ᐃᓯᑭᐁᓬ 25
25
1 #
ᒉᕒᐃᒫᔭ 49:1-6; ᐃᓯᑭᐁᓬ 21:28-32; ᐁᒫᐢ 1:13-15; ᓭᐸᓈᔭ 2:8-11 ᐅᐟ ᐃᑌᐧᐃᐧᐣ ᒫᑲ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᐃᑎᐢᑫᔨᐢᑕᐃᐧᐠ ᐋᒪᐣ ᐅᐟ ᐊᐋᐧᓯᒥᓴ, ᒥᓇ ᑭᐢᑭᐁᐧᐦᐃᑫᐢᑕᐃᐧᐠ; 3ᑭ ᑲ ᐃᑖᐊᐧᐠ ᒫᑲ ᐋᒪᐣ ᐅᐟ ᐊᐋᐧᓯᒥᓴ, ᓇᑐᐦᑕᒧᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᑭ ᑭ ᐃᑖᐧᐣ, ᐋᐦᐋ! ᐃᐢᐱ ᐁ ᓂᓯᐊᐧᓈᒋᐦᑖᕽ; ᓂ ᑲᓈᒋᑲᒥᐠ ᒥᓇ ᐃᐢᕒᐁᐃᓬ ᐊᐢᑭ, ᐃᐢᐱ ᐁ ᓯᑲᐊᐧᐢᑲᒋᑳᑌᐠ; ᒥᓇ ᐅ ᐋᐧᐢᑳᐦᐃᑲᐣ ᒍᑕ ᐃᐢᐱ ᐊᐊᐧᑳᑎᑯᐃᐧᓂᕽ ᑳ ᐃᑐᐦᑌᒋᐠ; 4ᐁᐊᐧᑯ ᐅᐦᒋ, ᒫᑎᑲ, ᑭ ᑲ ᐸᑭᑎᓂᑎᐣ ᐋᐧᐸᓄᑖᕽ ᐊᔨᓯᔨᓂᐊᐧᐠ ᑭᑕ ᑎᐯᔨᒥᐢᑭᐠ, ᐁᑯᑕ ᒫᑲ ᑭᑕ ᑲᐯᓯᐊᐧᐠ, ᒥᓇ ᐁᑯᑕ ᑭᑕ ᐃᐧᑭᐊᐧᐠ; ᑭᑕ ᒥᒋᐊᐧᐠ ᑭ ᒥᓂᓯᒪ, ᒥᓇ ᑭᑕ ᒥᓂᐦᑫᐧᐊᐧᐠ ᑭ ᑐᐦᑐᓵᐳ. 5ᓂ ᑭ ᐃᐦᑐᑌᐣ ᒫᑲ ᕒᐋᐸ ᑭᑕ ᐃᐧᑭᒋᐠ ᐱᐢᑳᐧᐃᐧᑲᓇᐠ, ᒥᓇ ᐋᒪᐣ ᐅᐟ ᐊᐋᐧᓯᒥᓴ ᑭᑕ ᒪᓂ ᐸᐱᒥᓯᐦᑭᐠ ᒫᔭᑎᐦᑲᐧᐠ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ. 6ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᐁ ᑭ ᐹᐸᑲᒥᒋᐦᒉᐊᒫᔭᐣ, ᒥᓇ ᐁ ᑭ ᑖᑕᑭᐢᑳᒋᑫᔭᐣ, ᒥᓇ ᐁ ᑭ ᒥᔭᐋᐧᑕᒪᐣ ᐁ ᐃᐢᐱᒋ ᐸᑳᐧᑕᒪᐣ ᐃᐢᕒᐁᐃᓬ ᐊᐢᑭ; 7ᐁᐊᐧᑯ ᐅᐦᒋ, ᒫᑎᑲ, ᑭ ᑭ ᓱᐃᐧᓂᐢᑫᔨᐢᑖᑎᐣ, ᒥᓇ ᑭ ᑲ ᐸᑭᑎᓂᑎᐣ ᑭᑕ ᒪᓂᐊᐧᑖᑎᐢᑭᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ; ᑭ ᑲ ᑭᐢᑭᐁᐧᐸᐅᑎᐣ ᒫᑲ ᐊᔨᓯᔨᓂᓈᕽ ᐅᐦᒋ, ᒥᓇ ᑭ ᑲ ᐃᑐᑖᑎᐣ ᑭᑕ ᓂᓯᐊᐧᓈᑎᓯᔭᐣ ᐊᐢᑭᓈᕽ ᐅᐦᒋ; ᑭ ᑲ ᓂᓯᐊᐧᓈᒋᐃᑎᐣ; ᐁᑯᓯ ᑭ ᑲ ᑭᐢᑫᔨᑌᐣ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ.
8 #
ᐊᐩᓵᔭ 15:1—16:14; 25:10-12; ᒉᕒᐃᒫᔭ 48:1-47; ᐁᒫᐢ 2:1-3; ᓭᐸᓈᔭ 2:8-11 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᒧᐋᑊ ᒥᓇ ᓯᔭᕒ ᐃᑌᐧᐊᐧᐠ, ᒫᑎᑲ, ᒍᑕ ᐅ ᐋᐧᐢᑳᐦᐃᑲᐣ ᐃᓯ ᐊᔮᐤ ᑖᐱᐢᑯᐨ ᑲᐦᑭᔭᐤ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ; 9ᐁᐊᐧᑯ ᐅᐦᒋ ᓂ ᑲ ᔪᐦᑌᓀᐣ ᒧᐋᑊ ᐅᐦᐱᒣ ᐅᑌᓈᕽ ᐅᐦᒋ, ᐅᑌᓇᐊᐧ ᒋᑳᐢᐠ ᑳ ᐊᔮᔨᑭ, ᑳ ᐅᐦᒋ ᑭᐢᑌᔨᑖᑲᐧᕽ ᐊᐢᑭ, ᐯᐟᒉᓯᒫᐦᐟ, ᐯᐊᓬᒥᐊᐣ, ᒥᓇ ᑭᕒᐃᔭᑌᐃᒼ, 10ᓂ ᑲ ᔪᐦᑌᓇᒪᐋᐧᐊᐧᐠ ᐋᐧᐸᓄᑖᕽ ᐅᐦᒋ ᐊᔨᓯᔨᓂᐊᐧᐠ, ᑭᑕ ᒪᐃᐧᓀᐢᑲᐋᐧᒋᐠ ᐋᒪᐣ ᐅᐟ ᐊᐋᐧᓯᒥᓴ ᓂ ᑲ ᒥᔮᐊᐧᐠ ᒫᑲ ᑭᑕ ᑎᐯᔨᐦᑕᑭᐠ, ᐋᒪᐣ ᐅᐟ ᐊᐋᐧᓯᒥᓴ ᐁᑳ ᑭᑕ ᑭᐢᑭᓯᑐᑖᐦᒋᐠ ᓇᓈᑐᑯᐢᑳᓀᓯᓈᕽ; 11ᓂ ᑲ ᐅᔭᓱᐋᐧᑖᐊᐧᐠ ᒫᑲ ᒧᐋᑊ; ᐁᑯᓯ ᑭᑕ ᑭᐢᑫᔨᑕᒪᐧᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ.
12 #
ᐊᐩᓵᔭ 34:5-17; 63:1-6; ᒉᕒᐃᒫᔭ 49:7-22; ᐃᓯᑭᐁᓬ 35:1-15; ᐁᒫᐢ 1:11,12; ᐅᐸᑖᔭ 1:1-14; ᒫᓬᐊᑲᐩ 1:2-5 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᐃᑕᒼ ᐁ ᑭ ᒫᔨᑐᑕᐋᐧᐟ ᒍᑕ ᐅ ᐋᐧᐢᑳᐦᐃᑲᐣ ᐁ ᐋᐯᐦᐅᐟ, ᐁᑯᓯ ᒥᐢᑕᐦᐃ ᐁ ᑭ ᑭᓯᐋᐧᑖᐧᐟ, ᒥᓇ ᐁ ᑭ ᐋᐯᐦᐅᐢᑕᒫᓱᐟ; 13ᐁᐊᐧᑯ ᐅᐦᒋ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᓂ ᑲ ᓱᐃᐧᓂᐢᑫᔨᐢᑕᐋᐧᐤ ᐃᑕᒼ, ᒥᓇ ᓂ ᑲ ᑭᐢᑭᐁᐧᐸᐋᐧᐤ ᐁᑯᑕ ᐅᐦᒋ ᐊᔨᓯᔨᓂᐤ ᒥᓇ ᐱᓯᐢᑭᐤ; ᓂ ᑲ ᑭᐋᐧᑌᔨᑖᑯᑖᐣ ᒫᑲ ᑎᒪᐣ ᐅᐦᒋ; ᑎᑖᐣ ᐃᐢᑯ ᑭᑕ ᑲᐃᐧᐁᐧᐸᐅᑲᐧᐠ ᓯᒫᑲᓂᑯᒫᐣ. 14ᓂ ᑲ ᐋᐯᐦᐅᐣ ᒫᑲ ᐃᑕᒼ ᐁ ᐋᐸᒋᐦᑖᐊᐧᐠ ᐅᒋᐦᒋᐋᐧᐤ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ; ᐁᑯᓯ ᑭᑕ ᐃᑐᑕᒪᐧᐠ ᐁᑯᑕ ᐃᑕᒼ ᐁ ᐃᓯ ᑭᓯᐋᐧᓯᔮᐣ ᒥᓇ ᐁ ᐃᓯ ᐋᐦᑯᔭᐁᐧᓯᔮᐣ; ᑭᑕ ᑭᐢᑫᔨᑕᒪᐧᐠ ᒫᑲ ᓂᐟ ᐋᐯᐦᐅᐃᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
15 #
ᐊᐩᓵᔭ 14:29-31; ᒉᕒᐃᒫᔭ 47:1-7; ᒍᐃᓬ 3:4-8; ᐁᒫᐢ 1:6-8; ᓭᐸᓈᔭ 2:4-7; ᓭᑲᕒᐋᔭ 9:5-7 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᐱᓬᐃᐢᑎᓇᐠ ᐁ ᑭ ᐊᔨᓯᒋᑫᒋᐠ ᐋᐯᐦᐅᐃᐧᓂᕽ, ᐁᑯᓯ ᐁ ᑭ ᐅᑎᓇᒫᓱᒋᐠ ᑭᑕ ᐋᐯᐦᐅᒋᐠ ᒫᔨᒥᑐᓀᔨᒋᑲᓂᕽ ᑭᑕ ᓂᓯᐊᐧᓈᒋᐦᑖᒋᐠ ᑲᔭᓯ ᐸᑳᐧᑎᑐᐃᐧᐣ ᐅᐦᒋ; 16ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᒫᑎᑲ, ᓂ ᑲ ᓱᐃᐧᓂᐢᑫᔨᐢᑕᐋᐧᐊᐧᐠ ᐱᓬᐃᐢᑎᓇᐠ, ᐁᑯᓯ ᓂ ᑲ ᑭᐢᑭᐁᐧᐸᐋᐧᐊᐧᐠ ᑫᕒᐃᑕᐃᑕᐠ, ᒥᓇ ᓂ ᑲ ᓂᓯᐊᐧᓈᒋᐦᐋᐊᐧᐠ ᑳ ᐃᐢᑯᒋᐠ ᓯᓱᒑᔨᕽ ᑭᐦᒋᑲᒥᕽ. 17ᒥᐢᑕᐦᐃ ᒫᑲ ᓂ ᑲ ᐃᑐᑕᐋᐧᐊᐧᐠ ᐁ ᐋᐯᐅᔮᐣ ᐋᐦᑯᔭᐁᐧᓯᐃᐧᓂᕽ; ᐁᑯᓯ ᑭᑕ ᑭᐢᑫᔨᑕᒪᐧᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ, ᐃᐢᐱ ᐸᑭᑎᓇᒪᐊᐧᑳᐧᐃᐧ ᓂᐟ ᐋᐯᐅᐃᐧᐣ.
Currently Selected:
ᐃᓯᑭᐁᓬ 25: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
