ᐁᐠᓴᑕᐢ 30
30
1ᑭ ᑲ ᐅᓯᐦᑖᐣ ᒫᑲ ᐸᑭᑎᓈᓱᐃᐧᓈᐱᐢᐠ ᐃᑕ ᑭᑕ ᑭᓯᓴᒥᕽ ᐃᐧᑭᒫᓯᑲᐣ; ᐊᑫᓯᔭ ᑐᐋᐧᑎᐠ ᑭ ᑲ ᐋᐸᒋᐋᐤ. 2ᐯᔭᐠ ᑯᐱᐟ ᑭᑕ ᐃᐢᑳᐧᐤ, ᒥᓇ ᐯᔭᐠ ᑯᐱᐟ ᑭᑕ ᐃᐢᐱᑕᔭᑲᐢᑳᐤ; ᑭᑕ ᓀᐅᑭᐦᑫᔮᐤ; ᐁᑯᓯ ᓂᓱ ᑯᐱᐟ ᑭᑕ ᐃᐢᐱᒋ ᐃᐢᐹᐤ; ᑭᑕ ᒫᒪᐊᐧᐣ ᑭᑭ ᐁ ᐅᐟ ᐁᐢᑲᓂᐊᐧᕽ. 3ᒣᒧᐦᒋ ᐅᓵᐃᐧᓱᓂᔮᐤ ᒫᑲ ᑭ ᑲ ᐁᐧᐁᐧᑲᒧᐋᐤ ᑕᐦᑯᐨ ᒥᓇ ᐋᔨᑕᐤ ᒥᓯᐁᐧ ᐋᐧᐢᑳ. 4ᓂᓱ ᒫᑲ ᐅᓵᐃᐧᓱᓂᔮᐤ ᐊᔭᐹᐱᐢᑲᐧ ᑭ ᑲ ᐅᓯᐦᑖᐣ ᓯᐹ ᑳ ᑳᓯᐢᐳ ᐊᐧᐁᐧᓯᒋᑳᑌᐠ ᓂᓴᐧᔭᐠ ᐅᐦᐱᒣ ᐋᔨᑕᐤ ᑭ ᑲ ᐊᐢᑖᐣ ᑭᑕ ᑕᐋᐧᐤ ᒫᑲ ᐃᑕ ᑭᑕ ᐊᐢᑌᑭ ᐊᐸᓱᔭ ᑭᑕ ᐅᐦᒋ ᐱᒥᐃᐧᑖᕽ, 5ᑭ ᑲ ᐅᓯᐦᑖᐣ ᒫᑲ ᐊᐸᓱᔭ ᐊᑫᓯᔭ ᑐᐋᐧᑎᐠ ᐅᐦᒋ ᐁᑯᓯ ᐅᓵᐃᐧᓱᓂᔮᐤ ᑭ ᑲ ᐁᐧᐁᐧᑲᒧᒋᑳᑳᐣ. 6ᐁᑯᓯ ᑭ ᑲ ᐊᐢᑖᐣ ᐅᑎᐢᑲᐤ ᐋᑯᔦᑲᐦᐃᑲᓂᕽ ᐊᓂᒪ ᒋᑭ ᑳ ᐊᔮᐠ ᑭᐢᑫᔨᑕᒧᐦᐃᐁᐧᐃᐧᓂᐊᐧᑎᕽ ᑎᐱᐢᑯᐨ ᑭᓭᐋᐧᑎᓯᐃᐧᓂᐊᐱᐃᐧᐣ ᑳ ᑌᑕᐢᑌᐠ ᑭᐢᑫᔨᑕᒧᐦᐃᐁᐧᐃᐧᓂᕽ ᐃᑕ ᑫ ᓇᑭᐢᑳᑖᐣ. 7ᐁᕒᐊᐣ ᒫᑲ ᐁᑯᑕ ᑭᑕ ᑭᓯᓴᒼ ᐃᐧᑭᒫᓯᑲᐣ ᓯᐃᐧᒪᐢᑭᑭᔭ ᑕᐦᑐ ᑫᑭᓭᐹᔮᐤ ᐃᐢᐱ ᐁ ᓈᓇᐹᒋᐦᑖᐟ ᐋᐧᐢᑌᓇᒫᑲᓇ, ᐁᑯᑕ ᑕᐦᑯᐨ ᑭᑕ ᒣᐢᑎᑲᓴᒼ. 8ᐃᐢᐱ ᒫᑲ ᐁᕒᐊᐣ ᓭᐢᑲᐊᑭ ᐋᐧᐢᑌᓇᒫᑲᓇ ᐁᐧᑖᑯᓯᓂᔨᑭ, ᑖᐦᑯᐨ ᐁᑯᑕ ᑭᑕ ᓴᐢᑲᐊᒼ ᐃᐧᑭᒫᓯᑲᐣ, ᐊᓂᒪ ᑳᑭᑫ ᐃᐧᑭᒫᓯᑲᐣ ᑭᑕ ᐅᑎᐢᑲᐃᐧᐢᑳᑯᐨ ᑳ ᑎᐯᔨᐦᒋᑫᐟ ᐃᔨᑯᕽ ᑫ ᐊᑎ ᐋᔮᓂᐢᑭ ᐱᒫᑎᓯᔦᐠ. 9ᓇᒪᐃᐧᔭ ᐱᑐᓯ ᐃᐧᑭᒫᓯᑲᐣ ᑭ ᑲ ᓴᐢᑲᐁᓈᐋᐧᐤ ᐁᑯᑕ; ᐊᐦᐳ ᓇᒪᐃᐧᔭ ᑭ ᑲ ᐸᑭᑎᓀᓈᐋᐧᐤ ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᐦᑫᐧᓯᑲᓂ ᐸᑭᑎᓇᓱᐃᐧᐣ; ᐊᐦᐳ ᓇᒪᐃᐧᔭ ᑭ ᑲ ᓯᑭᓀᓈᐋᐧᐤ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ ᐁᑯᑕ. 10ᐁᕒᐊᐣ ᒫᑲ ᑭᑕ ᐅᓯᐦᑖᐤ ᑎᐸᐦᐃᑫᐢᑕᒫᑫᐃᐧᐣ ᐊᓂᑕ ᐁ ᐅᐟ ᐁᐢᑲᓂᐊᐧᓂᔨᐠ ᐯᔭᑳᐧᐤ ᑕᐦᑐ ᐊᐢᑭ ᐁ ᐋᐸᒋᐦᑖᐟ ᐊᓂᒪ ᒥᐦᑯ ᒪᒑᔨᐃᐧᓂ ᐸᑭᑎᓈᓱᐃᐧᐣ ᑳ ᐅᓯᐦᑖᕽ ᐯᔭᑳᐧᐤ ᑕᐦᑐ ᐊᐢᑭ ᑫ ᐋᔮᓂᐢᑫᐱᒫᑎᓯᔦᐠ; ᐊᔨᐋᐧᐠ ᑲᓈᑕᐣ ᑳ ᑎᐯᔨᐦᒋᑫᐟ ᐃᓯ.
11ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ. 12ᐃᐢᐱ ᐁᐧᑎᓇᒪᓂ ᐊᓂᒪ ᐁ ᐃᐦᑕᓯᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑳ ᐃᐦᑕᓯᐟ ᐊᔨᓯᔨᓂᐤ ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ, ᑫ ᑎᐸᐦᐃᑫᐢᑕᒫᑯᐟ ᐅᐟ ᐊᐦᒑᐦᑲᐧ ᐃᐢᐱ ᐁᑭᒪᑖᐧᐃᐧ; ᐁᑳ ᓈᐣᑕᐤ ᑭᑕ ᐃᑖᐢᐱᓀᒋᐠ ᐃᐢᐱ ᐁᑭᒪᑖᐧᐃᐧ. 13#ᐁᐠᓴᑕᐢ 38:25,26; ᒫᐟᔪ 17:24ᐁᐊᐧᑯ ᐅᒪ ᑫ ᒣᑭᒋᐠ, ᑕᐦᑐ ᐊᐃᐧᔭᐠ ᑳ ᐊᑎ ᑕᑯᐟ ᐊᓂᐦᐃ ᑳ ᐊᑭᒥᒥᐦᐟ, ᐋᐱᑕᐤ ᓭᑭᓬ ᑳ ᐃᑕᑭᒋᑳᑌᐠ ᑲᓈᒋᑲᒥᑯᕽ; (ᐯᔭᐠ ᓭᑭᓬ ᐁᐊᐧᑳᐧᓂᒪ ᓂᓯᑕᓇᐤ ᑭᕒᐊᐊᐧ); ᐋᐱᑕᐤ ᓭᑭᓬ ᑭᑕ ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ. 14ᑕᐦᑐ ᐊᐃᐧᔭᐠ ᑳ ᐊᑎ ᑕᑯᐟ ᐊᓂᐦᐃ ᑳ ᐊᑭᒥᒥᐦᐟ, ᓂᓯᑕᓇᐤ ᐁ ᑕᐦᑐᐱᐳᓀᐧᐟ ᒥᓇ ᐊᐊᐧᓯᒣ, ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ. 15ᑳ ᐁᐧᔪᑎᓯᒋᐠ ᓇᒪᐃᐧᔭ ᐊᐊᐧᓯᒣ ᑭᑕ ᒣᑭᐊᐧᐠ, ᒥᓇ ᑳ ᑭᑎᒫᑭᓯᒋᐠ ᓇᒪᐃᐧᔭ ᓄᐦᑕᐤ ᐃᔨᑭᕽ ᑭᑕ ᒣᑭᐊᐧᐠ, ᐃᔨᑯᕽ ᐋᐱᑕᐤ ᓭᑭᓬ, ᐃᐢᐱ ᒥᔮᑖᐧᐃᐧ ᐸᑭᑎᓈᓱᐃᐧᐣ ᑳ ᑎᐯᔨᐦᒋᑫᔨᐟ, ᑭᑕ ᑎᐸᐦᐃᑫᐢᑕᒪᐋᐧᔦᑯᐠ ᑭᐟ ᐊᐦᒑᐦᑯᐋᐧᐊᐧᐠ. 16ᑭ ᑲ ᐅᑎᓂᒫᐊᐧ ᒫᑲ ᐅ ᑎᐸᐦᐃᑫᐃᐧ ᓱᓂᔮᒥᐋᐧᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁᑯᓯ ᒫᑲ ᑭ ᑲ ᐅᔭᑭᒫᐤ ᑭᑕ ᐋᐸᒋᐦᐃᐦᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᑭᑕ ᒪᓂ ᑭᐢᑭᓯᑐᑖᐦᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᓯ ᑲᓇᐋᐧᐸᐦᑕᕽ ᑳ ᑎᐯᔨᐦᒋᑫᐟ, ᑭᑕ ᑎᐸᐦᐃᑫᐢᑕᒪᐋᐧᔦᑯᐠ ᑭᐟ ᐊᒑᐦᑲᐋᐧᐊᐧᐠ.
17ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑖᐟ ᒥᓇ, 18#ᐁᐠᓴᑕᐢ 38:8ᑭ ᑲ ᐅᓯᐦᑖᐣ ᑳᓯᑫᐧᐃᐧᔮᑲᐣ ᐅᓵᐋᐧᐱᐢᐠ ᐅᐦᒋ, ᒥᓇ ᐅᓵᐋᐧᐱᐢᐠ ᑭ ᑲ ᐅᐦᒋ ᐅᐢᑳᑎᑲᑌᐣ, ᐃᑕ ᑭᑕ ᑭᒋᐢᑖᐹᐊᐧᔪᕽ; ᑕᐢᑖᐋᐧᔨᕽ ᒫᑲ ᑭ ᑲ ᐊᐢᑖᐣ ᐃᑕ ᐁ ᐊᔮᐠ ᒫᐊᐧᒋᐦᐃᑐᐃᐧ ᒥᑭᐋᐧᑊ ᒥᓇ ᐸᑭᑎᓈᓱᐃᐧᓈᐱᐢᐠ, ᓂᐱ ᒫᑲ ᐁᑯᑕ ᑭ ᑲ ᐊᓯᐊᐧᑖᐣ. 19ᒋᑫᒫ ᐁᕒᐊᐣ ᒥᓇ ᐅᑯᓯᓴ ᑭᑕ ᑭᓯᐯᑭᓇᒪᐧᐠ ᐅᒋᐦᒋᐋᐧᐊᐧ ᒥᓇ ᐅᓯᑎᐋᐧᐊᐧ ᐁᑯᑕ. 20ᐃᐢᐱ ᐁᑐᐦᑌᑖᐧᐃᐧ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᑭᑕ ᑭᒋᐢᑖᐹᐊᐧᔪᐊᐧᐠ ᓂᐱ ᐅᐦᒋ, ᐁᑳ ᑭᑕ ᓂᐱᒋᐠ; ᐊᐦᐳ ᐃᐢᐱ ᑭᓯᐋᐧᐠ ᐸᑭᑎᓈᓱᐃᐧᓈᐱᐢᑯᕽ ᐁᑐᐦᑌᑖᐧᐃᐧ ᑭᑕ ᐊᑐᐢᑳᑕᐦᑭᐠ, ᑭᑕ ᒣᐢᑎᑲᓴᑫᐟ ᐸᑭᑎᓈᓱᐃᐧᐣ ᐃᐢᑯᑌᕽ ᑳ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ. 21ᐁᑯᓯ ᒫᑲ ᑭᑕ ᑭᓯᐯᑭᓇᒪᐧᐠ ᐅᒋᐦᒋᐋᐧᐊᐧ ᒥᓇ ᐅᓯᑎᐋᐧᐊᐧ, ᐁᑳ ᑭᑕ ᓂᐱᒋᐠ; ᐁᑯᓯ ᐁᐊᐧᑯ ᑲᑫᐢᑫᐧᐃᐧᐣ ᑳᑭᑫ ᑭᑕ ᐱᒥᑎᓴᐦᐊᒪᐧᐠ ᐃᐧᔭ ᒥᓇ ᐅᐟ ᐊᐋᐧᓯᒥᓴ ᐃᔨᑯᕽ ᑫ ᐊᑎ ᐋᔮᓂᐢᑫ ᐱᒫᑎᓯᒋᐠ.
22 #
ᐁᐠᓴᑕᐢ 37:29
ᒥᓇ ᒫᑲ ᑳ ᑎᐯᔨᐦᒋᑫᐟ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ, 23ᐅᑎᓇ ᒥᓇ ᓇᐊᐧᓱ ᑳ ᐃᐧᑭᒫᑲᐧᑭ, ᑳ ᒧᓵᑲᒥᐠ ᒪᕒ ᒥᑖᑕᐦᐟ ᓂᑯᑖᐧᓱᓵᑊ ᑕᐦᑐ ᑯᓯᑲᐧᐣ, ᒥᓇ ᑳ ᐃᐧᑭᒫᑲᐧᕽ ᓯᓂᒪᐣ ᐋᐱᑕᐤ ᐃᔨᑯᕽ, ᐁᐊᐧᑯ ᐊᔨᓈᓀᐤ ᑯᓯᑲᐧᐣ, ᒥᓇ ᐁ ᐃᐧᑭᒫᑲᐧᕽ ᑳᓬᐊᒪᐢ ᐊᔨᓈᓀᐤ ᑯᓯᑲᐧᐣ, 24ᒥᓇ ᑳᓯᔭ ᒥᑖᑕᐦᐟ ᓂᑯᑖᐧᓱᓵᑊ ᑯᓯᑲᐧᐣ ᐃᔨᑯᕽ, ᑳ ᐃᑕᑭᐦᒋᑫᕽ ᑲᓈᒋᑲᒥᑯᕽ, ᒥᓇ ᐋᓬᐃᑊ ᐱᒥ ᓂᔮᓇᐣ ᑭᐦᒋᒥᓂᑳᐧᑲᐣ. 25ᐁᑯᓯ ᒫᑲ ᑭ ᑲ ᐅᓯᐦᑖᐣ ᑭᑕ ᑲᓈᑕᕽ ᑐᒥᓂᑲᐣ ᐃᐧᑭᒫᑯᐅᐃᐧᐣ ᑭᑕ ᐅᓯᐦᒋᑳᑌᐠ ᑳ ᐃᓯ ᓇᑲᒋᐦᑖᐟ ᐅᐃᐧᑭᒫᑯᐅᐃᐧᓂᑫᐤ; ᑭᑕ ᑲᓈᑕᐣ ᑐᒥᓂᑲᓂ ᐱᒥ. 26ᐁᐊᐧᑯ ᒫᑲ ᑭ ᑲ ᐅᐦᒋ ᑐᒥᓀᐣ ᒫᐊᐧᒋᐦᐃᑐᐃᐧ ᒥᑭᐋᐧᑊ ᒥᓇ ᑭᐢᑫᔨᑕᒧᐦᐃᐁᐧᐃᐧᓂᐊᐧᐟ. 27ᒥᓇ ᒥᒋᓱᐃᐧᓈᑎᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᐋᐧᓴᐢᑯᑌᓂᑲᓈᑎᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᐋᐧᓴᐢᑯᑌᓂᑲᓈᑎᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ ᐁᑯᑕ, ᒥᓇ ᐃᐧᑭᒫᓯᑲᓂ ᐸᑭᑎᓈᓱᐃᐧᓈᐱᐢᐠ. 28ᒥᓇ ᐸᑭᑎᓈᓱᐃᐧᓈᐱᐢᐠ ᐃᑕ ᒪᒍᐢᑌᐦᐊᒫᑫᐃᐧᓇ ᑳ ᐸᑭᑎᓂᑳᑌᑭ ᐊᓯᒋ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᑳᓯᑫᐧᐃᐧᔮᑲᐣ ᒥᓇ ᐁᓯ ᐅᓯᑎᐊᐧᕽ. 29ᑭ ᑲ ᑲᓈᒋᐦᑖᐣ ᒫᑲ ᐊᔨᐋᐧᐠ ᑭᑕ ᑲᓈᑕᕽ; ᑕᐦᑐ ᑫᑲᐧᐩ ᑫ ᓵᒥᑎᕽ ᑭᑕ ᑲᓈᑕᐣ. 30ᑭ ᑲ ᑐᒥᓈᐤ ᒫᑲ ᐁᕒᐊᐣ ᒥᓇ ᐅᑯᓯᓴ, ᒥᓇ ᑭ ᑲ ᑲᓈᒋᐦᐋᐊᐧᐠ, ᑭᑕ ᐊᑐᐢᑲᐃᐧᒋᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᓂᕽ. 31ᑭ ᑲ ᐊᔭᒥᐦᐋᐊᐧᐠ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐃᑕᒋᐠ, ᐁᐊᐧᑯ ᐅᒪ ᑐᒥᓂᑲᐣ ᑫ ᑲᓈᒋᑕᒪᐃᐧᔦᐠ ᐃᔨᑯᕽ ᑫ ᐋᔮᓂᐢᑫᐱᒪᑎᓯᔦᐠ. 32ᐊᔨᓯᔨᓂᐤ ᐅ ᐃᐧᔮᓯᕽ ᓇᒪᐃᐧᔭ ᑭᑕ ᓯᑭᓂᑳᑌᐤ; ᐊᐦᐳ ᓇᒪᐃᐧᔭ ᑯᑕᐠ ᐁᑯᑐᐊᐧ ᑭ ᑲ ᐅᓯᐦᑖᓈᐋᐧᐤ, ᐁᑯᓯ ᑭᑕ ᐃᓯ ᑭᔨᑲᐃᐧᓂᑳᑌᐠ; ᑲᓈᑕᐣ, ᑭ ᑲ ᑲᓈᑌᔨᑌᓈᐋᐧᐤ ᒫᑲ. 33ᐊᐃᐧᔭᐠ ᑫ ᐅᓯᐦᑖᑫᐧ ᐁᑯᓯ ᐁ ᐃᓯᓈᑲᐧᓂᔨᐠ, ᐊᐦᐳ ᐊᐃᐧᔭᐠ ᑫ ᑐᒥᓈᑫᐧ ᒫᓂᑌᐊᐧ ᐁᐊᐧᑫᐧᔨᐤ ᐅᐦᒋ ᑭᑕ ᒪᓂᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ.
34ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐅᑎᓇ ᑳ ᐃᐧᑭᒫᑲᐧᑭ ᐢᑖᐠᑎ, ᒥᓇ ᐅᓂᑲ, ᒥᓇ ᑳᓬᐯᓇᒼ; ᐅᐦᐃ ᑳ ᐃᐧᑭᒫᑲᐧᑭ, ᐊᓯᒋ ᑳ ᐯᑲᕽ ᑳ ᐃᐧᑭᒫᑲᐧᕽ ᒪᐢᑭᑭ; ᑖᐦᑖᐱᐢᑯᐨ ᐃᔨᑯᕽ. 35ᐃᐧᑭᒫᓯᑲᐣ ᒫᑲ ᑭ ᑲ ᐅᓯᐦᑖᐣ ᑖᐱᐢᑯᐨ ᑳ ᐃᓯ ᓇᑲᒋᐦᑖᐟ ᐅᐃᐧᑭᒫᑯᐅᐃᐧᓂᑫᐤ, ᓯᐃᐧᑖᑲᐣ ᐁ ᐊᓯᑎᓂᑳᑌᐠ, ᑭᑕ ᐯᑲᕽ ᒥᓇ ᑭᑕ ᑲᓈᑕᕽ. 36ᐸᐦᑭ ᒫᑲ ᓈᐢᐱᐨ ᑭ ᑲ ᐱᓴᑕᐁᐣ, ᐁᑯᓯ ᑭᑕᐊᐢᑖᔭᐣ ᐅᐦᑎᐢᑲᐤ ᐊᓂᒪ ᑭᐢᑫᔨᑕᒧᐦᐃᐁᐧᐃᐧᐣ ᒫᐊᐧᒋᐃᑐᐃᐧ ᒥᑭᐋᐧᐱᕽ ᐃᑕ ᑫ ᓇᑭᐢᑳᑖᐣ; ᓈᐢᐱᐨ ᑭ ᑲ ᑲᓈᑌᔨᑌᓈᐋᐧᐤ. 37ᐊᓂᒪ ᒫᑲ ᐃᐧᑭᒫᓯᑲᐣ ᑫ ᐅᓯᐦᑖᔭᐣ ᓇᒫᐃᐧᔭ ᑭ ᑲ ᐅᓯᐦᑕᒫᓱᓈᐋᐧᐤ ᐁᑯᑐᐊᐧ ᑭᔭᐋᐧᐤ ᑭᑕ ᐋᐸᒋᐦᑖᔦᐠ, ᑭ ᑲ ᑲᓈᑌᔨᑌᐣ ᑳ ᑎᐯᔨᐦᒋᑫᐟ ᐅᐦᒋ. 38ᐊᐃᐧᔭᐠ ᑫ ᐅᓯᐦᑖᑫᐧ ᐁᑯᓯ ᑭᑕ ᐃᓯᒫᑲᐧᓂᔨᐠ ᑭᑕ ᒪᓂᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ.
Currently Selected:
ᐁᐠᓴᑕᐢ 30: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐁᐠᓴᑕᐢ 30
30
1ᑭ ᑲ ᐅᓯᐦᑖᐣ ᒫᑲ ᐸᑭᑎᓈᓱᐃᐧᓈᐱᐢᐠ ᐃᑕ ᑭᑕ ᑭᓯᓴᒥᕽ ᐃᐧᑭᒫᓯᑲᐣ; ᐊᑫᓯᔭ ᑐᐋᐧᑎᐠ ᑭ ᑲ ᐋᐸᒋᐋᐤ. 2ᐯᔭᐠ ᑯᐱᐟ ᑭᑕ ᐃᐢᑳᐧᐤ, ᒥᓇ ᐯᔭᐠ ᑯᐱᐟ ᑭᑕ ᐃᐢᐱᑕᔭᑲᐢᑳᐤ; ᑭᑕ ᓀᐅᑭᐦᑫᔮᐤ; ᐁᑯᓯ ᓂᓱ ᑯᐱᐟ ᑭᑕ ᐃᐢᐱᒋ ᐃᐢᐹᐤ; ᑭᑕ ᒫᒪᐊᐧᐣ ᑭᑭ ᐁ ᐅᐟ ᐁᐢᑲᓂᐊᐧᕽ. 3ᒣᒧᐦᒋ ᐅᓵᐃᐧᓱᓂᔮᐤ ᒫᑲ ᑭ ᑲ ᐁᐧᐁᐧᑲᒧᐋᐤ ᑕᐦᑯᐨ ᒥᓇ ᐋᔨᑕᐤ ᒥᓯᐁᐧ ᐋᐧᐢᑳ. 4ᓂᓱ ᒫᑲ ᐅᓵᐃᐧᓱᓂᔮᐤ ᐊᔭᐹᐱᐢᑲᐧ ᑭ ᑲ ᐅᓯᐦᑖᐣ ᓯᐹ ᑳ ᑳᓯᐢᐳ ᐊᐧᐁᐧᓯᒋᑳᑌᐠ ᓂᓴᐧᔭᐠ ᐅᐦᐱᒣ ᐋᔨᑕᐤ ᑭ ᑲ ᐊᐢᑖᐣ ᑭᑕ ᑕᐋᐧᐤ ᒫᑲ ᐃᑕ ᑭᑕ ᐊᐢᑌᑭ ᐊᐸᓱᔭ ᑭᑕ ᐅᐦᒋ ᐱᒥᐃᐧᑖᕽ, 5ᑭ ᑲ ᐅᓯᐦᑖᐣ ᒫᑲ ᐊᐸᓱᔭ ᐊᑫᓯᔭ ᑐᐋᐧᑎᐠ ᐅᐦᒋ ᐁᑯᓯ ᐅᓵᐃᐧᓱᓂᔮᐤ ᑭ ᑲ ᐁᐧᐁᐧᑲᒧᒋᑳᑳᐣ. 6ᐁᑯᓯ ᑭ ᑲ ᐊᐢᑖᐣ ᐅᑎᐢᑲᐤ ᐋᑯᔦᑲᐦᐃᑲᓂᕽ ᐊᓂᒪ ᒋᑭ ᑳ ᐊᔮᐠ ᑭᐢᑫᔨᑕᒧᐦᐃᐁᐧᐃᐧᓂᐊᐧᑎᕽ ᑎᐱᐢᑯᐨ ᑭᓭᐋᐧᑎᓯᐃᐧᓂᐊᐱᐃᐧᐣ ᑳ ᑌᑕᐢᑌᐠ ᑭᐢᑫᔨᑕᒧᐦᐃᐁᐧᐃᐧᓂᕽ ᐃᑕ ᑫ ᓇᑭᐢᑳᑖᐣ. 7ᐁᕒᐊᐣ ᒫᑲ ᐁᑯᑕ ᑭᑕ ᑭᓯᓴᒼ ᐃᐧᑭᒫᓯᑲᐣ ᓯᐃᐧᒪᐢᑭᑭᔭ ᑕᐦᑐ ᑫᑭᓭᐹᔮᐤ ᐃᐢᐱ ᐁ ᓈᓇᐹᒋᐦᑖᐟ ᐋᐧᐢᑌᓇᒫᑲᓇ, ᐁᑯᑕ ᑕᐦᑯᐨ ᑭᑕ ᒣᐢᑎᑲᓴᒼ. 8ᐃᐢᐱ ᒫᑲ ᐁᕒᐊᐣ ᓭᐢᑲᐊᑭ ᐋᐧᐢᑌᓇᒫᑲᓇ ᐁᐧᑖᑯᓯᓂᔨᑭ, ᑖᐦᑯᐨ ᐁᑯᑕ ᑭᑕ ᓴᐢᑲᐊᒼ ᐃᐧᑭᒫᓯᑲᐣ, ᐊᓂᒪ ᑳᑭᑫ ᐃᐧᑭᒫᓯᑲᐣ ᑭᑕ ᐅᑎᐢᑲᐃᐧᐢᑳᑯᐨ ᑳ ᑎᐯᔨᐦᒋᑫᐟ ᐃᔨᑯᕽ ᑫ ᐊᑎ ᐋᔮᓂᐢᑭ ᐱᒫᑎᓯᔦᐠ. 9ᓇᒪᐃᐧᔭ ᐱᑐᓯ ᐃᐧᑭᒫᓯᑲᐣ ᑭ ᑲ ᓴᐢᑲᐁᓈᐋᐧᐤ ᐁᑯᑕ; ᐊᐦᐳ ᓇᒪᐃᐧᔭ ᑭ ᑲ ᐸᑭᑎᓀᓈᐋᐧᐤ ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᐦᑫᐧᓯᑲᓂ ᐸᑭᑎᓇᓱᐃᐧᐣ; ᐊᐦᐳ ᓇᒪᐃᐧᔭ ᑭ ᑲ ᓯᑭᓀᓈᐋᐧᐤ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ ᐁᑯᑕ. 10ᐁᕒᐊᐣ ᒫᑲ ᑭᑕ ᐅᓯᐦᑖᐤ ᑎᐸᐦᐃᑫᐢᑕᒫᑫᐃᐧᐣ ᐊᓂᑕ ᐁ ᐅᐟ ᐁᐢᑲᓂᐊᐧᓂᔨᐠ ᐯᔭᑳᐧᐤ ᑕᐦᑐ ᐊᐢᑭ ᐁ ᐋᐸᒋᐦᑖᐟ ᐊᓂᒪ ᒥᐦᑯ ᒪᒑᔨᐃᐧᓂ ᐸᑭᑎᓈᓱᐃᐧᐣ ᑳ ᐅᓯᐦᑖᕽ ᐯᔭᑳᐧᐤ ᑕᐦᑐ ᐊᐢᑭ ᑫ ᐋᔮᓂᐢᑫᐱᒫᑎᓯᔦᐠ; ᐊᔨᐋᐧᐠ ᑲᓈᑕᐣ ᑳ ᑎᐯᔨᐦᒋᑫᐟ ᐃᓯ.
11ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ. 12ᐃᐢᐱ ᐁᐧᑎᓇᒪᓂ ᐊᓂᒪ ᐁ ᐃᐦᑕᓯᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑳ ᐃᐦᑕᓯᐟ ᐊᔨᓯᔨᓂᐤ ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ, ᑫ ᑎᐸᐦᐃᑫᐢᑕᒫᑯᐟ ᐅᐟ ᐊᐦᒑᐦᑲᐧ ᐃᐢᐱ ᐁᑭᒪᑖᐧᐃᐧ; ᐁᑳ ᓈᐣᑕᐤ ᑭᑕ ᐃᑖᐢᐱᓀᒋᐠ ᐃᐢᐱ ᐁᑭᒪᑖᐧᐃᐧ. 13#ᐁᐠᓴᑕᐢ 38:25,26; ᒫᐟᔪ 17:24ᐁᐊᐧᑯ ᐅᒪ ᑫ ᒣᑭᒋᐠ, ᑕᐦᑐ ᐊᐃᐧᔭᐠ ᑳ ᐊᑎ ᑕᑯᐟ ᐊᓂᐦᐃ ᑳ ᐊᑭᒥᒥᐦᐟ, ᐋᐱᑕᐤ ᓭᑭᓬ ᑳ ᐃᑕᑭᒋᑳᑌᐠ ᑲᓈᒋᑲᒥᑯᕽ; (ᐯᔭᐠ ᓭᑭᓬ ᐁᐊᐧᑳᐧᓂᒪ ᓂᓯᑕᓇᐤ ᑭᕒᐊᐊᐧ); ᐋᐱᑕᐤ ᓭᑭᓬ ᑭᑕ ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ. 14ᑕᐦᑐ ᐊᐃᐧᔭᐠ ᑳ ᐊᑎ ᑕᑯᐟ ᐊᓂᐦᐃ ᑳ ᐊᑭᒥᒥᐦᐟ, ᓂᓯᑕᓇᐤ ᐁ ᑕᐦᑐᐱᐳᓀᐧᐟ ᒥᓇ ᐊᐊᐧᓯᒣ, ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ. 15ᑳ ᐁᐧᔪᑎᓯᒋᐠ ᓇᒪᐃᐧᔭ ᐊᐊᐧᓯᒣ ᑭᑕ ᒣᑭᐊᐧᐠ, ᒥᓇ ᑳ ᑭᑎᒫᑭᓯᒋᐠ ᓇᒪᐃᐧᔭ ᓄᐦᑕᐤ ᐃᔨᑭᕽ ᑭᑕ ᒣᑭᐊᐧᐠ, ᐃᔨᑯᕽ ᐋᐱᑕᐤ ᓭᑭᓬ, ᐃᐢᐱ ᒥᔮᑖᐧᐃᐧ ᐸᑭᑎᓈᓱᐃᐧᐣ ᑳ ᑎᐯᔨᐦᒋᑫᔨᐟ, ᑭᑕ ᑎᐸᐦᐃᑫᐢᑕᒪᐋᐧᔦᑯᐠ ᑭᐟ ᐊᐦᒑᐦᑯᐋᐧᐊᐧᐠ. 16ᑭ ᑲ ᐅᑎᓂᒫᐊᐧ ᒫᑲ ᐅ ᑎᐸᐦᐃᑫᐃᐧ ᓱᓂᔮᒥᐋᐧᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁᑯᓯ ᒫᑲ ᑭ ᑲ ᐅᔭᑭᒫᐤ ᑭᑕ ᐋᐸᒋᐦᐃᐦᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᑭᑕ ᒪᓂ ᑭᐢᑭᓯᑐᑖᐦᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᓯ ᑲᓇᐋᐧᐸᐦᑕᕽ ᑳ ᑎᐯᔨᐦᒋᑫᐟ, ᑭᑕ ᑎᐸᐦᐃᑫᐢᑕᒪᐋᐧᔦᑯᐠ ᑭᐟ ᐊᒑᐦᑲᐋᐧᐊᐧᐠ.
17ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑖᐟ ᒥᓇ, 18#ᐁᐠᓴᑕᐢ 38:8ᑭ ᑲ ᐅᓯᐦᑖᐣ ᑳᓯᑫᐧᐃᐧᔮᑲᐣ ᐅᓵᐋᐧᐱᐢᐠ ᐅᐦᒋ, ᒥᓇ ᐅᓵᐋᐧᐱᐢᐠ ᑭ ᑲ ᐅᐦᒋ ᐅᐢᑳᑎᑲᑌᐣ, ᐃᑕ ᑭᑕ ᑭᒋᐢᑖᐹᐊᐧᔪᕽ; ᑕᐢᑖᐋᐧᔨᕽ ᒫᑲ ᑭ ᑲ ᐊᐢᑖᐣ ᐃᑕ ᐁ ᐊᔮᐠ ᒫᐊᐧᒋᐦᐃᑐᐃᐧ ᒥᑭᐋᐧᑊ ᒥᓇ ᐸᑭᑎᓈᓱᐃᐧᓈᐱᐢᐠ, ᓂᐱ ᒫᑲ ᐁᑯᑕ ᑭ ᑲ ᐊᓯᐊᐧᑖᐣ. 19ᒋᑫᒫ ᐁᕒᐊᐣ ᒥᓇ ᐅᑯᓯᓴ ᑭᑕ ᑭᓯᐯᑭᓇᒪᐧᐠ ᐅᒋᐦᒋᐋᐧᐊᐧ ᒥᓇ ᐅᓯᑎᐋᐧᐊᐧ ᐁᑯᑕ. 20ᐃᐢᐱ ᐁᑐᐦᑌᑖᐧᐃᐧ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᑭᑕ ᑭᒋᐢᑖᐹᐊᐧᔪᐊᐧᐠ ᓂᐱ ᐅᐦᒋ, ᐁᑳ ᑭᑕ ᓂᐱᒋᐠ; ᐊᐦᐳ ᐃᐢᐱ ᑭᓯᐋᐧᐠ ᐸᑭᑎᓈᓱᐃᐧᓈᐱᐢᑯᕽ ᐁᑐᐦᑌᑖᐧᐃᐧ ᑭᑕ ᐊᑐᐢᑳᑕᐦᑭᐠ, ᑭᑕ ᒣᐢᑎᑲᓴᑫᐟ ᐸᑭᑎᓈᓱᐃᐧᐣ ᐃᐢᑯᑌᕽ ᑳ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ. 21ᐁᑯᓯ ᒫᑲ ᑭᑕ ᑭᓯᐯᑭᓇᒪᐧᐠ ᐅᒋᐦᒋᐋᐧᐊᐧ ᒥᓇ ᐅᓯᑎᐋᐧᐊᐧ, ᐁᑳ ᑭᑕ ᓂᐱᒋᐠ; ᐁᑯᓯ ᐁᐊᐧᑯ ᑲᑫᐢᑫᐧᐃᐧᐣ ᑳᑭᑫ ᑭᑕ ᐱᒥᑎᓴᐦᐊᒪᐧᐠ ᐃᐧᔭ ᒥᓇ ᐅᐟ ᐊᐋᐧᓯᒥᓴ ᐃᔨᑯᕽ ᑫ ᐊᑎ ᐋᔮᓂᐢᑫ ᐱᒫᑎᓯᒋᐠ.
22 #
ᐁᐠᓴᑕᐢ 37:29
ᒥᓇ ᒫᑲ ᑳ ᑎᐯᔨᐦᒋᑫᐟ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ, 23ᐅᑎᓇ ᒥᓇ ᓇᐊᐧᓱ ᑳ ᐃᐧᑭᒫᑲᐧᑭ, ᑳ ᒧᓵᑲᒥᐠ ᒪᕒ ᒥᑖᑕᐦᐟ ᓂᑯᑖᐧᓱᓵᑊ ᑕᐦᑐ ᑯᓯᑲᐧᐣ, ᒥᓇ ᑳ ᐃᐧᑭᒫᑲᐧᕽ ᓯᓂᒪᐣ ᐋᐱᑕᐤ ᐃᔨᑯᕽ, ᐁᐊᐧᑯ ᐊᔨᓈᓀᐤ ᑯᓯᑲᐧᐣ, ᒥᓇ ᐁ ᐃᐧᑭᒫᑲᐧᕽ ᑳᓬᐊᒪᐢ ᐊᔨᓈᓀᐤ ᑯᓯᑲᐧᐣ, 24ᒥᓇ ᑳᓯᔭ ᒥᑖᑕᐦᐟ ᓂᑯᑖᐧᓱᓵᑊ ᑯᓯᑲᐧᐣ ᐃᔨᑯᕽ, ᑳ ᐃᑕᑭᐦᒋᑫᕽ ᑲᓈᒋᑲᒥᑯᕽ, ᒥᓇ ᐋᓬᐃᑊ ᐱᒥ ᓂᔮᓇᐣ ᑭᐦᒋᒥᓂᑳᐧᑲᐣ. 25ᐁᑯᓯ ᒫᑲ ᑭ ᑲ ᐅᓯᐦᑖᐣ ᑭᑕ ᑲᓈᑕᕽ ᑐᒥᓂᑲᐣ ᐃᐧᑭᒫᑯᐅᐃᐧᐣ ᑭᑕ ᐅᓯᐦᒋᑳᑌᐠ ᑳ ᐃᓯ ᓇᑲᒋᐦᑖᐟ ᐅᐃᐧᑭᒫᑯᐅᐃᐧᓂᑫᐤ; ᑭᑕ ᑲᓈᑕᐣ ᑐᒥᓂᑲᓂ ᐱᒥ. 26ᐁᐊᐧᑯ ᒫᑲ ᑭ ᑲ ᐅᐦᒋ ᑐᒥᓀᐣ ᒫᐊᐧᒋᐦᐃᑐᐃᐧ ᒥᑭᐋᐧᑊ ᒥᓇ ᑭᐢᑫᔨᑕᒧᐦᐃᐁᐧᐃᐧᓂᐊᐧᐟ. 27ᒥᓇ ᒥᒋᓱᐃᐧᓈᑎᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᐋᐧᓴᐢᑯᑌᓂᑲᓈᑎᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᐋᐧᓴᐢᑯᑌᓂᑲᓈᑎᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ ᐁᑯᑕ, ᒥᓇ ᐃᐧᑭᒫᓯᑲᓂ ᐸᑭᑎᓈᓱᐃᐧᓈᐱᐢᐠ. 28ᒥᓇ ᐸᑭᑎᓈᓱᐃᐧᓈᐱᐢᐠ ᐃᑕ ᒪᒍᐢᑌᐦᐊᒫᑫᐃᐧᓇ ᑳ ᐸᑭᑎᓂᑳᑌᑭ ᐊᓯᒋ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᑳᓯᑫᐧᐃᐧᔮᑲᐣ ᒥᓇ ᐁᓯ ᐅᓯᑎᐊᐧᕽ. 29ᑭ ᑲ ᑲᓈᒋᐦᑖᐣ ᒫᑲ ᐊᔨᐋᐧᐠ ᑭᑕ ᑲᓈᑕᕽ; ᑕᐦᑐ ᑫᑲᐧᐩ ᑫ ᓵᒥᑎᕽ ᑭᑕ ᑲᓈᑕᐣ. 30ᑭ ᑲ ᑐᒥᓈᐤ ᒫᑲ ᐁᕒᐊᐣ ᒥᓇ ᐅᑯᓯᓴ, ᒥᓇ ᑭ ᑲ ᑲᓈᒋᐦᐋᐊᐧᐠ, ᑭᑕ ᐊᑐᐢᑲᐃᐧᒋᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᓂᕽ. 31ᑭ ᑲ ᐊᔭᒥᐦᐋᐊᐧᐠ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐃᑕᒋᐠ, ᐁᐊᐧᑯ ᐅᒪ ᑐᒥᓂᑲᐣ ᑫ ᑲᓈᒋᑕᒪᐃᐧᔦᐠ ᐃᔨᑯᕽ ᑫ ᐋᔮᓂᐢᑫᐱᒪᑎᓯᔦᐠ. 32ᐊᔨᓯᔨᓂᐤ ᐅ ᐃᐧᔮᓯᕽ ᓇᒪᐃᐧᔭ ᑭᑕ ᓯᑭᓂᑳᑌᐤ; ᐊᐦᐳ ᓇᒪᐃᐧᔭ ᑯᑕᐠ ᐁᑯᑐᐊᐧ ᑭ ᑲ ᐅᓯᐦᑖᓈᐋᐧᐤ, ᐁᑯᓯ ᑭᑕ ᐃᓯ ᑭᔨᑲᐃᐧᓂᑳᑌᐠ; ᑲᓈᑕᐣ, ᑭ ᑲ ᑲᓈᑌᔨᑌᓈᐋᐧᐤ ᒫᑲ. 33ᐊᐃᐧᔭᐠ ᑫ ᐅᓯᐦᑖᑫᐧ ᐁᑯᓯ ᐁ ᐃᓯᓈᑲᐧᓂᔨᐠ, ᐊᐦᐳ ᐊᐃᐧᔭᐠ ᑫ ᑐᒥᓈᑫᐧ ᒫᓂᑌᐊᐧ ᐁᐊᐧᑫᐧᔨᐤ ᐅᐦᒋ ᑭᑕ ᒪᓂᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ.
34ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐅᑎᓇ ᑳ ᐃᐧᑭᒫᑲᐧᑭ ᐢᑖᐠᑎ, ᒥᓇ ᐅᓂᑲ, ᒥᓇ ᑳᓬᐯᓇᒼ; ᐅᐦᐃ ᑳ ᐃᐧᑭᒫᑲᐧᑭ, ᐊᓯᒋ ᑳ ᐯᑲᕽ ᑳ ᐃᐧᑭᒫᑲᐧᕽ ᒪᐢᑭᑭ; ᑖᐦᑖᐱᐢᑯᐨ ᐃᔨᑯᕽ. 35ᐃᐧᑭᒫᓯᑲᐣ ᒫᑲ ᑭ ᑲ ᐅᓯᐦᑖᐣ ᑖᐱᐢᑯᐨ ᑳ ᐃᓯ ᓇᑲᒋᐦᑖᐟ ᐅᐃᐧᑭᒫᑯᐅᐃᐧᓂᑫᐤ, ᓯᐃᐧᑖᑲᐣ ᐁ ᐊᓯᑎᓂᑳᑌᐠ, ᑭᑕ ᐯᑲᕽ ᒥᓇ ᑭᑕ ᑲᓈᑕᕽ. 36ᐸᐦᑭ ᒫᑲ ᓈᐢᐱᐨ ᑭ ᑲ ᐱᓴᑕᐁᐣ, ᐁᑯᓯ ᑭᑕᐊᐢᑖᔭᐣ ᐅᐦᑎᐢᑲᐤ ᐊᓂᒪ ᑭᐢᑫᔨᑕᒧᐦᐃᐁᐧᐃᐧᐣ ᒫᐊᐧᒋᐃᑐᐃᐧ ᒥᑭᐋᐧᐱᕽ ᐃᑕ ᑫ ᓇᑭᐢᑳᑖᐣ; ᓈᐢᐱᐨ ᑭ ᑲ ᑲᓈᑌᔨᑌᓈᐋᐧᐤ. 37ᐊᓂᒪ ᒫᑲ ᐃᐧᑭᒫᓯᑲᐣ ᑫ ᐅᓯᐦᑖᔭᐣ ᓇᒫᐃᐧᔭ ᑭ ᑲ ᐅᓯᐦᑕᒫᓱᓈᐋᐧᐤ ᐁᑯᑐᐊᐧ ᑭᔭᐋᐧᐤ ᑭᑕ ᐋᐸᒋᐦᑖᔦᐠ, ᑭ ᑲ ᑲᓈᑌᔨᑌᐣ ᑳ ᑎᐯᔨᐦᒋᑫᐟ ᐅᐦᒋ. 38ᐊᐃᐧᔭᐠ ᑫ ᐅᓯᐦᑖᑫᐧ ᐁᑯᓯ ᑭᑕ ᐃᓯᒫᑲᐧᓂᔨᐠ ᑭᑕ ᒪᓂᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.