ᓃᓵᐧᐤ ᓵᒼᔪᐃᓬ 8
8
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᑌᐱᐟ ᑭ ᐸᑲᒪᐁᐧᐤ ᐱᓬᐃᐢᑎᓇ ᒥᓇ ᑭ ᓵᑯᒋᐦᐁᐤ; ᑌᐱᐟ ᒫᑲ ᑭ ᐅᑎᓇᒼ ᒥᐦᑌᑳᒪ ᐅᒋᐦᒋᔨᕽ ᐅᐦᒋ ᐱᓬᐃᐢᑎᓇ. 2ᑭ ᐸᑲᒪᐁᐧᐤ ᒫᑲ ᒧᐋᑊ, ᒥᓇ ᑭ ᑎᐸᐁᐧᐤ ᑎᐹᐹᒋᑲᐣ ᐅᐦᒋ, ᑭ ᐱᒥᓯᒣᐤ ᒧᒋᕽ; ᐁᑯᓯ ᑭ ᑎᐸᐁᐧᐤ ᓂᓱ ᑎᐹᐹᒋᑲᐣ ᑭᑕ ᓂᐸᐦᐋᐟ ᒥᓇ ᒥᑐᓂ ᐯᔭᐠ ᑎᐹᐹᒋᑲᐣ ᑭᑕ ᐱᒫᒋᐦᐋᐟ. ᐁᑯᓯ ᒧᐊᐸᐃᑕ ᑭ ᐅᐟ ᐊᑐᐢᑫᔮᑲᓂᐤ ᑌᐱᐟ ᒥᓇ ᑭ ᐯᑕᒫᐠ ᒣᑭᐃᐧᓇ.
3ᐁᑯᓯ ᒥᓇ ᑌᐱᐟ ᑭ ᐸᑲᒪᐁᐧᐤ ᐦᐁᑖᑎᓴᕒ ᐅᑯᓯᓴ ᕒᐃᐦᐋᑊ, ᓵᐸ ᑭᐦᒋ ᐅᑭᒫᐤ, ᐁ ᐃᑐᐦᑌᔨᐟ ᑳᐃᐧ ᑭᑕ ᐅᑎᓇᒥᔨᐟ ᐅ ᑎᐯᔨᒋᑲᓂᔨᐤ ᓯᐱᕽ. 4ᑌᐱᐟ ᒫᑲ ᑭ ᒪᐢᑲᒣᐤ ᑭᐦᒋᒥᑖᐦᑐᒥᑕᓇᐤ ᒥᓇ ᐊᔨᐋᐧᐠ ᑌᐸᑯᐹᐧᐤ ᒥᑖᐦᑐᒥᑕᓇᐤ ᐅᑌᑕᐱᐊᐧ, ᐁᑯᓯ ᓂᓯᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐅ ᒧᐢᑐᑌᐊᐧ; ᑌᐱᐟ ᒫᑲ ᑭ ᓂᓯᐊᐧᓈᒋᐁᐤ ᑲᐦᑭᔭᐤ ᑎᑎᐱᑖᐸᓇᐢᑯ ᒥᐢᑕᑎᒪᐧ, ᒫᑲ ᑭ ᐃᐢᑯᓀᐤ ᑭᑕ ᐋᐸᑎᓯᔨᐟ ᒥᑖᐦᑐᒥᑕᓇᐤ ᑎᑎᐱᑖᐸᓈᐢᑲᐧ. 5ᐃᐢᐱ ᒫᑲ ᐊᓂᑭ ᓯᕒᐃᔭᓇᐠ ᑕᒫᐢᑲᓯᕽ ᐱᔦᓇᑕᐃᐧ ᐃᐧᒋᐦᐋᒋᐠ ᐦᐁᑖᑎᓴᕒᐊ ᐊᓂᐦᐃ ᓵᐸ ᑭᐦᒋ ᐅᑭᒫᐊᐧ, ᑌᐱᐟ ᑭ ᓂᐸᐁᐤ ᐊᓂᐦᐃ ᓯᕒᐃᔭᓇ ᓂᓯᑕᓇᐤ ᓂᓱ ᐊᔨᐋᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ ᓈᐯᐊᐧ. 6ᐁᑲᐧ ᑌᐱᐟ ᑭ ᐸᑭᑎᓀᐤ ᓯᒫᑲᓂᓴ ᓯᕒᐃᔭᐃᕽ ᑕᒫᐢᑲᐢ ᑳ ᐊᔮᐠ; ᐊᓂᐦᐃ ᒫᑲ ᓯᕒᐃᔭᓇ ᑭ ᐅᐟ ᐊᑐᐢᑫᔮᑲᓂᐤ ᑌᐱᐟ ᒥᓇ ᑭ ᐯᑕᒫᐠ ᒣᑭᐃᐧᓇ. ᑳ ᑎᐯᔨᐦᒋᑫᐟ ᒫᑲ ᑭ ᒥᔦᐤ ᑌᐱᑕ ᑭᑕ ᓵᑯᑖᔨᐟ ᐱᑯ ᐃᑌ ᐁ ᐃᑐᐦᑌᔨᐟ. 7ᑭ ᐅᑎᓇᒼ ᒫᑲ ᑌᐱᐟ ᐊᓂᐦᐃ ᐅᓵᐃᐧᓱᓂᔮᐃᐧ ᐸᐸᐊᑳᓇ ᑳ ᐊᔮᔨᐟ ᐅᐟ ᐊᑐᐢᑫᔮᑲᓇ ᐦᐁᑖᑎᓴᕒ, ᐁᑯᓯ ᑭ ᐯᑖᐤ ᒉᕒᐅᓴᓬᐊᒥᕽ. 8ᐱᑕ ᒫᑲ ᐅᐦᒋ ᒥᓇ ᐯᕒᐅᑕᐩ ᐅᐦᒋ, ᐅᐟ ᐅᑌᓇᐊᐧ ᐦᐁᑖᑎᓴᕒ, ᑌᐱᐟ ᑭ ᐅᐦᑎᓇᒼ ᐊᔨᐋᐧᐠ ᒥᐢᑕᐦᐃ ᐅᓵᐋᐧᐱᐢᐠ.
9ᐃᐢᐱ ᒫᑲ ᑖᐋᐩ, ᐊᓇ ᐦᐁᒫᐦᐟ ᑭᐦᒋ ᐅᑭᒫᐤ ᐱᔦᐦᑕᕽ ᑌᐱᑕ ᐁ ᑭ ᓂᐸᐦᐋᔨᐟ ᑲᐦᑭᔭᐤ ᐦᐁᑖᑎᓴᕒ ᐅᓄᑎᓂᑫᒥᔨᐊᐧ, 10ᐁᑲᐧ ᑖᐋᐩ ᑭ ᐃᓯᑎᓴᐁᐧᐤ ᐅᑯᓯᓴ ᒑᕒᐋᒪ ᑭᑕ ᓇᑕᐋᐧᐸᒫᔨᐟ ᑭᐦᒋ ᐅᑭᒫᐊᐧ ᑌᐱᑕ, ᑭᑕ ᐊᑕᒥᐢᑲᐋᐧᔨᐟ, ᒥᓇ ᑭᑕ ᒪᒥᐦᒋᒫᔨᐟ, ᒋᑫᒫ ᐁ ᑭ ᓄᑎᓈᔨᐟ ᐦᐁᑖᑎᓴᕒᐊ ᒥᓇ ᐁ ᑭ ᐸᑲᒪᐋᐧᔨᐟ ᐊᔨᐢ ᐦᐁᑖᑎᓴᕒ ᑭ ᓇᓄᑎᓀᐤ ᑖᐋᔭ. ᒑᕒᐊᒼ ᒫᑲ ᑭ ᐯᑖᐤ ᐋᐧᐱᐢᑭᓱᓂᔮᐤ ᐊᓯᐊᐧᒋᑲᓇ, ᒥᓇ ᐅᓵᐃᐧᓱᓂᔮᐤ ᐊᓯᐊᐧᒋᑲᓇ, ᒥᓇ ᐅᓵᐊᐧᐱᐢᐠ ᐊᓯᐊᐧᒋᑲᓇ; 11ᐁᐊᐧᑯᓂ ᒥᓇ ᑭᐦᒋ ᐅᑭᒫᐤ ᑌᐱᐟ ᑭ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ, ᐊᓯᒋ ᐊᓂᐦᐃ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ ᑳ ᑭ ᐸᑭᑎᓇᒪᐋᐧᐟ ᑲᐦᑭᔭᐤ ᐊᓂᐦᐃ ᐊᔨᓯᔨᓂᐊᐧ ᐅᐦᒋ ᑳ ᑭ ᓵᑯᒋᐋᐟ; 12ᓯᕒᐃᔭ ᐅᐦᒋ, ᒥᓇ ᒧᐋᑊ ᐅᐦᒋ, ᒥᓇ ᐅᐟ ᐊᐋᐧᓯᒥᓴ ᐋᒪᐣ ᐅᐦᒋ, ᒥᓇ ᐱᓬᐃᐢᑎᓇ ᐅᐦᒋ, ᒥᓇ ᐋᒪᓬᐃᐠ ᐅᐦᒋ, ᒥᓇ ᑳ ᑭ ᒪᓂᐊᐧᑖᑖᐟ ᐦᐁᑖᑎᓴᕒᐊ ᐅᑯᓯᓴ ᕒᐃᐦᐋᑊ, ᐊᓇ ᓵᐸ ᑭᐦᒋ ᐅᑭᒫᐤ. 13#ᓂᑲᒧᓇ 60ᑌᐱᐟ ᒫᑲ ᑭ ᑲᐢᑭᑕᒫᓱ ᐃᐧᔪᐃᐧᐣ ᐃᐢᐱ ᐁ ᐯ ᑭᐁᐧᐟ ᐁ ᑭ ᐸᑲᒪᐋᐧᐟ ᓯᕒᐃᔭᓇ ᓯᐃᐧᑖᑲᓂ ᐋᐧᔮᒪᑎᓈᕽ, ᑌᐸᑯᐳᓵᑊ ᐅᑎ ᑕᐦᑐ ᑭᐦᒋᒥᑖᐦᑐᒥᑕᓇᐤ ᓈᐯᐊᐧ. 14ᑭ ᐸᑭᑎᓀᐤ ᒫᑲ ᓯᒫᑲᓂᓴ ᐃᑕᒥᕽ; ᒥᓴᑳᒣ ᐃᑕᒼ ᐊᐢᑭᕽ ᑭ ᐸᑭᑎᓀᐤ ᓯᒫᑲᓂᓴ, ᐁᑯᓯ ᐊᓂᐦᐃ ᐃᑕᒪᐃᑕ ᑭ ᐅᐟ ᐊᑐᐢᑫᔮᑲᓂᐤ ᑌᐱᐟ. ᑳ ᑎᐯᔨᐦᒋᑫᐟ ᒫᑲ ᑭ ᒥᔦᐤ ᑌᐱᑕ ᑭᑕ ᓵᑯᑖᐧᔨᐟ ᐱᑯ ᐃᑌ ᐁ ᐃᑐᐦᑌᔨᐟ.
15ᑌᐱᐟ ᒫᑲ ᑭ ᑎᐯᔨᒣᐤ ᑲᐦᑭᔭᐤ ᐃᐢᕒᐁᐃᓬᐊ; ᐁᑯᓯ ᑌᐱᐟ ᑭ ᑎᐱᑐᑕᒪᐁᐧᐤ ᐅᔭᓱᐋᐧᓯᐁᐧᐃᐧᐣ ᒥᓇ ᑲᐧᔭᐢᐠ ᐅᔭᓱᐁᐧᐃᐧᐣ ᑲᐦᑭᔭᐤ ᐅᐟ ᐊᔨᓯᔨᓂᒪ. 16ᒍᐋᑊ ᒫᑲ ᐅᑯᓯᓴ ᓯᕒᔪᐋᔭ ᑭ ᑎᐯᔨᒣᐤ ᐅᓄᑎᓂᑫᐊᐧ; ᐁᑯᓯ ᒋᐦᐋᓴᐹᐟ ᐅᑯᓯᓴ ᐊᐦᐊᐃᓬᐊᐟ ᑭ ᑲᓇᐊᐧᓯᓇᐃᑲᓀᐤ; 17ᓭᑖᐠ ᒫᑲ ᐅᑯᓯᓴ ᐊᐦᐊᐃᑕᑊ, ᒥᓇ ᐊᐦᐃᒥᓬᐃᐠ ᐅᑯᓯᓴ ᐊᐹᔭᑕᕒ, ᑭ ᐊᔭᒥᐦᐁᐃᐧᔨᓂᐃᐧᐊᐧᐠ; ᒥᓇ ᓯᕒᐁᐋᔭ ᑭ ᒪᓯᓇᐦᐃᑫᐢᑕᒫᑫᐤ; 18ᐱᓈᔭ ᒫᑲ ᐅᑯᓯᓴ ᒋᐦᐋᔭᑕ ᑭ ᑎᐯᔨᒣᐤ ᑫᕒᐃᑕᐃᑕ ᒪᓇ ᐯᓬᐃᑕᐃᑕ; ᐁᑯᓯ ᑌᐱᐟ ᐅᑯᓯᓴ ᑭ ᓂᑳᓀᔨᑖᑯᓯᐊᐧᐠ ᐁ ᐅᑭᒫᐃᐧᒋᐠ.
Currently Selected:
ᓃᓵᐧᐤ ᓵᒼᔪᐃᓬ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
