ᐃᓯᑭᐁᓬ 17
17
1ᐅᐟ ᐃᑌᐧᐃᐧᐣ ᒫᑲ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᒪᐦᑎ ᐅᔭᐢᑕᒪᐃᐧᐠ ᐊᐧᐋᐧᓀᔨᑕᒥᒥᐁᐧᐃᐧᐣ, ᒥᓇ ᐃᐧᐦᑕᒪᐃᐧᐠ ᐊᐢᐸᐋᑫᒧᐃᐧᐣ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ; 3ᐃᓯᐠ ᒫᑲ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᐦᒋ ᒥᑭᓯᐤ ᐁ ᒥᓵᔨᑭ ᐅᑕᑕᑲᐧᓇ ᒥᓇ ᐁ ᑳᑭᓄᓯᔨᐟ ᐅ ᒥᑲᐧᓇ, ᒥᑐᓂ ᐁ ᐅᐱᐋᐧᐃᐧᐟ, ᒥᓇ ᐁ ᓇᓈᑐᑲᓯᓈᓱᐟ, ᑭ ᑕᑯᐸᔨᐤ ᓬᐁᐱᓇᓂᕽ ᒥᓇ ᑭ ᐅᑎᓇᒼ ᐁ ᑭᓯᐸᓇᐢᑭᓱᔨᐟ ᒫᓯᑭᐢᑳᑎᑲᐧ; 4ᑭ ᒪᓂᐱᑕᒼ ᐊᓂᐦᐃ ᒫᐊᐧᐨ ᑭᓯᐸᓇᐢᐠ ᐸᐢᑫᑎᑲᐧᓇ, ᐁᑯᓯ ᑭ ᐃᑕᐦᐅᑖᐤ ᐊᑖᑐᐃᐧ ᐊᐢᑭᕽ; ᑭ ᐸᑭᑎᓇᒼ ᐅᑌᓈᕽ ᐅᑕᑖᐁᐧᐃᐧᔨᓂᐊᐧ ᐁ ᐊᔮᔨᐟ. 5ᑭ ᐅᑎᓇᒼ ᒥᓇ ᑭᐢᑎᑳᓂᓴ ᐁᑯᑕ ᐊᐢᑭᕽ, ᑭ ᑭᐢᑎᑳᑕᒼ ᒫᑲ ᐃᑕ ᐁ ᓂᐦᑖᐃᐧᑭᒋᑫᒪᑲᕽ ᐊᐢᑭ; ᑭ ᐊᐢᑖᐤ ᑭᓯᐋᐧᐠ ᒥᐦᒉᐟ ᓂᐱᔭ ᐁ ᐊᔮᑭ; ᑭ ᐃᑕᐢᑖᐤ ᑖᐱᐢᑯᐨ ᓂᐱᓯ. 6ᑭ ᐅᐦᐱᑭᐣ ᒫᑲ ᐁᑯᓯ ᑭ ᐊᑎ ᑕᓭᐧᑭᓱᒥᓈᑎᑯᐊᐧᐣ ᐁ ᒋᒫᐢᑯᓯᓯᐟ, ᐃᐧᔭ ᐃᑌᐦᑫ ᐁ ᐊᔮᐟ ᐁᑯᑌ ᐁ ᐃᓯ ᐸᐢᑫᓂᑖᐃᐧᑭᔨᐟ, ᐁᑯᓯ ᓯᐹ ᐅᒉᐱᑲ ᐁ ᐊᔮᑭ; ᐁᑯᓯ ᑭ ᐊᑎ ᓱᒥᓈᑎᑯᐊᐧᐣ, ᒥᓇ ᑭ ᐊᑎ ᐹᐸᐢᑫᓂᑖᐃᐧᑭᐣ, ᒥᓇ ᑭ ᐊᑎ ᐊᐧᑎᑲᐧᓂᐊᐧᐣ.
7ᒥᓇ ᒫᑲ ᑭ ᐃᐦᑖᐤ ᑯᑕᐠ ᑭᐦᒋᒥᑭᓯᐤ ᐁ ᒥᓵᔨᑭ ᐅᑕᑕᑲᐧᓇ ᒥᓇ ᐁ ᒥᐦᒉᓂᔨᑭ ᐅᐱᐊᐧᔭ; ᐁᑯᓯ ᐳᑎ ᐊᐊᐧ ᓱᒥᓈᑎᐠ ᐁᑯᑌ ᑭ ᐊᑎ ᐊᐧᐢᑭᐸᔨᔨᐊᐧ ᐅᒉᐱᑲ, ᒥᓇ ᐁᑯᑌ ᑭ ᐊᑎ ᐃᓯ ᐸᐢᑫᓂᑖᐃᐧᑭᐤ, ᐊᓂᑕ ᐅᐦᒋ ᑳ ᑭ ᑭᐢᑎᑳᑎᐦᐟ, ᑭᑕ ᓯᑲᐅᐹᑎᑯᐟ. 8ᑭ ᑭᐢᑎᑳᑖᐤ ᐃᑕ ᐁ ᒥᔭᐧᐢᑲᒥᑳᐠ ᑭᓯᐋᐧᐠ ᒥᐦᒉᐟ ᓂᐱᔭ, ᒥᐦᒉᐟ ᐸᐢᑫᓂᑖᐃᐧᑭᐃᐧᓇ ᑭᑕ ᐊᔮᑭ, ᒥᓇ ᑭᑕ ᒥᓂᓯᐃᐧᑭ, ᑭᑕ ᒥᔪᓯᐟ ᓱᒥᓈᑎᐠ. 9ᐃᑌᐧ ᑭᔭ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᑕ ᓇᓇᐦᐃᐸᔨᐤ ᒋ? ᓇᒪ ᒋ ᑭᑕ ᒪᓂᐱᑕᒼ ᐅᒉᐱᐦᑲ, ᒥᓇ ᑭᑕ ᒪᓂᓴᒼ ᐁ ᒥᓂᓯᐊᐧᓂᔨᐠ, ᑭᑕ ᓂᐳᒪᑲᕽ; ᑲᐦᑭᔭᐤ ᑳ ᐅᐢᑭ ᓵᑭᐸᑭᐠ ᑭᑕ ᓂᐳᒪᑲᐦᑭ; ᐋᑕ ᐁᑳ ᑭᐦᒋᒪᐢᑲᐃᐧᓯᐃᐧᐣ ᐊᐦᐳ ᒥᐦᒉᐟ ᐊᔨᓯᔨᓂᐊᐧᐠ ᐃᐦᑖᑖᐧᐃᐧ ᑭᑕ ᒪᓂᒉᐱᑭᐱᑕᑭᐠ? 10ᐁᐦᐁ, ᒫᑎᑲ, ᐁ ᑭ ᑭᐢᑎᑳᒋᑳᑌᐠ ᑭᑕ ᓇᓇᐦᐃᐸᔨᐤ ᒋ? ᓇᒪ ᒋ ᒥᑐᓂ ᑭᑕ ᓂᐳᒪᑲᐣ, ᐃᐢᐱ ᐋᐧᐸᓂᔪᐁᐧᐤ ᐅᑎᐦᒋᐸᔨᑭ? ᑭᑕ ᓂᐳᒪᑲᐣ ᐃᑕ ᐊᓂᒪ ᑳ ᑭ ᓂᐦᑖᐃᐧᑭᕽ.
11ᒥᓇ ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 12#2 ᑭᐦᒋ ᐅᑭᒫᐊᐧᐠ 24:15-20; 2 ᐊᑭᓀ ᐋᒋᒧᐃᐧᓇ 36:10-13ᐁᑲᐧ ᑭ ᑲ ᐃᑖᐊᐧᐠ ᑳ ᒫᔦᔨᐦᒋᑫᐢᑭᒋᐠ ᐊᔨᓯᔨᓂᐊᐧᐠ, ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑖᓂᓯ ᐅᐦᐃ ᐁᑌᐧᒪᑲᐦᑭ? ᐃᐧᐦᑕᒪᐃᐧᐠ, ᒫᑎᑲ, ᐹᐱᓬᐊᐣ ᑭᐦᒋ ᐅᑭᒫᐤ ᑭ ᐯ ᐃᑐᐦᑌᐤ ᒉᕒᐅᓴᓬᐊᒥᕽ, ᒥᓇ ᐅᑎᓀᐤ ᒫᑲ ᑭᐦᒋ ᐅᑭᒫᐊᐧ ᐁᑯᑕ, ᒥᓇ ᐅᑭᒫᐊᐧ ᐁᑯᑕ, ᐁᑯᓯ ᑭ ᐃᑐᑕᐁᐤ ᐹᐱᓬᐊᓂᕽ; 13ᑭ ᐅᑎᓀᐤ ᒫᑲ ᑭᐦᒋ ᐅᑭᒫᐃᐧᑯᓯᓵᓇ ᐅᐦᒋ, ᒥᓇ ᑭ ᐃᐧᒋᐦᐃᓯᒋᑫᒣᐤ; ᑭ ᑭᐦᒋᐃᑌᐧᐁᐤ ᒥᓇ, ᐁᑯᓯ ᑭ ᐅᑎᓀᐤ ᑳ ᓱᑳᔭᐃᐧᓯᔨᐟ ᐁᑯᑕ ᐊᐢᑭᕽ; 14ᐊᓂᒪ ᑭᐦᒋ ᐅᑭᒫᐃᐧᐃᐧᐣ ᑭᑕ ᐱᐁᐧᔨᑖᑲᐧᕽ, ᐁᑳ ᑭᑕ ᐸᓯᑯᒪᑲᕽ, ᒫᑲ ᐁ ᒥᒋᒥᓂᑳᑌᐠ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ ᑭᑕ ᐋᔮᑕᐢᑌᐠ. 15ᒫᑲ ᑭ ᒫᔭᑲᒥᑭᓯᐢᑕᐁᐧᐤ ᐁ ᐃᓯᑎᓴᐋᐧᐟ ᑳ ᐊᑐᐢᑫᐢᑕᒫᑯᐟ ᐃᒋᑊᑎᕽ, ᑭᑕ ᒥᔨᑯᐟ ᒥᐢᑕᑎᒪᐧ ᒥᓇ ᒥᐦᒉᐟ ᐊᔨᓯᔨᓂᐊᐧ, ᑭᑕ ᓇᓇᐦᐃᐸᔨᐤ ᒋ? ᑭᑕ ᐸᐢᐱᐤ ᒋ ᐁᑯᑐᐊᐧ ᑳ ᐃᑐᑕᕽ? ᑭᑕ ᐱᑯᓇᒼ ᒋ ᐃᐧᒋᐦᐃᓯᒋᑫᒥᐁᐧᐃᐧᐣ, ᐁᑯᓯ ᑭᑕ ᐸᐢᐱᐟ? 16ᐁ ᐃᓯ ᐱᒫᑎᓯᔮᐣ ᐃᑌᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑫᐦᒋᓈ ᐃᑕ ᑳ ᐊᔮᔨᐟ ᑭᐦᒋ ᐅᑭᒫᐊᐧ ᑳ ᑭ ᑭᐦᒋ ᐅᑭᒫᑲᑎᑯᐟ, ᐅ ᑭᐦᒋᐃᑌᐧᐃᐧᓂᔨᐤ ᑳ ᑭ ᐋᑕᐁᐧᔨᑕᒫᐧᐟ, ᒥᓇ ᐅ ᐃᐧᒋᐦᐃᓯᒋᑫᒥᐁᐧᐃᐧᓂᔨᐤ ᑳ ᑭ ᐱᑯᓇᒫᐧᐟ, ᐁᐊᐧᑯᓂ ᐁ ᐃᐧᒋᐊᔮᒫᐟ ᒣᑳᐧᐨ ᐹᐱᓬᐊᓂᕽ ᑭᑕ ᓂᐱᐤ. 17ᓇᒪᐃᐧᔭ ᒥᓇ ᐯᕒᐅᐊᐧ ᐊᓯᒋ ᑳ ᓱᑳᔭᐃᐧᓯᔨᐟ ᐅᓄᑎᓂᑫᒪ ᒥᓇ ᑳ ᑭᐦᒋ ᒫᐊᐧᒋᐦᐃᑐᔨᐟ ᑭᑕ ᐃᐧᒋᐦᐃᐠ ᓄᑎᓂᑐᐃᐧᓂᕽ, ᐃᐢᐱ ᐅᓯᐦᑖᑖᐧᐃᐧ ᐊᐧᒋᑳ ᒥᓇ ᐊᓱᐃᐧᑲᒥᑲᐧ, ᒥᐦᒉᐟ ᐊᔨᓯᔨᓂᐊᐧ ᑭᑕ ᓂᓯᐊᐧᓈᒋᐦᐋᒋᐠ. 18ᒋᑫᒫ ᑭ ᐱᐁᐧᔨᑕᒼ ᑭᐦᒋᐃᑌᐧᐃᐧᐣ ᐁ ᐱᑯᓇᕽ ᐃᐧᒋᐦᐃᓯᒋᑫᒥᐁᐧᐃᐧᐣ; ᐁᑯᓯ ᒫᑎᑲ, ᑭ ᒣᑭᐤ ᐅᒋᐦᒋ, ᐁᑯᓯ ᐁᔨᐁᐧᕽ ᑲᐦᑭᔭᐤ ᐅᐦᐃ ᑭ ᑐᑕᒼ; ᓇᒪᐃᐧᔭ ᑭᑕ ᑭ ᐸᐢᐱᐤ. 19ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁ ᐃᓯ ᐱᒫᑎᓯᔮᐣ, ᑫᐦᒋᓈ ᓂ ᑭᐦᒋᐃᑌᐧᐃᐧᐣ ᑳ ᑭ ᐱᐁᐧᔨᑕᕽ, ᒥᓇ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑭ ᐱᑯᓇᕽ, ᐃᐧᔭ ᑫᐦᒋᐋᐧᐠ ᐅᐢᑎᑳᐧᓂᕽ ᓂ ᑲ ᐯᑖᐋᐧᐣ. 20ᓂᐟ ᐊᔭᐱᔭ ᓂ ᑲ ᑕᓭᐧᑲᑯᑎᒫᐊᐧ, ᐁᑯᓯ ᑭᑕ ᐅᑎᓈᐤ ᓂ ᓇᑳᐧᑲᓂᕽ, ᓂ ᑲ ᐃᑐᑕᐋᐤ ᒫᑲ ᐹᐱᓬᐊᓂᕽ ᐁᑯᓯ ᐁᑯᑕ ᓂ ᑲ ᒪᒥᔮᐧᑳᒋᒫᐤ ᐅ ᐊᐧᓂᐃᑎᐃᐧᐣ ᐅᐦᒋ ᑳ ᑭ ᐃᓯ ᐊᐧᓂᑐᑕᐃᐧᐟ. 21ᑲᐦᑭᔭᐤ ᒫᑲ ᑳ ᐱᒫᒧᔨᐟ ᑲᐦᑭᔭᐤ ᐁ ᒪᒥᓀᔭᑎᔨᐟ ᐅᓄᑎᓂᑫᒪ ᑭᑕ ᑲᐊᐧᐅᑯᔨᐊᐧ ᐃᓴᐁᐧᐢᐠ, ᐁᑯᓯ ᐊᓂᐦᐃ ᑳ ᐃᐢᑯᐃᒥᐦᐟ ᑭᑕ ᐱᐋᐧᒧᑳᑖᐊᐧᐠ ᒥᓯᐁᐧ ᐃᑌ ᑳ ᐅᐦᑎᕽ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᑳ ᑎᐯᔨᐦᒋᑫᐟ ᐁ ᑭ ᐃᑌᐧᔮᐣ.
22ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᓂ ᑲ ᐅᑎᓇᒫᐧᐣ ᒥᓇ ᑭᓯᐸᓇᐢᐠ ᑳ ᑭᓄᓯᐟ ᒫᓯᑭᐢᑳᑎᐠ, ᐁᑯᓯ ᓂ ᑲ ᐅᔭᐢᑖᐣ; ᓂ ᑲ ᒪᓂᐱᑌᐣ ᒫᐊᐧᐨ ᑭᓯᐸᓄᕽ ᐅᐢᑭ ᐸᐢᑫᑎᑲᐧᓇ ᐁ ᐅᐢᑳᔨᐊᐧᕽ, ᐁᑯᓯ ᓂ ᑲ ᑭᐢᑎᑳᑌᐣ ᑕᐦᑯᑖᒪᑎᐣ ᐁ ᐃᐢᐹᐠ ᐊᐧᒋ ᒥᓇ ᐁ ᐸᔭᑌᓈᑲᐧᕽ; 23ᐊᐧᒋᕽ ᐁ ᐃᐢᐹᒪᑎᓈᐠ ᐃᐢᕒᐁᐃᓬ ᓂ ᑲ ᑭᐢᑎᑳᑌᐣ; ᐁᑯᓯ ᑭᑕ ᐹᐸᐢᑫᓂᑖᐃᐧᑭᐣ, ᒥᓇ ᑭᑕ ᒥᓂᓯᐊᐧᐣ, ᒥᓇ ᑭᑕ ᒥᔪᓯᐤ ᒫᓯᑭᐢᑳᑎᐠ; ᓯᐹ ᒫᑲ ᑭᑕ ᐊᔮᐊᐧᐠ ᑲᐦᑭᔭᐤ ᐱᔦᓯᓴᐠ ᑲᐦᑭᔭᐤ ᑳ ᐸᐹᒥᔮᒋᐠ; ᐁ ᐋᑲᐋᐧᐢᑌᐸᑭᓯᐟ ᑭᑕ ᐊᔮᐊᐧᐠ. 24ᑲᐦᑭᔭᐤ ᒫᑲ ᒥᐢᑎᑲᐧᐠ ᐱᑲᐧᒑᔨᕽ ᑭᑕ ᑭᐢᑫᔨᑕᒪᐧᐠ ᓂᔭ ᑳ ᑎᐯᔨᐦᒋᑫᐟ ᐁ ᑭ ᑕᐸᑎᓇᐠ ᑳ ᐃᐢᐹᐢᑯᓯᐟ ᒥᐢᑎᐠ, ᐁ ᑭ ᐃᐢᐹᐢᑯᓇᐠ ᑳ ᑕᐸᑖᐢᑯᓯᐟ ᒥᐢᑎᐠ, ᐁ ᑭ ᐹᓴᐧᐠ ᑳ ᐊᐢᑳᑎᑯᐃᐧᐟ, ᒥᓇ ᐁ ᑭ ᒪᒥᔦᐧᐃᐧᑭᐦᐊᐠ ᑳ ᐹᓱᐟ ᒥᐢᑎᐠ; ᓂᔭ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᔮᐣ ᒥᓇ ᑳ ᑭ ᐃᑐᑕᒫᐣ.
Currently Selected:
ᐃᓯᑭᐁᓬ 17: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐃᓯᑭᐁᓬ 17
17
1ᐅᐟ ᐃᑌᐧᐃᐧᐣ ᒫᑲ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᒪᐦᑎ ᐅᔭᐢᑕᒪᐃᐧᐠ ᐊᐧᐋᐧᓀᔨᑕᒥᒥᐁᐧᐃᐧᐣ, ᒥᓇ ᐃᐧᐦᑕᒪᐃᐧᐠ ᐊᐢᐸᐋᑫᒧᐃᐧᐣ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ; 3ᐃᓯᐠ ᒫᑲ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᐦᒋ ᒥᑭᓯᐤ ᐁ ᒥᓵᔨᑭ ᐅᑕᑕᑲᐧᓇ ᒥᓇ ᐁ ᑳᑭᓄᓯᔨᐟ ᐅ ᒥᑲᐧᓇ, ᒥᑐᓂ ᐁ ᐅᐱᐋᐧᐃᐧᐟ, ᒥᓇ ᐁ ᓇᓈᑐᑲᓯᓈᓱᐟ, ᑭ ᑕᑯᐸᔨᐤ ᓬᐁᐱᓇᓂᕽ ᒥᓇ ᑭ ᐅᑎᓇᒼ ᐁ ᑭᓯᐸᓇᐢᑭᓱᔨᐟ ᒫᓯᑭᐢᑳᑎᑲᐧ; 4ᑭ ᒪᓂᐱᑕᒼ ᐊᓂᐦᐃ ᒫᐊᐧᐨ ᑭᓯᐸᓇᐢᐠ ᐸᐢᑫᑎᑲᐧᓇ, ᐁᑯᓯ ᑭ ᐃᑕᐦᐅᑖᐤ ᐊᑖᑐᐃᐧ ᐊᐢᑭᕽ; ᑭ ᐸᑭᑎᓇᒼ ᐅᑌᓈᕽ ᐅᑕᑖᐁᐧᐃᐧᔨᓂᐊᐧ ᐁ ᐊᔮᔨᐟ. 5ᑭ ᐅᑎᓇᒼ ᒥᓇ ᑭᐢᑎᑳᓂᓴ ᐁᑯᑕ ᐊᐢᑭᕽ, ᑭ ᑭᐢᑎᑳᑕᒼ ᒫᑲ ᐃᑕ ᐁ ᓂᐦᑖᐃᐧᑭᒋᑫᒪᑲᕽ ᐊᐢᑭ; ᑭ ᐊᐢᑖᐤ ᑭᓯᐋᐧᐠ ᒥᐦᒉᐟ ᓂᐱᔭ ᐁ ᐊᔮᑭ; ᑭ ᐃᑕᐢᑖᐤ ᑖᐱᐢᑯᐨ ᓂᐱᓯ. 6ᑭ ᐅᐦᐱᑭᐣ ᒫᑲ ᐁᑯᓯ ᑭ ᐊᑎ ᑕᓭᐧᑭᓱᒥᓈᑎᑯᐊᐧᐣ ᐁ ᒋᒫᐢᑯᓯᓯᐟ, ᐃᐧᔭ ᐃᑌᐦᑫ ᐁ ᐊᔮᐟ ᐁᑯᑌ ᐁ ᐃᓯ ᐸᐢᑫᓂᑖᐃᐧᑭᔨᐟ, ᐁᑯᓯ ᓯᐹ ᐅᒉᐱᑲ ᐁ ᐊᔮᑭ; ᐁᑯᓯ ᑭ ᐊᑎ ᓱᒥᓈᑎᑯᐊᐧᐣ, ᒥᓇ ᑭ ᐊᑎ ᐹᐸᐢᑫᓂᑖᐃᐧᑭᐣ, ᒥᓇ ᑭ ᐊᑎ ᐊᐧᑎᑲᐧᓂᐊᐧᐣ.
7ᒥᓇ ᒫᑲ ᑭ ᐃᐦᑖᐤ ᑯᑕᐠ ᑭᐦᒋᒥᑭᓯᐤ ᐁ ᒥᓵᔨᑭ ᐅᑕᑕᑲᐧᓇ ᒥᓇ ᐁ ᒥᐦᒉᓂᔨᑭ ᐅᐱᐊᐧᔭ; ᐁᑯᓯ ᐳᑎ ᐊᐊᐧ ᓱᒥᓈᑎᐠ ᐁᑯᑌ ᑭ ᐊᑎ ᐊᐧᐢᑭᐸᔨᔨᐊᐧ ᐅᒉᐱᑲ, ᒥᓇ ᐁᑯᑌ ᑭ ᐊᑎ ᐃᓯ ᐸᐢᑫᓂᑖᐃᐧᑭᐤ, ᐊᓂᑕ ᐅᐦᒋ ᑳ ᑭ ᑭᐢᑎᑳᑎᐦᐟ, ᑭᑕ ᓯᑲᐅᐹᑎᑯᐟ. 8ᑭ ᑭᐢᑎᑳᑖᐤ ᐃᑕ ᐁ ᒥᔭᐧᐢᑲᒥᑳᐠ ᑭᓯᐋᐧᐠ ᒥᐦᒉᐟ ᓂᐱᔭ, ᒥᐦᒉᐟ ᐸᐢᑫᓂᑖᐃᐧᑭᐃᐧᓇ ᑭᑕ ᐊᔮᑭ, ᒥᓇ ᑭᑕ ᒥᓂᓯᐃᐧᑭ, ᑭᑕ ᒥᔪᓯᐟ ᓱᒥᓈᑎᐠ. 9ᐃᑌᐧ ᑭᔭ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᑕ ᓇᓇᐦᐃᐸᔨᐤ ᒋ? ᓇᒪ ᒋ ᑭᑕ ᒪᓂᐱᑕᒼ ᐅᒉᐱᐦᑲ, ᒥᓇ ᑭᑕ ᒪᓂᓴᒼ ᐁ ᒥᓂᓯᐊᐧᓂᔨᐠ, ᑭᑕ ᓂᐳᒪᑲᕽ; ᑲᐦᑭᔭᐤ ᑳ ᐅᐢᑭ ᓵᑭᐸᑭᐠ ᑭᑕ ᓂᐳᒪᑲᐦᑭ; ᐋᑕ ᐁᑳ ᑭᐦᒋᒪᐢᑲᐃᐧᓯᐃᐧᐣ ᐊᐦᐳ ᒥᐦᒉᐟ ᐊᔨᓯᔨᓂᐊᐧᐠ ᐃᐦᑖᑖᐧᐃᐧ ᑭᑕ ᒪᓂᒉᐱᑭᐱᑕᑭᐠ? 10ᐁᐦᐁ, ᒫᑎᑲ, ᐁ ᑭ ᑭᐢᑎᑳᒋᑳᑌᐠ ᑭᑕ ᓇᓇᐦᐃᐸᔨᐤ ᒋ? ᓇᒪ ᒋ ᒥᑐᓂ ᑭᑕ ᓂᐳᒪᑲᐣ, ᐃᐢᐱ ᐋᐧᐸᓂᔪᐁᐧᐤ ᐅᑎᐦᒋᐸᔨᑭ? ᑭᑕ ᓂᐳᒪᑲᐣ ᐃᑕ ᐊᓂᒪ ᑳ ᑭ ᓂᐦᑖᐃᐧᑭᕽ.
11ᒥᓇ ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 12#2 ᑭᐦᒋ ᐅᑭᒫᐊᐧᐠ 24:15-20; 2 ᐊᑭᓀ ᐋᒋᒧᐃᐧᓇ 36:10-13ᐁᑲᐧ ᑭ ᑲ ᐃᑖᐊᐧᐠ ᑳ ᒫᔦᔨᐦᒋᑫᐢᑭᒋᐠ ᐊᔨᓯᔨᓂᐊᐧᐠ, ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑖᓂᓯ ᐅᐦᐃ ᐁᑌᐧᒪᑲᐦᑭ? ᐃᐧᐦᑕᒪᐃᐧᐠ, ᒫᑎᑲ, ᐹᐱᓬᐊᐣ ᑭᐦᒋ ᐅᑭᒫᐤ ᑭ ᐯ ᐃᑐᐦᑌᐤ ᒉᕒᐅᓴᓬᐊᒥᕽ, ᒥᓇ ᐅᑎᓀᐤ ᒫᑲ ᑭᐦᒋ ᐅᑭᒫᐊᐧ ᐁᑯᑕ, ᒥᓇ ᐅᑭᒫᐊᐧ ᐁᑯᑕ, ᐁᑯᓯ ᑭ ᐃᑐᑕᐁᐤ ᐹᐱᓬᐊᓂᕽ; 13ᑭ ᐅᑎᓀᐤ ᒫᑲ ᑭᐦᒋ ᐅᑭᒫᐃᐧᑯᓯᓵᓇ ᐅᐦᒋ, ᒥᓇ ᑭ ᐃᐧᒋᐦᐃᓯᒋᑫᒣᐤ; ᑭ ᑭᐦᒋᐃᑌᐧᐁᐤ ᒥᓇ, ᐁᑯᓯ ᑭ ᐅᑎᓀᐤ ᑳ ᓱᑳᔭᐃᐧᓯᔨᐟ ᐁᑯᑕ ᐊᐢᑭᕽ; 14ᐊᓂᒪ ᑭᐦᒋ ᐅᑭᒫᐃᐧᐃᐧᐣ ᑭᑕ ᐱᐁᐧᔨᑖᑲᐧᕽ, ᐁᑳ ᑭᑕ ᐸᓯᑯᒪᑲᕽ, ᒫᑲ ᐁ ᒥᒋᒥᓂᑳᑌᐠ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ ᑭᑕ ᐋᔮᑕᐢᑌᐠ. 15ᒫᑲ ᑭ ᒫᔭᑲᒥᑭᓯᐢᑕᐁᐧᐤ ᐁ ᐃᓯᑎᓴᐋᐧᐟ ᑳ ᐊᑐᐢᑫᐢᑕᒫᑯᐟ ᐃᒋᑊᑎᕽ, ᑭᑕ ᒥᔨᑯᐟ ᒥᐢᑕᑎᒪᐧ ᒥᓇ ᒥᐦᒉᐟ ᐊᔨᓯᔨᓂᐊᐧ, ᑭᑕ ᓇᓇᐦᐃᐸᔨᐤ ᒋ? ᑭᑕ ᐸᐢᐱᐤ ᒋ ᐁᑯᑐᐊᐧ ᑳ ᐃᑐᑕᕽ? ᑭᑕ ᐱᑯᓇᒼ ᒋ ᐃᐧᒋᐦᐃᓯᒋᑫᒥᐁᐧᐃᐧᐣ, ᐁᑯᓯ ᑭᑕ ᐸᐢᐱᐟ? 16ᐁ ᐃᓯ ᐱᒫᑎᓯᔮᐣ ᐃᑌᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑫᐦᒋᓈ ᐃᑕ ᑳ ᐊᔮᔨᐟ ᑭᐦᒋ ᐅᑭᒫᐊᐧ ᑳ ᑭ ᑭᐦᒋ ᐅᑭᒫᑲᑎᑯᐟ, ᐅ ᑭᐦᒋᐃᑌᐧᐃᐧᓂᔨᐤ ᑳ ᑭ ᐋᑕᐁᐧᔨᑕᒫᐧᐟ, ᒥᓇ ᐅ ᐃᐧᒋᐦᐃᓯᒋᑫᒥᐁᐧᐃᐧᓂᔨᐤ ᑳ ᑭ ᐱᑯᓇᒫᐧᐟ, ᐁᐊᐧᑯᓂ ᐁ ᐃᐧᒋᐊᔮᒫᐟ ᒣᑳᐧᐨ ᐹᐱᓬᐊᓂᕽ ᑭᑕ ᓂᐱᐤ. 17ᓇᒪᐃᐧᔭ ᒥᓇ ᐯᕒᐅᐊᐧ ᐊᓯᒋ ᑳ ᓱᑳᔭᐃᐧᓯᔨᐟ ᐅᓄᑎᓂᑫᒪ ᒥᓇ ᑳ ᑭᐦᒋ ᒫᐊᐧᒋᐦᐃᑐᔨᐟ ᑭᑕ ᐃᐧᒋᐦᐃᐠ ᓄᑎᓂᑐᐃᐧᓂᕽ, ᐃᐢᐱ ᐅᓯᐦᑖᑖᐧᐃᐧ ᐊᐧᒋᑳ ᒥᓇ ᐊᓱᐃᐧᑲᒥᑲᐧ, ᒥᐦᒉᐟ ᐊᔨᓯᔨᓂᐊᐧ ᑭᑕ ᓂᓯᐊᐧᓈᒋᐦᐋᒋᐠ. 18ᒋᑫᒫ ᑭ ᐱᐁᐧᔨᑕᒼ ᑭᐦᒋᐃᑌᐧᐃᐧᐣ ᐁ ᐱᑯᓇᕽ ᐃᐧᒋᐦᐃᓯᒋᑫᒥᐁᐧᐃᐧᐣ; ᐁᑯᓯ ᒫᑎᑲ, ᑭ ᒣᑭᐤ ᐅᒋᐦᒋ, ᐁᑯᓯ ᐁᔨᐁᐧᕽ ᑲᐦᑭᔭᐤ ᐅᐦᐃ ᑭ ᑐᑕᒼ; ᓇᒪᐃᐧᔭ ᑭᑕ ᑭ ᐸᐢᐱᐤ. 19ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁ ᐃᓯ ᐱᒫᑎᓯᔮᐣ, ᑫᐦᒋᓈ ᓂ ᑭᐦᒋᐃᑌᐧᐃᐧᐣ ᑳ ᑭ ᐱᐁᐧᔨᑕᕽ, ᒥᓇ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑭ ᐱᑯᓇᕽ, ᐃᐧᔭ ᑫᐦᒋᐋᐧᐠ ᐅᐢᑎᑳᐧᓂᕽ ᓂ ᑲ ᐯᑖᐋᐧᐣ. 20ᓂᐟ ᐊᔭᐱᔭ ᓂ ᑲ ᑕᓭᐧᑲᑯᑎᒫᐊᐧ, ᐁᑯᓯ ᑭᑕ ᐅᑎᓈᐤ ᓂ ᓇᑳᐧᑲᓂᕽ, ᓂ ᑲ ᐃᑐᑕᐋᐤ ᒫᑲ ᐹᐱᓬᐊᓂᕽ ᐁᑯᓯ ᐁᑯᑕ ᓂ ᑲ ᒪᒥᔮᐧᑳᒋᒫᐤ ᐅ ᐊᐧᓂᐃᑎᐃᐧᐣ ᐅᐦᒋ ᑳ ᑭ ᐃᓯ ᐊᐧᓂᑐᑕᐃᐧᐟ. 21ᑲᐦᑭᔭᐤ ᒫᑲ ᑳ ᐱᒫᒧᔨᐟ ᑲᐦᑭᔭᐤ ᐁ ᒪᒥᓀᔭᑎᔨᐟ ᐅᓄᑎᓂᑫᒪ ᑭᑕ ᑲᐊᐧᐅᑯᔨᐊᐧ ᐃᓴᐁᐧᐢᐠ, ᐁᑯᓯ ᐊᓂᐦᐃ ᑳ ᐃᐢᑯᐃᒥᐦᐟ ᑭᑕ ᐱᐋᐧᒧᑳᑖᐊᐧᐠ ᒥᓯᐁᐧ ᐃᑌ ᑳ ᐅᐦᑎᕽ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᑳ ᑎᐯᔨᐦᒋᑫᐟ ᐁ ᑭ ᐃᑌᐧᔮᐣ.
22ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᓂ ᑲ ᐅᑎᓇᒫᐧᐣ ᒥᓇ ᑭᓯᐸᓇᐢᐠ ᑳ ᑭᓄᓯᐟ ᒫᓯᑭᐢᑳᑎᐠ, ᐁᑯᓯ ᓂ ᑲ ᐅᔭᐢᑖᐣ; ᓂ ᑲ ᒪᓂᐱᑌᐣ ᒫᐊᐧᐨ ᑭᓯᐸᓄᕽ ᐅᐢᑭ ᐸᐢᑫᑎᑲᐧᓇ ᐁ ᐅᐢᑳᔨᐊᐧᕽ, ᐁᑯᓯ ᓂ ᑲ ᑭᐢᑎᑳᑌᐣ ᑕᐦᑯᑖᒪᑎᐣ ᐁ ᐃᐢᐹᐠ ᐊᐧᒋ ᒥᓇ ᐁ ᐸᔭᑌᓈᑲᐧᕽ; 23ᐊᐧᒋᕽ ᐁ ᐃᐢᐹᒪᑎᓈᐠ ᐃᐢᕒᐁᐃᓬ ᓂ ᑲ ᑭᐢᑎᑳᑌᐣ; ᐁᑯᓯ ᑭᑕ ᐹᐸᐢᑫᓂᑖᐃᐧᑭᐣ, ᒥᓇ ᑭᑕ ᒥᓂᓯᐊᐧᐣ, ᒥᓇ ᑭᑕ ᒥᔪᓯᐤ ᒫᓯᑭᐢᑳᑎᐠ; ᓯᐹ ᒫᑲ ᑭᑕ ᐊᔮᐊᐧᐠ ᑲᐦᑭᔭᐤ ᐱᔦᓯᓴᐠ ᑲᐦᑭᔭᐤ ᑳ ᐸᐹᒥᔮᒋᐠ; ᐁ ᐋᑲᐋᐧᐢᑌᐸᑭᓯᐟ ᑭᑕ ᐊᔮᐊᐧᐠ. 24ᑲᐦᑭᔭᐤ ᒫᑲ ᒥᐢᑎᑲᐧᐠ ᐱᑲᐧᒑᔨᕽ ᑭᑕ ᑭᐢᑫᔨᑕᒪᐧᐠ ᓂᔭ ᑳ ᑎᐯᔨᐦᒋᑫᐟ ᐁ ᑭ ᑕᐸᑎᓇᐠ ᑳ ᐃᐢᐹᐢᑯᓯᐟ ᒥᐢᑎᐠ, ᐁ ᑭ ᐃᐢᐹᐢᑯᓇᐠ ᑳ ᑕᐸᑖᐢᑯᓯᐟ ᒥᐢᑎᐠ, ᐁ ᑭ ᐹᓴᐧᐠ ᑳ ᐊᐢᑳᑎᑯᐃᐧᐟ, ᒥᓇ ᐁ ᑭ ᒪᒥᔦᐧᐃᐧᑭᐦᐊᐠ ᑳ ᐹᓱᐟ ᒥᐢᑎᐠ; ᓂᔭ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᔮᐣ ᒥᓇ ᑳ ᑭ ᐃᑐᑕᒫᐣ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.