ᐁᐠᓴᑕᐢ 9
9
1ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᐃᑌᐤ ᒧᓯᓴ, ᐱᑐᑲᐤ ᐯᕒᐅ ᐃᐧᑖᒪᐤ ᒫᑲ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ, ᐸᑭᑎᓂᐠ ᓂᐟ ᐊᔨᓯᔨᓂᒪᐠ ᑭᑕ ᓯᐯᐧᑌᒋᐠ ᑭᑕ ᐊᑐᐢᑲᐃᐧᒋᐠ. 2ᒋᑫᒫ ᑭᐢᐱᐣ ᓇᒪᐃᐧᔭ ᑭ ᐃᐧ ᐸᑭᑎᓈᐊᐧᐠ, ᒥᓇ ᑕᓯ ᒥᒋᒥᓇᑖᐧᐃᐧ, 3ᒫᑎᑲ, ᐅᒋᐦᒋ ᑳ ᑎᐯᔨᐦᒋᑫᐟ ᐸᑲᒥᐢᑳᑲᐧᐠ ᐊᓂᑭ ᑭᐟ ᐊᐊᐧᑳᓇᐠ ᑳ ᐸᐹᒥ ᐊᔮᒋᐠ, ᒥᐢᑕᑎᒪᐧᐠ ᒥᓇ ᓱᓱᒥᐢᑕᑎᒪᐧᐠ, ᑭ ᐱᐢᑳᐧᐃᐧᑲᓀᒪᐠ ᒥᓇ ᑭ ᒧᐢᑐᓱᒪᐠ, ᒥᓇ ᒫᔭᑎᐦᑲᐧᐠ; ᑭᑕ ᐅᑎᑎᐦᑲᐧᐠ ᓈᐢᐱᐨ ᐁ ᐋᐦᑲᐧᕽ ᐱᓯᐢᑭᐋᐧᐢᐱᓀᐃᐧᐣ. 4ᑳ ᑎᐯᔨᐦᒋᑫᐟ ᒫᑲ ᐱᑐᐢ ᑭᑕ ᐃᑐᑕᐁᐧᐤ ᐅᐟ ᐊᐊᐧᑳᓂᔨᐊᐧ ᐊᓂᐦᐃ ᐃᐢᕒᐁᐃᓬ ᒥᓇ ᐊᐊᐧᑳᓇ ᐊᓂᑕ ᐃᒋᑊᐟ ᐊᐢᑭᕽ, ᓇᒪᐋᐧᐨ ᒫᑲ ᑫᑲᐧᐩ ᑭᑕ ᓂᐳᒪᑲᐣ ᑳ ᐅᐟ ᐊᔮᓂᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 5ᑳ ᑎᐯᔨᐦᒋᑫᐟ ᒫᑲ ᑭ ᐅᔭᑭᐦᑕᒼ ᐃᑕ ᐁ ᐃᑌᐧᐟ, ᐋᐧᐸᐦᑭ ᐁᑯᐢᐱ ᑳ ᑎᐯᔨᐦᒋᑫᐟ ᑫ ᑐᑕᕽ ᐅᒪ ᐅᑕ ᐊᐢᑭᕽ. 6ᑳ ᑎᐯᔨᐦᒋᑫᐟ ᒫᑲ ᐁᑯᓯ ᑭ ᑐᑕᒼ ᐁ ᐊᑎ ᐊᐧᐸᓂᔨᐠ, ᑲᐦᑭᔭᐤ ᒫᑲ ᐊᓂᐦᐃ ᐊᐊᐧᑳᓇ ᐃᒋᑊᑎᕽ ᑭ ᓂᐱᐊᐧᐠ ᒫᑲ ᐃᐧᔭ ᐅᐟ ᐊᐊᐧᑳᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓇᒪᐋᐧᐨ ᐯᔭᐠ ᑭ ᓂᐱᔨᐊᐧ. 7ᐯᕒᐅ ᒫᑲ ᑭ ᐃᓯᑎᓴᐦᐅᐁᐧᐤ, ᐳᑎ ᒫᑲ ᓇᒪᐋᐧᐨ ᐯᔭᐠ ᑭ ᓂᐱᔨᐊᐧ ᐅᐟ ᐊᐊᐧᑳᓂᐋᐧᐊᐧ ᐃᐢᕒᐁᐃᓬᐊᐃᑕᐠ, ᐯᕒᐅ ᒫᑲ ᑭ ᒪᐢᑲᐃᐧᑖᐤ ᐅᑌᐦ ᐁᑯᓯ ᒫᑲ ᓇᒪᐃᐧᔭ ᑭ ᐸᑭᑎᓀᐤ ᐊᔨᓯᔨᓂᐊᐧ.
8ᐁᑯᓯ ᒫᑲ ᑳ ᑎᐯᔨᐦᒋᑫᐟ ᐅᒥᓯ ᑭ ᐃᑌᐤ ᒧᓯᓴ ᒥᓇ ᐁᕒᐊᓇ, ᐅᑎᓇᒧᐠ ᐯᔭᑯ ᒫᑯᓂᑲᐣ ᑎᐦᑳᐱᐢᑭᓯᑲᓂᕽ ᐅᐦᒋ, ᑭᔮᒼ ᒫᑲ ᒧᓯᐢ ᑭᓯᑯᕽ ᑭᑕ ᐃᓯ ᓯᓭᐧᐁᐧᐱᓇᒼ ᐅᐟ ᐋᐢᑕᒥᐃᐧᓂᔨᕽ ᐯᕒᐅᐊᐧ. 9ᐁᑯᓯ ᒫᑲ ᑭᑕ ᐱᓯᐅᐦᐯᐧᐸᔨᐤ ᒥᓯᐁᐧ ᐃᒋᑊᐟ ᐊᐢᑭᕽ, ᐁᑯᓯ ᓯᑭᐦᐱᕽ ᑭᑕ ᐃᓯ ᒧᐢᑭᐸᔨᐟ ᐊᔨᓯᔨᓂᐤ ᒥᓇ ᐱᓯᐢᑭᐤ ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ. 10#ᑭᐢᑫᔨᐦᑖᑯᐦᑫᐃᐧᐣ 16:2ᑭ ᐅᑎᓇᒪᐧᐠ ᒫᑲ ᐱᐦᑯᑌᐤ ᑎᐦᑳᐱᐢᑭᓯᑲᓂᕽ ᐅᐦᒋ, ᒥᓇ ᐁ ᑭ ᐅᐦᑎᐢᑲᐃᐧᑳᐸᐃᐧᐢᑕᐋᐧᒋᐠ ᐯᕒᐅᐊᐧ; ᒧᓯᐢ ᒫᑲ ᑭᓯᑯᕽ ᑭ ᐃᓯ ᓯᓭᐧᐁᐧᐱᓇᒼ; ᐁᑯᓯ ᑭ ᒧᐢᑭᐸᔨᐤ ᐁ ᐅᓯᐦᑭᐱᒥᐟ ᐊᔨᓯᔨᓂᐤ ᒥᓇ ᐱᓯᐢᑭᐤ. 11ᒥᑌᐃᐧᔨᓂᐊᐧᐠ ᒫᑲ ᓇᒪᐃᐧᔭ ᑭ ᓂᐸᐃᐧᐢᑕᐃᐧᐊᐧᐠ ᒧᓯᓴ ᐁ ᐃᐢᐱᐦᒋ ᐅᒥᑭᒋᐠ; ᒋᑫᒫ ᑭ ᐅᓯᐦᑭᐱᒥᐊᐧᐠ ᒥᑌᐊᐧᐠ ᒥᓇ ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ. 12ᑳ ᑎᐯᔨᐦᒋᑫᐟ ᒫᑲ ᑭ ᒪᐢᑲᐃᐧᑖᐁᐧᐤ ᐅᑌᐦᐃᔨᐤ ᐯᕒᐅᐊᐧ, ᓇᒪᐃᐧᔭ ᒫᑲ ᑭ ᓇᑐᐦᑕᐁᐧᐤ; ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᒧᓯᓴ.
13ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐃᐧᐸᐨ ᑫᑭᓭᐹ ᐊᐧᓂᐢᑳ, ᐅᑎᐢᑲᐃᐧᑳᐸᐃᐧᐢᑕᐋᐧᑲᐣ ᒫᑲ ᐯᕒᐅ ᐅᒥᓯ ᒫᑲ ᑭ ᑲ ᐃᑖᐤ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ, ᐸᑭᑎᓂᐠ ᓂᐟ ᐊᔨᓯᔨᓂᒪᐠ ᑭᑕ ᓇᑕᐃᐧ ᐊᑐᐢᑲᐃᐧᒋᐠ. 14ᒋᑫᒫ ᐁᑲᐧ ᑫ ᐃᓯᑎᓴᐦᐊᒫᑖᐣ ᑲᐦᑭᔭᐤ ᓂᐟ ᐃᑖᐢᐱᓀᐦᐃᐁᐧᐃᐧᓇ ᑭᑌᐦᐃᕽ, ᒥᓇ ᑭᐟ ᐊᑐᐢᑫᔮᑲᓇ, ᒥᓇ ᑭᐟ ᐊᔨᓯᔨᓂᒪᐠ; ᑭᑕ ᑭᐢᑫᔨᑕᒪᐣ ᐁᑳ ᐊᐃᐧᔭᐠ ᑯᑕᐠ ᐁ ᐃᐦᑖᐟ ᑖᐱᐢᑯᐨ ᓂᔭ ᒥᓯᐁᐧ ᐊᐢᑭᕽ. 15ᒋᑫᒫ ᐁᑲᐧ ᑫ ᓱᐃᐧᓂᐢᑫᔮᐣ, ᑭᑕ ᐸᑲᒪᐅᑖᐣ ᒥᓇ ᑭᐟ ᐊᔨᓯᔨᓂᒪᐠ ᑭᐦᒋ ᐃᑖᐢᐱᓀᐃᐧᐣ ᐅᐦᒋ; ᑭ ᑲ ᑭᐢᑲᑕᐦᐅᑲᐃᐧᐣ ᒫᑲ ᐊᐢᑭᕽ ᐅᐦᒋ. 16#ᕒᐅᒪᓇ 9:17ᒥᓇ ᐁᐊᐧᑯ ᐅᒪ ᐅᐦᒋ ᑳ ᑭ ᐸᓯᑯᓂᑖᐣ, ᑭᑕ ᐋᐧᐸᐦᑕᐦᐃᑖᐣ ᓂ ᑲᐢᑭᐦᐁᐃᐧᓯᐃᐧᐣ; ᒥᓇ ᓂ ᐃᐧᔪᐃᐧᐣ ᑭᑕ ᐃᐧᒋᑳᑌᐠ ᒥᓯᐁᐧ ᐊᐢᑭᕽ. 17ᑫᔮᐱᐨ ᒋ ᐁ ᐊᔨᐋᐧᑫᔨᒥᓱᐢᑕᐊᐧᒋᐠ ᓂᐟ ᐊᔨᓯᔨᓂᒪᐠ ᑳ ᐅᐦᒋ ᐁᑳ ᐃᐧ ᐸᑭᑎᓇᒋᐠ? 18ᒫᑎᑲ ᐋᐧᐸᐦᑭ ᓈᐣᑕᐤ ᐅᒪ ᐃᐦᑭᑭ ᓂ ᑲ ᑭᒥᐊᐧᓂᐦᑖᐣ ᓈᐢᐱᐨ ᑭᑕ ᑭᐦᒋ ᓭᓭᑲᕽ, ᐁᑳ ᐃᐧᑳᐨ ᑳ ᑭ ᐯ ᐃᐦᑭᕽ ᐃᒋᑊᑎᕽ ᐊᐢᐱᐣ ᑳ ᐯ ᐅᐦᒋ ᐃᐦᑕᑲᐧᕽ ᐊᐦᐳᒋᑲ ᐱᔨᐢ ᐊᓄᐦᐨ. 19ᐃᓯᑎᓴᐦᐅᐁᐧ ᒫᑲ ᐁᑲᐧ ᒫᐊᐧᒋᐦᐃᐠ ᑭᐟ ᐊᐊᐧᑳᓇᐠ ᒥᓇ ᑳ ᑕᐦᑐ ᐊᔮᔭᐣ ᐅᐦᐱᒣ, ᒋᑫᒫ ᑲᐦᑭᔭᐤ ᐊᔨᓯᔨᓂᐤ ᒥᓇ ᐱᓯᐢᑭᐤ ᑫ ᒥᐢᑲᐋᐧᐃᐧᑌ ᐅᐦᐱᒣ ᐃᑕ, ᐁᑳ ᑭᐁᐧᑕᐃᐦᒋ, ᐊᓂᒪ ᓭᓭᑲᐣ ᑭᑕ ᐸᑲᒥᐢᑳᐠ ᐁᑯᓯ ᑭᑕ ᓂᐱᐤ. 20ᑳ ᑯᓯᑫᐧᔨᑕᕽ ᑳ ᑎᐯᔨᐦᒋᑫᐟ ᐅᐟ ᐃᑌᐧᐃᐧᐣ ᐃᑕ ᐁ ᐊᔮᔨᐟ ᐊᓂᐦᐃ ᐯᕒᐅ ᐅᐟ ᐊᑐᐢᑫᔮᑲᓇ ᑭ ᐱᐦᑐᑫᔮᒧᐁᐤ ᐋᐧᐢᑳᐦᐃᑲᓂᕽ ᐅᐟ ᐊᑐᐢᑫᔮᑲᓇ ᒥᓇ ᐅᐟ ᐊᐊᐧᑳᓇ. 21ᐊᓇ ᒫᑲ ᐁᑳ ᑳ ᐸᐱᓯᐢᑫᔨᑕᕽ ᑳ ᑎᐯᔨᐦᒋᑫᐟ ᐅᐟ ᐃᑌᐧᐃᐧᐣ, ᑭ ᓇᑲᑌᐤ ᐅᐟ ᐊᑐᐢᑫᔮᑲᓇ ᒥᓇ ᐅᐟ ᐊᐊᐧᑳᓇ ᐅᐦᐱᒣ ᐃᑌ.
22ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᑭᓯᑯᕽ ᐃᓯ ᓱᐃᐧᓂᐢᑫ, ᑭᑕ ᓭᓭᑲᕽ ᒥᓯᐁᐧ ᐃᒋᑊᐟ ᐊᐢᑭᕽ, ᐊᔨᓯᔨᓂᐤ ᒥᓇ ᐱᓯᐢᑭᐤ ᒥᓇ ᑲᐦᑭᔭᐤ ᑭᑲᐧᐩ ᑳ ᓂᐦᑖᐃᐧᑭᕽ ᑭᐢᑎᑳᓂᕽ, ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ. 23ᒧᓯᐢ ᒫᑲ ᑭᓯᑯᕽ ᑭ ᐃᓯ ᓱᐃᐧᓇᒼ ᐅ ᓴᐢᑲᐅᐣ, ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᐃᓯᑎᓴᐦᐊᒼ ᑳ ᑭᑐᒋᐠ ᒥᓇ ᒪᐢᑲᐧᒥ, ᐃᐢᑯᑌᐤ ᒫᑲ ᑭ ᑎᐦᑎᐱᐸᔨᐤ ᒧᐢᑕᐢᑲᒥᐠ, ᑳ ᑎᐯᔨᐦᒋᑫᐟ ᒫᑲ ᑭ ᑭᒥᐊᐧᓂᐦᑖᐤ ᒪᐢᑲᐧᒥ ᐃᒋᑊᐟ ᐊᐢᑭᕽ. 24#ᑭᐢᑫᔨᐦᑖᑯᐦᑫᐃᐧᐣ 8:7; 16:21ᐁᑯᓯ ᒫᑲ ᑭ ᓭᓭᑲᐣ ᒥᓇ ᑭ ᐋᐧᓴᐢᑯᑌᐸᔨᐤ ᐁ ᓭᓭᑲᕽ, ᓈᐢᐱᐨ ᐁ ᑯᐢᑖᒥᑲᐧᕽ, ᐁᑳ ᐃᐧᑳᐨ ᑳ ᑭ ᐃᐦᑭᕽ ᐃᒋᑊᐟ ᐊᐢᑭᕽ ᐊᐢᐱᐣ ᑳ ᐯ ᐊᔨᓯᔨᓂᐊᐧᕽ. 25ᐊᓂᒪ ᒫᑲ ᓭᓭᑲᐣ ᑭ ᐸᑲᒥᐢᑲᒼ ᒥᓯᐁᐧ ᑳ ᐃᐢᐱᒑᐠ ᐃᒋᑊᐟ ᐊᐢᑭ, ᑲᐦᑭᔭᐤ ᐊᓂᒪ ᑭᐢᑎᑳᓂᕽ ᑳ ᐊᔮᐠ, ᐊᔨᓯᔨᓂᐤ ᒥᓇ ᐱᓯᐢᑭᐤ; ᓭᓭᑲᐣ ᑭ ᓂᐸᑖᐤ ᑲᐦᑭᔭᐤ ᑳ ᓂᐦᑖᐃᐧᑭᓂᔨᐠ ᑭᐢᑎᑳᓂᕽ, ᒥᓇ ᐁ ᑭ ᐱᑯᓂᑯᒋᐠ ᑲᐦᑭᔭᐤ ᑳ ᐃᐦᑕᓯᒋᐠ ᒥᐢᑎᑲᐧᐠ ᐅᐦᐱᒣ ᐃᑌ. 26ᐱᑯ ᑯᓯᐣ ᐊᐢᑭᕽ ᐃᑕ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᐊᔮᒋᐠ, ᓇᒪᐃᐧᔭ ᐁᑯᑕ ᑭ ᓭᓭᑲᐣ.
27ᐯᕒᐅ ᒫᑲ ᑭ ᐃᓯᑎᓴᐦᐅᐁᐧᐤ ᐁ ᑭ ᓇᑐᒫᐟ ᒧᓯᐢ ᒥᓇ ᐁᕒᐊᐣ, ᐅᒥᓯ ᐁ ᑭ ᐃᑖᐟ, ᐁᑲᐧ ᐁᓴ ᓂ ᑭ ᒪᒋᑐᑌᐣ, ᑳ ᑎᐯᔨᐦᒋᑫᐟ ᑲᐧᔭᐢᑭᑖᑎᓯᐤ, ᓂᔭ ᒫᑲ ᒥᓇ ᓂᐟ ᐊᔨᓯᔨᓂᒪᐠ ᓂ ᒪᒑᔨᐃᐧᓈᐣ. 28ᒪᐃᐧᒧᐢᑖᕽ ᑳ ᑎᐯᔨᐦᒋᑫᐟ, (ᒋᑫᒫ ᓵᓴᐩ ᐁᑯᔨᑯᕽ) ᐁᑳ ᒥᓇ ᑭᑕ ᑯᐢᑖᓯᑖᑯᓯᒋᐠ ᑳ ᑭᑐᒋᐠ ᒥᓇ ᑭᑕ ᓭᓭᑲᕽ; ᐁᑯᓯ ᒫᑲ ᑭ ᑲ ᐸᑭᑎᓂᑎᓈᐋᐧᐤ, ᑭᑕ ᓯᐯᐧᑌᔦᐠ, ᓇᒪᐃᐧᔭ ᐅᑕ ᑭ ᑲ ᐊᔮᓈᐋᐧᐤ. 29ᒧᓯᐢ ᒫᑲ ᐅᒥᓯ ᑭ ᐃᑌᐤ, ᓭᒫᐠ ᐅᑌᓈᕽ ᐊᑎ ᐅᐦᒋ ᐊᐧᔭᐃᐧᔮᓂ, ᓂ ᑲ ᑕᓱᒋᐦᒉᐢᑕᐋᐧᐤ ᑳ ᑎᐯᔨᐦᒋᑫᐟ, ᐊᓂᑭ ᒫᑲ ᑳ ᑭᑐᒋᐠ ᑭᑕ ᑭᐱᑐᐁᐧᐊᐧᐠ, ᐁᑯᓯ ᓇᒪᐃᐧᔭ ᒥᓇ ᑭᑕ ᓭᓭᑲᐣ; ᑭᑕ ᑭᐢᑫᔨᑕᒪᐣ ᐊᐢᑭ ᑳ ᑎᐯᔨᐦᒋᑫᐟ ᐁ ᐅᐟ ᐊᔮᓂᐟ. 30ᑭᔭ ᒫᑲ ᐃᐧᔭ ᒥᓇ ᑭᐟ ᐊᑐᐢᑫᔮᑳᓇᐠ, ᓂ ᑭᐢᑫᔨᑌᐣ ᐁᑳ ᑫᔮᐱᐨ ᑭᑕ ᑯᐢᑕᐟ ᑳ ᑎᐯᔨᐦᒋᑫᐟ ᑭᓭᒪᓂᑐ. 31ᐊᓇ ᒫᑲ ᐋᐧᐱᐢᑫᑭᓄᑳᐣ ᒥᓇ ᐃᐢᑫᐧᓯᓯᑳᐣ ᑭ ᓂᓯᐊᐧᓈᑎᓯᐤ, ᒋᑫᒫ ᐃᐢᑫᐧᓯᓯᑳᐣ ᓵᓴᐩ ᑭ ᐱᐢᑲᐧᑕᐢᑭᐤ ᒥᓇ ᐋᐧᐱᐢᑫᑭᓄᑳᐣ ᑭ ᐋᐧᐱᑯᓂᐤ. 32ᒫᑲ ᐃᐧᔭ ᐸᐦᑫᐧᓯᑲᓂᑳᐣ ᒥᓇ ᒥᐢᑕᑎᒧᒥᒋᐃᐧᐣ ᓇᒪᐃᐧᔭ ᑭ ᓂᓯᐊᐧᓈᑎᔨᐤ ᒋᑫᒫ ᓇᒣᐢᑲᐧ ᑭ ᓵᑭᑭᐤ. 33ᒧᓯᐢ ᒫᑲ ᑭ ᐊᐧᔭᐃᐧᐤ ᐅᑌᓈᕽ ᐅᐦᒋ ᐁ ᑭ ᓇᑲᑖᐟ ᐯᕒᐅᐊᐧ, ᐁᑯᓯ ᐁ ᑭ ᒪᐃᐧᒧᐢᑕᐋᐧᐟ ᑳ ᑎᐯᔨᐦᒋᑫᔨᐟ; ᐁᑯᓯ ᑳ ᑭᑐᒋᐠ ᒥᓇ ᑳ ᓭᓭᑲᕽ ᑭ ᐳᓂᐸᔨᐤ ᒥᓇ ᓇᒪᐃᐧᔭ ᑭ ᑭᒥᐊᐧᐣ ᐊᐢᑭᕽ. 34ᐃᐢᐱ ᒫᑲ ᐯᕒᐅ ᐃᐧᔮᐸᐦᑕᕽ ᑭᒥᐊᐧᐣ ᒥᓇ ᓭᓭᑲᐣ ᒥᓇ ᑳ ᑭᑐᔨᐟ ᐁ ᐳᓂᐸᔨᐠ, ᐋᐦᒋ ᐱᑯ ᑭ ᒪᒋᑐᑕᒼ ᒥᓇ ᐁ ᑭ ᒪᐢᑲᐊᐧᐢᑖᐟ ᐅᑌᐦ, ᐃᐧᔭ ᒥᓇ ᐅᐟ ᐊᑐᐢᑫᔮᑲᓇ. 35ᐯᕒᐅ ᒫᑲ ᐅᑌᐦ ᑭ ᒪᐢᑲᐋᐧᔨᐤ ᐊᐦᐳ ᓇᒪᐃᐧᔭ ᐃᐧ ᐸᑭᑎᓀᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᓯᐯᐧᑌᔨᐟ; ᒣᐧᐦᒋ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ ᒧᓯᓴ ᐅᐦᒋ.
Currently Selected:
ᐁᐠᓴᑕᐢ 9: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐁᐠᓴᑕᐢ 9
9
1ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᐃᑌᐤ ᒧᓯᓴ, ᐱᑐᑲᐤ ᐯᕒᐅ ᐃᐧᑖᒪᐤ ᒫᑲ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ, ᐸᑭᑎᓂᐠ ᓂᐟ ᐊᔨᓯᔨᓂᒪᐠ ᑭᑕ ᓯᐯᐧᑌᒋᐠ ᑭᑕ ᐊᑐᐢᑲᐃᐧᒋᐠ. 2ᒋᑫᒫ ᑭᐢᐱᐣ ᓇᒪᐃᐧᔭ ᑭ ᐃᐧ ᐸᑭᑎᓈᐊᐧᐠ, ᒥᓇ ᑕᓯ ᒥᒋᒥᓇᑖᐧᐃᐧ, 3ᒫᑎᑲ, ᐅᒋᐦᒋ ᑳ ᑎᐯᔨᐦᒋᑫᐟ ᐸᑲᒥᐢᑳᑲᐧᐠ ᐊᓂᑭ ᑭᐟ ᐊᐊᐧᑳᓇᐠ ᑳ ᐸᐹᒥ ᐊᔮᒋᐠ, ᒥᐢᑕᑎᒪᐧᐠ ᒥᓇ ᓱᓱᒥᐢᑕᑎᒪᐧᐠ, ᑭ ᐱᐢᑳᐧᐃᐧᑲᓀᒪᐠ ᒥᓇ ᑭ ᒧᐢᑐᓱᒪᐠ, ᒥᓇ ᒫᔭᑎᐦᑲᐧᐠ; ᑭᑕ ᐅᑎᑎᐦᑲᐧᐠ ᓈᐢᐱᐨ ᐁ ᐋᐦᑲᐧᕽ ᐱᓯᐢᑭᐋᐧᐢᐱᓀᐃᐧᐣ. 4ᑳ ᑎᐯᔨᐦᒋᑫᐟ ᒫᑲ ᐱᑐᐢ ᑭᑕ ᐃᑐᑕᐁᐧᐤ ᐅᐟ ᐊᐊᐧᑳᓂᔨᐊᐧ ᐊᓂᐦᐃ ᐃᐢᕒᐁᐃᓬ ᒥᓇ ᐊᐊᐧᑳᓇ ᐊᓂᑕ ᐃᒋᑊᐟ ᐊᐢᑭᕽ, ᓇᒪᐋᐧᐨ ᒫᑲ ᑫᑲᐧᐩ ᑭᑕ ᓂᐳᒪᑲᐣ ᑳ ᐅᐟ ᐊᔮᓂᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 5ᑳ ᑎᐯᔨᐦᒋᑫᐟ ᒫᑲ ᑭ ᐅᔭᑭᐦᑕᒼ ᐃᑕ ᐁ ᐃᑌᐧᐟ, ᐋᐧᐸᐦᑭ ᐁᑯᐢᐱ ᑳ ᑎᐯᔨᐦᒋᑫᐟ ᑫ ᑐᑕᕽ ᐅᒪ ᐅᑕ ᐊᐢᑭᕽ. 6ᑳ ᑎᐯᔨᐦᒋᑫᐟ ᒫᑲ ᐁᑯᓯ ᑭ ᑐᑕᒼ ᐁ ᐊᑎ ᐊᐧᐸᓂᔨᐠ, ᑲᐦᑭᔭᐤ ᒫᑲ ᐊᓂᐦᐃ ᐊᐊᐧᑳᓇ ᐃᒋᑊᑎᕽ ᑭ ᓂᐱᐊᐧᐠ ᒫᑲ ᐃᐧᔭ ᐅᐟ ᐊᐊᐧᑳᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓇᒪᐋᐧᐨ ᐯᔭᐠ ᑭ ᓂᐱᔨᐊᐧ. 7ᐯᕒᐅ ᒫᑲ ᑭ ᐃᓯᑎᓴᐦᐅᐁᐧᐤ, ᐳᑎ ᒫᑲ ᓇᒪᐋᐧᐨ ᐯᔭᐠ ᑭ ᓂᐱᔨᐊᐧ ᐅᐟ ᐊᐊᐧᑳᓂᐋᐧᐊᐧ ᐃᐢᕒᐁᐃᓬᐊᐃᑕᐠ, ᐯᕒᐅ ᒫᑲ ᑭ ᒪᐢᑲᐃᐧᑖᐤ ᐅᑌᐦ ᐁᑯᓯ ᒫᑲ ᓇᒪᐃᐧᔭ ᑭ ᐸᑭᑎᓀᐤ ᐊᔨᓯᔨᓂᐊᐧ.
8ᐁᑯᓯ ᒫᑲ ᑳ ᑎᐯᔨᐦᒋᑫᐟ ᐅᒥᓯ ᑭ ᐃᑌᐤ ᒧᓯᓴ ᒥᓇ ᐁᕒᐊᓇ, ᐅᑎᓇᒧᐠ ᐯᔭᑯ ᒫᑯᓂᑲᐣ ᑎᐦᑳᐱᐢᑭᓯᑲᓂᕽ ᐅᐦᒋ, ᑭᔮᒼ ᒫᑲ ᒧᓯᐢ ᑭᓯᑯᕽ ᑭᑕ ᐃᓯ ᓯᓭᐧᐁᐧᐱᓇᒼ ᐅᐟ ᐋᐢᑕᒥᐃᐧᓂᔨᕽ ᐯᕒᐅᐊᐧ. 9ᐁᑯᓯ ᒫᑲ ᑭᑕ ᐱᓯᐅᐦᐯᐧᐸᔨᐤ ᒥᓯᐁᐧ ᐃᒋᑊᐟ ᐊᐢᑭᕽ, ᐁᑯᓯ ᓯᑭᐦᐱᕽ ᑭᑕ ᐃᓯ ᒧᐢᑭᐸᔨᐟ ᐊᔨᓯᔨᓂᐤ ᒥᓇ ᐱᓯᐢᑭᐤ ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ. 10#ᑭᐢᑫᔨᐦᑖᑯᐦᑫᐃᐧᐣ 16:2ᑭ ᐅᑎᓇᒪᐧᐠ ᒫᑲ ᐱᐦᑯᑌᐤ ᑎᐦᑳᐱᐢᑭᓯᑲᓂᕽ ᐅᐦᒋ, ᒥᓇ ᐁ ᑭ ᐅᐦᑎᐢᑲᐃᐧᑳᐸᐃᐧᐢᑕᐋᐧᒋᐠ ᐯᕒᐅᐊᐧ; ᒧᓯᐢ ᒫᑲ ᑭᓯᑯᕽ ᑭ ᐃᓯ ᓯᓭᐧᐁᐧᐱᓇᒼ; ᐁᑯᓯ ᑭ ᒧᐢᑭᐸᔨᐤ ᐁ ᐅᓯᐦᑭᐱᒥᐟ ᐊᔨᓯᔨᓂᐤ ᒥᓇ ᐱᓯᐢᑭᐤ. 11ᒥᑌᐃᐧᔨᓂᐊᐧᐠ ᒫᑲ ᓇᒪᐃᐧᔭ ᑭ ᓂᐸᐃᐧᐢᑕᐃᐧᐊᐧᐠ ᒧᓯᓴ ᐁ ᐃᐢᐱᐦᒋ ᐅᒥᑭᒋᐠ; ᒋᑫᒫ ᑭ ᐅᓯᐦᑭᐱᒥᐊᐧᐠ ᒥᑌᐊᐧᐠ ᒥᓇ ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ. 12ᑳ ᑎᐯᔨᐦᒋᑫᐟ ᒫᑲ ᑭ ᒪᐢᑲᐃᐧᑖᐁᐧᐤ ᐅᑌᐦᐃᔨᐤ ᐯᕒᐅᐊᐧ, ᓇᒪᐃᐧᔭ ᒫᑲ ᑭ ᓇᑐᐦᑕᐁᐧᐤ; ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᒧᓯᓴ.
13ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐃᐧᐸᐨ ᑫᑭᓭᐹ ᐊᐧᓂᐢᑳ, ᐅᑎᐢᑲᐃᐧᑳᐸᐃᐧᐢᑕᐋᐧᑲᐣ ᒫᑲ ᐯᕒᐅ ᐅᒥᓯ ᒫᑲ ᑭ ᑲ ᐃᑖᐤ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ, ᐸᑭᑎᓂᐠ ᓂᐟ ᐊᔨᓯᔨᓂᒪᐠ ᑭᑕ ᓇᑕᐃᐧ ᐊᑐᐢᑲᐃᐧᒋᐠ. 14ᒋᑫᒫ ᐁᑲᐧ ᑫ ᐃᓯᑎᓴᐦᐊᒫᑖᐣ ᑲᐦᑭᔭᐤ ᓂᐟ ᐃᑖᐢᐱᓀᐦᐃᐁᐧᐃᐧᓇ ᑭᑌᐦᐃᕽ, ᒥᓇ ᑭᐟ ᐊᑐᐢᑫᔮᑲᓇ, ᒥᓇ ᑭᐟ ᐊᔨᓯᔨᓂᒪᐠ; ᑭᑕ ᑭᐢᑫᔨᑕᒪᐣ ᐁᑳ ᐊᐃᐧᔭᐠ ᑯᑕᐠ ᐁ ᐃᐦᑖᐟ ᑖᐱᐢᑯᐨ ᓂᔭ ᒥᓯᐁᐧ ᐊᐢᑭᕽ. 15ᒋᑫᒫ ᐁᑲᐧ ᑫ ᓱᐃᐧᓂᐢᑫᔮᐣ, ᑭᑕ ᐸᑲᒪᐅᑖᐣ ᒥᓇ ᑭᐟ ᐊᔨᓯᔨᓂᒪᐠ ᑭᐦᒋ ᐃᑖᐢᐱᓀᐃᐧᐣ ᐅᐦᒋ; ᑭ ᑲ ᑭᐢᑲᑕᐦᐅᑲᐃᐧᐣ ᒫᑲ ᐊᐢᑭᕽ ᐅᐦᒋ. 16#ᕒᐅᒪᓇ 9:17ᒥᓇ ᐁᐊᐧᑯ ᐅᒪ ᐅᐦᒋ ᑳ ᑭ ᐸᓯᑯᓂᑖᐣ, ᑭᑕ ᐋᐧᐸᐦᑕᐦᐃᑖᐣ ᓂ ᑲᐢᑭᐦᐁᐃᐧᓯᐃᐧᐣ; ᒥᓇ ᓂ ᐃᐧᔪᐃᐧᐣ ᑭᑕ ᐃᐧᒋᑳᑌᐠ ᒥᓯᐁᐧ ᐊᐢᑭᕽ. 17ᑫᔮᐱᐨ ᒋ ᐁ ᐊᔨᐋᐧᑫᔨᒥᓱᐢᑕᐊᐧᒋᐠ ᓂᐟ ᐊᔨᓯᔨᓂᒪᐠ ᑳ ᐅᐦᒋ ᐁᑳ ᐃᐧ ᐸᑭᑎᓇᒋᐠ? 18ᒫᑎᑲ ᐋᐧᐸᐦᑭ ᓈᐣᑕᐤ ᐅᒪ ᐃᐦᑭᑭ ᓂ ᑲ ᑭᒥᐊᐧᓂᐦᑖᐣ ᓈᐢᐱᐨ ᑭᑕ ᑭᐦᒋ ᓭᓭᑲᕽ, ᐁᑳ ᐃᐧᑳᐨ ᑳ ᑭ ᐯ ᐃᐦᑭᕽ ᐃᒋᑊᑎᕽ ᐊᐢᐱᐣ ᑳ ᐯ ᐅᐦᒋ ᐃᐦᑕᑲᐧᕽ ᐊᐦᐳᒋᑲ ᐱᔨᐢ ᐊᓄᐦᐨ. 19ᐃᓯᑎᓴᐦᐅᐁᐧ ᒫᑲ ᐁᑲᐧ ᒫᐊᐧᒋᐦᐃᐠ ᑭᐟ ᐊᐊᐧᑳᓇᐠ ᒥᓇ ᑳ ᑕᐦᑐ ᐊᔮᔭᐣ ᐅᐦᐱᒣ, ᒋᑫᒫ ᑲᐦᑭᔭᐤ ᐊᔨᓯᔨᓂᐤ ᒥᓇ ᐱᓯᐢᑭᐤ ᑫ ᒥᐢᑲᐋᐧᐃᐧᑌ ᐅᐦᐱᒣ ᐃᑕ, ᐁᑳ ᑭᐁᐧᑕᐃᐦᒋ, ᐊᓂᒪ ᓭᓭᑲᐣ ᑭᑕ ᐸᑲᒥᐢᑳᐠ ᐁᑯᓯ ᑭᑕ ᓂᐱᐤ. 20ᑳ ᑯᓯᑫᐧᔨᑕᕽ ᑳ ᑎᐯᔨᐦᒋᑫᐟ ᐅᐟ ᐃᑌᐧᐃᐧᐣ ᐃᑕ ᐁ ᐊᔮᔨᐟ ᐊᓂᐦᐃ ᐯᕒᐅ ᐅᐟ ᐊᑐᐢᑫᔮᑲᓇ ᑭ ᐱᐦᑐᑫᔮᒧᐁᐤ ᐋᐧᐢᑳᐦᐃᑲᓂᕽ ᐅᐟ ᐊᑐᐢᑫᔮᑲᓇ ᒥᓇ ᐅᐟ ᐊᐊᐧᑳᓇ. 21ᐊᓇ ᒫᑲ ᐁᑳ ᑳ ᐸᐱᓯᐢᑫᔨᑕᕽ ᑳ ᑎᐯᔨᐦᒋᑫᐟ ᐅᐟ ᐃᑌᐧᐃᐧᐣ, ᑭ ᓇᑲᑌᐤ ᐅᐟ ᐊᑐᐢᑫᔮᑲᓇ ᒥᓇ ᐅᐟ ᐊᐊᐧᑳᓇ ᐅᐦᐱᒣ ᐃᑌ.
22ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᑭᓯᑯᕽ ᐃᓯ ᓱᐃᐧᓂᐢᑫ, ᑭᑕ ᓭᓭᑲᕽ ᒥᓯᐁᐧ ᐃᒋᑊᐟ ᐊᐢᑭᕽ, ᐊᔨᓯᔨᓂᐤ ᒥᓇ ᐱᓯᐢᑭᐤ ᒥᓇ ᑲᐦᑭᔭᐤ ᑭᑲᐧᐩ ᑳ ᓂᐦᑖᐃᐧᑭᕽ ᑭᐢᑎᑳᓂᕽ, ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ. 23ᒧᓯᐢ ᒫᑲ ᑭᓯᑯᕽ ᑭ ᐃᓯ ᓱᐃᐧᓇᒼ ᐅ ᓴᐢᑲᐅᐣ, ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᐃᓯᑎᓴᐦᐊᒼ ᑳ ᑭᑐᒋᐠ ᒥᓇ ᒪᐢᑲᐧᒥ, ᐃᐢᑯᑌᐤ ᒫᑲ ᑭ ᑎᐦᑎᐱᐸᔨᐤ ᒧᐢᑕᐢᑲᒥᐠ, ᑳ ᑎᐯᔨᐦᒋᑫᐟ ᒫᑲ ᑭ ᑭᒥᐊᐧᓂᐦᑖᐤ ᒪᐢᑲᐧᒥ ᐃᒋᑊᐟ ᐊᐢᑭᕽ. 24#ᑭᐢᑫᔨᐦᑖᑯᐦᑫᐃᐧᐣ 8:7; 16:21ᐁᑯᓯ ᒫᑲ ᑭ ᓭᓭᑲᐣ ᒥᓇ ᑭ ᐋᐧᓴᐢᑯᑌᐸᔨᐤ ᐁ ᓭᓭᑲᕽ, ᓈᐢᐱᐨ ᐁ ᑯᐢᑖᒥᑲᐧᕽ, ᐁᑳ ᐃᐧᑳᐨ ᑳ ᑭ ᐃᐦᑭᕽ ᐃᒋᑊᐟ ᐊᐢᑭᕽ ᐊᐢᐱᐣ ᑳ ᐯ ᐊᔨᓯᔨᓂᐊᐧᕽ. 25ᐊᓂᒪ ᒫᑲ ᓭᓭᑲᐣ ᑭ ᐸᑲᒥᐢᑲᒼ ᒥᓯᐁᐧ ᑳ ᐃᐢᐱᒑᐠ ᐃᒋᑊᐟ ᐊᐢᑭ, ᑲᐦᑭᔭᐤ ᐊᓂᒪ ᑭᐢᑎᑳᓂᕽ ᑳ ᐊᔮᐠ, ᐊᔨᓯᔨᓂᐤ ᒥᓇ ᐱᓯᐢᑭᐤ; ᓭᓭᑲᐣ ᑭ ᓂᐸᑖᐤ ᑲᐦᑭᔭᐤ ᑳ ᓂᐦᑖᐃᐧᑭᓂᔨᐠ ᑭᐢᑎᑳᓂᕽ, ᒥᓇ ᐁ ᑭ ᐱᑯᓂᑯᒋᐠ ᑲᐦᑭᔭᐤ ᑳ ᐃᐦᑕᓯᒋᐠ ᒥᐢᑎᑲᐧᐠ ᐅᐦᐱᒣ ᐃᑌ. 26ᐱᑯ ᑯᓯᐣ ᐊᐢᑭᕽ ᐃᑕ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᐊᔮᒋᐠ, ᓇᒪᐃᐧᔭ ᐁᑯᑕ ᑭ ᓭᓭᑲᐣ.
27ᐯᕒᐅ ᒫᑲ ᑭ ᐃᓯᑎᓴᐦᐅᐁᐧᐤ ᐁ ᑭ ᓇᑐᒫᐟ ᒧᓯᐢ ᒥᓇ ᐁᕒᐊᐣ, ᐅᒥᓯ ᐁ ᑭ ᐃᑖᐟ, ᐁᑲᐧ ᐁᓴ ᓂ ᑭ ᒪᒋᑐᑌᐣ, ᑳ ᑎᐯᔨᐦᒋᑫᐟ ᑲᐧᔭᐢᑭᑖᑎᓯᐤ, ᓂᔭ ᒫᑲ ᒥᓇ ᓂᐟ ᐊᔨᓯᔨᓂᒪᐠ ᓂ ᒪᒑᔨᐃᐧᓈᐣ. 28ᒪᐃᐧᒧᐢᑖᕽ ᑳ ᑎᐯᔨᐦᒋᑫᐟ, (ᒋᑫᒫ ᓵᓴᐩ ᐁᑯᔨᑯᕽ) ᐁᑳ ᒥᓇ ᑭᑕ ᑯᐢᑖᓯᑖᑯᓯᒋᐠ ᑳ ᑭᑐᒋᐠ ᒥᓇ ᑭᑕ ᓭᓭᑲᕽ; ᐁᑯᓯ ᒫᑲ ᑭ ᑲ ᐸᑭᑎᓂᑎᓈᐋᐧᐤ, ᑭᑕ ᓯᐯᐧᑌᔦᐠ, ᓇᒪᐃᐧᔭ ᐅᑕ ᑭ ᑲ ᐊᔮᓈᐋᐧᐤ. 29ᒧᓯᐢ ᒫᑲ ᐅᒥᓯ ᑭ ᐃᑌᐤ, ᓭᒫᐠ ᐅᑌᓈᕽ ᐊᑎ ᐅᐦᒋ ᐊᐧᔭᐃᐧᔮᓂ, ᓂ ᑲ ᑕᓱᒋᐦᒉᐢᑕᐋᐧᐤ ᑳ ᑎᐯᔨᐦᒋᑫᐟ, ᐊᓂᑭ ᒫᑲ ᑳ ᑭᑐᒋᐠ ᑭᑕ ᑭᐱᑐᐁᐧᐊᐧᐠ, ᐁᑯᓯ ᓇᒪᐃᐧᔭ ᒥᓇ ᑭᑕ ᓭᓭᑲᐣ; ᑭᑕ ᑭᐢᑫᔨᑕᒪᐣ ᐊᐢᑭ ᑳ ᑎᐯᔨᐦᒋᑫᐟ ᐁ ᐅᐟ ᐊᔮᓂᐟ. 30ᑭᔭ ᒫᑲ ᐃᐧᔭ ᒥᓇ ᑭᐟ ᐊᑐᐢᑫᔮᑳᓇᐠ, ᓂ ᑭᐢᑫᔨᑌᐣ ᐁᑳ ᑫᔮᐱᐨ ᑭᑕ ᑯᐢᑕᐟ ᑳ ᑎᐯᔨᐦᒋᑫᐟ ᑭᓭᒪᓂᑐ. 31ᐊᓇ ᒫᑲ ᐋᐧᐱᐢᑫᑭᓄᑳᐣ ᒥᓇ ᐃᐢᑫᐧᓯᓯᑳᐣ ᑭ ᓂᓯᐊᐧᓈᑎᓯᐤ, ᒋᑫᒫ ᐃᐢᑫᐧᓯᓯᑳᐣ ᓵᓴᐩ ᑭ ᐱᐢᑲᐧᑕᐢᑭᐤ ᒥᓇ ᐋᐧᐱᐢᑫᑭᓄᑳᐣ ᑭ ᐋᐧᐱᑯᓂᐤ. 32ᒫᑲ ᐃᐧᔭ ᐸᐦᑫᐧᓯᑲᓂᑳᐣ ᒥᓇ ᒥᐢᑕᑎᒧᒥᒋᐃᐧᐣ ᓇᒪᐃᐧᔭ ᑭ ᓂᓯᐊᐧᓈᑎᔨᐤ ᒋᑫᒫ ᓇᒣᐢᑲᐧ ᑭ ᓵᑭᑭᐤ. 33ᒧᓯᐢ ᒫᑲ ᑭ ᐊᐧᔭᐃᐧᐤ ᐅᑌᓈᕽ ᐅᐦᒋ ᐁ ᑭ ᓇᑲᑖᐟ ᐯᕒᐅᐊᐧ, ᐁᑯᓯ ᐁ ᑭ ᒪᐃᐧᒧᐢᑕᐋᐧᐟ ᑳ ᑎᐯᔨᐦᒋᑫᔨᐟ; ᐁᑯᓯ ᑳ ᑭᑐᒋᐠ ᒥᓇ ᑳ ᓭᓭᑲᕽ ᑭ ᐳᓂᐸᔨᐤ ᒥᓇ ᓇᒪᐃᐧᔭ ᑭ ᑭᒥᐊᐧᐣ ᐊᐢᑭᕽ. 34ᐃᐢᐱ ᒫᑲ ᐯᕒᐅ ᐃᐧᔮᐸᐦᑕᕽ ᑭᒥᐊᐧᐣ ᒥᓇ ᓭᓭᑲᐣ ᒥᓇ ᑳ ᑭᑐᔨᐟ ᐁ ᐳᓂᐸᔨᐠ, ᐋᐦᒋ ᐱᑯ ᑭ ᒪᒋᑐᑕᒼ ᒥᓇ ᐁ ᑭ ᒪᐢᑲᐊᐧᐢᑖᐟ ᐅᑌᐦ, ᐃᐧᔭ ᒥᓇ ᐅᐟ ᐊᑐᐢᑫᔮᑲᓇ. 35ᐯᕒᐅ ᒫᑲ ᐅᑌᐦ ᑭ ᒪᐢᑲᐋᐧᔨᐤ ᐊᐦᐳ ᓇᒪᐃᐧᔭ ᐃᐧ ᐸᑭᑎᓀᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᓯᐯᐧᑌᔨᐟ; ᒣᐧᐦᒋ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ ᒧᓯᓴ ᐅᐦᒋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.