ᐃᓯᑭᐁᓬ 23
23
1ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ ᒥᓇ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᐅ ᑭ ᓂᓯᑖᐋᐧᐤ ᐃᐢᑫᐧᐊᐧᐠ, ᐅᑖᓂᓴ ᐯᔭᐠ ᐃᐢᑫᐧᐤ; 3ᐁᑯᓯ ᑭ ᓄᒋᐦᑖᐋᐧᐠ ᐱᓯᑳᐧᑎᓯᐃᐧᐣ ᐃᒋᑊᑎᕽ; ᑭ ᓄᒋᐦᑖᐊᐧᐠ ᐱᓯᑳᐧᑎᓯᐃᐧᐣ ᐁ ᐅᐢᑳᑎᓯᒋᐠ; ᐁᑯᑕ ᑳ ᑭ ᒫᑯᐢᑳᐦᒋᐠ ᒥᓇ ᐁᑯᑕ ᑭ ᐊᐧᓂᑖᐊᐧᐠ ᐅᐢᑭᓂᑭᐢᑫᐧᐃᐧᐃᐧᓂᐋᐧᐤ. 4ᑭ ᐃᓯᔨᐦᑳᓱᐊᐧᐠ ᒫᑲ ᐋᐦᐅᓬᐊ ᐅᒥᓯᒫᐤ, ᒥᓇ ᐋᐦᐅᓬᐃᐹ ᐅᓯᒪ; ᐁᑯᓯ ᓂᔭ ᓂ ᑭ ᐊᔮᐋᐧᐊᐧᐠ, ᑭ ᐅᑯᓯᓯᐊᐧᐠ ᒫᑲ ᒥᓇ ᑭ ᐅᑖᓂᓯᐊᐧᐠ. ᒫᑲ ᐃᐧᔭ ᐅ ᐃᐧᔪᐃᐧᓂᐋᐧᐊᐧ, ᓴᒣᕒᐃᔭ ᐁᐊᐧᑯ ᐋᐦᐅᓬᐊ, ᐁᑯᓯ ᒉᕒᐅᓴᓬᐊᒼ ᐁᐊᐧᑯ ᐋᐦᐅᓬᐃᐸ.
5ᐋᐦᐅᓬᐊ ᒫᑲ ᐱᓯᑳᐧᑎᐢᑫᐧᐤ ᑭ ᐃᓯᐦᒋᑫᐤ ᒣᑳᐧᐨ ᐁ ᐊᔮᐊᐧᐠ; ᒥᓇ ᑭ ᐅᓵᒣᔨᒣᐤ ᐅ ᓵᑭᐦᐋᑲᓇ, ᐊᓂᐦᐃ ᐊᓯᕒᐃᔭᓇ ᑳ ᐋᓂᐢᑫᐱᐢᑖᑯᐟ, 6ᒋᐯᑕᑫᐧᑭᐣ ᑳ ᑭᑭᐢᑲᒥᔨᐟ ᐅᔭᓱᐁᐧᐃᐧᑭᒫᐊᐧᐠ ᒥᓇ ᐅᔭᓱᐁᐧᐃᐧᔨᓂᐊᐧᐠ, ᑲᐦᑭᔭᐤ ᐁ ᒧᐢᑕᐃᐧᓈᑯᓯᒋᐠ ᐅᐢᑭᓂᑭᐊᐧᐠ, ᐅᑌᑕᐱᐊᐧᐠ ᒥᐢᑕᑎᒪᐧ ᐁ ᑌᐦᑕᐱᒋᐠ. 7ᑭ ᐃᐧᒋᐱᓯᑳᐧᑎᓯᒣᐤ ᒫᑲ ᐁᐊᐧᑯᓂ, ᓇᐊᐧᓱ ᐊᓯᕒᐃᔭ ᓈᐯᐊᐧ ᑲᐦᑭᔭᐤ; ᐱᑳᐧᓂᐦᐃ ᒫᑲ ᐁ ᐅᓵᒣᔨᒫᐟ, ᑲᐦᑭᔭᐤ ᐅ ᒪᓂᑐᑳᓂᔭᐊᐧ ᑭ ᐅᐦᒋ ᐃᐧᓀᔨᑖᑯᐃᓱ. 8ᓇᒪᐃᐧᔭ ᒥᓇ ᑭ ᓇᑲᑕᒼ ᐅ ᐱᓯᑳᐧᑎᓯᐃᐧᓇ ᐊᐢᐱᐣ ᐃᒋᑊᑎᕽ; ᒋᑫᒫ ᐁ ᐅᐢᑳᑎᓯᐟ ᑭ ᐃᐧᒉᐃᐧᐠ, ᒥᓇ ᑭ ᐊᐧᓂᑖᐤ ᐅᐢᑭᓂᑭᐢᑫᐧᐃᐧᐃᐧᐣ; ᐁᑯᓯ ᑭ ᑲᐧᔭᑯᓇᒫᐠ ᐅ ᐱᓯᑳᐧᑎᓯᐃᐧᓂᔨᐊᐧ.
9ᐁᑯᓯ ᒫᑲ ᓂ ᑭ ᐸᑭᑎᓈᐤ ᐅᒋᐦᒋᔨᕽ ᐊᓂᐦᐃ ᑳ ᓵᑭᐦᐋᐟ, ᐅᒋᐦᒋᔨᕽ ᐊᓯᕒᐃᔭᓇ, ᐊᓂᐦᐃ ᑳ ᐅᓵᒣᔨᒫᐟ. 10ᐁᐊᐧᑯᓂ ᐅᐦᐃ ᑭ ᒧᓭᓇᒥᔨᐊᐧ ᐅ ᒧᓭᐢᑲᑌᐃᐧᐣ; ᑭ ᐅᑎᐦᑎᓀᔨᐊᐧ ᐅᑯᓯᓴ ᒥᓇ ᐅᑖᓂᓴ, ᐁᑯᓯ ᐃᐧᔭ ᑭ ᓂᐸᐦᐃᐠ ᓯᒫᑲᓂᑯᒫᐣ ᐅᐦᒋ; ᑭ ᐋᔨᒧᒋᑲᓂᐃᐧᐤ ᒫᑲ ᐃᐢᑫᐧᓈᕽ; ᒋᑫᒫ ᑭ ᑎᐱᑐᑖᐠ ᐅᔭᓱᐋᐧᓯᐁᐧᐃᐧᓇ.
11ᐅᓯᒪ ᒫᑲ ᐋᐦᐅᓬᐃᐸ ᑭ ᐋᐧᐸᐦᑕᒼ, ᐅᒪ, ᐁᔨᐁᐧᕽ ᐊᐊᐧᓯᒣ ᑭ ᓂᓯᐊᐧᓈᑎᓂᑫᐤ ᐅᓵᒣᔨᑕᒧᐃᐧᓂᕽ ᐃᔨᑯᕽ ᐁᐊᐧᑯᓂ, ᒥᓇ ᐅ ᐱᓯᑳᐧᑎᓯᐃᐧᓂᕽ ᐃᔨᑯᕽ ᐅᒥᓴ ᐅ ᐱᓯᑳᐧᑎᓯᐃᐧᓂᔨᕽ. 12ᑭ ᐅᓵᒣᔨᒣᐤ ᐊᓯᕒᐃᔭᓇ, ᐅᔭᓱᐁᐧᐃᐧᑭᒫᐊᐧ ᒥᓇ ᐅᔭᓱᐁᐧᐃᐧᔨᓂᐊᐧ, ᑳ ᐋᓂᐢᑫᐱᐢᑖᑯᐟ, ᐁ ᐋᔮᑳᐧᓯᓈᐢᑌᔨᑭ ᐅ ᑭᑭᐢᑳᒋᑲᓂᔨᐊᐧ, ᐅᑌᑕᐱᐊᐧ ᐁ ᑌᐦᑕᐱᔨᐟ ᒥᐢᑕᑎᒪᐧ, ᑲᐦᑭᔭᐤ ᐁ ᒧᐢᑕᐃᐧᓈᑯᓯᒋᐠ ᐅᐢᑭᓂᑭᐊᐧᐠ. 13ᐁᑯᓯ ᓂ ᑭ ᐋᐧᐸᐦᑌᐣ ᐁ ᐃᐧᓀᔨᑖᑯᐦᐃᐦᐟ; ᐯᔭᑯᑖᐊᐧᐠ ᐁ ᐃᐦᑐᑕᑭᐠ. 14ᑭ ᔭᑭᑖᐤ ᒫᑲ ᐅ ᐱᓯᑳᐧᑎᓯᐃᐧᓇ; ᒋᑫᒫ ᑭ ᐋᐧᐸᒣᐤ ᓈᐯᐊᐧ ᐁ ᒪᓯᓇᐃᑳᓱᔨᐟ ᐋᐧᐢᑳᐦᐃᑲᓂᕽ, ᐅ ᓇᐢᐱᓯᒋᑲᓂᐋᐧᐊᐧ ᐊᓂᑭ ᑳᓬᑎᔭᓇᐠ ᒥᐦᑯᐯᐦᐃᑲᐣ ᐁ ᐋᐸᑕᕽ, 15ᐁ ᐸᑲᐧᑌᐦᐅᔨᐟ ᐋᐱᑐᓯᔭᐤ ᐸᑲᐧᑌᐦᐅᓇ, ᐊᔨᐋᐧᐠ ᐁ ᒪᓯᓈᐢᑌᔨᑭ ᑳ ᑭᑲᐢᑐᑎᓀᒋᐠ, ᑲᐦᑭᔭᐤ ᐅᑭᒫᐊᐧᐠ ᐁ ᐃᑖᐸᒥᓈᑯᓯᒋᐠ, ᐁ ᐃᓯᓈᑯᓯᒋᐠ ᐹᐱᓬᐊᓂᔭᓇᐠ ᑳᓬᑎᔭᐃᕽ, ᐊᐢᑭ ᐃᑕ ᑳ ᑭ ᓂᐦᑖᐃᐧᑭᒋᐠ. 16ᓭᒫᐠ ᒫᑲ ᐁ ᐋᐧᐸᒫᐟ ᑭ ᐅᓵᒣᔨᒣᐤ, ᐁᑯᓯ ᑭ ᐃᓯᑎᓴᐦᐊᒪᐁᐧᐤ ᐅᐟ ᐃᓯᑎᓴᐋᐧᑲᓇ ᑳᓬᑎᔭᐃᕽ. 17ᐹᐱᓬᐊᓂᔭᓇ ᒫᑲ ᑭ ᐯ ᓇᑕᐋᐧᐸᒥᐠ ᓵᑭᐦᐃᑐᐃᐧ ᓂᐯᐃᐧᓂᕽ, ᐁᑯᓯ ᑭ ᐃᐧᓀᔨᑖᑯᐃᐠ ᐅ ᐱᓯᑳᐧᑎᓯᐃᐧᓂᔨᐊᐧ ᐅᐦᒋ, ᑭ ᑭᑭ ᐃᐧᓀᔨᑖᑯᐦᐃᓱ ᒫᑲ, ᐁᑯᓯ ᐅᐟ ᐊᐦᒑᐦᑯᕽ ᑭ ᐊᑎ ᓯᑲᑌᔨᒣᐤ. 18ᑭ ᓄᑯᑖᐤ ᒫᑲ ᐅ ᐱᓯᑳᐧᑎᓯᐃᐧᐣ ᒥᓇ ᑭ ᓄᑯᑖᐤ ᐅ ᒧᓭᐢᑲᑌᐃᐧᐣ; ᐁᑲᐧ ᓂᐟ ᐊᐦᒑᐦᑯᕽ ᓂ ᑭ ᐊᑎ ᓯᑲᑌᔨᒫᐤ, ᑖᐱᐢᑯᐨ ᓂᐟ ᐊᐦᒑᐦᑯᕽ ᑳ ᑭ ᓯᑲᑌᔨᒥᒪᐠ ᐅᒥᓴ. 19ᐁᔨᐁᐧᕽ ᒫᑲ ᐋᐦᒋᐱᑯ ᑭ ᒥᐦᒉᑐᑖᐤ ᐅ ᐱᓯᑳᐧᑎᓯᐃᐧᓇ, ᐁ ᑭᐢᑭᓯᐟ ᑳ ᑭ ᐅᐢᑳᑎᓯᐟ ᐃᐢᐱ, ᒣᑳᐧᐨ ᑳ ᑭ ᐱᓯᑳᐧᑎᓯᑲᒥᑭᓯᐟ ᐃᒋᑊᐟ ᐊᐢᑭᕽ. 20ᑭ ᐅᓵᒣᔨᒣᐤ ᒫᑲ ᐅ ᐃᐧᒋᐱᓯᑳᐧᑎᓯᒫᑲᓇ, ᐅ ᐃᐧᔮᓯᔨᐤ ᑳ ᐃᓯ ᐊᔮᔨᐠ ᑖᐱᐢᑯᐨ ᓱᓱᐃᐧᒥᐢᑕᑎᒪᐧ ᐅ ᐃᐧᔮᓯᔨᐤ, ᐁᑯᓯ ᑖᐱᐢᑯᐨ ᒥᐢᑕᑎᒪᐧ ᑳ ᐃᓯ ᓂᐦᑖᐃᐧᑭᐦᐋᒋᐠ. 21ᐁᑯᓯ ᐅᒪ ᑳ ᑭ ᐃᓯ ᑭᐢᑭᓯᑐᑕᒪᐣ ᑭ ᑭᐢᑫᐧᔮᑎᓯᐃᐧᐣ ᐁ ᐅᐢᑳᑎᓯᔭᐣ, ᐁ ᑭ ᐃᐧᒉᐃᐧᐢᑭᐠ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᐊᐧᓂᑖᔭᐣ ᑯᐢᑲᑎᓯᐃᐧᐣ.
22ᐁᑯᓯ ᒫᑲ ᑭᔭ ᐋᐦᐅᓬᐃᐸ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᑭ ᑲ ᐸᓯᑯᓇᒫᑎᐣ ᑭ ᓵᑭᐦᐋᑲᓇᐠ, ᐊᓂᑭ ᑭᐟ ᐊᐦᒑᐦᑯᕽ ᑳ ᓯᑲᑌᔨᒪᒋᐠ, ᐁᑯᓯ ᓂ ᑲ ᐯᓯᐋᐧᐊᐧᐠ ᒥᓯᐁᐧ ᐋᐧᐢᑳ ᑭᑕ ᐅᐦᒋ ᒪᐃᐧᓀᐢᑳᐢᑭᐠ; 23ᐊᓂᑭ ᐹᐱᓬᐊᓂᔭᓇᐠ ᒥᓇ ᑲᐦᑭᔭᐤ ᑳᓬᑎᔭᓇᐠ, ᐱᑳᐟ ᒥᓇ ᓱᐊ ᒥᓇ ᑯᐊ, ᒥᓇ ᑲᐦᑭᔭᐤ ᐊᓯᕒᐃᔭᓇ ᐊᓯᒋ; ᑳ ᒧᐢᑕᐃᐧᓈᑯᓯᒋᐠ ᐅᐢᑭᓂᑭᐊᐧᐠ, ᐅᔭᓱᐁᐧᐃᐧᑭᒫᐊᐧᐠ ᒥᓇ ᐅᔭᓱᐁᐧᐃᐧᔨᓂᐊᐧᐠ ᑲᐦᑭᔭᐤ, ᐅᑭᒫᐊᐧᐠ ᒥᓇ ᑳ ᐋᑐᑖᑯᓯᒋᐠ ᐊᔨᓯᔨᓂᐊᐧᐠ, ᑲᐦᑭᔭᐤ ᒥᐢᑕᑎᒪᐧ ᐁ ᑌᐦᑕᐱᒋᐠ. 24ᑭ ᑲ ᒪᐃᐧᓀᐢᑳᑲᐧᐠ ᒫᑲ ᐁ ᑭᑭᒋᐠ ᐊᓱᐃᐧᓇ, ᑎᐦᑎᐱᑖᐹᓈᐢᑲᐧ, ᒥᓇ ᓀᐅᑳᑌᐃᐧᑖᐹᓈᐢᑲᐧ, ᒥᓇ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ; ᑭ ᑲ ᐅᔨᑳᐸᐃᐧᐢᑖᑲᐧᐠ ᒥᓯᐁᐧ ᐋᐧᐢᑳ ᐸᐸᐊᑳᐧᓂᓴ ᒥᓇ ᐸᐸᐊᑳᐧᓇ ᒥᓇ ᐱᐋᐧᐱᐢᑲᐧᐢᑐᑎᓇ ᐁ ᑭᑭᒋᐠ; ᐁᑯᓯ ᓂ ᑲ ᐸᑭᑎᓇᒪᐋᐧᐊᐧᐠ ᐅᔭᓱᐋᐧᓯᐁᐧᐃᐧᐣ, ᑭ ᑲ ᐅᔭᓱᐋᐧᑎᑲᐧᐠ ᒫᑲ ᐁ ᐃᑕᐢᑌᔨᑭ ᐅᔭᓱᐋᐧᓯᐁᐧᐃᐧᓂᐋᐧᐊᐧ. 25ᑭ ᑲ ᐸᑭᑎᓇᒫᑎᐣ ᒫᑲ ᓂ ᑳᑫᐧᔨᑕᒧᐃᐧᐣ, ᐁᑯᓯ ᐋᐦᑯᔭᐁᐧᓯᐃᐧᓂᕽ ᑭ ᑲ ᐅᑎᐦᑎᓂᑲᐧᐠ; ᑭ ᑲ ᑭᐢᑭᑯᑌᓱᑲᐧᐠ ᒥᓇ ᑭ ᑲ ᑭᐢᑭᑕᐊᐧᑫᓱᑲᐧᐠ; ᐁᑯᓯ ᑳ ᐃᐢᑯᓂᐢᑭᐠ ᐃᓴᐁᐧᐢᐠ ᐅᐦᒋ ᑭ ᑲ ᑲᐃᐧᐁᐧᐸᐦᐅᑲᐃᐧᐣ; ᑭᑕ ᐅᑎᓀᐊᐧᐠ ᑭᑯᓯᓴ ᒥᓇ ᑭᑖᓂᓴ; ᐁᑯᓯ ᐁ ᐃᐢᑯᓂᑲᐃᐧᔭᐣ ᑭ ᑲ ᒣᐢᑎᑲᓱᑲᐃᐧᐣ. 26ᐊᓯᒋ ᑭ ᑲ ᑫᑕᔪᐃᐧᓂᓭᐱᑎᑲᐧᐠ, ᒥᓇ ᑭᑕ ᐅᑎᓇᒪᐧᐠ ᑳ ᒥᔪᓈᑲᐧᑭ ᑭ ᐊᐧᐁᐧᓯᐅᓈᐱᐢᑲᐧ. 27ᐁᑯᓯ ᐅᒪ ᑫ ᐃᓯ ᑭᐱᑎᓇᒫᐣ ᑭ ᑭᐢᑫᐧᔮᑎᓯᐃᐧᐣ, ᒥᓇ ᑭ ᐱᓯᑳᐧᑎᓯᐃᐧᐣ ᐃᒋᑊᐟ ᐊᐢᑭᕽ ᑳ ᑭ ᐅᐦᒋ ᐯᑖᔭᐣ; ᐁᑯᓯ ᓇᒪᐃᐧᔭ ᑭ ᑲ ᑲᓇᐋᐧᐸᒫᐊᐧᐠ, ᐊᐦᐳ ᓇᒪᐃᐧᔭ ᒥᓇ ᑭ ᑲ ᑭᐢᑭᓯᑐᑌᐣ ᐃᒋᑊᐟ.
28ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᑭ ᑲ ᐸᑭᑎᓂᑎᐣ ᐅᒋᐦᒋᐋᐧᕽ ᐊᓂᑭ ᑳ ᐸᑳᐧᑕᒋᐠ, ᐅᒋᐦᒋᐋᐧᕽ ᐊᓂᑭ ᑳ ᓯᑲᑌᔨᒪᒋᐠ ᑭᐟ ᐊᐦᒑᐦᑯᕽ; 29ᑭ ᑲ ᐅᑎᐦᑎᓂᑲᐧᐠ ᒫᑲ ᐸᑳᐧᓯᐁᐧᐃᐧᓂᕽ, ᐁᑯᓯ ᑭᑕ ᐅᑎᓇᒪᐧᐠ ᑲᐦᑭᔭᐤ ᑭᐟ ᐊᑐᐢᑫᐃᐧᐣ, ᒥᓇ ᑭ ᑲ ᓇᑲᑎᑲᐧᐠ ᐁ ᒧᓭᐢᑲᑌᔭᐣ ᒥᓇ ᐁ ᒧᓭᓯᔭᐣ; ᐁᑯᓯ ᐁᓯ ᒧᓭᐢᑲᑌᒪᑲᕽ ᑭ ᐱᓯᑳᐧᑎᓯᐃᐧᐣ ᑭᑕ ᓄᑲᐧᐣ, ᑖᐱᐢᑯᐨ ᑭ ᑭᐢᑫᐧᐃᐧᐣ ᒥᓇ ᑭ ᐱᓯᑳᐧᑎᓯᐃᐧᓇ.
30ᐁᑯᓯ ᐅᒪ ᑫ ᑐᑖᑲᐃᐧᔭᐣ, ᒋᑫᒫ ᑭ ᑭ ᐱᒥᑎᓴᐋᐧᐊᐧᐠ ᐁᑳ ᑳ ᐊᔭᒥᐦᐋᒋᐠ ᐱᓯᑳᐧᑎᓯᐃᐧᓂᕽ, ᐁᑯᓯ ᑭ ᐃᐧᓀᔨᑖᑯᐃᑯᔨᐊᐧ ᐅ ᒪᓂᑐᑳᓂᐋᐧᐊᐧ. 31ᑭ ᑭ ᐱᒧᑖᑐᑕᒫᐧᐣ ᐅ ᒣᐢᑲᓇᐤ ᑭᒥᐢ; ᐁᐊᐧᑯ ᐅᐦᒋ ᐅ ᒥᓂᑳᐧᑲᐣ ᓂ ᑲ ᐸᑭᑎᓇᒫᐧᐣ ᑭᒋᐦᒋᕽ. 32ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭ ᑲ ᒥᓂᐦᑫᐧᐦᐋᐧᐣ ᑭᒥᐢ ᐅ ᒥᓂᑲᐧᑲᐣ, ᑲ ᐳᓯᐢᑳᔨᐠ ᒥᓇ ᑳ ᒥᓵᐠ; ᑭ ᑲ ᐹᐦᐱᐃᑲᐃᐧᐣ ᒥᓇ ᑭ ᑲ ᒣᑕᐋᐧᑲᑎᑲᐃᐧᐣ; ᒥᐢᑕᐦᐃ ᐊᓯᐊᐧᑌᐤ. 33ᑭ ᑲ ᑌᐱᐹᐣ ᑭᐢᑫᐧᐯᐃᐧᐣ ᒥᓇ ᒥᐦᒋᔭᐁᐧᓯᐃᐧᐣ, ᒫᒪᐢᑳᑕᒧᐃᐧ ᒥᓇ ᑭᐋᐧᑌᔨᒧᐃᐧ ᒥᓂᑳᐧᑲᐣ, ᐅ ᒥᓂᑳᐧᑲᐣ ᑭᒥᐢ ᓴᒣᕒᐃᔭ. 34ᑭ ᑲ ᒥᓂᑳᐧᑌᐣ ᒫᑲ ᒥᓇ ᑭ ᑲ ᑭᑖᐣ, ᐁᑯᓯ ᑭ ᑲ ᓯᑯᐦᑌᐣ ᐁ ᐹᐢᐹᐢᑎᐸᔨᐠ, ᒥᓇ ᑭ ᑲ ᒧᐢᑖᐢᑭᑲᓀᐱᑎᓱᐣ; ᒋᑫᒫ ᓂᔭ ᓂ ᑭ ᐃᑖᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ. 35ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᐁ ᑭ ᐊᐧᓂᑭᐢᑭᓯᑐᑕᐃᐧᔭᐣ, ᒥᓇ ᑭᐢᐱᐢᑲᐧᓂᕽ ᐁ ᑭ ᐃᓯᐁᐧᐱᓂᔭᐣ, ᐁᐊᐧᑯ ᐅᐦᒋ ᓇᔭᑕ ᑭᔭ ᒥᓇ ᑭ ᑭᐢᑫᐧᐃᐧᐣ ᒥᓇ ᑭ ᐱᓯᑳᐧᑎᓯᐃᐧᓇ.
36ᐁᑯᓯ ᒥᓇ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ; ᐃᔨᓂᐃᐧᑯᓯᓵᐣ, ᑭ ᑲ ᐅᔭᓱᐋᐧᑖᐊᐧᐠ ᒋ ᐋᐦᐅᓬᐊ ᒥᓇ ᐋᐦᐅᓬᐃᐸ? ᐃᐧᐦᑕᒪᐃᐧᐠ ᒫᑲ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ. 37ᒋᑫᒫ ᑭ ᑐᑕᒪᐧᐠ ᐱᓯᑳᐧᑎᓯᐃᐧᐣ, ᒥᓇ ᒥᐦᑯ ᐊᔮᔨᐤ ᐅᒋᐦᒋᐋᐧᕽ, ᒥᓇ ᐅ ᒪᓂᑐᑳᓂᐋᐧᐊᐧ ᐅᐦᒋ ᑭ ᑐᑕᒪᐧᐠ ᐱᓯᑳᐧᑎᓯᐃᐧᐣ; ᐁᑯᓯ ᒥᓇ ᐅᑯᓯᓯᐋᐧᐊᐧ ᑳ ᑭ ᓂᐦᑖᐃᐧᑭᑕᒪᐃᐧᒋᐠ ᑭ ᓵᐳᑕᐁᐊᐧᐠ ᐃᐢᑯᑌᕽ ᑭᑕ ᓂᓯᐊᐧᓈᒋᐦᐃᑯᔨᐟ. 38ᐅᒥᓯ ᒫᑲ ᒥᓇ ᓂ ᑭ ᑐᑖᑲᐧᐠ; ᑭ ᐃᐧᓀᔨᑖᑯᑖᐊᐧᐠ ᓂ ᑲᓈᒋᑲᒥᐠ ᐁᐊᐧᑳᐧᓂᒪ ᐁ ᑭᓯᑳᐠ, ᒥᓇ ᑭ ᐱᑯᓇᒪᐧᐠ ᓂᐟ ᐊᔦᐧᐱᐃᐧᑭᓯᑳᒪ. 39ᒋᑫᒫ ᐃᐢᐱ ᐅᐟ ᐊᐋᐧᓯᒥᓯᐋᐧᐊᐧ ᑳ ᓂᐸᑕᒪᐋᐧᒋᐠ ᐅ ᒪᓂᑐᑳᓂᐋᐧᐊᐧ, ᐁᑲᐧ ᐁᐊᐧᑳᐧᓂᒪ ᐁ ᑭᓯᑳᐠ ᑭ ᐯ ᐃᑐᐦᑌᐊᐧᐠ ᓂ ᑲᓈᒋᑲᒥᑯᕽ ᑭᑕ ᐃᐧᓀᔨᑖᑯᑖᒋᐠ; ᐁᑯᓯ ᒫᑎᑲ, ᐁᐊᐧᑫᐧᔨᐤ ᐅᒪ ᑳ ᑭ ᑐᑕᐦᑭᐠ ᒣᑳᐧᐨ ᓂ ᐋᐧᐢᑳᐦᐃᑲᓂᕽ. 40ᐁᑯᓯ ᒥᓇ ᑭ ᑭ ᓇᑐᒫᐋᐧᐊᐧᐠ ᐊᔨᓯᔨᓂᐊᐧᐠ ᐋᐧᔭᐤ ᑭᑕ ᐅᐦᑐᑌᒋᐠ; ᐃᓯᑎᓴᐋᐧᑲᓇ ᑳ ᑭ ᐃᓯᑎᓴᐦᐊᒫᐦᒋᐠ, ᐁᑯᓯ ᒫᑎᑲ, ᑭ ᐯ ᐃᑐᐦᑌᐊᐧᐠ; ᐁᐊᐧᑯᓂᐠ ᐅᐦᒋ ᑭ ᑭ ᑳᓯᑳᐧᐣ, ᑭ ᑭ ᑐᒥᑳᐧᐣ, ᒥᓇ ᑭ ᑭ ᐊᐧᐁᐧᓯᐦᐅᐣ: 41ᑭ ᑭ ᑌᐦᑕᐱᐣ ᒫᑲ ᐁ ᑕᑲᐦᑭᓈᑲᐧᕽ ᓂᐯᐃᐧᐣ, ᒥᒋᓱᐃᐧᓈᑎᐠ ᐁ ᑲᐧᔮᑕᕽ ᐁ ᐅᐦᑎᐢᑲᐊᐧᐢᑌᐠ, ᐁᑯᑕ ᐁ ᑭ ᐊᐢᑖᔭᐣ ᓂ ᐃᐧᑭᒫᓯᑲᐣ ᒥᓇ ᓂ ᐱᒥᒼ. 42ᐁᑯᓯ ᑭ ᒪᑌᐧ ᐃᐧᒉᐃᐧᐠ ᐁ ᐅᓵᒣᔭᑎᔨᐟ ᐁᑳ ᑫᑲᐧᐩ ᐁ ᓄᒋᐦᑖᔨᐟ; ᒥᓇ ᑭᑭ ᐱᑯᓇᑕ ᐊᔨᓯᔨᓂᐊᐧ ᐅᑭᐢᑫᐧᐯᐊᐧ ᑭ ᐯᓯᐁᐧᐊᐧᐠ ᐱᑲᐧᑕᐢᑭᕽ ᐅᐦᒋ; ᐁᑯᓯ ᐊᐧᐁᐧᓯᐅᓈᐱᐢᑲᐧ ᑭ ᐊᐢᑖᐊᐧᐠ ᐅᒋᐦᒋᐋᐧᕽ ᐁ ᐃᓯ ᓂᓯᒋᐠ, ᒥᓇ ᐁ ᑲᑕᐊᐧᓯᓯᑭ ᐅᑭᒫᐢᑫᐧᐊᐧᐢᑐᑎᓇ ᑭ ᐳᐢᑕᐢᑐᑎᓀᐊᐧᐠ. 43ᐁᑲᐧ ᓂ ᑭ ᐃᑖᐤ ᐊᓇ ᑳ ᑲᔭᑌᔮᑎᓯᐟ ᐱᓯᑳᐧᑎᓯᐃᐧᓂᕽ, ᐁᑲᐧ ᑭᑕ ᐃᐧᒋᐱᓯᑳᐧᑎᓯᒥᐠ, ᒥᓇ ᐃᐧᔭ ᑭᑕ ᐃᐧᒋᐱᓯᑳᐧᑎᓯᒣᐤ. 44ᐁᑯᓯ ᑭ ᐱᑐᑲᐁᐧᐊᐧᐠ ᑳ ᐃᓯ ᐱᑐᑲᐋᐧᒋᐠ ᐱᓯᑳᐧᑎᐢᑫᐧᐊᐧ; ᐁᑯᓯ ᑭ ᐃᓯ ᐱᑐᑲᐁᐧᐊᐧᐠ ᐋᐦᐅᓬᐊᐊᐧ ᒥᓇ ᐋᐦᐅᓬᐃᐸᐊᐧ, ᑭᐢᑫᐧᑳᓂᐢᑫᐧᐊᐧᐠ.
45ᑲᐧᔭᐢᐠ ᒫᑲ ᑳ ᐃᑖᑎᓯᒋᐠ ᓈᐯᐊᐧᐠ, ᐁᐊᐧᑯᓂᐠ ᑭᑕ ᐅᔭᓱᐋᐧᑌᐊᐧᐠ ᐁ ᐃᓯ ᐅᔭᓱᐋᐧᑎᐦᒋᐠ ᑳ ᐱᓯᑳᐧᑎᓯᒋᐠ ᐃᐢᑫᐧᐊᐧᐠ, ᒥᓇ ᑳ ᐃᓯ ᐅᔭᓱᐋᐧᑎᐦᒋᐠ ᐃᐢᑫᐧᐊᐧᐠ ᑳ ᓯᑭᓇᑭᐠ ᒥᐦᑯ; ᒋᑫᒫ ᐱᓯᑳᐧᑎᐢᑫᐧᐃᐧᐊᐧᐠ ᒥᓇ ᒥᐦᑯ ᐊᔮᔨᐤ ᐅᒋᐦᒋᐊᐧᕽ.
46ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᓂ ᑲ ᐯᓯᒫᐊᐧ ᐁ ᒫᒪᐁᐧᔨᑎᔨᐟ ᑭᑕ ᒪᐃᐧᓀᐢᑲᑯᒋᐠ, ᐁᑯᓯ ᓂ ᑲ ᐸᑭᑎᓈᐊᐧᐠ ᑳᑫᐧᑯᐢᐠ ᑭᑕ ᐃᓯᐁᐧᐱᓂᐦᒋᐠ ᒥᓇ ᑭᑕ ᓂᓯᐊᐧᓈᒋᐃᐦᒋᐠ. 47ᑳ ᒫᒪᐁᐧᔭᑎᔨᐟ ᒫᑲ ᑭᑕ ᐱᒫᐧᐱᐢᑲᐅᑲᐧᐠ ᐊᓯᓂᔭ, ᒥᓇ ᑭᑕ ᓂᐸᐃᑲᐧᐠ ᐅ ᓯᒫᑲᓂᑯᒫᓂᔨᐊᐧ ᐅᐦᒋ; ᑭᑕ ᓂᐸᐃᒣᔨᐊᐧ ᐅᑯᓯᓯᐋᐧᐊᐧ ᒥᓇ ᐅᑖᓂᓯᐋᐧᐊᐧ, ᒥᓇ ᑭᑕ ᒣᐢᑎᑲᓴᒥᔨᐊᐧ ᐅ ᐋᐧᐢᑳᐦᐃᑲᓂᐋᐧᐊᐧ. 48ᐁᑯᓯ ᐅᒪ ᑫ ᐃᓯ ᑭᐱᐦᑎᓇᒫᐣ ᑭᐢᑫᐧᔮᑎᓯᐃᐧᐣ ᐊᐢᑭᕽ, ᑲᐦᑭᔭᐤ ᐃᐢᑫᐧᐊᐧᐠ ᑭᑕ ᑭᐢᑭᓄᐦᐊᒫᐦᒋᐠ ᐁᑳ ᑭᑕ ᑭᐢᑭᓇᐋᐧᐸᐦᑕᑭᐠ ᑭ ᑭᐢᑫᐧᔮᑎᓯᐃᐧᓂᐋᐧᐤ. 49ᑭ ᑲ ᑎᐸᐦᐊᒫᑯᐋᐧᐊᐧᐠ ᒫᑲ ᑭ ᑭᐢᑫᐧᔮᑎᓯᐃᐧᓂᐋᐧᐤ, ᒥᓇ ᑭ ᑲ ᓇᔭᑕᒫᐧᓈᐋᐧᐤ ᐅ ᒪᒋᐃᑎᐃᐧᓂᐋᐧᐊᐧ ᑭ ᒪᓂᑐᑳᓂᐋᐧᐊᐧᐠ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭᓭᒪᓂᑐ.
Currently Selected:
ᐃᓯᑭᐁᓬ 23: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐃᓯᑭᐁᓬ 23
23
1ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ ᒥᓇ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᐅ ᑭ ᓂᓯᑖᐋᐧᐤ ᐃᐢᑫᐧᐊᐧᐠ, ᐅᑖᓂᓴ ᐯᔭᐠ ᐃᐢᑫᐧᐤ; 3ᐁᑯᓯ ᑭ ᓄᒋᐦᑖᐋᐧᐠ ᐱᓯᑳᐧᑎᓯᐃᐧᐣ ᐃᒋᑊᑎᕽ; ᑭ ᓄᒋᐦᑖᐊᐧᐠ ᐱᓯᑳᐧᑎᓯᐃᐧᐣ ᐁ ᐅᐢᑳᑎᓯᒋᐠ; ᐁᑯᑕ ᑳ ᑭ ᒫᑯᐢᑳᐦᒋᐠ ᒥᓇ ᐁᑯᑕ ᑭ ᐊᐧᓂᑖᐊᐧᐠ ᐅᐢᑭᓂᑭᐢᑫᐧᐃᐧᐃᐧᓂᐋᐧᐤ. 4ᑭ ᐃᓯᔨᐦᑳᓱᐊᐧᐠ ᒫᑲ ᐋᐦᐅᓬᐊ ᐅᒥᓯᒫᐤ, ᒥᓇ ᐋᐦᐅᓬᐃᐹ ᐅᓯᒪ; ᐁᑯᓯ ᓂᔭ ᓂ ᑭ ᐊᔮᐋᐧᐊᐧᐠ, ᑭ ᐅᑯᓯᓯᐊᐧᐠ ᒫᑲ ᒥᓇ ᑭ ᐅᑖᓂᓯᐊᐧᐠ. ᒫᑲ ᐃᐧᔭ ᐅ ᐃᐧᔪᐃᐧᓂᐋᐧᐊᐧ, ᓴᒣᕒᐃᔭ ᐁᐊᐧᑯ ᐋᐦᐅᓬᐊ, ᐁᑯᓯ ᒉᕒᐅᓴᓬᐊᒼ ᐁᐊᐧᑯ ᐋᐦᐅᓬᐃᐸ.
5ᐋᐦᐅᓬᐊ ᒫᑲ ᐱᓯᑳᐧᑎᐢᑫᐧᐤ ᑭ ᐃᓯᐦᒋᑫᐤ ᒣᑳᐧᐨ ᐁ ᐊᔮᐊᐧᐠ; ᒥᓇ ᑭ ᐅᓵᒣᔨᒣᐤ ᐅ ᓵᑭᐦᐋᑲᓇ, ᐊᓂᐦᐃ ᐊᓯᕒᐃᔭᓇ ᑳ ᐋᓂᐢᑫᐱᐢᑖᑯᐟ, 6ᒋᐯᑕᑫᐧᑭᐣ ᑳ ᑭᑭᐢᑲᒥᔨᐟ ᐅᔭᓱᐁᐧᐃᐧᑭᒫᐊᐧᐠ ᒥᓇ ᐅᔭᓱᐁᐧᐃᐧᔨᓂᐊᐧᐠ, ᑲᐦᑭᔭᐤ ᐁ ᒧᐢᑕᐃᐧᓈᑯᓯᒋᐠ ᐅᐢᑭᓂᑭᐊᐧᐠ, ᐅᑌᑕᐱᐊᐧᐠ ᒥᐢᑕᑎᒪᐧ ᐁ ᑌᐦᑕᐱᒋᐠ. 7ᑭ ᐃᐧᒋᐱᓯᑳᐧᑎᓯᒣᐤ ᒫᑲ ᐁᐊᐧᑯᓂ, ᓇᐊᐧᓱ ᐊᓯᕒᐃᔭ ᓈᐯᐊᐧ ᑲᐦᑭᔭᐤ; ᐱᑳᐧᓂᐦᐃ ᒫᑲ ᐁ ᐅᓵᒣᔨᒫᐟ, ᑲᐦᑭᔭᐤ ᐅ ᒪᓂᑐᑳᓂᔭᐊᐧ ᑭ ᐅᐦᒋ ᐃᐧᓀᔨᑖᑯᐃᓱ. 8ᓇᒪᐃᐧᔭ ᒥᓇ ᑭ ᓇᑲᑕᒼ ᐅ ᐱᓯᑳᐧᑎᓯᐃᐧᓇ ᐊᐢᐱᐣ ᐃᒋᑊᑎᕽ; ᒋᑫᒫ ᐁ ᐅᐢᑳᑎᓯᐟ ᑭ ᐃᐧᒉᐃᐧᐠ, ᒥᓇ ᑭ ᐊᐧᓂᑖᐤ ᐅᐢᑭᓂᑭᐢᑫᐧᐃᐧᐃᐧᐣ; ᐁᑯᓯ ᑭ ᑲᐧᔭᑯᓇᒫᐠ ᐅ ᐱᓯᑳᐧᑎᓯᐃᐧᓂᔨᐊᐧ.
9ᐁᑯᓯ ᒫᑲ ᓂ ᑭ ᐸᑭᑎᓈᐤ ᐅᒋᐦᒋᔨᕽ ᐊᓂᐦᐃ ᑳ ᓵᑭᐦᐋᐟ, ᐅᒋᐦᒋᔨᕽ ᐊᓯᕒᐃᔭᓇ, ᐊᓂᐦᐃ ᑳ ᐅᓵᒣᔨᒫᐟ. 10ᐁᐊᐧᑯᓂ ᐅᐦᐃ ᑭ ᒧᓭᓇᒥᔨᐊᐧ ᐅ ᒧᓭᐢᑲᑌᐃᐧᐣ; ᑭ ᐅᑎᐦᑎᓀᔨᐊᐧ ᐅᑯᓯᓴ ᒥᓇ ᐅᑖᓂᓴ, ᐁᑯᓯ ᐃᐧᔭ ᑭ ᓂᐸᐦᐃᐠ ᓯᒫᑲᓂᑯᒫᐣ ᐅᐦᒋ; ᑭ ᐋᔨᒧᒋᑲᓂᐃᐧᐤ ᒫᑲ ᐃᐢᑫᐧᓈᕽ; ᒋᑫᒫ ᑭ ᑎᐱᑐᑖᐠ ᐅᔭᓱᐋᐧᓯᐁᐧᐃᐧᓇ.
11ᐅᓯᒪ ᒫᑲ ᐋᐦᐅᓬᐃᐸ ᑭ ᐋᐧᐸᐦᑕᒼ, ᐅᒪ, ᐁᔨᐁᐧᕽ ᐊᐊᐧᓯᒣ ᑭ ᓂᓯᐊᐧᓈᑎᓂᑫᐤ ᐅᓵᒣᔨᑕᒧᐃᐧᓂᕽ ᐃᔨᑯᕽ ᐁᐊᐧᑯᓂ, ᒥᓇ ᐅ ᐱᓯᑳᐧᑎᓯᐃᐧᓂᕽ ᐃᔨᑯᕽ ᐅᒥᓴ ᐅ ᐱᓯᑳᐧᑎᓯᐃᐧᓂᔨᕽ. 12ᑭ ᐅᓵᒣᔨᒣᐤ ᐊᓯᕒᐃᔭᓇ, ᐅᔭᓱᐁᐧᐃᐧᑭᒫᐊᐧ ᒥᓇ ᐅᔭᓱᐁᐧᐃᐧᔨᓂᐊᐧ, ᑳ ᐋᓂᐢᑫᐱᐢᑖᑯᐟ, ᐁ ᐋᔮᑳᐧᓯᓈᐢᑌᔨᑭ ᐅ ᑭᑭᐢᑳᒋᑲᓂᔨᐊᐧ, ᐅᑌᑕᐱᐊᐧ ᐁ ᑌᐦᑕᐱᔨᐟ ᒥᐢᑕᑎᒪᐧ, ᑲᐦᑭᔭᐤ ᐁ ᒧᐢᑕᐃᐧᓈᑯᓯᒋᐠ ᐅᐢᑭᓂᑭᐊᐧᐠ. 13ᐁᑯᓯ ᓂ ᑭ ᐋᐧᐸᐦᑌᐣ ᐁ ᐃᐧᓀᔨᑖᑯᐦᐃᐦᐟ; ᐯᔭᑯᑖᐊᐧᐠ ᐁ ᐃᐦᑐᑕᑭᐠ. 14ᑭ ᔭᑭᑖᐤ ᒫᑲ ᐅ ᐱᓯᑳᐧᑎᓯᐃᐧᓇ; ᒋᑫᒫ ᑭ ᐋᐧᐸᒣᐤ ᓈᐯᐊᐧ ᐁ ᒪᓯᓇᐃᑳᓱᔨᐟ ᐋᐧᐢᑳᐦᐃᑲᓂᕽ, ᐅ ᓇᐢᐱᓯᒋᑲᓂᐋᐧᐊᐧ ᐊᓂᑭ ᑳᓬᑎᔭᓇᐠ ᒥᐦᑯᐯᐦᐃᑲᐣ ᐁ ᐋᐸᑕᕽ, 15ᐁ ᐸᑲᐧᑌᐦᐅᔨᐟ ᐋᐱᑐᓯᔭᐤ ᐸᑲᐧᑌᐦᐅᓇ, ᐊᔨᐋᐧᐠ ᐁ ᒪᓯᓈᐢᑌᔨᑭ ᑳ ᑭᑲᐢᑐᑎᓀᒋᐠ, ᑲᐦᑭᔭᐤ ᐅᑭᒫᐊᐧᐠ ᐁ ᐃᑖᐸᒥᓈᑯᓯᒋᐠ, ᐁ ᐃᓯᓈᑯᓯᒋᐠ ᐹᐱᓬᐊᓂᔭᓇᐠ ᑳᓬᑎᔭᐃᕽ, ᐊᐢᑭ ᐃᑕ ᑳ ᑭ ᓂᐦᑖᐃᐧᑭᒋᐠ. 16ᓭᒫᐠ ᒫᑲ ᐁ ᐋᐧᐸᒫᐟ ᑭ ᐅᓵᒣᔨᒣᐤ, ᐁᑯᓯ ᑭ ᐃᓯᑎᓴᐦᐊᒪᐁᐧᐤ ᐅᐟ ᐃᓯᑎᓴᐋᐧᑲᓇ ᑳᓬᑎᔭᐃᕽ. 17ᐹᐱᓬᐊᓂᔭᓇ ᒫᑲ ᑭ ᐯ ᓇᑕᐋᐧᐸᒥᐠ ᓵᑭᐦᐃᑐᐃᐧ ᓂᐯᐃᐧᓂᕽ, ᐁᑯᓯ ᑭ ᐃᐧᓀᔨᑖᑯᐃᐠ ᐅ ᐱᓯᑳᐧᑎᓯᐃᐧᓂᔨᐊᐧ ᐅᐦᒋ, ᑭ ᑭᑭ ᐃᐧᓀᔨᑖᑯᐦᐃᓱ ᒫᑲ, ᐁᑯᓯ ᐅᐟ ᐊᐦᒑᐦᑯᕽ ᑭ ᐊᑎ ᓯᑲᑌᔨᒣᐤ. 18ᑭ ᓄᑯᑖᐤ ᒫᑲ ᐅ ᐱᓯᑳᐧᑎᓯᐃᐧᐣ ᒥᓇ ᑭ ᓄᑯᑖᐤ ᐅ ᒧᓭᐢᑲᑌᐃᐧᐣ; ᐁᑲᐧ ᓂᐟ ᐊᐦᒑᐦᑯᕽ ᓂ ᑭ ᐊᑎ ᓯᑲᑌᔨᒫᐤ, ᑖᐱᐢᑯᐨ ᓂᐟ ᐊᐦᒑᐦᑯᕽ ᑳ ᑭ ᓯᑲᑌᔨᒥᒪᐠ ᐅᒥᓴ. 19ᐁᔨᐁᐧᕽ ᒫᑲ ᐋᐦᒋᐱᑯ ᑭ ᒥᐦᒉᑐᑖᐤ ᐅ ᐱᓯᑳᐧᑎᓯᐃᐧᓇ, ᐁ ᑭᐢᑭᓯᐟ ᑳ ᑭ ᐅᐢᑳᑎᓯᐟ ᐃᐢᐱ, ᒣᑳᐧᐨ ᑳ ᑭ ᐱᓯᑳᐧᑎᓯᑲᒥᑭᓯᐟ ᐃᒋᑊᐟ ᐊᐢᑭᕽ. 20ᑭ ᐅᓵᒣᔨᒣᐤ ᒫᑲ ᐅ ᐃᐧᒋᐱᓯᑳᐧᑎᓯᒫᑲᓇ, ᐅ ᐃᐧᔮᓯᔨᐤ ᑳ ᐃᓯ ᐊᔮᔨᐠ ᑖᐱᐢᑯᐨ ᓱᓱᐃᐧᒥᐢᑕᑎᒪᐧ ᐅ ᐃᐧᔮᓯᔨᐤ, ᐁᑯᓯ ᑖᐱᐢᑯᐨ ᒥᐢᑕᑎᒪᐧ ᑳ ᐃᓯ ᓂᐦᑖᐃᐧᑭᐦᐋᒋᐠ. 21ᐁᑯᓯ ᐅᒪ ᑳ ᑭ ᐃᓯ ᑭᐢᑭᓯᑐᑕᒪᐣ ᑭ ᑭᐢᑫᐧᔮᑎᓯᐃᐧᐣ ᐁ ᐅᐢᑳᑎᓯᔭᐣ, ᐁ ᑭ ᐃᐧᒉᐃᐧᐢᑭᐠ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᐊᐧᓂᑖᔭᐣ ᑯᐢᑲᑎᓯᐃᐧᐣ.
22ᐁᑯᓯ ᒫᑲ ᑭᔭ ᐋᐦᐅᓬᐃᐸ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᑭ ᑲ ᐸᓯᑯᓇᒫᑎᐣ ᑭ ᓵᑭᐦᐋᑲᓇᐠ, ᐊᓂᑭ ᑭᐟ ᐊᐦᒑᐦᑯᕽ ᑳ ᓯᑲᑌᔨᒪᒋᐠ, ᐁᑯᓯ ᓂ ᑲ ᐯᓯᐋᐧᐊᐧᐠ ᒥᓯᐁᐧ ᐋᐧᐢᑳ ᑭᑕ ᐅᐦᒋ ᒪᐃᐧᓀᐢᑳᐢᑭᐠ; 23ᐊᓂᑭ ᐹᐱᓬᐊᓂᔭᓇᐠ ᒥᓇ ᑲᐦᑭᔭᐤ ᑳᓬᑎᔭᓇᐠ, ᐱᑳᐟ ᒥᓇ ᓱᐊ ᒥᓇ ᑯᐊ, ᒥᓇ ᑲᐦᑭᔭᐤ ᐊᓯᕒᐃᔭᓇ ᐊᓯᒋ; ᑳ ᒧᐢᑕᐃᐧᓈᑯᓯᒋᐠ ᐅᐢᑭᓂᑭᐊᐧᐠ, ᐅᔭᓱᐁᐧᐃᐧᑭᒫᐊᐧᐠ ᒥᓇ ᐅᔭᓱᐁᐧᐃᐧᔨᓂᐊᐧᐠ ᑲᐦᑭᔭᐤ, ᐅᑭᒫᐊᐧᐠ ᒥᓇ ᑳ ᐋᑐᑖᑯᓯᒋᐠ ᐊᔨᓯᔨᓂᐊᐧᐠ, ᑲᐦᑭᔭᐤ ᒥᐢᑕᑎᒪᐧ ᐁ ᑌᐦᑕᐱᒋᐠ. 24ᑭ ᑲ ᒪᐃᐧᓀᐢᑳᑲᐧᐠ ᒫᑲ ᐁ ᑭᑭᒋᐠ ᐊᓱᐃᐧᓇ, ᑎᐦᑎᐱᑖᐹᓈᐢᑲᐧ, ᒥᓇ ᓀᐅᑳᑌᐃᐧᑖᐹᓈᐢᑲᐧ, ᒥᓇ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ; ᑭ ᑲ ᐅᔨᑳᐸᐃᐧᐢᑖᑲᐧᐠ ᒥᓯᐁᐧ ᐋᐧᐢᑳ ᐸᐸᐊᑳᐧᓂᓴ ᒥᓇ ᐸᐸᐊᑳᐧᓇ ᒥᓇ ᐱᐋᐧᐱᐢᑲᐧᐢᑐᑎᓇ ᐁ ᑭᑭᒋᐠ; ᐁᑯᓯ ᓂ ᑲ ᐸᑭᑎᓇᒪᐋᐧᐊᐧᐠ ᐅᔭᓱᐋᐧᓯᐁᐧᐃᐧᐣ, ᑭ ᑲ ᐅᔭᓱᐋᐧᑎᑲᐧᐠ ᒫᑲ ᐁ ᐃᑕᐢᑌᔨᑭ ᐅᔭᓱᐋᐧᓯᐁᐧᐃᐧᓂᐋᐧᐊᐧ. 25ᑭ ᑲ ᐸᑭᑎᓇᒫᑎᐣ ᒫᑲ ᓂ ᑳᑫᐧᔨᑕᒧᐃᐧᐣ, ᐁᑯᓯ ᐋᐦᑯᔭᐁᐧᓯᐃᐧᓂᕽ ᑭ ᑲ ᐅᑎᐦᑎᓂᑲᐧᐠ; ᑭ ᑲ ᑭᐢᑭᑯᑌᓱᑲᐧᐠ ᒥᓇ ᑭ ᑲ ᑭᐢᑭᑕᐊᐧᑫᓱᑲᐧᐠ; ᐁᑯᓯ ᑳ ᐃᐢᑯᓂᐢᑭᐠ ᐃᓴᐁᐧᐢᐠ ᐅᐦᒋ ᑭ ᑲ ᑲᐃᐧᐁᐧᐸᐦᐅᑲᐃᐧᐣ; ᑭᑕ ᐅᑎᓀᐊᐧᐠ ᑭᑯᓯᓴ ᒥᓇ ᑭᑖᓂᓴ; ᐁᑯᓯ ᐁ ᐃᐢᑯᓂᑲᐃᐧᔭᐣ ᑭ ᑲ ᒣᐢᑎᑲᓱᑲᐃᐧᐣ. 26ᐊᓯᒋ ᑭ ᑲ ᑫᑕᔪᐃᐧᓂᓭᐱᑎᑲᐧᐠ, ᒥᓇ ᑭᑕ ᐅᑎᓇᒪᐧᐠ ᑳ ᒥᔪᓈᑲᐧᑭ ᑭ ᐊᐧᐁᐧᓯᐅᓈᐱᐢᑲᐧ. 27ᐁᑯᓯ ᐅᒪ ᑫ ᐃᓯ ᑭᐱᑎᓇᒫᐣ ᑭ ᑭᐢᑫᐧᔮᑎᓯᐃᐧᐣ, ᒥᓇ ᑭ ᐱᓯᑳᐧᑎᓯᐃᐧᐣ ᐃᒋᑊᐟ ᐊᐢᑭᕽ ᑳ ᑭ ᐅᐦᒋ ᐯᑖᔭᐣ; ᐁᑯᓯ ᓇᒪᐃᐧᔭ ᑭ ᑲ ᑲᓇᐋᐧᐸᒫᐊᐧᐠ, ᐊᐦᐳ ᓇᒪᐃᐧᔭ ᒥᓇ ᑭ ᑲ ᑭᐢᑭᓯᑐᑌᐣ ᐃᒋᑊᐟ.
28ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᑭ ᑲ ᐸᑭᑎᓂᑎᐣ ᐅᒋᐦᒋᐋᐧᕽ ᐊᓂᑭ ᑳ ᐸᑳᐧᑕᒋᐠ, ᐅᒋᐦᒋᐋᐧᕽ ᐊᓂᑭ ᑳ ᓯᑲᑌᔨᒪᒋᐠ ᑭᐟ ᐊᐦᒑᐦᑯᕽ; 29ᑭ ᑲ ᐅᑎᐦᑎᓂᑲᐧᐠ ᒫᑲ ᐸᑳᐧᓯᐁᐧᐃᐧᓂᕽ, ᐁᑯᓯ ᑭᑕ ᐅᑎᓇᒪᐧᐠ ᑲᐦᑭᔭᐤ ᑭᐟ ᐊᑐᐢᑫᐃᐧᐣ, ᒥᓇ ᑭ ᑲ ᓇᑲᑎᑲᐧᐠ ᐁ ᒧᓭᐢᑲᑌᔭᐣ ᒥᓇ ᐁ ᒧᓭᓯᔭᐣ; ᐁᑯᓯ ᐁᓯ ᒧᓭᐢᑲᑌᒪᑲᕽ ᑭ ᐱᓯᑳᐧᑎᓯᐃᐧᐣ ᑭᑕ ᓄᑲᐧᐣ, ᑖᐱᐢᑯᐨ ᑭ ᑭᐢᑫᐧᐃᐧᐣ ᒥᓇ ᑭ ᐱᓯᑳᐧᑎᓯᐃᐧᓇ.
30ᐁᑯᓯ ᐅᒪ ᑫ ᑐᑖᑲᐃᐧᔭᐣ, ᒋᑫᒫ ᑭ ᑭ ᐱᒥᑎᓴᐋᐧᐊᐧᐠ ᐁᑳ ᑳ ᐊᔭᒥᐦᐋᒋᐠ ᐱᓯᑳᐧᑎᓯᐃᐧᓂᕽ, ᐁᑯᓯ ᑭ ᐃᐧᓀᔨᑖᑯᐃᑯᔨᐊᐧ ᐅ ᒪᓂᑐᑳᓂᐋᐧᐊᐧ. 31ᑭ ᑭ ᐱᒧᑖᑐᑕᒫᐧᐣ ᐅ ᒣᐢᑲᓇᐤ ᑭᒥᐢ; ᐁᐊᐧᑯ ᐅᐦᒋ ᐅ ᒥᓂᑳᐧᑲᐣ ᓂ ᑲ ᐸᑭᑎᓇᒫᐧᐣ ᑭᒋᐦᒋᕽ. 32ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭ ᑲ ᒥᓂᐦᑫᐧᐦᐋᐧᐣ ᑭᒥᐢ ᐅ ᒥᓂᑲᐧᑲᐣ, ᑲ ᐳᓯᐢᑳᔨᐠ ᒥᓇ ᑳ ᒥᓵᐠ; ᑭ ᑲ ᐹᐦᐱᐃᑲᐃᐧᐣ ᒥᓇ ᑭ ᑲ ᒣᑕᐋᐧᑲᑎᑲᐃᐧᐣ; ᒥᐢᑕᐦᐃ ᐊᓯᐊᐧᑌᐤ. 33ᑭ ᑲ ᑌᐱᐹᐣ ᑭᐢᑫᐧᐯᐃᐧᐣ ᒥᓇ ᒥᐦᒋᔭᐁᐧᓯᐃᐧᐣ, ᒫᒪᐢᑳᑕᒧᐃᐧ ᒥᓇ ᑭᐋᐧᑌᔨᒧᐃᐧ ᒥᓂᑳᐧᑲᐣ, ᐅ ᒥᓂᑳᐧᑲᐣ ᑭᒥᐢ ᓴᒣᕒᐃᔭ. 34ᑭ ᑲ ᒥᓂᑳᐧᑌᐣ ᒫᑲ ᒥᓇ ᑭ ᑲ ᑭᑖᐣ, ᐁᑯᓯ ᑭ ᑲ ᓯᑯᐦᑌᐣ ᐁ ᐹᐢᐹᐢᑎᐸᔨᐠ, ᒥᓇ ᑭ ᑲ ᒧᐢᑖᐢᑭᑲᓀᐱᑎᓱᐣ; ᒋᑫᒫ ᓂᔭ ᓂ ᑭ ᐃᑖᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ. 35ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᐁ ᑭ ᐊᐧᓂᑭᐢᑭᓯᑐᑕᐃᐧᔭᐣ, ᒥᓇ ᑭᐢᐱᐢᑲᐧᓂᕽ ᐁ ᑭ ᐃᓯᐁᐧᐱᓂᔭᐣ, ᐁᐊᐧᑯ ᐅᐦᒋ ᓇᔭᑕ ᑭᔭ ᒥᓇ ᑭ ᑭᐢᑫᐧᐃᐧᐣ ᒥᓇ ᑭ ᐱᓯᑳᐧᑎᓯᐃᐧᓇ.
36ᐁᑯᓯ ᒥᓇ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ; ᐃᔨᓂᐃᐧᑯᓯᓵᐣ, ᑭ ᑲ ᐅᔭᓱᐋᐧᑖᐊᐧᐠ ᒋ ᐋᐦᐅᓬᐊ ᒥᓇ ᐋᐦᐅᓬᐃᐸ? ᐃᐧᐦᑕᒪᐃᐧᐠ ᒫᑲ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ. 37ᒋᑫᒫ ᑭ ᑐᑕᒪᐧᐠ ᐱᓯᑳᐧᑎᓯᐃᐧᐣ, ᒥᓇ ᒥᐦᑯ ᐊᔮᔨᐤ ᐅᒋᐦᒋᐋᐧᕽ, ᒥᓇ ᐅ ᒪᓂᑐᑳᓂᐋᐧᐊᐧ ᐅᐦᒋ ᑭ ᑐᑕᒪᐧᐠ ᐱᓯᑳᐧᑎᓯᐃᐧᐣ; ᐁᑯᓯ ᒥᓇ ᐅᑯᓯᓯᐋᐧᐊᐧ ᑳ ᑭ ᓂᐦᑖᐃᐧᑭᑕᒪᐃᐧᒋᐠ ᑭ ᓵᐳᑕᐁᐊᐧᐠ ᐃᐢᑯᑌᕽ ᑭᑕ ᓂᓯᐊᐧᓈᒋᐦᐃᑯᔨᐟ. 38ᐅᒥᓯ ᒫᑲ ᒥᓇ ᓂ ᑭ ᑐᑖᑲᐧᐠ; ᑭ ᐃᐧᓀᔨᑖᑯᑖᐊᐧᐠ ᓂ ᑲᓈᒋᑲᒥᐠ ᐁᐊᐧᑳᐧᓂᒪ ᐁ ᑭᓯᑳᐠ, ᒥᓇ ᑭ ᐱᑯᓇᒪᐧᐠ ᓂᐟ ᐊᔦᐧᐱᐃᐧᑭᓯᑳᒪ. 39ᒋᑫᒫ ᐃᐢᐱ ᐅᐟ ᐊᐋᐧᓯᒥᓯᐋᐧᐊᐧ ᑳ ᓂᐸᑕᒪᐋᐧᒋᐠ ᐅ ᒪᓂᑐᑳᓂᐋᐧᐊᐧ, ᐁᑲᐧ ᐁᐊᐧᑳᐧᓂᒪ ᐁ ᑭᓯᑳᐠ ᑭ ᐯ ᐃᑐᐦᑌᐊᐧᐠ ᓂ ᑲᓈᒋᑲᒥᑯᕽ ᑭᑕ ᐃᐧᓀᔨᑖᑯᑖᒋᐠ; ᐁᑯᓯ ᒫᑎᑲ, ᐁᐊᐧᑫᐧᔨᐤ ᐅᒪ ᑳ ᑭ ᑐᑕᐦᑭᐠ ᒣᑳᐧᐨ ᓂ ᐋᐧᐢᑳᐦᐃᑲᓂᕽ. 40ᐁᑯᓯ ᒥᓇ ᑭ ᑭ ᓇᑐᒫᐋᐧᐊᐧᐠ ᐊᔨᓯᔨᓂᐊᐧᐠ ᐋᐧᔭᐤ ᑭᑕ ᐅᐦᑐᑌᒋᐠ; ᐃᓯᑎᓴᐋᐧᑲᓇ ᑳ ᑭ ᐃᓯᑎᓴᐦᐊᒫᐦᒋᐠ, ᐁᑯᓯ ᒫᑎᑲ, ᑭ ᐯ ᐃᑐᐦᑌᐊᐧᐠ; ᐁᐊᐧᑯᓂᐠ ᐅᐦᒋ ᑭ ᑭ ᑳᓯᑳᐧᐣ, ᑭ ᑭ ᑐᒥᑳᐧᐣ, ᒥᓇ ᑭ ᑭ ᐊᐧᐁᐧᓯᐦᐅᐣ: 41ᑭ ᑭ ᑌᐦᑕᐱᐣ ᒫᑲ ᐁ ᑕᑲᐦᑭᓈᑲᐧᕽ ᓂᐯᐃᐧᐣ, ᒥᒋᓱᐃᐧᓈᑎᐠ ᐁ ᑲᐧᔮᑕᕽ ᐁ ᐅᐦᑎᐢᑲᐊᐧᐢᑌᐠ, ᐁᑯᑕ ᐁ ᑭ ᐊᐢᑖᔭᐣ ᓂ ᐃᐧᑭᒫᓯᑲᐣ ᒥᓇ ᓂ ᐱᒥᒼ. 42ᐁᑯᓯ ᑭ ᒪᑌᐧ ᐃᐧᒉᐃᐧᐠ ᐁ ᐅᓵᒣᔭᑎᔨᐟ ᐁᑳ ᑫᑲᐧᐩ ᐁ ᓄᒋᐦᑖᔨᐟ; ᒥᓇ ᑭᑭ ᐱᑯᓇᑕ ᐊᔨᓯᔨᓂᐊᐧ ᐅᑭᐢᑫᐧᐯᐊᐧ ᑭ ᐯᓯᐁᐧᐊᐧᐠ ᐱᑲᐧᑕᐢᑭᕽ ᐅᐦᒋ; ᐁᑯᓯ ᐊᐧᐁᐧᓯᐅᓈᐱᐢᑲᐧ ᑭ ᐊᐢᑖᐊᐧᐠ ᐅᒋᐦᒋᐋᐧᕽ ᐁ ᐃᓯ ᓂᓯᒋᐠ, ᒥᓇ ᐁ ᑲᑕᐊᐧᓯᓯᑭ ᐅᑭᒫᐢᑫᐧᐊᐧᐢᑐᑎᓇ ᑭ ᐳᐢᑕᐢᑐᑎᓀᐊᐧᐠ. 43ᐁᑲᐧ ᓂ ᑭ ᐃᑖᐤ ᐊᓇ ᑳ ᑲᔭᑌᔮᑎᓯᐟ ᐱᓯᑳᐧᑎᓯᐃᐧᓂᕽ, ᐁᑲᐧ ᑭᑕ ᐃᐧᒋᐱᓯᑳᐧᑎᓯᒥᐠ, ᒥᓇ ᐃᐧᔭ ᑭᑕ ᐃᐧᒋᐱᓯᑳᐧᑎᓯᒣᐤ. 44ᐁᑯᓯ ᑭ ᐱᑐᑲᐁᐧᐊᐧᐠ ᑳ ᐃᓯ ᐱᑐᑲᐋᐧᒋᐠ ᐱᓯᑳᐧᑎᐢᑫᐧᐊᐧ; ᐁᑯᓯ ᑭ ᐃᓯ ᐱᑐᑲᐁᐧᐊᐧᐠ ᐋᐦᐅᓬᐊᐊᐧ ᒥᓇ ᐋᐦᐅᓬᐃᐸᐊᐧ, ᑭᐢᑫᐧᑳᓂᐢᑫᐧᐊᐧᐠ.
45ᑲᐧᔭᐢᐠ ᒫᑲ ᑳ ᐃᑖᑎᓯᒋᐠ ᓈᐯᐊᐧᐠ, ᐁᐊᐧᑯᓂᐠ ᑭᑕ ᐅᔭᓱᐋᐧᑌᐊᐧᐠ ᐁ ᐃᓯ ᐅᔭᓱᐋᐧᑎᐦᒋᐠ ᑳ ᐱᓯᑳᐧᑎᓯᒋᐠ ᐃᐢᑫᐧᐊᐧᐠ, ᒥᓇ ᑳ ᐃᓯ ᐅᔭᓱᐋᐧᑎᐦᒋᐠ ᐃᐢᑫᐧᐊᐧᐠ ᑳ ᓯᑭᓇᑭᐠ ᒥᐦᑯ; ᒋᑫᒫ ᐱᓯᑳᐧᑎᐢᑫᐧᐃᐧᐊᐧᐠ ᒥᓇ ᒥᐦᑯ ᐊᔮᔨᐤ ᐅᒋᐦᒋᐊᐧᕽ.
46ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᓂ ᑲ ᐯᓯᒫᐊᐧ ᐁ ᒫᒪᐁᐧᔨᑎᔨᐟ ᑭᑕ ᒪᐃᐧᓀᐢᑲᑯᒋᐠ, ᐁᑯᓯ ᓂ ᑲ ᐸᑭᑎᓈᐊᐧᐠ ᑳᑫᐧᑯᐢᐠ ᑭᑕ ᐃᓯᐁᐧᐱᓂᐦᒋᐠ ᒥᓇ ᑭᑕ ᓂᓯᐊᐧᓈᒋᐃᐦᒋᐠ. 47ᑳ ᒫᒪᐁᐧᔭᑎᔨᐟ ᒫᑲ ᑭᑕ ᐱᒫᐧᐱᐢᑲᐅᑲᐧᐠ ᐊᓯᓂᔭ, ᒥᓇ ᑭᑕ ᓂᐸᐃᑲᐧᐠ ᐅ ᓯᒫᑲᓂᑯᒫᓂᔨᐊᐧ ᐅᐦᒋ; ᑭᑕ ᓂᐸᐃᒣᔨᐊᐧ ᐅᑯᓯᓯᐋᐧᐊᐧ ᒥᓇ ᐅᑖᓂᓯᐋᐧᐊᐧ, ᒥᓇ ᑭᑕ ᒣᐢᑎᑲᓴᒥᔨᐊᐧ ᐅ ᐋᐧᐢᑳᐦᐃᑲᓂᐋᐧᐊᐧ. 48ᐁᑯᓯ ᐅᒪ ᑫ ᐃᓯ ᑭᐱᐦᑎᓇᒫᐣ ᑭᐢᑫᐧᔮᑎᓯᐃᐧᐣ ᐊᐢᑭᕽ, ᑲᐦᑭᔭᐤ ᐃᐢᑫᐧᐊᐧᐠ ᑭᑕ ᑭᐢᑭᓄᐦᐊᒫᐦᒋᐠ ᐁᑳ ᑭᑕ ᑭᐢᑭᓇᐋᐧᐸᐦᑕᑭᐠ ᑭ ᑭᐢᑫᐧᔮᑎᓯᐃᐧᓂᐋᐧᐤ. 49ᑭ ᑲ ᑎᐸᐦᐊᒫᑯᐋᐧᐊᐧᐠ ᒫᑲ ᑭ ᑭᐢᑫᐧᔮᑎᓯᐃᐧᓂᐋᐧᐤ, ᒥᓇ ᑭ ᑲ ᓇᔭᑕᒫᐧᓈᐋᐧᐤ ᐅ ᒪᒋᐃᑎᐃᐧᓂᐋᐧᐊᐧ ᑭ ᒪᓂᑐᑳᓂᐋᐧᐊᐧᐠ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭᓭᒪᓂᑐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.