ᐃᓯᑭᐁᓬ 19
19
1ᐁᑲᐧ ᒥᓇ ᒥᐦᑖᑌᐢᑕᒪᐃᐧᐠ ᐃᐢᕒᐁᐃᓬ ᐅᑭᒫᐊᐧᐠ, 2ᒥᓇ ᐃᑌᐧ, ᐊᐁᐧᓇ ᑳ ᐅᑳᐃᐧᔭᐣ? ᓄᓭᒥᐢᑕᑫᓯᐤ; ᑭ ᐃᐧᑕᐱᒣᐤ ᒥᐢᑕᐦᑫᓯᐊᐧ, ᒣᑳᐧᐨ ᐅᐢᑭ ᒥᐢᑕᐦᑫᓯᐊᐧ ᑭ ᐸᒥᐁᐤ ᐅᐢᑳᔨᓯᒪ. 3ᐯᔭᐠ ᒫᑲ ᐅᐢᑳᔨᓯᒪ ᑭ ᐅᐦᐱᑭᐦᐁᐤ; ᐁᑯᓯ ᐅᐢᑭ ᒥᐢᑕᐦᑫᓯᐤ ᑭ ᐃᓯᐊᔮᐤ; ᑭ ᑭᐢᑫᔨᑕᒼ ᑭᑕ ᐅᑎᐦᑎᓈᐟ ᑳ ᐃᐧ ᓂᐸᐦᐋᐟ, ᑭ ᑭᑕᒣᐧᐤ ᐊᔨᓯᔨᓂᐊᐧ. 4ᑳ ᐸᐱᑐᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᑭ ᐯᐦᑕᒪᐧᐠ ᐁ ᐋᒋᒥᒥᐦᐟ; ᑭ ᐅᑎᓈᐤ ᒫᑲ ᐅ ᐋᐧᑎᑳᓂᔨᕽ; ᐁᑯᓯ ᐁ ᒪᒫᒋᑲᐧᐱᓱᐟ ᑭ ᐃᑐᑕᐋᐤ ᐃᒋᑊᐟ ᐊᐢᑭᕽ. 5ᐃᐢᐱ ᒫᑲ ᐃᐧᔮᐸᐦᑕᕽ ᐁ ᑭ ᐯᐦᐅᐟ, ᐁᑯᓯ ᑳ ᑭ ᐃᓯ ᐸᑯᓭᔨᒧᐟ ᐁ ᐊᐧᓂᑖᐟ, ᐁᑲᐧ ᑭ ᐅᑎᓀᐤ ᑯᑕᑲ ᐅᐢᑳᔨᓯᒪ, ᒥᓇ ᐁᐊᐧᑯᓂ ᑭ ᐅᓯᐦᐁᐤ ᐅᐢᑭ ᒥᐢᑕᐦᑫᓯᐊᐧ. 6ᑭ ᐋᔮᓱᐃᐧᐦᑌᐤ ᒫᑲ ᐃᑕ ᐁ ᐊᔮᔨᐟ ᒥᐢᑕᐦᑫᓯᐊᐧ, ᑭ ᐊᑎ ᐅᐢᑭ ᒥᐢᑕᐦᑫᓯᐃᐧᐤ; ᑭ ᑭᐢᑫᔨᑕᒼ ᑭᑕ ᐅᑎᑎᓈᐟ ᑳ ᐃᐧ ᓂᐸᐦᐋᐟ, ᑭ ᑭᑕᒣᐧᐤ ᐊᔨᓯᔨᓂᐊᐧ. 7ᑭ ᑭᐢᑫᔨᑕᒣᐧᐤ ᐅ ᑭᐦᒋ ᐅᑭᒫᐃᐧᑲᒥᑯᔨᐊᐧ, ᒥᓇ ᑭ ᐱᑲᐧᑕᐢᑖᐤ ᐅᑌᓇᐊᐧ; ᐁᑯᓯ ᐊᐢᑭ ᑭ ᓯᑲᐊᐧᐢᑲᒋᑳᑌᐤ, ᒥᓇ ᐁ ᐃᓯ ᒧᐢᑭᓀᐠ, ᒋᑫᒫ ᐁ ᐯᑖᑲᐧᓂᔨᐠ ᐅ ᐱᑎᑲᐧᑖᒧᐃᐧᐣ. 8ᑳ ᐸᐯᐢᑭᑕᐢᑳᓀᓯᔨᐟ ᒫᑲ ᐊᔨᓯᔨᓂᐊᐧ ᑭ ᒪᐃᐧᓀᐢᑳᐠ ᒥᓯᐁᐧ ᐋᐧᐢᑳ ᐁ ᐸᐯᐢᑭᑕᑭᑌᐠ ᐊᐢᑭ ᐅᐦᒋ; ᑭ ᑕᓭᐧᑲᑯᑕᒫᐠ ᒫᑲ ᐅᐟ ᐊᔭᐱᔨᐊᐧ; ᐁᑯᓯ ᑭ ᐅᑎᓂᐠ ᐅ ᐋᐧᑎᑳᓂᔨᕽ. 9ᑭ ᑭᐸᐅᐠ ᒫᑲ ᐁ ᒪᒫᒋᑲᐧᐱᑎᑯᐟ, ᐁᑯᓯ ᑭ ᐃᑐᑕᐃᐠ ᐃᑕ ᐁ ᐊᔮᔨᐟ ᐹᐱᓬᐊᐣ ᑭᐦᒋ ᐅᑭᒫᐊᐧ; ᓱᑳᔭᐃᐧᑲᒥᑯᕽ ᑭ ᐃᑐᑕᐃᐠ, ᐁᑳ ᒥᓇ ᐃᐧᑳᐨ ᑭᑕ ᐯᐦᑖᑯᓯᐟ ᐃᐢᕒᐁᐃᓬ ᐊᐧᒋᕽ.
10ᑭᑳᐃᐧ ᑭ ᐃᓯ ᐊᔮᐤ ᑖᐱᐢᑯᐨ ᓱᒥᓈᑎᐠ ᑭᐟ ᐃᓯᓈᑯᓯᐃᐧᓂᕽ, ᐁ ᑭᐢᑎᑳᑎᐦᐟ ᒋᑭ ᓂᐱᕽ; ᑭ ᒥᓂᓯᐃᐧᐤ ᒥᓇ ᑭ ᐱᑫᐧᓯᐤ ᐃᐧᔭ ᐁ ᒥᐦᒉᑭ ᓂᐱᔭ. 11ᑭ ᐊᔮᐤ ᒫᑲ ᐁ ᓱᑲᓂᔨᑭ ᐸᑲᒫᑲᓈᑎᑲᐧ ᑭᑕ ᒪᓂ ᐅ ᑎᐯᔨᒋᑳᑲᓂᔨᐟ ᐊᓂᐦᐃ ᑳ ᐅᔭᓱᐁᐧᔨᐟ, ᐁᑯᓯ ᑭ ᐃᐢᐱᑳᐸᐃᐧᔨᐊᐧ ᒣᑳᐧ ᐊᓂᒪ ᐁ ᐱᑫᐧᓯᐟ ᒥᓇ ᑭ ᓄᑯᓯᐊᐧᐠ ᐁ ᐃᓯ ᑭᓄᓯᒋᐠ ᐊᓯᒋ ᑳ ᐅᓵᒣᔭᑎᓂᔨᑭ ᐁ ᐸᐢᑫᑎᑲᐧᓇᑭᓯᐟ. 12ᒫᑲ ᑭ ᒪᓂᐱᑖᐤ ᐋᐦᑯᔭᐁᐧᓯᐃᐧᓂᕽ, ᒧᒋᕽ ᑭ ᐃᓯ ᑲᐃᐧᐁᐧᐱᓈᐤ, ᐁ ᐋᐧᐸᓂᔪᐁᐧᐠ ᐅᐦᒋ ᑭ ᐹᐢᑌᔨᐤ ᐅ ᒥᓂᓯᐃᐧᐃᐧᐣ; ᑳ ᓱᑲᓂᔨᑭ ᐅ ᐸᑲᒫᑲᓈᑎᑲᐧ ᑭ ᑲᐢᑲᑎᓂᑳᑌᐊᐧ ᒥᓇ ᑭ ᓯᑳᐧᑲᑐᑌᐊᐧ; ᐃᐢᑯᑌᐤ ᑭ ᒣᐢᑎᑲᓴᒧᒪᑲᐣ. 13ᐁᑲᐧ ᒫᑲ ᐱᑲᐧᑕᐢᑭᕽ ᑭᐢᑎᑳᑖᐤ, ᐁ ᐹᐢᑌᐠ ᒥᓇ ᐁ ᓄᑌᔮᐹᑫᐧᒪᑲᕽ ᐊᐢᑭ. 14ᐃᐢᑯᑌᐤ ᒫᑲ ᐅᐦᒋᐸᔨᐤ ᐊᓂᐦᐃ ᐅ ᐊᐧᑎᑲᐧᓇ ᑳ ᑭ ᐸᑲᒫᑲᓈᑎᑯᐊᐧᓂᔨᑭ, ᑭ ᒣᐢᑎᑲᑌᔨᐤ ᐅ ᒥᓂᓯᐃᐧᐃᐧᐣ, ᐁᑯᓯ ᓇᒪ ᑫᑲᐧᐩ ᐊᔮᐤ ᐁ ᓱᑲᓂᔨᐠ ᐸᑲᒫᑲᓈᑎᐠ ᑎᐯᔨᒋᑳᑲᐣ ᑭᑕ ᐃᑖᐸᑕᕽ ᐁ ᐅᔭᓱᐁᐧᕽ. ᐁᐊᐧᑯᒪ ᒥᐦᑖᑌᐧᐃᐧᐣ, ᐁᑯᓯ ᒥᐦᑖᑌᐧᐃᐧᐣ ᑭᑕ ᒪᓂ ᐃᑖᐸᑕᐣ.
Currently Selected:
ᐃᓯᑭᐁᓬ 19: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
