ᑖᓂᐁᓬ 2
2
1ᓂᓱ ᐊᐢᑭ ᒫᑲ ᐊᑎ ᐁ ᑭᐦᒋ ᐅᑭᒫᐃᐧᐟ ᓀᑊᔪᑳᐟᓀᓴᕒ ᐁᐊᐧᑯ ᓀᑊᔪᑳᐟᓀᓴᕒ ᑭ ᐸᐋᐧᒥᐤ ᐸᐋᐧᒥᐃᐧᓇ; ᐁᑯᓯ ᑭ ᒥᑯᐢᑳᑌᔨᑕᒼ, ᒥᓇ ᐅ ᓂᐹᐃᐧᐣ ᑭ ᓇᑲᑎᐠ. 2ᐁᑲᐧ ᑭᐦᒋ ᐅᑭᒫᐤ ᑭ ᐃᑕᓱᐁᐧᐤ ᑭᑕ ᓇᑐᒫᒋᐠ ᐅᑯᓵᐸᑕᒧᐊᐧ, ᒥᓇ ᑳ ᒪᒫᑖᐃᐧᓯᑳᓱᔨᐟ, ᒥᓇ ᒥᑌᐊᐧ, ᒥᓇ ᐊᓂᐦᐃ ᑳᓬᑎᔭᓇ, ᑭᑕ ᐃᐧᐦᑕᒪᐋᐧᒋᐠ ᑭᐦᒋ ᐅᑭᒫᐊᐧ ᐅ ᐸᐋᐧᒥᐃᐧᓂᔨᐊᐧ. ᐁᑯᓯ ᑭ ᐯ ᐱᐦᑐᑫᐊᐧᐠ ᒥᓇ ᑭ ᐅᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᑭᐦᒋ ᐅᑭᒫᐊᐧ. 3ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᓂ ᑭ ᐸᐋᐧᒥᐣ ᐸᐋᐧᒥᐃᐧᐣ, ᐁᑯᓯ ᓂ ᒥᑯᐢᑳᑌᔨᑌᐣ ᑭᑕ ᑭᐢᑫᔨᑕᒫᐣ ᐊᓂᒪ ᐸᐋᐧᒥᐃᐧᐣ.
4ᐁᑲᐧ ᐊᓂᑭ ᑳᓬᑎᔭᓇᐠ ᑭ ᑭᑐᑌᐊᐧᐠ ᑭᐦᒋ ᐅᑭᒫᐊᐧ ᓯᕒᐃᔭ ᐱᑭᐢᑫᐧᐃᐧᓂᕽ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ; ᐃᐧᐦᑕᒪᐃᐧᐠ ᑭᐟ ᐊᑐᐢᑫᔮᑲᓇᐠ ᐊᓂᒪ ᐸᐋᐧᒥᐃᐧᐣ, ᐁᑯᓯ ᑭ ᑲ ᐋᐧᐸᐦᑕᐦᐃᑎᓈᐣ ᐁ ᐃᑌᐧᒪᑲᕽ. 5ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᐊᓂᐦᐃ ᑳᓬᑎᔭᓇ ᓂ ᓇᑲᑎᑯᐣ ᐊᓂ; ᑭᐢᐱᐣ ᐁᑳ ᑭᐢᑫᔨᑕᒧᐃᔦᑯ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᕽ ᐁᐊᐧᑯ, ᑭ ᑲ ᐱᑭᓂᓵᐋᐧᑎᑲᐃᐧᓈᐋᐧᐤ, ᒥᓇ ᑭ ᐋᐧᐢᑳᐦᐃᑲᓂᐋᐧᐊᐧ ᐁ ᐱᐢᑲᐧᑕᐢᑌᑭ ᒪᒋᑯᓈᓴ ᑭᑕ ᐃᓯ ᐊᔮᐊᐧ. 6ᒫᑲ ᐃᐧᔭ ᐋᐧᐸᐦᑕᐦᐃᔦᑯ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᕽ, ᑭ ᑲ ᒥᔨᑎᓈᐋᐧᐤ; ᐁᑯᓯ ᒣᑭᐃᐧᓇ ᒥᓇ ᑭ ᑲ ᑎᐸᐦᐊᒫᑎᓈᐋᐧᐤ ᒥᓇ ᒥᐢᑕᐦᐃ ᑭ ᑲ ᑭᐢᑕᑭᒥᑎᓈᐋᐧᐤ; ᒫᑲ ᐋᐧᐸᐦᑕᐦᐃᐠ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᕽ ᐁᐊᐧᑯ.
7ᑭ ᓇᐢᑫᐧᐊᐧᓯᒣᐊᐧᐠ ᑭᐦᑖᐧᒼ ᒥᓇ ᑭ ᐃᑌᐊᐧᐠ, ᑭᔮᒼ ᑭᐦᒋ ᐅᑭᒫᐤ ᑭᑕ ᐃᐧᐦᑕᒪᐁᐧᐤ ᐅᐟ ᐊᑐᐢᑫᔮᑲᓇ ᐊᓂᒪ ᐸᐋᐧᒥᐃᐧᐣ, ᐁᑯᓯ ᓂ ᑲ ᐋᐧᐸᐦᑕᐋᓈᐣ ᐁ ᐃᑌᐧᒪᑲᕽ. 8ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓂ ᑫᐦᒋᓈᐅᐣ ᐱᑯᓇᑕ ᐁ ᑭᐧᑕᐃᐧᐃᑌᐧᔦᐠ, ᐃᐧᔭ ᐁ ᑭᐢᑫᔨᑕᒣᐠ ᐊᓂᒪ ᐁ ᓇᑲᑎᑯᔮᐣ. 9ᒫᑲ ᐃᐧᔭ ᑭᐢᐱᐣ ᐁᑳ ᑭᐢᑫᔨᑕᒧᐃᔦᑯ ᐊᓂᒪ ᐸᐋᐧᒥᐃᐧᐣ, ᐯᔭᑲᐧᐣ ᐱᑯ ᑫ ᐃᑕᓱᐋᐧᑎᑲᐃᐧᔦᐠ; ᒋᑫᒫ ᑭ ᑭ ᐊᐧᐁᐧᔦᔨᑌᓈᐋᐧᐤ ᑭᔮᐢᑭᐃᐧᐣ ᒥᓇ ᐱᑯᓇᑕ ᐊᔭᒥᐃᐧᓇ ᑭᑕ ᐃᐧᐦᑕᒪᐃᐧᔦᐠ ᑭᑕ ᐃᓯ ᐱᔨᐢ ᑫᐧᐢᑭᐸᔨᐠ; ᐁᐊᐧᑯ ᐅᐦᒋ ᒫᑲ ᐃᐧᐦᑕᒪᐃᐧᐠ ᐊᓂᒪ ᐸᐋᐧᒥᐃᐧᐣ, ᐁᑯᓯ ᓂ ᑲ ᑭᐢᑫᔨᑌᐣ ᑭᑕ ᑭ ᐃᐧᐦᑕᒪᐃᐧᔦᐠ ᐁ ᐃᑌᐧᒪᑲᕽ.
10ᐊᓂᑭ ᑳᓬᑎᔭᓇᐠ ᑭ ᓇᐢᑫᐧᐊᐧᓯᒣᐊᐧᐠ ᑭᐦᒋ ᐅᑭᒫᐊᐧ ᒥᓇ ᑭ ᐃᑌᐊᐧᐠ, ᓇᒪᐃᐧᔭ ᐃᐦᑖᐤ ᐊᔨᓯᔨᓂᐤ ᐊᐧᐢᑭᑕᐢᑲᒥᐠ ᐁ ᑲᐢᑭᑖᐟ ᑭᑕ ᐋᐧᐸᐦᑕᐋᐟ ᑭᐦᒋ ᐅᑭᒫᐊᐧ ᑳ ᐃᓯ ᓇᑕᐁᐧᔨᑕᒥᔨᐟ; ᐁᑯᓯ ᒫᑲ ᓇᒪᐃᐧᔭ ᐃᐦᑖᐤ ᑭᐦᒋ ᐅᑭᒫᐤ, ᐅᑭᒫᐤ, ᐊᐦᐳ ᐅᔭᓱᐁᐧᐃᐧᑭᒫᐤ, ᐅᒪ ᑐᐊᐧ ᑭᑕ ᓇᑕᐁᐧᔨᑕᒪᐋᐧᐟ ᓈᐣᑕᐤ ᐅᑯᓵᐸᑕᒧᐊᐧ, ᐊᐦᐳ ᑳ ᒪᒫᑖᐃᐧᓯᔨᐟ, ᐊᐦᐳ ᑳᓬᑎᔭᓇ. 11ᒥᓇ ᐹᐦᑳᐣ ᑫᑲᐧᐩ ᐅᒪ ᑭᐦᒋ ᐅᑭᒫᐤ ᑳ ᓇᑕᐁᐧᔨᑕᕽ, ᐁᑯᓯ ᓇᒪᐃᐧᔭ ᑯᑕᐠ ᐊᐃᐧᔭᐠ ᐃᐦᑖᐤ ᑭᑕ ᑭ ᐋᐧᐸᐦᑕᐋᐟ ᑭᐦᒋ ᐅᑭᒫᐊᐧ, ᐱᑯ ᐊᓂᑭ ᒪᓂᑐᐊᐧᐠ, ᐁᑳ ᑳ ᐅ ᐃᐧᔮᓯᔨᐟ ᑳ ᐃᐧᒋᐊᔮᒫᒋᐠ. 12ᐅᒪ ᒫᑲ ᐅᐦᒋ ᑭᐦᒋ ᐅᑭᒫᐤ ᑭ ᑭᓯᐋᐧᓯᐤ ᒥᓇ ᒥᐢᑕᐦᐃ ᑭ ᐋᐦᑯᔭᐁᐧᓯᐤ ᑭ ᐃᑕᓱᐁᐧᐤ ᒫᑲ ᑭᑕ ᓂᓯᐊᐧᓈᒋᐃᒥᐦᐟ ᑲᐦᑭᔭᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ ᑳ ᐊᔮᔨᐟ. 13ᐁᑯᓯ ᐃᑕᓱᐁᐧᐃᐧᐣ ᑭ ᓯᐯᐧᐸᔨᐤ, ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᑭᑕ ᓂᐸᐃᐦᒋᐠ; ᑭ ᓇᑐᓇᐁᐧᐊᐧᐠ ᒫᑲ ᑖᓂᐁᓬᐊ ᒥᓇ ᐅ ᐃᐧᒉᐋᐧᑲᓇ ᑭᑕ ᓂᐸᐃᐦᒋᐠ.
14ᐁᑲᐧ ᒫᑲ ᑖᓂᐁᓬ ᐃᔨᓂᓯᐃᐧᓂᕽ ᒥᓇ ᐊᔮᑲᐧᒥᓯᐃᐧᓂᕽ ᑭ ᓇᐢᑫᐧᐊᐧᓯᒣᐤ ᐋᕒᐃᔮᑲ ᑳ ᐅᑭᒫᑲᑕᐋᐧᔨᐟ ᑭᐦᒋ ᐅᑭᒫᐊᐧ ᐅ ᓯᒫᑲᓂᓯᒥᔨᐊᐧ, ᑳ ᑭ ᐃᐧ ᓇᑕᐃᐧ ᓂᐸᐦᐋᒋᐠ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ; 15ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᐋᕒᐃᔮᑲ ᐊᓂᐦᐃ ᑭᐦᒋ ᐅᑭᒫᐊᐧ ᐅ ᓯᒫᑲᓂᓯᐃᐧᑭᒫᒥᔨᐊᐧ, ᑖᓀᐦᑭ ᐅᒪ ᑳ ᐃᓯ ᐋᐦᑲᒣᔨᑖᑲᐧᓂᔨᐠ ᑭᐦᒋ ᐅᑭᒫᐤ ᐅᐟ ᐃᑕᓱᐁᐧᐃᐧᐣ? ᐁᑲᐧ ᐋᕒᐃᔮᐠ ᑭ ᑭᐢᑫᔨᑕᒧᐁᐤ ᑖᓂᐁᓬᐊ. 16ᑖᓂᐁᓬ ᒫᑲ ᑭ ᐱᐦᑐᑫᐤ, ᒥᓇ ᑭ ᑲᑫᐧᒋᒣᐤ ᑭᐦᒋ ᐅᑭᒫᐊᐧ ᑭᔮᒼ ᑭᑕ ᐯᐃᑯᐟ, ᐁᑯᓯ ᑭᑕ ᐋᐧᐸᐦᑕᐋᐟ ᑭᐦᒋ ᐅᑭᒫᐊᐧ ᐁᑌᐧᒪᑲᓂᔨᐠ.
17ᐁᑲᐧ ᑖᓂᐁᓬ ᑭ ᐃᑐᐦᑌᐤ ᐅ ᐋᐧᐢᑳᐦᐃᑲᓂᕽ, ᒥᓇ ᑭ ᑭᐢᑫᔨᑕᒧᐁᐤ ᐦᐁᓈᓈᔭᐊᐧ, ᒥᓭᐃᓬ, ᒥᓇ ᐋᓴᕒᐋᔭᐊᐧ, ᐅ ᐃᐧᒉᐋᐧᑲᓇ; 18ᑭᑕ ᑳᑭᓯᒧᑐᑕᐋᐧᔨᐟ ᑭᓭᒪᓂᑐᐊᐧ ᑭᐦᒋᑭᓯᑯᕽ ᑳ ᐊᔮᔨᐟ ᑭᑕ ᑭᑎᒫᑭᓈᑯᒋᐠ ᐅᒪ ᐅᐦᒋ ᑳ ᐊᐧᓂᒧᑕᓂᔨᐠ; ᐁᑳ ᑖᓂᐁᓬ ᒥᓇ ᐅ ᐃᐧᒉᐋᐧᑲᓇ ᑭᑕ ᓂᓯᐊᐧᓈᒋᐃᐦᒋᐠ ᑭᑭ ᐊᓂᑭ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐹᐱᓬᐊᓂᕽ.
19ᐁᑲᐧ ᐊᓂᒪ ᑳ ᐊᐧᓂᒧᑕᓂᔨᐠ ᑭ ᐋᐧᐸᐦᑕᐦᐋᐤ ᑖᓂᐁᓬ ᐃᓯᓇᒧᐃᐧᓂᕽ ᐁ ᑎᐱᐢᑳᔨᐠ. ᐁᑲᐧ ᑖᓂᐁᓬ ᑭ ᒪᒥᐦᒋᒣᐤ ᑭᓭᒪᓂᑐᐊᐧ ᑭᐦᒋᑭᓯᑯᕽ ᑳ ᐊᔮᔨᐟ. 20ᑖᓂᐁᓬ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᑭᑕ ᒪᒥᐦᒋᐦᑕᒫᐧᐣ ᐅ ᐃᐧᔪᐃᐧᐣ ᑭᓭᒪᓂᑐ ᑳᑭᑫ ᒥᓇ ᑳᑭᑫ; ᒋᑫᒫ ᐃᔨᓂᓯᐃᐧᐣ ᒥᓇ ᓱᑳᑎᓯᐃᐧᐣ ᐊᔮᐤ; 21ᐃᐧᔭ ᒫᑲ ᐋᑕᐢᑖᐤ ᐃᑕ ᐊᓂᒪ ᐁ ᐊᔨᑭᕽ; ᐃᑲᑌᓀᐤ ᑭᐦᒋ ᐅᑭᒫᐊᐧ, ᒥᓇ ᐅᔭᐱᐁᐤ ᑭᐦᒋ ᐅᑭᒫᐊᐧ; ᒥᔦᐤ ᐃᔨᓂᓯᐃᐧᐣ ᑳ ᐃᔨᓂᓯᔨᐟ, ᒥᓇ ᑭᐢᑫᔨᑕᒧᐃᐧᐣ ᐊᓂᐦᐃ ᑳ ᑭᐢᑫᔨᑕᒥᔨᐟ ᓂᓯᑐᐦᑕᒧᐃᐧᐣ; 22ᐋᐧᐸᐦᑕᐦᐃᐁᐧᐤ ᐊᑖᒥᕽ ᑳ ᐊᔮᑭ ᒥᓇ ᐊᐧᓂᒧᑕᓄᕽ ᑳ ᐊᔮᑭ; ᑭᐢᑫᔨᑕᒼ ᐊᓂᒪ ᐊᐧᓂᑎᐱᐢᑳᕽ ᑳ ᐊᔮᐠ, ᒥᓇ ᐋᐧᐢᑌᐤ ᐃᐧᒋᐊᔮᒥᐠ. 23ᑭ ᓇᓈᐢᑯᒥᑎᐣ ᒥᓇ ᑭ ᒪᒥᐦᒋᒥᑎᐣ ᑭᔭ ᐅ ᑭᓭᒪᓂᑐᒥᐋᐧᐊᐧ ᓄᑖᐃᐧᔭᐠ, ᑳ ᑭ ᒥᔨᔭᐣ ᐃᔨᓂᓯᐃᐧᐣ ᒥᓇ ᒪᐢᑲᐃᐧᓯᐃᐧᐣ, ᒥᓇ ᐁᑲᐧ ᑳ ᑭᐢᑫᔨᑕᒧᐃᔭᐣ ᑳ ᑭ ᓇᑕᐁᐧᔨᑕᒫᑖᕽ; ᒋᑫᒫ ᑭ ᑭ ᑭᐢᑫᔨᑕᒧᐃᓈᐣ ᑭᐦᒋ ᐅᑭᒫᐤ ᑳ ᓇᑕᐁᐧᔨᑕᕽ.
24ᐁᑯᓯ ᒫᑲ ᑖᓂᐁᓬ ᑭ ᐱᑐᑲᐁᐧᐤ ᐋᕒᐃᔮᑲ, ᐊᓂᐦᐃ ᑭᐦᒋ ᐅᑭᒫᐤ ᑳ ᑭ ᐅᔭᑭᒫᐟ ᑭᑕ ᓂᓯᐊᐧᓈᒋᐦᐋᔨᐟ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ; ᐅᒥᓯ ᑭ ᓇᑕᐃᐧ ᐃᑌᐤ, ᐁᑳᐃᐧᔭ ᓂᓯᐊᐧᓈᒋᐃᐠ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐹᐱᓬᐊᓂᕽ; ᐱᐦᑐᑲᐦᐃᐣ ᓂᔭ ᑭᑕ ᐋᐧᐸᒪᐠ ᑭᐦᒋ ᐅᑭᒫᐤ ᓂ ᑲ ᐋᐧᐸᐦᑕᐦᐋᐤ ᒫᑲ ᑭᐦᒋ ᐅᑭᒫᐤ ᐁᑌᐧᒪᑲᕽ.
25ᐁᑲᐧ ᐋᕒᐃᔮᐠ ᑭᔨᐸ ᑭ ᐱᐦᑐᑲᐦᐁᐤ ᑖᓂᐁᓬᐊ ᐃᑕ ᐁ ᐊᔮᔨᐟ ᑭᐦᒋ ᐅᑭᒫᐊᐧ, ᑭ ᐃᑌᐤ ᒫᑲ, ᓂ ᑭ ᒥᐢᑲᐋᐧᐤ ᓈᐯᐤ ᐅᐟ ᐊᐋᐧᓯᒥᓯᐋᐧᐊᐧ ᐅᐦᒋ ᑳ ᐊᐊᐧᑳᑎᐦᒋᐠ ᒍᑕ, ᐁ ᑲᐢᑭᑖᐟ ᑭᑕ ᑭᐢᑫᔨᑕᒧᐋᐟ ᑭᐦᒋ ᐅᑭᒫᐊᐧ ᐁᑌᐧᒪᑲᕽ. 26ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᑭ ᐃᑌᐤ ᑖᓂᐁᓬᐊ, ᐁᐊᐧᑯᓂ ᐯᓬᑎᓵᓴᕒ ᑳ ᐃᓯᔨᐦᑳᓱᐟ, ᑭ ᑲᐢᑭᑖᐣ ᒋ ᑭᑕ ᑭᐢᑫᔨᑕᒧᐃᔭᐣ ᐊᓂᒪ ᐸᐋᐧᒥᐃᐧᐣ ᑳ ᑭ ᐃᓯᓇᒫᐣ, ᒥᓇ ᐁ ᐃᑌᐧᒪᑲᕽ ᐁᐊᐧᑯ?
27ᑖᓂᐁᓬ ᑭ ᓇᐢᑫᐧᐊᐧᓯᒣᐤ ᑭᐦᒋ ᐅᑭᒫᐊᐧ, ᒥᓇ ᑭ ᐃᑌᐤ, ᐊᓂᒪ ᑳ ᐊᐧᓂᒧᑕᕽ ᑭᐦᒋ ᐅᑭᒫᐤ ᑳ ᑭ ᓇᑕᐁᐧᔨᑕᕽ ᓇᒪᐃᐧᔭ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᑳ ᒪᒫᑖᐃᐧᓯᒋᐠ, ᒥᑌᐊᐧᐠ, ᐊᐦᐳ ᐅᑯᓵᐸᑕᒧᐊᐧᐠ, ᑭᑕ ᑭ ᐋᐧᐸᐦᑕᐦᐁᐊᐧᐠ ᑭᐦᒋ ᐅᑭᒫᐊᐧ; 28ᒫᑲ ᐃᐦᑖᐤ ᑭᓭᒪᓂᑐ ᑭᐦᒋᑭᓯᑯᕽ ᑳ ᑭᐢᑫᔨᑕᒧᐃᐁᐧᐟ ᑳ ᐊᐧᓂᒧᑕᑭ, ᐁᐊᐧᑯ ᒫᑲ ᑭ ᑭᐢᑫᔨᑕᒧᐁᐤ ᑭᐦᒋ ᐅᑭᒫᐊᐧ ᓀᑊᔪᑳᐟᓀᓴᕒᐊ ᐊᓂᒪ ᑫ ᐊᔨᑭᕽ ᐃᐢᑳᐧᔮᐨ ᐊᑎ ᑲᑭᓯᑳᑭ. ᑭ ᐸᐋᐧᒥᐃᐧᐣ ᒥᓇ ᑳ ᑭ ᐃᓯᓇᒪᐣ ᑭᐢᑎᑳᐧᓂᕽ ᑭ ᓂᐯᐃᐧᓂᕽ ᐁᐊᐧᑯᓂ ᐅᐦᐃ; 29ᑭᔭ ᒫᑲ ᐃᐧᔭ ᑭᐦᒋ ᐅᑭᒫᐤ, ᑭ ᒥᑐᓀᔨᒋᑲᓇ ᑭ ᑭ ᐅᑎᐦᑎᑯᐣ ᑭ ᒥᑐᓀᔨᒋᑲᓂᕽ ᑭ ᓂᐯᐃᐧᓂᕽ, ᐊᓂᒪ ᑫ ᐊᔨᑭᕽ ᐹᑎᒫ; ᐊᓇ ᒫᑲ ᑳ ᐋᐧᐸᐦᑕᐦᐃᐁᐧᐟ ᑳ ᐊᐧᓂᒧᑕᑭ ᑭ ᑭ ᑭᐢᑫᔨᑕᒧᐃᐠ ᐊᓂᒪ ᑫ ᐊᔨᑭᕽ. 30ᓂᔭ ᒫᑲ ᐃᐧᔭ ᓇᒪᐃᐧᔭ ᓂ ᑭᐢᑫᔨᑕᒧᐦᐃᑲᐃᐧᐣ ᐅᒪ ᑳ ᐊᐧᓂᒧᑕᕽ ᓈᐣᑕᐤ ᐃᔨᓂᓯᐃᐧᐣ ᐁ ᐊᔮᔮᐣ ᐊᐊᐧᓯᒣ ᐃᔨᑯᕽ ᑯᑕᐠ ᐊᐃᐧᔭᐠ ᑳ ᐱᒫᑎᓯᐟ, ᒫᑲ ᐁ ᐃᑌᐧᒪᑲᕽ ᑭᑕ ᑭᐢᑫᔨᑕᒧᐃᐦᐟ ᑭᐦᒋ ᐅᑭᒫᐤ, ᒥᓇ ᑭᑕ ᑭᐢᑫᔨᑕᒪᐣ ᒥᑐᓀᔨᒋᑲᓇ ᑳ ᐊᔮᑭ ᑭᑌᐦᐃᕽ.
31ᑭᔭ ᑭᐦᒋ ᐅᑭᒫᐤ ᑭ ᑭ ᐋᐧᐸᒫᐤ ᐁ ᒥᓯᑭᑎᐟ ᓇᐢᐱᓯᒋᑲᐣ. ᐊᐊᐧ ᓇᐢᐱᓯᒋᑲᐣ, ᑳ ᒥᓯᑭᑎᐟ ᒥᓇ ᐊᔨᐋᐧᐠ ᑳ ᐋᐧᓯᓱᐟ ᑭ ᑭ ᐅᐦᑎᐢᑲᐃᐧᑳᐸᐃᐧᐢᑖᐠ; ᑭ ᑯᐢᑖᓯᓈᑯᓯᐤ ᒫᑲ. 32ᐊᐊᐧ ᒫᑲ ᓇᐢᐱᓯᒋᑲᐣ ᐁ ᒥᔪᓯᐟ ᐅᓵᐃᐧᓱᓂᔮᐤ ᑭ ᐅᐢᑎᑳᐧᓂᐤ, ᐊᐧᐢᑭᑲᐣ ᒥᓇ ᐅᐢᐱᑐᓇ ᐋᐧᐱᐢᑭᓱᓂᔮᐤ, ᐊᐧᑕᐩ ᒥᓇ ᐅᐹᐧᒪ ᐅᓵᐋᐧᐱᐢᐠ, 33ᐅᐢᑳᑕ ᐱᐋᐧᐱᐢᐠ, ᐅᓯᑕ ᐸᐦᑭ ᐱᐋᐧᐱᐢᐠ ᒥᓇ ᐸᐦᑭ ᐊᓯᐢᑭ. 34ᑭ ᑭ ᐋᐧᐸᒫᐤ ᐱᔨᐢ ᐊᓯᓂ ᐁ ᐸᑫᐧᑕᐅᐦᐟ ᓇᒪᐃᐧᔭ ᒥᒋᐦᒋ ᐅᐦᒋ, ᐁᐊᐧᑯ ᑭ ᐸᑲᒥᐢᑲᐁᐧᐤ ᐊᓂᐦᐃ ᓇᐢᐱᓯᒋᑲᓇ ᐅᓯᑎᔨᕽ ᑳ ᐱᐋᐧᐱᐢᑯᐊᐧᓂᔨᑭ ᒥᓇ ᑳ ᐊᓯᐢᑭᐊᐧᓂᔨᑭ, ᐁᑯᓯ ᑭ ᐱᓴᑕᐦᐊᒼ. 35ᐁᑲᐧ ᐱᐋᐧᐱᐢᐠ, ᐊᓯᐢᑭ, ᐅᓵᐋᐧᐱᐢᐠ, ᐋᐧᐱᐢᑭᓱᓂᔮᐤ, ᒥᓇ ᐅᓵᐃᐧᓱᓂᔮᐤ, ᑭ ᒫᒪᐃᐧ ᐱᓴᑕᐃᑳᑌᐤ, ᐁᑯᓯ ᑭ ᐃᓯ ᐊᔮᐤ ᑖᐱᐢᑯᐨ ᐸᐊᐧᐢᒋᒋᑲᐣ ᓂᐱᓂ ᐸᐊᐧᐃᑫᐃᐧᑲᒥᑯᕽ; ᑭ ᐁᐧᐹᐢᑕᓇᐧ ᒫᑲ, ᐁᑯᓯ ᓇᒪ ᓈᐣᑕᐤ ᐃᑕ ᑭ ᒥᐢᑭᑳᑌᐊᐧ; ᐊᓇ ᒫᑲ ᐊᓯᓂ ᑳ ᑭ ᐸᑲᒥᐢᑲᐋᐧᐟ ᐊᓂᐦᐃ ᓇᐢᐱᓯᒋᑲᓇ ᑭ ᐊᑎ ᑭᐦᒋᐊᐧᒋᐊᐧᐣ, ᒥᓇ ᑭ ᑌᐱᐢᑲᒼ ᒥᓯᐁᐧ ᐊᐢᑭ.
36ᐁᐊᐧᑯᒪ ᐸᐋᐧᒥᐃᐧᐣ; ᓂ ᑲ ᐃᐧᐦᑕᒪᐋᐧᓈᐣ ᒫᑲ ᑭᐦᒋ ᐅᑭᒫᐤ ᐁᑌᐧᒪᑲᕽ ᐁᐊᐧᑯ. 37ᑭᔭ ᑭᐦᒋ ᐅᑭᒫᐤ ᑭ ᑭᐦᒋ ᐅᑭᒫᑲᑕᐋᐧᐊᐧᐠ ᑭᐦᒋ ᐅᑭᒫᐊᐧᐠ, ᑭᔭ ᑳ ᑭᓭᒪᓂᑐᐃᐧᐟ ᑭᐦᒋᑭᓯᑯᕽ ᑭ ᑭ ᒥᔨᐠ ᑭᐦᒋ ᐅᑭᒫᐃᐧᐃᐧᐣ, ᓱᑳᑎᓯᐃᐧᐣ, ᒥᓇ ᒪᐢᑲᐃᐧᓯᐃᐧᐣ, ᒥᓇ ᑭᐢᑌᔨᑖᑯᓯᐃᐧᐣ; 38ᒥᓇ ᐱᑯ ᐃᑕ ᐊᔨᓯᔨᓂᐃᐧᑯᓯᓵᓇᐠ ᐁ ᐊᔮᒋᐠ, ᐱᓯᐢᑭᐊᐧ ᐱᑲᐧᒑᔨᕽ ᒥᓇ ᐱᔦᓯᐊᐧ ᑳ ᐸᐹᒥᔮᔨᐟ ᑭ ᐸᑭᑎᓀᐤ ᑭᒋᐦᒋᕽ, ᑭ ᑭ ᑎᐯᔨᐦᑕᒧᐃᐠ ᒫᑲ ᑲᐦᑭᔭᐤ; ᑭᔭ ᐁᐊᐧᑯ ᐅᓵᐃᐧᓱᓂᔮᐊᐧ ᑳ ᐅᐢᑎᑳᐧᓂᐟ. 39ᑯᑕᐠ ᒫᑲ ᑭᐦᒋ ᐅᑭᒫᐃᐧᐃᐧᐣ ᑭᑕ ᐸᓯᑯᒪᑲᐣ ᐁ ᐊᐢᑯᐃᐧᐢᑳᑯᔭᐣ ᓄᐦᑕᐤ ᐁ ᐃᐢᐱᑌᔨᑖᑲᐧᕽ ᐃᔨᑯᕽ ᑭᔭ; ᑯᑕᐠ ᒫᑲ, ᐁᑲᐧ ᓂᐢᑐ, ᐁᐊᐧᑯ ᐅᓵᐋᐧᐱᐢᑯᐃᐧ ᑭᐦᒋ ᐅᑭᒫᐃᐧᐃᐧᐣ, ᑭᑕ ᑎᐯᔨᐦᑕᒧᒪᑲᐣ ᒥᓯᐁᐧ ᐊᐢᑭ. 40ᐊᓂᒪ ᒫᑲ ᓀᐤ ᐊᑎ ᑭᐦᒋ ᐅᑭᒫᐃᐧᐃᐧᐣ ᑭᑕ ᓱᑲᐣ ᑖᐱᐢᑯᓭ ᐱᐋᐧᐱᐢᐠ; ᒋᑫᒫ ᑖᐱᐢᑯᐨ ᐱᐋᐧᐱᐢᐠ ᑳ ᐃᓯ ᐱᓴᑕᐃᑫᒪᑲᕽ ᒥᓇ ᑳ ᐃᓯ ᓵᑯᒋᐦᑖᒪᑲᕽ ᑲᐦᑭᔭᐤ ᑫᑲᐧᐩ; ᒥᓇ ᑖᐱᐢᑯᐨ ᐱᐋᐧᐱᐢᐠ ᑳ ᐃᓯ ᓯᑲᐧᑕᐊᒧᒪᑲᕽ ᑲᐦᑭᔭᐤ ᐅᐦᐃ. ᐁᑯᓯ ᑫ ᐃᓯ ᐱᑲᐧᑕᐃᑫᒪᑲᕽ ᒥᓇ ᓯᑲᐧᐢᑲᒧᒪᑲᕽ. 41ᒥᓇ ᒫᑲ ᑳ ᑭ ᐃᓯ ᐋᐧᐸᐦᑕᒪᐣ ᒥᓯᑕ ᒥᓇ ᔨᔨᑭᓯᑖᓇ, ᐸᐦᑭ ᐅᔮᑲᓂᑫᐤ ᐅᐟ ᐊᓯᐢᑭᒼ ᒥᓇ ᐸᐦᑭ ᐱᐋᐧᐱᐢᐠ, ᑭᑕ ᓇᓈᓂᐢᒋᐊᔮᐤ ᐁᐊᐧᑯ ᑭᐦᒋ ᐅᑭᒫᐃᐧᐃᐧᐣ; ᒫᑲ ᐁᑯᑕ ᑭᑕ ᐊᔮᐤ ᑳ ᐃᓯ ᒪᐢᑲᐃᐧᓯᒪᑲᕽ ᐱᐋᐧᐱᐢᐠ, ᐃᐧᔭ ᐁ ᑭ ᐋᐧᐸᐦᑕᒪᐣ ᐱᐊᐧᐱᐢᐠ ᐁ ᑭᔨᑲᐃᐧᐊᔮᐠ ᒥᓇ ᐊᓯᐢᑭ. 42ᒥᓇ ᑖᐱᐢᑯᐨ ᔨᔨᑭᓯᑖᓇ ᒥᓯᑎᕽ ᐸᐦᑭ ᑳ ᐱᐋᐧᐱᐢᑯᐊᐧᑭ ᒥᓇ ᐸᐦᑭ ᐋᐧᐸᑐᓂᐢᐠ, ᐁᑯᓯ ᐊᓂᒪ ᑭᐦᒋ ᐅᑭᒫᐃᐧᐃᐧᐣ ᐸᐦᑭ ᑫ ᓱᑲᕽ ᒥᓇ ᐸᐦᑭ ᑫ ᑳᐢᐹᐠ. 43ᒫᑲ ᑳ ᑭ ᐃᓯ ᐋᐧᐸᐦᑕᒪᐣ ᐱᐋᐧᐱᐢᐠ ᐁ ᑭᔨᑲᐃᐧᐊᔮᐠ ᐋᐧᐸᑐᓂᐢᐠ, ᐁᑯᓯ ᑫ ᐃᓯ ᑭᔨᑲᐁᐧᔭᑎᒋᐠ ᐊᔨᓯᔨᓂᐃᐧ ᓂᐦᑖᐃᐧᑭᐦᐋᑲᓇ; ᓇᒪᐃᐧᔭ ᒫᑲ ᑭᑕ ᐋᔮᒋᐃᐧᒉᑐᐊᐧᐠ, ᑖᐱᐢᑯᐨ ᐃᓴ ᐱᑯ ᐱᐋᐧᐱᐢᐠ ᐁᑳ ᐁ ᐃᐧᒉᑐᒪᑲᕽ ᐋᐧᐸᑐᓂᐢᐠ. 44ᒣᑳᐧᐨ ᒫᑲ ᐁᐊᐧᑯᓂᐠ ᑭᐦᒋ ᐅᑭᒫᐊᐧᐠ ᐁ ᐃᐦᑖᒋᐠ ᑭᓭᒪᓂᑐ ᑭᐦᒋᑭᓯᑯᕽ ᑳ ᐊᔮᐟ ᑭᑕ ᐅᔭᐢᑖᐤ ᑭᐦᒋᐅᑭᒪᐃᐧᐃᐧᐣ, ᐁᑳ ᐃᐧᑳᐨ ᑫ ᓂᓯᐊᐧᓈᑕᕽ, ᒥᓇ ᐁᐊᐧᑯ ᑭᐦᒋ ᐅᑭᒫᐃᐧᐃᐧᐣ ᓇᒪᐃᐧᔭ ᑭᑕ ᓇᑲᑕᒪᐋᐧᐊᐧᐠ ᑯᑕᑲᐠ ᐊᔨᓯᔨᓂᐊᐧᐠ; ᒫᑲ ᑭᑕ ᐱᑯᓇᒼ ᒥᓇ ᑭᑕ ᓂᓯᐊᐧᓈᒋᐦᑖᐤ ᑲᐦᑭᔭᐤ ᐅᐦᐃ ᑭᐦᒋ ᐅᑭᒫᐃᐧᐃᐧᓇ, ᐁᑯᓯ ᑭᑕ ᐋᔮᑕᐢᑭᑌᐤ ᑳᑭᑫ. 45ᐁᑯᓯ ᑳ ᑭ ᐃᓯ ᐋᐧᐸᐦᑕᒪᐣ ᐊᓯᓂ ᐊᐧᒋᕽ ᐁ ᑭ ᐅᐦᒋ ᐸᐦᑫᐧᑕᐅᐦᐟ ᐁᑳ ᒥᒋᐦᒋᔭ ᐁ ᐋᐸᑕᑭ ᐁᑯᓯ ᐁ ᑭ ᐱᑯᐊᕽ ᐱᐋᐧᐱᐢᐠ, ᐅᓵᐋᐧᐱᐢᐠ, ᐋᐧᐸᑐᓂᐢᐠ, ᐋᐧᐱᐢᑭᓱᓂᔮᐤ, ᒥᓇ ᐅᓵᐃᐧᓱᓂᔮᐤ; ᑭᐦᒋ ᑭᓭᒪᓂᑐ ᑭ ᑭᐢᑫᔨᑕᒧᐁᐤ ᑭᐦᒋ ᐅᑭᒫᐊᐧ ᐊᓂᒪ ᑫ ᐃᑭᕽ ᐸᑎᒫ; ᐁᑯᓯ ᐸᐋᐧᒥᐃᐧᐣ ᑫᐦᒋᓈᑕᐣ, ᒥᓇ ᐁ ᐃᑌᐧᒪᑲᕽ ᑫᐦᒋᓈᑕᐣ.
46ᐁᑲᐧ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ ᑭ ᐅᑎᑕᐱᐸᑭᓯᐣ ᒥᓇ ᑭ ᐅᒋᐦᒋᐦᑲᐧᓂᐢᑕᐁᐧᐤ ᑖᓂᐁᓬᐊ, ᒥᓇ ᑭ ᐃᑕᓱᐁᐧᐤ ᑭᑕ ᐸᑭᑎᓇᒫᒥᐦᐟ ᐸᑭᑎᓈᓱᐃᐧᐣ ᒥᓇ ᐃᐧᑭᒫᓯᑲᐣ. 47ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᑖᓂᐁᓬᐊ, ᒥᓇ ᑭ ᐃᑌᐤ, ᑖᐯᐧ ᑭ ᑭᓭᒪᓂᑐᒥᐋᐧᐤ ᐁᐊᐧᑯ ᒪᓂᑐᐊᐧᐠ ᐅ ᑭᓭᒪᓂᑐᒥᐋᐧᐊᐧ, ᒥᓇ ᑳ ᑎᐯᔨᒫᐟ ᑭᐦᒋ ᐅᑭᒫᐊᐧ, ᒥᓇ ᑳ ᑭᐢᑫᔨᑕᒧᐃᐁᐧᐟ ᑳ ᐊᐧᓂᒧᑕᑭ ᐃᐧᔭ ᐁ ᑭ ᑲᐢᑭᑖᔭᐣ ᑭᑕ ᑭᐢᑫᔨᑕᒧᐃᐁᐧᔭᐣ ᐅᒪ ᑳ ᐊᐧᓂᒧᑕᕽ.
48ᐁᑲᐧ ᑭᐦᒋ ᐅᑭᒫᐤ ᑭ ᑭᐢᑌᔨᑖᑯᐁᐤ ᑖᓂᐁᓬᐊ, ᒥᓇ ᑭ ᒥᔦᐤ ᒥᐦᒉᐟ ᑭᐦᒋᒣᑭᐃᐧᓇ, ᒥᓇ ᑭ ᑎᐯᔨᐦᑕᒧᐁᐤ ᒥᓯᐁᐧ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ, ᒥᓇ ᑭᑕ ᑭᐦᒋᑎᐯᔨᒫᔨᐟ ᑲᐦᑭᔭᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ. 49ᑖᓂᐁᓬ ᒫᑲ ᑭ ᑲᑫᐧᒋᒣᐤ ᑭᐦᒋ ᐅᑭᒫᐊᐧ, ᐁᑯᓯ ᑭ ᐅᔭᑭᒣᐤ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭᑕ ᐸᒥᑖᔨᐟ ᐊᓂᒪ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ; ᒫᑲ ᑖᓂᐁᓬ ᑭ ᐊᔮᐤ ᐅ ᑭᐦᒋᐃᐢᑳᐧᑌᒥᔨᕽ ᑭᐦᒋ ᐅᑭᒫᐊᐧ.
Currently Selected:
ᑖᓂᐁᓬ 2: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᑖᓂᐁᓬ 2
2
1ᓂᓱ ᐊᐢᑭ ᒫᑲ ᐊᑎ ᐁ ᑭᐦᒋ ᐅᑭᒫᐃᐧᐟ ᓀᑊᔪᑳᐟᓀᓴᕒ ᐁᐊᐧᑯ ᓀᑊᔪᑳᐟᓀᓴᕒ ᑭ ᐸᐋᐧᒥᐤ ᐸᐋᐧᒥᐃᐧᓇ; ᐁᑯᓯ ᑭ ᒥᑯᐢᑳᑌᔨᑕᒼ, ᒥᓇ ᐅ ᓂᐹᐃᐧᐣ ᑭ ᓇᑲᑎᐠ. 2ᐁᑲᐧ ᑭᐦᒋ ᐅᑭᒫᐤ ᑭ ᐃᑕᓱᐁᐧᐤ ᑭᑕ ᓇᑐᒫᒋᐠ ᐅᑯᓵᐸᑕᒧᐊᐧ, ᒥᓇ ᑳ ᒪᒫᑖᐃᐧᓯᑳᓱᔨᐟ, ᒥᓇ ᒥᑌᐊᐧ, ᒥᓇ ᐊᓂᐦᐃ ᑳᓬᑎᔭᓇ, ᑭᑕ ᐃᐧᐦᑕᒪᐋᐧᒋᐠ ᑭᐦᒋ ᐅᑭᒫᐊᐧ ᐅ ᐸᐋᐧᒥᐃᐧᓂᔨᐊᐧ. ᐁᑯᓯ ᑭ ᐯ ᐱᐦᑐᑫᐊᐧᐠ ᒥᓇ ᑭ ᐅᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᑭᐦᒋ ᐅᑭᒫᐊᐧ. 3ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᓂ ᑭ ᐸᐋᐧᒥᐣ ᐸᐋᐧᒥᐃᐧᐣ, ᐁᑯᓯ ᓂ ᒥᑯᐢᑳᑌᔨᑌᐣ ᑭᑕ ᑭᐢᑫᔨᑕᒫᐣ ᐊᓂᒪ ᐸᐋᐧᒥᐃᐧᐣ.
4ᐁᑲᐧ ᐊᓂᑭ ᑳᓬᑎᔭᓇᐠ ᑭ ᑭᑐᑌᐊᐧᐠ ᑭᐦᒋ ᐅᑭᒫᐊᐧ ᓯᕒᐃᔭ ᐱᑭᐢᑫᐧᐃᐧᓂᕽ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ; ᐃᐧᐦᑕᒪᐃᐧᐠ ᑭᐟ ᐊᑐᐢᑫᔮᑲᓇᐠ ᐊᓂᒪ ᐸᐋᐧᒥᐃᐧᐣ, ᐁᑯᓯ ᑭ ᑲ ᐋᐧᐸᐦᑕᐦᐃᑎᓈᐣ ᐁ ᐃᑌᐧᒪᑲᕽ. 5ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᐊᓂᐦᐃ ᑳᓬᑎᔭᓇ ᓂ ᓇᑲᑎᑯᐣ ᐊᓂ; ᑭᐢᐱᐣ ᐁᑳ ᑭᐢᑫᔨᑕᒧᐃᔦᑯ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᕽ ᐁᐊᐧᑯ, ᑭ ᑲ ᐱᑭᓂᓵᐋᐧᑎᑲᐃᐧᓈᐋᐧᐤ, ᒥᓇ ᑭ ᐋᐧᐢᑳᐦᐃᑲᓂᐋᐧᐊᐧ ᐁ ᐱᐢᑲᐧᑕᐢᑌᑭ ᒪᒋᑯᓈᓴ ᑭᑕ ᐃᓯ ᐊᔮᐊᐧ. 6ᒫᑲ ᐃᐧᔭ ᐋᐧᐸᐦᑕᐦᐃᔦᑯ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᕽ, ᑭ ᑲ ᒥᔨᑎᓈᐋᐧᐤ; ᐁᑯᓯ ᒣᑭᐃᐧᓇ ᒥᓇ ᑭ ᑲ ᑎᐸᐦᐊᒫᑎᓈᐋᐧᐤ ᒥᓇ ᒥᐢᑕᐦᐃ ᑭ ᑲ ᑭᐢᑕᑭᒥᑎᓈᐋᐧᐤ; ᒫᑲ ᐋᐧᐸᐦᑕᐦᐃᐠ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᕽ ᐁᐊᐧᑯ.
7ᑭ ᓇᐢᑫᐧᐊᐧᓯᒣᐊᐧᐠ ᑭᐦᑖᐧᒼ ᒥᓇ ᑭ ᐃᑌᐊᐧᐠ, ᑭᔮᒼ ᑭᐦᒋ ᐅᑭᒫᐤ ᑭᑕ ᐃᐧᐦᑕᒪᐁᐧᐤ ᐅᐟ ᐊᑐᐢᑫᔮᑲᓇ ᐊᓂᒪ ᐸᐋᐧᒥᐃᐧᐣ, ᐁᑯᓯ ᓂ ᑲ ᐋᐧᐸᐦᑕᐋᓈᐣ ᐁ ᐃᑌᐧᒪᑲᕽ. 8ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓂ ᑫᐦᒋᓈᐅᐣ ᐱᑯᓇᑕ ᐁ ᑭᐧᑕᐃᐧᐃᑌᐧᔦᐠ, ᐃᐧᔭ ᐁ ᑭᐢᑫᔨᑕᒣᐠ ᐊᓂᒪ ᐁ ᓇᑲᑎᑯᔮᐣ. 9ᒫᑲ ᐃᐧᔭ ᑭᐢᐱᐣ ᐁᑳ ᑭᐢᑫᔨᑕᒧᐃᔦᑯ ᐊᓂᒪ ᐸᐋᐧᒥᐃᐧᐣ, ᐯᔭᑲᐧᐣ ᐱᑯ ᑫ ᐃᑕᓱᐋᐧᑎᑲᐃᐧᔦᐠ; ᒋᑫᒫ ᑭ ᑭ ᐊᐧᐁᐧᔦᔨᑌᓈᐋᐧᐤ ᑭᔮᐢᑭᐃᐧᐣ ᒥᓇ ᐱᑯᓇᑕ ᐊᔭᒥᐃᐧᓇ ᑭᑕ ᐃᐧᐦᑕᒪᐃᐧᔦᐠ ᑭᑕ ᐃᓯ ᐱᔨᐢ ᑫᐧᐢᑭᐸᔨᐠ; ᐁᐊᐧᑯ ᐅᐦᒋ ᒫᑲ ᐃᐧᐦᑕᒪᐃᐧᐠ ᐊᓂᒪ ᐸᐋᐧᒥᐃᐧᐣ, ᐁᑯᓯ ᓂ ᑲ ᑭᐢᑫᔨᑌᐣ ᑭᑕ ᑭ ᐃᐧᐦᑕᒪᐃᐧᔦᐠ ᐁ ᐃᑌᐧᒪᑲᕽ.
10ᐊᓂᑭ ᑳᓬᑎᔭᓇᐠ ᑭ ᓇᐢᑫᐧᐊᐧᓯᒣᐊᐧᐠ ᑭᐦᒋ ᐅᑭᒫᐊᐧ ᒥᓇ ᑭ ᐃᑌᐊᐧᐠ, ᓇᒪᐃᐧᔭ ᐃᐦᑖᐤ ᐊᔨᓯᔨᓂᐤ ᐊᐧᐢᑭᑕᐢᑲᒥᐠ ᐁ ᑲᐢᑭᑖᐟ ᑭᑕ ᐋᐧᐸᐦᑕᐋᐟ ᑭᐦᒋ ᐅᑭᒫᐊᐧ ᑳ ᐃᓯ ᓇᑕᐁᐧᔨᑕᒥᔨᐟ; ᐁᑯᓯ ᒫᑲ ᓇᒪᐃᐧᔭ ᐃᐦᑖᐤ ᑭᐦᒋ ᐅᑭᒫᐤ, ᐅᑭᒫᐤ, ᐊᐦᐳ ᐅᔭᓱᐁᐧᐃᐧᑭᒫᐤ, ᐅᒪ ᑐᐊᐧ ᑭᑕ ᓇᑕᐁᐧᔨᑕᒪᐋᐧᐟ ᓈᐣᑕᐤ ᐅᑯᓵᐸᑕᒧᐊᐧ, ᐊᐦᐳ ᑳ ᒪᒫᑖᐃᐧᓯᔨᐟ, ᐊᐦᐳ ᑳᓬᑎᔭᓇ. 11ᒥᓇ ᐹᐦᑳᐣ ᑫᑲᐧᐩ ᐅᒪ ᑭᐦᒋ ᐅᑭᒫᐤ ᑳ ᓇᑕᐁᐧᔨᑕᕽ, ᐁᑯᓯ ᓇᒪᐃᐧᔭ ᑯᑕᐠ ᐊᐃᐧᔭᐠ ᐃᐦᑖᐤ ᑭᑕ ᑭ ᐋᐧᐸᐦᑕᐋᐟ ᑭᐦᒋ ᐅᑭᒫᐊᐧ, ᐱᑯ ᐊᓂᑭ ᒪᓂᑐᐊᐧᐠ, ᐁᑳ ᑳ ᐅ ᐃᐧᔮᓯᔨᐟ ᑳ ᐃᐧᒋᐊᔮᒫᒋᐠ. 12ᐅᒪ ᒫᑲ ᐅᐦᒋ ᑭᐦᒋ ᐅᑭᒫᐤ ᑭ ᑭᓯᐋᐧᓯᐤ ᒥᓇ ᒥᐢᑕᐦᐃ ᑭ ᐋᐦᑯᔭᐁᐧᓯᐤ ᑭ ᐃᑕᓱᐁᐧᐤ ᒫᑲ ᑭᑕ ᓂᓯᐊᐧᓈᒋᐃᒥᐦᐟ ᑲᐦᑭᔭᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ ᑳ ᐊᔮᔨᐟ. 13ᐁᑯᓯ ᐃᑕᓱᐁᐧᐃᐧᐣ ᑭ ᓯᐯᐧᐸᔨᐤ, ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᑭᑕ ᓂᐸᐃᐦᒋᐠ; ᑭ ᓇᑐᓇᐁᐧᐊᐧᐠ ᒫᑲ ᑖᓂᐁᓬᐊ ᒥᓇ ᐅ ᐃᐧᒉᐋᐧᑲᓇ ᑭᑕ ᓂᐸᐃᐦᒋᐠ.
14ᐁᑲᐧ ᒫᑲ ᑖᓂᐁᓬ ᐃᔨᓂᓯᐃᐧᓂᕽ ᒥᓇ ᐊᔮᑲᐧᒥᓯᐃᐧᓂᕽ ᑭ ᓇᐢᑫᐧᐊᐧᓯᒣᐤ ᐋᕒᐃᔮᑲ ᑳ ᐅᑭᒫᑲᑕᐋᐧᔨᐟ ᑭᐦᒋ ᐅᑭᒫᐊᐧ ᐅ ᓯᒫᑲᓂᓯᒥᔨᐊᐧ, ᑳ ᑭ ᐃᐧ ᓇᑕᐃᐧ ᓂᐸᐦᐋᒋᐠ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ; 15ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᐋᕒᐃᔮᑲ ᐊᓂᐦᐃ ᑭᐦᒋ ᐅᑭᒫᐊᐧ ᐅ ᓯᒫᑲᓂᓯᐃᐧᑭᒫᒥᔨᐊᐧ, ᑖᓀᐦᑭ ᐅᒪ ᑳ ᐃᓯ ᐋᐦᑲᒣᔨᑖᑲᐧᓂᔨᐠ ᑭᐦᒋ ᐅᑭᒫᐤ ᐅᐟ ᐃᑕᓱᐁᐧᐃᐧᐣ? ᐁᑲᐧ ᐋᕒᐃᔮᐠ ᑭ ᑭᐢᑫᔨᑕᒧᐁᐤ ᑖᓂᐁᓬᐊ. 16ᑖᓂᐁᓬ ᒫᑲ ᑭ ᐱᐦᑐᑫᐤ, ᒥᓇ ᑭ ᑲᑫᐧᒋᒣᐤ ᑭᐦᒋ ᐅᑭᒫᐊᐧ ᑭᔮᒼ ᑭᑕ ᐯᐃᑯᐟ, ᐁᑯᓯ ᑭᑕ ᐋᐧᐸᐦᑕᐋᐟ ᑭᐦᒋ ᐅᑭᒫᐊᐧ ᐁᑌᐧᒪᑲᓂᔨᐠ.
17ᐁᑲᐧ ᑖᓂᐁᓬ ᑭ ᐃᑐᐦᑌᐤ ᐅ ᐋᐧᐢᑳᐦᐃᑲᓂᕽ, ᒥᓇ ᑭ ᑭᐢᑫᔨᑕᒧᐁᐤ ᐦᐁᓈᓈᔭᐊᐧ, ᒥᓭᐃᓬ, ᒥᓇ ᐋᓴᕒᐋᔭᐊᐧ, ᐅ ᐃᐧᒉᐋᐧᑲᓇ; 18ᑭᑕ ᑳᑭᓯᒧᑐᑕᐋᐧᔨᐟ ᑭᓭᒪᓂᑐᐊᐧ ᑭᐦᒋᑭᓯᑯᕽ ᑳ ᐊᔮᔨᐟ ᑭᑕ ᑭᑎᒫᑭᓈᑯᒋᐠ ᐅᒪ ᐅᐦᒋ ᑳ ᐊᐧᓂᒧᑕᓂᔨᐠ; ᐁᑳ ᑖᓂᐁᓬ ᒥᓇ ᐅ ᐃᐧᒉᐋᐧᑲᓇ ᑭᑕ ᓂᓯᐊᐧᓈᒋᐃᐦᒋᐠ ᑭᑭ ᐊᓂᑭ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐹᐱᓬᐊᓂᕽ.
19ᐁᑲᐧ ᐊᓂᒪ ᑳ ᐊᐧᓂᒧᑕᓂᔨᐠ ᑭ ᐋᐧᐸᐦᑕᐦᐋᐤ ᑖᓂᐁᓬ ᐃᓯᓇᒧᐃᐧᓂᕽ ᐁ ᑎᐱᐢᑳᔨᐠ. ᐁᑲᐧ ᑖᓂᐁᓬ ᑭ ᒪᒥᐦᒋᒣᐤ ᑭᓭᒪᓂᑐᐊᐧ ᑭᐦᒋᑭᓯᑯᕽ ᑳ ᐊᔮᔨᐟ. 20ᑖᓂᐁᓬ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᑭᑕ ᒪᒥᐦᒋᐦᑕᒫᐧᐣ ᐅ ᐃᐧᔪᐃᐧᐣ ᑭᓭᒪᓂᑐ ᑳᑭᑫ ᒥᓇ ᑳᑭᑫ; ᒋᑫᒫ ᐃᔨᓂᓯᐃᐧᐣ ᒥᓇ ᓱᑳᑎᓯᐃᐧᐣ ᐊᔮᐤ; 21ᐃᐧᔭ ᒫᑲ ᐋᑕᐢᑖᐤ ᐃᑕ ᐊᓂᒪ ᐁ ᐊᔨᑭᕽ; ᐃᑲᑌᓀᐤ ᑭᐦᒋ ᐅᑭᒫᐊᐧ, ᒥᓇ ᐅᔭᐱᐁᐤ ᑭᐦᒋ ᐅᑭᒫᐊᐧ; ᒥᔦᐤ ᐃᔨᓂᓯᐃᐧᐣ ᑳ ᐃᔨᓂᓯᔨᐟ, ᒥᓇ ᑭᐢᑫᔨᑕᒧᐃᐧᐣ ᐊᓂᐦᐃ ᑳ ᑭᐢᑫᔨᑕᒥᔨᐟ ᓂᓯᑐᐦᑕᒧᐃᐧᐣ; 22ᐋᐧᐸᐦᑕᐦᐃᐁᐧᐤ ᐊᑖᒥᕽ ᑳ ᐊᔮᑭ ᒥᓇ ᐊᐧᓂᒧᑕᓄᕽ ᑳ ᐊᔮᑭ; ᑭᐢᑫᔨᑕᒼ ᐊᓂᒪ ᐊᐧᓂᑎᐱᐢᑳᕽ ᑳ ᐊᔮᐠ, ᒥᓇ ᐋᐧᐢᑌᐤ ᐃᐧᒋᐊᔮᒥᐠ. 23ᑭ ᓇᓈᐢᑯᒥᑎᐣ ᒥᓇ ᑭ ᒪᒥᐦᒋᒥᑎᐣ ᑭᔭ ᐅ ᑭᓭᒪᓂᑐᒥᐋᐧᐊᐧ ᓄᑖᐃᐧᔭᐠ, ᑳ ᑭ ᒥᔨᔭᐣ ᐃᔨᓂᓯᐃᐧᐣ ᒥᓇ ᒪᐢᑲᐃᐧᓯᐃᐧᐣ, ᒥᓇ ᐁᑲᐧ ᑳ ᑭᐢᑫᔨᑕᒧᐃᔭᐣ ᑳ ᑭ ᓇᑕᐁᐧᔨᑕᒫᑖᕽ; ᒋᑫᒫ ᑭ ᑭ ᑭᐢᑫᔨᑕᒧᐃᓈᐣ ᑭᐦᒋ ᐅᑭᒫᐤ ᑳ ᓇᑕᐁᐧᔨᑕᕽ.
24ᐁᑯᓯ ᒫᑲ ᑖᓂᐁᓬ ᑭ ᐱᑐᑲᐁᐧᐤ ᐋᕒᐃᔮᑲ, ᐊᓂᐦᐃ ᑭᐦᒋ ᐅᑭᒫᐤ ᑳ ᑭ ᐅᔭᑭᒫᐟ ᑭᑕ ᓂᓯᐊᐧᓈᒋᐦᐋᔨᐟ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ; ᐅᒥᓯ ᑭ ᓇᑕᐃᐧ ᐃᑌᐤ, ᐁᑳᐃᐧᔭ ᓂᓯᐊᐧᓈᒋᐃᐠ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐹᐱᓬᐊᓂᕽ; ᐱᐦᑐᑲᐦᐃᐣ ᓂᔭ ᑭᑕ ᐋᐧᐸᒪᐠ ᑭᐦᒋ ᐅᑭᒫᐤ ᓂ ᑲ ᐋᐧᐸᐦᑕᐦᐋᐤ ᒫᑲ ᑭᐦᒋ ᐅᑭᒫᐤ ᐁᑌᐧᒪᑲᕽ.
25ᐁᑲᐧ ᐋᕒᐃᔮᐠ ᑭᔨᐸ ᑭ ᐱᐦᑐᑲᐦᐁᐤ ᑖᓂᐁᓬᐊ ᐃᑕ ᐁ ᐊᔮᔨᐟ ᑭᐦᒋ ᐅᑭᒫᐊᐧ, ᑭ ᐃᑌᐤ ᒫᑲ, ᓂ ᑭ ᒥᐢᑲᐋᐧᐤ ᓈᐯᐤ ᐅᐟ ᐊᐋᐧᓯᒥᓯᐋᐧᐊᐧ ᐅᐦᒋ ᑳ ᐊᐊᐧᑳᑎᐦᒋᐠ ᒍᑕ, ᐁ ᑲᐢᑭᑖᐟ ᑭᑕ ᑭᐢᑫᔨᑕᒧᐋᐟ ᑭᐦᒋ ᐅᑭᒫᐊᐧ ᐁᑌᐧᒪᑲᕽ. 26ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᑭ ᐃᑌᐤ ᑖᓂᐁᓬᐊ, ᐁᐊᐧᑯᓂ ᐯᓬᑎᓵᓴᕒ ᑳ ᐃᓯᔨᐦᑳᓱᐟ, ᑭ ᑲᐢᑭᑖᐣ ᒋ ᑭᑕ ᑭᐢᑫᔨᑕᒧᐃᔭᐣ ᐊᓂᒪ ᐸᐋᐧᒥᐃᐧᐣ ᑳ ᑭ ᐃᓯᓇᒫᐣ, ᒥᓇ ᐁ ᐃᑌᐧᒪᑲᕽ ᐁᐊᐧᑯ?
27ᑖᓂᐁᓬ ᑭ ᓇᐢᑫᐧᐊᐧᓯᒣᐤ ᑭᐦᒋ ᐅᑭᒫᐊᐧ, ᒥᓇ ᑭ ᐃᑌᐤ, ᐊᓂᒪ ᑳ ᐊᐧᓂᒧᑕᕽ ᑭᐦᒋ ᐅᑭᒫᐤ ᑳ ᑭ ᓇᑕᐁᐧᔨᑕᕽ ᓇᒪᐃᐧᔭ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᑳ ᒪᒫᑖᐃᐧᓯᒋᐠ, ᒥᑌᐊᐧᐠ, ᐊᐦᐳ ᐅᑯᓵᐸᑕᒧᐊᐧᐠ, ᑭᑕ ᑭ ᐋᐧᐸᐦᑕᐦᐁᐊᐧᐠ ᑭᐦᒋ ᐅᑭᒫᐊᐧ; 28ᒫᑲ ᐃᐦᑖᐤ ᑭᓭᒪᓂᑐ ᑭᐦᒋᑭᓯᑯᕽ ᑳ ᑭᐢᑫᔨᑕᒧᐃᐁᐧᐟ ᑳ ᐊᐧᓂᒧᑕᑭ, ᐁᐊᐧᑯ ᒫᑲ ᑭ ᑭᐢᑫᔨᑕᒧᐁᐤ ᑭᐦᒋ ᐅᑭᒫᐊᐧ ᓀᑊᔪᑳᐟᓀᓴᕒᐊ ᐊᓂᒪ ᑫ ᐊᔨᑭᕽ ᐃᐢᑳᐧᔮᐨ ᐊᑎ ᑲᑭᓯᑳᑭ. ᑭ ᐸᐋᐧᒥᐃᐧᐣ ᒥᓇ ᑳ ᑭ ᐃᓯᓇᒪᐣ ᑭᐢᑎᑳᐧᓂᕽ ᑭ ᓂᐯᐃᐧᓂᕽ ᐁᐊᐧᑯᓂ ᐅᐦᐃ; 29ᑭᔭ ᒫᑲ ᐃᐧᔭ ᑭᐦᒋ ᐅᑭᒫᐤ, ᑭ ᒥᑐᓀᔨᒋᑲᓇ ᑭ ᑭ ᐅᑎᐦᑎᑯᐣ ᑭ ᒥᑐᓀᔨᒋᑲᓂᕽ ᑭ ᓂᐯᐃᐧᓂᕽ, ᐊᓂᒪ ᑫ ᐊᔨᑭᕽ ᐹᑎᒫ; ᐊᓇ ᒫᑲ ᑳ ᐋᐧᐸᐦᑕᐦᐃᐁᐧᐟ ᑳ ᐊᐧᓂᒧᑕᑭ ᑭ ᑭ ᑭᐢᑫᔨᑕᒧᐃᐠ ᐊᓂᒪ ᑫ ᐊᔨᑭᕽ. 30ᓂᔭ ᒫᑲ ᐃᐧᔭ ᓇᒪᐃᐧᔭ ᓂ ᑭᐢᑫᔨᑕᒧᐦᐃᑲᐃᐧᐣ ᐅᒪ ᑳ ᐊᐧᓂᒧᑕᕽ ᓈᐣᑕᐤ ᐃᔨᓂᓯᐃᐧᐣ ᐁ ᐊᔮᔮᐣ ᐊᐊᐧᓯᒣ ᐃᔨᑯᕽ ᑯᑕᐠ ᐊᐃᐧᔭᐠ ᑳ ᐱᒫᑎᓯᐟ, ᒫᑲ ᐁ ᐃᑌᐧᒪᑲᕽ ᑭᑕ ᑭᐢᑫᔨᑕᒧᐃᐦᐟ ᑭᐦᒋ ᐅᑭᒫᐤ, ᒥᓇ ᑭᑕ ᑭᐢᑫᔨᑕᒪᐣ ᒥᑐᓀᔨᒋᑲᓇ ᑳ ᐊᔮᑭ ᑭᑌᐦᐃᕽ.
31ᑭᔭ ᑭᐦᒋ ᐅᑭᒫᐤ ᑭ ᑭ ᐋᐧᐸᒫᐤ ᐁ ᒥᓯᑭᑎᐟ ᓇᐢᐱᓯᒋᑲᐣ. ᐊᐊᐧ ᓇᐢᐱᓯᒋᑲᐣ, ᑳ ᒥᓯᑭᑎᐟ ᒥᓇ ᐊᔨᐋᐧᐠ ᑳ ᐋᐧᓯᓱᐟ ᑭ ᑭ ᐅᐦᑎᐢᑲᐃᐧᑳᐸᐃᐧᐢᑖᐠ; ᑭ ᑯᐢᑖᓯᓈᑯᓯᐤ ᒫᑲ. 32ᐊᐊᐧ ᒫᑲ ᓇᐢᐱᓯᒋᑲᐣ ᐁ ᒥᔪᓯᐟ ᐅᓵᐃᐧᓱᓂᔮᐤ ᑭ ᐅᐢᑎᑳᐧᓂᐤ, ᐊᐧᐢᑭᑲᐣ ᒥᓇ ᐅᐢᐱᑐᓇ ᐋᐧᐱᐢᑭᓱᓂᔮᐤ, ᐊᐧᑕᐩ ᒥᓇ ᐅᐹᐧᒪ ᐅᓵᐋᐧᐱᐢᐠ, 33ᐅᐢᑳᑕ ᐱᐋᐧᐱᐢᐠ, ᐅᓯᑕ ᐸᐦᑭ ᐱᐋᐧᐱᐢᐠ ᒥᓇ ᐸᐦᑭ ᐊᓯᐢᑭ. 34ᑭ ᑭ ᐋᐧᐸᒫᐤ ᐱᔨᐢ ᐊᓯᓂ ᐁ ᐸᑫᐧᑕᐅᐦᐟ ᓇᒪᐃᐧᔭ ᒥᒋᐦᒋ ᐅᐦᒋ, ᐁᐊᐧᑯ ᑭ ᐸᑲᒥᐢᑲᐁᐧᐤ ᐊᓂᐦᐃ ᓇᐢᐱᓯᒋᑲᓇ ᐅᓯᑎᔨᕽ ᑳ ᐱᐋᐧᐱᐢᑯᐊᐧᓂᔨᑭ ᒥᓇ ᑳ ᐊᓯᐢᑭᐊᐧᓂᔨᑭ, ᐁᑯᓯ ᑭ ᐱᓴᑕᐦᐊᒼ. 35ᐁᑲᐧ ᐱᐋᐧᐱᐢᐠ, ᐊᓯᐢᑭ, ᐅᓵᐋᐧᐱᐢᐠ, ᐋᐧᐱᐢᑭᓱᓂᔮᐤ, ᒥᓇ ᐅᓵᐃᐧᓱᓂᔮᐤ, ᑭ ᒫᒪᐃᐧ ᐱᓴᑕᐃᑳᑌᐤ, ᐁᑯᓯ ᑭ ᐃᓯ ᐊᔮᐤ ᑖᐱᐢᑯᐨ ᐸᐊᐧᐢᒋᒋᑲᐣ ᓂᐱᓂ ᐸᐊᐧᐃᑫᐃᐧᑲᒥᑯᕽ; ᑭ ᐁᐧᐹᐢᑕᓇᐧ ᒫᑲ, ᐁᑯᓯ ᓇᒪ ᓈᐣᑕᐤ ᐃᑕ ᑭ ᒥᐢᑭᑳᑌᐊᐧ; ᐊᓇ ᒫᑲ ᐊᓯᓂ ᑳ ᑭ ᐸᑲᒥᐢᑲᐋᐧᐟ ᐊᓂᐦᐃ ᓇᐢᐱᓯᒋᑲᓇ ᑭ ᐊᑎ ᑭᐦᒋᐊᐧᒋᐊᐧᐣ, ᒥᓇ ᑭ ᑌᐱᐢᑲᒼ ᒥᓯᐁᐧ ᐊᐢᑭ.
36ᐁᐊᐧᑯᒪ ᐸᐋᐧᒥᐃᐧᐣ; ᓂ ᑲ ᐃᐧᐦᑕᒪᐋᐧᓈᐣ ᒫᑲ ᑭᐦᒋ ᐅᑭᒫᐤ ᐁᑌᐧᒪᑲᕽ ᐁᐊᐧᑯ. 37ᑭᔭ ᑭᐦᒋ ᐅᑭᒫᐤ ᑭ ᑭᐦᒋ ᐅᑭᒫᑲᑕᐋᐧᐊᐧᐠ ᑭᐦᒋ ᐅᑭᒫᐊᐧᐠ, ᑭᔭ ᑳ ᑭᓭᒪᓂᑐᐃᐧᐟ ᑭᐦᒋᑭᓯᑯᕽ ᑭ ᑭ ᒥᔨᐠ ᑭᐦᒋ ᐅᑭᒫᐃᐧᐃᐧᐣ, ᓱᑳᑎᓯᐃᐧᐣ, ᒥᓇ ᒪᐢᑲᐃᐧᓯᐃᐧᐣ, ᒥᓇ ᑭᐢᑌᔨᑖᑯᓯᐃᐧᐣ; 38ᒥᓇ ᐱᑯ ᐃᑕ ᐊᔨᓯᔨᓂᐃᐧᑯᓯᓵᓇᐠ ᐁ ᐊᔮᒋᐠ, ᐱᓯᐢᑭᐊᐧ ᐱᑲᐧᒑᔨᕽ ᒥᓇ ᐱᔦᓯᐊᐧ ᑳ ᐸᐹᒥᔮᔨᐟ ᑭ ᐸᑭᑎᓀᐤ ᑭᒋᐦᒋᕽ, ᑭ ᑭ ᑎᐯᔨᐦᑕᒧᐃᐠ ᒫᑲ ᑲᐦᑭᔭᐤ; ᑭᔭ ᐁᐊᐧᑯ ᐅᓵᐃᐧᓱᓂᔮᐊᐧ ᑳ ᐅᐢᑎᑳᐧᓂᐟ. 39ᑯᑕᐠ ᒫᑲ ᑭᐦᒋ ᐅᑭᒫᐃᐧᐃᐧᐣ ᑭᑕ ᐸᓯᑯᒪᑲᐣ ᐁ ᐊᐢᑯᐃᐧᐢᑳᑯᔭᐣ ᓄᐦᑕᐤ ᐁ ᐃᐢᐱᑌᔨᑖᑲᐧᕽ ᐃᔨᑯᕽ ᑭᔭ; ᑯᑕᐠ ᒫᑲ, ᐁᑲᐧ ᓂᐢᑐ, ᐁᐊᐧᑯ ᐅᓵᐋᐧᐱᐢᑯᐃᐧ ᑭᐦᒋ ᐅᑭᒫᐃᐧᐃᐧᐣ, ᑭᑕ ᑎᐯᔨᐦᑕᒧᒪᑲᐣ ᒥᓯᐁᐧ ᐊᐢᑭ. 40ᐊᓂᒪ ᒫᑲ ᓀᐤ ᐊᑎ ᑭᐦᒋ ᐅᑭᒫᐃᐧᐃᐧᐣ ᑭᑕ ᓱᑲᐣ ᑖᐱᐢᑯᓭ ᐱᐋᐧᐱᐢᐠ; ᒋᑫᒫ ᑖᐱᐢᑯᐨ ᐱᐋᐧᐱᐢᐠ ᑳ ᐃᓯ ᐱᓴᑕᐃᑫᒪᑲᕽ ᒥᓇ ᑳ ᐃᓯ ᓵᑯᒋᐦᑖᒪᑲᕽ ᑲᐦᑭᔭᐤ ᑫᑲᐧᐩ; ᒥᓇ ᑖᐱᐢᑯᐨ ᐱᐋᐧᐱᐢᐠ ᑳ ᐃᓯ ᓯᑲᐧᑕᐊᒧᒪᑲᕽ ᑲᐦᑭᔭᐤ ᐅᐦᐃ. ᐁᑯᓯ ᑫ ᐃᓯ ᐱᑲᐧᑕᐃᑫᒪᑲᕽ ᒥᓇ ᓯᑲᐧᐢᑲᒧᒪᑲᕽ. 41ᒥᓇ ᒫᑲ ᑳ ᑭ ᐃᓯ ᐋᐧᐸᐦᑕᒪᐣ ᒥᓯᑕ ᒥᓇ ᔨᔨᑭᓯᑖᓇ, ᐸᐦᑭ ᐅᔮᑲᓂᑫᐤ ᐅᐟ ᐊᓯᐢᑭᒼ ᒥᓇ ᐸᐦᑭ ᐱᐋᐧᐱᐢᐠ, ᑭᑕ ᓇᓈᓂᐢᒋᐊᔮᐤ ᐁᐊᐧᑯ ᑭᐦᒋ ᐅᑭᒫᐃᐧᐃᐧᐣ; ᒫᑲ ᐁᑯᑕ ᑭᑕ ᐊᔮᐤ ᑳ ᐃᓯ ᒪᐢᑲᐃᐧᓯᒪᑲᕽ ᐱᐋᐧᐱᐢᐠ, ᐃᐧᔭ ᐁ ᑭ ᐋᐧᐸᐦᑕᒪᐣ ᐱᐊᐧᐱᐢᐠ ᐁ ᑭᔨᑲᐃᐧᐊᔮᐠ ᒥᓇ ᐊᓯᐢᑭ. 42ᒥᓇ ᑖᐱᐢᑯᐨ ᔨᔨᑭᓯᑖᓇ ᒥᓯᑎᕽ ᐸᐦᑭ ᑳ ᐱᐋᐧᐱᐢᑯᐊᐧᑭ ᒥᓇ ᐸᐦᑭ ᐋᐧᐸᑐᓂᐢᐠ, ᐁᑯᓯ ᐊᓂᒪ ᑭᐦᒋ ᐅᑭᒫᐃᐧᐃᐧᐣ ᐸᐦᑭ ᑫ ᓱᑲᕽ ᒥᓇ ᐸᐦᑭ ᑫ ᑳᐢᐹᐠ. 43ᒫᑲ ᑳ ᑭ ᐃᓯ ᐋᐧᐸᐦᑕᒪᐣ ᐱᐋᐧᐱᐢᐠ ᐁ ᑭᔨᑲᐃᐧᐊᔮᐠ ᐋᐧᐸᑐᓂᐢᐠ, ᐁᑯᓯ ᑫ ᐃᓯ ᑭᔨᑲᐁᐧᔭᑎᒋᐠ ᐊᔨᓯᔨᓂᐃᐧ ᓂᐦᑖᐃᐧᑭᐦᐋᑲᓇ; ᓇᒪᐃᐧᔭ ᒫᑲ ᑭᑕ ᐋᔮᒋᐃᐧᒉᑐᐊᐧᐠ, ᑖᐱᐢᑯᐨ ᐃᓴ ᐱᑯ ᐱᐋᐧᐱᐢᐠ ᐁᑳ ᐁ ᐃᐧᒉᑐᒪᑲᕽ ᐋᐧᐸᑐᓂᐢᐠ. 44ᒣᑳᐧᐨ ᒫᑲ ᐁᐊᐧᑯᓂᐠ ᑭᐦᒋ ᐅᑭᒫᐊᐧᐠ ᐁ ᐃᐦᑖᒋᐠ ᑭᓭᒪᓂᑐ ᑭᐦᒋᑭᓯᑯᕽ ᑳ ᐊᔮᐟ ᑭᑕ ᐅᔭᐢᑖᐤ ᑭᐦᒋᐅᑭᒪᐃᐧᐃᐧᐣ, ᐁᑳ ᐃᐧᑳᐨ ᑫ ᓂᓯᐊᐧᓈᑕᕽ, ᒥᓇ ᐁᐊᐧᑯ ᑭᐦᒋ ᐅᑭᒫᐃᐧᐃᐧᐣ ᓇᒪᐃᐧᔭ ᑭᑕ ᓇᑲᑕᒪᐋᐧᐊᐧᐠ ᑯᑕᑲᐠ ᐊᔨᓯᔨᓂᐊᐧᐠ; ᒫᑲ ᑭᑕ ᐱᑯᓇᒼ ᒥᓇ ᑭᑕ ᓂᓯᐊᐧᓈᒋᐦᑖᐤ ᑲᐦᑭᔭᐤ ᐅᐦᐃ ᑭᐦᒋ ᐅᑭᒫᐃᐧᐃᐧᓇ, ᐁᑯᓯ ᑭᑕ ᐋᔮᑕᐢᑭᑌᐤ ᑳᑭᑫ. 45ᐁᑯᓯ ᑳ ᑭ ᐃᓯ ᐋᐧᐸᐦᑕᒪᐣ ᐊᓯᓂ ᐊᐧᒋᕽ ᐁ ᑭ ᐅᐦᒋ ᐸᐦᑫᐧᑕᐅᐦᐟ ᐁᑳ ᒥᒋᐦᒋᔭ ᐁ ᐋᐸᑕᑭ ᐁᑯᓯ ᐁ ᑭ ᐱᑯᐊᕽ ᐱᐋᐧᐱᐢᐠ, ᐅᓵᐋᐧᐱᐢᐠ, ᐋᐧᐸᑐᓂᐢᐠ, ᐋᐧᐱᐢᑭᓱᓂᔮᐤ, ᒥᓇ ᐅᓵᐃᐧᓱᓂᔮᐤ; ᑭᐦᒋ ᑭᓭᒪᓂᑐ ᑭ ᑭᐢᑫᔨᑕᒧᐁᐤ ᑭᐦᒋ ᐅᑭᒫᐊᐧ ᐊᓂᒪ ᑫ ᐃᑭᕽ ᐸᑎᒫ; ᐁᑯᓯ ᐸᐋᐧᒥᐃᐧᐣ ᑫᐦᒋᓈᑕᐣ, ᒥᓇ ᐁ ᐃᑌᐧᒪᑲᕽ ᑫᐦᒋᓈᑕᐣ.
46ᐁᑲᐧ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ ᑭ ᐅᑎᑕᐱᐸᑭᓯᐣ ᒥᓇ ᑭ ᐅᒋᐦᒋᐦᑲᐧᓂᐢᑕᐁᐧᐤ ᑖᓂᐁᓬᐊ, ᒥᓇ ᑭ ᐃᑕᓱᐁᐧᐤ ᑭᑕ ᐸᑭᑎᓇᒫᒥᐦᐟ ᐸᑭᑎᓈᓱᐃᐧᐣ ᒥᓇ ᐃᐧᑭᒫᓯᑲᐣ. 47ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᑖᓂᐁᓬᐊ, ᒥᓇ ᑭ ᐃᑌᐤ, ᑖᐯᐧ ᑭ ᑭᓭᒪᓂᑐᒥᐋᐧᐤ ᐁᐊᐧᑯ ᒪᓂᑐᐊᐧᐠ ᐅ ᑭᓭᒪᓂᑐᒥᐋᐧᐊᐧ, ᒥᓇ ᑳ ᑎᐯᔨᒫᐟ ᑭᐦᒋ ᐅᑭᒫᐊᐧ, ᒥᓇ ᑳ ᑭᐢᑫᔨᑕᒧᐃᐁᐧᐟ ᑳ ᐊᐧᓂᒧᑕᑭ ᐃᐧᔭ ᐁ ᑭ ᑲᐢᑭᑖᔭᐣ ᑭᑕ ᑭᐢᑫᔨᑕᒧᐃᐁᐧᔭᐣ ᐅᒪ ᑳ ᐊᐧᓂᒧᑕᕽ.
48ᐁᑲᐧ ᑭᐦᒋ ᐅᑭᒫᐤ ᑭ ᑭᐢᑌᔨᑖᑯᐁᐤ ᑖᓂᐁᓬᐊ, ᒥᓇ ᑭ ᒥᔦᐤ ᒥᐦᒉᐟ ᑭᐦᒋᒣᑭᐃᐧᓇ, ᒥᓇ ᑭ ᑎᐯᔨᐦᑕᒧᐁᐤ ᒥᓯᐁᐧ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ, ᒥᓇ ᑭᑕ ᑭᐦᒋᑎᐯᔨᒫᔨᐟ ᑲᐦᑭᔭᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ. 49ᑖᓂᐁᓬ ᒫᑲ ᑭ ᑲᑫᐧᒋᒣᐤ ᑭᐦᒋ ᐅᑭᒫᐊᐧ, ᐁᑯᓯ ᑭ ᐅᔭᑭᒣᐤ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭᑕ ᐸᒥᑖᔨᐟ ᐊᓂᒪ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ; ᒫᑲ ᑖᓂᐁᓬ ᑭ ᐊᔮᐤ ᐅ ᑭᐦᒋᐃᐢᑳᐧᑌᒥᔨᕽ ᑭᐦᒋ ᐅᑭᒫᐊᐧ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.