ᑲᓬᐁᓯᔭᓇ 4

1ᒫᑲ ᓂᐟ ᐃᑖᐧᐣ ᐃᐢᑯ ᐁ ᐊᐋᐧᓯᓯᐃᐧᐟ ᐊᓂ ᐊᓂᐢᑫ ᐅᑎᐯᔨᑕᒧ, ᓇᒪᐃᐧᔭ ᐱᑐᐢ ᐃᑌᔨᑖᑯᓯᐤ ᐁᓯ ᐊᔮᐟ ᐊᑐᐢᑫᔮᑲᐣ, ᐋᑕ ᑲᐦᑭᔭᐤ ᑫᑲᐧᐩ ᐃᐧᔭ ᐁ ᑎᐯᔨᑕᕽ; 2ᒫᑲ ᑎᐯᔨᒥᐠ ᐅᑲᓇᐁᐧᔨᒥᐁᐧᐋᐧ ᒥᓇ ᐅᑲᓇᐁᐧᔨᑕᒫᑫᐊᐧ ᐃᐢᑯ ᐊᓂᒪ ᐃᔨᑯᕽ ᐁ ᐃᑕᑭᑕᒫᑯᐠ ᐅᑖᐃᐧᔭ. 3ᐁᑯᓯ ᑭᔮᓇᐤ ᒥᓇ, ᒣᑳᐧᐨ ᐁ ᐊᐋᐧᓯᓯᐃᐧᔭᕽ, ᑭ ᑭ ᑎᐯᔨᒥᑯᓈᓇᐤ ᐊᓂᐦᐃ ᑳ ᓂᐢᑕᒪᐢᑌᑭ ᐅᑕ ᐊᐢᑭᕽ: 4ᒫᑲ ᐃᐢᐱ ᒥᑐᓂ ᐁ ᐅᑎᐦᒋᐸᔨᐠ ᐃᔨᑯᕽ, ᑭᓭᒪᓂᑐ ᑭ ᓯᐯᐧᑎᓴᐁᐧᐤ ᐅᑯᓯᓴ, ᐃᐢᑫᐧᕽ ᑳ ᑭ ᐅᐦᒋ ᓂᐦᑖᐃᐧᑭᔨᐟ, ᒣᑳᐧ ᐅᔭᓱᐁᐧᐃᐧᓂᕽ ᐁ ᓂᐦᑖᐃᐧᑭᔨᐟ, 5#ᕒᐅᒪᓇ 8:15-17ᑭᑕ ᑎᐸᐦᐃᑫᐢᑕᒪᐋᐧᐟ ᐊᓂᐦᐃ ᐅᔭᓱᐁᐧᐃᐧᓂᕽ ᑳ ᐊᔮᔨᐟ, ᑭᑕ ᒥᔨᑲᐃᐧᔭᕽ ᐅ ᑖᐹᑯᒥᑯᐃᐧᓂᐋᐧᐤ ᐅᑯᓯᓯᒫᐊᐧᐠ.

6ᐁᑯᓯ ᒫᑲ ᐁ ᐅᑯᓯᓯᒫᐃᐧᔦᐠ, ᑭᓭᒪᓂᑐ ᑭ ᐃᓯᑎᓴᐁᐧᐤ ᐅᐟ ᐊᐦᒑᐦᑯᔨᐊᐧ ᐅᑯᓯᓴ ᑭᑌᐃᓈᕽ, ᐁ ᐃᑕᑌᐧᒧᔨᐟ, ᐋᐹ, ᓄᐦᑖ. 7ᐁᑯᓯ ᒫᑲ ᓇᒪᐃᐧᔭ ᐊᐊᐧᓯᒣ ᑭᐟ ᐊᑐᐢᑫᔮᑲᓂᐃᐧᐣ, ᒫᑲ ᐅᑯᓯᓯᒫᐤ; ᑭᐢᐱᐣ ᒫᑲ ᐅᑯᓯᓯᒫᐤ ᐁᑲᐧ ᐋᓂᐢᑫ ᐅᑎᐯᔨᑕᒧ ᑭᓭᒪᓂᑐ ᐅᐦᒋ.

8ᒫᑲ ᐃᐧᔭ ᐁᑯᐢᐱ, ᐁᑳ ᐁ ᑭᐢᑫᔨᒫᔦᐠ ᑭᓭᒪᓂᑐ, ᑭ ᑭ ᑎᐯᔨᒥᑯᐋᐧᐊᐧᐠ ᐊᓂᑭ ᐁ ᐃᓯᐃᑯᐃᐧᓯᒋᐠ ᐁᑳ ᑳ ᒪᓂᑐᐃᐧᒋᐠ: 9ᒫᑲ ᐁᑲᐧ ᐁ ᑭ ᑭᐢᑫᔨᒫᔦᐠ ᑭᓭᒪᓂᑐ, ᐊᐦᐳ ᔮᔭᐤ ᐁ ᑭ ᑭᐢᑫᔨᒥᑯᔦᐠ ᑭᓭᒪᓂᑐ, ᑖᓂᓯ ᒥᓇ ᐁᓯ ᑭᐁᐧᑐᑕᒣᐠ ᑳ ᓀᓱᐊᐧᑭ ᒥᓇ ᑳ ᑭᑎᒫᑲᑭ ᓂᐢᑕᒥ ᑭᐢᑫᔨᒋᑲᓇ, ᐊᓂᐦᐃ ᑳ ᓇᑕᐁᐧᔨᑕᒣᐠ ᒥᓇ ᑭᑖᐧᒼ ᑭᑕ ᑎᐯᔨᒥᑯᔦᐠ? 10ᑭ ᓈᑲᑌᔨᑌᓈᐋᐧᐤ ᑭᓯᑳᐊᐧ, ᒥᓇ ᐱᓯᒪᐧᐠ, ᒥᓇ ᐁ ᐋᐃᐢᐱᑖᔭᐊᐧᕽ, ᒥᓇ ᐊᐢᑭᔭ. 11ᑭᐟ ᐊᐢᑖᐦᐃᓈᐋᐧᐤ, ᑫᑲ ᓈᐣᑕᐤ ᐃᓯ ᐱᑯᓇᑕ ᑳ ᑭ ᐸᑭᑎᓇᒫᑕᑯᐠ ᐊᑐᐢᑫᐃᐧᐣ.

12ᑭ ᐸᑯᓭᔨᒥᑎᓈᐋᐧᐤ, ᓂᒋᐋᐧᒥᑎᐠ, ᐃᐧ ᐃᓯ ᐊᔮᐠ ᑳ ᐃᓯ ᐊᔭᔮᐣ, ᒋᑫᒫ ᓂᔭ ᓂᐟ ᐃᓯ ᐊᔮᐣ ᑳ ᐃᓯ ᐊᔮᔦᐠ. ᓇᒪᐃᐧᔭ ᑯᐦᒋ ᓇᔦᑖᐃᐧ ᑐᑕᐃᐧᓈᐋᐧᐤ: 13ᑭ ᑭᐢᑫᔨᑌᓈᐋᐧᐤ ᒫᑲ ᐁ ᓀᓱᐃᐧᓯᔮᐣ ᓂ ᐃᐧᔮᓯᕽ ᑳ ᑭ ᐅᐦᒋ ᐋᐧᐃᐧᑕᒫᑕᑯᐠ ᒥᔮᐧᒋᒧᐃᐧᐣ ᓂᐢᑕᒼ: 14ᐊᓂᒪ ᒫᑲ ᑭ ᑯᑌᔨᒥᑯᐃᐧᓂᐋᐧᐤ ᓂ ᐃᐧᔮᓯᕽ ᓇᒪᐃᐧᔭ ᑯᐦᒋ ᐱᐁᐧᔨᑌᓈᐋᐧᐤ, ᐊᐦᐳ ᐋᑕᐁᐧᔨᑌᓈᐋᐧᐤ; ᒫᑲ ᑭ ᑭ ᐃᓯ ᐅᑎᓂᓈᐋᐧᐤ ᑖᐱᐢᑯᐨ ᑭᓭᒪᓂᑐ ᐅᑭᓯᑯᒪ, ᑖᐱᐢᑯᐨ ᙭ ᒋᓴᐢ. 15ᑖᓂᐁᐧ ᒫᑲ ᐁᑲᐧ ᐊᓂᒪ ᑳ ᑭ ᐃᓯ ᒪᒪᐦᑖᑫᐧᔨᒥᓱᔦᐠ? ᒋᑫᒫ ᑭ ᑲ ᑭ ᐋᒋᒥᑎᓈᐋᐧᐤ, ᑭᐢᐱᐣ ᑭ ᐃᑭᕽ, ᑭ ᑲ ᑭ ᑫᒋᑯᐱᑌᑖᐋᐧᐤ ᑭᐢᑭᓯᑯᐋᐧᐊᐧ ᑭᑕ ᒥᔨᔦᐠ. 16ᑖᐱᐢᑯᐨ ᒋ ᐁ ᐃᐧ ᓄᑎᓂᑯᔮᕽ ᑭᐟ ᐃᑌᔨᒥᓈᐋᐧᐤ ᐁ ᐃᐧᐦᑕᒫᑕᑯᐠ ᑖᐯᐧᐃᐧᐣ? 17ᑭᐟ ᐋᑲᒣᔨᒧᐃᐧ ᓇᑐᓈᑯᐋᐧᐊᐧᐠ ᓇᒪᐃᐧᔭ ᒫᑲ ᒥᔪᓄᕽ ᐃᓯ; ᐊᐦᐳ, ᑭ ᓄᑌ ᑭᐸᐅᑯᐋᐧᐊᐧᐠ, ᑭᔭᐋᐧᐤ ᑭᑕ ᓇᑐᓇᐋᐧᔦᑳᐧᐤ. 18ᒥᔮᐧᓯᐣ ᒫᑲ ᒧᓴᐠ ᑭᑕ ᐋᑲᒣᔨᒧᑐᑕᑲᐃᐧᔦᐠ ᒥᔪ ᑫᑲᐧᐩ ᐅᐦᒋ, ᓇᒪᐃᐧᔭ ᒫᑲ ᐱᑯ ᐁ ᐃᐧᒋ ᐊᔮᒥᑕᑯᐠ. 19ᓂᐟ ᐊᐋᐧᓯᒥᓯᑎᐠ, ᑳ ᐅᐦᒋ ᒥᓇ ᑯᑕᑭᑖᔮᐣ ᐃᐢᑯ ᙭ ᑭᑕ ᐊᑎ ᑭᑭᐢᑳᑯᔦᐠ ᒥᓇ, 20ᐁᐦᐁ, ᓂ ᑳᐦ ᒥᔦᐧᔨᑌᐣ ᑭᑕ ᐋᐧᐸᒥᑕᑯᐠ ᐊᓄᐦᐨ, ᐁᑯᓯ ᐱᑐᐢ ᑭᑕ ᐃᑎᑖᑯᓯᔮᐣ; ᒋᑫᒫ ᑭ ᐊᐧᐋᐧᓀᔨᑕᒥᐃᓈᐋᐧᐤ.

21ᐃᐧᐦᑕᒪᐃᐧᐠ, ᑭᔭᐋᐧᐤ ᑳ ᓇᑕᐁᐧᔨᑕᒣᐠ ᑭᑕ ᑎᐯᔨᒥᑯᔦᐠ ᐅᔭᓱᐁᐧᐃᐧᐣ, ᓇᒪ ᒋ ᑭ ᐯᐦᑌᓈᐋᐧᐤ ᐅᔭᓱᐁᐧᐃᐧᐣ? 22#ᒉᓂᓯᐢ 16:15; ᒉᓂᓯᐢ 21:2ᒋᑫᒫ ᐃᑕᓯᓇᐦᐃᑳᑌᐤ, ᐁᑊᕒᐁᐊᒼ ᑭ ᓂᓯᔨᐊᐧ ᐅᑯᓯᓴ, ᐯᔭᐠ ᐊᑐᐢᑫᔮᑲᓂᐢᑫᐧᐊᐧ ᐅᐦᒋ, ᐁᑯᓯ ᑯᑕᑲ ᐅᑎᐯᔨᒥᓱᐃᐧ ᐃᐢᑫᐧᐊᐧ. 23ᒫᑲ ᐊᓇ ᐅᑯᓯᓴ ᐊᑐᐢᑫᔮᑲᓂᐢᑫᐧᐤ ᑭ ᐅᐦᒋᐤ ᐃᐧᔮᓯᐃᐧᐃᐧᓂᕽ; ᒫᑲ ᐅᑯᓯᓴ ᐊᓇ ᐅᑎᐯᔨᒥᓱᐃᐧ ᐃᐢᑫᐧᐤ ᑭ ᐅᐦᒋᐤ ᐊᓱᑕᒫᑯᐃᐧᓂᕽ. 24ᐋᐁᐧᒋᑲᐣ ᒫᑲ ᐁᑯᑕ ᐅᒪ ᐊᔮᐤ: ᒋᑫᒫ ᐅᑭ ᓂᓱ ᐃᐢᑫᐧᐊᐧᐠ ᐁᐊᐧᑯᓂ ᓂᓱ ᐊᓱᑕᒫᑫᐃᐧᓇ; ᐊᓂᒪ ᐯᔭᐠ ᓵᐃᓀ ᐊᐧᒋᕽ ᐅᐦᒋ, ᑳ ᐅᐟ ᐊᐋᐧᓯᒥᓯᐟ ᑎᐯᔨᒥᑯᐃᐧᓂᕽ, ᐁᐊᐧᑯ ᐦᐁᑳᕒ. 25ᐊᐊᐧ ᐦᐁᑳᕒ ᒫᑲ ᐁᐊᐧᑯ ᓵᐃᓀ ᐊᐧᒋ ᐊᕒᐁᐱᔭ ᐊᐢᑭᕽ, ᐁᐊᐧᑯ ᒫᑲ ᑖᐱᐢᑯᐨ ᒉᕒᐅᓴᓬᐊᒼ ᐊᓄᐦᐨ ᑳ ᐊᔮᐠ: ᒋᑫᒫ ᑎᐯᔨᒥᑯᐃᐧᓂᕽ ᐊᔮᐤ ᑭᑭ ᐅᐟ ᐊᐋᐧᓯᒥᓴ. 26ᒫᑲ ᐊᓂᒪ ᒉᕒᐅᓴᓬᐊᒼ ᐃᐢᐱᒥᕽ ᑳ ᐊᔮᐠ ᑌᐯᔨᒥᓱᐃᐧᓂᕽ ᐊᔮᐤ, ᐁᐊᐧᑯ ᐊᓇ ᑭᑳᐃᐧᓇᐤ. 27#ᐊᐩᓵᔭ 54:1ᒋᑫᒫ ᐃᑕᓯᓇᐦᐃᑳᑌᐤ, ᒪᒪᐦᑖᑯᓯ, ᑭᔭ ᐁᑳ ᑳ ᓂᑖᐅᓭᔭᐣ ᐁᑯᓯ ᐁᑳ ᑳ ᐅᐟ ᐊᐋᐧᓯᒥᓯᔭᐣ; ᐸᐢᐳᐁᐧ ᒥᓇ ᐯᐦᑖᑯᓯ, ᑭᔭ ᐁᑳ ᑳ ᓂᐦᑖᐃᐧᑭᐦᐋᐊᐧᓱᔭᐣ: ᒋᑫᒫ ᐊᔨᐋᐧᐠ ᒥᐦᒉᑎᔨᐊᐧ ᐅᐟ ᐊᐋᐧᓯᒥᓴ ᑳ ᐯᔭᑯᐟ ᐃᔨᑯᕽ ᐊᓇ ᑳ ᐅᓈᐯᒥᐟ.

28ᐁᑯᓯ ᒫᑲ ᑭᔮᓇᐤ, ᓂᒋᐋᐧᒥᑎᐠ, ᑖᐱᐢᑯᐨ ᐋᐃᓴᐠ ᑳ ᑭ ᐃᓯ ᐊᔮᐟ, ᐊᓱᑕᒫᑫᐃᐧᓂᕽ ᑯᐦᒋ ᓂᐦᑖᐃᐧᑭᔭᕽ 29#ᒉᓂᓯᐢ 21:9ᒫᑲ ᑖᐱᐢᑯᐨ ᐁᑯᐢᐱ ᐊᓇ ᑳ ᑭ ᓂᐦᑖᐃᐧᑭᐟ ᐅᔭᓱᐁᐧᐃᐧᓂᕽ ᐃᓯ ᑭ ᑯᑕᑭᐁᐤ ᐊᓂᐦᐃ ᑳ ᑭ ᓂᐦᑖᐃᐧᑭᔨᐟ ᐊᐦᒑᐦᑯᕽ ᐃᓯ, ᐁᑯᓯ ᒣᐧᐦᒋ ᐁᑲᐧ. 30#ᒉᓂᓯᐢ 21:10ᒫᑲ ᑖᓂᓯ ᐁᑌᐧᒪᑲᕽ ᑭᐦᒋ ᒪᓯᓇᐦᐃᑫᐃᐧᐣ? ᐊᐧᔭᐃᐧᐁᐧᐱᐣ ᐊᑐᐢᑫᔮᑲᓂᐢᑫᐧᐤ ᒥᓇ ᐅᑯᓯᓴ: ᒋᑫᒫ ᐅᑯᓯᓴ ᐊᑐᐢᑫᔮᑲᓂᐢᑫᐧᐤ ᓇᒪᐃᐧᔭ ᑭᑕ ᑭ ᐃᐧᒋ ᑎᐯᔨᑕᒧᒣᐤ ᐅᑯᓯᓴ ᐊᓇ ᐅᑎᐯᔨᒥᓱᐃᐧ ᐃᐢᑫᐧᐤ. 31ᐁᑯᓯ ᒫᑲ, ᓂᒋᐋᐧᒥᑎᐠ, ᓇᒪᔦᐤ ᐊᑐᐢᑫᔮᑲᓂᐢᑫᐧᐤ ᑳ ᑭ ᓂᐦᑖᐃᐧᑭᐃᑯᔭᕽ ᒫᑲ ᐅᑎᐯᔨᒥᓱᐃᐧ ᐃᐢᑫᐧᐤ.

Currently Selected:

ᑲᓬᐁᓯᔭᓇ 4: KKMs

Highlight

Copy

Compare