ᐁᐠᓴᑕᐢ 4
4
1ᒧᓯᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑌᐧᐟ, ᒫᑲ ᒫᑎᑲ ᓇᒪᐃᐧᔭ ᓂ ᑲ ᑖᐯᐧᑖᑲᐧᐠ ᐊᐦᐳ ᓇᒪᐃᐧᔭ ᓂ ᑲ ᓇᑐᐦᑖᑲᐧᐠ, ᒋᑫᒫ ᑭᑕ ᐃᑌᐧᐊᐧᐠ, ᑳ ᑎᐯᔨᐦᒋᑫᔨᐟ ᓇᒪᐃᐧᔭ ᐅᐦᒋ ᓄᑯᐦᐃᓱᐢᑖᐠ. 2ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ, ᑫᑲᐧᐩ ᐊᓂᒪ ᑳ ᑕᐦᑯᓇᒪᐣ? ᐅᒥᓯ ᒫᑲ ᑭ ᐃᑌᐤ, ᓴᐢᑲᐅᓈᑎᐠ ᐅᒪ. 3ᐅᒥᓯ ᒫᑲ ᑭ ᐃᑌᐤ, ᒧᐦᒋᕽ ᐃᓯᐁᐧᐱᓇ. ᒧᐦᒋᕽ ᒫᑲ ᑭ ᐃᓯᐁᐧᐱᓇᒼ, ᐁᑯᓯ ᒫᑲ ᑭ ᑭᓀᐱᑯᐊᐧᐣ; ᒧᓯᐢ ᒫᑲ ᑭ ᑕᐸᓯᑖᐤ. 4ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐅᑎᐦᑎᓇ, ᒥᓇ ᓴᑳᔪᐁᐧᓇ; ᑭ ᐃᓯᓂᐢᑫᔨᐤ ᒫᑲ ᒥᓇ ᑭ ᐅᑎᐦᑎᓇᒼ, ᐁᑯᓯ ᒥᓇ ᓴᐢᑲᐅᓈᑎᐠ ᑭ ᐃᓯ ᐊᔮᔨᐤ ᐁ ᒥᒋᒥᓇᕽ. 5ᑭᑕ ᑖᐯᐧᑕᐦᑭᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᔨᐊᐧ ᐅᑖᐃᐧᐋᐧᐊᐧ, ᐅ ᑭᓭᒪᓂᑐᒪ ᐁᑊᕒᐁᐋᒼ, ᐅ ᑭᓭᒪᓂᑐᒪ ᐋᐃᓴᐠ, ᐅ ᑭᓭᒪᓂᑐᒪ ᒉᑲᑊ, ᐁ ᑭ ᓄᑯᐦᐃᓱᐢᑖᐢᐠ.
6ᑳ ᑎᐯᔨᐦᒋᑫᔨᐟ ᒫᑲ ᐊᐊᐧᓯᒣ ᑭ ᐊᑎ ᐃᑎᐠ, ᐱᐦᑐᒧ ᐁᑲᐧ ᑭᒋᐦᒋ, ᑭ ᐱᐦᑐᒧ ᒫᑲ ᐅᒋᐦᒋ; ᐃᐢᐱ ᒫᑲ ᐁ ᒧᐢᑭᓇᕽ ᐳᑎ ᐊᓂᒪ ᐅᒋᐦᒋ ᑭ ᒪᒑᐢᐱᓀᐊᐧᓂᔨᐤ ᐁ ᐋᐧᐱᐢᑳᔨᐟ ᑖᐱᐢᑯᐨ ᑯᓇ. 7ᐅᒥᓯ ᒫᑲ ᑭ ᐃᑌᐧᐤ, ᐱᐦᑐᒧ ᒥᓇ ᑭᒋᐦᒋ, ᐁᑯᓯ ᑭ ᐱᐦᑐᒧ ᒥᓇ ᐅᒋᐦᒋ, ᐁᑯᓯ ᐃᐢᐱ ᐁ ᒧᐢᑭᓇᕽ ᐳᑎ ᒥᓇ ᑭ ᑫᐧᐢᑭᓈᑲᐧᓂᔨᐤ ᑖᐱᐢᑯᐨ ᑯᑕᐠ ᐅ ᐃᐧᔭᐢ. 8ᑭᑕ ᐃᐦᑭᐣ ᒫᑲ, ᑭᐢᐱᐣ ᐁᑳ ᑖᐯᐧᑖᐢᑳᐧᐃᐧ ᐊᐦᐳ ᐁᑳ ᐃᐧ ᓇᑐᐦᑕᑳᐧᐃᐧ ᐁᑎᑖᑲᐧᕽ ᐊᓂᒪ ᓂᐢᑕᒼ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᐣ, ᑭᑕ ᑖᐯᐧᑕᒪᐧᐠ ᐁᑎᑖᑲᐧᕽ ᐊᓂᒪ ᐃᐢᑳᐧᔮᐨ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᐣ. 9ᑭᑕ ᐃᐦᑭᐣ ᒫᑲ ᑭᐢᐱᐣ ᐁᑳ ᐃᐧ ᑖᐯᐧᑕᑳᐧᐃᐧ ᐅᐦᐃ ᓂᓱ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ ᐊᐦᐳ ᐁᑳ ᐃᐧ ᓇᑐᐦᑕᑳᐧᐃᐧ ᑭᐟ ᐃᑌᐧᐃᐧᐣ, ᑭ ᑳ ᐅᑎᓀᐣ ᓂᐱ ᓯᐱᕽ ᐅᐦᒋ, ᐁᑯᓯ ᑭ ᑲ ᓯᑭᓀᐣ ᐸᐦᑲᐧᒑᕽ, ᐊᓂᒪ ᒫᑲ ᓂᐱ ᓯᐱᕽ ᑳ ᐅᐦᒋ ᐅᑎᓇᒪᐣ ᒥᐦᑯ ᑭᑕ ᐃᓯ ᐊᔮᐤ ᐊᓂᑕ ᐸᐦᑲᐧᒑᕽ.
10ᒧᓯᐢ ᒫᑲ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᑌᐯᔨᐦᒋᑫᔮᐣ, ᓇᒪᐃᐧᔭ ᓂ ᑲᑫᑖᐋᐧᐣ, ᓇᒪᐃᐧᔭ ᑲᔭᐦᑌ ᐅᐦᒋ, ᓇᒪᐃᐧᔭ ᒥᓇ ᐊᐢᐱᐣ ᑳ ᑭ ᐊᔭᒥᐦᐋᐟ ᑭᐟ ᐊᑐᐢᑫᔮᑲᐣ; ᒫᑲ ᓂ ᐯᑭᑳᑖᐧᐣ, ᒥᓇ ᓂ ᐯᑭᑳᒋ ᐱᑭᐢᑳᐧᐣ. 11ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐧᐤ, ᐊᐁᐧᓇ ᑳ ᑭ ᐅᓯᐦᑖᐋᐧᐟ ᐊᔨᓯᔨᓂᐊᐧ ᐅᑌᔭᓂᔨᐊᐧ? ᐊᐦᐳ ᐊᐁᐧᓇ ᑳ ᑭ ᐅᓯᐦᐋᐟ ᐁᑳ ᑳ ᓂᐦᑖᐁᐧᔨᐟ, ᐊᐦᐳ ᑳ ᑲᑫᐱᑌᔨᐟ, ᑳ ᓇᐦᐋᐱᔨᐟ ᐊᐦᐳ ᐁᑳ ᑳ ᐋᐧᐱᔨᐟ? ᓇᒪ ᒋ ᓂᔭ ᑳ ᑎᐯᔨᐦᒋᑫᔮᐣ? 12ᐁᑲᐧ ᒫᑲ ᓯᐯᐧᐦᑌ, ᓂ ᑲ ᐃᐧᒉᑌᐣ ᑭᑐᐣ, ᒥᓇ ᑭ ᑲ ᑭᐢᑭᓄᐦᐊᒫᑎᐣ ᑫ ᐃᑌᐧᔭᐣ. 13ᐅᒥᓯ ᒫᑲ ᑭ ᐃᑌᐧᐤ, ᑌᐯᔨᐦᒋᑫᔭᐣ, ᐃᓯᑎᓴᐦᐅᐁᐧ ᑭ ᐸᑯᓯᔨᒥᑎᐣ ᐅᒋᐦᒋᕽ ᐊᓇ ᑫ ᐃᐧ ᐃᑎᓴᐋᐧᐊᐧᑌ. 14ᑳ ᑎᐯᔨᐦᒋᑫᐟ ᒫᑲ ᑭ ᑭᓯᐢᑕᐁᐧᐤ ᒧᓯᓴ, ᐅᒥᓯ ᒫᑲ ᑭ ᐃᑌᐧᐤ, ᓇᒪ ᒋ ᐃᐦᑖᐤ ᑭᒋᐋᐧᒼ ᐁᕒᐊᐣ ᐊᓇ ᓬᐃᐸᐃᐟ? ᓂ ᑭᐢᑫᔨᑌᐣ ᓈᐢᐱᐨ ᐁ ᓂᐦᑖ ᐱᑭᐢᑫᐧᐟ, ᒥᓇ ᒫᑲ ᒫᑎᑲ, ᑭ ᐯ ᓇᑕᐃᐧ ᓇᑭᐢᑳᐠ; ᐃᐢᐱ ᒫᑲ ᐋᐧᐸᒥᐢᑭ, ᑭᑕ ᒪᒪᐦᑖᑯᓯᐤ ᐅᑌᐦᐃᕽ. 15ᐁᑯᓯ ᑭ ᑲ ᐊᔭᒥᐦᐋᐤ ᒥᓇ ᑭ ᑲ ᐊᐢᑖᐋᐧᐣ ᐃᑌᐧᐃᐧᓇ ᐅᑐᓂᕽ; ᓂ ᑲ ᐃᐧᒉᐦᑌᐣ ᒫᑲ ᑭᑐᐣ, ᒥᓇ ᐃᐧᔭ ᐅᑐᐣ. ᒥᓇ ᑭ ᑲ ᑭᐢᑭᓄᐦᐊᒫᑎᓈᐋᐧᐤ ᑫ ᐊᔨᑐᑕᒣᐠ. 16ᐁᑯᓯ ᒫᑲ ᑭ ᑲ ᐱᑭᐢᑫᐧᐢᑕᒫᐠ ᐁ ᐃᐧᐦᑕᒪᐊᐧᒋᐠ ᐊᔨᓯᔨᓂᐊᐧᐠ; ᐃᐧᔭ ᒫᑲ ᑭ ᑲ ᑖᐱᐢᑲᒫᐠ ᒥᑐᐣ, ᐁᑯᓯ ᑭᔭ ᑭ ᑲ ᑖᐱᐢᑲᒪᐋᐤ ᑭᓭᒪᓂᑐᐊᐧ. 17ᑭ ᑲ ᑕᐦᑯᓀᐣ ᒫᑲ ᐅᒪ ᓴᐢᑲᐅᐣ ᑭᒋᐦᒋᕽ, ᐁᐊᐧᑯ ᑭᑕ ᐅᐦᒋ ᒪᒫᑖᐃᐧ ᐃᓯᐦᒋᑫᔭᐣ.
18ᒧᓯᐢ ᒫᑲ ᑭ ᓇᑕᐃᐧ ᑭᐁᐧᐤ ᐃᑕ ᐁ ᐊᔮᔨᐟ ᒉᑕᕒᐅᐊᐧ ᐅᓯᓴ, ᐅᒥᓯ ᒫᑲ ᐁ ᑭ ᐃᑖᐟ, ᑭᔮᒼ ᐸᑭᑎᓂᐣ ᑭᑕ ᓯᐯᐧᑌᔮᐣ, ᑭ ᐸᑯᓯᔨᒥᑎᐣ, ᑳᐃᐧ ᑭᑕ ᓇᑕᐋᐧᐸᒪᑭᐠ ᓂᒋᐋᐧᒪᐠ ᐃᒋᑊᑎᕽ ᑳ ᐊᔮᒋᐠ, ᑭᑕ ᐋᐧᐸᒪᑭᐠ ᑭᐢᐱᐣ ᑫᔮᐱᐨ ᐯᒪᑎᓯᐋᐧᑫᐧ. ᒉᑕᕒᐅ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓯᐯᐧᐦᑌ ᐯᔭᐦᑕᑫᔨᒧᐃᐧᓂᕽ. 19ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ ᐊᓂᑕ ᒥᑎᔭᐣ ᐊᐢᑭᕽ, ᓯᐯᐧᐦᑌ, ᐃᒋᑊᑎᕽ ᐃᓯ ᑭᐁᐧ, ᒋᑫᒫ ᓵᓴᐩ ᑲᐦᑭᔭᐤ ᐳᓂ ᐱᒫᑎᓯᐊᐧᐠ ᐊᔨᓯᔨᓂᐊᐧᐠ ᑳ ᑭ ᓇᑐᓇᐦᑭᐠ ᑭ ᐱᒫᑎᓯᐃᐧᐣ. 20ᒧᓯᐢ ᒫᑲ ᑭ ᐅᑎᓀᐤ ᐃᐧᐊᐧ ᒥᓇ ᐅᐟ ᐊᐋᐧᓯᒥᓴ, ᐁ ᑭ ᑌᑕᔮᐟ ᓱᓱᒥᐢᑕᑎᒪᐧ, ᐁ ᑭ ᐃᑐᐦᑌᐟ ᒫᑲ ᐃᒋᑊᐟ ᐊᐢᑭᕽ; ᒧᓯᐢ ᒫᑲ ᑭ ᑕᐦᑯᓇᒼ ᑭᓭᒪᓂᑐᐊᐧ ᐅ ᓴᐢᑲᐅᓈᑎᑯᔨᐤ ᐅᒋᐦᒋᕽ. 21ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐃᐢᐱ ᐃᒋᑊᑎᕽ ᐃᓯ ᑭᐁᐧᔭᓂ, ᒣᔮᑲᐧᒼ ᑭᑕ ᑐᑕᒪᐣ ᑲᐦᑭᔭᐤ ᐅᐦᐃ ᒪᒫᑖᐃᐧ ᐃᓯᐦᒋᑫᐃᐧᓇ ᐁ ᐋᐧᐸᐦᑕᕽ ᐯᕒᐅ ᑳ ᑭ ᐊᐢᑖᔮᐣ ᑭᒋᐦᒋᕽ. ᒫᑲ ᓂ ᑲ ᒪᐢᑲᐃᐧᑌᐦᐁᐋᐤ ᐁᑳ ᑭᑕ ᐸᑭᑎᓈᐟ ᐊᔨᓯᔨᓂᐊᐧ. 22ᐁᑯᓯ ᒫᑲ ᑭ ᑲ ᐃᑖᐤ ᐯᕒᐅ, ᐅᒥᓯ ᐃᑌᐤ ᑳ ᑎᐯᔨᐦᒋᑫᐟ, ᐃᐢᕒᐁᐃᓬ ᐁᐊᐧᑯ ᓂᑯᓯᐢ, ᓂ ᓂᐢᑕᒧᓵᐣ. 23#ᐁᐠᓴᑕᐢ 12:29ᐅᒥᓯ ᒫᑲ ᑭ ᑭ ᐃᑎᑎᐣ, ᐸᑭᑎᐣ ᓂᑯᓯᐢ ᑭᑕ ᐊᑐᐢᑲᐃᐧᐟ, ᐁᑯᓯ ᑭ ᑭ ᐋᓀᐧᑌᐣ ᑭᑕ ᐸᑭᑎᓇᐟ, ᒫᑎᑲ ᓂ ᑲ ᓂᐸᐦᐋᐤ ᑭᑯᓯᐢ ᑭ ᓂᐢᑕᒧᓵᐣ.
24ᑭ ᐊᔨᑭᐣ ᒫᑲ ᐁ ᐊᑎ ᐱᒧᐦᑌᐅᒋᐠ ᐊᓂᑕ ᒫᓂᑌᐃᐧᑲᒥᑯᕽ ᑳ ᑎᐯᔨᐦᒋᑫᔨᐟ ᑭ ᓇᑭᐢᑳᐠ ᒥᓇ ᑭ ᐃᐧ ᓂᐸᐦᐃᐠ. 25ᐁᑲᐧ ᓯᐹᕒᐊ ᑭ ᐅᑌᓀᐤ ᒐᐦᑭᓭᐃᑲᓇᓯᓂᔭ, ᐁᑯᓯ ᐁ ᑭ ᑭᐢᑭᓱᒫᐟ ᐅ ᓂᐢᑕᒪᓴᑳᓂᔨᐊᐧ ᐅᑯᓯᓴ, ᒥᓇ ᐁ ᑭ ᐃᓯᐁᐧᐱᓂᒫᐟ ᐅᓯᑎᔨᕽ ᐁ ᐃᑌᐧᐟ, ᑫᐦᒋᓈ ᒥᐦᑯᐃᐧ ᐅᐢᑭᓈᐯᐊᐧᐣ ᑭᐟ ᐃᓯ ᐊᔮᐃᐧᑌᐣ. 26ᐁᑯᓯ ᒫᑲ ᑭ ᐸᑭᑎᓂᐠ, ᑭ ᐃᑌᐤ ᒫᑲ, ᒥᐦᑯᐃᐧ ᐅᐢᑭᓈᐯᐊᐧᐣ ᑭᐟ ᐃᓯ ᐊᔮᐃᐧᑎᐣ, ᓴᕒᑲᒼᓴᐃᓯᐃᐧᐣ ᐅᐦᒋ.
27ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᐁᕒᐊᓇ, ᓇᑕᐃᐧ ᓇᑭᐢᑲᐤ ᒧᓯᐢ ᐊᓂᑕ ᐱᑲᐧᑕᐢᑭᕽ. ᑭ ᓯᐯᐧᑌᐤ ᒫᑲ ᐁᑯᓯ ᐁ ᑭ ᓇᑭᐢᑲᐋᐧᐟ ᐊᓂᑕ ᑭᓭᒪᓂᑐᐊᐧ ᐅ ᐊᐧᒋᒥᔨᕽ ᒥᓇ ᐁ ᑭ ᐅᒋᒫᐟ. 28ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐁᕒᐊᓇ ᑲᐦᑭᔭᐤ ᐅᐟ ᐃᑌᐧᐃᐧᓂᔨᐊᐧ ᑳ ᑎᐯᔨᐦᒋᑫᔨᐟ ᑳ ᑭ ᐯ ᐃᓯᑎᓴᐦᐅᑯᐟ, ᒥᓇ ᑲᐦᑭᔭᐤ ᐊᓂᐦᐃ ᑭᐢᑭᓇᐊᐧᒋ ᐃᓯᐦᒋᑫᐃᐧᓇ ᑳ ᑭ ᐸᒥᓇᒧᐃᑯᐟ.
29ᐁᑯᓯ ᒧᓯᐢ ᒥᓇ ᐁᕒᐊᐣ ᑭ ᓇᑕᐃᐧ ᒫᒪᐃᐧ ᒫᐊᐧᒋᐦᐁᐊᐧᐠ ᑲᐦᑭᔭᐤ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 30ᐁᕒᐊᐣ ᒫᑲ ᑭ ᐃᐧᐦᑕᒼ ᑲᐦᑭᔭᐤ ᐊᓂᐦᐃ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐊᔨᑖᐟ ᒧᓯᓴ, ᒥᓇ ᐁ ᑭ ᐊᔨᑐᑕᕽ ᐊᓂᐦᐃ ᑭᐢᑯᓇᐋᐧᒋ ᐃᓯᐦᒋᑫᐃᐧᓇ ᐁ ᑲᓇᐋᐧᐸᒥᑯᐟ ᐊᔨᓯᔨᓂᐊᐧ. 31ᐊᔨᓯᔨᓂᐊᐧᐠ ᒫᑲ ᑭ ᑖᐯᐧᑕᒪᐧᐠ; ᐃᐢᐱ ᒫᑲ ᐱᔦᑕᑭᐟ ᑳ ᑎᐯᔨᐦᒋᑫᔨᐟ ᐁ ᑭ ᓇᑕᐋᐧᐯᓇᐋᐧᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐁ ᑭ ᑲᓇᐋᐧᐸᐦᑕᒫᐧᐟ ᐅ ᑯᑕᑭᑖᐃᐧᓂᔨᐤ, ᑭ ᓇᓈᒥᐢᑫᐧᔨᐊᐧᐠ ᒥᓇ ᐁ ᑭ ᐅᒋᐦᒋᐦᑲᐧᓂᒋᐠ.
Currently Selected:
ᐁᐠᓴᑕᐢ 4: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐁᐠᓴᑕᐢ 4
4
1ᒧᓯᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑌᐧᐟ, ᒫᑲ ᒫᑎᑲ ᓇᒪᐃᐧᔭ ᓂ ᑲ ᑖᐯᐧᑖᑲᐧᐠ ᐊᐦᐳ ᓇᒪᐃᐧᔭ ᓂ ᑲ ᓇᑐᐦᑖᑲᐧᐠ, ᒋᑫᒫ ᑭᑕ ᐃᑌᐧᐊᐧᐠ, ᑳ ᑎᐯᔨᐦᒋᑫᔨᐟ ᓇᒪᐃᐧᔭ ᐅᐦᒋ ᓄᑯᐦᐃᓱᐢᑖᐠ. 2ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ, ᑫᑲᐧᐩ ᐊᓂᒪ ᑳ ᑕᐦᑯᓇᒪᐣ? ᐅᒥᓯ ᒫᑲ ᑭ ᐃᑌᐤ, ᓴᐢᑲᐅᓈᑎᐠ ᐅᒪ. 3ᐅᒥᓯ ᒫᑲ ᑭ ᐃᑌᐤ, ᒧᐦᒋᕽ ᐃᓯᐁᐧᐱᓇ. ᒧᐦᒋᕽ ᒫᑲ ᑭ ᐃᓯᐁᐧᐱᓇᒼ, ᐁᑯᓯ ᒫᑲ ᑭ ᑭᓀᐱᑯᐊᐧᐣ; ᒧᓯᐢ ᒫᑲ ᑭ ᑕᐸᓯᑖᐤ. 4ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐅᑎᐦᑎᓇ, ᒥᓇ ᓴᑳᔪᐁᐧᓇ; ᑭ ᐃᓯᓂᐢᑫᔨᐤ ᒫᑲ ᒥᓇ ᑭ ᐅᑎᐦᑎᓇᒼ, ᐁᑯᓯ ᒥᓇ ᓴᐢᑲᐅᓈᑎᐠ ᑭ ᐃᓯ ᐊᔮᔨᐤ ᐁ ᒥᒋᒥᓇᕽ. 5ᑭᑕ ᑖᐯᐧᑕᐦᑭᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᔨᐊᐧ ᐅᑖᐃᐧᐋᐧᐊᐧ, ᐅ ᑭᓭᒪᓂᑐᒪ ᐁᑊᕒᐁᐋᒼ, ᐅ ᑭᓭᒪᓂᑐᒪ ᐋᐃᓴᐠ, ᐅ ᑭᓭᒪᓂᑐᒪ ᒉᑲᑊ, ᐁ ᑭ ᓄᑯᐦᐃᓱᐢᑖᐢᐠ.
6ᑳ ᑎᐯᔨᐦᒋᑫᔨᐟ ᒫᑲ ᐊᐊᐧᓯᒣ ᑭ ᐊᑎ ᐃᑎᐠ, ᐱᐦᑐᒧ ᐁᑲᐧ ᑭᒋᐦᒋ, ᑭ ᐱᐦᑐᒧ ᒫᑲ ᐅᒋᐦᒋ; ᐃᐢᐱ ᒫᑲ ᐁ ᒧᐢᑭᓇᕽ ᐳᑎ ᐊᓂᒪ ᐅᒋᐦᒋ ᑭ ᒪᒑᐢᐱᓀᐊᐧᓂᔨᐤ ᐁ ᐋᐧᐱᐢᑳᔨᐟ ᑖᐱᐢᑯᐨ ᑯᓇ. 7ᐅᒥᓯ ᒫᑲ ᑭ ᐃᑌᐧᐤ, ᐱᐦᑐᒧ ᒥᓇ ᑭᒋᐦᒋ, ᐁᑯᓯ ᑭ ᐱᐦᑐᒧ ᒥᓇ ᐅᒋᐦᒋ, ᐁᑯᓯ ᐃᐢᐱ ᐁ ᒧᐢᑭᓇᕽ ᐳᑎ ᒥᓇ ᑭ ᑫᐧᐢᑭᓈᑲᐧᓂᔨᐤ ᑖᐱᐢᑯᐨ ᑯᑕᐠ ᐅ ᐃᐧᔭᐢ. 8ᑭᑕ ᐃᐦᑭᐣ ᒫᑲ, ᑭᐢᐱᐣ ᐁᑳ ᑖᐯᐧᑖᐢᑳᐧᐃᐧ ᐊᐦᐳ ᐁᑳ ᐃᐧ ᓇᑐᐦᑕᑳᐧᐃᐧ ᐁᑎᑖᑲᐧᕽ ᐊᓂᒪ ᓂᐢᑕᒼ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᐣ, ᑭᑕ ᑖᐯᐧᑕᒪᐧᐠ ᐁᑎᑖᑲᐧᕽ ᐊᓂᒪ ᐃᐢᑳᐧᔮᐨ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᐣ. 9ᑭᑕ ᐃᐦᑭᐣ ᒫᑲ ᑭᐢᐱᐣ ᐁᑳ ᐃᐧ ᑖᐯᐧᑕᑳᐧᐃᐧ ᐅᐦᐃ ᓂᓱ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ ᐊᐦᐳ ᐁᑳ ᐃᐧ ᓇᑐᐦᑕᑳᐧᐃᐧ ᑭᐟ ᐃᑌᐧᐃᐧᐣ, ᑭ ᑳ ᐅᑎᓀᐣ ᓂᐱ ᓯᐱᕽ ᐅᐦᒋ, ᐁᑯᓯ ᑭ ᑲ ᓯᑭᓀᐣ ᐸᐦᑲᐧᒑᕽ, ᐊᓂᒪ ᒫᑲ ᓂᐱ ᓯᐱᕽ ᑳ ᐅᐦᒋ ᐅᑎᓇᒪᐣ ᒥᐦᑯ ᑭᑕ ᐃᓯ ᐊᔮᐤ ᐊᓂᑕ ᐸᐦᑲᐧᒑᕽ.
10ᒧᓯᐢ ᒫᑲ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᑌᐯᔨᐦᒋᑫᔮᐣ, ᓇᒪᐃᐧᔭ ᓂ ᑲᑫᑖᐋᐧᐣ, ᓇᒪᐃᐧᔭ ᑲᔭᐦᑌ ᐅᐦᒋ, ᓇᒪᐃᐧᔭ ᒥᓇ ᐊᐢᐱᐣ ᑳ ᑭ ᐊᔭᒥᐦᐋᐟ ᑭᐟ ᐊᑐᐢᑫᔮᑲᐣ; ᒫᑲ ᓂ ᐯᑭᑳᑖᐧᐣ, ᒥᓇ ᓂ ᐯᑭᑳᒋ ᐱᑭᐢᑳᐧᐣ. 11ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐧᐤ, ᐊᐁᐧᓇ ᑳ ᑭ ᐅᓯᐦᑖᐋᐧᐟ ᐊᔨᓯᔨᓂᐊᐧ ᐅᑌᔭᓂᔨᐊᐧ? ᐊᐦᐳ ᐊᐁᐧᓇ ᑳ ᑭ ᐅᓯᐦᐋᐟ ᐁᑳ ᑳ ᓂᐦᑖᐁᐧᔨᐟ, ᐊᐦᐳ ᑳ ᑲᑫᐱᑌᔨᐟ, ᑳ ᓇᐦᐋᐱᔨᐟ ᐊᐦᐳ ᐁᑳ ᑳ ᐋᐧᐱᔨᐟ? ᓇᒪ ᒋ ᓂᔭ ᑳ ᑎᐯᔨᐦᒋᑫᔮᐣ? 12ᐁᑲᐧ ᒫᑲ ᓯᐯᐧᐦᑌ, ᓂ ᑲ ᐃᐧᒉᑌᐣ ᑭᑐᐣ, ᒥᓇ ᑭ ᑲ ᑭᐢᑭᓄᐦᐊᒫᑎᐣ ᑫ ᐃᑌᐧᔭᐣ. 13ᐅᒥᓯ ᒫᑲ ᑭ ᐃᑌᐧᐤ, ᑌᐯᔨᐦᒋᑫᔭᐣ, ᐃᓯᑎᓴᐦᐅᐁᐧ ᑭ ᐸᑯᓯᔨᒥᑎᐣ ᐅᒋᐦᒋᕽ ᐊᓇ ᑫ ᐃᐧ ᐃᑎᓴᐋᐧᐊᐧᑌ. 14ᑳ ᑎᐯᔨᐦᒋᑫᐟ ᒫᑲ ᑭ ᑭᓯᐢᑕᐁᐧᐤ ᒧᓯᓴ, ᐅᒥᓯ ᒫᑲ ᑭ ᐃᑌᐧᐤ, ᓇᒪ ᒋ ᐃᐦᑖᐤ ᑭᒋᐋᐧᒼ ᐁᕒᐊᐣ ᐊᓇ ᓬᐃᐸᐃᐟ? ᓂ ᑭᐢᑫᔨᑌᐣ ᓈᐢᐱᐨ ᐁ ᓂᐦᑖ ᐱᑭᐢᑫᐧᐟ, ᒥᓇ ᒫᑲ ᒫᑎᑲ, ᑭ ᐯ ᓇᑕᐃᐧ ᓇᑭᐢᑳᐠ; ᐃᐢᐱ ᒫᑲ ᐋᐧᐸᒥᐢᑭ, ᑭᑕ ᒪᒪᐦᑖᑯᓯᐤ ᐅᑌᐦᐃᕽ. 15ᐁᑯᓯ ᑭ ᑲ ᐊᔭᒥᐦᐋᐤ ᒥᓇ ᑭ ᑲ ᐊᐢᑖᐋᐧᐣ ᐃᑌᐧᐃᐧᓇ ᐅᑐᓂᕽ; ᓂ ᑲ ᐃᐧᒉᐦᑌᐣ ᒫᑲ ᑭᑐᐣ, ᒥᓇ ᐃᐧᔭ ᐅᑐᐣ. ᒥᓇ ᑭ ᑲ ᑭᐢᑭᓄᐦᐊᒫᑎᓈᐋᐧᐤ ᑫ ᐊᔨᑐᑕᒣᐠ. 16ᐁᑯᓯ ᒫᑲ ᑭ ᑲ ᐱᑭᐢᑫᐧᐢᑕᒫᐠ ᐁ ᐃᐧᐦᑕᒪᐊᐧᒋᐠ ᐊᔨᓯᔨᓂᐊᐧᐠ; ᐃᐧᔭ ᒫᑲ ᑭ ᑲ ᑖᐱᐢᑲᒫᐠ ᒥᑐᐣ, ᐁᑯᓯ ᑭᔭ ᑭ ᑲ ᑖᐱᐢᑲᒪᐋᐤ ᑭᓭᒪᓂᑐᐊᐧ. 17ᑭ ᑲ ᑕᐦᑯᓀᐣ ᒫᑲ ᐅᒪ ᓴᐢᑲᐅᐣ ᑭᒋᐦᒋᕽ, ᐁᐊᐧᑯ ᑭᑕ ᐅᐦᒋ ᒪᒫᑖᐃᐧ ᐃᓯᐦᒋᑫᔭᐣ.
18ᒧᓯᐢ ᒫᑲ ᑭ ᓇᑕᐃᐧ ᑭᐁᐧᐤ ᐃᑕ ᐁ ᐊᔮᔨᐟ ᒉᑕᕒᐅᐊᐧ ᐅᓯᓴ, ᐅᒥᓯ ᒫᑲ ᐁ ᑭ ᐃᑖᐟ, ᑭᔮᒼ ᐸᑭᑎᓂᐣ ᑭᑕ ᓯᐯᐧᑌᔮᐣ, ᑭ ᐸᑯᓯᔨᒥᑎᐣ, ᑳᐃᐧ ᑭᑕ ᓇᑕᐋᐧᐸᒪᑭᐠ ᓂᒋᐋᐧᒪᐠ ᐃᒋᑊᑎᕽ ᑳ ᐊᔮᒋᐠ, ᑭᑕ ᐋᐧᐸᒪᑭᐠ ᑭᐢᐱᐣ ᑫᔮᐱᐨ ᐯᒪᑎᓯᐋᐧᑫᐧ. ᒉᑕᕒᐅ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓯᐯᐧᐦᑌ ᐯᔭᐦᑕᑫᔨᒧᐃᐧᓂᕽ. 19ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ ᐊᓂᑕ ᒥᑎᔭᐣ ᐊᐢᑭᕽ, ᓯᐯᐧᐦᑌ, ᐃᒋᑊᑎᕽ ᐃᓯ ᑭᐁᐧ, ᒋᑫᒫ ᓵᓴᐩ ᑲᐦᑭᔭᐤ ᐳᓂ ᐱᒫᑎᓯᐊᐧᐠ ᐊᔨᓯᔨᓂᐊᐧᐠ ᑳ ᑭ ᓇᑐᓇᐦᑭᐠ ᑭ ᐱᒫᑎᓯᐃᐧᐣ. 20ᒧᓯᐢ ᒫᑲ ᑭ ᐅᑎᓀᐤ ᐃᐧᐊᐧ ᒥᓇ ᐅᐟ ᐊᐋᐧᓯᒥᓴ, ᐁ ᑭ ᑌᑕᔮᐟ ᓱᓱᒥᐢᑕᑎᒪᐧ, ᐁ ᑭ ᐃᑐᐦᑌᐟ ᒫᑲ ᐃᒋᑊᐟ ᐊᐢᑭᕽ; ᒧᓯᐢ ᒫᑲ ᑭ ᑕᐦᑯᓇᒼ ᑭᓭᒪᓂᑐᐊᐧ ᐅ ᓴᐢᑲᐅᓈᑎᑯᔨᐤ ᐅᒋᐦᒋᕽ. 21ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐃᐢᐱ ᐃᒋᑊᑎᕽ ᐃᓯ ᑭᐁᐧᔭᓂ, ᒣᔮᑲᐧᒼ ᑭᑕ ᑐᑕᒪᐣ ᑲᐦᑭᔭᐤ ᐅᐦᐃ ᒪᒫᑖᐃᐧ ᐃᓯᐦᒋᑫᐃᐧᓇ ᐁ ᐋᐧᐸᐦᑕᕽ ᐯᕒᐅ ᑳ ᑭ ᐊᐢᑖᔮᐣ ᑭᒋᐦᒋᕽ. ᒫᑲ ᓂ ᑲ ᒪᐢᑲᐃᐧᑌᐦᐁᐋᐤ ᐁᑳ ᑭᑕ ᐸᑭᑎᓈᐟ ᐊᔨᓯᔨᓂᐊᐧ. 22ᐁᑯᓯ ᒫᑲ ᑭ ᑲ ᐃᑖᐤ ᐯᕒᐅ, ᐅᒥᓯ ᐃᑌᐤ ᑳ ᑎᐯᔨᐦᒋᑫᐟ, ᐃᐢᕒᐁᐃᓬ ᐁᐊᐧᑯ ᓂᑯᓯᐢ, ᓂ ᓂᐢᑕᒧᓵᐣ. 23#ᐁᐠᓴᑕᐢ 12:29ᐅᒥᓯ ᒫᑲ ᑭ ᑭ ᐃᑎᑎᐣ, ᐸᑭᑎᐣ ᓂᑯᓯᐢ ᑭᑕ ᐊᑐᐢᑲᐃᐧᐟ, ᐁᑯᓯ ᑭ ᑭ ᐋᓀᐧᑌᐣ ᑭᑕ ᐸᑭᑎᓇᐟ, ᒫᑎᑲ ᓂ ᑲ ᓂᐸᐦᐋᐤ ᑭᑯᓯᐢ ᑭ ᓂᐢᑕᒧᓵᐣ.
24ᑭ ᐊᔨᑭᐣ ᒫᑲ ᐁ ᐊᑎ ᐱᒧᐦᑌᐅᒋᐠ ᐊᓂᑕ ᒫᓂᑌᐃᐧᑲᒥᑯᕽ ᑳ ᑎᐯᔨᐦᒋᑫᔨᐟ ᑭ ᓇᑭᐢᑳᐠ ᒥᓇ ᑭ ᐃᐧ ᓂᐸᐦᐃᐠ. 25ᐁᑲᐧ ᓯᐹᕒᐊ ᑭ ᐅᑌᓀᐤ ᒐᐦᑭᓭᐃᑲᓇᓯᓂᔭ, ᐁᑯᓯ ᐁ ᑭ ᑭᐢᑭᓱᒫᐟ ᐅ ᓂᐢᑕᒪᓴᑳᓂᔨᐊᐧ ᐅᑯᓯᓴ, ᒥᓇ ᐁ ᑭ ᐃᓯᐁᐧᐱᓂᒫᐟ ᐅᓯᑎᔨᕽ ᐁ ᐃᑌᐧᐟ, ᑫᐦᒋᓈ ᒥᐦᑯᐃᐧ ᐅᐢᑭᓈᐯᐊᐧᐣ ᑭᐟ ᐃᓯ ᐊᔮᐃᐧᑌᐣ. 26ᐁᑯᓯ ᒫᑲ ᑭ ᐸᑭᑎᓂᐠ, ᑭ ᐃᑌᐤ ᒫᑲ, ᒥᐦᑯᐃᐧ ᐅᐢᑭᓈᐯᐊᐧᐣ ᑭᐟ ᐃᓯ ᐊᔮᐃᐧᑎᐣ, ᓴᕒᑲᒼᓴᐃᓯᐃᐧᐣ ᐅᐦᒋ.
27ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᐁᕒᐊᓇ, ᓇᑕᐃᐧ ᓇᑭᐢᑲᐤ ᒧᓯᐢ ᐊᓂᑕ ᐱᑲᐧᑕᐢᑭᕽ. ᑭ ᓯᐯᐧᑌᐤ ᒫᑲ ᐁᑯᓯ ᐁ ᑭ ᓇᑭᐢᑲᐋᐧᐟ ᐊᓂᑕ ᑭᓭᒪᓂᑐᐊᐧ ᐅ ᐊᐧᒋᒥᔨᕽ ᒥᓇ ᐁ ᑭ ᐅᒋᒫᐟ. 28ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐁᕒᐊᓇ ᑲᐦᑭᔭᐤ ᐅᐟ ᐃᑌᐧᐃᐧᓂᔨᐊᐧ ᑳ ᑎᐯᔨᐦᒋᑫᔨᐟ ᑳ ᑭ ᐯ ᐃᓯᑎᓴᐦᐅᑯᐟ, ᒥᓇ ᑲᐦᑭᔭᐤ ᐊᓂᐦᐃ ᑭᐢᑭᓇᐊᐧᒋ ᐃᓯᐦᒋᑫᐃᐧᓇ ᑳ ᑭ ᐸᒥᓇᒧᐃᑯᐟ.
29ᐁᑯᓯ ᒧᓯᐢ ᒥᓇ ᐁᕒᐊᐣ ᑭ ᓇᑕᐃᐧ ᒫᒪᐃᐧ ᒫᐊᐧᒋᐦᐁᐊᐧᐠ ᑲᐦᑭᔭᐤ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 30ᐁᕒᐊᐣ ᒫᑲ ᑭ ᐃᐧᐦᑕᒼ ᑲᐦᑭᔭᐤ ᐊᓂᐦᐃ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐊᔨᑖᐟ ᒧᓯᓴ, ᒥᓇ ᐁ ᑭ ᐊᔨᑐᑕᕽ ᐊᓂᐦᐃ ᑭᐢᑯᓇᐋᐧᒋ ᐃᓯᐦᒋᑫᐃᐧᓇ ᐁ ᑲᓇᐋᐧᐸᒥᑯᐟ ᐊᔨᓯᔨᓂᐊᐧ. 31ᐊᔨᓯᔨᓂᐊᐧᐠ ᒫᑲ ᑭ ᑖᐯᐧᑕᒪᐧᐠ; ᐃᐢᐱ ᒫᑲ ᐱᔦᑕᑭᐟ ᑳ ᑎᐯᔨᐦᒋᑫᔨᐟ ᐁ ᑭ ᓇᑕᐋᐧᐯᓇᐋᐧᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐁ ᑭ ᑲᓇᐋᐧᐸᐦᑕᒫᐧᐟ ᐅ ᑯᑕᑭᑖᐃᐧᓂᔨᐤ, ᑭ ᓇᓈᒥᐢᑫᐧᔨᐊᐧᐠ ᒥᓇ ᐁ ᑭ ᐅᒋᐦᒋᐦᑲᐧᓂᒋᐠ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.