ᑖᓂᐁᓬ 1
1
1 #
2 ᑭᐦᒋ ᐅᑭᒫᐊᐧᐠ 24:1; 2 ᐊᑭᓀ ᐋᒋᒧᐃᐧᓇ 36:5-7 ᓂᐢᑐ ᐊᐢᑭ ᐊᑎ ᐁ ᑭᐦᒋ ᐅᑭᒫᐃᐧᐟ ᒋᐦᐋᔭᑭᒼ ᒍᑕ ᑭᐦᒋ ᐅᑭᒫᐤ ᑭ ᐯ ᐃᑐᐦᑌᐤ ᓀᑊᔪᑳᐟᓀᓴᕒ ᐹᐱᓬᐊᐣ ᑭᐦᒋ ᐅᑭᒫᐤ ᒉᕒᐅᓴᓬᐊᒥᕽ, ᒥᓇ ᑭ ᑭᐳᑌᐁᐧᐢᑲᒼ. 2#2 ᑭᐦᒋ ᐅᑭᒫᐊᐧᐠ 20:17,18; 24:10-16; 2 ᐊᑭᓀ ᐋᒋᒧᐃᐧᓇ 36:10; ᐊᐩᓵᔭ 39:7,8ᑳ ᑎᐯᔨᐦᒋᑫᐟ ᒫᑲ ᑭ ᐸᑭᑎᓀᐤ ᒋᐦᐋᔭᑭᒪ ᒍᑕ ᑭᐦᒋ ᐅᑭᒫᐊᐧ ᐅᒋᐦᒋᔨᕽ, ᐊᓯᒋ ᐋᑎᐦᐟ ᐊᓯᐊᐧᒋᑲᓇ ᐅ ᐋᐧᐢᑳᐦᐃᑲᓂᕽ ᑭᓭᒪᓂᑐ; ᑭ ᐃᑐᑕᑖᐤ ᒫᑲ ᓵᐃᓇᕒ ᐊᐢᑭᕽ ᐅ ᐋᐧᐢᑳᐦᐃᑲᓂᔨᕽ ᐅ ᒪᓂᑐᒪ ᐁᑯᓯ ᑭ ᐱᑐᑲᑖᐤ ᐊᓂᐦᐃ ᐊᓯᐊᐧᒋᑲᓇ ᐅ ᒫᐊᐧᒋᓱᓂᔮᐁᐧᐃᐧᑲᒥᑯᔨᕽ ᐅ ᒪᓂᑐᒪ.
3ᐁᑯᓯ ᒫᑲ ᑭᐦᒋ ᐅᑭᒫᐤ ᑭ ᐊᔭᒥᐦᐁᐤ ᐋᐢᐱᓈᓴ ᑳ ᑎᐯᔨᒫᔨᐟ ᔪᓇᑲ, ᑭᑕ ᐱᑐᑲᐋᐟ ᐋᑎᐦᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐊᓂᐦᐃ ᐅᑎ ᑭᐦᒋ ᐅᑭᒫᐃᐧᑯᓯᓵᓇ ᒥᓇ ᐅᑭᒫᐊᐧ ᐅᐦᒋ; 4ᐅᐢᑭᓂᑭᓴᐠ ᐁᑳ ᓈᐣᑕᐤ ᐁ ᐃᓯ ᓇᔦᐦᑖᐃᐧ ᐊᔮᒋᐠ, ᒫᑲ ᐁ ᒥᔪᓈᑯᓯᒋᐠ, ᒥᓇ ᐁ ᓇᐦᐃᒋᐠ ᑲᐦᑭᔭᐤ ᐃᔨᓂᓯᐃᐧᓂᕽ, ᒥᓇ ᐁ ᑲᑫᑖᓯᒋᐠ ᑭᐢᑫᔨᑕᒧᐃᐧᓂᕽ, ᒥᓇ ᐁ ᓂᓯᑐᐦᑕᒥᔨᐟ ᑭᐢᑭᓄᐦᐊᒫᑫᐃᐧᓇ, ᐊᓂᐦᐃ ᑐᐊᐧ ᑫ ᑲᐢᑭᑖᔨᐟ ᑭᑕ ᓂᐸᐃᐧᔨᐟ ᑭᐦᒋ ᐅᑭᒫᐃᐧᑲᒥᑯᕽ; ᒥᓇ ᑭᑕ ᑭᐢᑭᓄᐦᐊᒪᐋᐧᐟ ᐅ ᑭᐢᑭᓄᐦᐊᒫᑫᐃᐧᓂᔨᐤ ᒥᓇ ᐅ ᐱᑭᐢᑫᐧᐃᐧᓂᔨᐤ ᑳᓬᑎᔭᓇ. 5ᑭᐦᒋ ᐅᑭᒫᐤ ᒫᑲ ᑭ ᐅᔭᑭᑕᒪᐁᐧᐤ ᑕᐦᑐᑭᓯᑳᐤ ᑫ ᒥᒋᔨᐟ ᑭᐦᒋ ᐅᑭᒫᐤ ᐅ ᒥᒋᐃᐧᐣ ᐅᐦᒋ, ᒥᓇ ᐊᓂᒪ ᓱᒥᓈᐳ ᑳ ᒥᓂᐦᑫᐧᐟ, ᐁᑯᓯ ᓂᐢᑐ ᐊᐢᑭ ᑭᑕ ᑲᓇᐁᐧᔨᒥᐦᒋᐠ; ᐁᐊᐧᑯ ᐁ ᐳᓂᐸᔨᐠ ᑭᑕ ᐅᐦᑎᐢᑲᐃᐧᑳᐸᐃᐧᐢᑕᐋᐧᒋᐠ ᑭᐦᒋ ᐅᑭᒫᐊᐧ. 6ᐁᑯᑕ ᒫᑲ ᑭ ᐃᐧᒋᐦᐃᐁᐧᐊᐧᐠ ᐅᐟ ᐊᐋᐧᓯᒥᓴ ᒍᑕ ᐅᐦᒋ, ᑖᓂᐁᓬ, ᐦᐁᓈᓈᔭ, ᒥᓭᐃᓬ, ᒥᓇ ᐋᓴᕒᐋᔭ. 7ᐁᐊᐧᑯᓂ ᒫᑲ ᐊᓂᑭ ᔪᓇᑲᐠ ᐅᑭᒫᒥᐋᐧᐊᐧ ᑭ ᐃᐧᔦᐤ; ᑖᓂᐁᓬᐊ ᐯᓬᑎᓵᓴᕒ ᑭ ᐃᓯ ᐃᐧᔦᐤ; ᒥᓇ ᐦᐁᓈᓈᔭᐊᐧ ᓭᑕᕒᐋᐠ; ᒥᓇ ᒥᓭᐃᓬᐊ ᒥᓵᐠ; ᒥᓇ ᐋᓴᕒᐋᔭᐊᐧ ᐊᐯᐟᓂᑯ.
8ᒫᑲ ᐃᐧᔭ ᑖᓂᐁᓬ ᑭ ᑭᓭᔨᑕᒼ ᐅᑌᐦᐃᕽ ᐁᑳ ᑭᑕ ᐃᐧᔨᐱᐃᓱᐟ ᑭᐦᒋ ᐅᑭᒫᐊᐧ ᐅ ᒥᒋᐃᐧᓂᔨᐤ ᐅᐦᒋ, ᐊᐦᐳ ᐊᓂᒪ ᓱᒥᓈᐳ ᑳ ᒥᓂᐦᑫᐧᔨᐟ; ᐁᐊᐧᑯ ᐅᐦᒋ ᑭ ᑲᑫᐧᒋᒣᐤ ᐊᓂᐦᐃ ᑳ ᑎᐯᔨᒫᔨᐟ ᔪᓇᑲ ᐁᑳ ᑭᑕ ᐃᐧᔨᐱᐃᓱᐟ. 9ᑭᓭᒪᓂᑐᐊᐧ ᒫᑲ ᑭ ᐃᓯ ᒥᔨᐠ ᐊᐊᐧ ᑖᓂᐁᓬ ᑭᑕ ᒥᔪᑲᓇᐋᐧᐸᒥᑯᐟ ᒥᓇ ᑭᑕ ᑭᑎᒫᑭᓈᑯᐟ ᐊᓂᐦᐃ ᑳ ᑎᐯᔨᒫᔨᐟ ᔪᓇᑲ. 10ᐁᑯᓯ ᐊᓇ ᑳ ᑎᐯᔨᒫᐟ ᔪᓇᑲ ᑭ ᐃᑌᐤ ᑖᓂᐁᓬᐊ, ᓂ ᑯᐢᑖᐤ ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᑳ ᑭ ᐅᔭᑭᑕᕽ ᑭ ᒥᒋᐃᐧᓂᐋᐧᐤ ᒥᓇ ᑭ ᒥᓂᐦᑫᐧᐃᐧᓂᐋᐧᐤ; ᒋᑫᒫ ᑫᑲᐧᐩ ᐅᐦᒋ ᑫ ᐱᑐᑖᐱᓯᕽ ᑭᐦᒋ ᐅᑭᒫᐤ ᑭᔭᐋᐧᐤ ᐁ ᐃᓯᓈᑯᓯᔦᐠ ᒥᓇ ᐁ ᐃᓯᓈᑯᓯᒋᐠ ᑳ ᐃᐧᒋᐦᐃᐢᐱᑎᓯᒫᔦᑯᐠ? ᐁᑯᓯ ᑫ ᐃᓯ ᒪᒥᓯᑖᔦᐠ ᓂᐢᑎᑳᐧᐣ ᑭᐦᒋ ᐅᑭᒫᓈᕽ.
11ᐁᑲᐧ ᑖᓂᐁᓬ ᑭ ᐃᑌᐤ ᐅᐸᒥᑖᓱᐊᐧ, ᐊᓂᐦᐃ ᑳ ᑎᐯᔨᒫᔨᐟ ᔪᓇᑲ ᑳ ᑭ ᐅᔭᑭᒫᔨᐟ ᑭᑕ ᐸᒥᐃᑯᒋᐠ ᑖᓂᐁᓬ, ᐦᐁᓈᓈᔭ, ᒥᓭᐃᓬ, ᒥᓇ ᐋᓴᕒᐋᔭ; 12ᒫᐦᑎ ᑭᔮᒼ ᑯᒋᐃᐠ ᑭᐟ ᐊᑐᐢᑫᔮᑲᓇᐠ ᒥᑖᐦᑐᑭᓯᑳᐤ; ᑭᔮᒼ ᒫᑲ ᓂ ᑲ ᒥᔨᑯᓇᓇᐠ ᑳ ᓂᐦᑖᐃᐧᑭᑭ ᑭᑕ ᒥᒋᔮᕽ, ᒥᓇ ᓂᐱ ᑭᑕ ᒥᓂᐦᑫᐧᔮᕽ. 13ᐁᑲᐧ ᒫᑲ ᑭᔮᒼ ᑭ ᑲ ᐋᐧᐸᒥᓈᐣ, ᑫ ᐃᓯᓈᑯᓯᔮᕽ, ᒥᓇ ᑫ ᐃᓯᓈᑯᓯᒋᐠ ᐊᓂᑭ ᑫ ᒥᒋᒋᐠ ᑭᐦᒋ ᐅᑭᒫᐊᐧ ᐅ ᒥᒋᐃᐧᓂᔨᐤ; ᐁ ᐃᓯ ᐋᐧᐸᐦᑕᒪᐣ ᒫᑲ ᑭ ᑲ ᐃᑐᑕᐋᐧᐊᐧᐠ ᑭᐟ ᐊᑐᐢᑫᔮᑲᓇᐠ.
14ᐁᑯᓯ ᒫᑲ ᑭ ᓇᐢᑯᒣᐤ ᐅᒪ ᑳ ᐃᓯ ᓇᑕᐁᐧᔨᑕᒫᑯᐟ, ᒥᓇ ᑭ ᑯᒋᐦᐁᐤ ᒥᑖᐦᑐᑭᓯᑳᐤ. 15ᐁ ᐳᓂ ᒥᑖᐦᑐᑭᓯᑳᔨᐠ ᒫᑲ ᐊᔨᐋᐧᐠ ᐃᐧᔭᐋᐧᐤ ᑭ ᒥᔪᓈᑯᓯᐊᐧᐠ, ᒥᓇ ᑭ ᑖᐦᒋᐳᐊᐧᐠ ᐃᔨᑯᕽ ᑲᐦᑭᔭᐤ ᐊᓂᑭ ᐅᐢᑭᓂᑭᓴ ᑳ ᒥᒋᔨᐟ ᑭᐦᒋ ᐅᑭᒫᐊᐧ ᐅ ᒥᒋᐃᐧᓂᔨᐤ. 16ᐁᑯᓯ ᐊᓇ ᐅᐸᒥᑖᓱ ᑭ ᐅᑎᓇᒼ ᐊᓂᒪ ᐅ ᒥᒋᐃᐧᓂᔨᐤ ᒥᓇ ᐊᓂᒪ ᓱᒥᓈᐳ ᑭᑕ ᑭ ᒥᓂᐦᑫᐧᔨᐟ, ᐁᑯᓯ ᑭ ᒥᔦᐤ ᑳ ᓂᐦᑖᐃᐧᑭᓂᔨᑭ.
17ᒫᑲ ᐃᐧᔭ ᐅᑭ ᓀᐤ ᐅᐢᑭᓂᑭᓴᐠ, ᑭᓭᒪᓂᑐᐊᐧ ᑭ ᒥᔨᑲᐧᐠ ᑭᐢᑫᔨᑕᒧᐃᐧᐣ ᒥᓇ ᓇᐦᐃᐃᐧᐣ ᑲᐦᑭᔭᐤ ᑭᐢᑭᓄᐦᐊᒫᑐᐃᐧᓂᕽ ᒥᓇ ᐃᔨᓂᓯᐃᐧᓂᕽ; ᐁᑯᓯ ᑖᓂᐁᓬ ᑭ ᓂᓯᑐᐦᑕᒼ ᑲᐦᑭᔭᐤ ᐃᓯᓇᒧᐃᐧᓇ ᒥᓇ ᐸᐋᐧᒥᐃᐧᓇ. 18ᐃᐢᐱ ᒫᑲ ᐁ ᐳᓂᐸᔨᑭ ᑭᓯᑳᐊᐧ ᑭᐦᒋ ᐅᑭᒫᐤ ᑳ ᑭ ᐅᔭᑭᑖᕽ ᑭᑕ ᐱᐦᑐᑲᐦᐃᐦᒋᐠ, ᐊᓇ ᑳ ᑎᐯᔨᒫᐟ ᔪᓇᑲ ᑭ ᐱᐦᑐᑲᐦᐁᐤ ᑭᑕ ᐅᐦᑎᐢᑲᐃᐧᐢᑲᐋᐧᔨᐟ ᓀᑊᔪᑳᐟᓀᓴᕒ. 19ᐁᑯᓯ ᑭᐦᒋ ᐅᑭᒫᐤ ᑭ ᐊᔭᔭᒥᐁᐤ; ᓇᒪᐋᐧᐨ ᒫᑲ ᐁ ᐃᐦᑕᓯᔨᐟ ᑭ ᒥᐢᑲᐁᐧᐤ ᑖᐱᐢᑯᐨ ᑖᓂᐁᓬ, ᐦᐁᓈᓈᔭ, ᒥᓭᐃᓬ, ᒥᓇ ᐋᓴᕒᐋᔭ; ᐁᐊᐧᑯ ᐅᐦᒋ ᑭ ᐅᐦᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᑭᐦᒋ ᐅᑭᒫᐊᐧ. 20ᑲᐦᑭᔭᐤ ᒫᑲ ᑫᑲᐧᐩ ᐃᔨᓂᓯᐃᐧᐣ ᒥᓇ ᓂᓯᑐᐦᑕᒧᐃᐧᐣ ᑭᐦᒋ ᐅᑭᒫᐤ ᑳ ᑲᑫᐧᒋᒫᐟ, ᒥᐢᑲᒼ ᒥᑖᑕᑖᐧᐤ ᐃᔨᑯᕽ ᐊᐊᐧᓯᒣ ᐁ ᑭᐢᑫᔨᑕᒥᔨᐟ ᐃᐢᐱᐨ ᑲᐦᑭᔭᐤ ᐊᓂᐦᐃ ᐅᑯᓵᐸᑕᒧᐊᐧ ᒥᓇ ᑳ ᒪᒫᑖᐃᐧᓯᑳᓱᔨᐟ ᑳ ᐊᔮᔨᐟ ᒥᓯᐁᐧ ᐅᐟ ᐊᐢᑭᕽ. 21ᑖᓂᐁᓬ ᒫᑲ ᑭ ᐊᔮᐤ ᐱᔨᐢ ᐊᓂᒪ ᓂᐢᑕᒼ ᐊᐢᑭ ᑳ ᐊᑎ ᑎᐯᔨᐦᑕᕽ ᑭᐦᒋ ᐅᑭᒫᐤ ᓴᐃᕒᐊᐢ.
Currently Selected:
ᑖᓂᐁᓬ 1: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
