᐁᓯ ᐃᐧᔨᓄᐊᐧᕽ ᐊᐢᑭ. 19ᐁᑲᐧ ᑭ ᓯᑭᒥᑲᐃᐧᐣ, ᐅᒪ ᐃᑐᑕᒧᐠ; ᑕᐦᑯᓂᑯᐠ ᑎᑎᐱᑖᐸᓈᐢᑳᐧᐠ ᐃᒋᑊᐟ ᐊᐢᑭᕽ ᐅᐦᒋ, ᑭᑕ ᐋᐸᒋᐋᒋᐠ ᑭᐟ ᐊᐋᐧᓯᒥᓯᐋᐧᐊᐧᐠ ᒥᓇ ᑭᐃᐧᐋᐧᐊᐧᐠ, ᒥᓇ ᐯᓯᕽ ᑯᑖᐃᐧᐋᐧᐤ, ᒥᓇ ᐯ ᐃᑐᐦᑌᐠ. 20ᐁᑳᐃᐧᔭ ᒥᓇ ᐅᑕᒣᔨᑕᒧᐠ ᑭᐟ ᐊᔮᓂᐋᐧᐊᐧ; ᒋᑫᒫ ᐁ ᐃᓯ ᒥᔮᐧᓯᐠ ᐃᒋᑊᐟ ᐊᐢᑭ ᑭᐟ ᐊᔮᓂᐋᐧᐤ. 21ᐃᐢᕒᐁᐃᓬ ᒫᑲ ᐅᐟ ᐊᐋᐧᓯᒥᓴ ᐁᑯᓯ ᑭ ᑐᑕᒪᐧᐠ, ᒥᓇ ᒍᓯᑊ ᑭ ᒥᔨᐤ ᑎᑎᐱᑖᐹᓈᐢᑲᐧ, ᒣᐧᐦᒋ ᑳ ᑭ ᐃᓯ ᓯᑭᑫᒧᐟ ᐯᕒᐅ, ᒥᓇ ᐁ ᑭ ᒥᔮᐟ ᒥᒋᒪ ᑭᑕ ᓂᒫᔨᐟ. 22ᑳ ᐃᐦᑕᓯᔨᐟ ᐹᐯᔭᐠ ᒥᐢᑯᑕᓵᑫᐃᐧᐣ ᑭ ᒥᔦᐤ, ᒫᑲ ᐯᐣᒋᒪᓇ ᑭ ᒥᔦᐤ ᓂᐢᑖᐧᐤ ᒥᑖᐦᑐᒥᑕᓇᐤ ᑕᑖᐧᐱᐢᐠ ᓱᓂᔮᐊᐧ, ᒥᓇ ᓂᔮᓇᓈᐧᐤ ᒥᐢᑯᑕᓵᑫᐃᐧᐣ. 23ᐅᑖᐃᐧᔭ ᒫᑲ ᑭ ᐃᓯᑎᓴᐦᐊᒪᐁᐧᐤ; ᒥᑖᑕᐦᐟ ᓱᓱᒥᐢᑕᑎᒪᐧᐠ ᐁ ᓇᔭᑕᑭᐠ ᑳ ᒥᔮᐧᓯᓂᔨᑭ ᐃᒋᑊᑎᕽ ᐅᐦᒋ, ᒥᓇ ᒥᑖᑕᐦᐟ ᓱᓱᒥᐢᑕᑎᒪᐧᐠ ᐁ ᓇᔭᑕᑭᐠ ᐸᐦᑫᐧᓯᑲᓂᑳᓇ ᒥᓇ ᒥᒋᐃᐧᐣ ᑭᑕ ᐯ ᓂᒫᔨᐟ ᐅᑖᐃᐧᔭ. 24ᐁᑯᓯ ᒫᑲ ᑭ ᓯᐯᐧᑎᓴᐁᐧᐤ ᐅᒋᐋᐧᒪ, ᐁ ᑭ ᓯᐯᐧᑌᔨᐟ ᒫᑲ; ᐅᒥᓯ ᒫᑲ ᑭ ᐃᑌᐤ, ᒣᔮᑳᐧᒼ ᐁᑳᐃᐧᔭ ᑭᐦᑳᑐᐠ ᐁ ᐊᑎ ᐱᒧᐦᑌᐊᔦᐠ.

25ᑭ ᓯᐯᐧᑌᐊᐧᐠ ᒫᑲ ᐃᒋᑊᑎᕽ ᐅᐦᒋ, ᐁ ᑭ ᐅᑎᑖᒋᐠ ᒫᑲ ᒉᑲᐸ ᐅᑖᐃᐧᐋᐧᐊᐧ ᐊᓂᑕ ᑫᓇᐣ ᐊᐢᑭᕽ. 26ᐁᑯᓯ ᑭ ᐃᐧᐦᑕᒪᐁᐧᐊᐧᐠ, ᐁ ᐃᑖᒋᐠ, ᒍᓯᑊ ᑫᔮᐱᐨ ᐱᒫᑎᓯᐤ ᒥᓇ ᑎᐯᔨᐦᑕᒼ ᒥᓯᐁᐧ ᐃᒋᑊᐟ ᐊᐢᑭ. ᒉᑲᑊ ᒫᑲ ᑭ ᓇᓇᒥᑌᐃᐤ ᒋᑫᒫ ᓇᒪᐃᐧᔭ ᑭ ᑖᐯᐧᑕᐁᐧᐤ. 27ᑭ ᐃᐧᐦᑕᒪᐁᐧᐊᐧᐠ ᒫᑲ ᑲᐦᑭᔭᐤ ᑳ ᑭ ᐃᑌᐧᔨᐟ ᒍᓯᐸ, ᑳ ᑭ ᐃᑎᑯᒋᐠ; ᐃᐢᐱ ᒫᑲ ᐃᐧᔮᐸᒫᐟ ᑎᑎᐱᑖᐸᓈᐢᑲᐧ ᒍᓯᐸ ᑳ ᑭ ᐯ ᐃᓯᑎᓴᐋᐧᔨᐟ ᑭᑕ ᐱᒥᐃᐧᔨᐦᐟ ᐅᐟ ᐊᐦᒑᐦᑲᐧ ᒉᑲᑊ ᐅᑖᐃᐧᐋᐧᐊᐧ ᑭ ᐋᐱᓯᐋᐧᑎᓯᔨᐊᐧ. 28ᐃᐢᕒᐁᐃᓬ ᒫᑲ ᑭ ᐃᑌᐧᐤ, ᐁᑯᔨᑯᕽ ᐊᓂ; ᒍᓯᑊ ᓂᑯᓯᐢ ᑫᔮᐱᐨ ᐱᒫᑎᓯᐤ; ᓂ ᑲ ᓇᑕᐃᐧ ᐋᐧᐸᒫᐤ ᒪᐧᔦᐢ ᓂᐱᔮᐣ.

Currently Selected:

ᒉᓂᓯᐢ 45: KKMs

Highlight

Copy